2015, première édition électronique
L'École nationale des chartes met à disposition cette ressource électronique structurée, protégée par le code de la propriété intellectuelle sur les bases de données (L341-1), selon les termes de la licence Creative Commons : « Paternité - Pas d'Utilisation Commerciale - Pas de Modification ; 2.0 France ». Cette licence est disponible en ligne http://creativecommons.org/licenses/by-nc-nd/2.0/fr/ ou par courrier postal à Creative Commons, 171 Second Street, Suite 300, San Francisco, California 94105, USA.
Pas d'Utilisation Commerciale : L'École nationale des chartes souhaite encourager l'utilisation et l'amélioration de ses ressources électroniques, pour les intérêts de l'enseignement et de la recherche. Toute autorisation au-delà du champ de cette licence doit être obtenue auprès de l'École nationale des chartes.
Pas de Modification : Afin de mieux servir la communauté scientifique, l'École nationale des chartes s'engage à conserver et à toujours offrir publiquement la version la plus à jour de ses ressources électroniques par une URI pérenne. Elle s'engage à les corriger et à les améliorer, à intégrer les contributions qui lui sont soumises (après validation par un comité scientifique), et à référencer l'origine de ces contributions. Toute modification de la ressource qui ne serait pas reversée à la version de référence sous l'autorité éditoriale de l'École nationale des chartes doit faire l'objet de l'accord de celle-ci, afin de ne pas disperser les contributions et de permettre les meilleures conditions possibles de collaboration scientifique.
Paternité : l'École nationale des chartes demande à ce que toute publication dérivée de ses ressources électroniques comporte : 1) le nom de l'École nationale des chartes et, pour les publications électroniques, son logo 2) l'URI permettant d'accéder à la page citée sur notre site, ou à la page d'accueil de la ressource 3) la date du fichier source utilisé.
Tout litige soulevé par le non respect des termes de cette licence sera soumis à la juridiction des tribunaux de Paris.
L’édition numérique reproduit fidèlement la partie éditée par P.-N. Rapetti, telle qu'elle apparaît dans l'édition imprimée de 1850, couplée aux sections précédemment inédites, ici éditées par les soins de G. Pastore.
Trois manieres de testamanz sont : la premere de peril presant, la segonde de peril qui n’est pas presant, ‹...› por ce que l’en a peor de morir.
Ulpianus dit : testamanz est droite sentence de nostre volenté de ce que aucuns velt qui soit fet aprés sa mort.
Labeo [108vB] dit : il convient regarder en celui qui fest testamant non pas à la sentence do cors, mes à l’enterineté de la pensee.
Ulpianus dit : fere testamant n’est pas de privé droit mes dou commun.
Gaius dit : se nos demandon se testamant vaut, nos devons premierement enquerre se cil qui le fit avoit poer de fere testamant, et aprés se il le fit selonc les regles de droit citeen.
Gaius dit : voions en quel aage li home et les femes poent fere testamant. Et il est voirs que l’en doit atendre es homes tant que il aeent .xiiii. anz et es femes tant que eles aent .xii. Veons donc s’il convient que aucuns ait passé .xiiii. anz à ce que il puisse fere testamant, ou se ce est assez que il les oit acompliz, si comme se il fut nez es kalendres de jenvrer et il fist testamant à cez jorz meisme au chief de .xiiii. anz. Et ge di que li testamant vaut ; et encor di ge, plus que se il le fist le jor devant les kalandres aprés la siste eure de la nuit, li testamant vaut ; car il senble ja que il acompli les .xiiii. anz, si comme il plet à Marcian.
Gaius dit : cil qui est en la poesté son pere n’a pas poer de fere testamant ; mes se aucuns asordist par maladie ou par aucunne aventure puis que il a fet son testamant, por ce n’est pas li testamant quassé.
Marcus dist : se li muz ou se li sorz a enpetré vers l’enperere que il li loise à fere testamant, li testamant vaut.
Gaius dit : li testamanz que aucun fet tant comme il est en la poeté à ses amis ne vaut rien, ja soit ce que il remaingne. ¶ {1} Se la communeté de feu et d’eve est deffendue à aucun, li testamant que il fist avant ne cil que il fet aprés ne vaut rien, car li bien que il avoit quant il fut dampnz seront popliez, ou il seront lessié à ses creanciers. {2} Cil qui sont envoié en une ille en essill sont en cele meisme cause ; {3} mes cil qui sont envoié en essil, à qui la terre de Lombardie et lor contree est deffendue, retiennent lor droiture de fere testamant. {4} Et cil qui sont condampné à fer ou à bestes ou à metal perdent franchise et lor bien sont poplié ; et par ce apert il que il perdent le poer de fere testamant.
Ulpianus
Paulus dit : cil qui a perdu les mains puet fere testamant, ja soit ce que il ne le puet escrire.
Ulpianus dit : ostage ne poent fere testamant se il ne lor est otroié [109rA].
Julianus dit : li testamanz à cez qui sont mort en la poesté à
lor ennemis
Marcianus dit : cil qui sont pris de larrons poent fere testamant por ce que il sont franc. {1} Et cil qui muerent leument entre estrange gent puent fere testamant. ¶ {2} Se aucun fut dampnz de crime capital, et il apela et il morut ainz que li apiax fut examinez, le testamant vaut.
Paulus dit : se cil qui fut franchi ou testamant son seignor ne sot pas que sis sires soit mort et que sis heritages soit receuz, il ne puet fere testamant, ja soit ce que il soit frans et hors d’autrui poesté ; car cil qui n’est pas certains de son estat ne pot pas fere certoine loi en son testamant.
Ulpianus dit : cil qui dotent de lor estat et qui en sont en error ne poent pas fere testamant, si comme li enpereres Pius dist.
Ponponius dit : li fiz qui est en bau et autrui serf et cil qui
est au ventre sa mere et li sorz poent partir an testamant ;
car ja soit ce que il ne poent fere testamant, neporquant il poent
aquerre par testamant ou à aus ou à autres, si comme Marciaux dit. ¶
{1} Li forsenez puent partir en testamant, ja soit ce que il que il
ne puet fere testamant
Calistratus dit : cil qui chiest en frenesie par maladie ne pot pas fere testamanz en cel tens. ¶
Ulpianus dit : cil à qui ses choses sont defendues par la loi ne
pot pas fere testamant ; et s’il le fet, il ne vaut rien. Mes
cil que il fist devant, ce vaudra ; il ne porra pas estre
apelez à estre tesmoing do testamant ‹desque il ne puet fere
testament›
Modestinus dit : se li fiz ‹qui› est
Ulpianus dit : cil qui est fez heirs ou testamant ne pot pas
estre tesmoinz en cet testamant. Mes il est autrement en celi à qui
un lés est fez et en celui qui est fez heirs en un pou de chose por
soi ; car cist poent bien estre tesmoing se autre chose ne lor
tost, si comme se il sont dedanz aage de .xiiii. anz ou en la poesté
à celui qui fist le testamant. {1} La parole de « poesté »
ne doit pas estre raportee à ses enfanz tant solement mes à celui
que aucuns a racheté de ses ennemis, ja soit ce que il n’est pas
sers, ainz est obligiez tant que il rende le pris. {2} Encontre ce,
puet l’en demander se li peres à celui qui puet fere testamant do
chetel que il a conquis par chevalerie pot estre tesmoinz en son
testamant ? Et Marciaux escrit que oïl bien ; donc en pot
ses freres estre tesmoinz. {3} Ce que nos avons dit de cez qui sont
en bau, qui ne poent porter tesmoin en testamant, doit estre
entenduz en toz tesmoinz de cez par qui aucunne chose est aquise.
{4} Forsenez ne puet
Cil meismes dist : li heir deivent estre nomé en apert si que
l’en le
Cil meismes dit : je et mis peres et plusors autres qui sont en
une meisme poeté poons estre conté ou numbré des tesmoinz qui sont
apelé au testamant. {1} Nos devon regarder la condicion des tesmoinz
quant il seelent et non mie quant cil muert qui fet le testamant. Se
il estoient ‹donc receu›
Se li testamanz
Lorentius dit : aucuns puet seler .i. testamant de plusors essemples ; et aucunne foiz est ce necessere chose, si comme quant aucuns velt aler hors do païs et il velt porter o lui son testamant et lessier le en sa meson.
Jabolinus dit : se cil qui fesoit son testamant nomma ses
premiers heirs et il mori ancois que il nommast les segonz, l’en ne
doit pas dire que il ait fet son testamant mes que il l’a
commoincié ; cil qui furent nommé ne seront donc pas
hoir
Gaius dit : quant il commande par la loi que aucuns ne ait pas poer de fere testamant, ce est à dire que sis tesmoinz ne soit [110rA] pas receuz et, si comme aucun quident, que nus ne port tesmoin.
