Le sanctoral du lectionnaire de l'office dominicain (1254-1256)

Financement : 2008—..., École nationale des chartes
édition par : Olivier Canteaut (École nationale des chartes)

Version électronique d'une édition papier de l'école des chartes à partir du fichier bureautique non stylé de l'auteur, afin de tester une chaîne éditoriale multi-canaux.

Autres contributions
Vincent Jolivet (École nationale des chartes)  : 2009—..., Éditeur électronique : du TEI à l'écran.
Pascale Bourgain (École nationale des chartes) : 2009, Éditeur scientifique.
Historique
2011-07 FGIntégration du paratexte au XML,
2009-04 PBParatexte
2009-01 VJInterface de livre électronique
2008-11 FGConversion vers TEI, première mise en écran

Le sanctoral du lectionnaire de l'office dominicain (1254-1256), dir. Olivier Canteaut (École nationale des chartes), 2009 (Éditions en ligne de l'École des chartes, volume19), http://elec.enc.sorbonne.fr/sanctoral/.

Source : Anne-Élisabeth Urfels-Capot, Le sanctoral de l'office dominicain (1254-1256), Paris : École nationale des chartes, 2007.

École nationale des chartes
19, rue de la Sorbonne
75005 Paris.
tél. : +33 (0)1 55 42 75 00
http://enc.sorbonne.fr/
recherche@enc.sorbonne.fr
Licence

L'École nationale des chartes met à disposition cette ressource électronique structurée, protégée par le code de la propriété intellectuelle sur les bases de données (L341-1), selon les termes de la licence Creative Commons : « Paternité - Pas d'Utilisation Commerciale - Pas de Modification ; 2.0 France ».

Pas d'Utilisation Commerciale — Nous souhaitons encourager l'utilisation et l'amélioration de nos ressources électroniques, pour les intérêts de l'enseignement et de la recherche. Toute autorisation au-delà du champ de cette licence doit être obtenue auprès de nous.

Pas de Modification — Afin de mieux servir la communauté scientifique, nous nous engageons à conserver et à toujours offrir publiquement la version la plus à jour de nos ressources électroniques par une URI pérenne. Nous nous engageons à les corriger et à les améliorer, à intégrer les contributions qui lui sont soumises (après validation par un comité scientifique), et à référencer l'origine de ces contributions. Toute modification de la ressource qui ne serait pas reversée à la version de référence sous notre autorité éditoriale doit faire l'objet d'un accord, afin de ne pas disperser les contributions et de permettre les meilleures conditions possibles de collaboration scientifique.

Paternité — L'École nationale des chartes demande à ce que toute publication dérivée de ses ressources électroniques comporte :

  • un lien vers l'adresse pérenne de la dernière version de la ressource sur notre site ;
  • la date du fichier source utilisé ;
  • nos noms.

Tout litige soulevé par le non respect des termes de cette licence sera soumis à la juridiction des tribunaux de Paris.

LE SANCTORAL DU LECTIONNAIRE DE L'OFFICE DOMINICAIN (1254-1256)

Édition d'après le ms. Rome, Sainte-Sabine XIV L 1, f.142r et 189r-230v
Ecclesiasticum officium secundum ordinem fratrum praedicatorum

À la croisée de la liturgie et de l’hagiographie, les lectures des matines retenues pour les fêtes des saints sont à la fois reflet et vecteur d’une image de la sainteté. L’exemple dominicain mérite d’autant plus de retenir l’attention que l’ordre des Prêcheurs, né pour répondre aux aspirations nouvelles d’un monde en pleine mutation, s’est voulu médiateur des grâces reçues, jusque dans le domaine d’une sainteté proposée en modèle de vie. Accordant à la liturgie une place centrale dans leur vie religieuse, les Prêcheurs attachèrent une grande importance à son unification. Accomplie en 1254-1256, sous la direction du cinquième maître de l’ordre, Humbert de Romans, celle-ci fut aussitôt fixée dans les quatorze livres de la liturgie dominicaine, dont le lectionnaire de l’office et son sanctoral. Le manuscrit apographe de ces textes, dit le « Prototype », est parvenu indemne jusqu’à nous : il est aujourd’hui conservé aux Archives générales de l’ordre, au couvent Sainte-Sabine de Rome, sous la cote XIV L 1.

L’édition et l’étude du sanctoral appellent l’attention, non seulement des liturgistes, mais plus largement des historiens des savoirs médiévaux, sur la technique des citations et de l’emploi des sources ainsi que sur l’originalité dans la composition même du lectionnaire – étonnante pour le XIIIe siècle.

On trouvera dans cette édition en ligne l’introduction et le texte lui-même du Sanctoral dominicain précédé de son préambule explicatif, à l’exception des textes relatifs à saint Dominique, déjà abondamment étudiés. Un recours à l’ensemble de l’ouvrage, sous la forme de l’édition papier, illustrée des planches, sera nécessaire à qui veut profiter pleinement de cette réalisation. La richesse de renseignements de toute sorte apportée par cette étude est démultipliée ici par les possibilités offertes par le moteur de recherche.

Préface

La liturgie dominicaine fut fixée en 1254-1256, Humbert de Romans étant maître de l’Ordre, puis confirmée en 1267 par Clément IV, à la demande du bienheureux Jean de Vercell, successeur d’Humbert. À l’instar du manuscrit fondamental de la liturgie cistercienne, conservé longtemps à Cîteaux et maintenant à Dijon, un manuscrit de base complet de la liturgie dominicaine, l’Ecclesiasticum Officium secundum Ordinem Fratrum Praedicatorum, copié à Paris du temps de saint Louis, a été conservé dans cette ville, au couvent de Saint-Jacques, jusqu’à la Révolution française, et il se trouve maintenant à Rome au couvent de Sainte-Sabine, où, depuis le début du XXe siècle, il est désigné comme le « Prototype » de la liturgie des Frères Prêcheurs.

Considéré comme le témoin authentique d’une liturgie tout entière – y compris en ce qui concerne ses mélodies – le manuscrit de Sainte-Sabine a retenu d’abord l’attention des musicologues, chez les Dominicains et à Solesmes, l’attention aussi de Robert Branner dans son célèbre Manuscript Painting in Paris during the Reign of saint Louis (Berkeley, 1977). De fait, peu de manuscrits liturgiques se prêtent aussi bien à une étude interdisciplinaire, s’agissant d’une époque en laquelle l’activité des orantes, pour évoquer les catégories mises en relief par Georges Duby, ou, pour prendre le langage d’aujourd’hui, en un temps où la liturgie occupait une place première dans la vie de la cité et sa culture. C’est précisément dans une telle approche interdisciplinaire du « Prototype » qu’un colloque a associé en février 1995, l’Institut de recherches et d’histoire des textes (C.N.R.S., Paris), l’École française de Rome, l’Institut historique dominicain et la Bibliothèque apostolique vaticane. C’est vers les mêmes années et dans une perspective semblable, mais en un champ plus restreint, qu’Anne-Élisabeth Urfels-Capot a préparé pour l’École nationale des chartes sa thèse sur Le sanctoral du lectionnaire de l’Office dominicain d’après le ms. Rome Sainte-Sabine XIV L1. On a plaisir à saluer dans cette thèse à la fois une compétence scientifique déjà assurée et les fruits que la formation des chartistes est à même de porter dans un contexte renouvelé des recherches médiévales.

Je ne m’intéresse pas à la question de la ponctuation, pourtant vraiment intéressante à la fois du point de vue de la latinité médiévale et du chant, mais pour laquelle il est nécessaire de prendre une base plus large que celle du lectionnaire de l’Office. Deux autres données appellent l’attention, non seulement des liturgistes, mais plus largement des historiens des savoirs médiévaux : à savoir, en premier lieu, la technique des citations et de l’emploi des sources, énoncée dans le prologue du lectionnaire, et dont Mme Urfels-Capot étudie dans le détail la mise en œuvre, et, en second lieu, la part d’originalité dans la composition même de ce lectionnaire.

La précision des citations, des coupures textuelles, des resserrements de textes, invite les historiens à comparer le lectionnaire et la méthode que celui-ci emploie avec d’autres écrits, plus ou moins contemporains. Je pense ici, d’une part, à la manière dont, parmi d’autres auteurs, Guillaume Durand de Mende l’Ancien, dans le Rationale divinorum officiorum et ailleurs, recopie sans cesse et éventuellement modifie des textes d’auteurs antérieurs, tout en ne mentionnant que rarement ses emprunts. Mais, à l’opposé, dans cette sorte de nouvelle Glose patristique des Évangiles, réalisée au cours de la décennie qui a suivi la fixation de la liturgie dominicaine – glose que par la suite on a appelée, de façon si expressive, la « chaîne d’or », la Catena aurea – Thomas d’Aquin, à la différence de ce que fera bientôt Durand, veille si bien à la précision de ses citations patristiques que, comme l’a montré le P. Gilles Berceville, il fait précéder du mot Glossa toute addition qu’il insère dans les textes cités. Ajoutons, pour revenir à la rigueur technique mise en œuvre par le lectionnaire, qu’il faudrait en rapprocher la précision des références que celui-ci donne pour les textes bibliques employés (chapitres et subdivision de chaque chapitre en sept sections, que remplacera au XVIe siècle notre division en versets) : une telle manière de faire, banale aux yeux d’un moderne, est absolument exceptionnelle pour le XIIIe siècle.

Ce qu’il y a d’original dans la composition du lectionnaire apparaîtra mieux lorsqu’on lira, en même temps que le livre de Mme Urfels-Capot sur Le sanctoral du lectionnaire, la contribution du père Étaix sur le temporal, lors du colloque de 1995. Cette originalité est déjà manifeste – et même étonnante pour le XIIIe siècle – dans une quarantaine de notices précédant les textes, qui s’essayent à la critique historique ou même à une comparaison de style entre les écrits des Pères. La mentalité qui s’éveille ici semble en avance sur son propre temps – qui est celui d’un Jacques de Voragine par exemple – et intuitivement plus proche des annotations qui trouveront place, bien plus tard, dans le bréviaire des mauristes ou dans la Liturgia Horarum romaine de 1971.

Mme Urfels-Capot apporte également des informations précises sur des questions auxquelles les historiens de la liturgie s’intéressent particulièrement : ainsi celles de la longueur des leçons de l’office choral et de l’articulation entre le lectionnaire choral et les leçons du bréviaire portatif – ce qui est particulièrement important pour la vie liturgique des Frères Prêcheurs. Sont également explorés les contacts possibles entre le lectionnaire dominicain et le lectionnaire cistercien ou celui de la chapelle papale. De fait ces contacts paraissent limités.

Reste la question la plus importante, celle de l’originalité spirituelle d’un ordre canonial, telle que son lectionnaire sanctoral peut l’exprimer sans disjoindre cette originalité de l’ensemble des lex orandi. Outre les lectures concernant saint Dominique et saint Pierre de Vérone, nous est offert ici un important dossier sur l’office marial du samedi et les lectures mariales qui lui sont propres : il y aura lieu d’examiner pour lui-même le déplacement de spiritualité qui s’y exprime, comme la liturgiste américaine Margot Fassler l’a fait pour les séquences, lors du colloque de 1995. Enfin une recherche ultérieure pourra être faite sur tel ou tel accent du sanctoral traditionnel, par exemple en ce qui concerne la spiritualité du martyre ou celle de la virginité : je ne serais pas surpris qu’y apparaisse une sorte d’homogénéité entre les points d’intensité de la spiritualité dominicaine et son ressourcement dans la Tradition de l’Église. En tout cas, le travail de Mme Urfels-Capot, grâce à sa technicité même, nous apporte déjà beaucoup de lumière sur la manière dont les oratores du XIIIe siècle fréquentaient en profondeur la lex orandi.

Pierre-Marie Gy, o.p.

Présentation

Après un premier essai d’uniformisation de la liturgie dominicaine vers 1248-1251, une réforme fut décidée et confiée à la réalisation de Humbert de Romans, provincial de France puis maître général de l’ordre en 1254. Elle fut déclarée achevée à la Pentecôte 1256, avec injonction d’en faire une copie dans chaque province de l’ordre, des vérificateurs étant chargés de contrôler la conformité des usages locaux à l’aide de copies portatives partielles. Le manuscrit actuellement conservé au couvent de Sainte-Sabine à Rome, XIV L 1, est l’exemplaire réalisé aussitôt après la réforme liturgique humbertienne au couvent Saint-Jacques à Paris, de 1256 à 1259 et à partir duquel les autres devaient être copiés, moyennant finances. Il fut réalisé et corrigé avec un soin minutieux. Mais il n’est pas sûr que d’autres copies complètes aient été réalisées dans chaque province, car la seule autre copie subsistante est incomplète.

Le manuscrit est désormais désigné par le sigle EHR (Exemplaire Humbertien de Rome), le lectionnaire par LHR (Lectionnaire humbertien de Rome). Il s’agit d’un volume de plus de 500 feuillets qui transmet les quatorze livres de l’Ecclesiasticum officium :

  • Ordinarium (f. 1r-12v) ;
  • Martyrologium (13r-40v). Il s’agit du martyrologe d’Usuard (composé ca. 875 par le bénédictin de Saint Germain-des-Près), revu et corrigé pour les besoins de l’Ordre ;
  • Collectarium (41r-58r) ;
  • Processionarium (58v-65v). « Libellum processionale » dans l’Encyclique ;
  • Psalterium (66r-86v) ;
  • Breviarium (87r-141v). « Breviarium portatile » dans l’Encyclique. Il s’agit effectivement d’un bréviaire portatif, où les leçons de matines sont plus brèves et parfois différentes de celles du lectionnaire choral ;
  • Lectionarium (142r-230v). Il s’agit du lectionnaire de l’office. Le Proprium de Tempore occupe les ff. 142r-188v. Le Proprium de sanctis, les ff. 189r-225v. Enfin, une section du lectionnaire est consacrée aux leçons de l’office marial du samedi, de l’office quotidien des défunts et du petit office de la Vierge, f. 225v-230v. En revanche, le Commune de sanctis fait défaut. Il n’en figure un que dans le Breviarium, f. 135r-140v. En effet chez les Dominicains, pour la célébration au chœur, toutes les fêtes étaient munies de leçons propres, ainsi qu’on le constate en rapprochant le Calendrier et le Proprium de sanctis du lectionnaire. Dans cette optique, il était superflu d’y faire figurer le Commun ;
  • Antiphonarium (231r-323r) ;
  • Graduale (323r-369r) ;
  • Pulpitarium (370r-392v). « Pulpitorium » dans l’Encyclique. Le Pulpitarium contient l’intonation de tous les textes notés qui, tant à la messe qu’à l’office, étaient chantés au pupitre par un, deux ou quatre frères selon la solennité de la fête : soit l’invitatoire, les versets des répons et des graduels, les traits et alleluia, la litanie des saints, etc.
  • Missale conventuale (393r-421v). « Missale majoris altaris » dans l’Encyclique. L’appellation ne doit pas induire en erreur : il s’agit bel et bien d’un sacramentaire ;
  • Epistolarium (422r-435v) ;
  • Evangelistarium (435v-454v) ;
  • Missale minorum altarium (455r-500). « Missale pro minoribus altaribus » dans l’Encyclique. Cette fois-ci, il s’agit du missel plénier, qui est à la messe ce qu’est le bréviaire portatif à l’office.

En ce temps de mutation dans la typologie des livres liturgiques, on peut considérer, à propos de l’articulation de l’oral (improvisation ou « par cœur ») et de l’écrit dans la liturgie, et de l’éclipse progressive du premier par le second, que par certains traits de sa composition le EHR est symptomatique du lent mais inexorable déclin du rôle dévolu à la mémorisation, et d’une dépendance croissante à l’égard du texte.

Considéré dès l’origine comme un exemplar, à la fois officiel, prestigieux et pratique, l’ouvrage, exécuté concurremment par plusieurs scribes et corrigé (de façon qu’il peut servir à une étude linguistique des graphies, entre 1256 et 1259 à Paris), est extrêmement soigné, avec le souci de souligner tous les éléments de structuration en individualisant les différents offices et leçons et, dans le cas du lectionnaire, de faciliter une lecture à haute voix intelligente et harmonieuse.

C’est le rôle de la versiculation, source d’information et de compréhension à part entière, puisqu’elle intègre au texte, réalité immatérielle, son mode concret de cantillation. En ce sens, elle en rend presque palpable la « performance ». La potentialité sémantique de la versiculation apparaît avant même toute étude de détail ; elle pourrait même l’emporter sur la ponctuation en ce domaine, dans la mesure où son expression, musicale autant que rythmique, est davantage « forcée » par rapport à une ponctuation plus discrète.

La versiculation cistercienne adoptée par les dominicains repose sur la combinaison des signes suivants :

  • punctus suivi d’une littera notabilior (capitale), en fin de phrase affirmative. (A ce punctus se substitue bien sûr le punctus interrogativus si la phrase est interrogative.) ;
  • punctus elevatus pour la pause intermédiaire, ou « médiale », majeure ;
  • punctus flexus pour une pause intermédiaire secondaire, que l’on peut qualifier de pause médiale mineure (mais qui, comme la pause médiale majeure, correspond à une unité de sens complète) ;
  • enfin, dès lors que le punctus + littera notabilior indique une pause finale, le simple punctus, suivi d’une minuscule, suffit à marquer sans ambiguïté la pause la plus faible. On peut ainsi isoler les différents membres d’une liste, distinguer une suite de termes en apposition, etc.

On a donc affaire à un système à quatre niveaux apparents. Cependant, la distinction entre la pause médiale majeure (punctus elevatus) et la pause médiale mineure (punctus flexus) correspond essentiellement à des règles d’alternance musicales.

Outre la minutie des corrections apportées à la versiculation, nous avons deux indices de l’importance que Humbert attachait à l’exécution orale des leçons de matines, et, plus largement, des autres pièces non chantées de l’office. Il a pris soin de rappeler en tête du lectionnaire selon quelle mélodie il fallait les moduler. D’autre part, il n’a pas hésité à présenter tous les enjeux d’une bonne cantillation dans son Expositio regulae beati Augustini.

L’un des aspects les plus essentiels de l’approche dominicaine de la versiculation tient dans l’accent délibérément et unilatéralement porté sur la dimension auditive plutôt que visuelle, le pourquoi plutôt que le comment de la versiculation. Il n’est jamais oublié que la finalité de la versiculation, comme son nom l’indique, est de découper le texte à lire en versets (le punctus des pauses fortes est annoncé sous le titre de finis versus). Il n’est jamais oublié que le système de signes consacré par les Cisterciens, commun à la versiculation et la ponctuation à l’exception du punctus flexus, fait ici l’objet d’un usage spécialisé qui justifie cette insistance sur l’effet plutôt que le signe : la cantillation des textes liturgiques.

La distribution des signes de versiculation ne dépend pas d’abord de l’analyse grammaticale, ni même rhétorique de la phrase. Avant tout, elle dépend des impératifs spécifiques à l’exécution orale des leçons selon les règles du chant grégorien. La simple observation de l’usage qui en est fait dans LHR permet de retrouver les principes appliqués. Si le cadre mélodique du verset s’avère assez contraignant, au total la versiculation souligne l’architecture interne de la phrase, en particulier grâce à un savant usage de la pause faible qui en éclaire le sens dans ses répercussions tant syntaxiques que stylistiques. La forte présence auditive de la versiculation, qui canalise à l’extrême la réception effective du texte lu, parce que, prédéterminant pauses, respirations et accents, elle en impose le rythme et le sens à l’oreille, est heureusement mise à profit dans le lectionnaire. Sa prégnance sémantique affirmée justifie que l’édition du lectionnaire en fasse état.

(Voir dans les « Principes d’édition » comment ces signes sont transposés dans l’édition du Sanctoral)

L’édition permet d’évaluer ce qui, sur le fonds commun des textes utilisés au cours des rites de l’Eglise occidentale, représente la spécificité des choix d’Humbert de Romans. Textes homilétiques et récits hagiographiques, avec quelques textes de nature diverse mais assimilables, s’y présentent en proportions variables. S’agissant de textes hagiographiques, la distinction est toujours faite entre textes attribués à un auteur et textes anonymes. Et de façon générale, l’attention portée par le lectionnaire lui-même aux attributions est un signe des temps.

Le sanctoral du lectionnaire se fonde sur 214 textes de base différents, dont sont tirés 303 extraits, l’extrait étant entendu comme passage tiré d’une même œuvre de base et s’étendant sur un office au plus, quel que soit le nombre de leçons (222 extraits dépassent une leçon). Il s’agit surtout de sermons et d’homélies, mais les récits hagiographiques sont presque aussi utilisés. Le lectionnaire tient donc la balance à peu près égale entre lectionnaire et légendier. Le cycle des samedis de la Vierge, qui détourne des textes homilétiques antérieurs surtout christiques, assortis de prières comme celles d’Anselme de Cantorbéry, est une innovation qui contribue à donner au lectionnaire dominicain sa configuration propre. Dans ces textes Humbert choisit souvent les péroraisons et conclusions, porteuses d’un effort rhétorique plus propre à susciter l’émotion méditative.

A part cinq figures de saints modernes (Dominique, Bernard de Clairvaux, Thomas Becket, François d’Assise et Pierre de Vérone, canonisé en 1253), les choix de Humbert sont assez traditionnels. Il s’est aussi servi d’ouvrages historiques (Eusèbe, Isidore de Séville, Sigebert de Gembloux, Grégoire de Tours, le Liber pontificalis), d’homéliaires carolingiens (Alain de Farfa, Paul Diacre), de plus rares auteurs postérieurs (Ambroise Autpert, Fulbert de Chartres, Odilon de Cluny et, le plus récent, saint Bernard).

Un tiers environ de ces textes de base sont communs avec le lectionnaire cistercien, par suite de l’utilisation des mêmes sources (les homéliaires de Paul Diacre et d’Alain de Farfa). Il semble que l’on puisse exclure de ce fait une influence du lectionnaire cistercien. Il ne semble pas non plus que les usages de la Curie romaine, pour autant que l’on soit sûr de leur identification, aient eu une influence notable sur les choix dominicains, malgré un emprunt ponctuel signalé par Humbert lui-même.

La composition d’un ensemble important relatif aux saints s’inscrit d’ailleurs dans la ligne des légendiers des dominicains Jean de Mailly et Barthélémy de Trente ; il arrive à Humbert de réécrire complètement ses sources, comme ces legendae novae. Il tient d’ailleurs à préciser scrupuleusement par un signe différent le procédé d’adaptation : s’il a rédigé à neuf en le résumant (dans le cas des récits hagiographiques), ou bien adapté par des coupures le texte de départ, sans le transformer, ou encore s’il l’a utilisé tel quel. Conservation à l’identique, sélection par coupures, réécriture. La sélection est appliquée dans deux tiers des cas, les textes homilétiques ne sont jamais réécrits, au contraire des textes hagiographiques surtout anonymes : le système d’adaptation, très réfléchi, prend en compte la nature du texte et l’autorité dont est investi son auteur. Les modalités de ces adaptations, sans doute opérées par différents collaborateurs, sont variées selon les textes de base et l’usage à en faire, et dénotent une appropriation de première main, sur des extraits déjà choisis et parfois réassemblés en ordre dispersé (excerptatio), par élimination des digressions de toute sorte.

Une quarantaine de notices critiques liminaires, de taille variable, accompagnent certains extraits. Discussions érudites sur des points d’histoire liturgique, les sources d’un texte ou son authenticité, la comparaison d’opinions différentes sur tel ou tel saint, elles montrent bien le caractère savant de l’ordre des Prêcheurs. Mais la plupart répondent à un souci de précision relatif à l’attribution des textes invoqués, qui sont une garantie d’authenticité et de véracité. Il s’agit de mettre en valeur la fiabilité des témoins : l’autorité d’un texte est fonction de la personne de son auteur. C’est pourquoi Humbert cherche à mettre au point une méthode pour percer l’anonymat des textes. Il analyse les contenus, et parfois signale la provenance du manuscrit où figure un texte anonyme. Pour les textes homilétiques, il les signale par leur incipit si celui-ci ne figure pas dans lectionnaire. En cas de doute, il collationnait, semble-t-il, tous les manuscrits liturgiques disponibles, et rencontrait parfois des attributions contradictoires, qu’il signale avec une parfaite honnêteté intellectuelle. Il lui arrive aussi de remonter aux sources originelles, de signaler des abréviations, de collationner les textes pour débrouiller des généalogies littéraires et de résoudre des contradictions. La compilation qu’est le lectionnaire ne va pas sans recherches personnelles. Dépendant bien sûr des manuscrits dont il disposait, il met au point une méthode critique pour débrouiller les dossiers contradictoires, sans envisager toutefois que deux informations concordantes puissent être fausses. Il cherche en tout cas à éviter une déperdition d’information, par le biais de ces notices parfois bibliographiques. Cet apparat critique est original et moderne pour son époque. Il y a là un éclairage précieux sur les conceptions historiques et critiques qui sont les siennes et celles de ses contemporains.

L’autorité est le mot-clé de toute la compilation liturgique humbertienne. Car si ce concept très médiéval explique souvent le choix de tel ou tel mode d’adaptation, autant que l’élaboration de la signalisation qui en rend compte, il est surtout au cœur des discussions érudites et critiques que représentent les quelques quarante notices du Lectionnaire. Récits contradictoires, attributions multiples ou anonymat persistant - bref, tout ce qui met à mal la véracité supposée d’un récit ou la présomption d’authenticité d’un ouvrage, voilà ce qui retient l’attention de Humbert de Romans. Dans ses motivations comme dans ses méthodes critiques, celui-ci est tout à fait représentatif des mentalités et des conceptions historiques de son temps. Ce qui est novateur, c’est de les avoir transposées au domaine liturgique, d’avoir compris que la valeur de l’ouvrage, au même titre que pour une compilation érudite, dépendait de la rigueur de son travail, de la précision de ses références, de sa critique des sources et du repérage des tours et détours de la tradition littéraire ou manuscrite.

Ouvrage à dimension liturgique, hagiographique, littéraire et critique, le lectionnaire sanctoral dominicain issu de la réforme humbertienne mérite donc pleinement d’être considéré comme un des plus remarquables représentants des exigences spirituelles et intellectuelles du siècle et de l’ordre qui l’ont produit.

Pascale Bourgain, École nationale des chartes

Introduction

La liturgie et son histoire retiennent aujourd’hui l’attention d’un nombre croissant de chercheurs, et en particulier de médiévistes. Ce phénomène assez nouveau n’est pas une simple mode sans raison ni profondeur ; bien au contraire, car la liturgie, dans toutes ses manifestations directes ou indirectes, et au premier chef à travers les livres où elle se trouve consignée, constitue sans aucun doute un mode d’accès privilégié à la culture du Moyen Âge.

Certes, à l’instar de la plupart des sources écrites de cette époque, la production liturgique est incontestablement le fruit de l’activité et de la réflexion d’une élite, et ce n’est qu’indirectement, presque de façon détournée, qu’elle éclaire les multiples facettes de toute une civilisation. Mais son empreinte y est capitale. De même que l’historien de l’art est sensible au rôle essentiel de la liturgie dans l’organisation de l’espace sacré, de même, l’historien de la littérature sait qu’il ne peut faire l’économie de cet aspect de la vie des auteurs qu’il étudie, sous peine de ne pas entendre les multiples réminiscences bibliques et parabibliques dont peu de genres littéraires étaient alors exempts. Malgré l’évolution qui se dessine déjà au XIVe et au XVe siècles, les litterati n’ont longtemps fait qu’un avec les clerici, séculiers ou réguliers, ou, tout autant et plus encore pétris de liturgie, les hommes des cloîtres. Or, lectures, antiennes et autres pièces chantées, tout était prétexte à mémorisation dans une civilisation où la part de l’oral était majeure encore.

Quant à l’historien d’un culte des saints assurément multiforme, il est patent qu’il a tout à gagner d’une interdisciplinarité accrue en la matière ; interdisciplinarité qui, dois-je le préciser ?, m’a tout particulièrement attirée, tant la voie paraît prometteuse. Dans la lignée d’A. Vauchez, dont la thèse, parue voici une quinzaine d’années, a montré, entre autres choses, comment les procès de canonisation reflètent l’approche de la sainteté propre à un milieu et une époque, tout autant qu’ils la modèlent1, il apparaît en effet qu’à la croisée de l’hagiographie et de la liturgie, les textes lus pour les fêtes des saints pendant l’office des matines sont à la fois reflet et vecteur d’une certaine image de la sainteté, c’est-à-dire au cœur d’une interaction dont la société du temps est partie prenante.

Les leçons de matines témoignent en effet de la vision médiévale de la sainteté, parce que les lectionnaires qui les regroupent ont été élaborés, progressivement ou lors de révisions plus brutales, par des hommes qui, pour être « lettrés », n’en étaient pas moins représentants des mentalités de leur temps. Mais en aval, voici cette vision de la sainteté diffusée, orientée, lentement remaniée peut-être par ces mêmes lectionnaires. Le peuple de Dieu n’assistait bien sûr pas en son ensemble aux matines. Mais les clercs chargés de l’enseigner n’étaient-ils pas, quant à eux, façonnés par l’audition, à longueur d’année, de ce corpus de textes ? Et l’image des saints et de la sainteté qui en ressortait devait fatalement influer par ce biais sur leur prédication, au-delà même des traits saillants, miracles ou autres, qui, tout à fait délibérément cette fois, venaient illustrer leurs sermons, réveillant à point nommé l’attention des fidèles. Les Mendiants devaient d’ailleurs faire un large emploi de ce procédé à partir du XIIIe siècle, contribuant ainsi à la diffusion du genre littéraire des exempla...

Dans cette optique, le cas des Prêcheurs, considéré à la mi-XIIIe siècle, se révèle doublement intéressant.

D’un point de vue théorique d’une part, ils allient à la volonté de se doter très tôt d’une liturgie uniforme, leçons de matines comprises (et cette unification est réalisée quarante ans à peine après leur fondation en 1215), toutes les caractéristiques d’un ordre en pleine expansion, né pour répondre aux aspirations nouvelles d’un monde pris dans les mutations du XIIIe siècle. En son sein, et jusque dans le domaine d’une sainteté proposée en modèle de vie, les Dominicains se voulaient médiats des grâces reçues – contemplata aliis tradere, selon la devise de leur ordre.

D’un point de vue pratique d’autre part, le chercheur dispose de conditions idéales pour étudier comme il le mérite le lectionnaire sanctoral dominicain, tel qu’il a été mis au point en 1254-1256, sous la direction du maître de l’Ordre Humbert de Romans. En effet, les Archives générales de l’ordre des Prêcheurs, sises au couvent Sainte-Sabine à Rome, conservent aujourd’hui sous la cote XIV L1 un manuscrit regroupant tous les livres de la liturgie dominicaine élaborés alors, sous le titre d’Ecclesiasticum officium secundum ordinem fratrum predicatorum.

On a même longtemps considéré qu’on avait là le manuscrit apographe et archétype de la tradition tant recherché par les éditeurs de textes, d’où son appellation, devenue traditionnelle au XXe siècle, de « Prototype de Humbert de Romans » (ou Archetype, pour les Anglo-Saxons). Ce statut a été tout récemment remis en question lors du colloque qui, signe de son importance hors pair, a été entièrement consacré au manuscrit dominicain les 2, 3 et 4 mars 1995, sous l’égide de la Bibliothèque apostolique Vaticane, de l’École française de Rome, de l’Institut de recherche et d’histoire des textes et de l’Institut historique dominicain2. Sans entrer dans le détail des différentes communications consacrées à ce problème3, on en retiendra ici les grandes conclusions. Divers indices permettent de dater la réalisation du manuscrit des années 1256-1259, même si la décoration des quatorze livres qui le composent ne saurait être antérieure à 1265, et leur réunion en un seul codex, avec la page de titre actuelle, aux années 1270. Par ailleurs, s’il faut renoncer à lui donner son statut de (seul et unique) manuscrit apographe, on peut et on doit lui laisser toute sa valeur de témoin privilégié, car il est bel et bien l’un des exemplaria dont, dès 1256, le chapitre général de Paris prônait et organisait financièrement la réalisation, sous la gouverne du prieur du couvent parisien de Saint-Jacques4. Expression fidèle, intégrale et on ne peut plus proche dans le temps de la réforme unificatrice de 1254-1256, le ms. Sainte-Sabine XIV L1 est aussi le seul de ces exemplaria à être parvenu jusqu’à nous, présentant au complet les quatorze livres que compte l’Ecclesiasticum officium5.

Puisque la théorie comme la pratique nous invitent et nous autorisent à accorder au lectionnaire sanctoral de l’office dominicain toute l’attention qu’il mérite, reste à préciser le « comment » de cette étude.

Pour se familiariser avec le lectionnaire et saisir l’enjeu des questions qu’il soulève, une présentation rapide de la réforme liturgique de 1254-1256 et de l’histoire du codex est aussi l’occasion de donner toutes les précisions terminologiques nécessaires (chapitre I). Suit un bilan plus approfondi, au plan historique autant qu’historiographique, de la liturgie dominicaine des origines à Humbert de Romans (chapitre II). Car c’est dans ce contexte que l’articulation du lectionnaire avec les autres livres du ms. Sainte-Sabine XIV L1 (chapitre III), de même que la qualité de sa mise en œuvre (chapitres IV à VII), prennent toute leur signification. Muni de ces données, ainsi que de l’édition intégrale et de l’identification des leçons de matines qui leur font suite, il devient alors possible d’analyser, dans une deuxième partie, le processus de composition du lectionnaire. Le repérage des sources les plus marquantes, ainsi que l’analyse de la part respective des récits hagiographiques, des textes homilétiques ou autres qui composent le lectionnaire dessinent son profil général (chapitre VIII). Il faut aussi déterminer, autant que faire se peut, l’apport des liturgies externes et le poids de l’héritage dominicain (chapitres IX et X).

Mais parce que le lectionnaire n’est pas une simple compilation d’extraits de provenances diverses, le mode d’appropriation des textes de base (chapitre XI), ainsi que les commentaires critiques dont certains font l’objet (chapitre XII), jouent enfin un rôle essentiel dans la configuration spécifiquement dominicaine de l’ouvrage.

On remarquera que la question de la postérité des leçons de matines dominicaines, directe (liturgique) ou indirecte (homilétique et littéraire) a été délibérément laissée de côté, et avec elle l’étude des liens que le lectionnaire humbertien a pu avoir avec la conception contemporaine de la sainteté, en matière d’influence exercée comme reçue. Il eût fallu pour ce faire une enquête exhaustive qui dépassait largement le cadre matériel et temporel de cette étude6.

Toutefois, laissant ce travail complémentaire pour des recherches ultérieures, l’auteur des pages qui suivent espère qu’elles pourront déjà fournir à leur lecteur des informations et des bases de comparaison susceptibles d’éveiller son intérêt.

Édition du lectionnaire sanctoral

Principes d'édition

Principe directeur

Il ne s'agit pas ici de reconstruire en s'appuyant sur plusieurs manuscrits l'archétype de la tradition, ce « manuscrit unique », « proche de la composition du texte » et « prototype de la tradition » tout à la fois1, mais d'éditer LHR sur le principe de l'édition d'un unicum.

Certes, EHR est tout proche de la composition du texte, puisqu'il a été copié en 1256-1259 ; certes, ce manuscrit n'a pas son pareil, puisqu'il est l'unique exemplar à être parvenu jusqu'à nous ; certes encore, qui dit exemplar dit en principe ipso facto prototype de la tradition manuscrite, puisque c'est dans ce but même que l'on en élabore un, pour plus de facilités de copie et surtout pour plus de fidélité au texte à transmettre. Et les Chapitres dominicains conçoivent bien l'exemplar comme un prototype / archétype de la tradition, fût-ce par le biais de corrections et non de copies entièrement nouvelles, eu égard à la continuité de la révision de 1254-1256 avec les travaux précédents... et au coût extraordinaire de toute autre forme de diffusion :

Quicumque scripserint usque hodie aliquid de Officio non dent ad transcribendum aliis quousque correcta fuerint diligenter ea que scripserunt ad exemplaria que sunt Parisius ; et quicumque a modo scribent, non utantur illis scriptis, quousque per fratres diligenter correcta fuerint scripta illa, nec credatur particularibus correctionibus quas quidam dicuntur portasse in quaternis et cedulis 2 .

Mais là où les choses se gâtent en ce qui concerne EHR, c'est que ce manuscrit semble avoir été très vite, pour ne pas dire aussitôt, dévié de sa finalité initiale. De fait, les récentes études du P. Boyle3 ont permis de relever des marques de l'utilisation au chœur de tel ou tel livre de l'Ecclesiasticum officium, dont le Lectionnaire (avant reliure de l'ensemble bien sûr), mais aucune trace de sa copie par pecia.

Seule une analyse étendue de la tradition manuscrite ultérieure permettrait de trancher définitivement cette question. Mais en tout état de cause, LHR reste l'unique témoin direct, fidèle et officiel, de la révision humbertienne des leçons de matines, et c'est en tant que tel qu'il mérite l'édition qui seule permettra à tous les chercheurs d'en apprécier la portée et l'éventuelle postérité, liturgique comme extra-liturgique.

Dans un tel contexte, on pourrait être tenté par une édition fac simile à l'anglaise. Mais une édition n'est pas un microfilm. Ma ligne de conduite a donc été la suivante : signaler à l'attention du lecteur tout ce qui est signifiant, et rien de plus ; éliminer de l'apparat critique toutes les fautes et particularités récurrentes, celles-ci ayant déjà été analysées dans le cadre de l'étude de l'orthographe du Lectionnaire.

Signalement des fautes et particularités graphiques

J'ai distingué quatre cas. D'abord, celui des fautes ponctuelles (non signifiantes) et corrigées ; ensuite celui des fautes récurrentes et corrigées : ces deux cas de figure sont mis sur un plan d'égalité dans l'édition (cf. paragraphe 1.2). Puis vient le cas des fautes non corrigées : celles-ci sont systématiquement signalées dans le cours de l'édition (cf. paragraphe 1.3). Enfin restent toutes les particularités graphiques, largement récurrentes, et que le correcteur n'a pas toujours sanctionnées : dans ce dernier cas on ne pouvait décider a priori et globalement s'il était opportun ou non de les signaler dans le cours de l'édition, d'où une politique plus diversifiée (cf. paragraphe 1.1). On aboutit ainsi au système suivant.

Particularités graphiques
Morphologie
  • L'intervention du correcteur est toujours signalée lorsqu'il modifie le lexique ou l'étymologie d'un terme (type auctor / actor). La graphie initiale du scribe est alors mentionnée en note, et c'est l'état après correction qui figure dans le texte.
  • La suppression systématique du 2e i de hiis n'est nulle part signalée dans l'édition, qui donne uniquement et directement l'état après correction.
  • On se souvient que le scribe introduit systématiquement, dans les mots formés par préfixation, un petit espace entre le préfixe et le radical, mais que le correcteur ne les a soudés d'un tiret que lorsque l'espace laissé par le scribe pouvait induire le lecteur en erreur. Je n'ai pas signalé cette intervention dans le cours de l'édition, où préfixes et radicaux sont toujours soudés selon notre mode normal d'écriture. De même n'ai-je pas relevé l'usage du scribe qui consiste au contraire à rapprocher une préposition de son régime.
Phonétique
  • La suppression systématique des p épenthétiques n'est nulle part signalée dans l'édition, qui donne l'état après correction.
  • L'assourdissement du d de sed en t ne pose de problème d'édition que lorsque la conjonction apparaît sous sa forme abrégée. J'ai opté pour la résolution sed, c'est-à-dire pour la forme que privilégie le correcteur. L'édition ne distingue donc pas le cas où la graphie sed résulte d'une correction de la forme set, et le cas, de loin le plus fréquent, où la graphie sed correspond au développement de l'abréviation du manuscrit.
  • Pour ce qui est de la tendance à transformer en n, par exponctuation du 3e jambage, le m de mots comme eamdem, tamquam, etc., l'intervention du correcteur, fréquente sans être systématique, s'avère parfaitement aléatoire. Donc, lorsqu'il a effectivement substitué la graphie en n, j'ai retenu implicitement l'état après correction, sans préciser au cas par cas si le scribe avait de lui-même opté pour la graphie avec n, ou si c'était le correcteur qui avait censuré le m.
  • Pour ce qui est de l'omission répétée des nasales implosives et des hésitations auxquelles donnent lieu les constrictives, j'ai fait état de la graphie du scribe (entérinée par le correcteur), tout en donnant la forme normale, soit en note, soit en suppléant la lettre manquante entre crochets droits dans le texte lui même.
Fautes corrigées
Ne sont mentionnées en aucune manière :
  • les corrections orthographiques récurrentes.
    Ex. : celles qui portent sur les redoublements de consonnes erronés (du type occulis).
  • les corrections de mise en page récurrentes.
    Ex. : la destination de l'office est très généralement ramenée en tête, avant la source des leçons, quand le scribe avait inversé ces deux éléments.
  • les corrections orthographiques portant sur des lapsus calami sans signification particulière (omission ou bissage d'une lettre ou d'une syllabe, etc.). Cependant les lapsus ponctuels ont été signalés en note dans l'unique mesure où ils pouvaient résulter d'une mauvaise compréhension du texte ou de la confusion entre deux termes proches de la part du scribe.
    Ex. : j'ai mentionné que le scribe avait écrit dicere au lieu de discere au n° 119.1, alors que je n'ai pas signalé qu'il avait oublié le premier r de armoriolo au n° 3.2 (le correcteur l'a ajouté dans l'interligne), ou le s de presbiter au n° 17.1 (le s a été ultérieurement greffé sur le b) .

Dans tous ces cas et de façon implicite, c'est l'état après correction qui a été retenu.

