Mise si ‹est› à la meniere de jugement et apartient à fenir plez.

Acordé est que excepcion n’issent pas de mise, mes l’en puet demander la paine.

Labes dit : se li arbitres ne dit sentence de la mise qui est sor lui que aucuns soit assoz de la demande que aucun menor fesoit sor lui, li prevost ne le doit pas avoir estable ne l’en ne porra demander la paine. ¶ {1} Et li prevoz ne puet nul forcer à prandre arbitre, ¶ car ceste chose est franche et delivre et sanz besoing de juridiction. Mes, puis que aucun a pris sor soi la mise, li prevoz cuide que il apartient à soi ou delivrer, non pas por ce que il s’estudie à plez fenir, mes que li miseor ne soient deceu, qui l’eslurent comme preudom. ¶ Or soit que li plez eit esté demenez et que li arbitres seit tout l’afere, et que il est corrumpu ou par amor ou par loer ou par autre cause, et ne vost dire droit, nus ne puet nier que il ne soit droit que li prevoz ne san autrement que il le forcera ce à dire que il prist sor soi. ¶ {2} Li prevoz dit : cil qui recevra arbitres de mise de pecune. ¶ {3} Veon des persones des arbitres. Li prevoz forcera arbitre de queque digneté que il soit de dire son dit, tot soit il conche, s’i n’est mestre ou an aucunne poeté, ou provot ou conte ; car cex n’en puet il forcier.

Car li haut mestre ne puent estre forcé en nule meniere ; ne n’est [36rB] mie force s’il ont receu l’arbitre an cele digneté ; car li plus bas i puent estre forcié.

Et li fiz i est forciez.

L’an dit que li filz doit estre arbitre de la cause au pere, car plusor s’acordent que il doit estre juge.

Pedius et Pomponius dient que pou monte se li arbitre est franc ou franchi, ou de bone renommee ou de mauvese. Labeo dit que l’en ne puet fere mise au serf ; et c’est voir. Don Julien dit que s’il a fet mise sor Robert et sor un serf, l’an ne doit pas forcier Robert à dire sentence por ce que il a compegnon, tot ne soit nul l’arbitre de serf. Et s’il dit sentence, la poine ne puet estre demandee ; car il ne dit pas sentence si com il reçut la mise.

Et si l’an fet issit la mise que la sentence d’un vaille, Julian dit que l’en doit Tebert forcer à dire son dit.

Et si l’an fet mise au serf, et il dit franc sa sentence, je cuit que ele vaut se les parties s’i acordent s’il est fet franc. ¶ {1} Mes l’en ne puet fere mise an orfelin, ne an forsené, ne an sort, ne an muz, ausit com dit Ponponius. ¶ {2} Se aucun est juge et il reçoit en son arbitre de la chose don il est juge, ou s’il comande que l’en se mete sor lui, la loi le li deffent ; et s’il an dit, l’en ne puet demander la poine. ¶ {3} Autres i a quiqui] quant dans le ms., cf. lat. sunt et alii qui non coguntur sententiam dicere, distraction du scribe dans la résolution des abréviations ne puent estre forcié de dire lor dit, si comme s’il i a loer ou vilté en lor mise. ¶ {4} Julian dit : se li pledeor diffement le pledeor, le prevot ne le doit pas acuser ne forcier ; mes s’il est issi, il le doit savoir. ¶ {5} Et ausi est s’i le lessent et retornent ariere à lor juge.

Ou à autre arbitre.