Celsus dit : Labeo mande saluz à cez. Je te demande se cil doit estre contez ou numbre des tesmoinz qui fut amenez à escrire le testamant et puis le seela quant il l’ot escrit. Celsus mande saluz à Labeo. Ou ge n’entant pas que cil est de qui tu demandes, ou ta demande est fole, car ce est folie de doter se aucuns doit melz estre tesmoinz que cil qui escrit les tables do testamant.
Modestinus dit : il n’est pas devee que autrui serf ne puisse escrire testamant par le commandemant à celui qui le fet.
Paulus dit : por l’escriture qui estoit appareilliez à fere testamant, ne puent pas lés etre demandé se li testamanz ne fut parfez.
Cil meisme dit : il convient que chescuns des tesmoinz qui sont apelez à fere testamant escrire en son propre cyrografe que li testamanz est que il a seelé.
Cil meisme dit : li bien à celui qui se vanta que il feroit de l’enpereor son heir no doivent pas por ce estre pris en la main l’enpereor.
Paulus dit : se li heirs n’est nomz apertement et li lés sont lessié en tables, Juliens dit que l’en n’entent pas que ce soit tables de testamant en quoi li heirs n’est pas nomez ; et je croi melz que ce soient lés que testamenz.
Ulpians dit : lés et choses
Cil meismes dit : l’en doit savoir que cil seul deivent savoir que cil seul poent lessier chose enjointe qui ont poer de fere testamant.
Cil meismes dit : se cil qui fet testamant dit issi : quiconques sera mis heirs, ou se il reçoit mon heritage, cez paroles ne sont pas que l’en puisse dire que li lés soit lessiez soz condicion.
Cil meismes dit : se aucuns lesse un champ et il est deceuz ou
non, cil que il vot nomer est deuz ; mes s’il fut deceuz ou
cors do champ, cil qu’i mostra ou numma est deuz
Quant li chois des sers est lessiez à aucun, il ne pot choisir que une foiz. {2} Quant aucuns lesse le champ qui est communs à lui et autre et il ne fet nule mencion de sa partie, ainz nomme son champ tot simplement, il est certaine chose que sa partie est lessie sanz plus.
Paulus dit : li sires puet refuserdemander refuser dans le ms.
Ponponius dit : se une meisme chose est lessee à moi et à toi,
et quant li jorz de paier le lés est venuz, se je sui ton heir,
Labeo dit que je le puis demander, ou por ce que il li fut lessiez,
ou por ce que ge sui ton heir. Et se je le demande por mon lés,
Proculus dit que ge ne le puis pas demander aprés por heritage. ¶
{1} Se aucuns fist son testamant à Rome, quant il se moroit, il
commanda dedanz les trois jorz que il fu morz que si hers rendist
les sers que Seye avoit, li lés est fait
Ponponius dit : se une chose est lessee à .ii. ensenble, ja soit ce que li uns est morz, li autres n’en avra que sa seule partie ; et ge croi que c’est voirs. {1} Se il est commandé que li heirs et uns autres qui n’est pas heirs doingent un lés, li heirs le doit tot paier ; car s’il fussent enbedui heir, et li uns ne receust pas l’eritage, cil qui le reçust deust tot le lés se [110vA] la partie à l’autre venist à lui. ¶ {2} Se une chose est lessie à Tice et à l’enfant qui est encor à nestre, se li enfes ne nest, Tices avra tot le lés. Et se cil qui fist le testamant velt que Tyces et li enfes qui estoit encore à nestre eussent li un autretant comme li autre, toz li lés est deuz à Tyce se li enfes ne nest.
Ulpianus dit : quant uns lés est lessiez à plusors, se les parties ne sont devisees es lés, li uns en a autretant comme li autres.
Ponponius dist : se cil qui avoit .ii. sers en lessa .i. si que l’en n’entent pas li quex ce fu, li chois est à celui à qui il est lessiez.
Ulpianus dit : quant uns fox de betes est lessiez et aucunnes betes en sont mortes au vivent à celui qui fist le testamant, et autres sont mises en lor leu, il senble que ce soit cil meismes fox. Et s’il estoit si amenuissiez que il n’i eust remés que une beste, s’il la porroit chalengier, cil à qui li foux fu lessié, ja soit ce que ce ne seroit pas fous ; autresi comme se la meson qui estoit lessie estoit arsse, la place porroit estre chalengee.
Cil meismes dit : quant uns fous est lessiez, li acroissement apartient à celui à qui il est lessiez.
Paulus dit : se aucuns lesse une partie de ses biens si comme ele est orendroit, ele est rendue sanz les fruiz se li heirs a trop demoré à rendre la.
Paulus dit : se il est commandé à le her que il doint autrui serf et li sires à celui serf le franchist, nule chose n’est deue par ce lés.
Ulpianus dit : quant un serf est lessiez simplement sanz nomer,
l’en le doit garder que ce ne soit ne li meaudres ne li pires. Et
ceste sentence est confermee par les letres as enpereors Sevoirs et
Antonins, cil
Cil meismes dit : se autrui chose est lessee à celui qui ne le pot acheter ou qui n’a pas droiture de porsoir la, je croi que il en doit avoir le pris.
Ponponius dit : li vilain lés qui sont establi por fere à celui vilenie, à qui il furent lessié, sont autresi comme se il ne fussent pas escrit. {1} Se uns lés fut lessiez à Tyce par tel convenient [110vB] que il se mariast à Sey, et Sei mort tant comme cil vit qui fist le testamant, et ele se marie, li leis est deuz avant.
Paulus dist : se une serve est lessie o ses enfanz, se il n’i a que la serve, ele doit estre rendue ; et s’il n’i a que les enfanz, il doivent estre renduz.
Paulus dist : uns chans fut lessiez à deus ensenble, li uns d’aus ot le pris de sa partie par personel aucion ; se li autres le demande tot, il sera mis arriere par excepcion de tricherie, car li morz volt que li lés venist une sole foiz à euls.
Cil meismes dit : un lés fu issi fez : mis heirs doit à Cornelill ce que Tices me doit ; li heirs ne doit doner par ce lés rien plus que ses aucions.
Marciax dit : se aucuns lesse à Tyce o Meue, li uns est receuz à l’eritage sanz l’autre ; car quant li prevoz dit : « je commant que li ventres o les enfanz soit en possesion », ja soit ce que il n’i oit nus enfanz, li ventres sera mis en possession.
Julianus dit : se il commande que li heirs ait .c. livres et que il rende l’eritage et li patrons au mort demande la possession des biens contre les tables, autresi comme li lés sont emenuissé sera amenuissee la some que li heirs doit avoir por sa partie que li patrons a de l’eritage.
L'en dit ci que home qui n'est d'aage de quinze anz, et feme à douze anz,
ne puet fere testament, tot soit-il sanz père et sanz mère. Et s'il a
quinze anz et plus, il puet fere testament. Home et feme qui n'est an
son droit, ne puet fere testament
Home ou feme puet doner en testament le quint de son heritage, et toz ses mobles, et toz ses conquez, et plus non, ait enfanz ou n'ait enfanz. D'achest l'en puet testamenter. Lo quint de totes choses puent estre aumônées, fors baronies, qui ne puent estre desmembrées ; et sor cez baronies puet l'en lessier pécune à rendre, la value dou quint ou testament.
Enprès l'en dit que nus ne doit fere testament de la chose, s'il n'en est
droiz herz. Home qui muert sodiuement, et n'a poer de deviser
Qui ne fet testament, et fere le puet, est semblant qu'il voille miauz que si heirs ait sa chose que li testamenz ; et l'en doit mout la volenté au mort acomplir.
Feme qui a seignor, et home qui a feme, et hont enfanz, ne puent doner que le quint de lor héritage, et le tierz de lor mobles ; et le tierz est as enfanz, des mobles, et des conquez ausint.
Johan, contes de Blois, dit que li testamenz la contesse de Chartres, sa cosine, n'ere pas à droit fez, qui avoit doné à la fille son mari, le contes de Sessons, lou quint de son héritage, et toz ses mobles, et toz ses conquez. Et de ce oïrent droit en l'ostel le roi Loïs, à Meleun, à la septembreche, en l'an mil et deux cent et cinquante-cinq : et fut dit par droit, que li testamenz ere fez à droit.
Testamenz n'est pas pris sor doere, mès tot sor la partie á l'oir.
Gaius dit : li prevoz promet que il donra à toz cez qui vodront veoir et contre escrire les tables dou testamant poïr de voir les et contrescrire. Et il est aperte chose qu’i l’otroie à celui qui l’en demande, ou en son non et en l’autrui. {1} La reson de ce bannissement est tote aperte ; car la verité des plez qui nesset de testamanz ne porront pas estre legierement seue se l’en ne voit et savoit les paroles do testamant. ¶{2} Se aucuns renie son seel, por ce ne lesse l’en pas à ovrir les tables, mes eles sont sospeceusses.