Sont signalées en note
  • les omissions d'un mot ou de tout un membre de phrase (les termes en question ont alors été ajoutés en marge du Lectionnaire).
  • les inversions ponctuelles de termes dans le corps des leçons.
    Ex. : au n° 1.1b, a qua nullis temptationum improbitatibus posset deici, écrit d'abord a qua nullis temptationum posset improbitatibus deici.
  • les coupures de mots erronées, soit qu'un terme ait d'abord été écrit en deux mots, soit que deux termes aient d'abord été écrits en un seul mot4.
    Ex. : a qua écrit d'abord aqua au n° 1.1b ; adeo écrit d'abord au a Deo n° 9.9. Ou encore au n° 19.3, un fallacieux pro scriptione, réuni ensuite en un seul mot par le correcteur.
Fautes non corrigées
Figurent dans le texte :
  • entre crochets droits [], tout mot ou lettre(s) omis par erreur et qu'il faut suppléer sous peine d'entraver la bonne compréhension du texte5.
    Ex.: au n° 35.1, « Maria virgo est ante partum ' et virgo in partu ' et virgo [post] partum ». Le « post » manquait dans le manuscrit.
  • entre parenthèses (), tout mot ou lettre(s) qu'il faut supprimer sous peine d'entraver la bonne compréhension du texte.
    Ex.: au n° 3.8', indesi(g)nenter, comprendre inde­sinenter.

Particularités de transcription

Résolution des abréviations

Le Lectionnaire comporte un nombre assez restreint d'abréviations, et il n'en est aucune qui ne soit d'usage courant6. Signalons simplement le a suscrit sans valeur abréviative uniformément utilisé dans l'abréviation d'evangelium et de tous ses composés. On le retrouve en quelques autres occasions, comme dans Marchus (n° 22.4), debeamus (n° 129.6), ou encore Martinus (n° 150.a), et passim. L'emploi du s final suscrit sans valeur abréviative (en bout de ligne) est omniprésent.

Lorsqu'une abréviation est employée, elle l'est à peu près systématiquement. Faute de graphie développée, il a parfois fallu opter arbitrairement pour une résolution plutôt qu'une autre. Ainsi, pour l'abréviation traditionnelle Jhs, que l'on pouvait développer Jhesus et Jesus, j'ai choisi la seconde graphie.

Cependant, on peut avoir la chance de rencontrer une fois ou l'autre la forme développée. Par exemple, alors que partout ailleurs on ne trouve qu'epla / eple, l'unique epistolis écrit en toutes lettres au n° 25.2 nous a fait opter pour la résolution avec o plutôt que u, ce qui est d'ailleurs la graphie normale au Moyen Age.

Mais il reste le cas des abréviations que le scribe développe tantôt d'une façon, tantôt d'une autre. Comment développer le tilde d'un circucisi lorsque l'on rencontre indifférement des circuncisi et des circumcisi (n° 12) ? Pour ne pas parler de y distribués au petit bonheur dans martyr et ses composés... Dans la résolution de telles abréviations, j'ai en fait retenu tantôt l'une, tantôt l'autre des graphies en m'alignant sur celle qui avait été adoptée par le scribe dans le contexte immédiat. Néanmoins, puisqu'au milieu d'innombrables kmi, on trouve une poignée de karissimi et autant de carissimi, c'est cette dernière graphie, pour nous être plus familière, qui a été retenue quand il fallait résoudre l'abréviation.

Enfin, et quoique l'usage du compilateur reste flottant lorsque le terme apparaît en toutes lettres, l'abréviation oct. a été quant à elle résolue Octava (au singulier) lorsqu'elle désigne le jour d'Octave proprement dit, et octavas (au pluriel) lorsqu'il s'agit de la semaine d'octave.

Développement des indications chiffrées

Dans le manuscrit, les cardinaux comme les ordinaux apparaissent soit en toutes lettres, soit en chiffres et entre deux points.

Ex. : Notandum quod iste Severus fecit opuscula .V. (n° 143.N), mais In festo septem fratrum (n° 76). Secundum Matheum. IIII. e. (n° 2.7), Lectio .Ia. (n° 1), mais Lectio secunda (n° 1).

Cette opposition entre l'expression en chiffres ou en lettres est respectée dans ma transcription, à quelques exceptions près :
  • Dans le manuscrit, les numéros des leçons sont exprimés en chiffres ou en lettres en fonction de l'espace dont disposait le rubricateur. Dans l'édition ils sont toujours donnés en toutes lettres (Lectio prima, Lectio secunda, etc.)
  • Les références scripturaires n'apparaissent jamais en toutes lettres. Je les ai donc conservées sous leur forme chiffrée, mais en calquant notre mode de référence actuel par chapitre et verset : Secundum Matheum, IIII, e (sans points).

Ambivalences graphiques

On sait l'ambivalence graphique des c et t dans les manuscrits médiévaux. Le Lectionnaire, quoique remarquablement calligraphié, n'échappe que très partiellement à cette confusion. En cas de doute, c'est l'orthographe classique, laquelle nous est plus familière, qui a été retenue.

Par ailleurs, alors que le scribe se pique d'écrire etsi, nonnullus, postmodum, quamdiu, necnon, etc., en deux mots, le correcteur préfère généralement souder ces termes. Lorsqu'il ne l'a pas fait, j'ai implicitement procédé à la même réunion, et régularisé le système graphique dans le sens qui nous est le plus coutumier.

L'emploi des majuscules se conforme aux usages contemporains.

Conventions typographiques

Traduisant une réalité du manuscrit

Encre noire, encre rouge
  • Caractères romains = corps du texte, copié à l'encre noire.
  • Caractères italiques = tout ce qui apparaît en rubrique dans le manuscrit.
Signes de versiculation
  • Majuscule = pause forte (finis versus, punctus + littera notabilior).
  • * = pause médiale majeure (mediatio, punctus elevatus).
  • + = pause médiale mineure (flexa, punctus flexus).
  • ' = pause faible ([respiration], punctus).
  • ? = point d'interrogation (interrogatio, punctus interrogativus).
Signes d'adaptation
  • . Å . = signe utilisé par Humbert pour indiquer que la source employée a été adaptée par sélection.
  • . T . = signe utilisé par Humbert pour indiquer que la source employée a été adaptée par réécriture.

Dans le manuscrit, les deux symboles . Å . et . T . sont généralement encadrés de deux points. J'ai systématisé cette pratique dans l'édition. Dans le manuscrit, ils sont indifféremment copiés en rouge ou en noir ; dans l'édition, ils sont toujours donnés en caractères romains.

Correspondant à une intervention de ma part

Artifices d'édition
  • Petites Capitales = citations bibliques dans le cours des leçons.
  • () lettre ou mot à supprimer.
  • [] lettre ou mot ajouté, information complémentaire.

Les numéros des feuillets, en particulier, figurent entre crochets droits, de même que les références des citations scripturaires. Lorsque la référence est précédée de « cf. », c'est que la citation est abrégée. Par exemple au n° 104.4, Pater, volo ut ubi ego sum * et illi sint mecum [cf. Jo. 17, 24]. Je ne signale pas les simples allusions aux Ecritures. Par exemple, en 104.7, « Si enim omnium sanctorum mors est preciosa * Marie sane est preciosissima », l'allusion au Ps. 115, 15 n'est pas indiquée. En revanche, on aura au n° 24.9 : « Sed in his omnibus nichil aliud est * nisi preciosa semper in conspectu Domini mors sanctorum ejus [Ps. 115, 15]. »

Signes de ponctuation
En complément à la versiculation, ont été introduits les signes suivants :
  • ! = point d'exclamation, qui correspond dans le manuscrit à une pause forte.
  • « ... » = guillemets et/ou deux-points, qui correspondent dans le manuscrit à une pause forte, sauf indication contraire explicite.
    Dans le corps des leçons, il arrive en effet que des paroles rapportées suivent une pause médiale et non une pause forte. Par ailleurs, j'ai usé des guillemets pour isoler tout terme ou groupe de mots venant comme une définition, ou une explication étymologique. Par exemple, au n° 56.1, Barnabas hebraice ' latine filius prophete vel consolationis... devient dans mon édition « Barnabas » hebraice ' latine « filius prophete » vel « consolationis », alors qu'aucun signe particulier n'isole ces définitions dans le manuscrit.
  • , = virgule, lorsque le sens et la syntaxe nécessitent cette marque de ponctuation.

Dans les notices liminaires, les signes de ponctuation modernes ont été substitués aux symboles de versiculation du manuscrit.

Identification des textes hagiographiques
  • référence précédée du signe « = »  : le texte répertorié dans la BHL figure in extenso dans le Lectionnaire.
  • référence donnée seule : le texte de la BHL n'a fait l'objet d'aucune adaptation.
  • référence précédée du signe « < » : le texte de la BHL a été adapté par sélection.
  • référence précédée de « cf. » : le texte de la BHL a été adapté par réécriture.
  • référence suivie d'un point d'interrogation : signale un doute sur l'identification du texte de base.
  • tiret « - » entre deux références = « et » (cas d'un récit réparti sur plusieurs numéros de la BHL).
  • barre oblique entre deux références « / » = « ou » (hésitation entre plusieurs versions d'un récit hagiographique).

Liste des abréviations

  • ab. : abbas
  • abbr. : abbreviavit
  • a.c. : ante correctionem
  • add. : addidit
  • AF : homéliaire d'Alain de Farfa
  • ap. : apostolus
  • app. : apostoli
  • BMV : beata Maria virgo
  • c. : confessor
  • corr. : correxit
  • d : duplex (festum)
  • D : dominica
  • del. : delevit
  • ep. : episcopus
  • evg. : evangelista
  • exp. : expunxit
  • F : feria
  • ETP : extra Tempus Pascale
  • in marg. : in margine /marginem
  • par défaut, cette observation s'applique à toute la ligne en fin de laquelle on la trouve.
  • inf. oct. : infra octavas
  • inter l.: inter lineas
  • inv. : inversum
  • m. : martyr
  • mm. : martyres
  • Oct. : Octava
  • om. : omisit
  • p. : papa
  • p.c. : post correctionem
  • pbr. : presbyter
  • PD : homéliaire de Paul Diacre
  • rep. : repetivit
  • s : simplex (festum)
  • S : sabbatum
  • S. : sanctus / sancta
  • sd : semi duplex (festum)
  • SD : si fuerit dominica
  • SND : si non fuerit dominica
  • SS. : sancti / sanctae
  • td : totum duplex (festum)
  • tl : trium lectionum (festum)
  • TP : in Tempore Paschali
  • tr. : transposuit
  • v. : virgo
  • vig. : vigilia

1 Sur ces caractéristiques fondamentales dans une perspective éditoriale, voir P. Bourgain, Sur l'édition des textes littéraires latins médiévaux, p. 35.
2 Cf. Annexe 2.1, à l'année 1257.
3 A Material consideration..., dans Liturgie, musique et culture...
4 Ces erreurs doivent être distinguées du « tic » graphique du scribe qui consiste à espacer très légèrement le préfixe du radical dans les mots formés par affixation. Lorsque la graphie en deux mots pourrait résulter de cette particularité morphologique tout aussi bien que d'une mauvaise compréhension du texte, j'ai préféré, dans le doute, mentionner en note la graphie fautive.
5 Mais les erreurs portant sur des lettres géminées ne sont pas corrigées (par exemple j'ai conservé l'opido du n° 143.1), pas plus que n'est modifiée la graphie au demeurant fort courante de Matheus pour Mattheus / Matthieu.
6 L'ambiguïté de l'abréviation epla (epistula ou epula) se lève d'elle-même suivant le contexte.
1 Thèse publiée en 1981 dans la Bibliothèque des Écoles françaises d’Athènes et de Rome, sous le titre de La Sainteté en Occident aux derniers siècles du Moyen Âge, d’après les procès de canonisation et les documents hagiographiques.
2 Les actes de ce colloque, intitulé « Liturgie, musique et culture au milieu du XIIIe siècle », sont à paraître dans la collection Studi et testi, sous la direction des PP. L. Boyle et P.-M. Gy o. p.
3 En particulier celle du P. Boyle o. p., « A material consideration of Santa Sabina ms. XIV L1 », et celle du M. T. Gousset, « La décoration du prototype et des manuscrits liturgiques apparentés ». Je remercie ces deux auteurs de m’avoir communiqué le texte écrit de leurs études, dans l’attente de la parution des Actes du colloque.
4 Cf. Annexe 2,I, à la date correspondante.
5 La copie la plus complète après lui est l’exemplaire portatif réalisé ensuite à l’intention du maître de l’Ordre, qui l’emportait dans ses tournées pour vérifier la conformité des livres liturgiques de chaque couvent au texte issu de la réforme humbertienne. Mais dès l’origine ce manuscrit, conservé aujourd’hui à Londres (B.L. Add. mss. 23935), ne comptait que douze des quatorze livres de l’Ecclesiasticum officium (il manque le bréviaire et le missel), et il est légèrement postérieur au manuscrit de Sainte-Sabine, puisqu’il remonte au début des années 1260.
6 On en trouvera toutefois les premiers éléments (concernant Thomas d’Aquin, Vincent de Beauvais et surtout Jacques de Voragine) dans ma thèse d’École des chartes, soutenue en 1995 sous le titre « Le Sanctoral du lectionnaire de l’office dominicain, 1254-1256 », ainsi que dans ma communication au colloque précité « Liturgie, musique et culture au milieu du XIIIe siècle... », sous le titre abrégé « Le Sanctoral du lectionnaire de l’office ».

[PROOEMIUM]

[142a]

Iste est liber lectionarius ordinis fratrum predicatorum, diligenter compilatus et correctus et punctatus et versiculatus. Nullus addat, vel mutet, vel minuat, vel subtrahat aliquid transcribendo. Et sciendum quod in legendis et sermonibus et omeliis interdum decisa sunt aliqua, retentis aliis sub eisdem verbis ; quod designatur per signum . Å . positum a principio. Interdum autem, licet raro, abreviata est aliqua hystoria sub aliis verbis ; quod designatur per signum . T . positum a principio. Caveant autem scriptores ne hujusmodi signa omittant. Interdum autem ponuntur omnia sine decisione vel mutatione notabili verborum ; et tunc non ponitur aliquod signum ab inicio.

Sciendum autem quod auctores quibus intitulantur opera positi sunt, secundum quod reperti sunt in libris antiquis diversarum ecclesiarum, nec debent inseri inter lectiones, nec legi, nisi solum in omeliis. Ubi autem non potuerunt reperiri auctores certi de gestis sanctorum, positum est ab inicio in margine « ex gestis ».

Prima autem pars hujus libri continet lectiones de tempore, prout legende sunt in conventibus. Secunda lectiones de sanctis. Tertia de breviariis portatilibus.

Sciendum autem quod ubi intitulate sunt lectiones de tempore certis diebus, si occurrat festum in aliqua illarum dierum, non legentur postea lectiones de illa die, sed ille que assignate sunt unicuique diei in die sua, nisi quando festum occurrit in dominica in qua incipienda est nova hystoria. Tunc enim in primis feriis vacantibus una vel duabus legendum est de lectionibus signatis pro dominica, et aliis feriis legentur lectiones eisdem assignate.

In omni autem dominica, nisi festum vel octava dies festi habentis octavam impediat, tres ultime lectiones de expositione evangelii dominicalis legantur, preterquam in vigilia natalis Domini, quando in dominica evenerit. Tunc enim omelia dominicalis omittitur illo anno. Et nisi quando aliqua vigilia habens propriam omeliam in dominica evenerit. Tunc enim tres ultime lectiones erunt de omelia vigilie, et omelia dominicalis in aliquam feriam transferetur, preterquam in vigilia sancti Andree, quando in dominica evenerit. Tunc enim omelia dominicalis legenda est, et omelia de vigilia illo anno penitus dimittenda. Quando vero propter aliquod impedimentum dominicalis omelia non legitur in dominica, semper infra ebdomadam suam in aliqua feria est legenda, nisi quando festum sancti Silvestri in dominica evenerit, et quando festum beati Petri martyris, vel apostolorum Philippi et Jacobi, vel sancte Crucis, vel Corone Domini, in dominica ante Ascensionem evenerit. Tunc enim omelia dominicalis dimittitur illo anno. Dimittuntur etiam due ultime omelie dominicales que sunt post « Domine ne in ira »a quando inter octavas Epyphanie et Septuagesimam non sunt ferie vacantes in quibus possint legi. Similiter et omelia evangelii « Loquente Jesu »b dimittitur quando tantum viginti due septimane fuerint inter « Deus omnium »c et Adventum, si in vicesima secunda septimana non fuerint tot ferie vacantes quod omnia evangelia legi possint.

Modus legendi lectiones in iis que infra ponuntur, et in similibus1.

[Sequuntur exempla modi legendarum lectionum

et Proprium de Tempore, f. 142r-188v]

[PROPRIUM DE SANCTIS]

[PARS HIEMALIS]

[fol. 189r-201]

1- Andreas, ap., vig.

29 XI

[189a]

1.R

In vigilia beati Andree apostoli si dominica fuerit, legatur omelia de dominica. Alioquin, de vigilia.

1.1a Lectio prima secundum Johannem, primo, c.1

In illo tempore * stabat Johannes * et ex discipulis ejus duo. Et respiciens Jesum ambulantem * dixit : « Ecce Agnus Dei. » Et reliquaa.

  • Jo. 1, 35‑36.
1.1b

Omelia venerabilis Bede presbiteri. Å .

Stabat Johannes et respexit Jesum * quia in magno jam culmine perfectionis gressum animi fixerat ' unde jure celsitudinem divine majestatis mereretur intueri. Stabat * quia illam virtutum arcem conscenderat ' a qua2 nullis temptationum improbitatibus posset3 deici. Stabant cum illo et4 discipuli * quia magisterium ejus corde sequebantur immobili. Et respiciens, inquit, Jesum ambulantem * dixit : « Ecce Agnus Dei. » Ambulatio Jesu dispensationem incarnationis ' qua ad nos venire ' ac nobis exempla vivendi prebere dignatus est ' insinuat * sicut mansio ejus ' eternitatem Divinitatis in qua semper est Patri equalis ' apertissime designat.

  • Beda Venerabilis, H I 16, CCSL 122, l. 23-33, p. 112.
  • PD II 97
  • CPL 1367
1.2 Lectio secunda.

Ecce Agnus Dei. Cognovimus quare Jesum precursor suus Agnum Dei vocaverit * quia videlicet eum pre ceteris mortalibus singulariter innocentem. Hoc est ab omni peccato mundum novit * et quia nos suo sanguine redempturum * atque ideo quia dona sui velleris sponte largiturum ' ex quo vestem nobis nuptialem facere possimus ' id est exempla vivendi nobis relicturum previdit ' quibus in dilectione calefieri deberemus.

Respiciens ergo Jesum ambulantem Johannes ' dicit ' « Ecce Agnus Dei »  * quia videns eum inter homines conversantem ' profectumque illis vite celestis ' factis demonstrantem et verbis + aperte pronuntiabat * quia non ipse, ut putabant ' sed ille esset qui ad redemptionem generis humani a Deo patre esset missus in mundum.

  • ibid. l. 7-14, p. 111 et l. 34-38, p. 112.
1.3 Lectio tercia.

Et audierunt eum duo discipuli loquentem * et secuti sunt Jesum. [Jo. 1, 40-42] Bene duo discipuli inventi sunt ' qui Dominum primi sequerentur * ut etiam mistice designarent omnes qui illum perfecte sequerentur. Gemina dilectione devotos esse debere * hoc est ejusdem sui redemptoris ' et fratrum simul amore flagrantes.

Erat autem Andreas frater Symonis Petri ' unus ex duobus qui audierant a Johanne * et secuti fuerant Jesum. Invenit hic primum fratrem suum Symonum * et adduxit eum ad Jesum. [cf. Jo. 1, 40-42] Andreas Dominum quem invenit ' etiam Symoni fratri suo sequendum evangelizat * quia hoc est vere Dominum invenire ' vera illius dilectione fervere ' fraterne quoque salutis curam gerere. Ille et enim perfecte conditoris sui ducatum sequitur * qui etiam proximi quantum potest habere comitatum nititur.

  • ibid. l. 48-53, p. 112 et l. 103-110, p. 114.

2- Andreas

sd, 30 XI

In festo beati Andree apostoli.

2.1-6N

Omnes presbiteri et dyacones ecclesiarum Achaie hanc passionem quam viderunt propriis oculis scribunt omnibus ecclesiis. Å .

2.1 Lectio prima.

Proconsul Egeas ' Patras civitatem ingressus * cepit compellere credentes Christo ad sacrificia ydolorum. Cui occurrens Andreas ' dixit : « Oportebat ut tu, qui judex hominum esse meruisti ' judicem tuum qui in celis est cognosceres + et agnitum coleres * et colendo ' ab his qui non sunt dii ' animum revocares. » Egeas dixit : « Tu es Andreas ' qui destruis templa deorum + et persuades hominibus superstitiosam sectam quam nuper Romani principes exterminari jusserunt ? » Andreas respondit : « Romani principes nondum cognoverunt * quia pro salute hominum veniens Dei Filius ' docuerit ista ydola esse demonia pessima. » Egeas dixit : « Ista verba vana sunt. Nam Jesus vester dum hec predicaret * Judei eum crucis patibulo affixerunt. »

  • < BHL 428
2.2 Lectio secunda.

Andreas respondit : « O si velis scire misterium crucis ! » Egeas dixit : « Mysterium non potest dici * sed supplicium. » Andreas respondit : « Ipsum supplicium mysterium esse restaurationis humane, si patienter audias * comprobabis. » Egeas dixit : « Si tu me obtemperanter non audias * ipsum mysterium crucis in te excipies. » Andreas respondit : « Ego si patibulum crucis expavescerem * crucis gloriam non predicarem. » Tunc indignatus Egeas * jussit eum in carcerem retrudi. Ubi cum esset ' venit ad eum multitudo totius provincie * ita ut Egeam vellent occidere ' et ipsum liberare. Quos admonuit dicens : « Nolite quietem Domini nostri Jesu Christi in seditionem excitare. Nam traditus Dominus omnem patienciam prebuit. Et meum martyrium nolite impedire. Verum et vos ipsos preparate * ut per tribulationes temporales ad eterna gaudia pertingatis. »

2.3 Lectio tercia.

Hec et his similia sancto Andrea per totam noctem admonente1 * mane Egeas misit ' et adduxit sanctum Andream. Et sedens pro tribunali * dixit : « Restaurentur per te culture deorum. Sin autem * crucis quam laudasti patibulo te affigi precipiam. » Andreas respondit : « Audi fili mortis * et stipula ' eternis parata incendiis. Quicquid tibi videtur in suppliciis excogita + tanto meo regi ero acceptior * quanto pro ejus nomine fuero permanens in tormentis confessor. » Tunc iratus Egeas ' cruci eum affigi precepit ' ligatis pedibus et manibus quasi in eculeo tenderetur * ne clavis affixus ' cito deficeret.

2.4 Lectio quarta.

Tunc factus est concursus populorum dicentium : « Justus homo et amicus Dei ' quid fecit ? » Sanctus autem Andreas rogabat populum * ut non impedirent cursum passionis ejus. Gaudens enim ibat * et a [189b] doctrina non cessans. Cum vero pervenisset ad locum * videns crucem a longe ' exclamavit dicens : « Salve crux ! Et quidem antequam ascenderet in te Dominus meus ' timorem terrenum habuisti + modo autem amorem celestem * quia ex quo amator tuus surrexit ' semper desideravi amplecti te. » Et hec dicens * expoliavit se. Et accedentes carnifices * levaverunt eum. Astante vero turba ad viginti milia virorum * sanctus Andreas confortabat mentes credentium.

2.5 Lectio quinta.

Interea vadit omnis populus ad domum Egee + et clamabat virum sanctum pudicum ' approbatum moribus ' bonum doctorem ' pium ' modestum ' rationabilem ' non debere hoc pati * quia jam secunda die in cruce positus ' veritatem predicare non cessat. Tunc Egeas promittens eum deponere * simul ire cepit. Quem videns Andreas * dixit : « Quid venisti ? Si vis credere * aperietur tibi via indulgentie. Si autem venisti ut me solvas * ego vivens deponi non potero. Jam enim regem meum video * jam in conspectu ejus assisto. » Mittentes autem carnifices manus ad crucem * non poterant contingere eum.

2.6 Lectio sexta.

Tunc beatus Andreas cum ingenti clamore dixit : « Non me permitas, Domine, famulum tuum * a te separari. Tu es enim magister meus, Christe * quem dilexi ' quem vidi ' quem secutus sum ' quem cognovi ' quem in ista cruce confiteor. Et sicut te uno verbo audivi * sic modo in isto verbo me exaudi. » Et cum hoc dixisset * splendor nimius ita circumdedit eum ' ut eum non possent aspicere. Cumque permansisset splendor ' dimidie hore spacio * abscedente lumine, emisit spiritum. Egeas vero a dyabolo arreptus * in medio foro civitatis volutatus expiravit.

2.7a Lectio septima secundum Matheum, IIII, e.2

In illo tempore * ambulans Jesus juxta mare Galilee ' vidit duos fratres ' Symonem qui vocatur Petrus ' et Andream fratrem ejus * mittentes rete in mare. Erant enim piscatores. Et reliqua.

  • Mat. 4, 18.
2.7b Omelia beati Gregorii pape.

Audistis, fratres carissimi * quia ad unius jussionis vocem ' Petrus et Andreas relictis retibus ' secuti sunt Redemptorem. Nulla vero hunc facere adhuc miracula viderant + nichil ab eo de premio eterne retributionis audierant * et tamen ad unum Domini preceptum ' hoc quod possidere videbantur ' obliti sunt. Quanta nos ejus miracula videmus ' quot flagellis atterimur + quantis minarum asperitatibus deterremur * et tamen vocantem sequi contempnimus ! In celo jam sedet qui de conversione nos admonet + jam jugo fidei colla gentium subdidit * jam mundi gloriam stravit + jam ruinis ejus crebrescentibus ' districti sui judicii diem propinquare denunciat * et tamen superba mens nostra non vult hoc sponte deserere ' quod cotidie perdit invita.

  • Gregorius Magnus, H I 5, PL 76, 1093A.
  • AF II 80, PD II 98
  • CPL 1711
2.8 Lectio octava.

Quid ergo, fratres carissimi ' quid in ejus judicio dicturi sumus + qui ab amore presentis seculi nec preceptis flectimur ' nec verberibus emendamur ? Sed fortassis aliquis tacitis secum cogitationibus dicat : « Ad vocem dominicam uterque iste piscator ' quid aut quantum dimisit + qui pene nichil habuit ? » Sed hac in re, fratres carissimi * affectum debemus potius pensare quam censum. Multum reliquit * qui sibi nichil retinuit. Multum reliquit * qui quamlibet parum ' totum deseruit. Certe nos et habita cum amore possidemus * et ea quam minime habemus ' ex desiderio querimus. Multum ergo Petrus et Andreas dimisit * quando uterque etiam desideria habendi dereliquit. Multum dimisit * qui cum re possessa ' etiam concupiscentiis renuntiavit. A sequentibus ergo tanta dimissa sunt * quanta a non sequentibus concupisci potuerunt.

  • ibid. 1093BC
2.9 Lectio nona.

Nemo igitur, etiam cum quosdam conspicit ' multa reliquisse * apud semetipsum dicat : « Imitari mundi hujus contemptores volo * sed quod relinquam non habeo. » Multa, fratres, relinquitis * si desideriis carnis renuntiatis. Exteriora enim nostra * Domino, quamlibet parva, sufficiunt. Cor namque, et non substentiam, pensat * nec perpendit quantum in ejus sacrificium ' sed ex quanto proferatur. Nam si exteriorem substantiam perpendamus * ecce sancti negotiatores nostri perpetuam angelorum vitam ' datis retibus ' et navi ' mercati sunt. Estimationem quippe pretii non habet * sed tamen regnum Dei tantum valet quantum habes.

  • ibid. 1093CD

3- Nicholaus, ep.

sd, 6 XII

In festo beati Nicholai.

3.N

Nota quod Methodius patriarcha cuidam primicerio Theodoro nomine scripsit ortum et1 vitam sancti Nicholai, argolico stilo. Johannes vero diaconus, vocans se servum sancti Januarii, ad preces fratris Athanasii, predicta transtulit in latinum et addidit. Å .

3.1 Lectio prima.

Nicholaus ex illustri prosapia ortus * civis fuit Patre urbis Licie provincie.

Parentes vero ejus, magis celestis quam terrene dignitatis gloriam appetentes + cum in primeve juventutis flore hunc solum genuissent filium * cunctis se voluptatibus abdicarunt. Et hunc solum non tantum divitiarum quantum et morum flagitabant heredem. Horum igitur vota Deus ab alto prospectans * haud petitioni eorum defuit. Cum enim matris adhuc lacte aleretur + cepit in ebdomada quarta et sexta feria semel bibere mammas * et hac vice contentus ' tota die sic permanebat.

  • < BHL 6105
3.2 Lectio secunda.

Puerilibus igitur annis simpliciter domi transactis + non lasciviam amplexus est mundi * sed nunc parentum comitatus vestigiis ' nunc solus ecclesiarum terebat limina. Et quod ibi de scripturis advertebat + armariolo condebat pectoris. Ubi autem utroque parente orbatus est * sepius illud ante mentis oculos ducebat : « Nisi qui renuntiaverit omnibus que possidet * non potest meus esse discipulus. » Et cum anhelaret [189c] ad perficiendum + formido cepit titillare mentem ejus * ne favoris percelleret aura ' quicquid pro Christo facere disponebat.

3.3 Lectio tercia.

Accidit igitur ' ut quidam convicaneus ejus locuples ' ad tantam deveniret inopiam + ut tres virgines quas habebat filias fornicari constitueret * ut earum infami commertio infelicem ageret vitam. Quod ubi sanctus comperit + decrevit ex suis abundantiis eorum supplere inopiam * ne puelle nobilibus orte natalibus ' lupanari macularentur infamia.

Cujusdam ergo noctis hora sumens non modicum aurum ' perrexit ad domum viri * et per fenestram clam intro projecit ' clamque discessit.

Mane facto, cum homo aurum reperisset + quanto gestivit gaudio, siquis nosse velit * ex obortis lacrimis advertere potest.

3.4 Lectio quarta.

Celebratis igitur ex more primogenite nuptiis * Nicholaus haud multo post simile peregit opus.

Paucis etiam evolutis diebus * cultor Trinitatis ' equale duum jactavit talentum. Cujus sonitu excitatus homo * statim egressus fugientem Nicholaum agnovit per umbras. Moxque humi prostratus * osculari satagebat pedes ejus. Quod sanctus prohibuit fieri * sed exegit ab eo ' ne hujus rei indicaret actorem.

3.5 Lectio quinta.

Cum autem Mirrea metropolis orbata esset suo antistite * convenerunt episcopi cum clericis ' ut illi ecclesie providerent. Intererat autem quidam magne auctoritatis * ad cujus intuitum omnium pendebat sententia. Hic ergo * jejuniis' et precibus hortatus est insistere. Cunctis ergo orantibus * hic vocem de celo audivit dicentem ' ut egrediens ante portas ecclesie staret + et quem primum hora matutinali venire conspiceret * ipsum consecraret. Adjunxitque * quod Nicholaus vocaretur. Tunc ille coepiscopis hanc insinuavit revelationem. Cum ergo valvas basilice observaret ' matutinali hora * ante omnes se agebat Nicholaus. Tunc, injecta manu, apprehendit eum * sciscitatusque est dicens : « Quale nomen habes ? » Et ille : « Nicholaus », inquit.

3.6 Lectio sexta.

Mox introgressus proclamavit : « En adest ' de quo vestra flagitavit caritas. » Quo viso * omnes certatim laudabant Salvatoris magnalia. Quid multis morer ? Licet plurimum renitens repugnaverit * intronizatus pontificalem accepit infulam.

Pontificali igitur cathedra sublimatus * eandem morum gravitatem quam prius ' eandemque sectabatur humilitatem. Creber in oratione vigilabat * corpus attenuabat jejuniis. Mulierum consortia, licet ab ipso pueritie sue evo exhorruerit * tamen ex hoc quasi quandam pestem fugiebat.

3.7 Lectio septima.

In suscipiendis hominibus, humilem * in loquendo, efficacem ' se prebebat. Alacer erat in exhortando * severus in corripiendo. Viduarum ac pupillorum ' et orphanorum sic negocia curabat * ac si propria essent. Rapinam execrabatur potentium * et arguebat violentos. Et siquem quolibet casu affectum cernebat ' mirabiliter reficiebat * mirabiliusque consolabatur. Crescebat cotidie fama bonitatis ejus. Hinc potens ' hinc impotens * illum nominabat. Gaudebat populus de tali patrono * letabantur heroes de tanto pontifice + qui ita se auctoritate et gratia plenum exhibebat * ut omnium curam gereret ' et episcopi dignitatem non amitteret.

3.8a Lectio octava.

Cum autem omnium carismatum virtute corroboraretur ' et nichil sibi, sed totum Dei gratie attribueret * cepit ita choruscare miraculis ' ut non tantum sui ' sed et alieni quibuslibet oppressi angustiis ' invocato nomine ejus ' statim sentirent levamen.

3.8N

Nota quod hucusque2 sumptum est de translatione supradicta ' sequentia prosequitur supradictus Johannes. Å .3

3.8a'

Quis digne posset explicare qualiter ejus meritis debilibus cunctis redditur sospitas + qualiter ex marmore tumuli ejus sacrum desudat oleum ' quod reconditur ad diversorum languorum proficuam unctionem ?

  • BHL 6107
3.8b

Cum igitur miraculis atque virtutibus floreret * decidit in egritudinem + et cepit indesi(g)nenter psallere ' et deprecari Dominum ' ut sanctos angelos dirigeret ad eum * quatinus susciperent ipsius spiritum.

  • BHL 6155
3.9 Lectio nona.

Cum autem oraret * vidit ad se venientes angelos + inclinatoque capite signo crucis se armavit ' ac se in terram prostravit4 * et tricesimum psalmum incepit ' dicens : « In te, Domine, speravi. » [Ps. 30, 1] Et cum dixisset « in manus tuas commendo spiritum meum ' redemisti me, Domine Deus veritatis » [Ps. 30, 6] * tradidit preciosissimam animam in manus sanctorum angelorum ' qui ei apparuerant. Factum est autem ' cum migraret ' ut apud terrestres audiretur celestis cantilene melodia * ut et sic de tanti pastoris absentia consolarentur. Dormivit autem anno trecentesimo .IX. a passione Domini.

4- Lucia, v. et m.

s, 13 XII

In festo sancte Lucie virginis.

Ex gestis ejus. Å .

4.1 Lectio prima.

Cum Siracusanus populus pergeret ad sepulcrum sancte Agathe + contigit Luciam virginem nobilissimam Syracusanorum ' simul pergere cum matre Euticia ' que per annos quatuor fluxum sanguinis patiebatur * hec ullis poterat medicorum remediis liberari. Igitur tunc dum mysteria agerentur * hec Evangelii lectio memorata fuit ' qua legitur fimbria vestimenti Christi ' mulierem sanguinis fluxu esse sanatam. Dum autem recitabatur * dixit Lucia matri sue : « Si credis his que leguntur + crede ' Agatham passam pro nomine Christi hoc meruisse ' ut semper in presentia eum habeat. Concinge ergo sepulcrum ejus credens * et liberaberis. »

  • < BHL 4992
4.2 Lectio secunda.

Igitur cum populus abscessisset ' prostraverunt se ante sepulcrum mater ' et [189d] filia * et ceperunt cum lacrimis flagitare suffragium. Interea somnus Luciam arripuit * et vidit in somno Agatham in medio angelorum gemmis ornatam ' dicentem sibi : « Soror mea Lucia + quid a me petis ' quod ipsa poteris prestare continuo ? Nam et matri tue fides tua subvenit * et ecce salvata est. » Hic auditis ' espergefacta surrexit tremens * et ait matri : « Ecce salva facta es. Per ipsam te deprecor que te salvavit ' ne michi aliquando sponsum nomines * sed omnia que michi eunti ad corruptionis actorem1 eras datura ' da michi eunti ad integritatis actorem2 ' Dominum Jesum Christum. Cui mater : « Tege primo oculos meos * et quecumque tibi placuerint, de his facultatibus facito. »

4.3 Lectio tercia.

Lucia dixit : « Non satis Deo carus est * qui illi hoc dat ' quod secum ferre non potest. Vivens ergo da Christo quod possides * et quicquid michi te daturam cogitabas ' Christo incipe tradere. » Igitur cum de his cotidie sermocinabatur cum matre + fiebat rerum distractio * et in pauperum necessitatibus expendebantur. Interea ad sponsi noticiam pervenitur * et proponitur litem in judicio Paschasii consularis ' dicens sponsam suam christianissimam esse. Quam Paschasius cepit ad sacrificia demonum invitare. Cui Lucia : « Ego per tres annos nichil aliud egi * nisi sacrificare Deo vivo. Jam quia nichil est ut sacrificem * me ipsam offero Deo hostiam viventem.  »

4.4 Lectio quarta.

Paschasius dixit : « Patrimonium tuum * cum corruptoribus tuis expendisti. » Lucia dixit : « Patrimonium meum * tuto loco constitui. Corruptores autem nec mentis nec corporis * aliquando suscepi. » Paschasius dixit : « Qui sunt corruptores mentis et corporis ? » Lucia dixit : « Corruptores mentis vos estis * de quibus dixit Apostolus : Corrumpunt bonos mores * colloquia mala. Suadetis enim animas meretricari * ut dimittant creatorem suum ' et sequantur diabolum in ydolis. Corruptores vero corporis sunt * hi qui temporalem delectationem preponunt delectationibus sempiternis. »

4.5 Lectio quinta.

Paschasius dixit : « Cessabunt verba * cum fuerit ventum ad verbera. » Lucia dixit : « Verba Dei cessare non poterunt * quia ipse dixit : Non vos loquimini in conspectu judicum * sed Spiritus Sanctus qui loquitur in vobis. » [Mat. 10, 20] Paschasius dixit : « In te ergo Spiritus Sanctus est ? » Lucia dixit : « Caste viventes templum Dei sunt * et Spiritus Sanctus habitat in eis. » Paschasius dixit : « Ego te faciam ad lupanar duci * ut fugiat a te Spiritus Sanctus. » Lucia dixit : « Numquam inquinatur corpus * nisi de consensu mentis. Nam si invitam me feceris violari * castitas michi duplicabitur ad coronam. »

4.6 Lectio sexta.

Tunc consularis jussit venire lenones * et tradidit eam illis dicens : « Invitare populum * et facite eam tamdiu illudi ' quousque michi mortua nuncietur. » At ubi ceperunt eam velle trahere ad lupanar * tanto pondere fixit eam Spiritus Sanctus ' ut penitus moveri non posset. Accedentes autem multi ' et impudenter trahentes ' deficiebant sudore * et virgo immobilis consistebat. Tunc miserunt funes in manus ejus ' et pedes ' et ceperunt trahere * et illa quasi mons immobilis permanebat.

4.7 Lectio septima

Tunc Paschasius vocavit magos ' et templorum sacerdotes * qui omnes agebant superstitiones sua contra eam. At ipsa sic permanebat fixa * ut nec per aera vestigia ejus moverentur. Tunc adducta sunt multa paria boum ' ut traheretur * et omnino non potuit moveri. Tunc dixit Paschasius : « Que sunt ita maleficia tua ? » Lucia dixit : « Ista ' maleficia mea non sunt * sed sunt Dei beneficia. » Torquebatur itaque animo Paschasius. Cui virgo : « Quid cruciaris ? Templum me Dei esse ' si probasti * jam crede. Si non probasti * disce. »

4.8 Lectio octava.

Tunc ignem circa eam fecit copiosum incendi * ita ut picem et resinam et fervens oleum super eam jactarent. At illa stetit immobilis * dicens ei : « Ego rogavi Dominum Jesum Christum ' ut ignis iste non dominetur in me * quatinus tibi insultent confidentes in Christo. » Tunc non ferentes amici ejus injuriam * gladium in ejus visceribus mergi fecerunt. Jam autem percussa oravit * et allocuta est turbam circumstantem dicens : « Sicut habet civitas Cathanensium intervenientem sororem meam Agathen * ita me sciatis isti civitati datam a Domino, si voluntatem Dei facientes susceperitis fidem. »

4.9 Lectio nona.

Hec loquente Dei famula * ante oculos ejus ferro vinctus ducebatur Paschasius. Concurrebant enim relationes * quod fuisset predatus provinciam. Qui perductus Romam * accepit sententiam capitalem. Dei autem martir de loco in quo percussa est ' penitus mota non est * nec exivit spiritus ejus ' nisi venientibus sacerdotibus et mysteria Dei ei dantibus3. Atque omnibus respondentibus amen * emisit spiritum.

5- Thomas, ap.

sd, 21 XII

In festo beati Thome apostoli.

Ysidorus in libro de ortu, vita vel obitu et cetera, ut infraa.

5.1 Lectio prima.

Thomas discipulus Christi Didimus nominatus ' et juxta latinam linguam Christi geminus ac similis Salvatori * audiendo incredulus ' videndo fidelis fuit. Hic Evangelium predicavit ' Parthis ' Medis ' Persis Hirranisque ' et Bracianis1 * et intrans orientalem plagam ' et interna gentium penetrans ' ibi predicationem suam usque ad titu-[190a]-lum sue passionis perduxit. Hic lanceis transfixus occubuit in Calamina Indie civitate * ubi et sepultus est in honore.

  • Isidorus Hispalensis, De ortu..., cap. 73, p. 209-211.
  • CPL 1191
5.2a Lectio secunda.

Beda super Marcum.