Se li pledeors vont à la cort de l’ofice et enprés retornent, le prevost ne doit pas l’arbitre forcer de dire [36vA] son dit por ce que cil li ont fet despit por ce que il alerent à autre. ¶ {1} L’an ne doit pas forcer arbitre de dire son dit s’il n’i a mis poine. ¶ {2} Ce que li prevost dit «  deners don est fete mise  », nos devon entendre s’il i a poine de deners de ça et de la, ou autre chose en leu de poine se aucun ne tenoit le dit l’arbitre ; et issit le dit Ponponius. ¶ Et se les choses sont misses allors, par si que cil les ait qui gaagnera, ou que il doint cele chose cil qui l’a en garde, s’il ne voudra tenir la sentence l’en demande se l’en doit forcer l’arbitre de dire sentence. Et je cuit que oïl, d’autretant com li a ballé. Et se li uns promist deners, li autre la chose, la mise est pleniere et sera forcie. {3} Aucunne foiz, si comme Ponponius dit, mise est fete aucunne foiz par un convenant, si comme s’il sont andui detor et il funt entre aus que li un ne l’autre ne demande la chose que l’en la lor doit s’il ne tienent la sentence l’arbitre. ¶ {4} Julien dit que l’en ne puet l’arbitre forcer à dire son dit se l’un se met en lui et li autres ne s’i met. ¶ {5} Ausit dit il : se la poine i est mise par condiction, ausit comme l’en dit «  se tu fes ce, je te donroi ce  », l’an ne puet forcer l’arbitre à dire son dit dusque la condicion soit avenue, que la sentence ne soit mauvese se la condiction est ; et issit dit Ponponius. ¶

Et en ce quas apartient il au prevost que li arbitres puet dire son dit au jor que c’est mis qu’i le die.

Puponius dit que se un autre prent la poine à gré, l’en ne doit pas l’arbitre forcer à dire son dit. ¶ {1} Ponponius dit : se mise est solement de mes contenz, et j’ai promise poine de la chose, l’an doit voer s’il i a mise ; je ne voi pas que ele i soit, car s’il i a mise solement de mes contenz, il n’i a [36vB] nule reson. Et si puet l’en fere mise d’une chose, et s’i i a reson por quoi l’en puet dire que ce n’est pas mise por ce que la promesse vient d’une part et se cil qui promist fust demandé, or l’en puet dire que la mise est pleniere, car cil à qui l’en demande est segur, ausit comme de barre de convenant ; et se l’autre ne vint tenir la mise, cil à qui l’en demande a la promesse. Mes je ne cuit pas que ce soit voirs ; il ne sofist pas avoir barre qui l’arbitre soit tenuz de dire sentence. ¶ {2} Cil est veuz que il a receu l’arbitre qui reçoit ce que li juges fet et qui veaut terminer le plet par sa sentence ; et s’il fet issi que l’an en pledoit, ou que li aferes soit menez par son consoil ou par s’autorité, il n’est pas aparissant que il ait receu l’arbitre. ¶ {3} Li arbitres ne puet estre forcez à tos jorz de dire sentence où li juges ne seroit forciez, se le jor de la mise ne doit passer ne il ne la puisse dire. {4} Et se le prevost le force à dire son dit, droiz est que s’il jure que il n’est pas certain de la cause que l’an li doint espace à dire son dit. ¶

Et se la mise est fete sanz jor, il convient que li arbitres meste son jor au parties s’il s’i acordent por la cause determiner ; et se l’é lessé que il n’i ait jor, il puet estre toz jorz forciez à dire son dit.

Et tot die le prevost estroitement que il forcera l’arbitre de dire son dit, il doit oïr sa reson aucunne foiz et son acusement, si comme il avient se l’en dit que il soit mal renomez par celx qui se sont mis sor lui, ou s’il le heent, ou s’il aime l’un plus que l’autre, ou s’il a age, ou feblece l’enpeche, ou que il ait trop à fere de ses aferes, ou que il le convient aler hors dou païs, ou por le commun, il n’est pas tenu à dire son dit ; et issit le dit Labeo.

Et se aucunne autre male [37rA] aventure li avient enprés ce que il a l’arbitre receu, si comme de feblece ou de tex chose, il n’est pas droiz que il soit forciez. ¶ {1} Li arbitres doit estre racusez au non de son jugement, que il est privé au commun, si comme cil ne puet dire son dit dedanz le jor que il i a mis. Et s’il puet, por quoi ne le fera il quant il le puet dire ? Et il li puet avenir aucune foiz sanz nule devise s’il si acordent andui que il puet dire son dit, tot n’et l’en parle de jor, ne autrement n’en fera rien. Il ne puet estre forciez s’il ne consent que il se mete an lui de chief se le jor doit passer.