Ulpianus dit : l’escriture do testamant n’apartient pas à l’oir tant solement mes à toz cez qui en doivent avoir aucunne chose, car communs estremanz. ¶ {1} L’en apele propremant testamant celui qui est fez por droit ; neporquant, nos apelons testamant cez qui seront runt, ou faus, ou vain ; et cez maisme, qui ne sont pas perfez, solons nos apeler testamanz. {2} Tout ce qui est fet por testamant, en quel maniere que il soit escrit, et qui contient derreniere volenté, apartient à cause de testamant ; et les principax tables et les segondes sont contenues ou banissement. ¶ {3} Se il i a plusors testamanz que aucuns velt que il soient porté avant, l’en li doit tot motrer. ¶ {4} Se l’en dote que cil soit morz ou vis de qui aucun demande que ce qui apartient à la cause de son testamant soit aporté avant et contre escrit, ¶ l’en doit dire que li prevolz en doit juiger quant il avra queneue la cause. Et se il a droites enseignes que il vive, il ne doit pas otroier que les tables soent veües, ne leues, ne seelees. ¶ {5} La veüe des ta[111rB]bles enporte que l’escriture soit leue. {6} Li prevoz ne soffre pas que li jorz en que les tables furent escrites ne li conseiller qui lors estoient soient veü ne contre escrit, que aucunne fauseté n’i soit fete, car la veüe pot doner matere de fere fauseté. {7} L’en demande donc se il le fet maintenant monstrer et contrescrire ou s’il doit doner terme. Et il est melz que termes soit donz selonc ce que li leu sont lonteing ou prochien. {8} Se aucuns ne renie pas que il n’oit les tables do testamant, mes il ne lor soffre pas que eles soent veües ne contrescrites, il doit estre contrainz de monstrer les ; et s’il nie que il ne les a pas, il doit estre envoiez à l’enterdit d’aporter avant les tables do testamant.
Gaius dit : li heirs puet chalongier les tables do testamant autresi comme les autres choses de l’eritage, et puet pledier por les fere venir avant.
Ulpianus dit : quant les tables do testemant devent estre overtes premierement, li offices ou prevost est que il face les seleors asenbler ensenble et quenoistre lor seal.
Paulus dit : ou renoier les, quar c’est li communs preuz que les derrenieres volentez as homes soent menees à effaut.
Ulpianus : mes se la greignor partie des seeleors est assenblee, li testamanz porra estre saelez et recitez par devant aus.
Gaius dit : mes se aucuns des seleors estoit hors dou païs, les tables do testamant li doivent estre envoies par reconoistre son seel ; car ce seroit grief chose de rapeler les par conoistre les, car il n’est pas droiz que aucuns ait domage en son office. Ne l’en ne fet pas force se li uns est hors do païs ou tuit. Et se tuit se deffallent por aventure et aucunne cause contraint de ovrir le testamant, li prevoz doit fere que il soit overz par devant home de tres bone renomee, et que il seelent quant il sera overz, et il soit envoiez la où li seleor seront, si que il reconoissent lor seaus.
Ulpianus dit : ja soit ce que il n’est pas escrit que les tables do testamant à l’orfelin ne soient pas overtes ; neporquant, se cil qui fist le testamant les lessa seelees par deors, li prevoz ne soffrera pas que eles soient overtes devant que la cause soit coneue.
Paulus dit : se feme est en possession ou non de ventre, les tables doivent estre overtes, si que l’en sache à qui li procuremenz est commandez. [111vA]
Ulpianus dit : se testamanz est escriz par dues essemplaires, se li quex que soit est overz, les tables sont overtes. {1} Se les tables sont overtes par leur nature, l’en ne dote pas que li testemanz ne soit overz ; ne l’en ne demande pas qui les a overtes. {2} Se les tables ne sont pas aparoissent ou eles sont arses, il convient secorre à cez à qui li lés sont lessié ; autresi comme quant eles sont seelees ou repotes.
Gaius dit : autresi comme l’en entant que li lés sont partie do testamant, senble il que les segondes tables soent parties des premeres.
Ulpianus dit : se aucuns a fet testamant quant li essampleres en est overz, li testamanz n’est pas encore overz ; mes se l’escriture autentique est overte, toz li testamanz est overz.
Tuit li enfant giuqu'au tiers nevoz sont apelez fiz, et li autre sont
apelé décadant. De travers sont paranz, si comme li frères et la serors,
et lor enfanz, et la serors, et li oncles, et les tentes, de par père et
de par mère. Et tote la foiz que l'en demende en quel degré chascune
persone est, l'en doit commencier à conter à celi de qui lignage l'en
enquiert ; et cil qui est au plus prochein degré de lui, est li
segonz ; et issi croit li numbres à chascun qui i vient. Autresi
doit l'en fere à degrez (
Numbre donc les persones qui sont en chescun degré
Ou segont degré a deus (
Il pot avenir en ces qui sont de dos pères et de dos mères, que cil qui
est frère mon frère ne m'apartient pas, et cil qui est mon frère ne li
apartient rien
Ou tierz degré sont contenues trente-deux persones par degrez, qui sont
entendues par quatre manières. Car li dur père à ma dues eiaus et
(
Se li frère prant feme, et la sor se marie, et chascun a enfanz, li
enfant á la sor apéleront lor frère lor oncle, et cil au frère apèleront
la sor ente
Li frères ma mère est mon oncle, autresi comme li frères mon père.
Se ge prant ta fille et tu la moie, li enfant masle qui nestront de noz,
seront oncle li un à l'autre ; et la femeles seront ausi l'une à
l'autre ; et por cele meisme reson seront li mâle oncle au
femeles, et les femeles ausi au mâles
La sor mon père est ma tante, et la sor ma mère. L'en doit savoir que li
fill el les filles au frère et a la seror n'ont pas espéciau non de
Li enfant au nevoz ou à la nièce sont entendu en quatre manières :
car il descent nevo de nevo de par le fil, ou de nevo de par la filie,
ou de la mère (
Ou quart degré sont contenues quatre-vingts persones. Li beseaus mon père
qui est entenduz en huit manières : car il puet estre de par mon
père ou de par ma mère ; et si comme nos avons dit, totes les
parties devent estre entendues en deus manières ; et autresi la
beseole mon père. Et autresi sont dobles totes les persones pardevers
lui
Li frères mon eau est mon grant oncle, et cil nous est entenduz en quatre
manières : car il puet estre frères à l'eol de par le père, ou à
celi de par la mère. Cil qui est mon grant oncle est oncles mon père ou
a ma mère. Ma grant ante est la suer mon eau ou m'aole ; et autresi
estele entendue en deus manières, si comme nos avon devant dit ; et
por ce il sont entendues quatre persones. Et autresi cele qui est ante
mon père ou ma mère
Ma grant ante est la sor mon eol ou ma eole ; et autresi est-ele
entendue en deus manières, si comme nos avon dit ; et por ce i sont
entendues quatre persones. Et autresi cele qui est ante mon père ou ma
mère, pardevers sa mère, est ma grant ante. Li frère me eole est mon
grant oncle, et contient quatre persones ; et cil est mon grant
oncle qui est oncles mon père ou à ma mère, pardevers son père, ou
pardevers sa mère
La sor ma eole est ma grant tante, et contient quatre persones par la
reson que nos avons mostré devant. Et cele qui est tante mon père ou ma
mère, pardevers la soe mère, est ma grant tante
En ce meisme degré sont cil qui sont apelé cosin germain et coisines
germaines : ce sont cil qui nessent de deus frères et de deus
serors, ou de frère ou de sor. Et chascun de cez puet estre entendu en
deus manières, selon ce que nos avons devant dit ; car lignages
puet venir ou
Et se la seror et li nevoz et la nièce sont entendu chescun en deus
menières, si contendront-eles (
Ou quint degré sont contenues xxxiii (xxvi
(vi
(
L'en ne pot venir à celi de qui l'en enquiert, fors par totes ces persones de qui il nez ; et généraument de totes les persones que il convient conter, chescune doit estre contée par quatre, selonc ce que nos avons devant conté, comment que ce soit, ou en montant, ou en avalant, ou en travers. Ou por ce que li racontemanz de toz cez seroit foux et enuios, de ci en avant, si nos en passons briemant otre ; car par cez que nos avons nomez puet l'en voer légièrement comment l'en doit conter en cez degrez, et as autres qui vienent après.