Hic est Thomas qui interpretatur abissus ' vel geminus * quod grece dicitur Didimus. Que utraque interpretatio * bene congruit ejus statui. Didimus enim recte vocatur * propter dubium cor ' in fide resurrectionis dominice. Abyssus quoque dici potuit * cum altitudinem dominice virtutis ' resurrectione celebrata ' fide certa penetravit.

  • Beda Venerabilis, In Marcum, I, CCSL 120, l. 1369-1374, p. 472.
  • CPL 1355
5.2b

Gaufridus Carnotensis episcopus. Å .2

In hoc autem quod dubitans palpasse Domini vulnera legitur * primum quidem fides edificatur + cujus nobis et veritas simul innotescit probatione discipuli * et utilitas commendatione Domini. Nobis siquidem * explorator ille tam curiosus ' factus est testis fidelis. Nos illa nichilominus respicit sententia Salvatoris * beati qui non viderunt et crediderunt.

  • Non inventum estb.
5.3 Lectio tercia.

Denique nos eadem lectio simul instruit ignorantes * et sollicitat dissimulantes + et consolatur pusillanimes * et arguit indignantes. Non enim credendus est iste pre ceteris minoris meriti fuisse * ut ipse solus judicaretur indignus Domini visione. Sed non eum vidit * quia non erat cum aliis quando venit. Quid dicis, amator singularitatis ? Communia loca ' communia opera ' communes orationes ' communem victum ' communes observantias quid fastidis ? Christus rex noster ' in medio terre salutem nostram operatus est ' Christus mortuus est * ut Dei filios in unum congregaret. Christus nascens * locum in diversorio non habuit. Christus moriens * duobus aliis hincinde crucifixis ' medius fuit. Christus resurgens * in medio discipulorum stetit.

5.4 Lectio quarta.

Sectemur ergo communem vitam + diligamus communem regulam ' instituta communa * et majorum emulemur exempla. Non simus ex his qui separant semetipsos * animales ' spiritum non habentes ' Dominum non videntes. Alioquin * quisquis es qui causaris ' quod omnes qui in circuitu tuo sunt visitans, a te transeat Dominus + considera * et invenies, nisi fallor ' te non esse cum ceteris ' qui non eum vides cum ceteris. Non te Spiritus vite sequitur a ceterorum unanimitate divisum * magis quam anima, membrum quod a ceteris sit precisum. Non te sequitur Christus in tua dispersione * qui non consuevit nisi colligere. Ergo dispersi caveant * dispersores paveant.

5.5 Lectio quinta.

Post dies octo * erat Thomas cum eis. Venit Jesus * et ait : « Pax vobis. » [cf. Jo. 20, 26] Christus nempe est qui semper de suorum pace et unitate letatur * et in pace factus est locus ejus. Dicit ergo Dominus Thome : « Affer manum tuam * et mitte in latus meum. » [cf. Jo. 20, 27] Ecce deprehensus es, o apostole ! Cuncta tibi replicantur a Domino * que pridie locutus fueras, velut de absente. Heu michi, Domine * tanquam non sint oculis tuis omnia nuda et aperta ' meos ab illis infideliter ' et insipienter avertens ' indigna cogito ' vana loquor ' operor prava ! Quam beatus, Domine, qui sub testimonio tuo semper agit ' loquitur ' meditatur ' et vivit * immo vero qui sub tuo testimonio se vivere semper attendit.

5.6 Lectio sexta.

Eyu, quid dixisti, Thoma ' « nisi videro non credam » [cf. Jo. 20, 25] + quasi tota mundi fabrica, te non credente, non salvaretur * vel angelorum curia turbaretur * vel Filio Patris confessio negaretur * vel aliud intolerabile quippiam timeretur ? « Mitte, inquit, manum * et cognosce loca clavorum. » Ac si diceret : « Quando quidem sic animum offirmasti ut aliter omnino credere renuas * mitte manum ' ut vel sic credas. » Quid autem mirum + si mira devotione mox exclamavit ' « Dominus meus et Deus meus ? » [Jo. 20, 28] Non enim erat jam quod de ejus divinitate ' quod de veritate resurrectionis aliquatenus hesitaret * quem nec arcerent claustra ' nec laterent secreta.

5.7a Lectio septima secundum Johannem, XX, f.3

In illo tempore * Thomas, unus ex duodecim, qui dicitur Didimus * non erat cum eis ' quando venit Jesus. Et reliqua.

  • Jo. 20, 24.
5.7b

Omelia beati Gregorii pape. Å .

Iste unus discipulus defuit + reversus, quod gestum est audivit * audita credere noluit. Venit iterum Dominus * et non credenti discipulo4 latus palpendum prebuit + manus ostendit * et ostensa suorum cicatrice vulnerum ' infidelitatis illius vulnus sanavit. Quid, fratres carissimi ' quid inter hec animadvertitis ? Hoc non casu * sed divina dispensatione gestum est. Egit namque miro modo divina clementia + ut discipulus dubitans ' dum in magistro suo vulnera palparet carnis * in nobis vulnera sanaret infidelitatis. Plus enim nobis Thome5 infidelitas ad fidem ' quam fides credentium discipulorum profuit + quia dum ille ad fidem palpando reducitur * nostra mens, omni dubitatione postposita ' in fide solidatur.

  • Gregorius Magnus, H II, 26, PL 76, 1201BC.
  • PD II 15
  • CPL 1711
5.8 Lectio octava.

Sic quippe discipulum post resurrectionem suam dubitare permisit + nec tamen in dubitatione deseruit * sicut ante nativitatem suam habere Mariam sponsum voluit ' qui tamen ad ejus nuptias non pervenit. Nam ita factus est discipulus, dubitans ' et palpans, testis vere resurrectionis * sicut sponsus matris ' fuerat custos integerrime virginitatis. Palpavit autem * et exclamavit : « Dominus meus * Et Deus meus ! » [Jo. 20, 28] Dicit ei Jesus : « Quia vidisti me * credidisti. » [Jo. 20, 29] Cum Paulus apostolus dicat ' « est enim fides sperandarum substantia rerum ' argumentum non apparentium » [Hebr. 2, 1] + profecto liquet * quia fides illarum rerum argumentum est ' que apparere non possunt. Que enim sunt apparentia * fidem non habunt ' sed agnitionem.

  • ibid. 1201C-1202A.
5.9 Lectio nona.

[190b]

Dum ergo vidit Thomas ' dum palpavit + cur ei dicitur ' « Quia vidisti, me credidisti ? » Sed aliud vidit * atque aliud credidit. A mortali namque homine * Divinitas videri non potest. Hominem igitur vidit * et Deum confessus est ' dicens : « Dominus meus * et Deus meus ! » Videndo ergo credidit * qui considerando verum hominem ' hunc Deum quem videre non poterat ' exclamavit. Letificat autem valde * quod sequitur : Beati * qui non viderunt et crediderunt. [Jo. 20, 29] Qua nimirum sententia nos specialiter signati sumus * qui eum quem carne non vidimus ' mente retinemus. Nos signati sumus * si fidem nostram operibus sequimur. Ille et enim vere credit * qui exercet orando quod credit.

  • ibid. 1202AB.

6- Stephanus, protom.

td, 26 XII

In natali sancti Stephani prothomartyris.

6.1 Lectio prima.

Sermo Fulgentii. Å .1

Heri celebravimus temporalem sempiterni regis natalem * hodie celebramus triumphalem militis passionem. Heri rex noster trabea carnis indutus ' de aula uteri virginalis egrediens ' visitare dignatus est mundum * hodie miles de tabernaculo corporis exiens ' triumphator migravit ad Celum. Ille sempiterne Deitatis majestate servata ' servile cinctorium carnis assumens ' in hujus seculi campum pugnaturus intravit * iste depositis corruptibilibus corporis indumentis ' ad Celi palatium pereniter regnaturus ascendit. Ille descendit carne velatus * iste ascendit sanguine laureatus. Ascendit iste lapidantibus Judeis * quia ille descendit letantibus angelis.

  • Fulgentius, s 3, CCSL 91A, l. 1-12, p. 905a.
  • PD I 27
  • CPL 830, PLS III, c. 1333
6.2 Lectio secunda.

Gloria in excelsis Deo ' [Luc. 2, 14] heri exultantes sancti angeli cantaverunt * hodie Stephanum letantes in suum consortium susceperunt. Heri Dominus exivit de utero virginis * hodie miles egressus est de ergastulo carnis. Heri Christus pro nobis pannis est involutus * hodie Stephanus stola est ab eo immortalitatis indutus. Heri presepis angustia Christum portavit infantem * hodie immensitas Celi ' suscepit Stephanum triumphantem. Solus descendit Dominus * ut multos elevaret. Humiliavit se rex noster * ut suos milites exaltaret. Qui enim corpori suo virginis preparavit uterum * ipse martiri suo aperire dignatus est Celum. Dominus Christus angustias intrare non dedignatus est uteri * ut animam Stephani latitudo susciperet Celi.

  • ibid. l. 12-24, p. 905.
6.3 Lectio tercia.

Invicte in Stephano virtutis insigne enituit * que nec frementium sevitiam formidavit ' nec lapidantium ictibus devicta succubuit. Quod vero est tam insuperabile genus armorum ' quo munitus sevientes argueret ' lapidantes non repercutiens, sed patiens superaret + insuper et occisus, aulam Regni celestis vivus et coronatus intraret ? Procul dubio munimine regio septus * nullatenus est ab adversariis superatus.

Caritas ergo que de celo ad terram deposuit Christum * ipsa Stephanum de terris elevavit ad Celum. Caritas que precessit in rege * ipsa subsequenter refulsit in milite.

  • ibid. l. 30-40 et 49-51, p. 906.
6.4 Lectio quarta.

O admiranda ubique potentia Salvatoris * o predicanda indesinenter2 gratia Redemptoris ! Ostendit in matre ' virginitatis eterne miraculum * demonstravit in martyre ' invicte caritatis indicium. Et sicut in matre Domini non potuit virginitas violari * sic in martiris mente non potuit Christi caritas ' tanto sevientium agmine superari. Stephanus ergo ut nominis sui coronam meruisset accipere + caritatem pro armis habebat * et per ipsam ubique vincebat. Per caritatem Dei ' sevientibus Judeis non cessit * per caritatem proximi pro lapidantibus intercessit.

  • ibid. l. 51-62, p. 906.
6.5 Lectio quinta.

Per caritatem arguebat errantes ut corrigerentur * per caritatem pro lapidantibus orabat ne punirentur. Caritatis virtute subnixus ' vicit Saulum crudeliter sevientem * et quem habuit in terra persecutorem ' in celo meruit habere consortem. Ipsa sancta et indefessa caritas desiderabat orando adquirere * quos nequivit monendo convertere. Neque enim existimandus est ' tunc inimicos dilexisse, cum pro eis oraret * et non dilexisse, cum eorum incredulitatem increpando argueret.

  • ibid. l. 62-71, p. 906-907.
6.6 Lectio sexta.

Ipsa enim sancta caritas firmam servavit in oratione patientiam * que rigidam tenuit in correptione censuram. Et ideo in oratione audiri meruit lenitas * quia sine caritate non fuit in correptione severitas. Ac per hoc, sive orando, sive corripiendo ' caritatem beatus Stephanus reservavit * quia utrobique salutem errantium cogitavit. Et indicio sancte orationis ostendit * increpationem illam non fuisse odii ' sed amoris. Hoc autem faciens ' et presentibus caritatem exhibuit * et utile nimis exemplum posteris dereliquit.

  • ibid. l. 72-80, l. 907.
6.7a Lectio septima secundum Matheum, XXIII, g.3

In illo tempore * dicebat Jesus turbis Judeorum ' et principibus sacerdotum : « Ecce ego mitto ad vos prophetas et sapientes et scribas + et ex illis occidetis ' et crucifigetis * et ex eis flagellabitis in synagogis vestris. » Et reliqua.

  • Mat. 23, 34.
6.7b

Omelia beati Jeronimi presbiteri. Å .

Ecce ego mitto ad vos prophetas et sapientes et scribas. [Mat. 23, 34] Observa juxta Apostolum scribentem ad Corinthios ' varia esse dona discipulorum Christi * alios prophetas, qui ventura predicant + alios sapientes, qui noverint quando debeant proferre sermonem * alios scribas in lege doctissimos.4 Ex quibus lapidatus est Stephanus ' Paulus occisus ' Petrus crucifixus * flagellati in Actibus apostolorum discipuli.5 Et persecuti sunt eos de civitate in civitatem * expellentes [190c] de Judea ' ut ad gentium populum transmigrarent.

  • Hieronymus, In Matheum, IV, CCSL 77, p. 218-219, l. 273-285.
  • PD I 30
  • CPL 590
6.8 Lectio octava.

Ut veniat super vos omnis sanguis justus qui effusus est super terram a sanguine Abel justi, usque ad sanguinem Zacharie filii Barachie * quem occidistis inter templum et altare. [Mat. 23, 35] De Abel nulla est ambiguitas * quin hic sit quem Cayn, frater suus, occiderit. Justus autem non solum ex Domini nunc sententia ' sed etiam ex Genesis testimonio comprobatur * ubi accepta ejus a Deo narrantur munera. Querimus igitur quis sit iste Zacharias filius Barachie * quia multos legimus Zacharias.6 In diversis diversa legi * et debeo singulorum opiniones ponere. Alii Zachariam filium Barachie dicunt + qui in duodecim prophetis undecimus est * patrisque in eo nomen consentit. Sed ubi occisus est inter templum et altare ' scriptura non loquitur * maxime cum temporibus ejus vix ruine templi fuerint.

  • ibid. p. 219, l. 286-302.
6.9 Lectio nona.

Alii Zachariam patrem Johannis intelligi volunt * ex quibusdam appocriphorum somniis approbantes ' quod propterea occisus sit ' quia Salvatoris predicaret adventum. Et hoc quia de Scripturis non habet auctoritatem * eadem facilitate contempnitur qua probatur. Alii istum volunt esse Zachariam qui occisus est a Joas rege Jude inter templum et altare * sicut Regnorum narrat hystoria. Sed observandum quod ille Zacharias non fuerit filius Barachie * sed filius Jojade sacerdotis. Unde et Scriptura refert : Non fuit recordatus Joas patris ejus Jojade * que sibi fecisset bona.7 [2 Par. 24, 22] Cum ergo Zachariam teneamus ' et occisionis consentiat locus * querimus quare Barachie dicitur filius, et non Jojade. Barachias in lingua nostra benedictus Domini dicitur * in quo sacerdotis Jojade justitia ' hebreo nomine demonstratur.

  • ibid. p. 219-220, l. 302-315.

7- Johannes, ap. et evg.

td, 27 XII

In Natali beati Johannis evangeliste.

Sermo beati Petri Damiani. Å .

7.1-6N

Iste fuit primo excellentissimus heremita, postea Ostiensis episcopus.

7.1 Lectio prima.

Hodie nobis, dilectissimi, leticie gaudia geminantur * quia discipulus quem diligebat Jesus ' sui dilectoris amplexibus stringitur ' societate perfruitur. Et quod viderat ' quod audierat ' quod manibus attrectaverat de Verbo Vite * liquidius contemplatur. Hodie illa mirabilis aquila ad unicam angelorum ' et hominum escam feliciter evolavit.

Hic est quem redemptor noster, ad declarandam sue divinitatis essentiam, quasi quoddam1 organum fecit * atque ut hic suppleret quod ad tempus ipse Dominus dispensative suppresserat ' vicarium dereliquit +

ut cum homines tanquam primo lactentes ' firmiora jam in via veritatis vestigia fixissent * eos ad cognoscendum divine noticie celsitudinem promoveret.

  • Petrus Damiani, s 63, CCCM 57, l. 1-13, 38-42 et 55-57, p. 362-363.
7.2 Lectio secunda.

Hanc autem super eminentem divine scientie gratiam * ex illo celesti gazophilatio, in quo sunt omnis thesauri sapientie ' et scientie absconditi ' traxit.

Et non immerito ' ut qui carnis sibi amputavit illecebras + celestium epularum deliciis frueretur * et illuc acie mentis attingeret ' quo non propheta, non patriarcha, non denique quisquam ab ipso mundi primordio, cognoscitur in carne positus aspirasse. Nec mirum ' si Johanni vicem suam ' in hoc delegavit * quem ad custodiendam matrem quasi alterum filium loco sui supposuit.

Quia ergo de Deo incomparabiliter ceteris mortalibus loquitur * non solum a grecis, sed etiam a latinis theologus appelantur. Theothocos Maria ' quia Deum veraciter genuit * theologus Johannes ' quia Dei verbum profundissima subtilitate descripsit.

  • ibid. l. 57-62, 73-84 et 145-151, p. 363-366.
7.3 Lectio tercia.

Commisit Dominus Petro claves Ecclesie * delegavit Johanni custodiam Marie. Maria mater Christi * Ecclesia mater christianorum.

Dicit Dominus Petro * « tibi dabo claves regni celorum. » [Mat. 16, 19] Numquid et beata Maria celum non fuerit ' in cujus utero tota divinitatis plenitudino permansit ?

« Tu es, inquit Petrus ' Christus filius Dei vivi » [Mat. 16, 16] + et intra nutantis adhuc fidei tempestates, veritatis anchoram fixit * et naviculam in tutissimo tranquilli portus gremio collocavit. Destinatur Johannes in exilium, et protinus heretici fidei puritatem corrumpunt * confunditur mundus ' turbatur Ecclesia + vacillat fides * plurimi naufragantur. Redit Johannes * quicquid invenitur erroris ' ad pristine fidei revocat sacramentum.

  • ibid. l. 161-164, 179-182 et 198-217, p. 366-368.
7.4 Lectio quarta.

Petrus petra + petra quoque factus est et Johannes * supra cujus fundum totius Ecclesie structum consurgit.

Hoc beato Johanni Dominus concessit in verbis ' quod et Petro contulit in miraculis + ut et iste altiora proferret * et ille majoribus prodigiis choruscaret.

Hic arctissime se in sui dilectoris amore conjunxit * propter quem conjugalis thori federa abdicavit. Unde divinitus concessum est illi *

ut qui primus erat in Redemptoris amore ' precipuus fieret in fraterna caritate.

  • ibid. l. 224-227, 258-261, 279-281 et 303-304, p. 368-370.
7.5 Lectio quinta.

In Cene convivio ait Jesus : « Unus ex vobis me tradet. » [Jo. 13, 21] Aspiciebant ergo ad invicem discipuli * hesitantes de quo diceret. Innuit Johanni Symon Petrus * et dixit ei : « Quis est de quo dicitur ? » [Jo. 13, 24] Johanni mox respondit Dominus. O incomparabilem virum ! Profert verbum in medium * et totus tacet senatus apostolorum.

Tacet lingua * que clavis facta est celorum. Silet Andreas * qui ipsi fratri ad fontem Vite previus fuit. Non presumit os aperire Philippus * qui, dum Patrem sibi poscit ostendi, profunda misteria individue Divinitatis audivit.

Johannes, condiscipulorum in se persona suscepta * consultor accedit. Quantum flagitare debemus ejus auxilium + quem sibimet interventorem ipsi apostoli petierunt ?

  • ibid. l. 308-320, 326-333 et 339-343, p. 370-371.
7.6 Lectio sexta.

Quantum apud justum Judicem pro peccatoribus poterit + qui et pro [190d] ipsis celestis curie senatoribus intervenit ? Et qui advocatus factus est summis + quam humiliter implorandus est a minimis ?

Refugit angelus, ut in Apocalipsi scriptum est, ab eo obsequium suscipere * quem noverat apud communem Judicem locum gratie familiariter obtinere.

Hic archangelo Gabrieli ad custodiam matris Domini socius est datus + ut et ille intactam Virginem invisibiliter custodiret * et iste, forinsecus fragilitati feminee ' obedientie sue ministerium exhiberet. Quantoque familiarior cum matre Verbi conversatur * tanto vicinior Verbo invenitur. Et quoniam ab ipsa Veritate ' Marie dictus est filius * quadam speciali gratia frater est Salvatoris ' qui est benedictus in secula seculorum, amen.

  • ibid. l. 343-346, 350-352 et 375-387, p. 371-372.
7.7a Lectio septima secundum Johannem, ultimo, g.2

In illo tempore * dixit Jesus Petro : « Sequere me. » Coversus3 Petrus, vidit illum quem diligebat Jesus sequentem ' qui et recubuit in Cena super pectus ejus * et dixit ' « Domine, qui est qui tradet te ». Et reliqua.

  • Jo. 21, 19-20.
7.7b

Omelia venerabilis Bede presbiteri. Å .

Commendat nobis beatissimus evangelista et apostolus Johannes privilegium amoris precipui ' quo, ceteris amplius, meruit honorari a Domino + commendat testimonium evangelice descriptionis ' quod, veritate divina subnixum ' nullus fidelium dubitare permittitur * commendat placidam sue carnis absolutionem ' quam, Domino specialiter se visitante ' percepit.

  • Beda Venerabilis, H I 9, CCSL 122, l. 4-9, p. 60.
  • PD I 33
  • CPL 1367
7.7c

Notum autem novi vestre fraternitati ' quis sit ille discipulus quem diligebat Jesus * Johannes videlicet ' ipse cujus hodie natalicia celebramus.

  • ibid. l. 51-53, p. 61.
7.8 Lectio octava.

Diligebat autem eum Jesus non exceptis ceteris, singulariter solum + sed pre ceteris quos diligebat, familiarius unum * quem specialis prerogativa castitatis ' ampliori dilectione fecerat dignum. Omnes quippe se diligere probat * quibus ante passionem loquitur : « Sicut dilexit me Pater * et ego dilexi vos. Manete in dilectione mea. » [Jo. 15, 9] Sed hunc pre ceteris diligit * qui, virgo electus ab eo ' virgo in evum permansit. Tradunt namque hystorie ' quod eum de nuptiis volentem nubere vocaverit * et propterea, quem a carnali voluptate retraxerat, potiore sui amoris dulcedine donavit.

  • ibid. l. 55-65, p. 61-62.
7.9 Lectio nona.

Denique huic moriturus in cruce ' matrem suam commendavit + ut Virginem virgo servaret * et ipso post mortem ac resurrectionem Celos ascendente ' non deesset ejus genitrici filius ' cujus casta vita castis ejus tueretur obsequiis. Ponit et aliud sue persone beatus Johannes indicium * subjungens : Qui et recubuit in Cena super pectus ejus * et dixit : « Domine, quis est qui tradet te. » [Jo. 21, 20]

Quod autem ille supra pectus Magistri recubuit * non presentis solummodo dilectionis ' sed et futuri erat signum misterii. Figurabatur ' et enim jam tunc evangelium quod idem discipulus erat scripturus * uberius atque altius ceteris Sacre Scripture paginis ' archana divine majestatis esse comprehensurum.

  • ibid. l. 65-71 et 81-85, p. 62.

8- Innocentes

s, 28 XII

In festo sanctorum Innocentium.

Sermo Johannis episcopi. Å .

8.1 Lectio prima.

Dedicatur novus ab infantibus sermo * sanctis laudibus Christi. In gloriam Domini * primam vocem aperiunt Innocentes. Fiunt diserti laude * qui fuerant imperiti sermone. Offerunt Domino primitias lingue * novos oris immolant fructus. Infantia enim, que per etatem loqui non noverat * gloriam Domini cum gaudio resonabat. Ostendunt laudibus Dominum * suffragiis predicant Christum. Fiunt interea pueri sine magistro diserti ' docti sine doctore * eruditi sine eruditore. Agnoscunt Christum ' predicant Dominum + non quem persuasio humana docuerat * sed quem Divinitas innocentibus inspirabat.

  • Chrysostomus latinus, s 5, PL 95, 1176AB.
  • CPL 920a, PLS IV, c. 655
  • PD I 35
8.2 Lectio secunda.

Erigitur itaque infantium etas in laudem * que delictorum non noverat crimen. Dignus a dignis laudatur * et innocens innocentium testimonio predicatur. Accipiunt enim a Christo * et reddunt. Uno enim tempore et qui dederat recipit + et qui acceperat reddit * dum ejus laudes illi ab infantibus referuntur.

Sed quam laudem intulerunt, quero + qui loqui non norant ? Loqu[u]ntur sanguine * quod lingua non possunt. Passione canunt * quod sermone non norunt. Occisi predicant * quod vivi non poterant. Nec novum ' quod innocens sanguis aut Deo referat laudes ' aut suas indicet passiones + cum Abel sanguis clamet ad celum * et occisorum anime ab altari vociferentur ad Deum. Licuit ergo sanguine loqui * quibus lingua non licuit.

  • ibid. 1176B-D.
8.3 Lectio tercia.

Impleta sunt prophetie verba dicentis : Vox in Rama audita est, ploratus ' et ululatus ' Rachel plorans filios suos * et noluit consolari, quia non sunt. [Jer. 31, 15 ; Mat. 2, 18] Rachelem Ecclesie esse personam * nemo est qui abnuat. Sed duo in illa diversa conspicio * fletum et consolationis contemptum. Si enim flevit + cur consolari contempsit ? Aut si consolari contempsit + cur flevit ?

Sed ut compendio diversitatum causa reddatur + conditio a matre defletur * sed spe glorie consolatio humana contempnitur. Pietatis affectus in fletibus declaratur * sed ex occisorum gloria repudium consolationi indicitur. Pugnant in matre affectus et fides * humanitas cum devotione concertat. Plangit affectus * sed fides exultat. Deflet humanitas * sed devotio consolatur. Licuit enim matri humaniter flere * non licuit consolatione humanitus indigere.

  • ibid. 1176D-1177A.
8.4 Lectio quarta. [191a]

O beata lactentium gloria * quibus pro Christo contigit dedicare martyria ! Experiuntur tempore uno nativitatem et mortem + ingressum et exitum ' principium et occasum * ut ipsis posset contingere ' uno tempore ' et ingredi mundum ' et dedicare martyrio Celum. Probat novos exercitus Christus * legiones lactentes victoria perpetrata coronat. Fiunt pro Christo victores * qui etate fuerant coequales. Fiunt sine certamine fortes * sine pugna victores.

Mercantur pena martyrium + gloriam sanguine comparant * vitam eternam temporali morte commutant.

  • ibid. 1177B-C.
8.5 Lectio quinta.

Transmittit infantes infans Christus ad Celum + offert nova exenia Patri * primitias fructuum exhibet genitori. Ostendit futuram fecundissimam messem * dum in semine tantam exhibet ubertatem. Derisit se ' derisit hostilis immanitas * que putavit turbare posse consilium Dei ' gloriam Christi ' salutem necessariam mundi. Sed contulit infantibus multis martyrium * dum infantem querit occidere Christum. Prestat hostis dum nocet * beneficium tribuit cum occidit Invideret enim eorum glorie, si amaret * quia alie sunt terrestres pugne ' alie celestes victorie. In prelio Christi, moriendo vivitur + cadendo surgitur * victoria per interitum comparatur.

  • ibid. 1177C-D.
8.6 Lectio sexta.

Augustinus in sermone de Epiphania  « Sollempnitas quam hodie celebramus. » 1

O parvuli beati + modo nati ' numquam temptati * nondum luctati ' tam coronati ! Ille de vestra corona dubitavit in passione pro Christo * qui etiam baptismum parvulis prodesse non existimat Christi. Non habebatis etatem ' qua in passurum Christum crederetis * sed habebatis carnem in qua pro passuro Christo passionem sustineretis. Nullo modo istos infantes desereret gratia Salvatoris * qui venerat querere quod perierat [cf. Mat. 18, 11] ' non solum in carne nascendo ' verum etiam in cruce patiendo. Nam qui potuit natus habere predicatores angelos ' narratores celos ' adoratores magos + potuit et illis ne pro eo sic morerentur prestare * hos si sciret illa morte perituros ' et non potius majori felicitate victuros. Absit ut ad liberandos homines veniens ' de illorum premio qui pro eo interficiebantur nichil egerit * qui pendens in ligno ' pro eis a quibus interficiebatur oravit.

  • Ps. Augustinus, s dub. 373, cap. 3, PL 39, c. 1664D-1665A.
  • PLS II, c. 403, CPP 739
8.7a Lectio septima secundum Matheum, II, d.2

In illo tempore * angelus Domini apparuit in somnis Joseph, dicens : « Surge et accipe puerum ' et matrem ejus ' et fuge in Egiptum * et esto ibi usque dum dicam tibi. » Et reliqua.

  • Mat. 2, 13.
8.7b

Omelia venerabilis Bede presbiteri.

De morte preciosa martirum Christi innocentium ' sacra nobis est, fratres carissimi, evangelii lectio recitata * in qua tamen omnium Christi martirum preciosa est mors designata. Quod enim parvuli occisi sunt * significat ' per humilitatis meritum ad martirii perveniendum gloriam + et quia, nisi conversus fuerit quis, et effectus ut parvulus [cf. Mat. 18, 3] * pro Christo animam non possit dare. Quod in Bethleem ' et in omnibus finibus ejus occisi sunt * ostendit non solum in Judea ' unde Ecclesie cepit origo + sed et in omnibus ejusdem Ecclesie finibus, quacumque per orbem diffusa est, persecutionem sevituram3 perfidorum * et piorum patientiam esse coronandam.

  • Beda Venerabilis, H I 10, CCSL 122, l. 1-11, p. 68.
  • PD I 36
  • CPL 1367
8.8 Lectio octava.

Qui bimi occisi sunt * doctrina et operatione perfectos indicant. Qui vero infra * simplices vel ydiotas ' fidei tamen non ficte constantia fortes ' eque denuntiant. Quod illi quidem occisi sunt ' sed Christus qui querebatur illesus evasit * insinuat ' corpora quidem ab impiis posse perimi + sed Christum, pro quo persecutio tota sevit ' nullatenus, eis vel viventibus vel occisis, posse aufferri ' sed eos veraciter contestari * quia sive vivimus ' Domino vivimus ' sive morimur Domino morimur. Sive enim vivimus ' sive morimur * Domini sumus. [Rom. 14, 8]

  • ibid. l. 11-20, p. 68.
8.9 Lectio nona.

Quod autem juxta vaticin[i]um Jeremie vox in Rama, id est in excelso, audita est ' ploratus et ululatus multus [Hier. 31, 15] * manifeste denuntiat ' luctum sancte Ecclesie, quo de injusta membrorum suorum nece gemit ' non ut hostes garriunt in vacuum cedere + sed usque ad solium superni ascendere Judicis * et sicut prothomartiris Abel ' ita etiam sanguinem ceterorum martirum ' de terra clamare ad Dominum ' juxta illud viri sapientis : Non despiciet preces pupilli *4 nec viduam ' si effundat loquelam gemitus. Nonne lacrime vidue ad maxillam descendunt + et exclamatio ejus super deducentem eas ? [Eccli. 35, 17-19]

  • ibid. l. 20-29, p. 68-69.

9- Thomas Becket, ep. et m.

s, 29 XII

In festo beati Thome martyris.

9.N

Nota quod magister Johannes Saliberiensis, clericus beati Thome et familiaris, postmodo Carnotensis episcopus, composuit magnam legendam de vita beati Thome a juventute. Quidam vero clericus socius ejus in exilio, qui dicit brachium sibi amputatum fuisse in passione ejus, compilavit gesta passionis ejus. Facta est autem quedam abbreviatio de gestis illis que legitur in Ecclesia Romana et per Angliam, de qua excerpta sunt que hic dicuntur.

9.1 Lectio prima.

Beatus Thomas, post susceptum pastoris officium * supra humanam estimationem factus est Deo devotus. Consecratus enim ' cilicium clam induit * femoralibus etiam usus est usque ad poplites cilicinis. Et sub vestis clericalis honestate ' habitum celans monachalem * Deo studuit omnium virtutum exercitio placere. Jura Ecclesie quas publica potestas usurpaverat * in statum debitum revocare conatus est. Propter quod ' innumeris lacessitus est injuriis. Tandem autem sibi morte intentata * cedendum [191b] censuit esse malicie. Actus ergo in exilium ' a domino papa Alexandro ' Senonis honorifice susceptus est * et in monasterio Pontiniacensi studiose commendatus.

  • BHL 8211
9.2 Lectio secunda.

Confiscantur interim omnes ejus redditus * totaque proscribitur ejus cognatio. Omnes etiam amici ejus seu familiares relegantur. Quotquot autem discretionis annos attigerant * jurare compulsi sunt ' quod mari transito ' se archiepiscopo presentarent + ut vel compassionis gladio totiens confossus * conceptum rigorem ad regis inflecteret voluntatem. Sed vir Dei * nulla fuit prorsus injuria immutatus aut fractus.

9.3 Lectio tercia.

Audiens ergo rex ejus constantiam * directis litteris comminatoriis ad capitulum Cistertiense, eum a Pontiniaco perturbare curavit. Timens autem beatus Thomas viris sanctis * sponte recessit. Sed antequam inde progrederetur, confortatus est * ostenso sibi celitus indicio ' quod ad Ecclesiam suam rediturus esset cum gloria ' et per martyrum palmam ' migraturus ad Dominum. Perturbatum igitur excepit eum cum honore rex Francorum Ludovicus * et eum humanissime exhibuit. Sex autem annis continue exulavit.

9.4 Lectio quarta.

Denique miseratus summus pontifex Anglicane desolationem Ecclesie * propositis comminatoriis ' vix tandem extorsit ' ut pax Ecclesie redderetur. Igitur exilii sui anno septimo rediit in Angliam * susceptusque est a clero et populo cum gaudio inestimabili. Sed post dies paucos iterum damnis et injuriis supra modum affectus est * et edicto publico ' ecclesie sue septa exire prohibitus. Sed in his non est effractus ejus animus + sed ad Ecclesie sue liberationem jugiter aspirabat * et ob hanc vigiliis ' jejuniis et orationibus insistebat.

9.5 Lectio quinta.

Quinto vero dominice nativitatis die, veniunt Cantuariam ' aulici quatuor viri * genere preclari ' sed maleficiis famosi. Et ingressi * pontificem verbis contumeliosis aggrediuntur. Respondit vir Dei modeste ad singula. Turbati sunt insipientes corde * et exierunt continuo. Quibus egressis * perrexit pontifex in ecclesiam. Sequ[u]ntur a tergo Sathane satellites loricati * armatorum multa manu sequente. Aditumque ecclesie monachis precludentibus * accurrens Dei sacerdos ostium reseravit. Irrumpentibus illis ' processit illis obviam Christi confessor * et intentantibus mortem ' ait : « Pro Deo et Ecclesia * mortem libenter suscipiam. Sed ex parte Dei, precipio * ne meorum cuiquam noceatis. »

9.6 Lectio sexta.

Irruentes igitur ' consecratam capitis coronam funestis gladiis amputarunt * et christum Domini solo tenus precipitantes ' cerebrum cum sanguine crudelissime sparserunt. Ultima vero martyris verba * juxta proprius astantium assertionem, hec fuerunt : « Deo et beate Marie et sancto Dyonisio ' et sanctis Ecclesie hujus patronis * me ipsum recommendo et Ecclesiam meam. » Regressi vero viri scelerati in pontificis palatium + dimiserunt sibi vestimenta ' aurum ' argentum ' et quicquid invenire potuerunt * statuentes quid quis tolleret.

9.7 Lectio septima

Vere sanctus iste glorificandus est1 qui pro Ecclesia certans ' in ecclesia passus est ' in loco sacro ' dominice nativitatis tempore ' inter consacerdotes et manus religiosorum + quatinus in agone pontificis ' sic omnes circunstantie concurrerent * ut patientis titulum perpetuo illustrarent ' et persequentium revelarent impietatem. Adeo vero in martyris persecutores ultio divina desevit * ut in brevi sublati de medio non comparerent. Et alii quidem sine confessione ' alii digitos dentibus frustatim discerpentes ' alii sanie defluentes ' alii paralisi dissoluti ' alii amentes effecti * manifesta reliquerunt indicia persecutionis injuste.

9.8 Lectio octava.

Porro martyrii sui tempore * inusitatis cepit martir choruscare miraculis + cecis visum ' claudis gressum ' surdis auditum ' loquelam mutis restituens. Deinde leprosos mundans ' consolidans paraliticos + ydropisim ' et omnia morborum incurabilium genera curans * resuscitans mortuos ' demoniis et etiam elementis mirabiliter imperans. Ad inusitata quoque ' et inaudita signa * potentie sue manum extendit. Nam et oculis ' et membris genitalibus privati * meritis ipsius nova membra suscipere meruerunt.

9.9 Lectio nona.

Quidam autem qui sancti miracula depravare presumpserunt * repente percussi ea predicare coacti sunt * etiam inviti. Denique adversus omnes emulos suos usque adeo2 prevaluit * quod fere singulis diebus iteratum videres in servo ' quod de Unigenito legitur. Venient ad te qui detrahebant tibi * et adorabunt vestigia pedum tuorum. Passus est autem egregius Dei athleta Thomas anno ab incarnatione Domini .M°. centesimo septuagesimo + .IIII°. kalendas januarii ' feria .IIIa., hora quasi undecima * ut Domini natalis ad laborem ' ejus fieret natalis ad requiem.

10- Sylvester, p. et c.

s, 31 XII

In festo sancti Silvestri.

10.1 Lectio prima. T .1

Eusebius Cesariensis.

Sanctus Silvester cum esset infantulus ' a vidua matre sua Justina ' sancto Cyrino presbitero traditus * ad summum apicem christiane religionis attigit. Factus itaque juvenis * ho[s]pitalitatem tota diligentia exhibuit. Unde sanctum Tymotheum advenam ' Christum publice predicantem ' hospitio suscepit, persecutionis tempore * quod etiam ipsi pontifices formidabant facere. Quem etiam martirizatum ' [191c] noctu rapiens ' ad domum suam detulit * eique cum sancto Melchiade papa et clericis suis ' exequias dedicavit.

  • cf. BHL 7726-7731
10.2 Lectio secunda.

Tarquinius autem Urbis prefectus sperans Tymotheum habuisse pec(c)unias ' Silvestrum cepit * easque sub comminatione tormentorum sibi dari precepit. Sed cum illum divitias non habere sentiret ' titulum ei christianitatis opposuit * dicens eum tormentis variis finiendum ' nisi ydolis immolaret. Cui Silvester : « Stulte ' hac nocte anima tua auferetur a te * ut tormenta que christianis temporaliter irrogas ' tu eterna recipias. » Interea Silvester cathenatus ad carcerem ducitur * et Tarquinius ad convivium vocatur. Dumque Silvester in carcere oraret + os piscis versatum est in ejus guture * sicque tandem mortuus est.

10.3 Lectio tercia.

Tunc omnes christiani cum episcopo ad carcerem pergunt * et inde Silvestrum educunt. Cui tantam Deus gratiam contulit * ut non a christianis tantum ' sed etiam a gentilibus ' nimio diligeretur affectu. Erat enim aspectu angelicus ' sermone nitidus * integer corpore ' sanctus opere + consilio magnus ' fide catholicus * spe patientissimus ' caritate diffusus. Denique sancto Melchiade ad Dominum migrante ' hic in pontificem levatur * omni clero et populo in ejus electionem acclamante. Erat autem omni suavitate conspicuus * inter divites et pauperes medius + ut et pauperes illum quasi parem aspicerent * et divites quasi superiorem sibi divitem estimarent. Pauperumque maxime curam gerebat.

10.4 Lectio quarta.

Cum autem exisset edictum ' ut christiani cogerentur ad immolandum ydolis * secedens ab Urbe Silvester ' Syrapti latibulo se collocavit cum suis clericis. Constantinus autem Augustus cum jam christianorum plurimas strages per omnes provincias perpetrasset * a Deo lepra in toto corpore percussus est. Et cum a nullo medicinam recipere posset + dixerunt pontifices Capitolii piscinam debere fieri ' ac puerorum sanguine repleri * in quo calido et fumante nudus descendens ' mox posset a lepra mundari. Missum est igitur * et supra tria milia infantes Romam adducti ' traditi sunt pontificibus occidendi.

10.5 Lectio quinta.

Cum autem imperator ad Capitolium pergeret ' ut ibi lavaretur in sanguine puerorum * occurrit multitudo mulierum ' que resolutis crinibus ' et nudatis pectoribus ululantes ' coram eo se straverunt in plateis lacrimantes. Ille vero percunctatus causam * didicit has esse matres puerorum ' quorum effundendus erat sanguis ' ut ipse in eo lotus sanaretur. Tunc ille facinus exhorruit * et prorumpens in lacrimas ait : « Cur hoc utar lavacro scelerato ? Melius est propter innocentium mori salutem * quam per eorum interitum vitam recuperare crudelem. » Sic ad palatium rediit * filiosque matribus cum donis ' amplissimis reddidit.

10.6 Lectio sexta.

Ipsa vero nocte, astisterunt ei in somnis ' apostoli Petrus et Paulus * dicentes : « Quia sanguinis innocentis effusionem horruisti * missi sumus a Domino Jesu Christo dare tibi sanitatis recuperande remedium. Silvester episcopus, ritus et delubra fugiens populi gentilis * in monte Syrapti latet cum clericis suis. Hic accersitus tibi piscinam ostendet + in qua dum te tercio immerserit * lepra te deseret. Hanc ergo mercedem Deo redde * ut verus christianus fias. » His dictis evigilans Constantinus * statim misit ad montem ' qui beatum Silvestrum cum reverentia exhiberent.

10.7 Lectio septima

Quesitus ergo pontifex et inventus * ad curiam cum suis clericis velut ad martyrium perrexit.2 Cui assurgens Augustus * somnum suum exposuit. Tunc sanctus Silvester querenti qui essent illi dii qui sibi apparuerant * ostendit illos non esse deos ' sed Dei servos. Et cum ei vitam illorum enarrasset * eorum ymagines requirenti monstravit. Quas optime recognoscens ' doctrine sancti Silvestri credidit * et statim baptizatus ' de fonte sanus exivit. Super eum quoque lux intolerabilis quasi fulgur emicuit * que omnium mentes exterruit ' et aspectus obtexit. Unde ' et ipse mundus exurgens ' Christum se vidisse asseruit * magnaque populi multitudo in Christum credidit.