Et se un des pledeors qui n’a rien et guerpit ce que il a, li arbitres ne doit pas estre forciez de dire son dit por ce que il n’a de quoi paer, ne ne puet estre trez en plet ne traire l’autrui. ¶ {1} Labeo dit que si li pledeor, un poi enprés que il avront pledoié, retornent à l’arbitre, non poent forcier de dire son dit. ¶ {2} Et s’il i a plusors arbitres, l’an ne puet forcier l’un de dire son dit o toz o nuil. {3} Et se l’an fet mise en tel meniere que li arbitres die ce que plera à Tebert mon aversere, Ponponius demande quil doit estre forciez ; et je cuit que tel arbitres ne vaut riens quant li arbitres n’a poer de dire sa sentence à sa volenté. {4} Et s’il en fet issi misse que ce que Tybert et Gaubert en feront, tel mise vaut, et je le cuit, et puet l’en forcier l’arbitre de dire son dit. ¶ {5} Et si l’en fet mise sor dos, ainsint que s’il se descordent que il pregnent le tierz, tel mise ne vaut riens, car il se puet discorder en eslire le tierz. ¶ Et se l’an fet issi que dan Jefroi soit li tierz, tel mise vaut, car il ne se puent descorder an prendre le tierz. {6} Or demandun principaument, se l’en met mise sor .ii. arbitres, se li prevoz les doit forcier de dire sentence, por ce que la chose ne sera jamés fenie par avanture por ce que home sont de nature legiere à descorder. Et por ce reçoit la mise au numbre desiueldesiuel] desimel dans le ms., distraction dans la notation des jambages, cf. lat. impari numero, por ce que toz ne s’acordent pas legierement ; mes s’il se descordent [37rB], l’en tendra ce que li plus en dira. Et si tient l’en que l’an puet fere mise an .ii., et doit li prevolz fere eslire as arbitres le tierz à qui droit l’en se tiegne s’il se descordent. ¶ {7} Celsus dit que se l’en fet mise an .iii., que li consentement des .ii. sofist se li tierz est presanz. Et s’il n’est presanz, tot s’i acordent li dui, lor arbitre ne vaut riens, por ce que la mise fut fete sur aus trois ; et s’il fut present, il puet trere les .ii. à sa sentence.

Et ausit comme s’il ne vaut riens ce que .ii. juges font quant li tierz n’i est, quar ce que la gregnor partie juige doit estre tenu, quar ausit est comme se toz eusent jugié.

Labeo dit que li prevoz n’a que fere quel sentence li arbitres die, s’il dit toute voies ce que l’en est avis ; et se l’an fist issi la mise que il doint certaine sentence, li arbitres est nul, ne l’an ne le doit pas forcier à dire son dit. {1} Julianus. Dicere. Nos cuidon que cil die «  sentence  » que il a dit en tel pensee que selon son dit que il voille fenir tot le contenz. Et se la mise est de plusors choses, s’il ne fenist toz les contanz, il ne dit rien, ainz le doit forcier li prevoz. {2} Donc l’en doit voir s’il puet müer sa sentence. Et autrement n’et li aferes se li arbitres dit par son dit que l’en doint aucunne chose à l’autre partie et aprés le deffant ; l’en demande le quel l’en doit tenir, ce que il deffant ou ce que il commande. Et Sabinus cuide bien que oïl ; et Casius acuse bien la sentence son metre, et dit que Sabinus n’antandi pas de cele sentence por qui li arbitres est determinz, mes de cele sentence qui est aparellement à delivrer la cause. Ausi comme s’il commande que cil qui se sont mis sor lui seent par devant lui an avrill, puis lor remande que il i soient an moy, il puet bien müer le jor. Et s’il condampne ou s’il asost par sentence, il ne puet rapeler sa sentence premiere.

Et se li arbitres foloie à dire, il ne la puet remander.