Ou sixte (iiiie [xl] et viii persones (xxxii persones, que il convient totes
dobler, selonc ce que nos avon dit devant as autres degrez, si que l'en
aist lx. iiii
Ou vii degré sunt contenues M et xxiii persones. En ce degré sont li pères et la mère au quart
eol et à la quarte eole, qui contient c et xxviii persones ; et chascune de cez personnes a
père et mère. Totes les autres persones qui sunt en ce degrié, ou en
montant, ou en avalant, ou de travers, devent estre contées dobles,
selonc le générau enseignement que nos avons devant mis. Et por ce que
il a grant ennui et pou de profist en conter chacune persone par son
nom, nos en pason ostre briemant
Adam
Le premer degré en montent sont li pères et les mères ; en avalant,
li fiz et les filles. Au segont degré, en montent, sunt li eol et les
eoles ; en avalent, li nevoz et les nièces ; de travers, li
frères et les sors. Au tierz degré, en montant, sont li beseol et les
beseoles ; en avalant, li enfant au nevoz et à la nièce ; de
travers, li enfant au frère et à la seror, et li oncles et les tantes
pardevers le père et pardevers la mère
Ou quart degré, en montant, et en avalant, et de travers, sunt li enfant a cez qui sunt do tierz degré ; à icest meisme degré de travers sont li frères et la sor à l'eol et au beseol, et li coisin germain, ce sont cil qui nessent des deus frères et des deus serors.
Ou quint degré, en montant, et en avalant, et de travers, sont li
Ou siste degré, en montant, et en avalant, et de travers, sont li enfant a cez qui sont dou quint.
Ou vii, sont li enfant à cez qui sont au siste. Por ce
que nos avons devant dit, puet l'en assez savoir quez persones il i a
après ; et no devons savoir que totes cez persones sont
dobles ; car quant nos disons li aol et li beseol, nos entendons de
ce qui sont pardevers père, ou pardevers mère ; car quant nos dison
nevoz et nèices, nos entendon cez qui viennent des fiz, et cez qui
vienent des filles
Adam
Li bastart n'ont rien en l'éritage, se ce n'est ausint comme estranges, et li affins ausint.
Nos vos avons ci mostrez des degrez de lignage ; or vos mostreron comment avenue doit aler, et à qui, et eschéeste.
Avenue de fiez si vient do père au fiz ; et puis au nevoz, et au
seus (
Or parlerons des fiez premièrement, et enprès de vilenages.
Adam dit : Escheete qui vient de père au fiz, c'est li premiers, et
est li plus près à avoir le que nus de la lignie. Et enprès li fiz do
fiz,
En montent, vet do fiz au père. L'escheete do fiz doit venir au père, se
li fiz n'a enfanz ; et do fiz à l'eol et au beseol, et issint en
conségance, giuque au sept beseaul ; et en ce n'a point de rachat.
L'escheete do frère qui n'a enfanz, ne père, vient au frères des fiz, et
non à la sor ; et s'il n'i a frère, au nevo, et au soz-nevo, et en
consiguance jusque à vii degrez, si n'i a plus
près.
Adam dit : L'en doit savoir que héritage et garde vient par droiture
de lignage au plus prochein, pardevers père ou pardevers mère, à cele
partie don la chose mot ; et li baillis li done la possession des
biens
Nos apelons coisins toz cez que la loi apèle parenz de par père ou de par
mère. Et tuit cil rachètent de escheete, et de ball. Droiture de lignage
apartient as hers. Nessence de lignée vient par femes ; et cil sont
frère qui sont nez de une mère, et non pas de un père
Li héritages do père que l'en porte ou premier mariage, li enfant de celui mariage ont la moistié, por le doere lor mère ; et cil do segont mariage, le quart de tot, por le doere lor mère ; et cil do tierz mariage ont le demi-quart de tot, por le doere lor mère ; et issint est en siuant. Et ce qui remaint, si est départiz iuéement en toz, sauf l'énéence. Ne en la terre au père ne pot avoir que une énéence, ne en la terre à la mère.
De bau de fiz au père n'a point de rachat, ne de nevo à eol, et issint en siuent, en amontant.
Là ou il a garentie n'a point de rachat.
Quant feme a doere au fié, et li hers ne velt racheter, ne garentir le
doere, la dame prendra do seignors ; e li sires aplètera
Quant frère et sor partissent, et li frères ne retient riens do fié, il ne garentira pas, ens prandra la sor dou seignor ; et se prant seignor, il rachètera.
An siure son fié n'a point de rachat.
Quant aucuns rachète aucune chose, si doit nomer quel chose il rachète ; et s'il ne rachète tot, li remenanz remaint encore à racheter ; car li nomemenz de la chose n'apartient pas au seignor. Et ce qui n'est nomé, li sires a les issues, se quarante jorz sont passé.
Nus n'entre en foi de chose donée à vie, quant la propriété ne li est otroïe, s'il ne plest au seignor.
Adam dit : Frères sont en segont degré d'omme. Quant aucun mort sanz heir, son patremoine vient au frères, et au sors non ; et doivent racheter, car la chose vient de costé ; et aussint quant la chose vient d'oncle à nièce, ou de nièce à oncle, ou de tante à nevo, ou de nevo à tente ; et ausi de coisin à coisin ou à coissine ; et issint est en ensiuant.
Adam dit : Frères ne rachète mie dou bau de ses frères. Li ainz-nez
des frères, s'il est lai
Adam dit : Frère ne rachate mie de la garde de ses frères ; ne sor, s'ele est sanz mari ; mès li mariz rachète le bau de la garde l'éritage de la feme ; non s'il i a heir de terre qui garentisse.
Un home ou une femesi mort, et a enfanz de segont mariage, et nevoz dou premier. Li nevoz demende l'eschoes dou premier mariage à la mère, et li enfant dou segont la demendent. Et l'en dit que li plus près prant ce an fié.
Quant garentie faut, l'en doit prandre celui qui fet la garentie à homage.
Oncles rachate le bau de ses nevoz, et des coisins l'un vers l'autre, et issi en coissinance.
Coisin germain rachate, et coisin do quint, et do six et do sept
Bau si ne dure que au tens jusques li heirs ait vingt anz et plus ; et quant il a passé tot le âge, et il ne prant de li, li sires pot assener à la chose por défaut de vavassor.
Père ne mère ne rachate pas do bau de ses fiz, ne ne puet l'en aler encontre, tant comme il vodra demorer ou bau son père ou sa mère.
Ennéence ne porte force en eschéete qui vient de costé, qui n'i soent iuel masle ; et femele n'i a riens, tant comme il eist masle. Et si li ennez mort ainz que il ait terre que li soit avenue, li einnez après aura l'ennéence. Entre femeles n'a point de ennéence.
En eschéeste de costé n'a point de ennéence ; tuit sont iuel. Et se l'ennéence est partie as autres, l'ennéence est morte quant as autres, et seront iuel et en eschéete et ou remanent.
Des baronies et des contéez vet autrement ; car la sole baronie
Adam dit : Quanquez père et mère fet de ses choses resonablement au marier ses enfanz, est estable.
Se uns prodomes a trois fiz et deus filles, li einznez garantira, et n'i aura point de rachat, nais por les filles, se eles sont mariées, por ce qu'il i a heir de la terre. Et s'il n'i a se filles non, l'enné ne garentira pas do rachast.
Garentie vet juique à coisin remué de germain, et non plus.
L'en ne rachate pas de chenge but à but, mès s'il i a tornes, de tant i a
los. L'en ne rachète pas de père. Ausint se aucuns demende une chose, et
cil qui la tient por la pez en done un pou d'argent, ci n'a ne los ne
rachat. Le
L'en ne rachète pas de restablissement. Se aucun dit en sun testament que sa chose soit donée por Dé, l'en ne rachète mie. Mès quant ele est livrée à celui qui ele est, et à qui ele doit estre en patremoine, s'il n'i a rachast. L'en ne rachaste mie de chose engagée. Home ne feme ne rachète mie do bau de ses enfanz. L'en ne rachète pas doere. L'en ne rachète pas de département. L'en ne rachète mie de partie.
Ne de mu, ne de sort, ne de desvé, ne de fo despendeor n'est pas rachastez, por quant s'il ont garde ; mès se l'en lor det le rachat, il le poent recevoir et demender.
Rachast si est tant comme la terre vaut de rente un an, et non plus. Home
rachète, et feme, se li uns done à l'autre héritage. Ou
Quant aucuns ne velt racheter et se marie, la chose remaint au seignor. Li sires ne pot prendre sor les rères-vavasors plus que li vavasors n'i prant.
Home rachète de l'eschaeste sa feme, et feme, enprès la mort son mari, rachète l'eschéete qui li est avenue ou tens do mariage.
L'en ne racheste pas de nul, se il n'est sires doù leu, et tel qui puisse
recevoir homenage ; si comme l'en dit de régale et de ce cas
semblable. Mès la sentence Goufroi de la
Chapele est la plus veraie,
Dui frère d'un père et d'une mère sont ; lor père est morz et lor
mère, et sont en aage. Li einznez prant sa terre do seignor, et li
meinnez non. En ce il partissent, et avient tote la terre à la mère au
meinné. Li sires done
Dui frère sont trové occis devant la meson à un borgois. Li borgois en fut empeechiez, et conut pardevant la jostice, qu'il les avoit ocis, comme cez qui estoient venuz en sa meson de nuizentre, et peceèrent sa meson, et le vodrent occerre. Et bien estoient aparessent as plèes que il avoit, et à sa meson qui estoit pecaée. Et qui vodroit dire encontre que ce ne fût vers, il est apareilliez do motrer et de l'avérer. Li prodom remet en pez. Li hériter vindrent avant, et demendèrent l'éritage au mort. La jostice le volt avoir. L'en demende qu'en dit droiz. Et l'en respont que li prochein devent avoir la chose, comme l'en ne pot pas bien savoir la manière de la mort, ne li morz ne se puet deffendre.