10.8 Lectio octava.

Post hec Helena mater Augusti a Judeis circunventa ' litteras ad eum misit * laudans quidem quod ydola reliquisset + sed vituperans quod, spreta lege Judeorum in qua Deus adoratur * hominem crucifixum adoraret. Tunc ei rescripsit ut magistros Judeorum adduceret + et ipse pontifices christianorum proferret * ut panderet disputatio ' cui fidei magis adherendum esset. Facta est igitur congregatio * longuaque concertatio. Tandemque beato Silvestro rationes fidei probabiles ostendente + taurum quoque ferocissimum in Christi nomine quem Zambri videns in nomine demonis interfecerat a morte suscitante * Judei omnes pedibus ejus provoluti ' Christo se credere fatebantur. Helena quoque credidit cum omnibus filiis suis et ipsi judices altercationis * et plus quam tria milia de Judeis.

10.9 Lectio nona.

Post aliquot dies dixerunt Augusto * templorum pontifices : « Populus Romanus invictissimi draconis afflatu periclitatur + quia solebant virgines dee Veste per omnes kalendas ad ejus descensum abire * et cibos ei similaginis ministrare. Ex quo autem pietas vestra legem [191d] christianam accepit ' huic nichil fertur * et ob hoc indignatur. » Sed et hunc sanctus Silvester in nomine Christi filo canabino ligavit * et usque ad diem Judicii sub signo crucis eum reclusit. In ipso anno baptizati sunt triginta milia virorum * exceptis mulieribus et parvulis. Sedit autem in cathedra annos .XXIII. menses .X. dies .XI. * et sepultus est in cimiterio Priscille.

11- Stephanus Oct. SND

2 I

In Octava beati Stephani si non fuerit dominica.

11.1 Lectio prima. Å .

Maximus episcopus in sermone « Hesterno die natalem ».

Omni Ecclesie beatus Stephanus datus est ad profectum. Adhuc laicus, diaconii meruit electionem * et levita, martyrii obtinuit principatum. In plebe adhuc positus erat * sed jam virtutibus eminebat. Humilis erat loco * sed celsus fide. Discipulus erat ordine * sed factus est magister exemplo. Quos sequebatur devotione fidei * precessit velocitate martyrii. In hoc etiam quod prepositus est feminis * testimonium meruit sincerissime castitatis. Beatus ergo, carissimi fratres, qui hunc imitatus fuerit * pudicicie enim palmam ' et martirii consequetur coronam.

  • Ps. Augustinus, s sup. 210, = 1, PL 39, c. 2138.
  • AF I 19
  • CPL 221, PLS III, c. 362, CPP 995 et 5888a
11.2N

Idem in sermone « Lectio » . Å .

Quem quidam distingunt a precedenti, quidam autem continuant.

11.2 Lectio secunda.

Pulcre autem divina Scriptura filium Hominis ad dexteram Dei Patris stare memoravit ' cum dixit Stephanus : Video celos apertos et filium Hominis a dextris Dei stantem [Act. 7, 56] * ut ad confutandam Judeorum incredulitatem ' ille martiri ostenderetur in Celo ' qui a perfidis negebatur in mundo + et illi testimonium celestis Veritas daret * cui fidem terrena impietas derogaret. Siquid ergo distare inter martyres potest * precipuus videretur esse iste qui primus est.

Mortem enim quam Salvator dignatus est pro omnibus pati * hanc iste primus reddidit Salvatori.

In persecutione autem positus * pro persecutoribus Dominum deprecabatur. Atque in illa lapidum ruina, quando alius oblivisci poterat etiam karissimos suos * ille Domino commendabat inimicos. Plus itaque tunc dolebat illorum peccata ' quam sua vulnera * plus illorum impietatem ' quam suam mortem.

  • Caesarius Arelatensis, s 219, CCSL 104, n° 823 l. 7-14, p. 867, et l. 21-22 et 26-31 p. 868.
  • AF I 19, PD I 28
  • CPL 220, PLS III, c. 354, CPP 5797b
11.3 Lectio tercia.

Fulgencius in sermone « Heri celebravimus ». Å .

Conjuctus est autem Paulus Stephano * factus ovis ex lupo. Et ecce nunc Paulus cum Stephano letatur * cum Stephano Christi claritate perfruitur + cum Stephano exultat * cum Stephano regnat. Quo enim precessit Stephanus ' trucidatus lapidibus Pauli * illuc secutus est Paulus ' adjutus orationibus Stephani. Quam vera vita, fratres ' ubi non Paulus de Stephani occisione confunditur + sed Stephanus de Pauli consortio gratulatur * quoniam caritas in utroque letatur. Caritas quippe in Stephano superavit sevitiam Judeorum + et caritas in Paulo cooperuit multitudinem peccatorum [1 Pe. 4, 8] * caritas in utroque pariter ' Regnum meruit possidere celorum. Caritas igitur omnium fons est et origo bonorum + munimen egregium ' via que ducit ad Celum * in qua qui ambulat ' nec errare poterit ' nec timere. Ipsa dirigit + ipsa protegit * ipsa perducit.

  • Fulgentius, s 3, CCSL 91A, l. 120-134, p. 908-909c.
  • PD I 27
  • CPL 830, PLS III, c. 1333

12- Stephanus, Oct. SD

2 I

In Octava beati Stephani si fuerit dominica.

12.1 Lectio prima.

Sermo beati Augustini. Å .

Fratres carissimi, celebravimus natalem quo rex martyrum natus est mundo * hodie celebramus natalem quo primicerius martirum migravit e mundo. Oportebat enim ut primum immortalis pro mortalibus susciperet carnem * et sic mortalis pro Immortali sustineret mortem. Et ideo natus est Dominus ' ut moreretur pro servo * ne servus timeret mori pro Domino. Natus est Christus in terris * ut Stephanus nasceretur in Celis. Ingressus est Dominus mundum * ut Stephanus ingrederetur Celum. Altus ad humilia descendit * et humilis ad alta ascendit.

  • Ps. Augustinus, s sup. 215, PL 39, = 1, c. 2145.
  • CPL 844 et 368, PLS II, c. 856 et III, c. 1363, CPP 1000
12.2 Lectio secunda.

Eya, sancte Stephane ' dic aliquid Judeis * ut incipias lapidari ' et possis coronari ! Jaculare verba * et excipe saxa. Dic aliquid de incircumcisis cordibus * et morieris lapidibus. Dic eis de eo cujus nomen1 nolunt audire Judei + erubescant et seviant2 * muta efficiantur labia dolosa. [Ps. 30, 19] Dic eis ubi vides eum * quem irriserunt crucifixum. Dic eis ubi vides eum * et hic non vives ' sed cum eo melius vives. Dic eis quia nichil est quod fecerunt * vivit quem occiderunt. Dic eis quod vides ad dexteram Patris stantem * quem irriserunt in cruce pendentem.

  • ibid. = 2, c. 2145.
12.3 Lectio tercia.

Augustinus in sermone « Inter purpureos ». Å .3

Preclarus athleta Dei ' unctus spiritu Dei ' ad stadium certaminis prior exivit + et tantam victorie adeptus est gloriam * ut primus acciperet coronam. Miles Christi fidelis ' signifer martirum fortis + post Christum mox inter acies Diaboli pertransiit * et prior martiriali candida inclitus triumphavit. Secutus est statim Dominum Jesum Christum * et martirii meruit principatum. Et cum ad crucis pervenit signa * priori de Celo mittitur palma. Cumque festinat mori * primus desiderat coronari. Ecce impie manus aptantur ad necem * jam furoris arma prenduntur + jam vallatur mucrone lapidum martir * et super verticem innoxium ' ponderatum dependet exitium. Et ille non blanditur ' sed invehitur + non palpat sed provocat * non trepidat ' sed instigat. « Dura, inquit, cervice ' et incircumcisi corde ' et auribus. » [Act. 7, 51]

  • Ps. Maximus, s dub. 29, PL 57, c. 906D-907A.
  • AF I 20a
  • PLS III, c. 367, CPP 2340
12.4 Lectio quarta.

Respice, martir, vicinam grandinem * inspice aggerem tortuosum + acervos cautium intuere * ferventes jam vide manus + hanelantia ora jam conspice * scintillantia lumina contemplare. Ecce funesta acies propinquat * accedit ' jam lapides vibrat. Dura cervice ' et incircuncisi corde et auribus ' vos semper Spiritui Sancto ' restitistis * sicut et patres vestri. [Act. 7, 51] Hec cum diceret * fremebant cordibus suis et stridebant dentibus adversus illum. [Act. 7, 54] Sed [192a] fortis columna Dei cum inter lapidiferas manus captatorio forcipe teneretur + fide fundabilis ' spe exigibilis ' caritate constabilis ' igniebatur ' et probabatur * feriebatur ' et ducebatur4 + contundebatur ' et augebatur * cedebatur ' et non vincebatur.

  • ibid. c. 907AB.
12.5a Lectio quinta.

O beata fidei officina ' que tantum inaltasti martyrem * ut ipsam conspiceret Majestatem. « Ecce, inquit, video celos apertos * et Jesum stantem a dextris Dei. » [Act. 7, 56] Patuit sedes Dei * et fulcato aere ' celorum latera pependerunt.

  • ibid. c. 907B.
12.5b

Idem in sermone « Donet ».5

Videt Christum confitens Christum * moriturus pro Christo ' perrecturus ad Christum.

  • Augustinus, s 319, PL 38, cap. 2, c. 1440.
  • AF I 22
  • PLS II, c. 856
12.5c

Idem in sermone « Fratres carissimi ». Å .6

At illi clamantes * continuerunt aures suas. [Act. 7, 56] Aures clauserunt * et ad lapides cucurrerunt. Impetumque fecerunt omnes in eum * et lapidabant eum invocantem Deum ' et dicentem [Act. 7, 56 et 58] « Adhesit anima mea post te [Ps. 62, 9] * quia lapidatur caro mea pro te. Accipe spiritum meum [Act. 7, 59] * et redde promissum tuum. » Et iterum : « Domine, ne statuas illis hoc peccatum. » [Act. 7, 59] Oravit Christus pro suis crucifixoribus * oravit et Stephanus pro suis lapidatoribus.

  • Ps. Augustinus, s sup. 215, PL 39, = 2, c. 2145, et 3 (in capite), c. 2146.
  • CPL 844 et 368, PLS II, c. 856 et III, c. 1363, CPP 1000
12.6a Lectio sexta.

Christus ligno fixus oravit + Stephanus stans ' suum spiritum Domino commendavit * fixoque genu ' pro inimicis ut amicus Dominum rogavit. Talia ergo in orationis sue convivio Domino exhibuit * qualia in sui Domini mensa comedit.

  • ibid. = 3 (passim), c. 2146.
12.6b

Idem in sermone « Inter purpureos ». Å .7

Leo rugiens devorare voluit * sed ovis Christi mansuetudinem non amisit. Carnificinam itaque sui furoris Judeus exercuit * sed ovem suam David noster de ore frementis excussit. O Judea, prophetarum sanguine temulenta + ab initio mundi bibisti ' et adhuc sitis ? Estuas mortem martyris + et hanelas adhuc sanguinem confessoris ? Pone finem sceleri * parce vel martiri. Illi autem lapidabant Stephanum invocantem et dicentem + « Domine Jesu Christe, suscipe spiritum meum [Act. 7, 58] * quia pro te fundo sanguinem meum. »

  • Ps. Maximus, s dub. 29, PL 57, c. 907B-908A.
  • AF I 20
  • PLS III, c. 367, CPP 2340
12.7 Lectio septima.

Idem in sermone « Jesus filius ». Å .

Attende, frater, conservum tuum. Homo erat sicut et tu ' de massa peccati erat sicut et tu * eo precio redemptus ut tu. Diaconus erat * evangelia legebat ' que legis et audis et tu. Ibi invenit scriptum : Diligite inimicos vestros.8 [Mat. 5, 44] Didicit legendo * perfecit diligendo. Judei lapidabant * et ille orabat. Illi eum furiose persequebantur * ille pacatus ' Christum sequebatur. Illi malicia cecabantur * ille viso Filio Dei ' sapientia illustrabatur. Illi lapides mittebant * ille orationes premittebat ' tanquam diceret : « Domine, si istos modo occideris inimicos + quos postea facies amicos ? »

  • Ps. Augustinus, s dub. 382, PL 39, cap. 3, c. 1685-1686.
  • AF I 17
  • CPL 285, PLS II, c. 403, CPP 748
12.8a Lectio octava.

Denique, fratres, ut noveritis quantum valuerit oratio sancti martiris * recurrite nobiscum ad illum adolescentem qui omnium vestimenta servabat ' et tanquam manibus omnium ' lapidabat' cui dictum est ' « Saule, Saule cur me persequeris ? [Act. 9, 4] Ob hoc quidem debui perdere te * sed Stephanus meus oravit pro te. » Nam si martir Stephanus non sic orasset * Ecclesia Paulum non haberet. Sed ideo de terra erectus est9 Paulus * quia in terram inclinatus, exauditus est Stephanus.

  • ibid. cap. 4, c. 1686.
12.8b

Idem in sermone « Martir Stephanus ». Å .10

Pro se quidem erectus oravit * pro inimicis curvus. Pro se celsus * pro illis humilis. Et ait : « Domine ne statuas illis hoc peccatum. »11 [Act. 7, 60] Et hoc dicto obdormivit. O somnum pacis ! Quomodo obdormivit inter lapides inimicorum suorum ?

  • Augustinus, s 317, PL 38, c. 1437.
  • AF I 21b
  • CPL 284, PLS II, c. 401 et IV, c. 255
12.8c

Idem in sermone « Fratres carissimi ».12

Hoc dicto obdormivit [Act. 7, 59] * quia spiritum suum Domino commendavit.

  • Augustinus, s 317, in fine, PL 38, c. 1437.
  • CPL 284, PLS II, c. 401 et IV, c. 255
12.8d

Quid illo somno tranquillius ? Quid illo quietus ? Qualis ibat ad amicum + qui sic diligebat inimicos ?

  • Ps. Augustinus, s sup. 215, PL 39, = 3 (in fine), c. 2146b.
  • CPL 844 et 368, PLS II, c. 856 et III, c. 1363, CPP 1000
12.9a Lectio nona.

De glosis super Actus. Å .13

Et vide qualiter servus Domini passionem imitatur * quia sicut ille ' sic iste falsis testibus accusatur.

Christus Dominus extra portam patitur * et Stephanus quasi advena mundi ' extra civitatem lapidatur. Denique Christus ait tanquam Filius ' « Pater, in manus tuas commendo spiritum meum » [Luc. 23, 46] * Stephanus ei tanquam Domino servus ' « Domine Jesu, suscipe spiritum meum » [Act. 7, 58]. Christus ait ' « Pater, ignosce illis delictum » [cf. Luc. 23, 34] * Stephanus autem ' « Ne statuas illis hoc peccatum. » [Act. 7, 59]

  • Glosa anonyma super Act. 6, 13 et 7, 58-59c.
12.9b

Eusebius Emesenus in omelia.14

Beatus est ergo Stephanus levita * qui fumantem adhuc victimam dominici sanguinis primus honoravit recenti sacrificio passionis.

Beatus qui in ipsa obluctatione pugnantis ' jam preferebat speciem Resurgentis *

habens intra se Spiritum Sanctum ' os gestabat angelicum.

Ergo qui sic manifestavit moriturum + quomodo putas decorabit eternum ?

  • Eusebius Gallicanus, h 3, = 3, CCSL 101, l. 30-33, 46-47, 52-53 et 48-49, p. 34.
  • CPP 4619

13- Johannes, Oct. SND

3 I

In Octava beati Johannis evangeliste, si non fuerit dominica.

Isidorus in libro de ortu, vita vel obitu sanctorum patrum qui in Scripturarum laudibus efferuntur.

13.N

Nota quod Ysidorus abbreviat hic legendam Johannis scriptam a Mileto episcopo Laodicie.

13.1 Lectio prima.

Johannes apostolus et evangelista ' frater Jacobi ' virgo est electus a Domino * et inter ceteros magis dilectus. Qui etiam supra pectus magistri recumbens ' evangelii sui fluenta de ipso sacro dominici pectoris fonte potavit * et quasi unus de paradisi fluminibus ' Verbi Dei gratiam in toto orbe terrarum diffudit. Quique in loco Christi ' Christo jubente successit * dum suscipiens matrem ' magistri discipulus ' par post Christum ' alter quodam modo derelictus est filius. Hic dum evangelium Christi in Asya predicaret + a Domitiano Cesare in Pathmos insula metallo relegatur * ubi etiam positus Apocalipsim scripsit.

  • Isidorus Hispalensis, De ortu, cap. 71, 1-2, p. 205.
  • = BHL 4323d
  • CPL 1191
13.2 Lectio secunda.

Interfecto autem a senatu ' Domitiano ' exilio resolutus ' recessit Ephesum * ibique ob hereticorum refutandas versutias ' efflagitatus ab Asye episcopis ' evangelium novissimus edidit. Cujus quidem inter alias virtutes * magnitudo signorum hec fuit. Mutavit in aurum silvestres frondium virgas * litoreaque saxa in gemmas. Item gemmarum fragmina * in propriam reformavit naturam. Viduam quoque precepto populi suscitavit * et redivivum juvenis corpus remeante anima reparavit. Bibens letiferum haustum non solum evasit periculum * [192b] sed eodem prostratos poculo in vite1 reparavit statum.

  • ibid., cap. 71, 2-3, p. 205-207.
13.3 Lectio tercia.

Hic anno sexagesimo septimo post passionem Domini salvatoris ' sub Trajano principe ' longeve vetustatis senio fessus 'cum diem transmigrationis sue imminere sibi sentiret * jussisse fertur effodi sibi sepulcrum. Atque inde vale dicens fratribus ' facta oratione vivens tumulum introiit * deinde in eo tanquam in lectulo requievit. Unde accidit ut quidam eum vivere asserant * nec mortuum in sepulcro ' sed dormientem jacere contendant + maxime pro eo quod illic terra sensim ab imo scaturiens ad superficiem sepulcri conscendat * et quasi flatu quiescentis ' deorsum ad superiora pulvis ebulliat.

  • ibid., cap. 71, 4, p. 207-209.

14- Johannes, Oct. SD

3 I

In Octava beati Johannis evangeliste si fuerit dominica.

14.1a Lectio prima.

Crisostomus super Johannem, omelia .VIa. Å .

Beatus Johannes patriam habuit Galileam ' ignobilem videlicet sterilemque provinciam * cui detrahebant et scribe dicentes a Galilea prophetam non surgere. Nec de aliqua fuit insigni villa vel nominata * sed de Bethsaida. Patrem habuit Zebedeum piscatorem + adeo egenum et pauperem * ut et filios ad eandem duceret operationem. Hic quoque apostolus in piscatoribus minorem ordinem tenebat * quia non in mari venabatur ' sed in quodam parvo stagno. Hec erat ei vita cum Jacobo fratre suo ' et patre.

  • Johannes Chrysostomus, In Johannem, h 2, cf. PG 59, cap. 1, = 1, c. 29.
  • CPG 4425
14.1b

Idem super Matheum, omelia XIIIIa.1

Tanta autem erat eis egestas ' ut vetera retia consuerent * quia nova emere nequibant. Nec parva sunt hec documenta virtutis * omnem facile pauperiem tolerare ' de justis laboribus vivere + mutua sibi caritate connecti * et in patris inopis obsequio laborare.

  • Cf. Ps. Chrysostomus, Opus imperfectum in Matheum, PG 56, h 7, c. 676.
  • CPG 4569, CPL 707
14.2 Lectio secunda.

Idem super Johannem ubi supra. Å .

Hunc denique Johannem illiteratum et ydiotam fuisse Lucas testatur + quia scilicet inops et pauper nec ad forum se immittebat ' nec viris sapientibus loquebatur * sed piscationi affixus erat. Ipsorum quoque piscium silentium imitabatur.

Hujus ergo genus et patriam et educationem et artem docere * non est superfluum. Cum enim didiceris quis et unde fuerit 'et ex quibus, et qualis ' deinde vocem ejus de Verbo eterno ' et phylosophyam omnem audieris * tunc vere scies ' quia non fuit ipsius ' sed virtutis divine moventis animam ejus.

Per ipsum enim ' ad humanam naturam loquitur Deus.

  • Id. In Johannem, h 2, cf. PG 59, cap. 1, = 1, c. 29-30 et c. 29, retrogradiendo.
  • CPG 4425
14.3 Lectio tercia.

Is itaque de celo loquens ' et tonitruo clariorem vocem emittens ' omnem orbem terrarum boatu replevit. Nec asper est iste boatus * sed omni armonia musica voluptuosior.

Fortassis a piscatore se auditurum esse quis expectabat de his qui sunt in fluminibus ' de piscibus in aquis gregatim natantibus. Sed illitteratus et ydiota ' postquam ad Christum venit ' de celestibus philosophari cepit * celsaque dogmata referre ' que nullus unquam homo anima didicit.

Etsi ergo derideant gentiles hominum istorum rusticitatem + ex quo tamen et hic et reliqui piscatores fuerunt * ex tunc pitagorici in silentium devenerunt.

  • ibid. cap. 1, = 3, c. 32, = 1, c. 30, et = 2, c. 31.
14.4 Lectio quarta. T .

Clemens, in Ecclesiastica Hystoria, libro .III.

Cum Johannes regressus ex insula vicinas lustraret provincias ut ecclesias fundaret ' vel sacerdotibus et ministris fundatas institueret * venit ad quandam urbem haud longe positam. Omnibus ergo sollemniter adimpletis + videns juvenem quendam validum corpore, vultu elegantem ' sed animis acerrimis * episcopo loci sub testimonio Christi iterum atque iterum cum summo studio commendavit. Susceptus igitur ab eo et cum omni diligentia nutritus * ad ultimum baptizatus est. Post hec autem confidens episcopus * eum indulgentius habere cepit. Sed ille libertate potitus * per equevos amare vitia perdocetur. Sed magistros criminum tandem facit discipulos * factus inter eos princeps latronum.

  • Eusebius, Rufino trad., III, 23, 6-11, ed. cit, vol. I, p. 239, l. 15-23 et p. 241, l. 1-23.
  • cf. BHL 4324
  • CPG 3495
14.5 Lectio quinta.

Verum cum ad eandem urbem denuo Johannes venisset ' cum cetera ordinasset * « Age, inquit, o episcope ' depositum representa ' quod tibi ego et Christus commendavimus. » At ille obstupuit. Quem Johannes stupentem videns * « Juvenem, inquit, illum repeto ' et animam fratris. » Tunc senior in lacrimas resolutus ' « Ille, ait, mortuus est Deo * et nunc quendam montem cum multa latronum manu occupavit. » Apostolus autem ingemiscens * « Bonum te, inquit, custodem anime fratris dereliqui ! » Et confestim properabant ad locum. Cum autem detento Johanne a latronibus princeps armatus venisset * agnito Johanne ' pre pudore in fugam vertitur.

  • ibid., 23, 12-15, p. 241, l. 23-30 et p. 243, l. 1-13.
14.6 Lectio sexta.

Ipsum itaque fugientem * Johannes etatis oblitus ' insequitur ' clamans : « Quid fugis, o fili, patrem tuum ? Quid fugis inhermem senem ? Miser, noli timere ! Adhuc habes spem vite. Ego Christo reddo rationem pro te * sta tantum et crede michi. » At ille audiens restitit + vultum demisit * post hec arma projecit. Deinde flebat amarissime * ejus genibus provolutus. Apostolus vero se sibi impetraturum veniam pollicens + simulque ejus genibus provolutus ' et dexteram necis conscientia deosculens * ipsum ad Ecclesiam revocat. Indesinenter autem pro eo orans ' et cum ipso jejunans * ei indulgentiam expetebat. Sed et variis consolationibus * efferos ejus animos mitigabat. Nec prius abstitit * quousque eum in omnibus emendatum ecclesie preficeret.

  • ibid., 23, 16-19, p. 243, l. 13-29 et p. 245, l. 1-3.
14.7a Lectio septima.

Dionisius in epistola.

Johanni cum esset in exilio * Dionisius direxit epistolam dicens : « Ave, vere dilectissime * vere amabili ' et desiderabili ' ac dilecto valde dilectissime ! Saluto te, sacram animam.

Adhuc in asianam terram reverteris + ibique operaberis optimi Dei imitationes * et his qui tecum sunt ' trades. » Quod et factum est.

  • Ps. Dionysius, in Passione sancti Dionysii, auctore Hilduino (<BHL 2175), Mombritius I, p. 40, l. 26-28 et 46-47.
14.7b

Beda in omelia. Å .2

Siquidem a tempore dominice passionis ' usque ad ultima Domitiani tempora ' et per annos circiter ' LXV * absque ullo scribendi adminiculo predicavit Verbum Dei.

Dum autem [192c] post exilium rediret Ephesum * compulsus ab omnibus Asye episcopis scribere evangelium +

non aliter se facturum respondit * nisi indicto jejunio omnes precarentur ' ut digna scribere posset. Hoc itaque patrato * scripsit.

  • Beda Venerabilis, H I 9, CCSL 122, l. 218-222, 227-230 et 234-237, p. 66.
  • PD I 33
  • CPL 1367
14.7c

Hieronimus super epistolam ad Galathas. Å .3

Denique cum senex inter discipulorum manus ad Ecclesiam deferretur ' nec posset in plura verba vocem contexere * hoc tantum per singulas solebat collectas proferre : « Filioli, diligite alterutrum. » Tandem dixerunt discipuli : « Magister ' quare hoc semper loqueris ? » Qui respondit : « Quia preceptum Domini est * et si solum fiat ' sufficit. »

  • Hieronymus, In Epistolam ad Galatas, lib. III, cap. 5, PL 26, c. 462c.
  • CPL 591
14.8 Lectio octava.

Petrus Damianus in sermone de eodem « Quantum fratres ». Å .

Dignum est, carissimi, ut qui a Christo pre cunctis mortalibus spetialiter est dilectus * a Christi fidelibus permaxime diligatur + presertim ' cum et ipse circa nos tante caritatis extiterit * ut sacramentorum celestium thesauros quos vel solus acceperat ' nobiscum participando largiter erogarit.

Quid in virtutibus quo incomparabiliter non excellat ? Apostolus siquidem est in epistolis + evangelista in evangelio * propheta in Apocalipsi.

Martir utique etiam fuit + et quo ceteris apostolis in carne prolixius mansit * eo durioris martirii tormenta sustinuit.

  • Petrus Damiani, s 64, CCCM 57, l. 7-13 et 28-30, p. 375, et 74-78, p. 377.
14.9 Lectio nona.

Jam vero quis felicissime consummationis ejus gloriam non obstupescat ? Quia enim mirabiliter vixit * mirabiliter obiit. Et quia non communem cum hominibus vitam duxit * non communi hominum morte transivit.

Unde notandum * quam affectuose Salvator dixerit : « Sic eum volo manere * donec veniam. » [Jo. 21, 22] Veniam * non mittam. Non mittam videlicet aliquam supernam virtutem * nec angelicam potestatem. Ipse per memet ipsum veniam * ipse egredientem animam in glorie mee claritate suscipiam. Quante igitur reverentie habendus est hominibus + quem ipse actor vite honoravit in carne viventem4 ' honoravit et de seculo recedentem ?

  • ibid. l. 128-131, p. 378 et 274-283, p. 382-383.

15- Innocentes, Oct. SND

4 I

In Octava Innocentium, si non fuerit dominica.

Sermo Augustini. Å .

15.1 Lectio prima.

Hodie, fratres, natalem illorum colimus infant[i]um * quos ab Herode interfectos esse ' evangelii textus eloquitur. Et ideo gaudeat terra nostra * celestium militum ' et tantarum parens fecunda virtutum. Ecce prophanus hostis ' numquam beatis parvulis tantum prodesse potuisset obsequio * quantum profuit odio. Quantum enim contra ipsos iniquitas abundavit * tantum in eis gratia benedictionis effulsit.

Beata es, o Bethleem, terra Juda * que sub uno tempore candidatam plebem imbecillis infantie Deo offerre meruisti.

  • Caesarius Arelatensis, s 222, CCSL 104, p. 877, n° 832 l. 9-15 et n° 833 l. 3-5a.
  • CPP 1005
15.2 Lectio secunda.

Digne natalem illorum colimus ' quos beatius eterne vite mundus edidit * quam quos maternorum viscerum partus effudit. Siquidem ante vite perpetue adepti sunt dignitatem * quam usum presentis acciperent. Aliorum quidem preciosa mors martyrum ' laudem in confessione promeruit + horum in consummatione conplacuit * quia incipientis vite primordiis ipse eis occasus initium glorie dedit ' qui presentis terminum imposuit. Qui jure dicuntur martirum flores * quos in medio frigore infidelitatis exortos ' velut primas erumpentis Ecclesie gemmas ' quedam persecutionis pruina decoxit.

  • ibid. p. 877, n° 833 l. 6-15.
15.3 Lectio tercia.

Eusebius in sermone. Å .

Occiduntur pro Christo parvuli * pro justicia moritur innocentia. O quam beata etas, que nondum oportuna est vulneri * et jam est ydonea passioni ! O quam feliciter nati * quibus in primo nascendi limine ' eterna vita obviam venit ! Immaturi quidem videntur ad mortem * sed feliciter moriuntur ad vitam. Nondum ingressi sunt infantie cunas * et jam perveniunt ad coronas. Rapiuntur quidem ab amplexibus matrum * sed redduntur gremiis angelorum. Nichil ergo egisti * ferocissime auctoritatis audacia ! Potes martires facere * Christum non potes invenire. Non ad hoc venerat Christus ut regnum terrenum preriperet * sed ut crucifigeretur illusus.

  • Eusebius Gallicanus, h 4, = 4, CCSL 101, l. 74-97, p. 48-49.
  • CPL 967, CPP 4620b

16- Innocentes, Oct. SD

4 I

In Octava, si fuerit dominica.

16.1 Lectio prima.

Crisostomus in omelia de Epiphania. Å .

Herodes successorem timens Dominum Jesum * fremebat.

Ideoque talia apud se forsitan dicebat : « Quis est iste puer + qui antequam nascatur in mundo ' jam apparet in celo ? Necdum ipse se ostendit * et jam omnes ad se trahit. Nondum habet populum terrenum * et jam ei ministrant agmina stellarum. Quis est iste qui antequam mecum pugnet ' jam vincit + et antequam vincat ' regnat ' et antequam regnet, jam dominatur ? Ego quidem et dona hominibus spargo ' et gladium porto + ut qui non timet, diligat * et qui non diligit, timeat. Ille vero nec habet populum * nec congregavit thesaurum. Et quomodo sine auro diligitur + sine ferro timetur ? »

  • Ps. Chrysostomus, Opus imperfectum in Matheum, h 2, PG 56, c. 644.
  • CPG 4569, CPL 707
16.2 Lectio secunda.

Vehementer ergo iratus fuit + quia magos quos ille sedens in throno regio ' vestitusque purpurea suadere non potuit * his parvulus Jesus in presepio jacens et pannis involutus ' placuit.

Dicebat ergo cogitans in furore suo : « Certe magi puerum illum, quem regnaturum dicebant ' invenerunt * et aurum a parentibus ejus acceperunt + aut largis promissionibus sunt placati * et ideo non sunt ad me reversi.  »

Itaque ipsi quem regni zelus accenderat * magi addiderunt causas doloris.

Quemadmodum ergo fera si fuerit ab aliquo vulnerata ' quicquid ante oculos ejus occurrerit quasi actorem1 vulneris dilaniat * sic ille iram suam super innocentes pueros infundebat.

  • ibid.c. 644, supra, et partim retrogradiendo.
16.3 Lectio tercia.

Tunc vox in Rama auditur [cf. Jer. 31, 15] * que de morte innocentium mittebatur.

Ploratus ostendit fletum parvulorum * ululatus vero ' matrum designat lamentum. Parvuli plorabant ' eo quod a matribus separabantur * matres ululabant ' eo quod a filiis desolabantur. Eratque videre majorem do-[192d]-lorem in matribus remanentibus * quam in parvulis morientibus. Unum quidem parvuli sustinebant dolorem * nondum enim sciebant mortis timorem. Matres vero duplicem patiebantur + unum quod interfici parvulos suos intuebantur * alterum quoque quod a filiis ipse desolabantur. In parvulis denique mors eorum beata finem faciebat doloris * in matribus autem ' parvulorum memoria semper erat reparatio doloris.

  • ibid. c. 645.
16.4 Lectio quarta.

Severianus in sermone « Zelus quo tendat » . Å .

Ad sinus matrum Herodes militum castra cogit * inter ubera arcem pietatis oppugnat. In teneris uberibus ferrum durat * lac fundit antequam sanguinem. Dat ante mortem sentire quam vitam * tenebras ingerit intrantibus lucem. Sic agit magister mali ' minister doli ' ire artifex ' inventor sceleris ' impietatis actor2 ' pietatis predo ' inimicus innocentie ' hostis nature * malus omnibus ' suis pejor ' pessimus sibi. In altum tendens ' cadit ab alto * celum pulsans ' intrat profundum. In se vadit ' cum vadit in Deum * se occidit ' qui vitam conatur occidere.

  • Petrus Chrysologus, s 152, CCSL 24B, l. 14-23, p. 950.
  • PD I 34a
  • CPL 227, PLS III, c. 154, CPP 1716
16.5 Lectio quinta.

O ambitio * quam ceca semper ! O quam presumptio pessima ! Herodes terrenis inhians * irruit in divina. Destinatur ad scelus + ad piaculum promptus ' ad crimen paratus * causas innocentie non requirit. Jus abnegat * confundit fasque nefasque.

Herodes cecus ' Christum gladiis querit + investigat cruore * crudelitate rimatur. Successorem timens * incessit in Actorem3. Premit innocentes * volens innocentiam deperire. Innocentis causam facit innocentium crimen * Actoris4 ortum ' Orientium mandat esse occasum.

  • ibid. l. 25-33 et 37-43, p. 950-952.
16.6 Lectio sexta.

Quid Christus futurorum prescius ' conscius secretorum ' cogitationum judex ' mentium perscrutator ? Quos propter se noverat occidendos ' neglexit ?

Fratres ' Christus non despexit suos milites ' sed provexit * quibus dedit ante triumphare quam vivere + quos fecit capere sine certatione victoriam * quos donavit coronis antequam membris + quos voluit virtutibus vicia preterire * ante Celum possidere quam terram. Premisit ergo suos milites Christus ' non amisit * recepit suas acies ' non reliquit.

  • ibid. l. 57-60 et 63-69, p. 953-954.
16.7 Lectio septima.

Beati quos natos martirio videmus esse * non seculo. Beati qui labores in requiem + in refrigerium dolores * merores in gaudium commutarunt. Vivunt, vivunt * quia vere vivunt ' qui pro Christo merentur occidi. Beati ventres qui portaverunt tales * beata ubera que se talibus effuderunt. Beate lacrime * que pro talibus fuse ' fletibus gratiam baptismatis contulerunt. Nam diverso modo ' dono uno ' in lacrimis suis matres * et sui filii in suo sanguine baptizantur.

  • ibid. l. 70-77, p. 954.
16.8 Lectio octava.

In martirio filiorum * matres passe sunt. Nam gladius filiorum pertransiens membra * ad corda matrum devenit. Et neccesse est ut sint premii consortes * que fuerunt socie passionis. Arridebat parvulus occisori + gladio adjocabatur infantulus * nutricis loco attendebat lactens percussoris horrorem. Nescia lucis etas * moritura gaudebat. Infans filius omnem hominem non ut hostem respicit * sed ut parentem. Martyrum matres tulerunt * quicquid et angoris extitit et doloris. Et ideo non carebunt martyris gaudio * martyrii lacrime ' quas fuderunt.

  • ibid. l. 77-85, p. 954-955.
16.9 Lectio nona.

Hoc loco attendat auditor ' attendat et intelligat * martyrium non constare per meritum ' sed venire per gratiam. In parvulis, que voluntas ' quod arbitrium + ubi captiva fuit et ipsa natura ? De martyrio ergo demus totum Deo * nichil nobis. Vincere Diabolum ' corpus tradere ' contempnere viscera ' tormenta expendere ' lassare tortorem ' capere de injuriis gloriam ' de morte vitam * non virtutis humane ' sed muneris est divini.

  • ibid. l. 86-92, p. 955.

17- Felix, pr. et c.

tl, 14 I

In festo sancti Felicis in Pincis.

17.1 Lectio prima.

Paulinus Nolanus episcopus. T .1

Sanctus Maximus Nole urbis Campanie pontifex ' cum imperatorum decreta christianos insequi precepissent + senio pregravatus ' putans se non ferre supplicia * silvas adiit. Ubi cum erraret * fame et gelu afflictus ' solo corruit semivivus. Sanctus autem Felix qui presbiter ab eo fuerat ordinatus ' cum multa de deorum portenta, quod nichil fuerint, disputasset + percursis diversorum suppliciorum generibus ' carceri adjudicatur * stricteque ligatus ' testulis et cocleis nudus supponitur. Sed nocte media ab angelo solutus educitur * sanctumque Maximum episcopum in silva querere ' reducere ' et abscondere donec persecutio cessaret ' precipitur.

  • Gregorius Turonensis, In Gloria martyrum, cap. 103, p. 557, l. 10-20.
  • cf. BHL 2872
  • CPL 1024
17.2 Lectio secunda.

Perrexit ergo Felix quo nesciebat * sed Deo volente cito reperit episcopum solo prostratum ' clausis oculis strictisque dentibus ' jam pene mortuum. Anxius ergo ' cum nullum in promptu cibum haberet quem periclitanti porrigeret * de celo dilapsum munus contemplatur. Ecce enim de sente2 proxima pendentem vidit racemum * de quo in os ejus expressit vinum. Sicque paululum refocillatum humeris suis detulit * et cujusdam vidue tugurio commendatum ' alimento refecit. Eo tandem migrante * Felix in episcopatum electus a populo ' noluit adquiescere.

  • ibid. l. 21-32.
17.3 Lectio tercia.

Orta iterum persecutione ' cum Felix in platea populum moneret * persecutor missus adiit ' et Felix latrebram petens ' inter parietes dirutos * per modicum aditum se occultavit. Statimque nutu Dei * per adi-[193a]-tum illum aranee telarum stamina pretendunt. Quas dum persecutores conspiciunt * neminem illic esse putantes ' abscedunt. Data vero nocte ' Felix ad alium locum secessit + quo per tres menses latitans ' a muliere quadam alimenta suscepit * nunquam tamen ejusdem ministrantis faciem suspexit. Denique pace reddita Ecclesie sancte ' ac populo restitutus ' in pace quievit + sepultusque est juxta Urbem ' in loco qui dicitur Pincis * ubi multis se virtutibus declaravit in populis.

  • ibid. p. 557, l. 33-35 et p. 558, l. 1-11.

18- Maurus, ab.

tl, 15 I

In festo beati Mauri abbatis.

18.1 Lectio prima.

Ex gestis ejus. T .

Beatus Maurus clarissimo senatorum genere exortus * duodennis sancto Benedicto sub regulari nutriendus institutione ' a parentibus est traditus. Qui cum adhuc junior bonis polleret moribus * magistri cepit adjutor existere ' ac ejus miraculorum cooperator esse. Hunc sanctus Benedictus pre omnibus semper carius dilexit ' et instruxit + atque ita in Dei informavit servitio * ut nemini post ipsum in cenobiali observatione esset secundus. Nam in diebus sancte Quadragesime nec cuculla nec tunica ' sed solummodo sacco rustico utebatur * et duabus tantum vicibus in ebdomada parvissimum potius pregustabat quam sumebat ' cibum.

  • cf. BHL 5773
18.2 Lectio secunda.

Post hec beatissimus Berticrannus Cenomannensis episcopus audita fama sanctitatis viri venerabilis Benedicti ' cum magnis exeviis ad eum nuntios misit ' Flodegarium archidiaconum ' et Harderadum vicedominum suum * multis eum exorans precibus ' ut illi perfectos dirigeret monachos ' qui monasterium secundum regularis ordinem observationis ' in fundo1 ecclesie quam regebat ' edificarent. Mittitur a Patre beatus Maurus * quatuor sociis sibi datis. Cumque quinquagesimo quinto die ' Vercellas cum sociis ' et predictis nuntiis advenisset * ibique a clericis ipsius civitatis honorifice suscepti fuissent ' predictus Harderadus per gradus cujusdam altissime turris deambulans ' precipitatus est. Et pene effectus exanimis * de vita desperare cepit. Sed hunc sanctus Maurus premissa oratione sanavit. Cecum postmodum ' apud ecclesiam preciosorum martyrum Mauricii et sociorum ejus * illuminavit.

18.3 Lectio tercia.

Denique post sanctorum locorum visitationem + post multorum miraculorum gloriosam operationem * tandem Aurelianis perveniens ' sanctum Berticrannum episcopum ad Deum migrasse audivit ' et alium loco ejus pontificem constitutum. Qui cum Maurum recipere noluisset ' nobili viro Floro dante locum ad monasterium construendum ' coadjuvante Thedeberto nobilissimo rege Francorum * juxta fluvium Ligerim ' in honorem beati Martini consecrari fecit ecclesiam. In qua post miraculorum insignia ' et sancte vite conversationem ' et discipulorum multorum informationem ' completis vite sue annis septuaginta duobus ' et diebus quatuordecim * migrans ad Dominum ' sepultus est ad dexteram partem altaris.