Et s’il est [37vA] fet arbitre de plusors contenz divers, et il dit son dit de un et non pas de autres, il remaint encore arbitre ? ¶ Or veon s’il puet müer sa sentence do premier contanz dom il avoit dit sentence. Et moult i a à savoir se mise est ou non que il die son dit de tot ; car s’ill i a mise de tot, il puet müer son jor, car il n’a pas dit son dit de tot ; et s’il i a plusors mises deviseement, quant à ce, il n’est plus arbitres. ¶ {1} Se li arbitres dit isit par son dit : «  je ne voi pas que il soit certeine chose ne segure à Tibert avoir contanz contre Gaubert  », et s’il ne deffendi Aubert que il ne demandast rien, et s’il demande rien, il fist contre la sentence l’arbitre ; et issint le cuident Offilius et Tribace. ¶ {2} Je cuit que li arbitres puet metre jor à fere poie, et issit le cuide Tribace. ¶ {3} Ponponius dit que se li arbitres dit mauvese sentence, ausit comme l’en dit : «  de tant comme tu doiz à Robert, nos en feron à nostre devise, et tant com tu as rendu, autretant pren  » ¶ {4} et se li arbitres deffant que l’an ne demande la poine de la mise, Ponponius dit que il ne puet valoir ; et ce est reson, car il n’i ot point mise fete de la poine. {5} Ponponius. Si cum. Quant li jor de la mise fu feniz, le jor fu alongiez, li pledeor se mistrent de chief en l’arbitrage, ne ne reçut pas sus soi l’arbitre de la secunde mise, ne l’an ne l’en puet forcier de prendre le sus soi, s’il n’a esté en demore de dire son dit ; et s’il demora por lui, droiz est que il soit forciez por le prevost de prendre l’autre mise. Et c’est voir s’il n’ot mis point de jor en la premiere mise, et s’il i ot jor et il ne dit son dit, il fut et remest arbitre. ¶ {6} L’an apele «  plene mise  » quant l’en fet pez des choses ou de contenz, car il apartient à toz contez. Et s’il i à contenz d’une chose, tot i ait il plaine mise, aucunne chose i remaint des autres demandes, [37vB] car ce vient en la mise don parlé fut que il an fust mise ; mes miauz vaut se l’an fet mise de chose certaine que l’en en die son dit. {7} Li contenteor ne doivent pas obeir à la mise s’il lor commande fere chose qui ne soit cortoise. ¶ {8} Et sisi] li dans le ms., cf. lat. si intra diem... arbitres est requis dedanz le jor de la mise de aler avant en la mise, et enprés le jor mande les parties, il n’i a point de poine. ¶ {9} Et se aucuns de celx n’i vient pas ou par feblece, ou par le commun, ou de par les metres, ou por autre droite cause, la poine n’est pas commise, si com dient Proculus et Articilinus. Et s’il veaut fere mise sor lui, l’an li doit avoir barre ; et c’est voir se li arbitres veaut recevoir la mise sor soi, car Julien dit qui l’en ne le doit pas forcier, et cil est quité de la poine. {10} Et se li arbitres commande que li miseor qui estoient en la province venissaint, et li arbitres estoit à RomeRome] jorne dans le ms., sans doute, une faute de lecture, cf. lat. cum Romae esset in eum compromissum, l’en demande se l’en n’i vet s’il i a point de poine. Et c’est voir que Julien dit que can doit estre mis en la mise, et qui jura le comprera s’il commande autre leu. Et que sera se l’en ne set le leu ? Mieuz est que l’en entende le leu où est fete la mise. Et se li arbitres lor commande un leu qui soit dedanz la cité ? Pegasus dit que il le puet bien fere ; et je cuit bien que c’est voirs s’il est de tel autorité que il est à costume à fere ses aferes an privez leus et li pledeor i puent venir legierement. {11} Et s’i les commande venir en aucun autre leu qui n’est pas honeste, si comme en corsine ou en bordeau, Juliain dit que se l’en n’i vet, l’an ne le comprara pas. Celsus loe ceste sentence, don il dit trop bien : se ce leu est tel que l’un des pledeors n’i puet venir honestement, et li autres i puet venir et il n’i vient pas, que il puet venir sanz honte ne il n’i vient pas, et li autres i vient qui n’i puet venir sanz honte, l’en demande se la poine est commise, ausit comme s’il n’en chausit à celui d’i venir. Celsus [38rA] cuide que la poine ne doit pas estre commise, car ce seroit trufle entendre que la chose fust ferme an persone d’autrui et an autre non. ¶ {12} Or doit l’en voir an combien de tens sera commise la poine se l’en ne rant ce que li arbitres commande. Et s’il n’i met point de jor, s’il i a un pou de tens et s’il é passé, la poine puet estre demanois demandee. Et s’il le commande avant que il die son dit, l’en ne porra demander la poine.

Et c’est voirs s’i ne vost lors que l’an rendist.