Uns hom si a sa terre qui mot de fié, et muert sanz enfanz de sa feme
esposée. Sa terre doit eschéer au plus près, ausint comme de vilenage,
fors en ce, s'il i a eu
Enprès nos dison que ennéence ne porte force en eschéeste qui vient de costé.
Ci enprès nos disons que de eschéeste qui vient de père au fiz, ou de mère, si ne sont que dui, li einznez a l'ennée, et emportera les deus parz ; et s'il sont plus de deus, li einznez aura la moistié. Et en quanquez manière que li einznez emporte l'ennéece, il a tozjorz le meillor herbargage à son chois, et un arpant de porpris.
Et s'il i a enfanz de deus femes, ou de trois, en ce qui sera commun
Or demende l'en se il n'i a masles, se filles non, il n'i a point d'ennéence ; ainz doivent partir iuéement. De baronie vet autrement, et de contez : car baronie et contez est départie iuéement à filles, et si sanz desmembrement la baronie. Et s'il i a fiz, il a tot, et fet avenant mariage as autres. Et s'il i a plusheirs contez et plusors baronies, li meinnez et les filles auront chescun la soe, se costume no tot.
Quanquez père et mère fet est estable. Se uns des trois frères mort, qui ont lor terre commune, et ont un frère qui a parti à aus, il prendra en l'eschéeste.
Tot ce que home ou feme labore ou fet laborer do sien, sont contez por
mobles, toz seest
Se aucuns a eu l'ennéence de la terre son père, et la mère remet seisie de son héritage enprès la mort son seignor, et li einznez fiz mort, li einznez fiz, qui vindra après, aura l'ennéance de la terre à la mère.
Quant li pères et la mère marient lor enfanz, tot i eit-il ainzné a ce,
forz de la chose do
Se feme a enfanz de deus seignors, femeles do premer et masles do segont,
les femeles enporteront l'éritage à la mère ; car totes les choses
que la mère ot ou premier mariage sont au pres
Fiez ne pot esmortir sanz l'autroi de deus seignors, et plus le ne set.
Uns gentis hom n'a ne père ne mère ; li baus de lui vient à un
chevalier, qui a rachaté. En ce uns siens vavasors muert, qui tient de
lui, et est sis coisins, et li eschiet la terre. L'en demende se cil qui
a le baill rachètera ? Et l'en dit que oïl,
Une feme si a deus seignors, et ot terre que li pères li dona au premier mari, et en ot enfanz, et ot enfanz do segont mari. Au vivent au segont mari, terre li eschoit de son frère, et avenue de son père : l'en demende quele partie li premier enfant et li segont prendront as choses de par la mère ? Et l'en dit que li premier prendront le premier mariage, et li segont auront les eschéetes ; et les venues seront au premiers et au derreniers, sauf l'ennence. C'est à la costume de Orliens. A la costume de l'Ostel le roi, de eschéeste et d'avenue sont tuit li enfant iue, sauf l'ennéence ; et raportent li premier enfant lor première partie en commun, s'il volent prendre.
Nos dison que li enfant do premier mariage ne sont pas heirs des detes ; mès li enfant do segont mariage, et do tierz, chascun de son mariage paeront les detes ; et ont les mobles et les conquez. Et s'il n'i a ne mobles ne conquez, chescun paera segont que il aura de l'éritage, li premier, et li segont, et li tierz.
Se aucuns a eu
Nus ne doit prendre à home home, tant comme cil vive qui est en sa foi, se n'est par son gré, ou se juigement ne l'i met.
L'en doit prendre à feme feme : car ele pot fere par autrui ce qu'ele ne pot fere de soi. L'en doit prendre home por la reson do baill, s'il est li plus près de non aagé.
Si home est morz, sires pot bien asener as fruiz pandanz et à la terre dedans les quarante jorz ; mès por ce n'est pas sien se il prant, quant l'en fet ver li ce que l'en doit dedanz quarante jorz.
Servir si est servir son seignor por la terre que l'en tient de lui, en
queconz manière terre mue seignor, ou de la partie à celi qui tient le
demoine, ou de la partie à celui qui est sires. Servise est deuz quant
l'en le vient lever, c'est à savoir un rocin de servise de soixante
sols. Et se aucun tient partie de fié, et soit en homenage, il n'en
rendra que partie des soixante sols, c'est à savoir, de la moistié la
moistié, et do quart le quart. Et tant comme les dui persones vivent,
cil
Feme, s'ele est. veve, ne sert pas, se sis mariz a servi.
Après un autre servise est, que doivent senez, c'est à savoir servise d'ot ; et chascun le doit si comme costume est. Et cest servise doivent totes genz, ne nus ne s'en pot deffendre. Et est deuz en plusors manières ; li uns les doit sels, li uns les doit soi et autre ; li autres les doit soi quinz ; li autres les doit soi dizèmes. Et ce servise est deuz segont la costume de la région, et est acostumé par nombre d'anz, et nus n'en est frans por la reson do commun profit.
Nus fiez liges ne doit servise.
Nus ne sert feme quant sis mariz est morz, quant l'en a servi son
seignor. Ne feme ne sert pas se ele est veve, se sis mariz a servi, se
li sires de qui ele tient
Feme n'est d'aage por servise devant que ait quinze anz, et home devant qu'il ait vingt anz et plus.
Se aucuns seignors demende à son home, que il ait doné terme à son home de son servise plus que la nuiz, par quoi la chose soit chesle en dete ; se li hons conoist la fin, et le servise, et le terme, et il dit qu'il l'a paie, par soi et par garanz ; et s'il nie le terme ; et il dit que il ait rendu au seignor : il n'i a que son serement.
Uns hom doit un rocin de servise por terre que il tient, que il a de fei. L'en li demende le rocin. Si demende l'en comment il seret renduz, et quant ? Et l'en dit que il a trois pares de nuiz del paier : la première nuiz, il doit venir et amener le roncin ; se il est refusez, il doit ausi fere la première, la segonde nuit, et la tierce ; et se il ne le parfet à la tierce resonablement, il chiet en l'amende de soixante sols, et rant le roncin.
Tes est li roncins de servise : garni de sele, et de frain, et de chavaistre, et d'esperons, et que tot valle soixante sols.
L'en dit ci que se aucuns a cens, et il le donge à son fiz, l'en reliève selonc la costume do païs. L'en ne doit pas relever se li fiz le li done, ou le change, ou le vent à autre, et il le retrest, il n'i a nules relevesons. Ce fut establi par mout grant léauté, por ce que pères et fiz ne feissent entr'aus mauvese convenance por grever cez qui trove d'os. En queconques manière que il veigne de père au fiz arrières, ou do fiz au père, tot l'eschéeste à strangées et leuvat de un d'aus, l'en en doit relever par deus resons ; que il n'eent profit en lor malice, et que il n'eent acheson de tricherie fere.
De fiez que en dites-vos ? Se l'en en ovre en la manière que vos avez oïe deviser, nos dison autel.
L'en ne relève pas feme veve de son héritage, quant sis sires est morz, ne de l'éritage son seignor.
L'en doit jurer forterece, là où ele a forme de chastiau, tot soit-il segonz sires, ou tierz, ou quarz.
Qui jure forterece, si jure qu'il la baudra à son seignor totes les foiz qu'il la vodra avoir por son besoing. Et l'en li doit baller totes les foiz qu'il l'en requiert, ne n'est pas tenuz li sires à mostrer son besoing à son home ou à son juré. Bien si gart que il n'i mesprigne, et bien apert il ne la pot tenir que quarante jorz, et la puet tenir tant comme besoing li durra.
Sires doit avoir forterece si comme ele est, et ausi la doit rendre.
Quant home vant terre de fié, li sires do fié ara le serement qu'ele est vandue, dou vendeor, avant qu'il reçoive l'acheteor à home. Et se li sires reçoit ad seisine, il n ara plus son serement.
Autres servises sunt : li un sunt de par la reson des terres, li autre par la reson des mesons, et li autre par la reson de cors qui sont sor les terres.
Cil qui sont deu par la reson des terres sont cens, obliez, gelines, corvées, et plusors autres choses, qui plus doivent par la reson des terres que par autres.
Ce qui est rendu par la reson des mesons sont cens, et plusors autres, et ne toche que à mesons.