19- Marcellus, p. et m.

tl, 16 I

In festo beati Marcelli pape et martiris.

19.1 Lectio prima.

Ex gestis ejus. Å .

Tempore quo Maximianus rediens de Affrica ' volens placere Diocleciano ' termas edificavit + cepit milites Romanos ad afflictionem christianorum compellere * et alios ad lapides ' alios ad harenam fodiendam ' damnavit. Cum autem vidisset Charphon vir christianus et potens ' et facultatibus locuples affligi christianos * cepit de sua facultate eis victum ministrare. Hoc autem audiens beatus Marcellus episcopus Urbis ' per viros christianos Sisinnium et Cyriacum et Largum ' per quos hec ministrabat + repletus est gaudio * et Sisinnium et Cyriacum ' ordinavit diaconos Ecclesie Romane.

  • < BHL 5234/5235
19.2 Lectio secunda.

Mortuo autem Diocleciano * Maximianus precepit ' ut christiani ubicumque inventi fuissent ' punirentur. Et zelo ductus propter sororem suam Atthemiam ' que per Ciriacum diaconem a demonio liberata fuerat et christiana effecta * misit ' et tenuit eum ' et posuit in custodiam. Precepit autem  * ut in die processionis sue ad exemplum christianorum ' nudus ' cathenis ligatus ' ante redam ejus traheretur. Quadam autem die processionis sue * Marcellus episcopus obtulit se Augusto dicens : « Pietati tue suggero + servos Dei qui orant pro regno tuo ' et pro re publica ' quare trucidas ?  » Tunc iratus Maximianus * precepit ' ut fustibus cederetur ' et expelleretur.

19.3 Lectio tercia.

Eodem tempore * Lucina matrona christianissima fecit donationem de facultate sua ' et ex omnibus ' Ecclesie catholice. Hoc audiens Augustus * indignatus ' proscriptione1 eam damnavit. Ipsa autem rogavit sanctum Marcellum * ut domum ejus ecclesiam consecraret. Quod et cum magna devotione fecit. At ubi frequenter in eadem domo missas celebraret + audiens hoc Augustus iratus ' precepit ut in eadem ecclesia plance sternerentur ad animalia stabuli publici * et eundem Marcellum ad servitium animalium deputavit. Ubi post multos annos serviendo * emisit spiritum. Cujus corpus rapuit Johannes presbiter noctu cum beata Lucina * et sepelivit in cimiterio Priscille.

20- Antonius, ab.

tl, 17 I

In festo beati Anthonii abbatis.

Athanasius Alexandrinus episcopus. T .

20.1 Lectio prima.

Beatus Anthonius in domo parentum nobilium christianorum in Egipto enutritus1 * post eorum obitum in etate .XX. annorum ' die quadam more solito ecclesiam est ingressus. Et audiens illud evangelicum legi ' « Si vis perfectus esse ' vade ' et vende que habes ' et da pauperibus ' et habebis thesaurum in celo ' et veni, sequere me » [Mat. 19, 21] ' mox implevit * et vitam heremiticam duxit. Memoriam pro [193b] libris habebat. Frequenter orabat + manibus suis operabatur * et operis sui mercedem ' excepto precio panis ' egentibus largiebatur. Si quem in religionis studio vigilantem compererat + procedens ut apis prudentissima querebat * et omnibus obediens ' proprias singulorum gratias hauriebat. Quod ita faciebat * ut cum omnes gloria anteiret ' omnibus tamen carus esset. Unde et eum vicini deicolam nuncupabant.

  • cf. BHL 609
20.2 Lectio secunda.

Tanta vero invidentis Diaboli temptamenta ' occulta et aperta sustinuit * ut nullus ambigeret ' quin Anthonius contra Diabolum dimicaret. Qui tandem in forma pueri nigri ad ejus genua provolutus est * dicens cum fletu ' se esse fornicationis amicum ' qui adolescentes impugnaret ' et ejus labore superatus esset. Semel autem cum a demonibus in variis formis mutatis ' laceratus fuisset + subito radius quidam lucis demones effugavit * statimque sanatus ' Christum presentem intelligens ' dixit : « Ubi eras, bone Jesu ' ubi eras ? » Et vox ad eum : « Anthoni, hic eram * sed expectabam certamen tuum. »

20.3 Lectio tercia.

Itaque magis ac magis corpus suum subjugabat + in oratione sepissime pernoctabat * et semel in die post solis occasum edebat. Nonnunquam bidui triduique sic permanens ' quarto die comedebat panem et salem * et potum aque permodicum sumebat. Quieti vero membra concedens * vinco contexto ac cilicio utebatur. Aliquotiens etiam super nudam humum jacebat. Tantique fervoris erat * quod martires secutus ' martir cum eis fieri sitiebat. Denique multis modis corpus afficiens ' et miraculis coruscans * propter glorie cautelam ad locum ignotiorem discessit. Ibi quoque varias demonum insidias pertulit. Sed et in discretione spirituum * gatiam magnam habuit. Annoque vite sue centesimo quinto moriens ' et deosculans fratres suos * in pace quievit.

21- Prisca, v. et m.

tl, 18 I

In festo beate Prisce virginis et martiris.

21.1 Lectio prima.

Ex gestis ejus. Å .

Beata Prisca civis Romana ' clarissimis parentibus orta * tercio decimo etatis sue anno ' ab apparitoribus ad Claudium imperatorem adducta est. Qui jussit eam templum Appollinis ingredi * ut ei sacrificaret. Qua in eodem templo orante ' terremotus factus est magnus + et civitas concussa est * et Appollo cecidit ' et comminutus est. Et quarta pars templi ruit * et oppressit multitudinem paganorum cum sacerdotibus ydolorum. Deinde expoliata et cesa ' et in carcere clausa ' per noctem hymnum canebat * et glorificabat Deum ' in visitatione angelica confortata.

  • < BHL 6926 ?
21.2 Lectio secunda.

Mane vero educta de carcere * pinguedine adipum ferventi jubetur perungi. Et minime lesa * jussa est iterum ingredi templum ' et sacrificia offerre. Qua signum crucis faciente ' et orante ' tonitruum factum est * et cecidit ignis de celo ' qui combussit populum circunstantem ' et purpuram imperatoris a parte dextera ' et ydolum redactum est in favillam. Tunc imperator jussit prefecto * cum uncinis ferreis totum corpus ejus dissipari. Prefectus vero jussit ' cum spatis membra ejus incidi *1 de hinc bestias ferocissimas que eam excerperent ' exhiberi. Que oranti ' in mansuetudinem sunt converse. Tunc carnifices tam diu carnes ejus raserunt * donec ad ossa pertingerent. Ipsa vero orante ' brachia eorum indoluerunt * et sic a tormentis cessaverunt.

21.3 Lectio tercia.

Tunc imperator fremens in virginem * jussit eam igne consumi. Qui a pluvia magna de celo facta * penitus est extinctus. Tunc iratus imperator comam capitis ejus jussit radi * in qua credebat magicam artem consistere. Post hec inclusit eam in templo * ut ibi fame deficeret. Die autem tercio ingressus ' vidit ancillam Christi que angelico solatio fuerat relevata * et ydolum dejectum et comminutum. Et iratus nimis * jussit eam capite puniri. Educta autem * via Ostiensi ' miliario decimo ab Urbe ' decollata est. Et a christianis occulte in eodem loco facto sepulcro ' honorifice est sepulta * ubi non post multum temporis ' fabricata est ecclesia.

22- Fabianus et Sebastianus, mm.

s, 20 I

In festo beatorum martirum Fabiani et Sebastiania.

22.1a Lectio prima.

Damasus papa ad Jeronimum.1

Beatus Fabianus papa natione Romanus ' ex patre Fabio * tredecim annis sedit. Qui diaconibus regiones divisit + fecitque septem subdi[a]cones ' qui septem notariis imminerent * ut gesta martyrum in integro fideliter colligerent.

  • Liber Pontificalis I, p. 148, l. 1-4.
22.1b

Haymo in Christiana Rerum Memoria.2

Imperatori Philippo volenti interesse Pasche vigiliis et comunicare mi(ni)steriis ' restitit * nec quousque peccata confiteretur ' et inter penitentes staret ' permisit.

  • Haymo Autissiodorensis, Christiana Rerum Memoria, lib. VI, cap. 11, PL 118, c. 853B.
  • Glorieux p. 57
22.1c

Eusebius, in Ecclesiastica Hystoria, libro sexto.3

Hic sub persecutore Decio Rome martyrii coronam accepit * suique pontificatus sedem Cornelio reliquit.

  • Eusebius, Rufino trad., Hist. eccl. VI, 39, 1, vol. II, p. 595, l. 5-6.
  • CPG 3495
22.2 Lectio secunda.

Ex gestis ejus. Å .4

Sebastianus in Mediolanensibus partibus eruditus ' civis vero Narbonensis oriundus ' Diocleciano et Maximiano ita carus erat * ut ei prime cohortis principatum traderent ' et eum sibi semper astare juberent. Erat enim vir totius prudentie. Hunc etiam milites quasi patrem venerabantur. Christo autem cotidie sedulum exhibebat officium ' sed occultum + non passionis timore * sed ad hoc ' ut christianorum animas quas in tormentis videbat deficere ' confortaret. Clarissimis igitur viris Marcelliano et Marcho ' fratribus ' in vinculis constitutis ' cotidie solatium exhibebat * et salutaria fidei consilia ministrabat.

  • < BHL 7543
22.3 Lectio tercia.

Cum igitur capitalem jussi essent subire sententiam + sequentes eos pater et mater cum uxoribus eorum et filiis .XXXa. dierum inducias [193c] impetrarunt * ut in his ageretur ' quatinus ydolis immolarent. Ac[c]edentes igitur amici eorum primo ' secundo mater superveniens soluto capite canos ' et scissa veste ' quas suxerant mammas ostendans + tercio pater infirmus et gravis senio ' manibus adductus servulorum ' cigneo capiti pulverem terre aspergens ' tandem conjuges cum natis propriis infantulos offerentes * omnia verba que eos emollire possent ' cum ejulatu immenso in adventu suo successive singuli conclamarunt.

22.4 Lectio quarta.

Cum igitur inter hujusmodi ' milites Christi cepissent mollescere * Sebastianus ' qui huic spectaculo intererat ' quem occultabat militaris habitus ' in medium se obiciens ' dixit : « O fortissimi milites ' per nimiam virtutem fortiter pertigistis ad palmam + et per misera blandimenta ' coronam deponitis sempiternam ? Nolite victoriarum vestrarum insignia blandimentis abicere. Putant hi * quod ista vita sit sola. Si enim scirent aliam vitam ignaram mortis ' tristicie nesciam * profecto vobiscum ad illam festinaret pertingere ' istam pro nichilo computantes. Ista enim fugitiva est. Hec ab origine mundi in se credentes fefellit * et cunctos de se presumantes irrisit. Hec est que crimina imperat * servientesque sibi ' tradit morti perpetue. »

22.5 Lectio quinta.

Cum hec et his similia Sebastianus proferret + subito splendore nimio de celo illuminatus est * et sub ipso splendore juvenis apparuit juxta eum ' dans ei pacem ' dicens5 : « Tu mecum semper eris. »6 Uxor autem Nicostrati nomine Zoe ' intra cujus domum hec gerebantur ' cum miraculi stupore teneretur + annuebat omnibus manu ' quia jam sex annis muta fuerat * quod quasi exprobrandi essent ' qui tam evidenti assertioni non crederent. At ubi vidit Sebastianus secreta cordis eam lingua explicare non posse * ait : « Si verus Christi servus sum ' et si vera sunt omnia que ex ore meo hec mulier audivit ' et credidit * jubeat Dominus meus ad eam redire labiorum officium. »

22.6 Lectio sexta.

Tunc exclamavit mulier dicens : « Beatus es tu ' et benedictus sermo oris tui * et beati qui credunt per te Filium Dei vivi ! Vidi enim oculis meis angelum advenientem de celo ' et librum apertum ante o(c)culos tuos tenentem * ex cujus lectione sermonis tui oratio descendebat. » Videns autem hec Nicostratus ' cepit pedibus suis advolvi * et indulgentiam petere ' quod imperiali jussu sanctos Dei habuisset in vinculis. Et solvens eos * rogare cepit ' ut abscederent ' dicens : « O quam beatus essem * si pro vestra mereri possem salute constringi ! » At illi dixerunt : « Si tu fidei gloriam quam numquam habueras accepisti + quomodo nos quam semper habuimus relinquentes ' tibi passionis nostre calicem damus ? » Alloquens autem ' et Marchus parentes et conjuges + ad hoc ipsos induxit * ut silentes tam ipsi quam omnes qui aderant peniterent ' quod ipsos ab agone martirii revocassent.

22.7 Lectio septima.

Cum igitur omnes qui ad decipiendum venerant Christo crederent + Nicostratus cum conjuge sua mysterium christiane religionis sibi declarari petens * hortante Sebastiano ' vinctos omnes in domum suam congregavit. Quibus idem Christum predicavit. Quo audito prostraverunt se cum lacrimis * et se velle Christo credere resonabant. Tunc jubet eos Sebastianus a vinculis absolvi * et Pollicarpum pre[s]biterum induxit. Qui videns turbam * benedixit. Omnesque simul baptizati sunt * numero sexaginta octo. Filii autem Claudii ' unus ydropicus, alter vulneribus oppressus * sani levati sunt de fonte. Baptizatus est autem et Cromatius prefectus ' et filius ejus Tiburtius * qui quam pertinax fuit ad credendum ' tam constans postea fuit ad martirium.

22.8 Lectio octava.

His igitur cum multis aliis expletis per martirium * Diocletianus beatum Sebastianum ad se convocans ' ait : « Ego te inter primos semper habui * et contra salutem meam in deorum injuriam latuisti. » Qui dixit : « Pro salute tua semper Christum colui + et pro statu Urbis Romane ipsum qui in Celis est semper adoravi * considerans a lapidibus auxilium petere ' insani capitis esse. » Iratus imperator jussit eum duci in medium campi * et quasi signum ad sagittandum ligari ' atque a sagitariis figi. Tunc milites jussa implentes ' ita eum hinc inde repleverunt sagittis * ut quasi ericius ita esset ictibus sagittarum hirsutus. Et ex[is]timantes eum mortuum * abierunt.

22.9 Lectio nona.

Tunc relicta uxor martiris castuli Zecarii nomine Hirenes ' abiit * ut noctu corpus ejus sepeliret. Et inveniens eum viventem ' adduxit ad domum suam * et inter paucos dies integram recuperavit sanitatem. Cumque omnes christiani ad eum convenirent * hortabantur eum abscedere. Ille autem oratione facta descendit * et stans super gradum eliogabali ' venientibus imperatoribus dixit : « Ad hoc me Dominus Jesus resuscitare dignatus est * ut conveniam vos ' injusto judicio persecutionem vestram in Christi famulos ebullire. » Tunc jussit eum in ypodromio palatii tamdiu fustigari * quamdiu spiritum exalaret.7 Sed et corpus ejus in cloacam miserunt. Quod tamen in unco pendens * sordes non tetigerunt. Ipse vero sancte Lucine per somnium ' illud revelavit * et [in] catacumbas sepeliri fecit.

23- Agnes, v. et m.

s, 21 I

In festo beate Agnetis virginis et martiris.

Ambrosius. Å .1

23.1 Lectio prima.

Tercio decimo etatis sue anno * beata Agnes passa est. Erat quidem juvencula corpore * sed in animo cana. Hec dum a scolis revertitur * a prefecti Urbis filio adamatur. Detulit autem sibi preciosissima ornamenta * que ab ipsa velut stercora sunt refutata. Putans ergo eam meliora velle * defert omnem lapidem preciosum et gloriam. Omnesque divi-[193d]-tias repromisit * si consensum sibi non negaret. Ad hec tale fertur dedisse responsum : « Discede a me, fomes peccati * nutrimentum facinoris ! Jam ab alio amatore preventa sum ' qui michi meliora obtulit ornamenta *

cujus generositas celsior ' possibilitas fortior ' aspectus pulcrior ' amor suavior ' et omni gratia elegantior + a quo michi thalamus collocatus est * cujus michi organa resonant + cujus michi virgines cantant *

cujus odore reviviscunt mortui + cujus tactu confortantur infirmi * cujus opes nunquam deficiunt ' nunquam decrescunt. »

  • < BHL 156
  • CPL 2159
23.2 Lectio secunda.

Audiens hec insanissimus juvenis ' amore corruit ceco + lecto prosternitur * et per alta suspiria amor a medicis aperitur. Fiunt hec nota patri *

cepitque vehementer inquirere quis esset ' de cujus potestate Agnes se jactaret. Extitit qui diceret ' hanc christianam esse * et ita magicis artibus occupatam ' ut dicat Christum sponsum suum esse. Ad hec prefectus suis tribunalibus eam precepit assisti * et primo blandis sermonibus ' dehinc terroribus pulsat. Sed ipsa eodem vultu terrentem similiter ' sicut blandientem animo deridebat. Quod videns prefectus * quia vim sibi inferre non poterat ' quia nobilis erat ' titulum ei christianitatis opposuit.

23.3 Lectio tercia.

Sequenti die Agnem sibi presentari precepit *

et dixit : « Si perseverantia virginitatis tibi placet +

aut cum virginibus dee Veste sacrifica * aut cum meretricibus scortaberis in lupanari.2 »

Tunc beata Agnes dixit : « Contempno minas tuas * credens quod neque sacrificem ydolis ' neque polluar sordibus alienis. Nam unigenitus Dei Filius quem ignoras * defensor michi est. »

Ad hec jussit eam expoliari * et nudam ad lupanar duci. Sed statim crine soluto ' tantam densitatem capillis ejus gratia divina concessit * ut melius eorum fimbriis videretur ' quam vestibus tecta.

23.4 Lectio quarta.

Ingressa igitur Agnes turpitudinis locum + angelum ita paratum invenit ' ut circumdaret eam immenso lumine * ita ut nullus eam pre splendore videret. Cumque se in oratione prostravisset * apparuit ei stola candidissima. Et apprehendens eam induit se * gratias agens Domino. Erat autem ad corpusculi ejus mensuram * aptum indumentum. Interea lupanar locus efficitur orationis * in quo omnis qui fuisset ingressus ' dans honorem immenso lumini ' mundior egrederetur quam fuerat ingressus. Inter hec prefecti filius venit ad locum cum sodalibus juvenculis * qui se credebant ludibrium exercere.

23.5 Lectio quinta.

Ingressus autem ante furentes pueros * cepit impudenter sodales arguere ' ac molles judicare. Et deridens eos * audacter ingressus est. Et videns tantum lumen circa virginem ' non dedit honorem Deo + sed irruens in ipso lumine ' priusquam manu contingeret cecidit in faciem suam * et suffocatus a Dyabolo expiravit. Ingrediens autem unus ex juvenibus ' viso quod moram faceret ' et mortuum eum inveniens * exclamavit dicens : « Piissimi Romani succurrite * magicis artibus meretrix ista prefecti filium interfecit ! »

23.6 Lectio sexta.

Prefectus igitur hec audiens ' cum ingenti luctu venit * et ingressus locum ' dicebat : « Crudelissima feminarum + ad filium meum voluisti apodixen tue artis magice demonstrare ? » At illa : « Ille cujus voluntatem volebat perficere * in eum potestatem accepit. Omnes qui ante ingressi sunt sani sunt * quia honorem dederunt Deo. Hic autem impudens * statim3 ut ingressus est ' sevire cepit ' ac fremere. » At ille : « In hoc apparebit quia non magicis artibus ista gessisti * si deprecata fueris angelum tuum ' et restituat michi filium. » Cui illa : « Licet fides vestra hoc non mereatur + tamen quia tempus est ut virtus Domini nostri Jesu Christi manifestetur * egredemini foras ! » Orante igitur illa apparuit ei angelus Domini + et elevavit eam flentem * et juvenem suscitavit.

23.7 Lectio septima.

Egressus igitur foras juvenis * cepit clamare : « Unus Deus in celo et in terra et in mari * qui est Deus christianorum. » Ad hanc vocem templorum pontifices conturbantur. Fitque seditio populorum * et clamabant : « Tolle maleficam * que et mentes mutat ! » Prefectus autem videns hec * obstupuit. Sed ne videretur contra templorum pontifices agere * vicarium dereliquit. Tristis autem abiit * eo quod non potuit eam liberare. Tunc vicarius Aspasius jussit ignem copiosum incendi * et eam in medio jactari. Quod cum fuisset impletum + in duas partes divise sunt flamme * et hinc atque illinc populus exurebatur. Ipsam autem in nullo contingebat incendium.

23.8 Lectio octava.

Tunc beata Agnes expandens manus suas in medio ignis * orationem fudit ad Dominum dicens : « Omnipotens Pater Domini nostri Jesu Christi, benedico te. Ecce nunc per Spiritum Sanctum rore celesti perfusa sum. Focus juxta me moritur + flamma dividitur * et ardor incendii hujus ad eos a quibus ministratur ' refunditur. Benedico te, Pater predicande ' quia etiam inter flammas intrepidam ' me ad te venire permittis. Et ecce ad te venio, vivum et verum Deum. » Cumque complesset orationem * ita ignis extinctus est ' ut nec tepor incendii remansisset. Tunc Aspasius in guture ejus gladium mergi ' precepit. Parentes vero ejus nullam tristiciam [194a] habentes * corpus ejus posuerunt in prediolo suo ' non longe ab Urbe.

23.9 Lectio nona.

Cum igitur omnis turba christianorum concurreret ad sepulcrum ejus * insidias a paganis perpessi, fugerunt. Emerantiana autem collactanea ejus ' virgo sanctissima ' licet cathecumina ' contra venientes stabat immobilis * et dicebat : « Superflui ' miseri ' caduci ' atque atrocissimi ' Deum colentem occidistis * et pro defensione lapidum innocentes jugulastis. » Hec et his similia dum diceret ' lapidata est * et juxta sepulcrum Agnetis emisit spiritum ' in suo sanguine baptizata. Denique eadem hora * fit terremotus vehementissimus. Et cum nimia esset celi serenitas + tante coruscationes tantaque fulgura et tonitrua extiterunt * ut pars maxima populi insani ' expiraret. Factumque est * ut nullus ex eo ad sepulcra sanctarum aliquas molestias excitaret.

24- Vincentius, m.

sda, 22 I

In festo sancti Vincentii martiris.

Sermo sancti Augustin. Å .

24.1 Lectio prima.

Vincentii martiris fortissimam passionem celebrare sollemniter juvat * et non segniter predicare. Vidimus animo quanta pertulerit + que audierit * que responderit. Ante oculos nostros mirandum spectaculum constitutum est * judex iniquus ' tortor cruentus ' martir invictus ' crudelitatis pietatisque certamen. Hinc insania ' inde victoria ' in auribus nostris insonuit * caritasque in cordibus nostris exarsit. Amplecti et osculari si fieri posset ' dilaniata illa membra vellemus ' que tantis penis sufficere mirabamur + et que cruciari nolebamus * quia cruciabantur amabamus. Quis enim videre velit ' hominem in corpus humanum humanitate amissa furentem ?

  • Ps. Augustinus, s Caillau I 47, PLS 2, = 1, c. 417-418.
  • CPP 1277
24.2 Lectio secunda.

Quem cernere libeat divaricatos artus ' nature figuram ereptam ' ossa extendendo separata ' exarando nudata ? Quis non adversetur ? Quis non exhorreat ? Et tamen hec omnia feda ' et horrenda ' justicia martiris pulcra faciebat * et ipsa pro fide ' pro pietate ' pro spe futuri seculi ' pro caritate Christi mirabilis fortitudo ' terram ac funestam tormentorum ac vulnerum faciem ' decore glorie perfundebat. Denique in eodem spectaculo * studia cum persecutore divisimus. Illum delectabat pena * nos causa. Illum cruciatus * nos virtus. Illum vulnera * nos corona. Illum quod in doloribus diutissime tenebatur * nos quod doloribus minime frangebatur. Illum quia vexabatur in carne * nos quia permanebat in fide.

  • ibid. = 1, c. 418.
24.3 Lectio tercia.

Itaque ubi illum sua pascebat immanitas * ibi torquebat martiris veritas. Nos autem horrenda jubentem vix ferebamus * sed deficientem cum Vincentio vincebamus. Nec nos tamen vel ipse per seipsum extitit victor * sed per illum qui pre omnibus exaltatus prebet auxilium ' qui pro omnibus passus ' reliquit exemplum. Ille exhortatur ad prelium * vocat ad premium. Sed ita expectat certantem * ut adjuvet laborantem.

Audiamus conservum ' persecutoris linguam constantibus et veracibus responsionibus convincentem * sed prius audiamus Dominum dicentem : Non vos estis qui loquimini * sed Spiritus Patris vestri. [Mat. 10, 20]

  • ibid. = 1-2, c. 418.
24.4 Lectio quarta.

Dignus itaque Vincentius a Domino coronari * in quo eligit et per patientiam et per sapientiam gloriari. Dignus sollemni celebritate ' dignus eterna felicitate + pro qua adipiscenda leve duxit quicquid immanissimus judex terruit * quicquid carnifex cruentus inflixit. Transactum est quod pertulit * non transiturum est quod accepit. Si vexata sunt membra ' si viscera cruciata ' tam crebre et tam crudeliter repetita tormenta ' et si fierent multo graviora * non sunt condigne passiones hujus temporis ad futuram gloriam que revelabitur in nobis. [Rom. 8, 18]

  • ibid. = 2, c. 419.
24.5> Lectio quinta.

Augustinus in sermone de eodem « In Passione ». Å .

In hujus corpore variis penis exarato ' jam tormenta defecerant * et adhuc membra durabant. Tot convicta miraculis persistebat impietas * tot vexata suppliciis ' non cedebat infirmitas. Agnoscatur ergo operata divinitas. Quando enim corruptibilis pulvis contra tam immana tormenta duraret + nisi in eo Christus habitaret ?

Habebat in sermone fiduciam * in passione tolerantiam. Nemo ergo de suo corde presumat * quia ut bona prudenter loquamur ' ab illo est ' non nostra sapientia + et ut mala fortiter perferamus * ab illo est ' non nostra patientia.

  • Augustinus, s 276, PL 38, cap. 1, c. 1255-1256.
  • CPL 284, PLS II, c. 401
24.6 Lectio sexta.

Recolite martyrum regem cohortes suas spiritalibus armis instruentem ' bella monstrantem + adjutoria ministrantem * premia pollicentem. Qui cum dixisset ' in hoc mundo pressuram habebitis * mox adjunxit : Sed confidite * ego vixi mundum. [Jo. 16, 33] Quid ergo miramur ' si in illo vicit Vincentius + a quo victus est mundus ? Mundus etsi premit * non opprimat. Si oppugnat * non expugnet. Duplicem mundus aciem producit contra milites Christi. Blanditur enim ut decipiat * terret ut frangat. Non nos teneat propria voluntas + non nos terreat crudelitas aliena * et victus est mundus.

  • ibid. cap. 1-2, c. 1256.
24.7 Lectio septima.

Si consideretur in ista passione humana patientia * incipit esse incredibilis. Si virtus agnoscatur divina * desinit esse mirabilis. Tanta grassabatur crudelitas in martiris corpore * et tanta tranquillitas proferebatur in voce ! Tanta penarum asperitas seviebat [194b] in membris + et tanta securitas sonabat in verbis * ut putaremus Vincentio patiente alium loquentem ' alium torqueri. Et vere ita erat. Caro enim patiebatur * et Spiritus loquebatur. Et loquente Spiritu non solum convincebatur impietas * sed etiam confortabatur infirmitas.

  • ibid. cap. 2, c. 1256.
24.8 Lectio octava.

Clariorem nobis martirem tormenta faciebant. Multiplici enim vulnerum varietate confossus ' non deserebat pugnam * sed acrius itabat. Putares quod eum duraret flamma * non ureret. Et quantum vasa figuli probat fornax + probatus est ' atque decoctus illo igne Vincentius * Dacianus vero arsit atque crepuit. Quid enim erant verba irascentis + nisi fumus ardentis ? Ergo martiri nostro refrigerium in corde habenti ' flammas extrinsecus admovebat * sed ipse facibus furoris accensus ' tanquam clibanus intus ardebat. Non tantum ergo martirem cruciabant plurima tormenta * quantum illum vastabat insania. Sed jam, fratres, omnia illa transierunt * et ira Daciani ' et pena Vincentii. Nunc autem pena Daciano * corona vero manet Vincentio.

  • ibid. cap. 3-4, c. 1256-1257.
24.9 Lectio nona.

Denique etiam in hoc mundo * martiris Vincentii gloriam demostremus.1 Que hodie regio ' queve provincia + que natalem non gaudet celebrare Vincentii ? Quis autem hodie Daciani vel nomen audisset + nisi Vincentii passionem legisset ? Quod vero tanta cura servavit Dominus martyris corpus + quid demostravit ' nisi se gubernare viventem ' quem non reliquit exanimem ? Vicit ergo Dacianum vivens Vincentius * vicit et mortuus. Vivens tormenta calcavit * mortuus maria transnatavit. Ipse inter undas gubernavit cadaver extinctum * qui inter ungulas ' animum donavit invictum. Non flexit flamma cor ejus * non mersit aqua corpus ejus. Sed in his omnibus nichil aliud est * nisi preciosa semper in conspectu Domini mors sanctorum ejus. [Ps. 115, 15]

  • ibid. cap. 4, c. 1257.

25- Conversio S. Pauli

sd, 25 I

In Conversione beati Pauli.

Sermo beati Augustini.

25.1a Lectio prima.

Lectio Actuum apostolorum ' pronunciata est * ubi apostolus Paulus ex persecutore christianorum ' annuntiator factus est Christi.

  • Augustinus, s 278, PL 38, cap. 1, c. 1268.
  • (alias s ap 189, PL 39, c. 2098 = 1)a
25.1b

Occidit in eo Christus sevitiam ' et suscitavit mansuetudinem veram * occidens et vivificans ' percutiens et sanans + occisus Agnus a lupis * faciens agnos de lupis. Sic enim in preclara prophetia, cum Jacob patriarcha benediceret filiis suis ' presentia tangens ' futura prospiciens * predictum erat quod in Paulo contigit. Erat enim Paulus sicut ipse testatur * de tribu Benjamim. Cum autem Jacob benedicens filios suos ' venisset ad benedicendum Benjamin * ait de illo : Benjamin lupus rapax. [Gen. 49, 27]

  • Augustinus, s 279, PL 38, cap. 1, c. 1275.
  • (ap 189 ibid.)(a)
25.2 Lectio secunda.

Quid ergo ? Lupus rapax semper ? Absit ! Sed qui mane rapiat predam * ad vesperam dividat escas. [Gen. 49, 27] Hoc in apostolo Paulo completum est * quia et de illo predictum erat. Jam si placet audiamus eum mane rapientem predam * ad vesperam dividentem escas. Mane et vespere posita sunt * pro eo ' ac si diceretur « prius » et « postea ». Sic ergo accipiamus. Prius rapuit predam * postea divisit. Attendite raptorem. Saulus, inquit ' acceptis epistolis a principibus sacerdotum ibat + ut ubicumque inveniret christianos ' ad sacerdotes attraheret ' et adduceret [Act. 9, 1-2] * utique puniendos.

  • ibid.
  • (ap 189 ibid. = 1-2)
25.3 Lectio tercia.

Ibat spirans et hanelans cedes [Act. 9, 1] * hoc est mane rapiens. Nam et quando lapidatus est Stephanus pro nomine Christi * evidentius aderat lapidator et Saulus. Et sic aderat lapidantibus * ut non ei sufficeret ' si tantum suis manibus lapidaret. Ut enim esset in omnium lapidantium manibus + ipse omnium vestimenta servabat * magis seviens ' omnes adjuvendo ' quam suis manibus lapidando. Audivimus quomodo mane rapuit * audiamus qualiter ad vesperam divisit escas. Voce Christi de celo prostratus ' et accipiens desuper interdictum jam seviendi ' cecidit in faciem suam * prius prosternendus ' postea erigendus + prius percutiendus * postea sanandus. Non enim postea in illo Christus viveret * nisi occideretur in eo quod male antea vixisset.

  • ibid.
  • (ap 189 c. 2098-2099 = 2-3)
25.4 Lectio quarta.

Quid ergo prostratus audivit ? « Saule, Saule, quid me persequeris ? Durum est tibi * contra stimulum calcitrare. » Et ille : « Quis es, Domine ? » Et vox desuper : « Ego sum Jesus Nazarenus * quem tu persequeris. » [Act. 9, 4-5] Membris in terra adhuc positis * caput in celo clamat. Et non dicebat ' « quid persequeris fideles meos » * sed « quid me persequeris.1 » Et ille : « Quid me jubes facere ? » [Act. 9, 6] Jam parat se ad obediendum * qui prius seviebat ad persequendum. Jam formatur ex persecutore predicator + ex lupo ovis * ex hoste miles.

  • ibid. c. 1275-1276.
  • (ap 189 c. 2099 = 3)
25.5 Lectio quinta.

Audit quid facere debeat. Cecus sane factus est * ut interiori luce fulgeret cor ejus. Exterior lux ad tempus subtracta est persecutori * ut redderetur predicatori. Eo tamen tempore quo cetera non videbat * Jesum videbat. Ita ex ipsa ejus cecitate informabatur misterium credentium * quod qui credit in Christum ' ipsum intueri debet. Cetera creatura vilescat * ut Creator in corde dulcescat. Videamus ergo ! Adductus est Ananiam. Et Ananias interpretatur ovis.

  • ibid. cap. 1-2, c. 1276.
  • (ap 189 ibid. = 3-4)
25.6 Lectio sexta.

Ecce lupus rapax adducitur ad ovem sequendam * [194c] non rapiendam. Sed ne repente ovis expavesceret lupum * ipse Pastor de Celo qui omnia faciebat ' nunciavit lupum venturum ovi ' sed non seviturum. Et tamen tam immanis fama lupum illum precesserat * ut non posset ovis audito ejus nomine non conturbari. Nam cum Dominus Jesus eidem Ananie nunciasset Saulum venisse jam ut crederet ' et ad eum Ananias ire deberet * ait Ananias : « Domine, audivi de isto homine * quod multa mala operatus est in sanctos tuos. Et nunc litteras accepit a principibus sacerdotum * ut ubicumque invenerit tui nominis sectatores ' vinctos pertrahat. » Dominus autem ad illum : « Sine ! Ego ei ostendam * quanta oporteat eum pati pro nomine meo. » [cf. Act. 9, 13-16]

  • ibid. cap. 2, c. 1276.
  • (ap 189 ibid. = 4)
25.7 Lectio septima.

Magna res geritur. Lupo sevitia interdicitur * lupus ad ovem captivus ducitur. Tanta autem precesserat fama lupi raptoris * ut ejus nomine audito tremeret ovis ' etiam sub manu pastoris. Confortatur autem ' ne jam putet sevientem * sed magis foveat metuentem. Ab Agno pro ovibus mortuo * fit ovis secura de lupo.

Ego, inquit, illi ostendam * que oporteat eum pati pro nomine meo. [Act. 9, 16] Ubi terror * ibi salus. Qui faciebat contra nomen Pastoris * et ipse patitur pro nomine Pastoris.

  • ibid. cap. 2, c. 1276, et cap. 4, c. 1277.
  • (ap 189 ibid.)
25.8 Lectio octava.

O sevitia misericordie ! Vides illum preparare ferrum + secaturus est ' non perempturus * curaturus ' non occisurus. Christus dicebat : Ego illi ostendam ' quanta illum oporteat pati pro nomine meo. Sed quo fine ? Ipsum qui patiebatur ' audite ! Non sunt condigne passiones hujus temporis * ad futuram gloriam que revelabitur in nobis. [Rom. 8, 18] Ac si dicat : « Seviat mundus ' fremat mundus + increpet linguis * corruscet armis ! Quicquid poterit faciat + quid faciet ad id quod accepturi sumus ?  »

  • ibid. cap. 4, c. 1277-1278.
  • (ap 189 ibid. = 5)
25.9 Lectio nona.

Appendo quod patior * contra id quod spero. Hoc sentio * illud credo. Et tamen plus est quod credo * quam quod sentio. Quicquid est quod sevit pro nomine Christi * si potest vinci ' tolerabile est. Si non potest vinci * migrare hinc faciat. Non extinguit * sed accelerat. Quid accelerat ? Ipsum premium ' ipsam dulcedinem * que cum venerit ' sine fine erit. Opus cum fine * merces sine fine.

  • ibid. cap. 4, c. 1278.
  • (ap 189 c. 2099-2100 = 5)

26- Agnes, secundo

tl, 28 I

In festo Agnetis secundo.

Ambrosius in passione ejusdem.

26.N

Et nota quod hec visio dicitur contigisse .VIII. die, propter quod tunc fit festum secundo(a).

26.1 Lectio prima.

Dum parentes sancte Agnetis assiduis pernoctationibus vigilarent ad tumulum ejus * vident in medio noctis exercitum virginum ' que omnes auro tectis cycladibus indute ' cum ingenti lumine preteribant. Inter quas beatissimam vident Agnem ' simili veste fulgentem * et ad dexteram ejus agnum nive candidiorem. Stans autem beata Agnes * parentibus dixit : « Videte ne me quasi mortuam lugeatis + sed congaudete mecum * quia cum his omnibus lucidas sedes accepi.1 » Et pertransivit. Cum autem hec visio vulgaretur in populo * factum est tandem ' ut Constantie Constantini filie ' ab his qui viderant ' narraretur.

  • BHL 156
  • CPL 2159
26.2 Lectio secunda.

Erat Constantia virgo + sed ita obsessa vulneribus * ut nulla membrorum pars libera remaneret. Spe autem recuperande sanitatis ' venit ad tumulum martiris * licetque pagana ' preces tamen fideliter fundebat. Repentino igitur somno arripitur * et videt Agnem beatissimam ' talia sibi monita proferentem : « Constanter age, Constantia ! » Evigilat sana * ita ut nec signum in ejus membris ' alicujus vulneris remaneret. Reversa igitur ad palatium * fecit gaudium et patri et fratribus. Coronatur civitas ' fit leta * et militantibus et privatis ' atque universis audientibus ' in fide ' infidelitatis venena superantur.

26.3 Lectio tercia.

Intera petiit patrem et fratres ' ut basilica sancte Agnetis construeretur * et sibi illic mausoleum collocare precepit. Cucurrit hec opinio ad omnes * et quotquot credentes ad ejus tumulum pervenissent ' salvabantur ' quacumque infirmitate fuissent detenti. Perseveravit autem Constantia Augusti filia ' in virginitate. Per quam multe virgines nobiles et illustres * sacra velamina susceperunt. Et quia fides damna mortis non patitur + usque hodie multe virgines Romane ' Agne[te]m beatissimam quasi in corpore manentem attendunt * et ejus exempli amore provocate ' in virginitate viriliter perseverant.

27- Purificatio BMV

td, 2 II

In purificatione beate Marie.

Ambrosius in sermone de purificatione « Si subtiliter ».

27.1-3N

Et nota quod iste sermo in quibusdam libris dicitur esse domni Auberti episcopi, in aliis, Ambros. Å .

27.1 Lectio prima.

Hodie juxta legem et evangelium ' peractis a nativitate Christi .XLa. diebus * in templo est a parentibus idem Domino presentatus. Hodie a beato Symeone susceptus * Patri cum sacris muneribus est oblatus. Hodie redemptionem Israel expectantibus * ab eodem Symeone ' et Anna ' publice est predicatus. O quam pium spectaculum ! Stat hinc virgo et mater * non cujuscumque, sed Dei. Suscipitur hinc parvulus ' Virginis filius * cujus divinitatem non capit mundus. Occurrunt hinc inde prophete * prophetatque de puero sexus uterque. Offertur oblatio pro puero * non tamen que delicta emundet ' sed que sacramenta declaret.

  • Ambrosius Autpertus, sermo in purificatione sancte Marie, CCCM 27B, = 2, l. 1-10, p. 985.
  • CPL 842, CPP 164
27.2 Lectio secunda.

Offer, beatissima virgo Maria, tanquam legem observans ' in Templo ' quem edidisti * ut non omnibus sed paucis reveletur ' quis est quem [194d] genuisti. O quam parvus * o quam magnus est ' quem peperisti ! Parvus in humanitate * magnus in divinitate. Parvus in regno Judeorum * magnus in regno gentium.

Quis, putas, nobis posset indicare inter hujusmodi obsequia animi tui sensum + cum hinc cerneres ex te natum tantillum infantem ' illinc attenderes Deum immensum ' hinc creatum ' ilinc Creatorem ' hinc infirmum ' illinc fortissimum ' hinc alendum ' illinc alentem ' hinc non loquentem ' illinc angelos docentem ?

  • ibid. = 3, l. 27-35 et 43-48, p. 987.
27.3 Lectio tercia.

Quis, inquam, tui pectoris archana nobis reserare valeat ' quibus modis cogitatum ad utraque flectebas + cum unum eundemque Dei atque Hominis filium manibus tenens ' hinc adorares ut Dominum ' illinc osculareris ut parvulum ? Quis ad tam ineffabile miraculum non obstupescat ? Quis non pene elinguis fiat ? Generat puella suum ' et omnium creatorem + nutrit suum et omnium nutritorem * portat ad Templum ' suum et omnium rectorem. O admirandum spectaculum * ad quod non solum humana ' verum etiam angelica stupescit natura ! Ad hoc, fratres carissimi ' fidei oculos erigite.

Non sit vile illud spectaculum * in quo filius Virginis Deus et homo complectitur * in quo mater et virgo ostenditur + in quo prophete, immo prophetarum omnium expectatio adimpletur * in quo multa Ecclesie sacramenta declarantur.