Celsus dit : se li arbitres commande que l’en rande dedanz moi et l’an ne rant pas, tot l’ofre l’an aprés, la poine est commisse, por ce que l’an ne randi quant l’an dut. Et s’il prant ce que l’en li offre, il ne puet demander la poine ; et s’il le fet, l’en a contre lui barre de tricherie. ¶ {1} Ausit dit il : s’i commande que tu me randes, et se je soi si feble ou par autre cause si enpechié que je ne le poi recevoir, je ne cuit pas que la poine soit commisse, et se tu es preuz enprés de prandre le jor et tu ne le fes pas. Il cuide que li arbitres ait .ii. commandemanz, l’un de randre l’argent, l’autre de tens ; tot ne soit la poine commisse por ce que tu ne ranz pas au jor, et par toi ne faut pas, toute voies le doiz tu, an ce que tu ne le ranz pas. {2} Ausi est que il n’i a autre chose de fere son poer de tenir la mise que de fere son poer quant à lui apartient. {3} Ausi dit Celsus : se li arbitres commande que je te rande à certain jor, tu ne vosis prendre, je me poi deffendre par droit que la poine n’est pas commise.

Et s’il est enprés prez de prandre, je li puis baller sanz poine, tot ne l’avoie je pas fet devant.

Labeo dit : si li arbitres de la mise qui estoit sor lui, s’il fust issi acordé que il deist à celui jor son dit et il dit d’une chose son dit et d’autres ne le dit pas et alogna le jor, le dit vaut et puet sanz poine te[38rB]nir son dit. Et Ponponius loe la sentence Labeonis ; et ausit m’est il avis, car il n’a pas achevé son afere à dire son dit. ¶ {1} Et ceste cause d’aloigner le jor ne done à arbitre nul autre poir que de jor alongier ; et por ce ne puet il ne apeticer ne müer la condiction de la premiere mise, et por ce doit il dire son dit de totes choses. ¶ {2} Et se l’en done ploige de la premiere mise et de l’autre anprés, Labeo dit que il doit dire son dit ; mes Ponponius dit se par ces plege ou par ausi bons, et que sera se cil ne vuelent plevir ? Il convient que il quiere ausi bons.

Et c’est fet que li plege n’eent poer com la poine soit commisse quant il ne s’obligent enprés ; et ausi est s’il se morent.

L’an puet alongier jor par mesage ou par letres. ¶ {1} Se l’en ne fet mencion de la mise de loer ou de ces autres, la mise faut quant le miseor muert. Mes nos ne tenon pas la sentence Labeo, qui cuide que la poine soit perdue se li arbitres commande à aucun que il rande aucunne chose et il muert avant que il la randist ; li hers à celui qui est morz est tenuz rendre por lui. ¶ {2} L’an doit estre en la sentence à l’arbitre, soit ele bone ou mauvese, bien si gart que il se mist sor lui ; et li enpereor dit que il la convient tenir tot ne soit ele bone. ¶ {3} S’il sont plusors arbitres et il dient diverses sentences, l’en ne doit pas tenir la ; mes l’an la doit tenir se la gregnor partie s’i consent, si que non la poine est commise. ¶ Et ancor demande l’en ; s’il i a trois arbitres et li uns condampne an .xv. et li autres an .x. et li autres an .v., l’en demande la quele sentence doit valoir. Et Julien dit que l’en doit rendre .v., car tuit s’acorderent an some de .v. {4} Se aucun des pledeors n’est pas presanz, et par li est que li arbitres ne die son dit, la pene est commise. Et ‹si› les parties n’i sont, s’il ne fust devisé en la mise que se .i. ou .ii. [38vA] en defallent que il puet dire son dit, cil qui defaut doit la poine, por ce que por lui falli que li arbitres ne fut dit. {5} Et cil dit son dit devant juge qui le dit devant sages, car devant desvé, forsené, orfelin, se le tutor n’est present, ne doit l’en pas dire son dit ; issit le dit Julien. {6} Et se aucun present deffant à l’arbitre que il ne die sun dit, il doit la poine. {7} Et s’il n’a point de poine en la mise, me s’il promet simplement que il tendra la mise, li autres a contre lui auction de tote la chose.

Ne nuit pas se dotose ou certaine somme est mise an la mise, ausint comme l’en dit tant comme la chose voudra.