Ce qui est rendu par la reson do cors plus que par autre, si est talles
d'ot, et tuales de pen et de vin, et achaugètes, et il te devence
Uns bons si doit paage en une vile : li prévoz l'areste, et dit
qu'il n'a pas paié son paage. Cil respont qu'il l'a rendu là où il doit,
et
Et se la costume est granz qu'ele doie quinze sols ou cent sols ou dix livres la costume, comment s'en passera-il qu'il ait rendu tel costume ? L'en dit que il convient que il le preuve par soi e par deus garanz, qui jurront que il l'ont rendu en la meson où l'en le reçoist ; et en quel leu, à un home qui se fesoit receveor ; et ce jurront, et por tant s'en passeront, et seront quite de la costume.
Et se aucuns rent allors costume que en la meson où l'en la reçoit, l'en n'en est pas quites, tot se face aucuns receverres.
Los si est une chose que l'en doit à seignor quant aucun vant sa terre. Et est apelez los de loer ; quar la vente n'est pas parfete devant que li sires l'ait loée. Et li los si monte le quint denier ; et cil le doit rendre qui vent, se convenenz n'est ; et li sires de qui fié ce est, si le doit avoir.
L'en ne rent pas los de choses aumônée, ne de change but à but à héritage. Et se l'en change partie à héritage, et partie à deners, a-il los ? Oïl, de tant comme il aura deners. Et se l'en change l'éritage à marchendise, ou en vin, ou en robes, i aura-il los ? Oïl ; car ce torne plus à deniers que à héritage ; car chose movable si est contenus por moble, et héritage non.
L'en ne rent pas los de engagement, ne de loage, ne de escheeste, ne
d'avenue, ne de partie commune, s'il n'i a termes
(
L'en ne rent pas los de don, ne de testament, ne de pez.
Dues autres manières de servises sont que l'en apèle ventes, et celes ventes sont de sol un denez en sept meneires. L'en ne doit ventes, se la chose n'est vendue. L'en ne doit pas ventes de change but à but ; mès s'il i a tornes, l'en doit ventes des tornes. L'en ne doit pas ventes des engagemenz, ne de loage, ne de don, ne de prest, ne d'avenue, ne d'eschaeste, ne de aumône, ne de pez.
En plusors los a diverses costumes sor vilenages. En aucuns los a reliés, et li reliés est segont ce que l'en a usé. En Orliens est tele la costume, que la meson, quant ele doit relever, se l'en n'en fet la volenté au seignor, done de relief ce que ele vaut de loer un an, ou ele remaindra gaste de clôture, de uis et de fenestres ; et c'est o chois à celi cui la meson est.
Quant home prent feme, l'en doit relever de lui, se l'en n'a relevé de la feme. Mès se l'en a relevé de la feme avant qu'ele prist seignor, l'en ne relèvera pas por ce, se ele a pris seignor.
Quant père et mère muert, li enfant relièvent de la mort de leur père et de leur mère communément ; et s'il partissent, il ne relièvent pas quant il vienent en aage.
L'en reliève del mari à la feme, tost soit-il parrastres, tot muevent les
choses de son premier mari. Mès l'en relèvera el non de enfanz ; et
fera segur qu'il la (
Li sires relèvera la terre qui mot de par la feme qui prent do seignor. Tant de foiz comme le seignor de la propriété mue, ou celui qui a la seignorie, ou celi qui a la propriété, tante foiz relève l'en. Se li sires à la feme muert, la feme ne doit avoir relevaisons ; mès feme doit relever quant la chose li vient novelement, c'est à savoir la propriété.
En totes les manières que la censive mue seignor, de queque partie ce soit, soit de par le seignor qui tient le fié, soit de par celui qui tient le vilanage, a relief.
Quant il a eu cens de vignes ou terre, meins de six deniers l'arpent de cens, ou plus de huit, il ne doit que tel cens, teles relevoisons, segont la costume de Orliens. De mesons vet autrement. Quant sires s'est tenuz an et jor, et reçoit son cens à gré, et tient son censier en sésine, et enprès demende relevoisons ou amendes, il n'en doit mie avoir response.
Servise puet estre tozjorz demendez.
Nus ne se doit fere sire de ce don il doit estre sogiez.
L'arpent de vigne doit trois sols de reliés, et li arpenz de terre trois sols. Bau de vilanage ne doit pas reliés.
Tant comme home tendra ses enfanz enprès la mort lor mère, la terre à la
mère ne doit point de relief ; enprès la mort au seignor, se la
feme doit relever, feme reliève son héritage ; enprès la mort son
seignor, et se aucuns a relevé avant qu'ele prist son seignor, a
(
L'en doit relever les héritages au mort, ce à qui il aviennent, ou à qui il eschéent.
Home reliève de la prise sa feme la terre qui mot de par sa feme.
Nus ne reliève de celui qui a la chose en bau ; mès l'en reliève des
enfanz, tout soient-il non aagé ; et sont mis li dener en
sauvegarde ; et cil qui a la garde des enfanz, se il la
(
Adam dit : A ce que li mariz et la feme ait la possession des biens li un à l'autre, il convient que il i aist juste cause : si comme se li mariz a vendu la terre sa feme, il pot fere contrepois de la soe, pardevant le juige ; ou s'il velt vendre la soe terre, porra par besoing ; et il est plus profiz au mariage de vendre sa terre que la sa feme.
Li uns ne pot avoir la possession à l'autre, tant comme li mariages dure.
L'en dit ci : Se ge ai ma terre dont la jostice soit moie de la propriété, que totes les foiz qu'il ne vodra fere vers moi ce qu'il devra, comme vers son seignor, ge puis deffendre les choses. Et s'il i a fruit qui périssent, et il set défaillanz qu'il ne face ce qu'il devra, je puis les fruiz coillir et metre en sauve main.
Or demende l'en se l'en puet entrer que par autre seignorie por prendre en sa terre, que l'en puet par aillors, se l'en i prandra ? Et l'en dit que oïl, par le congié au seignor de la chose. Et se li sires non vest soffrir, l'en doit aler à la grant jostice ; et la grant jotice doit fere délivrer voie.
Se aucuns dit que il a paé ses relevoisons, et ses sires dit que non a,
et ce et (
Geufroi de la
Chapelle dist : Il convendra que ge donge la possession
des biens par la loi ou par le conseil do seignor de la province ;
Renaut de
Tricot dit : Quant aucuns muert sans fere testament, li
enfant que il a de léal mariage sont premièrement apelé à son héritage.
L'en entant cez qui sont nez après ce que mariages est parfez, non pas
çaus qui sont nez en avotire ou en fornicacion, et enprès
(
Se aucuns ne fet point de testament, la possessions des biens est donée à cez.
L'en conte profitable tens en doner la possession des biens. Se cez à qui
ele apartient, le sorent toz les jorz, et il porent demender ; et
li jorz en coi il ne les lesseroit (
Et autresint se il ne pot pas pleinement demender la possession des
biens, ainz le convient aler as plez, puis que il sot que cil fut morz
sanz fere testament : li jorz en quoi il en pleida ne li doivent
pas estre contez
Li tens en quoi li prévoz ne pot pas tenir les plez, por ce que il estoit
enbesoignez de commune besoignes, ou de privées, ne li doit pas estre
contez
Se li enfes qui est encore au ventre sa mère doit estre mis en la
possession des biens, et li doit l'en doner de terme non pas tant
solement trente jors, mès tant que li enfes soit nez ; car se il
nest as trente jors, il doit avoir la possession des biens
maintenant
Geufroi de la
Chapele dit que l'en ne doit pas atendre le san que cil ont
qui ne dotent rien, mès celui que aucuns puet avoir, ou par lui ou par
autres, por demender consoil à plus sage que il n'est
Johen li
Monoiers dit : Se li pères set que la possessions des
biens soit achaete à son fiz, et li fiz ne le fet (
Johan de
Beaumont dit : Se tu estoes sosmis à celui qui fut fet
heirs o toi, ou tu receus la possessions des biens, et ton compoignon ne
la volt demender : l'en entent qu'ele t'est tote donée, et il
n'aura pas poer de demender la
Li fiz a un an de terme à demender la possession des biens, non pas tant
solement quant il la demende comme fiz, mès quant il la demende comme
paranz. Et autresint quant li pères a franchi son fiz, jà soit ce que il
demende la possessions des biens comme patrons, neporquant il a un an de
terme au demender la
Guillermes, évesques d'Orliens, dit que cil mort proprement sanz fere
testament, qui pot fere testament, et ne le fist pas
Et se le héritage à celui qui fist son testamenz n'est pas receuz, ou se
testamenz est roz ou voins, l'en dira proprement que il est morz sanz
fere testament. Mès l'en ne dit pas proprement que cil qui ne pot fere
Nos devon entendre que cil qui muert en cheitivoisons, mort sanz
testament ; car, segont la loi que li rois Phelipe fist, ses
éritages eschiet à cez à qui il escheist se il fust morz en la
cité
L'en puet demander, savoir mon, se cil qui est conceuz et nez de cele en
qui franchise fut lessie, que l'en a de léal mariage, est propres heirs
son père ? Et por ce que il nos plet que il ait naturez frans, ge
ne voi pas que il ne soit propres heirs son père, et li enfens frans né.