  • ibid. = 3, l. 48-57 et = 4, l. 1, p. 987, et = 18, l. 4-7, p. 1002.
27.4 Lectio quarta.

Sermo Augustin. Å .

Exultent virgines * Virgo peperit Christum. Nichil in ea quod voverunt putent exterminatum * mansit virgo post partum. Exultent vidue * infantem Christum vidua Anna cognovit. Exultent conjugate * nasciturum Christum Elysabeth nupta prophetavit. Nullus gradus pretermissus est * de quo non haberet testimonium salus omnium. Nunquid sole virgines ad regnum Celorum perveniunt ? Perveniunt et vidue. Sancta Anna in senectute sanctam expectabat infantiam Salvatoris ' ut parvum videret annosa + parvum cognosceret annicula * intrantem in mundum Salvatorem videret ' de mundo itura.

  • Ps. Augustinus, s dub. 370, PL 39, cap. 2, c. 1657-1658.
  • PD I 65
  • CPL  285, PLS II, c. 403, CPP 737
27.5 Lectio quinta.

In masculino etiam sexu * tria ipsa genera commendata sunt. Ipse Christus puer natus est. Exultent pueri * continentiam voventes puero. Ipse vere integritatem pueritie consecravit * qui sue matri fecunditatem attulit ' et virginitatem non abstulit.

Sciebant antiqui Christum venturum esse * et omnes que cupiebant ' dicebant : « O si hic me inveniat illa nativitas ? O si quod credo in Scripturis Dei ' videam oculis meis ? » Multum Symeon senex fuit ad audiendum serus * sed ad videndum maturus. Non expectavit ut Christum videret loquentem * quoniam vidit infantem.

  • ibid. cap. 2-3, c. 1658.
27.6 Lectio sexta.

Concessum est hoc decrepito * quasi desideranti ' et suspiranti ' et dicenti cotidie in orationibus suis : « Quando veniet ? Quando nascetur ? Quando videbo  ? Putas durabo ? Putas hic me inveniet ? Putas isti oculi videbunt ' per quem cordis oculi revelabuntur ? » Et accepit responsum quod non gustaret mortem * donec videret christum Domini. Gestabat eum Maria mater ejus1 infantem * vidit ille ' et agnovit. Intus est revelatus * qui foris est natus. Agnovit Symeon infantem tacentem * et occiderunt Judei juvenem miracula facientem.

Habetis ergo, pueri, puerum Christum * sancti senes, senem Symeonem. Si autem queritis ' ut conjugatus aliquis testimonium Domino perhibeat * Zachariam considerate.

  • ibid. cap. 3, c. 1658, et cap. 4, c. 1659.
27.7a Lectio septima. II°, d.2

In illo tempore * postquam impleti sunt dies purgationis Marie secundum legem Moysi * tulerunt Jesum in Jerusalem ut sisterent eum Domino + sicut scriptum est in lege Domini * quia omne masculinum adaperiens vulvam ' sanctum Domino vocabitur. Et reliqua.

  • Luc. 2, 22-23.
27.7b

Omelia beati Ambrosii episcopi.

Non solum ab angelis ' et a prophetis ' et pastoribus et parentibus ' sed etiam a senioribus et justis * generatio Domini accepit testimonium. Omnis etas et uterque sexus eventuumque miracula * fidem astruunt. Virgo generat ' sterilis parit + mutus loquitur ' Elisabeth prophetat * magus adorat ' utero clausus exultat + vidua confitetur * justus expectat. Et bene justus * qui non suam ' sed populi gratiam requirebat + cupiens ipse corporee vinculis fragilitatis absolvi * sed expectans videre promissum. Sciebat enim * quia beati oculi qui viderent [Luc. 10, 23].

  • Ambrosius, Expositio evangelii secundum Lucam, II, CCSL 14, = 58, l. 779-787, p. 56.
  • AF I 47a, PD I 66
  • CPL 143
27.8 Lectio octava.

« Nunc, inquit, Domine * dimitte servum tuum. » [Luc. 2, 29] Videte justum velut corporee carcere molis inclusum ' velle dissolvi * ut incipiat esse cum Christo. Dissolvi enim et esse cum Christo * multo melius est. [Phil. 1, 23] Sed qui vult dimitti ' veniat in Templum + veniat in Jerusalem * expectet christum Domini. Accipiat in manibus Verbum Dei * complectatur velut quibusdam fidei sue brachiis. Tunc dimittetur ut non videat mortem * quia viderit Vitam. Vides uberem in omnes gratiam Domini generationes diffusam * et propheciam incredulis negatam esse ' non justis. Ecce Symeon prophetavit ' in ruinam et in resurrectionem plurimorum venisse Dominum Jesum Christum ' ut justorum iniquorumque merita discernat * et pro nostrorum qualitate factorum judex verus et justus ' aut supplicia decernat ' aut premia.

  • ibid. = 59-60, l. 787-800, p. 56-57.
27.9 Lectio nona.

Et tuam, inquit, ipsius animam pertransibit gladius. [Luc. 2, 35] Nec littera nec hystoria docet * ex hac vita ' Mariam corporalis necis passione [195a] migrasse. Non enim anima sed corpus materiali gladio transverbatur * et ideo prudentiam Marie haud ignaram misterii celestis ostendit. Vivum enim est Dei Verbum et validum et acutius omni gladio acutissimo * et penetrans usque ad divisionem anime ' et spiritus. [Hebr. 4, 12] Prophetavit itaque Symeon ' prophetaverat copulata conjugio * prophetaverat virgo. Debuit etiam vidua * ne qua aut professio deesset ' aut sexus.

  • ibid. = 61-62, l. 800-812, p. 57.

28- Blasius, ep. et m.

tl, 3 II

In festo beati Blasii episcopi et martiris.

Ex gestis ejus. Å .

28.1 Lectio prima.

Beatus Blasius * mitis ' purus ' innocens ' Deum colens ' verax ' et mansuetus fuit. Quod videntes hi qui in Sebastia ' civitate Capadocie, fideles existebant * elegerunt sibi eum episcopum. Ipse vero pergens in montem Argei ' habitavit ibi in spelunca * et concurrebant ad eum omnes agrestes fere. Et si contigisset dolore teneri qualemvis ex eis * dum imponeret eis manus ' sanate recedebant. Audiens autem hec per venatores qui hec viderant Agricolaus preses * jussit eum tamquam christianum sibi presentari. Videns autem nuntios gavisus est * et dixit : « Memor est mei hodie Dominus. » In hac enim nocte tercio ap[p]aruit michi dicens : « Surge * offer michi hostias ' ut soles. » Cum ergo iret ' convertebat paganorum parvulos per bonam ammonitionem * et oratione miracula faciebat.

  • < BHL 1370
28.2 Lectio secunda.

Unde et unicum matris ' ab osse piscis in gutture fixo ' liberavit * et paupercule vidue unicum porcum quem abstulerat lupus ' ad jussionem ejus illesum restituit. Ipso igitur civitatem predictam ingresso ' jussit sibi preses eum adduci * et ait : « Gaude, Blasi * amice deorum ! » At ille : « Non dicas deos * sed demones. » Iratus preses * jussit eum fustibus cedi' et retrudi in carcerem. Vidua vero predicta occidit predictum porcum * et coctum ejus caput ' et pedes ' obtulit martiri. Ille vero gustans * benedixit1 ei. Tunc tyrannus jussit eum secundo presentari. Et videns immutabilem ejus mentem ' jussit eum in ligno suspendi ' et ferreis pectinibus carnes ejus laniari * et depositum iterum in carcerem mitti.

28.3 Lectio tercia.

Tunc septem mulieres timentes Deum ' suscipientes guttas sanguinis2 ejus ' et semetipsas unguentes * jussu tyranni decapitate sunt. Tercio autem eductum de carcere * jussit eum impius mitti in lacum. Ipse vero signavit aquam * et stetit sicut arida. Et sedens in medio * dixit : « Si habetis deos ' ostendite virtutem eorum * et introite huc. » Et ingressi .LXXV. * mox demersi sunt. Angelus autem Domini dixit ei : « Gloriose egredere * suscipe tibi preparatam ad Domino coronam. » Tunc surgens * egressus est. Et apparuit lux magna ante faciem ejus * ut mirarentur omnes. Preses autem dedit in eum sententiam * ut capite truncaretur. Orante autem eo * dixit ei Dominus : “Omnem peticionem tuam adimplebo.” Et hoc dicto * spiculator amputavit caput ejus.

29- Agatha, v. et m.

s, 5 II

In festo beate Agathe virginis et martiris.

Ex gestis ejus. Å .

29.1 Lectio prima.

Sancta Agatha passa est in civitate Chatanensium Sicilie. Quintianus siquidem consularis Sicilie ' audiens sanctam opinionem ejus + nobilissimis ortam natalibus perquirebat * ut per hoc sonaret ad aures vulgi ignobilis ' quod tantus esset qui posset spectabilium sibi subjugare personas. Ut libidinosus autem, ad aspectum virginis pulcherrime concupiscentiam commovebat + et ut avarus, ad facultates ejus cupiditatis frena laxabat * et ut ydolatra ' Christi nomen audire non poterat. Fecit igitur eam tradi Affrodosie que habebat septem filias turpissimas sicut fuerat mater ' per dies triginta quinque * ut cotidie blandirentur ei ' ut mutarent animum ejus.

  • < BHL 133
29.2 Lectio secunda.

Sancta autem Agatha dicebat eis : « Verba vestra venti sunt ' promissiones vestre, pluvie ' terrores, flumina + que quantum vis illidant * fundamenta domus mee non poterunt cadere. Fundata est enim super firmam petram. » Hec autem dicens ' flebat cotidie et orabat * et desiderabat diversa pro Christi nomine sustinere tormenta. Videns igitur hec Affrodosia, abiit ad Quintianum * et dixit : « Facilius possunt saxa molliri * quam ab intentione christiana mens istius puelle revocetur. » Tunc Quintianus jussit eam adduci * et ait : « Dic antequam ad tormenta venias * cur deorum sancta contempnis. » Agatha dixit : « Noli dicere deorum * sed demonum. »

29.3 Lectio tercia.

Quintianus dixit : « Elige aut diversas penas quasi stulta incurrere * aut quasi sapiens ' sacrifica diis omnipotentibus. » Agatha dixit : « Sit talis uxor tua ' qualis dea tua Venus * et tu talis * qualis deus tuus Jovis ! » Tunc Quintianus jussit eam alapis cedi * et dixit : « In injuriam judicis * noli garrire ! » Agatha respondit : « Miror te virum prudentem ad tantam stulticiam devolutum ' ut illos deos dicas quorum vitam non cupias tuam conjugem imitari * et dicas tibi injuriam fieri ' si eorum vivas exemplo. » Quintianus dixit : « Quid verborum superfluum cursum respondes ? Aut sacrifica diis * aut variis suppliciis te faciam interire. »

29.4 Lectio quarta.

Agatha respondit : « Si plagas et verbera promittis * habeo Spiritum Sanctum per quem universa tormenta tua despiciam. » Tunc jussit eam in carcerem recipi * dicens : « Cogita tecum * ut possis evadere. » Agatha dixit : « Tu minister Sathane, penite * ut possis evadere eternam damnationem. » Tunc jussit eam celerius trahi * quia eum confundebat. Sequenti die dixit ei : « Quid tractasti circa salutem tuam ? » Agatha respondit :1 « Salus mea Christus est. » Tunc jussit eam in eculeo torqueri. Tunc Agatha dixit : « Ego in his [195b] penis delector ' sicut qui bonum nuntium audit + aut qui videt quem diu desiderabat * aut qui invenit thesauros multos. Non enim potest triticum in horreo reponi * nisi techa ejus fuerit conculcata. »

29.5 Lectio quinta.

Tunc Quintianus jussit eam in mammilla torqueri ' et eam abscidi * et iterum in carcerem recipi. Cumque fuisset inclusa * ecce circa mediam noctem venit quidam senex quem antecedebat puer luminis portitor ' ferens diversa medicamenta. Qui se medicum commemorans * ait : « Licet te nimis afflixerit consularis * tu tamen magis eum torsisti responsionibus tuis. Tamen quia ibi eram * vidi quia potes curam ' tue mammille suscipere. » Tunc Agatha dixit : « Medicinam carnalem corpori meo nunquam exhibui * sed habeo salvatorem Dominum Jesum Christum ' qui verbo curat2 omnia. Hic si vult * potest me salvam facere. »

29.6 Lectio sexta.

Tunc subridens senior * dixit : « Et ipse me misit ad te. Nam et ego apostolus ejus sum * et in nomine ejus te scias esse salvandam. » Et cum hoc dixisset * ab oculis ejus ablatus est. Tunc proiciens3 se in oratione * dixit : « Gratias ago tibi * Domine Jesu Christe. » Et dum complesset orationem * sanata omnia membra esse cognovit. Ita autem per totam noctem lux refulsit in carcere * ut pre pavore custodes fugerent ' et carcerem apertum relinquerent. Tunc dicebant ei persone incluse * ut abiret. Illa autem : « Absit ut ego coronam meam perdam * et custodes tribulationibus tradam. »

29.7 Lectio septima.

Post quatuor dies jussit eam iterum astare * et ait : « Quis est qui te curavit ? » Agatha dixit : « Christus Filius Dei. » Quintianus dixit : « Iterum Christum audes nominare ? » Agatha respondit : « Ego Christum confiteor labiis * et corde invocare non cesso. » Tunc testas acutissimas jussit spergi et carbones mitti * et eam desuper volutari. Cumque hoc fieret * subito commotus est locus ' et pars parietis cecidit ' et obpressit consiliarium judicis ' et amicum ejus ' quorum consilio perpetrabat hoc. Sed et4 omnis civitas exagitata est ' et omnes cives cucurrerunt * tumultuantes quod sanctam Dei impiis cruciatibus fatigaret.

29.8 Lectio octava.

Tunc Quintianus jussit eam in carcerem recipi.5 Et fugiens ad posterulam secretarii * in januis populum reliquit. Sancta vero Agatha ingressa carcerem ' expandit manus * et dixit : « Domine qui me custodisti ab infantia ' qui michi inter tormenta virtutem patientie contulisti * te deprecor ' ut accipias spiritum meum. » Et cum hec dixisset * emisit spiritum. Factum est autem dum corpus ejus in sarcofago collocarent * venit quidam juvenis sericis indutus ' quem sequebantur amplius quam centum pueri armati et pulcri ' quos nemo umquam viderat + et posuit tabulam brevem ex marmore in qua scriptum est : « Mentem sanctam spontaneam ' honorem Deo ' et patrie liberationem »' intra sepulcrum ad caput6 ejus * clausoque sepulcro abscessit.

29.9 Lectio nona.

Tunc tam Judei quam Gentiles ceperunt venerari sepulcrum ejus. Quintianus autem arripiens iter ad investigandas facultates ejus * in medio flumine interiit. Unde crevit timor * et veneratio circa eam. Post anni vero circulum mons Ethna eructuabat incendium * et quasi fluvius ignis vehemens ' appropinquabat ad Cathanensium civitatem. Tunc multitudo paganorum de monte descendit * et auferentes velum unde erat coopertum sepulcrum ejus ' statuerunt illud contra ignem. Et stetit ignis die sepulture ejus ' scilicet die nonarum februarii ' qui ceperat die kalendarum ejusdem.

30- Valentinus, m.

tl, 14 II

In festo beati Valentini presbiteri et martiris.

Ex gestis ejus. T .

30.1 Lectio prima.

Claudius imperator audiens de Valentino presbitero ' quod christianus esset * eo sibi presentato dixit : « Quid est, Valentine ? Cur amicitia nostra non1 frueris + ut adores deos nostros ' et superstitionem tuam abicias ? » Valentinus respondit : « Si scires gloriam Dei * tu ydola respueres ' et Deum verum qui in Celis est adorares. » Respondit quidam * qui Claudio assistebat : « Quid vis dicere de altitudine deorum nostrorum ? »2 Valentinus respondit : « Dico de illis * quod fuerunt homines miseri ' et omni immundicia peccatorum pleni. » Tunc ille dixit : « Blasphemavit deos. » Claudius vero patienter audiens * dixit Valentino : « Si Christus Deus3 est * cur michi non dicis quod verum est ? »

  • cf. BHL 8463/8465
30.2 Lectio secunda.

Respondit Valentinus : « Audi me, imperator, et salva erit anima tua * et respublica augebitur + et inimici tui extinguentur *4 et tu in omnibus victor eris + et hoc regno temporali et eterno frueris ' tantum ut peniteat te sanguinis sanctorum quos occidisti * et credens in Christum baptizeris. » Claudius astantibus dixit : « Viri Romani audite * quam sapienter loquitur homo iste. » Tunc dixit ei Calpurnius prefectus : « Seductus es, imperator. Quomodo deseremus + quod ab infantia nostra tenuimus ? » Et mutatum est cor Claudii * et tradidit eum Calpurnio. Tunc prefectus tradidit eum Asterio * dicens : « Si verbis mollibus eum inclinare potueris * eris amicus imperatoris. »

30.3 Lectio tercia.

Accipiens eum Asterius duxit in domum suam * et oravit Valentinus dicens : « Jesu Christe qui es lumen verum ' illumina domum istam * ut omnes te cognoscant ' et credant. » Audiens hec Asterius * dixit : « Miror te * dicentem ' quod Christus est lumen. Et quidem si per eum illuminaveris filiam meam diu cecam * quicquid preceperis faciam. » Respondit Valentinus : « Adduc eam. » Et cum adducta fuisset * imponens ei manus oravit dicens : « Domine Jesu Christe qui es lumen verum * illumina puellam istam. [195c] Et cum statim vidisset ' Asterius cum uxore sua et cum tota familia numero quadraginta sex ' statim credentes ' omnia ydola confregerunt * et baptizati sunt. Imperator hec audiens ' illos quidem diversis suppliciis interemit * Valentinum vero fustibus cesum decolari precepit.

31- Cathedra S. Petri

s, 22 II

In cathedra sancti Petri.

31.1-3N

Nota quod iste sermo in quibusdam libris antiquis intitulatur Augustino, in quibusdam Maximo episcopo, in quibusdam Leoni pape. Å .

31.1 Lectio prima.

Institutio sollemnitatis hodierne a senioribus nostris cathedre nomen accepit * ideo quod primus apostolorum Petrus ' hodie episcopatus cathedram suscepisse referatur. Recte ergo Ecclesie ' sedis illius natalem colunt * quam apostolus pro Ecclesiarum salute suscepit ' dicente Domino : Tu es Petrus * et super hanc petram edificabo Ecclesiam meam. [Mat. 16, 18]

  • Ps. Augustinus, s sup. 190, PL 39, cap. 1, c. 2100.
  • CPP 975
31.2 Lectio secunda.

Petrum itaque * fundamentum Ecclesie Deus nominavit. Et ideo digne hoc fundamentum Ecclesia colit * supra quod ecclesiastici edificii altitudo consurgit. Unde convenienter psalmus qui lectus est dicit : Exaltent eum in ecclesia plebis * et in cathedra seniorum laudent eum. [Ps. 106, 32] Bene eum Dominus in Ecclesia exaltari precepit + quia dignum est ut fundamentum hoc in Ecclesia honoretur * per quem ad Celum ascenditur. Quod natalis ergo Cathedre hodie colitur * sacerdotale officium honoratur. Et sibi hoc Ecclesie prestant + quia tantum neccesse est plus habeant Ecclesie dignitatis * quantum sacerdotale officium plus honoris.

  • ibid. cap. 1, c. 2100-2101.
31.3a Lectio tercia.

Cum autem sollemnitatem hanc religiosa observatio introduxerit * miror cur apud quosdam fideles hac die tam pernitiosus error increverit + ut super tumulos defunctorum ' cibos et vina conferant * quasi egresse de corporibus anime ' carnales cibos requirant. Cessate, fratres * ab hoc infidelitatis errore.

  • ibid. cap. 2, c. 2101.
31.3b

Bene enim natalem Cathedre inter ipsa jejuniorum initia nobis Deus prestitit * ut dies que erat prius intemperantie ' nunc sit sobrietatis + que erat gule ' sit abstinentie * que erat peccati ' sit sanctitatis.

  • Ps. Augustinus, s sup. 191, PL 39, cap. 1, c. 2101.
  • CPP 976
31.4-6N

Nota quod iste lectiones leguntur in multis ecclesiis, et sunt in libris antiquis. Sunt autem sumpte de Itinerario Clementis. Å .

31.4 Lectio quarta.

Hujus sollemnitatis religio * sic introducta est. Cum Petrus pertransiret disseminans verbum Vite ' et appropinquaret Antiocham + omnis populus civitatis audientes eum venire cucurrerunt * et omnes majores ' et nobiles ' cineres sparserunt in capite + multique cilicio sunt induti ' nudis pedibus penitentiam agentes * quod contra predicationem ejus cum1 mago Symone consensissent.

  • Ps. Clemens, Recognitiones, X, Maxima Bibliotheca Veterum Patrum..., II, Lyon, 1677, p. 463B.
  • cf. BHL 6644
  • CPG 1015 (5)
31.5 Lectio quinta.

Hec autem et similia prosequentes * offerunt vexatos languoribus ' et a demoniis fatigatos. Quos videns Petrus penitudinem agere * gratias referens Deo ' dicebat : « Benedico te, Pater predicande * qui promissum Filii tui per nos adimplere dignaris. » Et jussit ante se poni * omnem multitudinem egrotantium. Cumque ad predicationem ejus omnis multitudo infirmantium una voce clamarent ' hunc esse verum Deum quem Petrus annuntiat + subito immensum lumen gratie Dei apparuit * et ceperunt paralitici currere ad pedes Petri ' sani + languentes quoque recepta sanitate gaudere * et demonibus pleni ' liberati sunt.

  • ibid. p. 463CE.
31.6 Lectio sexta.

Tunc intra septem dies plus quam decem milia homines baptizati sunt * ita ut omni aviditatis desiderio Theophilus, qui erat in civitate cunctis sublimior ' domus sue ingentem basilicam ' nomine Ecclesie consecraret. In qua Petro ab omni populo constituta est cathedra * et omnis deinceps multitudo cotidie ad audiendum verbum Dei conveniens ' credebat sane doctrine ' quam sanitatum efficacia confirmabat.

  • ibid. p. 463EF.
31.7a Lectio septima.

Ex Cronica Romanorum Pontificum.

Sedit igitur Petrus primitus Anthiochie septem annis * in episcopali sede.

  • cf. Liber Pontificalis, I, p. 118, l. 2.
31.7b

Jeronimus in Libro de illustribus viris.2

Post hec ad expugnandum Symonem magum Romam perrexit * ubi et annis viginti quinque ' sacerdotalem cathedram tenuit.

  • Hieronymus, De viris illustribus, cap. I, p. 7, l. 2-4.
  • CPL 616
31.7c

Eusebius, in Ecclesiastica Historia, libro secundo.3

Illuc autem velut celestis quidam negotiator mercimonia divini luminis advexit * et primus in urbe Roma salutaris predicationis verbo ' januam Regni celestis evangelii sui clavibus ' aperuit.

  • Eusebius, Rufino trad., Hist. eccl. II, 14, 6, vol. I, p. 139, l. 25-28.
  • CPG 3495
31.8a Lectio octava.

Maximus in sermone de apostolis « Beatissimorum apostolorum insuperabilem ».

Quanti meriti fuit apud Deum Petrus + ut ei post navicule parve remigium ' traderetur totius Ecclesie gubernaculum '

et in ejus arbitrio poneretur celeste judicium ? Perspicite igitur ' et estimate ' quanto nobis honore reverendus sit * cujus sententiam in terris prolatam ' eterni Judicis equitas non repellit.

  • Ps. Maximus, h 70, PL 57, c. 399A et 400B.
  • PD II 49
  • CPL 220, PLS III, c. 355, CPP 5803
31.8b

Augustinus in sermone de apostolis Petro et Paulo.4

Quis autem plebeium piscatorem ' apostolorum crederet fieri principem + regibus obsistere ' reges sanctificare * regnis omnibus imperare ' mundum frenare legibus + demones calcare sub pedibus ' jubere virtutibus * Celum hominibus aperire cum vellet ' claudere cum placeret + merita mundi cognoscere ' culpas hominibus relaxare ?

  • Ps. Augustinus, s Caillau II 72, = 2, PLS II, c. 1083.
  • CPP 1378
31.9 Lectio nona.

O potestas inestimabilis * hominem5 in terra positum tenere Celum ! Ecce nunc ad nutum Petri * claustra divini patescunt Regni. Accepit enim a Christo claves regni Celorum * ut solutis vinculis delictorum ' aperiret credentibus Celum. O quam vicina remedia ! Juxta se [195d] mundus habet Dei regnum * si vult currere ad Petrum. Non hic machine queruntur ad nubes * quia preparat ascensum sola fides. Non ad6 aures Domini longa est via precantibus * quia Christus ipse factus est via credentibus. Posuit autem ad vicem suam in seculo Petrum * celestis Regni clavicularium.

  • ibid.

32- Matthias, ap.

sd, 24 II

In festo beati Mathie apostoli.

Ex sermone de eodem. Å .

32.N

Et nota quod in libris antiquis sermo iste invenitur absque expressione nominis auctoris, cum tali titulo : « Incipit sermo beati Mathie apostoli ex dictis sanctorum Patrum, Christo favente delibatus », in quibusdam libris intitulatur Bede.

32.1 Lectio prima.

Beatus Mathias inter septuaginta discipulos predicationis ministerium suscipiens ' ita se divinis subdidit preceptis + ita predicando ad Ecclesie gremium ethnicum populum perducere curavit * ut acceptabilis Christo factus ' cum traditor apostolatum perderet ' iste loco illius ' sorte et oratione duodecimus apostolus ordinaretur.

Nos autem hodierna die ejus natalem tanta devotione excolere debemus * quanta inter apostolos mirabiliter ipsum electum esse ' comperimus.

In hac itaque electione * consideranda est dispensatio divine potentie atque humane glorie. Ille enim qui cognominatus est justus * ab hominibus est electus. Mathias autem qui interpretatur « Dei parvus » sive « donatus » * Spiritus Sancti electione factus est magnus. O vere parvum * o vere magnum ! Non ideo magnus quia electus * sed ideo magnus quia humilis factus.

  • Sermo de sancto Matthia, PL 129, c. 1025AB, 1025D et 1026C.
  • BHL 5695a
32.2 Lectio secunda.

Et donatus idem est a Domino Jesu Christo * qui eum precognitum habuit ante mundi creationem ' ut in duodeno numero exaltaretur.

O altitudo divitiarum sapientie Dei * que reconditum habuit in thesauris suis humilem et parvum + sed tamen noluit in seculo pandere1 parvum ' sed magnum et gloriosum * ut in throno illum duodecimo exaltaret. Accipiamus ergo eum tanquam a Deo donatum + tanquam ab ipso preordinatum * tanquam ab ipso inter discipulos valde glorificatum.

  • ibid. c. 1026D-1027B.
32.3 Lectio tercia.

Et hic dilectus Dei ' sorte eligitur + ne ejus electio a lege Veteris Testamenti discrepare videretur ' ubi summus sacerdos sorte queri videbatur * sicut de Zacharia dicitur ' secundum consuetudinem sacerdotii sorte exiit [Luc. 1, 9]. Sed hanc figuram licuit exerceri ' donec veritas per Christum compleretur ' cujus hostia ' tempore Pasche immolata est * sed die Pentecostes Spiritu Sancto igne apparente consummata. Inde est quod Mathias ante Pentecostem sorte ordinatur. Septem vero diaconi postea nequaquam sortis agitatione * sed discipulorum electione ' apostolorum vero oratione ' et manus impositione ' sunt ordinati. Qui autem hanc regulam exemplo apostolorum tenere voluerint * videant hoc apostolos non egisse nisi fratrum cetu collecto ' et precibus effusis ad Dominum.

  • ibid. c. 1027C-1028A.
32.4 Lectio quarta.

Si vero imperiti obsistere voluerint dicentes ' si Mathias duodecimus sedebit cum Christo ad judicandum ' ergo Paulus ab ista sessione sequestratus erit + noverint quia duodenarius numerus in Sacre Scripture eulogiis secundum tropum qui dicitur synodoche ' pro toto accipitur * qua ratione ' et beatus Apostolus et ceteri sancti sedebunt cum Domino ad judicandum.

Glorificemus ergo beatum Mathiam * et perpetuis preconiis2 declaremus.

Habet profecto excellentiam apostolice dignitatis ' non supra omnes ' sed cum omnibus * non excellentior cunctis ' sed omnibus coequalis.

Sciendum etiam * quia multas virtutes cum ceteris apostolis operatus sit '

et signa. Que ' quia minime scripta sunt ' non sunt incredulitati deputanda * cum de Salvatore scriptum sit : Multa quidem et alia signa fecit Jesus * que non sunt scripta in libro hoc. [Jo. 20, 30]

  • ibid. c. 1030A, 1030D, 1031B, 1031D et 1032B.
32.5 Lectio quinta.

Interea non tantam de quolibet sicut de hoc apostolo contulit Christus mentionem + cum diceret ' « nonne duodecim hore3 sunt diei » [Jo. 11, 9] * apostolos significans. Si enim hore erant * lucebant. Si lucebant + quomodo Judas diem Christum ad mortem tradebat ? Ergo non Judam dixit in hoc loco traditorem * sed Mathiam ejus successorem. Hunc ergo previdit ' hunc insinuavit * quem postea mirabiliter ordinavit. Ipse enim jam in Celo regnans ' illum apostolum constituit * qui in terris positus ' cecos elegit. Et sicut decimum ordinem in celesti gloria restituit de humana restauratione * ita duodenarium numerum de Mathie digna electione.

  • ibid. c. 1032C-1033A.
32.6 Lectio sexta.

Passio quoque illius si queritur + manifestissime constat quod ipse sibi intulerit passionem * et crucem suam ferendo ' Christum fuit secutus.

Quis enim ignorat duriora esse supplicia ' cotidie spiritualiter in acie stare ' dyabolice fraudi resistere + quam uno momento gladio vitam finire ?

Ergo, beate apostole Christi, exulta in Domino * quoniam presago nomine vocitatus ' et a Christo donatus + jam non parvus4 sed magnus * non infirmus in seculo ' sed gloriosus fulget in Celo. Et quare hoc ? Quo pacto ? Qua gratia ? Pro eo scilicet quoniam cum esses humilis in corde tuo ' nec laudes hominum cuperes ' nec favorem ' non aurum ' non gemmas ' non fluxa regna seculi * pro terreno regno celestem patriam ' pro perituris regnis adeptus es Paradisi amenitatem.

  • ibid. c. 1033A, 1033B et 1034A.
32.7 Lectio septima.

Nam te mirabiliter Christus ut Paulum placide vocavit e Celo. Illum namque lumine privans ' ad gremium Ecclesie celitus destinavit * te per cetum sanctum ' per Sancti Spiritus actum ' apostolicum fecit conscendere thronum. Ille te ni-[196a]-mirum elegit de grege discipulorum * qui Petrum et Andream, Jacobum et Johannem ' elegit de litore Judeorum. Plaude ergo jam cetibus angelicis sociatus + jam Christi nectare saciatus * inter apostolicas sedes '5 cum judicat orbem terre ' cum Christo Domino exaltatus. Sed quia hoc totum donavit tibi gratia Christi + suppliciter petimus ' ut illum pro nobis exorare digneris ' ut nos clementer exaudiat postulantes * et placide remuneret decertantes.

  • ibid. c. 1034AB.
32.8a Lectio octava.

Postquam ergo in Judea quam in sorte predicationis acceperat ' plurimos ad fidem converterit beatus Mathias * migravit ad Dominum Jesum Christum sexto kalendas martii.

  • ibid. c. 1034BC.
32.8b

In hac ergo die ' carnee habitationis ergastulo solutus * in celestis regie aulam letantibus angelis feliciter est susceptus : Hodie factus est in pace locus ejus * et in Syon habitatio ejus. [Ps. 75, 3]

  • Haec videtur interpolatio esse.
32.9 Lectio nona.

Quia ergo talentum sibi creditum per coapostolos suos ' cumulare non cessavit * hodierna die audire promeruit : « Euge, serve bone et fidelis + quia super pauca fuisti fidelis supra multa te constituam * intra in gaudium Domini tui. » [Mat. 25, 21 et 23] Digne itaque immenso laudis celebratur preconio * quando Domino suo talentum reportavit cum lucro. Ipse enim inter coapostolos audire meruit : « Beati qui vident quod videtis. » [cf. Luc. 10, 23] Hodie multo beatior * quando cum ceteris sanctis cantare feliciter potuit : « Sic audivimus ' sic vidimus in civitate Dei nostri * in monte sancto ejus. » [Ps. 47, 9 et 2]

  • Haec videtur interpolatio esse.

33- Gregorius, p. et c.

s, 12 III

In festo beati Gregorii pape.

Johannes qui se vocat ultimum levitarum ad Johannem papam. Å .

33.N

Et nota quod iste plene compilavit vitam beati Gregorii, et in .IIII. libros digessit, cum prius minus plene descripta haberetur. Unde utraque legenda hodie invenitur in multis libris.

33.1 Lectio prima.

Gregorius genere Romanus ' arte philosophus ' Gordiani ' et beate Silvie filius * tam nobilissimam quam etiam religiosissimam genealogiam duxit + ita ut Felix Sedis Apostolice pontifex ' ejus attavus ' et beata virgo Tarsilla que moritura promissionis celestis audivit armoniam * amita ejus extiterit. Hic presagio quodam ' Gregorius quod grece « vigilans » resonat * vocatus est. Nam recta que docturus erat ' dum adimplevit ' sibimet + dum recta que faciebat ' docendo disseruit * vigilasse dinoscitur futuri temporis christianis.

  • < BHL 3641
33.2 Lectio secunda.

Denique docibilis adolescens cum ad bivium pittagorice littere pervenisset * sinistrum ramum cum seculi voluptate relinquere ' et ad dextrum cepit cum celesti desiderio hanelare. Sed dum tutius se Christo famulaturum putaret ' si sub pretoris habitu mundo specie tenus deserviret + ceperunt multa contra eum succrescere * ut non jam specie sed in eo retineretur et mente. Tandem patre orbatus sex monasteria in Sicilia * septimum vero intra Urbis menia fabricavit. In quo multis sibi sociatis fratribus * regulari tramite militavit.

33.3 Lectio tercia.

Postea vero cum subesse mallet * fratrum votiva concordia innuente ' preesse non renuit. Erat autem ei abstinentia tanta ciborum  ' et sedulitas orationum * ut infirmato stomacho vix subsistere videretur. Verum quamquam cotidiano langore tabesceret + nullam tamen corpori suo cupiebat commodare qu[i]etem * quominus aut oraret ' aut legeret ' aut scriberet ' aut dictaret. In hujus monasterii penetralibus * a matre Silvia crudis leguminibus pascebatur.

33.4 Lectio quarta.

Denique cernens benedictus pontifex Gregorium ad alta conscendere * violenter eum levitam septimum ' ad suum adjutorium consecravit. Nec multo post ' ad Urbem Constantinopolim a Pelagio presule destinatur * ubi vite celestis non intermisit propositum. Secuti namque sunt eum multi ex suo monasterio fratres * germana devicti caritate. Et dum causarum secularium continuatis vertiginibus fluctuabat * ad illorum consortium ' velut ad tutissimi portus littora ' refugiebat.

33.5 Lectio quinta.

Igitur postquam Romam reversus est * Pelagio papa defuncto ' eum licet totis viribus renitentem ' clerus ' senatus ' populusque Romanus ' sibi concorditer pontificem elegerunt. Sed ipse imperatori Mauritio cujus filium ex lavacro sancto susceperat ' latenter litteras destinavit * adjurans ne assensum preberet. Sed prefectus Urbis ' nuntium anticipavit * disrupitque epistolas. Cognovit tandem suas litteras interceptas. Et quia palam portam ingredi civitatis non poterat * dissimulato ut fertur habitu ' cavernarum latibula requisivit. In quibus dum quereretur * indicio columne fulgide super se a celo dependentis ' agnoscitur. Captus ergo trahitur * et summus pontifex consecratur.

33.6 Lectio sexta.

Hic primus omnium ' se in principio epistolarum suarum ' « servum servorum Dei » scribi * diffinivit. Cotidie ' ad mensam suam peregrinos quoslibet invitabat. Omnibus pauperibus * suo tempore frumentum ' caseum ' et hujusmodi dividebat. Ditiora vero commercia primoribus honorabiliter offerebat * ita ut quedam orrea communis putaretur Ecclesia. Tribus milibus ancillis Dei * pro cotidianis stipendiis octoginta libras auri ' annualiter offerebat. Per omnium regionum vicos * infirmis stipendia per constitutos veredarios emittebat. Verecundioribus vero a mensa sua dirigere curabat scutellam.

33.7 Lectio septima.

[196b]

Ceterum Ierosolimis ' cenodochium constituit * et tam ibi quam in monte Syna ' Dei famulis cotidiam victus et vestimenti copiam ' annualiter mittere procuravit. Heremita quidam orasse fertur ad Dominum * ut sibi ostendere dignaretur quam future remunerationis sperare mansionem debuisset. Cumque dormiret * cognovit sibi revelatum ' ut cum Gregorio mansionem sperare deberet. At ille ingemiscens ' parum sibi profuisse inopiam estimabat + si cum eo mansionem reciperet * qui tantis divitiis redundaret. Alia vero nocta * audivit Dominum sibi dicentem : « Cur audes paupertatem tuam Gregorii divitiis comparare + qui magis catam illam quam habes diligere comprobaris ' quam ille tantas divitias ? »

33.8 Lectio octava.

Tandem anno imperii Fote1 secundo * a carnis corruptione subtractus est. Cum autem sicut a majoribus traditur ' calumniarum veterum incentores ' ipsum prodigum ' dilapidatoremque perstreperent * ad comburendos libros ejus ceperunt hanelare. Quorum dum quosdam jam combussissent + Petrus diaconus ejus ' obstitit * dicens ' immane sacrilegium esse tanti Patris libros exurere ' super cujus caput ipse Spiritum in specie columbe frequentissime conspexisset.

33.9 Lectio nona.

Cumque populum cerneret cum invidis resultare * in hoc omnium dicitur sententiam provocasse + ut si ' quod dixerat jurejurando confirmans ' mori continuo meruisset * ipsi a librorum exustione desisterent. Si vero superstes sui testimonii extississet * ipse cum combustoribus manus daret. Itaque cum evangeliis in ambone ascendens ' mox ut gregoriane sanctitati testimonium perhibuit * inter verba Spiritum efflavit. Gregorius quoque in comparatione tractatus alterius ' dictatum suum furfur nominans * libros suos legi quamdiu vixit prohibebat.

34- Benedictus, ab.

s, 21 III

In festo Benedicti abbatis.

Gregorius in Dyalogo.

34.1 Lectio prima.

Fuit vir vite venerabilis * gratia benedictus et nomine. Hic ab ipso pueritie sue tempore cor gerens senile * nulli animam voluptati dedit.

Liberiori autem genere ex provincia Nursie natus * Rome liberalibus studiis traditus fuerat. Sed cum in eis multos ire per abrupta vitiorum cerneret * eum quem quasi in ingressu mundi posuerat ' retraxit pedem.

Despectis itaque studiis ' relicta domo ' soli Deo placere cupiens * sancte conversationis habitum quesivit.

  • Gregorius Magnus, Dialogi, SC 260, II, prolog., l. 1-3, 6-9 et 11-14, p. 126.
  • < BHL 1102
  • CPL 1713, PLS IV, c. 1536
34.2 Lectio secunda.

Recessit igitur scienter nescius * et sapienter indoctus.

Cumque petere deserta decrevisset * nutrix que hunc artius amabat ' sola secuta est. Cumque venissent ad locum qui Effide dicitur ' et honestioribus viris se illic detinentibus ibi demorarentur *

oratione sua nutrici sanum capisterium reddidit quod fractum tulerat. Hec ergo res agnita in tanta admiratione habita est * ut hoc capisterium incole in ecclesie ingressu suspenderent.

  • ibid. prolog. l. 14-15, p. 126 ; cap. I 1, l. 1-5, p. 128 ; cap. I 2, l. 18-21, p. 130.
34.3 Lectio tercia.

Sed Benedictus plus appetens mala mundi perpeti quam laudes + nutricem occulte fugiens * deserti loci secessum petiit ' cui Sublacus vocabulum est.

Quo dum pergeret * monacus quidam Romanus nomine ' hunc reperit. Cujus cum desiderium cognovisset * et secretum tenuit ' et sancte conversationis habitum tradidit ' et in quantum licuit ministravit. Tribusque annis excepto ipso ' incognitus hominibus mansit.

  • ibid. cap. I 3, l. 27-30, p. 130 ; cap. I 4, l. 35-42, p. 132.
34.4 Lectio quarta.

Cum vero omnipotens Deus vellet Benedicti vitam in exemplo hominibus demonstrare * cuidam pre[s]bitero qui refectionem sibi in Paschali festivitate paraverat ' Dominus per visum apparare dignatus est ' dicens : « Tu tibi delicias preparas * et servus meus illo in loco face cruciatur ! » Qui protinus surrexit + et cum alimentis virum Dei quesivit * eumque in specu reperit. Cumque oratione facta consedissent * pre[s]biter dixit : « Sumamus cibum * quia hodie Pascha est. » Cui vir Dei : « Scio quod Pascha est * quia videre te merui. » Quia enim Paschalis esset sollemnitas * ignorabat. Pre[s]biter autem : « Veraciter hodie Resurrectionis dominice dies est ! » Benedicentes ergo Deum * sumpserunt cibum. Et post pre[s]biter recessit.

  • ibid. cap. I 6-7, l. 57-82, p. 134.
34.5 Lectio quinta.