L’en vet contre la sentence l’arbitre se l’an demande à celui contre qui il deffendi que l’en ne demandast ; et se l’en demande au plege, la poine est commise. Et issit le dit Sabin ; et s’il fist mise ou le plege et l’an demande à l’autre, li plege n’i pert rien.

Se aucuns tret en plet la chose don a esté mise, aucun dient que li prevoz ne puet forcer l’arbitre à dire son dit, car il n’i a point de poine, ausi com se la mise fust depecee. Et s’il i gaagne ce, il avendra que il se met am poier à celui don il se repant et il voltvolt] vol’t dans le ms. sa mise alungier ; donc doit il la poine, et plet corra par devant le juge.

Issi sera commisse la poine quant l’an fet aucunne chose contre li sanz la tricherie à celui qui la promist ; car en tel meniere est fete la mise que nul ne gaagne en son conchiement. ¶ Et se l’an met en la mise tel cause que se l’en fet rien par tricherie en tele chose, que l’en ait contre celui aucion de promesse. Et por ce, se aucun corrunt l’arbitre ou par loier ou por covoitise, ou l’avocat à l’autre partie, ou aucun de cels à qui il a si cause ballie, l’en avra contre lui action de tricherie ; ou s’il conchie son aversere conjontement et s’il fet tricherie en cet plet, auction de promesse a leu ; et se cil veaut avoir aucion de tricherie, il ne devra [38vB] pas avoir la, mes de promesse. Et se cet mot n’est mis en la mise, aucion ou barre de tricherie avra leu ; et cele mise est plene qui a mencion de cete cause.