Ce n'est pas mervoille se de sers nessent naturément frans ; car il
est escrit que de cele qui est e (
Nos devons entendre propres heirs les fiz ou les filles
naturés
Aucune foiz avient que li propre heirs est forclos, et que la borse le
roi a l'éritage, si comme quant li père est dampnez d'aucun griés
criminel ; et por ce n'a pas li fiz droiture en sa
chose
Adam dit : Se li fiz lesse à estre hoirs, tuit li nevo et totes les
nièces qui sont decenduees d'ans, vienent en son leu ; et ce vient
par naturel droiture. Se aucuns est pris et menez en chetivesons, et il
mort, ses fiz et ses filles sont si heir
Enprès cez qui sont en la poeste au mort, sont apelé li coisin. Casius
apèle cez coisins qui sont joint par sanc ; et ce est
voirs
Après cez qui sont joint par sanc, sont apelé li parant pardevers
Enprès cez qui sont joint comme par sanc, ne (
Héritage eschiet au plus prochein parant de la partie dom la chose mot,
fors en fiez, où les femelles ne prennent rien, se eles ne sont plus
procheines. Et s'il i a plusors de un meisme degré, il sont tuit apelé,
si comme s'il i a deus oncles, et li uns d'aus a lessié un fiz, et li
autre deus, et lor père soit mort, li héritages sera partiz en trois, et
aura chescun le tierz
Ne il n'a point de différence se aucuns est sos (
Aucune foiz avient que nos recevon à l'éritage autre que celui qui estoit
li plus procheins de celui qui est morz, si comme se il fist son
testament à un estrange
Nos quéron le plus prochein, non pas celui qui estoit li plus procheins
quant il mori, mès quant il fut certoine chose que il estoit morz. Nos
apelâmes le plus prochein de lui par lignage ; et se il le refuse,
nos i apelons le plus prochein après
Cil moismes dit : Se cil qui a esté franchiz est morz sans fere
testament, il est voirs que li héritages eschiet à ses propres heirs, ou
à ses parenz frans ; et s'il n'en i a nul fors que sers, la chose
eschiet en la borse le roi
Cil meisme dit : Gaubert déshérita son fiz, et fist un autre
estrange son heir, soz condicion. Se li fiz prist feme après la mort son
Li baillis promet la possession des biens, par non de lignage, à cez qui
estoient li plus prochein de mort ou tens que il morut. Car cez que l'en
apèle par costume nevoz, cez qui sont conceuz après la mort lor eol,
n'est pas proprement apelez nevoz, mès par usage
Se aucuns lessa sa feme grosse et il avoit sa mère et sa sor, et sa mère
morut au vivent sa feme, et après ce sa feme ot un enfant mort :
l'éritage apartient à sa sor tote seule, par la lois. Car il est
certaine chose que sa mère morut, en ce que li héritages n'apartenoit
pas à lui segont la lois
Johen de
Beaumont dit : Se plusors poent estre heirs segont les
lois, et l'un et l'autre lessèrent à recevoir l'éritage, et furent
empoechiez ou par mort ou par aucune reson, lor partie eschiet as autres
qui la recevront, jà soit ce que il more ainz que il li eschée ; et
s'il muert enprès, il apartient à son heir
Li fiz est li plus procheins parenz au père
Il n'est pas besoing que li propres heirs reçoive maintenant l'éritage au
père ou à la mère ; car, quant il eschiet, il sont mointenant heir
par droit
Quant doeres eschiet, li heirs à la morte qui fut le doere, ne puet pas demender les fruiz pendenz. Mès il puet demender ce que l'en aura mis ou labor de la chose, si comme les deners des façons des vignes, si comme les semences des terres.
Aucune foiz est li héritages donez à celui qui est conquis en servage, si
comme se il est nez puis que l'en a demoré à doner à la feme franchise
qui li fut lessié, et se il fut nez puis que sa mère fut franchie, jà
soit ce que il fut conceuz en servage, il sera receuz en son héritage,
segont les lois
Se li fiz fut conceuz en chetivesons, et il (
Et se li fiz est trez dou ventre sa mère puis qu'ele est morte, l'en doit
dire qu'ele (
Cil qui est dampnez de crime capital, si comme des cinq granz meffez, si
comme de murtre, de rat, d'omicide, de traïson, ne pot demender
l'éritage sa mère ne son père
Amenuissement de chief qui vient sauf son chetel, sauf la cité, ne nuit
rien à avoir l'éritage
Se cele qui est moite avet un prochein parent et un fiz, et tandis com li
fiz se consoloit de recevoir l'éritage, li procheins parenz morut, et
après le fiz refusa l'éritage : l'en demende se li fiz ou coisin
aura l'éritage ? Et l'en respont que li plus près paranz le doit
avoir
Cil meismes dit : Se la mère a esté franchie, o ele est naturelment
franche, ele aura le prou de ce consoill, qui donne au père ou à la mère
l'éritage à ses fiz. Nos apelons fiz ou filles cez qui sont nez de léal
mariage
Et se ele conçut un fil en servage, et ele enfante puis qu'ele est
franchie, ele sera receue à l'éritage à son héritage
(
Et s'ele estoit franche quant ele conçut, e après fut amenée en servage
ele enfanta, et puis fut franchie, ele sera receue à son héritage,
segont droit
Et se ele estoit grosse quant ele fut franchie, l'en doit dire que ce li
doit valoir ; et ele sera receue à l'éritage son fil qui fut nez en
servage, si comme si franchise li fut lessie, et l'en demora à doner li,
et ele enfanta dedanz ce ; ou s'ele estoit en chestivoisons, et li
enfes s'en revint avoc (
Se la possession des biens est donée à un forsené, et il muert ainz que
il reviengne en son sen, et il let la possession des biens, ce ne nuira
riens à la mère ne au père au mort
Cil meismes dit : Se la mère muert, il (
Cil do premier mariage (
Se aucuns a vilenage, et il et sa feme marie ses enfanz à aucuns, et
aucuns remeigne avec le père ou avoc la mère, et il i eist part
d'éritage : cil qui remaint en la sele (
Conquez que aucuns fet, soit en mobles ou en héritages, si vient au plus près.
En fiez li ainznez a la mestié toz sos, si sont plus de deus ; et s'il sont dui, il a les deus parz, et le mellor herbargage, et a un arpent de porpris. Filles sont totes iues en escheetes et en avenues, fors tant que li ainznez a le meillor herbergage. Et les autres si prennent enprès tuit ensemble un herbergage, et chescun en doit avoir la soe partie.
De baronie vet autrement : car baronie ne puet estre desmembrée ; mès li sires de la baronie doit fere avenant au frères et as sors des terres de la baronie, et autres choses, s'il les a. Et s'il i a dui baronies ou trois, ce sera parti segont la nature des fiez, sanz baronie desmembrer. Jà soit ce que li ainznez n'aura pas totes les baronies, ne n'est pas à son chois ; car qui la vodra avoir fera avenant as autres.
Il convient voer se li fiz qui disoit qu'il ne voloit pas recevoir
l'éritage la mère, puet muer sa volenté à recevoir le, ainz que uns des
paranz l'ait receu. Car les paroles qui sont dites, se un des fiz ne
reçoit l'éritage, ces paroles s'étendent molt ; et por ce qu'eles
s'atendent, il se puet repentir jusque un an ; car la possession au
fiz pot estre demendée jusques à un an
Il est contenu en l'establissemant au prévoz, que li héritage à la mère,
qui mort sanz testament, apartient as enfanz
Cil muert sanz testament qui ne fet point de testament, ou qui ne le fet
pas par droit ; ou quant cil que il avoit fet par droit est roz ou
vains ; ou se nus n'est heirs par ce testament
Et avon commendé que se aucuns a pris feme en sa compoignie, eu au
comoincement corage de fere mariage, neporquant ele estoit tele que il
la poet bien avoir par mariage, et il en a puis fiz ou filles : cil
qui sont nez après ce que li mariages est parfez ne soit pas tant
solement léal, mès qui furent devant nez, qui donèrent le commoincement
do léal nom à cez qui vindrent après. Et nos avons juigié que ce soit
tenable, se li enfant sont en garde (
Li paranz au père soent apelez à l'éritage au père, li plus près ; et cil à la mère, à l'éritage à la mère.
Et doit li héritages aler par le couté (
Se aucuns marie, et sa feme ensemble, deus de lor enfanz, et un en remaigne, et li pères muere ; et en sa vie la mère marie le tierz, et face retenue de ses biens, et enprès muere : la retenue sera as enfanz derrenier.
Nos ne fesons pas ce contre le veil droit, mès por confermer le : car li uns des heirs sont fet par testament, et li autre sanz testament. Car en cez qui sont procheins apartient l'éritage sanz testament, et as autres par testament.