Eodem tempore * hunc in specu latitantem pastores invenerunt.

Et ex illo tempore a multis frequentari cepit.

Quadam vero die * Temptator affuit. Nam nigra avis que merula vocatur + ejus vultui importune insistere cepit. Sed signo crucis recessit. Tanta autem carnis temptatio secuta est * quanta numquam fuerat expertus.

Sed ipse nudum se in spinarum aculeis et urticarum incendiis ' projecit. Ibique toto corpore vulneratus * per cutis1 vulnera eduxit vulnus mentis *

ita ut ex illo tempore tale aliquid minime sentiret.

  • ibid. cap. I 8, l. 83-84 et 89, p. 136 ; cap. II 1, l. 1-7, p. 136 ; cap. II 2-3, l. 15-18 et 22-24, p. 138.
34.6 Lectio sexta.

Ceperunt postmodum multi mundum relinquere * atque ad ejus magisterium festinare.

Cum igitur celebre nomen ejus haberetur + monasterii cujusdam congregatio ad eum venit * ut eis preesse deberet petiit. Qui diu distulit * suis et illorum moribus convenire non posse predicens. Sed victus assensum dedit.

Cum autem conspicerent sibi sub eo illicita non licere *

tractare de ejus morte aliquid conati sunt.

Quod intelligens vir Dei * fratres allocutus est ' dicens : « Misereatur vestri omnipotens Deus. Quare ista facere voluistis ? Numquid non dixi quia vestris et meis moribus non conveniret ? Ite et vobis patrem querite * quia me post hec minime habere potestis. »

  • ibid. cap. II 3, l. 24-26, p. 138 ; cap. III 1-2, l. 4-11, p. 140 ; cap. III 3, l. 18-19 et 22, p. 142 ; et cap. III 4, l. 29-37, p. 142.
34.7 Lectio septima.

[196c]

Cum ergo sanctus vir in solitudine virtutibus signisque succresceret + multi ab eo sunt congregati * ita ut duodecim monasteria construeret.

Ceperunt et tunc ad eum nobiles concurrere * suosque ei filios omnipotenti Deo nutriendos dare.

Post hec migrans ad castrum quod Cassinum dicitur *

in ipso templo Appolinis ' oraculum beati Martini fecit. Et commorantem multitudinem ad fidem vocabat.

  • ibid. cap. III 13, l. 114-118, p. 148-150 ; cap. III 14, l. 122-124, p. 150 ; cap. VIII 10, l. 94, p. 166 ; et cap. VIII 11, l. 104-108, p. 168.
34.8 Lectio octava.

Sed hec antiquus Hostis non ferens ' aperta visione se patris oculis ingerebat * et vim se perpeti conquerebatur.

Cumque interdum clamaret ' « Benedicte, Benedicte » ' et eum sibi non respondere conspiceret * adjungebat : « Maledic(i)te, non Benedic(i)te2 + cur me persequeris ? »

Vir quoque Dei * doctrine verbo non mediocriter fulsit. Nam scripsit monachorum regulam * discretione precipuam ' sermone luculentam.

  • ibid. cap. VIII 12, l. 109-112, p. 168 et l. 120-123, p. 170 ; et cap. XXXVI 1, l. 4-7, p. 242.
34.9 Lectio nona.

Tempore quoque quo de hac vita erat exiturus * quibusdam discipulis obitus denunciavit diem.

Ante sextum vero diem sui exitus * aperiri sibi sepulturam jubet. Qui mox correptus febribus ' cum per singulos dies languor ingravesceret * sexto die portari se in oratorio a discipulis fecit + ibique exitum suum dominici corporis et sanguinis perceptione munivit * atque inter discipulorum manus ' erectis in celum manibus ' ultimum spiritum inter verba orationis efflavit. Ipsa autem die * duobus monachis revelatio indissimilis apparuit. Viderunt namque ' quia strata palliis ' atque innumeris chorusca lampadibus via * ab ejus cella in celum tendebatur. Cui vir desuper clarus assistens * ait illis : « Hec est via * qua dilectus Benedictus Celum ascendit. »

  • ibid. cap. XXXVII 1, l. 1-4, p. 242, et 2-3, l. 7-23, p. 244.

35- Annunciatio Dominica

td, 25 III

In Annunciatione beate Mariea.

Sermo Augustini.

35.1 Lectio prima.

Vidi portam in domo Domini clausam. Et dixit angelus ad me : « Porta hec quam vides clausa erit et non aperietur * et vir non transibit per eam + quoniam Dominus solus intrat et egreditur per eam * et erit clausa in eternum. » [Ez. 44, 2] Sed melior prophetie adimplecio. « Quid est porta in domo Domini clausa » + nisi quod Maria semper erit intacta ? Et quid est « homo non transibit per eam » + nisi quod Joseph non cognoscet eam ? Et quid est ' « Dominus solus intrat et egreditur per eam » + nisi quod Spiritus Sanctus impregnabit1 eam et angelorum Dominus nasceretur per eam ? Et quid est « clausa erit in eternum » + nisi quod Maria virgo est ante partum ' et virgo in partu ' et virgo [post] partum ?

  • Ps. Augustinus, s sup. 195, PL 39, cap. 1, c. 2107.
  • AF I 5
  • CPL 368, PLS II, c. 854, CPP 980
35.2 Lectio secunda.

Dicat ergo Maria : « Porta facta sum Celi * janua facta sum filio Dei. Illa facta sum janua clausa per quam egressus est parvus ad suos2 crucifixores * qui ad discipulos suos clauso cenaculi ostio ' ut Deus ingressus est homo. Ipse enim ad discipulos per ostia ingressus est clausa * qui natus e ventre meo me matrem dimisit intactam. Adimplevit ventrem meum divinitate * et uterum meum non evacuavit castitate. Exivit ex ventre meo gyganteo cursu magnificus * et venter meus non est pudore vacuatus. Nec in conceptione inventa sum sine pudore * nec in parturitione inventa sum cum dolore. »

  • ibid. cap. 1, c. 2107-2108.
35.3 Lectio tercia.

O Maria laudabilis inter feminas * cujus ab angelo salutatur virginitas ! Sola impregnata nec viciata + exonerata nec vacuata * quia sic es ab angelo salutata : Ave, inquit, gratia plena * Dominus tecum. [Luc. 1, 28] Felix umbilicus castitatis * quem amplexus non tetigit maritalis ! Considero conceptum tuum, beata virgo, et expavesco + intueor partum tuum ' et contremisco * adoro filium tuum et revivisco. Enarra, obsecro, michi * quomodo meruisti dici mater Dei sponsaque filii Dei. Quod, quero, indica michi + sed colloquenti tecum ignosce michi * quod audeam tibi loqui servus ' atque utinam vel bonus ' et non inutilis et malus. Ignosce michi quod audeam cum sponsa Domini mei confabulari * et tamen indica michi quomodo potuerit per te Dei filius3 generari.

  • ibid. cap. 1-2, c. 2108.
35.4 Lectio quarta.

Audite, fratres, Mariam nobiscum colloquentem ' carne absentem ' spiritu presentem + verecundia virginali vultum avertentem a collocutore * et indicantem quomodo inpregnata sit a Creatore. « Eram, inquit Maria, in domo mea puella Judea * ex semine David regis generata. Adulta facta sum ' et desponsata conjugi + et placui alteri ' non interveniente adulterio * sed intercedente Spiritu Sancto. Desponsata sum homini Judeo * et placui homini Deo. Desponsavit me vir Judeus * adamavit me Christus Deus.

  • ibid. cap. 2, c. 2108.
35.5 Lectio quinta.

Ignoravit quidem Joseph sponsus meus ' quod me adamasset Deus meus * et putavit quod adulterio inpregnatus esset venter meus. Namque ignorante Joseph sponso meo ' venit ad me quidam magnus Christi paranimphus ' non patriarcha primus ' aut propheta egregius * sed Gabriel archangelus ' facie rutilans ' veste choruscans ' incessu mirabilis ' aspectu terribilis. Visitavit me et perturbavit + salutavit * dixitque4 michi : Ave Maria, gracia plena * Dominus tecum. Dominus tecum, inquit * sed plusquam mecum. Dominus tecum * sed non sicut mecum. In me enim licet sit Dominus ' memet ipsum creavit Dominus * per te autem nasciturus est Dominus.

  • ibid.
35.6 Lectio sexta.

Ita Dominus est tecum * ut sit in corde tuo ' et sit in utero tuo. Adimple-[196d]-at mentem tuam * adimpleat ventrem tuum. Procedat formosus de utero tuo * tanquam sponsus de thalamo suo. [Ps. 18, 6] Egrediatur rex ex intimo ventre tuo ' tanquam sponsus de cubili suo + procedat princeps ex aula regali * ita ut virginitatem tuam non faciat violari. Dixitque illi : « Quomodo fiet istud [Luc. 1, 34] ut utero gravescam pudico + et immunis sim a marito ' quem penitus non cognosco ? Desponsata namque sum homini justo. Sed si illum non cognovero + unde erit quod generabo ? Sed si fieri potest ut concipiam intacta ' et generem clausa + indica modum * et paratum invenies animum meum. » Refert Angelus modum conceptionis * quod in verbo fieret Salvatoris. « O, inquit, Maria * Spiritus Sanctus superveniet in te ' et virtus Altissimi obumbrabit tibi. » [Luc. 1, 35]

  • ibid.
35.7a Lectio septima.

Secundum Lucam, I°.5

In illo tempore * missus est angelus Gabriel a Deo in civitatem Galilee, cui nomen Nazareth, ad virginem desponsatam viro cui nomen erat Joseph, de domo David * et nomen virginis erat Maria. Et reliqua.

  • Luc. 1, 26-27.
35.7b

Omelia venerabilis Bede presbiteri.

Exordium redemptionis nostre, fratres carissimi ' hodierna nobis sancti evangelii lectio commendat * que angelum de celis a Deo missum narrat ad Virginem ' ut novam in carne nativitatem filii Dei predicaret ' per quam nos abjecta vetustate noxia renovari ' atque inter filios Dei computari possimus. Ut ergo ad promisse salutis mereamur dona pertingere * primordium ejus intenta curemus aure percipere.

  • Beda Venerabilis, H I 3, CCSL 122, l. 1-7, p. 14.
  • PD I 11
  • CPL 1367
35.8 Lectio octava.

Missus est, inquit, angelus Gabriel a Deo in civitatem Galilee cui nomen Nazareth * ad virginem desponsatam viro ' cui nomen erat Joseph. [Luc. 1, 26-27] Aptum profecto humane restaurationis principium + ut angelus a Deo mitteretur ad virginem partu consecrandam divino * quia prima perditionis humane fuit causa ' cum serpens a Diabolo mittebatur ad mulierem spiritu superbie decipiendam + immo ipse in serpente Diabolus veniebat * qui genus humanum deceptis parentibus primis ' immortalitatis gloria nudaret. Quia ergo mors intravit per feminam * apte rediit et vita per feminam. Illa a Dyabolo seducta per serpentem ' viro gustum necis obtulit * hec a Deo edocta per angelum ' mundo salutis actorem6 edidit.

  • ibid. l. 8-19, p. 14.
35.9 Lectio nona.

Missus est ergo angelus Gabriel a Deo. Raro autem legimus * quia apparentes hominibus angeli designentur ex nomine. Verum quotienscumque fit * ideo utique fit ' ut etiam nomine ipso quid ministraturi veniant insinuent. Gabriel namque * « fortitudo Dei » dicitur. Et merito tali nomine prefulget + qui nascituro in carne Deo testimonium perhibet * de quo propheta in psalmo : Dominus, inquit, fortis et potens * Dominus potens in prelio. [Ps. 23, 8] Illo nimirum prelio * in quo potestates aereas debellare ' et ab earum tyrannide mundum veniebat eripere. Ad virginem desponsatam viro cui nomen erat Joseph de domo David * et nomen virginis Maria. [Luc. 1, 27] Quod dicitur de domo David * non tantum ad Joseph sed etiam pertinet ad Mariam. Legis namque erat preceptum * ut de sua quisque tribu ac familia duceret uxorem.

  • ibid. l. 19-33, p. 14-15.

36- Ambrosius, ep. et c., ETP

s, 4 IV

In festo beati Ambrosii si celebretur infra Pascha.

Paulus Nolanus episcopus ad Augustinum. Å .

36.1 Lectio prima.

Cum Ambrosius infans dormiret * aperto ore examen apum adveniens ' ejus ora complevit. Quo facto territus pater ejus Ambrosius ' qui fuit Galliarum prefectus * ait : « Si vixerit infantulus iste * aliquid magni erit. » Postea vero cum adolevisset et esset in Urbe cum matre et sorore virgine ' et alia virgine comite sororis ' et videret sacerdotum ab eis manus osculari * ludens offerebat dexteram ' dicens et sibi id fieri oportere. Postquam autem edoctus est liberalibus disciplinis + consularitatis suscepit insignia * ut regeret Liguriam Emiliamque. Venitque Mediolanum.

  • < BHL 377
  • CPL 169
36.2 Lectio secunda.

Cumque per idem tempus populus ad seditionem surgeret in petendo episcopum * cura sedande seditionis perrexit ad ecclesiam. Cumque alloqueretur plebem * subito vox fertur infantis in populo sonuisse ' « Ambrosium episcopum ! » Ad cujus vocis sonitum totius populi ora conversa sunt * acclamantis1 Ambrosium episcopum. Et ordinari hunc incredibili concordia consenserunt. Quo cognito * egressus ecclesiam ' tormenta personis jussit adhiberi. Sed populus acclamabat : « Peccatum tuum super nos ! » Tunc ille revertens domum * philosophiam profiteri voluit. Quod ubi ne faceret revocatus est * publicas mulieres ad se publice ingredi fecit ' ad hoc ut visis his ' populi intentio revocaretur.

36.3 Lectio tercia.

Cum autem videret nichil posse proficere * fugam paravit. Egressus vero noctis medio ' cum Ticinum se pergere putaret * mane ad portam que Romana dicitur ' invenitur. Qui inventus cum custodiretur * missa relatio est ad Valentinianum tunc imperatorem. Qui summo gaudio accepit * quod judices a se directi ' ad sacerdotium peterentur. Pendente vero relatione * iterum fugam paravit ' et latuit. Sed proditus et adductus ' cum intelligeret Dei voluntatem * postulavit se a catholico episcopo baptizari. Baptizatus itaque ' fertur omnia ecclesiastica officia implesse * et octavo die episcopus ordinatus est.

36.4 Lectio quarta.

Post annos quatuor ad Urbem ' scilicet proprium solum perrexit + ibique [197a] puellam cui manum offerre solitus erat cum germana invenit * ad quam cum dexteram illius oscularetur ' subridens ait : « Ecce ut dicebam tibi ! » Mediolanum autem reversus * ibi Justine regine matris Valentiniani que favebat Arrianis ' innumeras insidias sustinuit. Hoc in tempore * primum ymni et vigilie in ecclesia Mediolanensi celebrari ceperunt. Ipse etiam Ambrosius imperatori Theodosio propter mortem innocentium ' copiam ingrediendi ecclesiam denegavit * nec prius dignum judicavit cetu Ecclesie ' donec publicam ageret penitentiam.

36.5 Lectio quinta.

Cum autem imperator assereret David adulterium ' et homicidium perpetrasse * responsum ilico est : « Qui secutus es errantem * sequere corrigentem ! » Quod ubi audivit * ita suscepit ' ut publicam penitentiam non abhorreret. Erat autem Ambrosius multe abstinentie multarum vigiliarum + cui prandendi numquam consuetudo fuerit nisi die sabbato et dominico * vel cum celeberrimorum martirum essent natalitia. Nec operam declinabat scribendi * nisi cum aliqua infirmitate teneretur. In rebus etiam divinis fortissimus fuit + in tantum ut quod solus implere solitus erat circa baptizandos * quinque postea episcopi vix implerent.

36.6 Lectio sexta.

Tempore quo ordinatus est ' aurum omne et argentum quod habere poterat ' Ecclesie vel pauperibus * predia vero, reservato fructu germane sue ' dedit Ecclesie. Quotienscumque illi aliquis lapsus suos confessus esset * ita flebat ' ut etiam illum flere copelleret.2 Flebat etiam amarissime ' quotienscumque nunciatum illi fuerat de obitu cujuscumque sancti sacerdotis + non quia recesserat ' sed quia se precesserat * vel quia difficile esset inveniri virum ' qui summo sacerdotio dignus haberetur.

36.7 Lectio septima.

Ipse etiam de sua morte predixit * quod usque Pascha nobiscum futurus esset. Quod quidem meruit * obsecrando quod maturius liberaretur. Ingemiscebat enim cum videret avaritiam increscere * et maxime in his qui in potestatibus erant constituti. Ante paulos vero dies quam lectulo detineretur ' cum quadragesimum tercium psalmum dictaret + me vidente in modum scuti brevis ' ignis caput ejus cooperuit * atque paulatim per os ingressus est. Post quod facta est facies ejus tamquam nix. Postea reversus est ad speciem suam * et ipso die scribendi finem fecit.

36.8 Lectio octava.

Cum autem suaderent illi egrotanti ' ut vivendi peteret a Domino commeatu * respondit : « Non ita vixi inter vos * ut pudeat me vivere. Nec timeo mori * quia bonum Dominum habemus. » In loco autem in quo jacebat ' vidit Dominum Jesum advenisse ad se * et arridentem sibi. Tempore autem quo migravit * ab hora undecima usque ad illam qua emisit spiritum ' expansis manibus in modum crucis oravit. Honoratus autem sacerdos ecclesie Vercellensis ' cum in superiore domo se ad quiescendum composuisset * tercio audivit vocem dicentis sibi : « Surge ' festina * quia modo est recessurus . » Qui descendens * obtulit ei sanctum Domini Corpus. Quo accepto ubi deglutivit emisit spiritum * et ad ecclesiam majorem corpus portatum est. Ibique fuit nocte qua vigilavimus in Pascha.

36.9 Lectio nona.

Plurimi autem infantes baptizati cum a fonte venirent ' viderunt eum * ita ut aliqui sedentem in cathedra ' alii vero ascendentem digito ostenderent. Plurimi autem stellam super corpus ejus se videre narrabant. Cum autem corpus levaretur portandum ad basilicam Ambrosianam ubi positus est * ita ibi demonum turba clamabat se ab illo torqueri ' ut ejulatus eorum ferri non posset.

37- Ambrosius, TP

s, 4 IV

In festo beati Ambrosii si fuerit in tempore paschali.

Paulinus episcopus ad Augustinum, ubi supra. T .

37.1 Lectio prima.

Quodam tempore cum ad quamdam ecclesiam declinasset Ambrosius ad ordinandum ibi catholicum episcopum ' et Justina regina per Arrianos hoc vellet fieri + quedam de virginibus Arrianorum in ipsum tribunali ecclesie existentem manus injecit * volens eum de ecclesia expellere. Cui respondit : « Etsi ego indignus sum sacerdotio * tamen non decet te in sacerdotem manus inicere. » Ipsa vero in crastino subito expiravit. Alio tempore quidam carrum paravit juxta ecclesiam * ut ipse sicut procurabat Justina ' raptus in exilium facilius traheretur. Sed judicio Dei * in eodem carro ipse eodem die anno sequenti ductus est in exilium. Quidam hereticus ipso predicante in ecclesia ' vidit angelum ad aures ejus * propter quod ad fidem conversus est.

  • cf. BHL 377
37.2 Lectio secunda.

Quidam aruspex temporibus Justine ' ecclesie cacumen ascendens ' sacrificavit * ad excitanda populi odia contra eum. Tandem autem cum propter maleficia sua a judice torqueretur * clamabat se magis torqueri ab angelo Ambrosii. Dicebat etiam quod demones quandoque missi ab eo ad Ambrosium ' narrassent se appropinquare ad fores ejus non potuisse * cum ignis insuperabilis domum ejus communiret ' qui eos etiam a longe ureret. Alio tempore cujsdam brachium quod ad eum occidendum extenderat * obriguit. Sed cum confessus esset quod Justina eum miserat * convaluit. Quemdam demoniacum ingredientem Mediolanum Demon dimisit * egredientem vero arripuit. Requisitus vero ab exorcistis quare hoc fecisset * respondit ' quod timens Ambrosii presentiam ad tempus recessisset.

37.3 Lectio tercia.

[197b]

Cum quidam casu lapsus prostratus jaceret et alius rideret * dixit ei Ambrosius : « Tu qui stas * videas ne cadas. » Quo audito * statim qui riserat cecidit. Cum ipso egrotante quidam tractarent ' quis esset episcopus ordinandus post eum * voce ita suppressa ut vix se invicem audirent ' quasi interesset tractatui ' licet longe ponitus exclamavit tertio : « Senex ' sed bonus ! » Cum post mortem ejus quidam presbiter in convivio positus coram multis ipsi detraheret * subito vulnere gravi percussu de eodem loco manibus alienis sublatus ' positus est in lectulo atque adductus.

38- Tiburtius, Valerianus et Maximus, mm.

tl, 14 IV

In festo beatorum martirum Tyburtii, Valeriani et Maximi.

Ex gestis beate Cecilie. T .

38.1 Lectio prima.

Valerianus sponsus beate Cecilie ' et Tyburtius frater ejusdem Valeriani ' ad predicationem beate Cecilie ' conversi ad Christum ' et ab Urbano papa baptizati + ad hoc cotidie vacabant ' ut preciosas facerent martyrum sepulturas * elemosinis et pietatibus insistentes. Accusati igitur apud Almachium prefectum ' quod facultates suas ' in nescio quas viles personas expenderent + et quod punitos a se pro sceleribus ' cum gloria sepelirent * tenti ab apparitoribus ' presentantur eidem. Ipsis igitur publice se christianos esse confitentibus * facta est longa concertatio de fide Christi et ydolatria ' inter ipsos et Almachium. Cumque in omnibus ab ipsis confunderetur * tandem jussit ut ducti ad statunculum Jovis ' aut sacrificarent ' aut sententia exciperent capitalem.

  • cf. BHL 1495
38.2 Lectio secunda.

Tunc gloriosi martyres tenti a Maximo corniculario prefecti * ducebantur ad locum ydoli. Cepit autem flere Maximus super eos * videns quod ad interitum ' quasi ad epulas festinarent. Tunc Tyburtius dixit ei : « Nos nisi pro certo didicissemus alteram esse vitam perpetuam * numquam nos istam amittere gauderemus. » Dicit ei Maximus : « Et que potest esse altera vita ? » Dicit ei Tyburtius : « Anima hominis ' induitur corpore sicut vesimento. Et cum moritur + expoliata vestimento isto ' transit ad delicias paradysi si sancta est * et deliciis affluens tempus resurrectionis exspectat. » Dicit ei Maximus : « Contempnerem et ego vitam istam * si certum esset michi quod loqueris. » Dicit ei Valerianus : « Si promittis nobis quod ab erroribus tuis peniteas * faciet te Dominus certum de his in hora qua pro sui nominis confessione ' tunicas istas corporeas deponemus. »

38.3 Lectio tercia.

Tunc Maximus juramento promisit se decetero crediturum in illum qui alteram vitam isti facit succedere * si quod promittebant impleretur. Tunc dixerunt martyres : « Impetra nobis ut dentur nobis indutie una die ' et ad domum tuam ' ducamur * et faciemus ad te venire purificatorem ' qui faciet te videre hoc quod promisimus. » Quod cum factum fuisset + venit Cecilia nocte cum sacerdotibus * et baptizatus est Maximus cum tota domo sua. In crastino igitur cum Tyburtius et Valerianus suscepissent martirium * Maximus jurando asserebat dicens : « Vidi angelos Dei fulgentes sicut sol ' in hora qua percussi sunt gladio + et1 egredientes animas eorum de corporibus quasi virgines de thalamo ' in gremio suscipientes * remigio alarum suarum ferebant ad celos. » Cui cum ydolatre cum lacrimis cerdidissent ' et ad Christum conversi fuissent ' et hoc pervenisset ad Almachium + tam diu fecit Maximum plumbatis tundi * quousque ad vitam eternam ' cujus amore crediderat pervenisset. Sancta autem Cecilia fecit eum sepeliri juxta Tyburtium et Valerianum * et in sacophargo ejus sculpi fenicem ad indicium fidei ejus ' qui exemplo fenicis ' se inventurum resurrectionem credidit.

39- Georgius, m.

s, 23 IV

In festo beati Georgii martiris.

Ex gestis ejus. T .

39.N

Nota quod kalendarium Bede dicit quod Georgius passus est in Persida in civitate Diospoli. Et quidam liber de locis transmarinis dicit quod quiescit in civitate Dyospoli que prius Lidda vocabatur, et est juxta Joppen super mare. Vita ejus que legitur in Francia dicit quod passus est sub Daciano Hyspaniarum preside, sub Diocleciano et Maximiano imperatoribus. Sed alia ejus vita in antiquis libris Lothoringie dicit quod passus est sub Daciano imperatore Persarum, presentibus .LXX. regibus de imperio ejus. Unde et in Niceno concilio inter apocrifas scripturas numeratur ejus legenda, quia martirium ejus certam relationem non habet ; verumtamen quod hic decerptum est de ejus passione contrarietatem non habet.

39.1 Lectio prima.

Beatus Georgius vir illustris de Capadocia ' terreni imperii clamide exutus ' indutusque habitu quo se christianum diutius non celaret * in medium sacrificantium sese injecit in conspectu presidis. Propter quod cruciatus est ungulis ' lampadibus ardentibus1 ad latera applicatis2 ' verberibus ac plagis sale confricatis et in rota convolutus. Cum autem nullatenus vinci posset ' sed potius magum qui ad eum3 subvertendum venerat convertisset ' et ad ejus preces ignis de celo descendens templum cum ydolis et multis paganis combussisset * tandem muniens se signo crucis ' a spiculatore percussus ' martyrium complevit.

  • cf. BHL 3363/3392 ?
39.2 Lectio secunda.

Gregorius Turonensis.4

Multa de Georgio martyre miracula gesta cognovimus * de quibus pauca locuturus sum. Hujus enim reliquie ' cum reliquorum sanctorum a quibusdam ferebantur. Sed cum portitores ad locum quemdam Lemovicini termini advenissent * ubi jam pauci clerici [197c] consertum ligneis tabulis habentes oratorium ' Dominum assidue precabantur * mansionem postulant. Susceptique benigne * noctem cum fratribus psallendo deducunt. Mane autem facto * apprehensam capsulam levare penitus non valebant.

  • Gregorius Turonensis, In Gloria martyrum, cap. 100, p. 554, l. 35 et p. 555, l. 1-5.
  • BHL 3397
  • CPL 1024
39.3 Lectio tercia.

Denique cum iter agere sine pignore sancto nequirent ' et eis maximus dolor animi insedisset * intelligunt inspirante Deo aliquid sibi ex his in loco oportere relinquere. Tunc inquisitis ligaturis divisisque particulis ' seniori qui cellule preerat largiuntur * reliquentes partem patrocinii ' sumentes facultatem quo voluerant abeundi. Habentur etiam ejus reliquie in vico quodam Cenomanensi * ubi multa plerumque miracula ostenduntur. Nam ceci ' claudi ' frigoretici ' vel reliqui infirmi * sepius ibi sanitatum gratia munerantur.

  • ibid. p. 555, l. 6-12.

40- Marcus, evg.

sd, 25 IV

In festo beati Marci evangeliste.

Ex duobus sermonibus Petri Damiani, isto videlicet et alio « Ecce video ». Å .

40.1 Lectio prima.

Hodie, dilectissimi, velut preciosus auro radianti berillus imprimitur * dum illu(s)cescente1 beati Marci sollemnitate paschale nobis gaudium geminatur. Et apte dum sancta Ecclesia in festis paschalibus perseverat beatus vir feliciter transiit + quia per martirii palmam seculum hoc triste deseruit * et triumphalis glorie titulos ' angelorum choris laureatus invexit.

Fuit autem sicut autentica tradit antiquitas ' levita secundum carnis originem + sacerdos secundum ordinis dignitatem * conversus ad fidem ' Petri in baptismate filius ' atque in divino sermone discipulus. Evangelium in Ytalia magistro nesciente descripsit * descriptum ' ejus judicio obtulit. Qui pium comperiens furtum ' gaudensque suum interpretem tenuisse sincerissimam veritatem + auctoritatis robur tribuit * legendumque universali Ecclesie delegavit.

  • Petrus Damiani, s 14, CCCM 57, l. 1-10, p. 63 et l. 130-138, p. 66.
40.2a Lectio secunda.

Postmodum ad Egiptum transiens ' per Libiam Marmorice ' et Samarie ' fidei semen spersit. Pentapoleos quoque gentilibus * Evangelium predicavit.

Episcopus autem factus ' Alexandrinam fundavit Ecclesiam * eamque magistri sui nomini fideliter dedicavit.

Ideoque sedes illa post Romam secundum obtinet thronum.

  • ibid. l. 138-141, 145-147 et 150-152, p. 66-67.
40.2b

Tantam autem Deus ei predicationis gratiam prerogavit * ut omnes qui tunc ad fidei rudimenta confluerent ' mox per continenciam ac totius sancte conversationis instantiam tanquam ad monastice perfectionis fastigium pervolarent.

Ad quod non modo miraculorum prodigiis non modo predicationis eloquiis * sed eximiis provocabat exemplis.

  • Id., s 15, l. 38-42 et 61-64, p. 76.
40.3a Lectio tercia.

Octavo quoque Neroniani imperii anno * triumphalem martirii palmam obtinuit. Et beatus Petrus septennio supervixit. Factum est autem ut ad Ytaliam deinde sit reversus * ut terra in qua sibi datum est Evangelium ' scribere ' sacras mereretur ejus reliquias possidere.

  • ibid. l. 78-86, p. 77.
40.3b

Beata es, o Alexandria * triumphali hujus sanguine purpurata ! Felix et tu, Italia * corporis hujus thesauro dives effecta ! Sic Oriens per egiptum * Occidens per romanum decoratur imperium. Sit illi gloria * qui sanctos suos mirabiles facit in secula seculorum, amen.

  • Id., s 14, l. 379-384, p. 72-73.

41- Vitalis, m.

tl, 28 IV

In festo beati Vitalis martiris.

41.N

Nota quod Ambrosius in epistola quam mittit per Ytaliam de inventione corporum Gervasii et Prothasii dicit se ad caput eorum reperisse libellum, in quo scripta erant hec que hic de beato Vitale patre eorum narrantur. Å .

41.1 Lectio prima.

Vitalis miles cum Paulino judice suo Ravennam ingressus * vidit christianum ' Ursicinum nomine ' arte medicum ' post tormenta capitalem accepisse sententiam. Cum autem decollandus venisset ad Palmam ' locum scilicet sic nominatum * expavit. Tunc exclamavit Vitalis ' dicens : « Noli, noli, Ursicine medice ' qui alios curare consuevisti * te ipsum eterne mortis jaculo vulnerare. Et qui per passiones venisti ad Palmam * noli perdere coronam ! » Audiens hec Ursicinus genua posuit * et agens penitentiam quod expavisset ' martir effectus est. Statimque Vitalis corpus rapiens sepelivit * et ad judicem ultra venire contempsit.

  • < BHL 3514
41.2 Lectio secunda.

Paulinus autem eum teneri mandavit ' et levari in eculeo * ut posset ejus animum ad sacrificandum evertere. Cui Vitalis : « Infinita tibi dominatur stulticia * ut putes me decipere ' qui alios a periculo deceptionis liberare studui. » Tunc Paulinus : « Ducite eum ad Palmam. Et si sacrificare contempserit ' facite foveam in terra quousque veniatis ad aquam * et ibi eum supinum deponite ' terra et lapidibus obruentes. » Quod cum fuisset impletum * Dominus ita martyrem consecravit ' ut sacerdos Apollinis qui hoc consilium dederat ' a Dyabolo arreptus ' ibi clamaret : « Incendis me, martir Christi ! » Post vero precipitatus a Dyabolo in flumine * expiravit.

41.3 Lectio tercia.

Sanctus autem martir juxta civitatem Ravennensium positus * prestat beneficia credentibus. Valeria autem conjux ejus dum vellet corpus sancti Vitalis afferre * a christianis prohibita ' et in visionibus sepe admonita est ' ne sanctum corpus a malo homine bene positum violaret. Cum autem reverteretur ad urbem Mediolanensium * ydolatras sacrificantes Silvano incurrit. Qui cum eam hortarentur secum epulari ' et illa diceret « christiana sum ' non licet michi de Silvani vestri sacrificiis manducare » * tanta eam cede mactaverunt ut vix seminecem eam sui ad urbem perdu-[197d]-cerent. Ubi infra tridium migravit ad Christum.

42- Petrus martyr

td, 29 IV

In festo beati Petri martyris de ordine fratrum predicatorum.

Ex litteris canonizationis Innocencii pape. Å .

42.1 Lectio prima.

Beatus Petrus, Lombardus origine, de ordine fratrum predicatorum '

in ipso ordine triginta fere annorum spacio fultus caterva virtutum ' sic profecit ' circa ipsius maxime defensionem fidei pro qua totus ardebat * quod contra illius diros hostes ' ferventi spiritu continuum certamen exercens ' suum tandem agonem diutinum  ' victrici superante martyrio ' feliciter consummavit. Et sic ipse Petrus firmus in petra fidei ' petra demum passionis allisus * ad petram Christum digne laureandus ascendit. Porro ne sacra suorum actuum nos exempla pretereant * aliqua de vita ejus ad profectum audientium reseramus. Ipse namque veritatis filius ' et bonitatis alumnus ' conversatione conspicuus ' spectabilis fama et opinione mirabilis + miro prefulsisse nitore mundicie  ' virginitatem integre custodisse ' nec mentis habuisse nec corporis corruptelam ' et nullius mortalis criminis sensisse contactum * firma suorum confessorum assertione monstratur. Carnem suam assidua cibi et potus parcitate restrinxit * et in Domini justificationibus assidue exercebatur. Nocturna quidem silentia humane deputata quieti ' post dormitionem brevem decurrebat in studiis lectionum * et somni tempus vigiliis occupabat. Dies autem impendebat commodis animarum + vel sedulis immorando predicationibus ' vel confessionum audientie insistendo ' aut hereticum dogma pestiferum ' validis rationibus confutando * in quibus specialis dono gratie noscitur claruisse.

  • Innocentius IV, bulla « Magnis et crebris », BOP I, p. 228a.
  • < BHL 6722
42.2 Lectio secunda.

Devotione insuper gratus ' humilitate lenis ' obedientia placidus ' benignitate suavis ' pietate compatiens ' patientia constans ' caritate prestabilis ' et in cunctis morum maturitate compositus * alios profusis virtutum aromatibus attrahebat. Fervens quoque amator fidei ' cultor precipuus ' propugnator ardentior + sic animo suo illam impresserat ' sic se totum in illius manciperat obsequium * quod queque ipsius verba et opera virtutem fidei redolebant. Pro hac quoque mortem subire cupiens ' hoc principaliter a Domino attentis et crebris supplicationibus postulasse probatur * quod non sineret eum ex hac luce migrare ' nisi sumpto pro illa calice passionis. Unde quia meruit tantus athleta specialem palmam de pugna tam strenua reportare * ac in celibem patriam sertis1 presignitus roseis introire + cum de civitate Cumana ubi fratrum sui ordinis ibi morantium prior erat ' Mediolanum pergeret ' pro exequenda inquisitione contra hereticos sibi ab Apostolica Sede [c]o[m]missa ' sicut in publica predicatione predixerat * quidam de ipsorum hereticorum credentibus prece illorum inductus et pretio ' in eum iter salutaris propositi prosequentem funestus insiliit. In agnum utique lupus ' ferus in mitem ' in pium impius + furibundus in mansuetum ' in modestum2 effrenis * prophanus in sanctum. Sacrum autem illius caput gladio crudeliter impetens ' diris in eum impressis vulneribus ' et saciato sanguine justi ense + venerandum illum non divertentem ab hoste ' sed exhibentem se protinus hostiam ' et cesoris sustinentem in patientia truces ictus * dimisit ' spiritu petente superna ' in ipso loco passionis occisum.

  • ibid. p. 228-229.
42.3 Lectio tercia.

Quia vero non voluit Dominus ipsius abscondere sanctitatem * nec in vita latere sic potuit quin miraculorum claritate pateret. Cujusdam et enim nobilis filium pre nimio et horribili totius gule tumore nec loqui nec spirare valentem ' levatis ad Deum manibus ' et crucis in eum facto signaculo ' illoque accipiente ipsius capam ' et in infirmo superponente3 loco * sanavit.

Post mortem vero ipsius lampades ad sepulcrum ejus venerabile ' dependentes * pluries per seipsas ' absque omni humano studio et ministerio ' divinitus sunt accense. Quia conveniens nimis erat ' ut quoniam igne ac lumine fidei excellenter claruerat * singulare de ipso ignis et luminis miraculum appareret. Quidam autem dum vesceretur cum aliis ' et ipsius sanctitatem et miracula depravaret + sumpto quodam sub hac obtestatione morsello quod eum non posset si circa hec delinqueret transglutire * sensit mox ipsum suo gutturi sic herentem ' ut eum inducere vel educere non valeret. Quare ilico penitens ' et jam vultus mutato colore ' quasi sentiens vicine mortis eventum + facto intra se voto quod linguam decetero ad talia non laxaret * fuit protinus illo evomito liberatus.

Alii etiam diversis infirmitatibus occupati ' qui sepulchrum ejus in vehiculis et aliis sustentaculis adierunt * exinde postmodum plena incolumitate recepta * sine aliquibus subsidiis rediere. Ad hec magna hereticorum ' et ipsorum credentium multitudo ' cum tantam fidei adverterent efficaciam et ad eam tot certis et apertis signorum indiciis ' tanquam quibusdam preconibus clamantibus vocarentur + nec possent quasi tam valide illorum instantie non parere * ad ipsius lucem fidei de sui erroris nubilo est conversa. Quid plura ? His et quam multis aliis miraculis gloriosis ' magnificavit Dominus sanctum suum * et colendum exhibuit universis.

  • ibid. p. 229.

43- Philippus et Jacobus, app.

sd, 1 V

In festo beatorum apostolorum Philippi et Jacobi.

Hieronimus, De Viris illustribus. Å .

43.1 Lectio prima.

[198a]

Jacobus qui appellatur frater Domini ' cognomento « justus » ' ut nonnulli existimant, Joseph ex alia uxore ' ut autem michi videtur, Marie sororis matris Domini filius * post passionem Domini statim ab apostolis '1 Jherosolimorum episcopus est ordinatus.

Hegisipus quoque vicinus apostolorum de Jacobo narrans * ait :

« Hic ab utero matris sanctus fuit + vinum et siceram non bibit * carnem nullam comedit. Numquam attonsus est ' nec unctus unguento * nec usus balneo. Huic soli licitum erat ingredi sancta sanctorum. Siquidem vestibus lineis non utebatur * sed laneis. Solus ingrediebatur templum + et flexis genibus pro populo deprecabatur * in tantum ut camelorum duriciam traxisse ejus genua crederentur. » Dicit et multa alia que enumerare longum est.

  • Hieronymus, De viris illustribus, cap. II, p. 7, l. 20-25 et 29-30, et p. 8, l. 2-10.
  • CPL 616
43.2 Lectio secunda.

Josephus quoque refert ' et Clemens * mortuo Festo missum esse a Nerone successorem ejus Albinum. Qui cum necdum pervenisset + Ananus pontifex adolescens ' Anani filius ' de genere sacerdotali ' accepta occasione principatus ' consilium congregavit + et compellens publice Jacobum ut Christum Dei filium denegaret * contradicentem jussit lapidari. Precipitatus autem de pinna Templi ' cum fractis cruribus adhuc semianimis tollens ad celum manus diceret ' « Domine, ignosce eis ' quid enim faciunt nesciunt » [cf. Luc. 23, 34] * fullonis fuste in cerebro percussus interiit. Tradit idem Josephus tante eum sanctitatis fuisse ' et celebritatis in populo * ut propter ejus necem ' creditum sit Jerosolimam subversam.

  • ibid. p. 8, l. 11-26.
43.3a Lectio tercia.

Ysidorus, in Libro de ortu, vita etc.

Philippus a Bethsaida civitate ' unde et Petrus ' Gallis predicat Christum * barbarasque gentes vicinasque tenebras ' et tumenti occeano conjunctas ad scientie lucem ' fideique portum deducit. Deinde in Jerapoli Frigie provincie urbe ' crucifixus lapidatusque obiit * rectoque sepultus cadavere simul cum filiabus suis ibidem requiescit.

  • Isidorus Hispalensis, De ortu, cap. 72, p. 209.
  • CPL 1191
43.3b

Beda super Marcum.2

Hic interpretatur os lampadis + et recte * quia lumen gratie quo ipse illustratus est ' confestim fratri scilicet Nathanaeli propinare studuit per oris officium ' dicens : « Quem scripsit Moyses in lege et prophete * invenimus Jesum filium Joseph a Nazareth. » [Jo. 1, 45]

  • Beda Venerabilis, In Marcum, I, CCSL 120, l. 1357-1362, p. 471.
  • CPL 1355
43.3c

Rabanus super Marcum.3

Recte quoque dicitur os lampadis + quia quod se de lumine minus habere persensit * supliciter4 a Domino quesivit dicens : « Domine, ostende nobis Patrem. » [Jo. 14, 8]

  • Non inventum esta.

44- Inventio Sancte Crucis

sd, 3 V

In Inventione sancte Crucis.

Ex Hystoria ecclesiastica libro .X.

44.N

Et nota quod in hystoria de inventione Crucis sunt quedam quibus contradicunt Hystoria tripertita, et Ecclesiastica, et Vita sancti Silvestri, et Gesta pontificum Romanorum. Set in his que hic dicuntur de inventione Crucis, ex Ecclesiastica Historia, non est contradicio1 apud aliquos.