Nos ne feron pas force s’il a petite poine ou grant an mises plus que la choses dom est li contenz ne vaut. {1} Et li arbitres n’est pas forcez de dire son dit s’il n’i a poine. ¶ {2} Se feme fet mise an autrui non, la poine n’et pas commise por lui. ¶ {3} La some de la chose est que li prevoz ne s’en entremete ja s’il i ot mise ou n’i ot, mes lesse pendrependre] prandre dans le ms. savoir se la poine puet estre demandee ou se ele faut enprés. ¶ Mise est depecee par jor qui passe, par mort, par gié, par jugement, par convenant. {4} Et se aucun arbitre devient pretre, veon se l’en le puet forcer à dire son dit. Et cest é ostroié solement non pas à l’enor des arbitres, qui à l’annor de Deu, à cui servise il convient que li prestres entende. Et s’i le reçoit pretres, il convient que il die son dit. {5} Et l’an ne repuet forcer l’arbitre de dire son dit se l’en n’a fet pez, ou se cil est morz qui fist la mise, s’il n’i a remés aucunne chose por quoi. ¶ {6} Julien dit sanz devise : se l’an fet mise de aucun forfet par error ou se l’en fet mise de la chose don commun jugement est establi, ausit comme de avotires, de murtres, li prevoz doit deveer que l’an an die droit ne que le dit ne vauge rien. ¶ {7} Ne arbitre ne doit pas dire son dit de cause de franchise, car c’est si aute chose que grant juges devent an conoistre. Et ausit doit l’en dire s’il est plet de franchise ou de franchir ; et se l’en doit franchise de testamant ausi en doit l’en dire. ¶ {8} Et se li serf fet mise, l’an ne doit pas forcier l’arbitre de direde dire] de dedire dans le ms. son dit, ne ne doit l’en rendre la poine. ¶ Veon se franc fet mise o li se l’an doit doner poine contre le franc ; et miauz vaut que il n’i soit pas donee. ¶ {9} Et se aucun fet mise à Rome, [39rA] et enprés vient en mesage à Rome, li arbitres ne doit pas estre forciez de dire son dit, ne ne sera plus forciez que s’il eust avant entemné le plet ; ne ne regarde l’en pas si fu lors en mesage ou non. Et s’il fet mise en mesagerie, je cuit que li arbitres doit estre forciez de dire son dit, car s’il eust un plet pris sor soi, il fust tenuz dou precheur. Et aucun sont qui de ce dotent, et non pas à droit, que ne devent pas doter s’il fist mise de la mesagerie de cele chose, que il fist lors por ce que il est forcez de prendre le plet an celui non. L’en doit ce voir avant, s’il fist la mise avant que il fust mesage li arbitres doit estre forciez de dire son dit se cil le requiert. Et ce sanble tort par la premiere reson, que cil ait tel poer ; et autretel comme en plet que l’an auge en plet avant de la mise, ausint comme enen] enn dans le ms., signe d’abréviation mal placé un autre plet. {10} Se cil qui avoit fet mise o le mort fet contenz de l’eritage avoir, se li arbitres dit son dit, il puet fere tort à l’oir ; don ne doit l’en deffendre l’arbitre que il ne die son dit. ¶ {11} Le jor de la mise puet estre longié, non pas por convenance, mes quant besoing est que il soit alongié par le comandement l’arbitre que la poine ne soit commise. ¶ {12} Se li arbitres se vout celer, li prevoz le doit cerchier et, s’il demore, il doit rendre la poine. {13} Quant mise est fete sor plusors par tel convent que se chascun ou un die son dit, que il soit tenu se li autre n’i sont presant, cil qui est presanz sera forciez de dire son dit. Et se l’en fet mise par tel condiction que tuit dient lor dit, ou que ce soit tenu que li plus dira, l’an ne forcera pas chescun, car la sentence de chascun ne fet pas rendre la poine. ¶ {14} Cum .i. arbitre fust aperceu à estre ennemi d’autre cause, l’en li deffendi que il ne deist son dit, et sanz force de nul il le dist, li enpereor dist que l’en avoit encontre lui barre de tricherie ; et quant il demanda conseil au juge devant qui la poine [39rB] estoit demandee, il dist que se l’an ne poet apeler, que l’an poist avoir contre lui barre de tricherie ou demander la poine. Et itel barre est une meniere d’apeler que l’an puisse rapeler la sentence l’arbitre. ¶ {15} Et por ce que nos parlon de office de arbitre, l’an doit savoir que tot doit estre preis de la mise, ne dehors l’en ne doit riens fere, ne li arbitres ne puet rien fere fors de la mise. {16} L’en demande de la sentence l’arbitre et de son dit, tot eent dit aucunne autre chose. Et je ne cuit pas que ce soit voir que la poine soit commise s’il dit que l’en auge à son juige, ou que l’en se mete ou sor lui ou sor un autre ; car Julien dit que la poine doit estre randue se l’en ne tient son dit, s’i commande que l’auge à autre arbitre, et issi ne fineroit l’en jamés. Et s’il dit ainsi que la chose soit baillie par l’arbitre don Tebert ou que il dont caucion, Pedius dit que l’an ne doit pas tenir son dit. Et cil Pedius dit que les mises soient alongees, ou fetes mises sor autres mises por metre fin à contenz, car il ne fenist pas le contenz s’il delae l’afere ou s’il le met sus autre, et que c’est une partie de sentence se l’an done caucion ou plege, et que l’en ne puet l’afere à autre baller s’il n’i a mise ou se li arbitres n’atablist par cui volenté la caucion soit prise ou donee. ¶ {17} Et s’il commande que il ait o soi un compaignon an la mise, il ne dit rien, car son dit doit estre de la mise et la parole n’est pas de ce. ¶ {18} Se cil qui firent la mise volent venir devant l’arbitre par procurators, li arbitres puet commander s’il vint que il i viegnent ; {19} et se l’an fet en la mise mencion de l’oir, il puet commander que li ers i viegne. ¶ {20} Il est contenu en l’ofice à l’arbitre comment la teneure doit estre baillie voide ; ou s’il doit doner caucion que li siressires] sues dans le ms., cf. lat. dominus avra son fet acablé, la poine est commise. ¶ {21} Li arbitres ne puet riens fere hors de la mise; et por ce doit l’en metre jor à la mise, si non il n’i a point de poine.

Se l’an dit en la mise que l’an poche le jor alongier, bien [39vA] le puet l’en fere ; me il convient que les parties s’i acordent.

Si dui qui doivent ou à cui l’en doit sont, et l’an fet mise, et l’en deffende à cetui qui ne demant ou que l’an ne demant, l’an doit trover s’il demande ou se l’an li demande. Se l’an li demande, la poine est commise. ¶ Et ausit puet l’en dire de .ii. changeors qui ont lor choses ensenble ; et nos la porrons joindre issi ou les pleges, s’i sont compagnons ; issi que l’an ne demant rien, ne je ne demant, ne an mon non ne demande l’en pas, tot demant l’en. {1} Se la poine est commise, je cuit que la mise est depecee ; ne n’i puet plus avoir poine s’il n’est mis en convant que de tantes causes tantes poines.