Nul ne pot trespasser ses heirs, en son lit mortel, en son héritage qu'il a d'avenue ou de eschoete. Mès nus ne doit ne ne pot recevoir héritage, s'il ne fet gré as créanciers, et doit garder le testament qui est à droit fez.
Il n'est pas dote que l'en ne puisse bien demender la possession des biens à l'enfant qui fut morz ainz qu'il poist parler.
Menor de quatorze anz (
Ausi comme nos ôtons conchiemenz et voines paroles, ausi commendons-nos
A totes les foiz que plusors ont la possession des biens, quant il n'i a point d'escheeste, n'est pas dote que sa partie ne croisse à cez qui demendent, quant li autre riens n'i demandent.
Nus n'est forciez de demender les choses au mort par lignage.
Se ta mère est desvée, et ne demende pas, por sa deverie, la possession des biens son oncle, tu, qui es ses fiz, doiz estre receu à la possession des biens, selonc la forme de ce consoil.
Après ce nos atablisson que cil qui sont fet heir à aucuns, ou est heir
par lignage, soif contrainz en totes manières d'acomplir ce que li morz
commenda, se ce que il commenda s'acorde à droit, ou se aucune loi de
terre ne vet encontre. Jà soit ce que heirs qui est chargiez de ce
commendement ne le face pas, ainz a receu ce que fut lessi
(
Et se li morz n'a point de lignage, et il ait fet heir aucun, et li ait enjoint que il face aucune chose, et il ne le fet dedariz le tans establi, ce est dedanz un an : la chose li soit toloiste, qui li a esté donée, et viegne à la borse le roi ; et s'il a lignage, il i soit apelez li plus près.
Qui prent homenage, le doit prendre issint : Cil qui requiert doit joindre les mains et dire : Sire, ge deviens vostre home de bal, se c'est bal, ou de héritage, se c'est héritage ; que ge foi et léauté vos porterai, comme à mon seignor ; et devien vostre homme à teles redevances comme le fiez aporte. Et li sires doit respondre : Et ge vos recef à home ; que ge foi vos porterai, comme à mon home ; et vos en bese en nom de foi ; et doit dire de bal ou d'éritage.
Se aucuns a son droit par avenue, par escheete ou par bail, par don ou
par achat, ou par autre droite cause, l'en le doit recevoir porquoi
Nus ne doit prendre à home home, tant comme cil vive qui est en sa foi, si n'est par son congié, ou se droiz ne l'i amoine.
L'en doit prandre feme à feme : car a (
Quant aucuns demende escheete o aucune, et requiert que l'en le preigne à
home, et dit que cil est morz qui tenoit : il qui requiert doit
prover la mort par devant le seignor do fié, et qu'il est li plus près.
Et il doivent estre mandé li rière vavassor qui tenoient do mort, por
voier les proves ; et s'il est vis, il doit venir avant, et se doit
désesir. Et se aucuns revient (
Se aucuns est en la terre le roi, et il morge sans heirs de sa feme esposée, sanz ce que l'en sache point de son lignage : li rois tendra ses choses en sa main et en sa garde, jusque aucuns do lignage veigne, qui la doie avoir por la reson do lignage. Or demende l'en se aucun sires qui a jotice en sa terre doit ceu avoir ? Et l'en dit que cil qui a la grant joutice de sa terre doit ceu avoir ; senon, cil qui ara la grant jotice, ara ceu.
Uns hons et sa feme ont trois enfanz, et en marièrent les deus ; enprès li pères et la mère morirent. Totes les remenances des choses mobles, et escheetes, et conquez, et patremoine, seront as derreniers enfanz, qui remaindrent sanz partie.
Une feme si ot trois enfanz de son seignor, deus fiz et une fille ;
ses sires morit ; antre lui et sa fille, pristrent deus frères o
tot ce que il avoent ; et furent tuit li enfant, et la mère et la
fille, commun assemble
Toz l'éritages à la mère qui a eu deus seignors, sont au premiers enfanz, que li fut doné au premier mari.
Et si n'i a parenz, fors de si loing que puichet fere mariage, ce ne tost pas escheete ; car qui fet dispensacion au mariage, il ne le fet pas en héritage.
Et se home conquiert, lui et sa feme, et muere, sa feme sera heir en la moitié, par la reson de la compoignie ; et des mobles ausint.
De héritage, il vendront au procheins parenz, sauf le doere. Et s'il i a enfanz de sa feme, li enfant prendront par le père ; et ausint vet de la partie à la mère.
Et se li enfant morent enprès, quant la chose lor sera escheete, sanz hoir de feme esposée : ce qui sera de par le père, sera as parenz procheins de par le père ; et ce qui sera de par la mère, sera au procheins de par la mère.
Et se la chose de par la mère mot de par la soe mère, et de par son père,
et la chose eschée do fiz, qu'en fera l'en ? Et l'en dit que
chascune porroiz prandre (
Et s'il i a mobles, li enfant auront le tierz, et le père le tierz.
Les conquez, les mobles do père et de la mère, et les eschoetes an la segonde nanée dou segont mariage, seront as segonz enfanz ; et issint en consinance à toz les mariages qui vendront enprès. Et ceste costume se cort dedanz la banliue d'Orliens, et en la cité.
Segont la costume de hors la banliue, la feme emportera première do
patremoine à l'ome la moitié por son doere ; et ce sera patremoine
Et conquez et escheete que li pères fet au segont mariage, et mobles, sont as enfanz do segont mariage, et les detes.
Et s'il i a conquez fez en la nanée, la segonde feme aura la moitié por son doere ; et sera patremoine as enfanz de celui mariage. Et ceste costume est hors de la banliue. Et l'autre moitié sera commune à premiers et darreners ; et issint en consiguance, as mariages qui en près vienent.
Toz li conquez et l'escheete que fame reçoit en son mariage, soit premiers, soit tierz, tot est as enfanz de celui mariage.
Et segont la costume de l'ostel le roi, quanquez la mère a en patremoine, en conquez, en escheetes, est commun à toz ses enfanz.
Escheete et avenue est contée, tantost com ele vient, par héritage ; conquez, non ; mès ausint comme mobles.
Nus ne pot prendre escheeste de père ne de mère, tant com li fiz i soit, nevoz, segonz nevoz ; ne tant comme en cele linie ait nus heirs.
Achaete est dite de chaer, et vient de costé.
Riens ne pot escheer à bastart. A serf puet escheer de serf, et non de franc ; et convient qui soit sers à celui seignor.
Et d'estre condempnez par juigement ? Nus hom condempnez par juigement, tot soit-il fuitis, et ait feme, ne pot avoir heirs, ne fere.
Moilleré puet hériter, et desvé, et sort, et muz, et orp, et feme.
Deus devisons a en héritage : l'une est de fié, l'autre est de vilenage ; premièrement nos diron de vilenage, et puis enprès do fié.
L'en dit que li plus près prent l'escheete qui mot de la soie paroi. Or demende l'en se aucuns a parenz de deus paroiz, et il conquiert mobles et teneures, qu'en sera ? Et l'en dit que li plus près aura tot ; et s'il sont iuel de deus paroiz, iuéement prendront.
Femes et homes prenent iuéement en acheeste en vilenage.
Se un home est apelez de un de granz crimes, et escheete li avient avent qu'il en soit condempnez, bien la pot recevoir ; et s'il est condempnez par juigement, il la pert par la costume aprovée de l'éritage.
Je me plaign de Guillerme qui est entrez en une meson assisse en l'ostelerie, en la censive le roi, et s'en est mis en sésine contre ma volenté ; dun Pierres de Chilli, mon père, mori sésiz et vestuz, et tenanz de seignor : si deviens la sésine avoir, comme cil qui est sis heirs, et bien si apèle, et de la partie don la chose muet ; et bien me alignagerai, se mestiers est, se m'a nié ; et se il m'a queneu, je demans la sésine, ou droit, se ge la doi avoir ou non ; et ce sui prez de prover, si com je devrai, par moi et par garanz.
Qui velt demender propriété, la puet demender en tel manière ; mès que il die en son commoincement que ele fut son père, et que il en morut en seignorie, et tenent de seignor, et d'ofice de baron et de vavasor.
En ces meismes manières puet l'en demender les choses de son eal ou de s'aole, ou de son fil, ou de sa fille, ou de son frère, ou de sa sor, ou de son prochein parant. Et doit l'en fere retenue, que se l'en dit poi, l'en dira plus en leu et en tans, tant que tort ne l'en prendra. Et melz vaut tozjorz à demender possession que propriété ; car l'en a plus tost prové la possession que la propriété. Et qui est en sésine, a l'avantage à deffendre la propriété.
Se le vavasor mon vavasor, ou le baron mon baron, m'a fet tort, qui sui chies sires : mon baron, ou mon vavasor le doit avoir, à ma requeste, pardevant moi, à moi respondre dou tort que il m'aura fet ; et le jurra par droit, par la costume de la chastelerie.