Se li orfelins fet mise sanz l’autorité au tutor, l’an ne doit pas forcier l’arbitre de dire son dit. Car se l’an dit contre lui, il n’est pas tenuz de la poine, mes le plege qui i esti est] rest dans le ms. mis en est tenuz ; et issi dit Julien.

Se li prevoz force l’arbitre de dire son dit en jor de ferie et l’an demande la poine, barre n’a point de leu se ce jor ferié où l’en dit le dit n’est excepté par autre convenance.

Se li arbitres deffant que l’en ne demant rien l’un à l’autre, et li hers demande à l’autre, la poine sera pardue ; car l’en ne fet pas mise por plez alongier mes por acorcier.

Quant poine est demandee de mise, et cil qui si mist est condamnez, n’est pas force s’il apartient à l’aversere que l’an tenist dit à l’aversere ou non.

L’an ne doit pas demander poine de mise et totes les causes dont l’en ne garde lo dit l’arbitre, mes li arbitres puet punir solement celui qui ne rant ce que il commande. Et an cest conte ne sont pas les nons des garanz s’il ne sont monstrez par la sentence de l’arbitre. {1} Quant li arbitres commande le jor alongier et l’en li otroie, li autres puet avoir la poine [39vB] par la demore à l’autre.

Li arbitres commanda as parties que il fussent devant lui à mi moi, et antre tant il mori ; li uns de cels n’i fu pas. Sanz dote la poine n’est pas commise, car Aristo dit que il oïoï] or dans le ms. que Casius disoit que la poine n’estoit pas commise por ce que li arbitres n’estoit pas venuz ; ausit comme Servius dit : si remeint par le prometeor que il ne receue la procuracion, la poine n’est pas commisse.

Mise fut fete de par Tebert de toz contenz sor arbitre ; mes l’en i oblia par folie à nonmer en la mise unes choses, ne li arbitres ne dit riens. L’an demande se ce qui fu lessié puet estre demandé. Je di que oïl, ne n’i a point de poine. Et s’il le fist malicieusement, il puet demander ce que fu lessié, mes il rendra la poine.

Contez estoit antre Chatelein et Senefroi de bones ; mises en fut fete sor l’arbitre por terminer l’afere par son dit ; il dit sentence par devant les parties et i eust bonnes. L’en demande se Chatelain ne tint le dit l’arbitre se la poine est commise. Je di que oïl, por ce que il dist son dit an la presence de celx.

Arbitre de persone ne passe pas la persone en mise.

Li arbitres puet juigier de ces contanz et de celes choses qui estoient au commencement antre ceux qui se mistrent, non pas de ce qui vient enprés.

Se la mise ‹est› issi fete que li arbitres die son dit devant aus ou devant lor hers et li uns d’aus muert et li orfelins remaint heir, la sentence, s’ele est dite, ne vaut riens se le tutor n’i est presant. {1} Et ausi est se li uns des miseors ist fors dou san.

Arbitre n’est pas forcié à dire sentence.

Mes l’an le doit metre à reson que il die sa sentence, car l’an ne fet rien devant desvé ; et se cil desvé a curator, li arbitres puet dire son [40rA] dit devant lui. ¶ {1} Li arbitres puet commander à parties que il soient devant soi ou par mesages ou par letres. {2} Et se l’autre partie solement fet mencion de l’oir, la mise sera depecee se l’un de cels muert, ausi com s’il moroent en dui se l’an ne fesoit mencion des hers à icels deus.

Li arbitres qui ne puet dire son dit avant le jor qui en la mise estoit establiz, commanda que li jorz fust alongiez, li uns d’aus ne l’et pas ; l’en demandoit se l’an li porroit demander la poine por la promesse. Je di que non, por ce que l’en n’avoit pas ostroié à l’arbitre que il aloignast le jor.

Se aucun est fet arbitre de sa chose, il ne puet dire son dit, car il commande à soi meismes ou deffant à soi, et nus ne puet deffandre ne commander à soi.

Se aucuns demore à rendre ce que li arbitres dit, il doit la poine ; et s’il rant anprés, il est delivré.