44.1 Lectio prima.

Helena Constantini mater * femina incomparabilis fide ' religione animi ac magnificentia singulari ' cujus vere Constantinus esset filius et crederetur ' divinis amonita visionibus ' Jerosolimam petit * atque ibi locum in quo sacrosanctum corpus Christi patibulo affixum pependerat ' ab incolis requirit. Qui idcirco ad inveniendum difficilis erat * quod ab antiquis persecutoribus simulacrum in eo fuerat Veneris defixum + ut siquis christianorum in loco illo Christum adorare voluisset * Venerem videretur adorare. Et ob hoc infrequens ' et pene oblivioni datus fuerat locus. Sed cum, ut supra diximus, religiosa femina properasset ad locum ' celesti indicio designatum * cuncta ex eo prophana et polluta deturbans ' in altum purgatis ruderibus ' tres confuso ordine reperit cruces. Sed obturbabat reperti muneris leticiam * uniuscujusque crucis indiscreta proprietas.

  • Rufinus, Hist. eccl., X, 7, vol. II, p. 969, l. 11-23.
  • < BHL 4164
  • cf. CPG 3495
44.2 Lectio secunda.

Aderat quidem et titulus ille qui grecis et latinis atque hebraicis litteris a Pilato fuerat conscriptus * sed nec ipse satis evidenter dominici prodebat signa patibuli. Hic jam humane ambiguitatis incertum * divinum flagitat testimonium. Accidit in eadem urbe ' primariam quandam loci illius feminam gravi egritudine confectam * seminecem jacere. Macharius per idem tempus Ecclesie illius episcopus erat. Is ubi cunctantem reginam atque omnes pariter qui aderant vidit * « Afferte huc, inquit, totas que reperte sunt cruces + et que sit que portavit Dominum * nunc nobis adaperiet Deus. »

  • ibid. p. 969, l. 23-26 et p. 970, l. 1-6.
44.3 Lectio tercia.

Et ingressus cum regina pariter et populis ad eam que decumbebat * defixis genibus ' hujuscemodi ad Deum precem fudit : « Tu Domine qui per unigenitum filium tuum salutem generi humano per passionem crucis conferre dignatus es ' et nunc in novissimis temporibus aspirasti in corde ancille tue perquirere lignum beatum in quo Salus nostra pependit * ostende evidenter, ex his tribus, que crux fuerit ad dominicam gloriam ' vel que extiterint ad servile supplicium + ut hec mulier que semiviva decumbit ' statim ut eam lignum salutare contigerit * a mortis januis revocetur ad vitam. » Et cum hec dixisset * adhibuit primo unam ex tribus ' et nichil profecit. Adhibuit secundam * nec sic quidem aliquid actum est. Ut vero admovit tertiam ' repente apertis occulis mulier consurrexit * et stabilitate virium recepta ' alacrior multo quam cum sana fuerat tota domo discurrere ' et magnificare Domini potentiam cepit. Sic evidenti indicio regina voti compos effecta * templum mirificum in eo loco in quo crucem repererat ' regia [198b] ambitione construxit.

  • ibid. X, 7-8, p. 970, l. 6-26.

45- Corona Domini

s, 4 V

In festo corone Domini.

Ex hystoria translationis ejus. T .

45.1 Lectio prima.

Imperio Constantinopolitano per potentiam Vastachii et Auxencii tyranorum Grecie plurimum oppresso ' Balduinus heres dicti imperii de consilio principum et prelatorum latinorum dicti imperii ' venit in Franciam + ab illustri rege Francorum Ludovico suo consanguineo ' et ab aliis amicis suis auxilium petiturus * Johanne de Brenna bone memorie rege Jherosolimitano ' viro strenuo ' fidei et catholico ' socero scilicet suo ' administratore et tutore dicti imperii relicto. Sed dicto Balduino in his et aliis negociis ipsum contingentibus decetero et redire tardante ' dictus Johannes e medio sublatus est. Tunc Constantinopolitane civitatis et terre adjacentis ' et totius imperii status ita per incursus hostium artatus est ' quod relicte dicti Johannis ' et proceribus et vulgo in civitate inclusis ' non permittebantur deferri victualia + nec etiam eis ad vicinos civitati campos * tutus patebat egressus. Ipsi etiam civitati * obsidio parabatur. Propter que mala ' multi de populo et de nobilibus noctu vel alias furtive exeuntes de civitate * per mare vel viarum discrimina fugiebant.

  • = BHL 4204e
45.2 Lectio secunda.

Quibus domino regi et Blanche religiose matri ejus per ipsum Balduinum flebiliter expositis + dicti rex et regina magnam pecunie quantitatem ei conferunt * stipendiarios et milites adjungunt ' et strenuos bellatores. Perpendens itaque Balduinus devotionem regis et matris ejus erga Deum ' et sepedictum imperium + spineam Christi coronam quam proceres inclusi cogente inopia vendere vel obligare volebant ' que totius imperii titulus erat et gloria specialis * gratis eis confert. Quod rex intelligens a Domino fieri ' nomenque Christi per hoc amplius in Francia dilatandum * annuit cum gratiarum actione. Tunc mittuntur a rege Constantinopolim nuntii sollemnes. Mittit etiam Balduinus ad barones imperii * nuntium specialem. Tanta autem barones ispos ' necessitas ar(c)taverat * quod jam compulsi erant urgente inedia sanctam coronam civibus Venetorum ' pro magna summa pecunie taliter obligare + quod nisi infra certum et breve tempus redimeretur ' ipsa caderet in commissum * ita quod obligatio verteretur in titulum venditionis. Apposuerunt insuper dicti cives in pacto * quod interim Venetias deferetur.

45.3 Lectio tercia.

Corona itaque sigillis procerum in vase aureo signata ' traditaque dictis nuntiis ' adjunctis sibi magnis civibus Venetorum ' quid ageretur finaliter ignorantibus + media hyeme, que nautis solet esse invia ' insidiante Vastachio per diversos sinus maris * prospero cursu nuntii regales ' Venetias duce Domino pervenerunt. Ubi per alios regis nuntios et mercatores francos ' obligationis pecunia persoluta * nuntii prospero itinere Parisius pervenerunt. Ubi a domino rege ' et domino Roberto fratre suo ' tunc comite Attrebatensi ' et multis ecclesiarum prelatis et populis in numeris nudis pedibus ei occurrentibus ' post venerationem sollemnem ad perpetuum honorem1 Domini nostri Jesu Christi et regni conservationem ' in capella regia beati Nicholai honorifice collocatur * anno Domini millesimo ducentesimo tricesimo nono ' in octavis beati Laurentii. Sed quia dies hujus translationis in Franciam celebratur infra octavas beati Dominici patris nostri ' scilicet in crastino beati Laurentii ' qua die primo recepta fuit Senonis * visum est fratribus ut festum istud in crastino inventionis sancte Crucis celebrarent. Ut quia in Christi passione et ludibrio * crucis patibulum et corona spinea concurrerunt + per sollemnitates conjunctas ' ipsius Resurrectionis triumphus et gloria devotorum animis amplius inculcetur * et predicetur vocibus ' et operibus exaltetur.

46- S. Johannes, ante Portam latinam

sd, 6 V

In festo sancti Johannis ante Portam Latinam.

46.1a Lectio prima.

Secundum Johannem, capitulo ultimo.1

In illo tempore * dixit Jesus Petro : « Sequere me ». Conversus Petrus ' vidit illum discipulum quem diligebat Jesus sequentem * qui et recubuit in Cena super pectus ejus ' et dixit : « Domine, qui est qui tradet te. » Et reliqua.

  • Jo. 21, 19-20.
46.1b

Omelia venerabilis Bede presbiter. Å .

Quia audierat beatus Petrus per passionem crucis se clarificaturum esse Deum * voluit etiam de fratre et condiscipulo cognoscere ' qua esset ipse morte ' perpetuam transiturus ad vitam. Dicit ei Jesus : « Sic2 eum volo manere * donec veniam. Quid ad te ? Tu me sequere. » [Jo. 21, 22] Non, inquit, per passionem martirii eum volo consummari + sed absque violentia persecutoris ' diem expectare novissimum * quando ipse veniens eum in eterne beatitudinis mansionem recipiam. Et quid hoc ad te ? Tu tantum crucis patibulum subeundo * mea te3 vestigia sequi debere memento. Et quidem hanc responsionem Domini ' fratres tunc temporis ita tractabant * quasi Johannes nunquam esset moriturus. Quod non ita esse intelligendum ipse Johannes admonere curavit + qui cum premisisset exisse sermonem istum inter fratres ' quia discipulus ille non moritur * sollerter adjecit ' atque ait : Et non dixit dixit ei Jesus « non moritur » * sed « sic eum volo manere donec veniam ' quid ad te. » [Jo. 21, 23]

  • Beda Venerabilis, H I 9, CCSL 122, l. 96-112, p. 62-63.
  • PD I 33
  • CPL 1367
46.2 Lectio secunda.

Non ergo putandum quia discipulus ille non sit mortuus in carne * quia nec Dominus hoc de ipso futurum predixit. Et psalmista ait : Quis est homo qui vivit + et non videbit mortem ? [Ps. 88, 49] Sed ita potius intelligendum est * quod ceteris discipulis Christi passionem consummatis ' ipse in pace [198c] Ecclesie ' adventum vocationis expectaverit. Et hoc est quod ait Dominus ' sic eum volo manere donec veniam + non quia non et ipse multos antea labores pro Domino ' pressurasque malorum toleraverit * sed quia ultimum in pace senium finierit ' ut pote Ecclesiis Christi per Asyam quam regebat longe jam lateque fundatis. Nam et in Actibus apostolorum cum ceteris apostolis flagellatus invenitur ' quando ibant gaudentes a conspectu concilii ' quoniam digni habiti sunt pro nomine Jesu contumeliam pati [Act. 5, 41] * et a Domitiano Cesare in ferventis olei dolium missus ' in Ecclesiastica narratur hystoria + ex quo tamen divina se protegente gratia ' tam intactus exivit * quam fuerat a corruptione concupiscentie carnalis extraneus. Nec multo post ab eodem principe propter insuperabilem evangelizandi constantiam in Pathmos insulam est exilio relegatus * ubi humano licet destitutus solatio ' divine tamen visionis meruit et allocutionis crebra consolatione relevari.

  • ibid. l. 112-132, p. 63.
46.3 Lectio tercia.

Denique ibidem Apocalipsim quam ei Dominus de statu Ecclesie presentis vel future revelavit * manu sua conscripsit. Unde constat promissionem sic manendi donec veniret Dominus ' non eo pertinere quod sine labore certaminis victurus esset in mundo * sed illo potius quod sine dolore passionis transiturus esset e mundo. Sicut enim in Patrum litteris invenimus + cum longo confectus senio sciret imminere diem recessus sui * convocatis discipulis suis post monita exhorationum ' ac missarum celebrationem ' ultimum eis vale fecit. Deinde descendens in defossum sepulture sue locum ' facta oratione appositus est ad patres suos * tam liber a dolore mortis ' quam a corruptione carnis invenitur alienus. Atque ita completa est veridica Salvatoris sententia * quia sic eum voluerit manere donec ipse veniret.

  • ibid. l. 132-145, p. 63-64.

47- Gordianus et Epimachus, mm.

tl, 10 V

In festo sanctorum martyrum Gordiani et Epimachi.

Ex gestis eorum. T .

47.1 Lectio prima.

Cum Julianus imperator persequeretur christianos * Gordianus vicarius ejus de mandato suo sanctum Januarium volebat compellere ad sacrificandum. Sed tandem per predicationem ipsius Januarii conversus ' perrexit flens ad uxorem suam Marinam * et simul coram Januario prostrati ' veniam et baptismum petebant. Ad hec Januarius respondit : « Videte si bene creditis * et ne quid in absconditis teneatis. » Marina respondit : « Unam ymaginem Jovis repositam habemus * pro qua Dei martires torquebantur. »

  • cf. BHL 3612/3613 ?
47.2 Lectio secunda.

Ductus itaque Januarius in thalamum ' simulacrum apprehendit * et igne illud conflans ' in cloacam projecit. Et ita baptizavit Gordianum * cum uxore ' et aliis quinquaginta tribus. Post quatuordecim dies jussit Julianus imperator Clementiano tribuno * ut videret si Januarius sacrificare ydolis consensisset. Quod si Januarius non fecisset * cesus fustibus interiret.

47.3 Lectio tercia.

Videns ergo Clementianus etiam Gordianum ad fidem Christi conversum per Januarium presbiterum * cucurrit hec nuntiare Juliano. Qui iratus nimis ' jussit Januarium exilio condemnari * Gordianum vero a Clementiano loco ejus substituto ' nolentem sacrificare ' decollari. Decollatus ergo * quinque diebus ad canes proicitur. Sed inventus custoditus ab eis, non lesus * a familia sua nocte raptus ' sepelitur in cripta ' ubi jam pridem sepelierat sanctum Epimachum non longe ab Urbe ' miliario fere uno.

48- Nereus, Achilleus et Pancratius, mm.

tl, 12 V

In festo sanctorum martirum Nerei, Achillei atque Pancracii.

Ex gestis Nerei et Achillei. T.

48.1N

Et nota quod Eutices, Victorinus et Maro servi Christi rescripserunt de insula Marcello fideli in Christo de hujusmodi passione, Nerei scilicet et Achillei.

48.1 Lectio prima.

Domitilla neptis Domitiani imperatoris ' desponsata Aureliano filio cujusdam consularis * per Nereum et Achilleum eunuchos et cubicularios suos a beato Petro baptizatos ' ad fidem et virginitatis amorem inducta est. Et veniens ad eam sanctus Clemens episcopus * Deo virginem consecravit. Quod audiens Aurelianus * impetravit a Domitiano ut si sacrificare nollet ' cum Nereo et Achilleo exilium insule Pontiane subiret. Postea pergens ipse ad insulam * Nereum et Achilleum verbis et muneribus inducebat ' ut virgini suaderent. Sed illi magis eam in Domino confortabant. Unde verberibus, eculeo et flammis ad sacrificia compelluntur * et omnino respuentes pariter decollati sunt.

  • cf. BHL 6063 ?
48.2 Lectio secunda.

Ex gestis sancti Pancracii. T .

Temporibus Dyocletiani, Pancratius nobilissimus juvenis, mortuis parentibus qui, cum essent christiani, eum religiose instruxerant * facultates suas pro nomine Crucifixi cotidie expendebat. Accusatus autem super his ' et etiam super deorum blasphemia * presentatus est coram imperatore. Cum autem nec minis nec promissionibus a Christo posset avelli ' sed potius, licet puer . XIIIIa. annorum ' ipsum imperatorem confunderet * jussu ejus ductus est in viam aureliam. Et velud agnus hylaris et gaudens ductus ad victimam + consignans se signaculo Christi * gladio consummatus est.

  • cf. BHL 6420
48.3 Lectio tercia.

Gregorius Turonensis. Å .1

Est autem haud2 procul ab Urbis muro Pancratius martir * valde in perjuris ultor. Ad hujus sepulcrum si cujusquam mens insana juramentum inane proferre voluerit + priusquam sepulcrum ejus adeat ' hoc est antequam ad cancellos qui sub [198d] arcu habentur ' ubi clericorum psallentium stare mos est ' accedat * aut arripitur a demone ' aut cadens in pavimento amittit spiritum. Nam ferunt plerosque juxta basilicas apostolorum sive aliorum martyrum commanentes non alibi pro hac necessitate ' nisi templum expetere beati Pancratii + ut ejus severitatis censura ' aut veritatem audientes credant * aut pro fallacia ' judicium martiris experiantur.

  • Gregorius Turonensis, In Gloria martyrum, cap. 38, p. 512, l. 31-32 et p. 513, l. 1-3 et 5-8.
  • BHL 6428
  • CPL 1024

49- Translatio sancti Dominici, ETP

tda, 23 Vb

In Translatione beati Dominici quando contingit extra Tempus Paschale.

[...]

50- Translatio sancti Dominici, in mensa(a)

50.R

Residuum legi potest in mensa.1

[...199ad...]

51- Translatio sancti Dominici, TP

td, 23 Va

In Translatione beati Dominici in Paschali Tempore.

[...200a]

Finis lectionis.

[...]

52- Urbanus, p. et m.

tl, !25 V

Sancti Urbani pape et martyris.

Ex gestis ejus. T .

52.1 Lectio prima.

Urbanus civis Romanus ' genere nobilis ' sed sanctitate nobilior ' ab infantia christianus ' virtute abstinentie et castitatis ornatus ' successit sancto Calixto pape * persecutione christianorum adhuc crudeliter seviente. Cujus dignitatis officium ' optimis virtutum studiis adornans ' multotiens damnabatur ex Urbe * sed a fidelibus clam retractus in tertio ab Urbe miliario, convenientibus ad se populis ' continue predicavit. Interea Urbe diversis imperatorum successionibus variata ' Alexander filius Mamee regnare cepit * et precibus matris sue quam Origenes converterat ' coactus est ut in christianos clemens fieret. Cui ille quidem consensit * nec tamen edictis censuit.

  • cf. BHL 8383/8389 ?
52.2 Lectio secunda.

Almachius itaque prefectus ' inimicus omnis boni insidiabatur occultatis + et publice egressos puniebat * et inter sanctos reliquos quos occidit ' beatam Ceciliam decollavit. Quam sanctus Urbanus inter sepulcra martirum sepelivit. Carpasius igitur sanctum Urbanum inquirens ' in quodam antro ipsum cum tribus pre[s]biteris ' et tribus diaconibus orantem inveniens * statim eos Almachio presentavit. Jubenturque protinus ' aut sacrificare Jovi * aut carceri mancipari. Rapiuntur sancti a tribunali * ut homicide ' ut Urbis incensores ' ut Rei publice publici pervasores. Et confortantes tota nocte christianos * mane facto ' Almachio presentantur. Et durissime verberati * iterum in carcerem detruduntur.

52.3 Lectio tercia.

Post hec sanctus Urbanus ad sacrificandum ducitur. Et cum oraret ' simulacrum corruit * et viginti duo sacerdotes gentilium ' ruente etiam templo, pariter occiduntur. Statim Almachius [200b] furibundus * jussit sanctos crudelissime laniari. Urbanus autem iterum missus in carcerem per tres dies ' cum populum ad perseverantiam hortaretur * die tercia nolens immolare ' cum sociis decollatus est ' anno Domini ducentesimo tricesimo quarto. Carpasius autem a cede rediens ' et ydolo quasi victor sacrificans, a demone corripitur * et deos blasphemans ' et christianos invictos predicans ' post paululum suffocatur. Quod videns Marmenia uxor ejus cum filia sua Lucina ' in Christum credidit * et baptizari se fecit.

53- Marcellinus et Petrus, mm.

tl, 2 VI

In festo sanctorum martyrum Marcellini et Petri.

Ex gestis eorum . T .

53.1 Lectio prima.

Temporibus Dyocletiani * Rome Arthemius carcerarius ' sanctum Petrum exorcistam in vinculis detinebat. Cujus filia cum a demone vexaretur * dixit ei Petrus ' quod si in Christum crederet ' statim ejus filia sanaretur. Cui Arthemius : « Deus tuus qui te liberare non potest + quomodo filiam meam liberabit ? » Respondit Petrus : « Potens est Deus liberare me * sed vult quod per passionem temporalem perveniam ad gloriam sempiternam. » Arthemius dixit : « Duplicabo super te cathenas. Et si te Deus tuus liberaverit, credam illi * si tamen prius sanam videro filiam meam. » Quod cum fecisset * dicit ei Petrus : « Vade in domum tuam * quia modo me videbis ibi. » Et cum abisset et Candide uxori sue hoc diceret * adest Petrus tenens in manibus signum crucis. Et statim confitentibus ipsis divinam virtutem, et sanata filia ipsorum * omnes qui erant in domo Arthemii ' baptizantur.

  • cf. BHL 5230/5231 ?
53.2 Lectio secunda.

Cum ergo ad illam domum plurimi convenirent ' et videntes miracula baptismum peterent * abiit sanctus Petrus ad Marcellinum presbiterum ' et omnes ab eo baptizati sunt. Tunc ivit Arthemius ad alios incarceratos * promittens liberos fieri ' quicumque vellent fieri christiani. Quod cum fieret ' et rumor ad Serenum judicem pervenisset * jussit omnes incarceratos adduci. Quos omnes Arthemios convocans * dixit ' ut si quis vellet ire ad martirium ' veniret intrepidus + et si quis nollet * abiret illesus. Cum ergo Arthemius dixisset judici quod Marcellinus et Petrus illos qui erant in carcere baptizassent + et abire permissi ipsi sponte in carcere remansissent * jussu judicis separatim in carcerem detruduntur.

53.3 Lectio tercia.

Angelus autem Domini ambos absolvens ' et ducens ad domum Arthemii + jussit eis ut septem diebus populum confortarent * et die octavo se judici presentarent. Cum ergo Marcellinus et Petrus in carcere non essent inventi * jussit judex Arthemium cum uxore et filia cum sacrificare nollent ' in terra obrui. Qui cum venissent ad locum * sanctus Marcellinus ait incredulis : « Ecce potuimus vos ledere + et Arthemium cum uxore et filia liberare * sed neutrum fecimus. » Tunc illi Marcellinum et Petrum ducentes ad silvam nigram ' que nunc candida propter eos vocatur * decollaverunt. Quorum animas vestibus splendidis et gemmis indutas * Dorotheus qui eos decollavit vidit angelorum manibus in celum deferri. Unde ipse christianus effectus * tandem in pace quievit.

54- Primus et Felicianus, mm.

tl, 9 VI

In festo Primi et Feliciani martyrum.

Ex gestis eorum. T .

54.1 Lectio prima.

Temporibus Diocleciani ' et Maximiani * pontifices templorum accusaverunt Primum et Felicianum apud eos ' dicentes : « Nisi Primum et Felicianum sacrificare feceritis * nulla beneficia a diis consequi poteritis. » Inquisiti ergo et inventi detruduntur * sed statim ab angelo confortati et soluti ' post dies aliquot imperatoribus presentantur. Cum autem in fide persisterent * crudeliter laniati ' et in carcerem retrusi ' cotidie ab angelo confortantur. Iterum promoto presidi presentati ' cum superari non possent * ab invicem separantur. Et dixit Feliciano * ut sue senectuti consuleret. Tunc Felicianus ait : « Cum sim octoginta annorum ' et ab annis triginta christianus * elegi Deo vivere ' qui me potest de tuis manibus liberare. »

  • cf. BHL 6922
54.2 Lectio secunda.

Tunc jussit eum preses ligari ' et clavos in manibus et pedibus ejus figi * dicens : « Tam diu sic eris * donec nobis consenseris. » Et jussit sic triduo pendenti in stipite * nichil penitus ministrari. Post triduum jussit eum in carcerem recipi. Sequenti die jussit beatum Primum adduci * et dixit ei : « Ecce frater tuus consentiens decretis imperatorum * magnus est in palatio ipsorum. Unde si tu sic feceris * socius ejus eris. » Respondit sanctus Primus : « Etsi tu es filius Diaboli + tamen nesciens verum in parte dixisti * quia frater meus celesti Imperatori consensit. Novi enim docente me angelo quid de Feliciano fecisti * et utinam merear ei jungi. »

54.3 Lectio tercia.

Tunc iratus preses * jussit post multa supplicia plumbum buliens in os ejus infundi. Jussit etiam ut Felicianus adesset * ut terrore passionis ejus ' sacrificiis consentiret. Extensus autem sanctus Primum * quasi aquam frigidam plumbum bulliens totum bibit. Et dixit : « Ecce frater meus a me separatus non est * quem tu dicebas quod ydolis immolasset. » Iratus preses jussit eos in theatrum simul duci * et duos leones ad eos immitti. Qui statim ad pedes eorum cum impetu corruentes * eis blandiri ceperunt. Ad hoc spectandum plusquam duodecim milia hominum convenerunt * quorum quingenti cum suis omnibus crediderunt. Tunc videns preses eos non posse vinci  * jussit eos extra amphite-[200c]-atrum decollari.

55- Barnabas ap., ETP

sd, 11 VI

In festo beati Barnabe apostoli.

55.N

Nota quod ille qui compilavit legendam hanc extraxit de Actibus usque ad locum istum, sed ab isto loco dicit se transtulisse de greco in latinum ex dictis hujus Johannis. Å .

Videtur autem actor1 iste habere stilum eum quem habet ille qui composuit legendam Mathie, qui dicitur fuisse Beda.

55.1 Lectio prima.

Ego Johannes qui et Marcus ' discipulus Pauli et Barnabe * baptizatus sum per eos in loco2 qui dicitur Yconium. Post baptismum vero vidi in visione virum splendidum * qui dixit michi : « Constans esto, Johannes * quoniam amodo non Johannes, sed Marchus, id est excelsus, vocaberis. » Cernendo itaque obstupui + et evigilans procidi ad pedes Barnabe * et illi omnia que cognovi professus sum. Interea Paulus non erat ibi. Postquam vero audivit * dixit : « Et michi similiter apparuit Christus * dicens :3 « [Constans esto, Barnaba]4 quoniam pro sancta devotione premia eterna percipies. Attamen convoca Johannem ministrum tuum * quoniam et ipse similiter vidit quedam mysteria. »

  • < BHL 983 (= BHL 985, pars III)
55.2 Lectio secunda.

Cum autem post hec essemus Antiochie * angelica visio facta est Paulo dicens : « Celerius propera Jerusalem * quoniam quidam fratres prestolantur adventum tuum. » Quod cum Barnabe panderet * ait Barnabas : « Fiat voluntas Domini. Tantum obsecro, intercede pro me. Nam propero Ciprum + ibique finem compleo vite * faciem tuam, pro dolor, amplius non visurus. » Hec dicens cecidit ad pedes ejus * et flevit diu amare. Cui Paulus conpatiens + « noli, inquit, merere * nam apparuit michi Dominus hac nocte dicens : Ne prohibeas Barnabam ire Cyprum * quoniam illic preparata est gratia ad illuminationem multorum ' et percifiendum martirium. »

55.3 Lectio tercia.

Tunc positis genibus orantes et osculantes nos invicem ' vale fecimus * et navigantes venimus in civitatem que vocatur Anemoria. In hac invenimus viros justos * quamvis ethnicos ' tamen sagacitate pollentes. Hos sagaciter nos interrogare animadvertens Barnabas * sagaciter eis respondere studuit. Audientes autem ejus verba * a(n)ttoniti et compuncti sunt corde. Et baptizavit eos + induitque eos vestibus sancte religionis * admonens ' ut permanerent in gratia Dei.

55.4 Lectio quarta.

Navigantes autem inde ' pervenimus Cyprum * ibique invenimus Tymonem et Aristionem famulos Domini. Tymon autem urebatur febribus. Cui cum manus imposuisset Barnabas ' et sacrum Evangelium * statim febris fugata est. Et doctrina namque apostolorum ' Barnabas Evangelium sancti Mathei secum ferebat + et ubicumque inveniebat infirmos, ponebat super illos * et continuo sanabantur.

55.5 Lectio quinta.

Exeuntes autem inde ' invenimus Erapium * quem Paulus ordinaverat episcopum ad commonitionem fidelium. Hic nos cum gaudio magno suscepit. Postea invenimus Rodonem * quamvis ethnicum ' tamen justum et benignum. Huic cum apostolus fidem exponeret baptizatus est * et secutus est nos. His ita gestis ' obvium habuimus impium Judeum * quem olim Paulus lumine privaverat ad tempus. Hic malitia commotus * prohibuit nos introire in Paphum.

55.6 Lectio sexta.

Proinde revertentes * venimus in locum in quo ethnici viri et femine ludendo nudi currebant. Hoc cum vidisset Barnabas, indignatus est super tale facinus * maledixitque templum. Statimque pars corruit * magnaque contritio ex ethnicis facta est. Introeuntibus itaque nobis in Salaminam * invenimus synagogam Judeorum. Quam apostolus exhortari cepit * et per Evangelium sancti Mathei Christi gratiam introducere. Hoc dum compersisset Barien * seditione facta ' fecit eum comprehendi. Et querebant eum tradere consuli civitatis * affligentes eum multis suppliciis.

55.7 Lectio septima.

De hinc cum jam quassatum penis ducerent ad judicandum * accidit ut deveniret in eandem insulam quidam vir magnus de progenie imperatoris. Comperientes autem Judei adventum ejus + verentes ne illum eriperet * ligantes funem in collo ejus ' nocturno tempore dilaceratum ' a synagoga pertraxerunt foris portam. Post hec autem circumeuntes * illum igne crudeliter cremaverunt. Sicque beatus apostolus pro Christi amore adustus * migravit ad gaudia sempiterna.

55.8 Lectio octava.

Impii autem Judei non saciati de nece ejus + zelo diu concitati ' tulerunt sacratissimum corpus ejus * et in locello plumbeo recludentes ' in mare precipitare disponebant. Interim ego prefatus Johannes qui et Marchus ' una cum Tymone ' et Rodone occulte nocturnis horis tulimus illud * et collocavimus in cripta que olim fuerat habitatio Jebuseorum ' tercio idus junii ' hoc est undecima die ipsius mensis.

55.9N

Nota quod ab isto loco non sunt verba Johannis, set illius qui compilavit legendam.

55.9 Lectio nona.

Propter hanc itaque collocationem plurimis annorum curriculis venerabile corpus illud latuit * nec inveniri a christicolis potuit. Sed Deus omnipotens non patitur occultari gloriam sanctorum suorum. Unde tempore Zenonis imperatoris et Gelasii pape ' eodem apostolo revelante ' inventum est corpus illud atque cum ymnis et laudibus mirifice collocatum ' ad honorem et gloriam Domini nostri Jesu Christi + qui cum Patre et Spiritu Sancto vivit et regnat Deus per omnia secula seculorum, amen.

56- Barnabas, TP

sd, 11 VI

[200d]

In festo beati Barnabe1 in Paschali Tempore.

56.N

Ille qui composuit legendam hujus apostoli extraxit partem de Actibus apostolorum, et ista pars continetur in his tribus lectionibus ; aliam partem addidit de historia Marci discipuli hujus translata in Latinum qui superaddidit ea que in Actibus non habentur, et ista pars continetur in .IX. lectionibus supra. Videtur autem secundum stilum quod idem sit actor2 hujus legende, qui et legende beati Mathie. Å .

56.1 Lectio prima.

Barnabas qui et Joseph ' unus ex septuaginta duobus discipulis + qui secundum nominis sui presagium vocitatus est ' nam « Barnabas » hebraice ' latine « filius prophete » vel « consolationis » dicitur * communiter cum sanctis apostolis degebat ' et consolationem maxima prebebat inter eos. Sic et enim scriptum est : Joseph autem qui cognominatus est Barnabas ' ab apostolis ' quod est filius consolationis ' levites ' Cyprius genere ' cum haberet agrum, vendidit illum * et attulit precium ' et posuit ante pedes apostolorum. [Act. 4, 36-37] Postmodum vero cum beatus Paulus conversus esset ad fidei gratiam * iste beatissimus Barnabas illum apprehendere dignus fuit ' et perducere ad apostolos. Barnabas, inquit, apprehensum illum duxit ad apostolos * et narravit illis quomodo in via vidisset Dominum + et quia locutus est ei * et quomodo in Damaso fiducialiter egerit in nomine Domini Jesu. [Act. 9, 27]

  • < BHL 985, pars I
56.2 Lectio secunda.

Plane diligenter considerare et admirari condecet ' quantum illum divina gratia ' amabilem atque dignum habuit * quando inter tot discipulorum catervas ' non alium ad instruendum suum novum militem miserit ' nisi illum qui « consolationis filius » dicebatur. Pervenit autem sermo ad aures Ecclesie que erat Hierosolimis super istis * et miserunt Barnabam Antiocham. Quo cum venisset, et vidisset gratiam Dei ' gavisus est * et hortabatur omnes manere in Domino ' et apposita est multa turba Domino. Inde profectus est Tharsum * ut quereret Paulum. Quem cum invenisset perduxit Antiochiam * et annum totum conversati sunt in Ecclesia + et docuerunt turbam multam * ita ut cognominarentur primum Antioche discipuli christiani. [cf. Act. 11, 22-26]

56.3 Lectio tercia.

Cum autem sancti apostoli elemosinam Ierosolimis destinare curarent * miserunt ad seniores per manum Barnabe ' et Pauli. [cf. Act. 11, 30] Reversi sunt autem Antioche ' assumpto Johanne qui cognominatus est Marcus [Act. 12, 25] * et erant in Ecclesia prophete et doctores. Ministrantibus autem illis Domino ' et jejunantibus * dixit Spiritus Sanctus : « Segregate michi Barnabam ' et Saulum * in opus ad quod assumpsi eos. » [cf. Act. 13, 1-2] Ecce, beate Barnaba apostole Domini ' quanta dona tibi tribuit divina gratia * ut Spiritus Sanctus te devotum vocaret ' mitteretque ad populum ' celestia dicta ferentem ! Venientes autem Listris Paulus et Barnabas ' claudum ex utero matris sue mirabiliter curaverunt * adeo ut turbe deos illos existimarent. [cf. Act. 14, 7-11]

57- Basilides, Cyrinus, Nabor et Nazarius, mm.

tl, 12 VI

In festo Basilidis, Cirini, Naboris et Nazarii martyrum.

Ex gestis eorum . T .

57.N

Et sciendum quod in martyrologio Usuardi et lectionario Romano fit mentio de quibusdam aliis Nazario, et Basilide, Cirino et Nabore, de quibus forte facit festum Ecclesia Romana. Sed de istis fit mentio in quodam alio martyrologio antiquo, et dicitur ibi quod corpus hujus beati Naboris fuit translatum de Roma apud Methim, in cujus honore est edificata abbatia in diocesi Methensi.

57.1 Lectio prima.

Diocleciano deseviente in populum christianum per Iliricum + et Maximiano, qui suo regno additus fuerat, per Ytaliam * fuerunt inter milites Christi ' Basilides ' Cirinus ' Nabor atque Nazarius ' clarissimis orti Rome natalibus. Hi in civitate Aurelia tenentes sancte religionis tramitem * imminente persecutione, omnibus que habebant in usus pauperum erogatis ' occulte trans mare secesserunt. Ubi sub Platone prefecto militantes * ad viam veritatis quam plurimos reduxerunt. Cumque quadam nocte orationi instarent * in contemplatione suspensi audierunt vocem dicentem sibi : « Non licet vobis, dilectissimi mei, huic domino mortali servire * sed potius convenit vobis pro nomine meo crudelia hujus seculi sustinere adversa. » Quibus respondentibus ' « Domine ' parati sumus pro te omnium tormentorum sustinere cruciatus »  * ait eis Dominus : « Ite ad mare + et ibi invenietis modicum vehiculum et necessaria preparata * in quo revertemini ad vestra natalia. Et per passionis certamen quod ibi sustinebitis * dabo vobis coronam perpetuam. »

  • cf. BHL 1020
57.2 Lectio secunda.

Igitur, accepta licencia a predicto prefecto, venientes ad mare ' invento predicto vehiculo cum necessariis preparatis * angelico suffulti remigio ' ad litus pervenerunt optatum. Et ingredientes Aureliam * ad domum perrexerunt parentum. Quod ut audivit Aurelius, urbis illius prefectus * ipsos inquiri jussit. Et cum inventi fuissent divina populis predicantes * ducti sunt ad ejus presentiam. Cumque interrogati fuissent quo fugissent ab ejus presentia ' ne diis immortalibus sacrificarent * responderunt : « Non fugimus + sed mandatum Domini nostri fecimus * qui dixit nobis : Si vos persecuti fuerint in unam civitatem * fugite in aliam. » Cumque contempnentes jussa imperatorum nolent diis immolare * precepto ejus positi sunt in carcere. Ubi facta oratione ad Dominum ' ut ostenderet omnibus qui erant ibidem ipsos esse veros Dei cultores + subito tantus splendor in ipso carcere emicuit * [201a] quod Marcellus, custos carceris ' et multi alii, qui erant in carcere ' crediderunt in Dominum.

57.3 Lectio tercia.

Post triduum autem educti * ducti sunt ad imperatorem Maximianum. Multaque facta disputatione de vanitate deorum ' et contemptis ejus minis * reclusi sunt iterum in carcere ' acutissimis scorpionibus lacerati. Et fusis precibus ibidem ad Dominum ' ut eos in perpetuum secum vivere faceret + propter cujus verbum non timebant eos qui corpus occidere poterant * post dies septem educti de carcere ' et ad presentiam imperatoris adducti ' post derisionem culture deorum ' et contemptum minarum ejus ' decapitati sunt ' et feris ad devorandum expositi. Sed per Dei gratiam corpora eorum custodita illesa * a christicolis sepulta sunt tercio miliario ab Urbe ' in loco qui dicitur cathacumbas.

58- Marcus et Marcellianus, mm.

tl, 18 VI

In festo sanctorum1 martyrum Marci et Marcelliani.

58.1 Lectio prima.

. T . Ex gestis sancti Sebastiani.

Clarissimis viris Marcelliano et Marcho geminis fratribus ' capitali sententia condemnatis + impetrarunt amici triginta dierum inducias * ut eos interim ad thurificandum ydolis ' suis persuasionibus emollirent. Accedentes igitur amici ' mater et pater ' conjuges ' cum filiis * nitebantur2 eos verbis ' et factis quibus poterant emollire. Verum ipsi confortati verbis sancti Sebastiani ' non solum non adquieverunt ipsis * sed et cum eos liberasset Nichostratus ' fugere noluerunt.

  • cf. BHL 7543
58.2 Lectio secunda.

Carnales autem affectus repudiantes * responderunt amicis :

58.2'-3N

Ab isto loco sunt eadem verba. Å .3

58.2'

« Discedite, ait sanctus Marchus, carissimi + et vester discat affectus ' contra omnes sagittas affectuum carnalium ' clipeum virtutum opponere * atque inter acies dimicando acrius ' ad regem fortiter pervenire. Gloriosiores faciunt milites * vulnera pro imperatore suscepta. In hoc Dyabolus sevit * in quo previdet perseverantie tropheo se posse torqueri. Et ideo tormenta infert ne spes ejus pereat * mortem minatur ut terreat + vitam promittit ut eripiat * securitatem pollicetur ut tollat. Hec ejus est calliditas * a suppliciis corpus eripere ' et vitiis animam subjugare. Nos econtra contendamus Hosti non cedere + corpus contempnere * anime subvenire. » Igitur cum hec prosequeretur * ceperunt omnes qui aderant flentes penitere quia ab agone martyrii ' ausi fuissent eorum animos revocare.

  • < BHL 7543
58.3 Lectio tercia.

Tandem ambo fratres ligati ad stipitem * in pedibus acutos acceperunt clavos. Et dicebat Fabianus prefectus : « Tamdiu stabitis fixis plantis * quousque diis debitum reddatis officium. » Tunc ambo in uno ligno confixi * psallebant dicentes : Ecce quam bonum et quam jocundum * habitare fratres in unum. [Ps. 132, 1] Et iterum dixerunt Fabiano : « Nunquam tam bene epulati sumus. Modo enim cepimus esse fixi in amore Christi. Utinam nos sic esse permittas * quamdiu corporis hujus tegimur indumento. » Cumque transisset una dies ' et una nox ' et illi in ymnis et psalmis perseverarent * jussit eos lanceis per latera transverberari. Sepulti sunt autem miliario secundo ab Urbe * ubi omnis laudis titulos et sanctorum triumphos qui in Christo gloriati sunt ' matutinis horis ' qui affuerunt audierunt.

59- Gervasius et Protasius, mm.

s, 19 VI

In festo sanctorum martyrum Gervasii et Protasii.

59.N

Ambrosius in epistola quam mittit per Italiam de inventione corporum sanctorum Gervasi[i] et Prothasii. Å .

59.1 Lectio prima.

In diebus transacte nuper Quadragesime, michi servo Christi Ambrosio in oratione posito ' ita somnus obrepsit * ut nec vigilans aperte ' nec dormiens integre ' viderem apertis oculis mecum esse1 duos juvenes ephebos ' vestibus candidissimis id est colobio et pallio indutos ' caligulis calciatos ' manibus extentis orantes. Sed quia pars in me somnii incumbebat ' que me ad eorum interrogationem verbum proferre non sinebat * plene me evigilante visio eorum ab oculis meis elapsa est.

  • < BHL 3514
59.2 Lectio secunda.

Factum est autem ut rogarem Domini misericordiam * ut si ludificatio demonum esset ' abscederet + si vero veritas esset * plenius appareret. Ad impetrandum vero quod poscebam * augmentavi jejunium. Similique modo * canente gallo ' orantes mecum apparuerunt juvenes. Tercia vero nocte, defecto jejuniis corpore + non dormienti sed stupenti cum quadam michi tercia apparuerunt persona ' que similis esset beato Paulo apostolo cujus vultum me pictura docuerat * in tantum ut ipse mecum, illis tacentibus, loqueretur dicens : « Isti sunt  * qui monita mea secuti sunt. »

59.3 Lectio tercia.

« Isti sunt qui respuentes divitias ac predia ' secuti sunt Domini nostri Jesu Christi vestigia * nichil terrenum aut carnale concupiscentes. Sic in Mediolanensi hac urbe per decem annos in Dei servitio perdurantes * ad hoc pertingere meruerunt ' ut Christi martyres fierent. Quorum corpora in eo loco invenies * in quo stas et oras. Duodecim pedum altitudine * terra coopertam archam invenies. Quam archam superius exaltabis * et in nomine eorum ecclesiam fabricabis. » Cumque ab eo nomina requirerem * dixit michi : « Ad caput eorum librum scriptum invenies * in quo et ortus eorum et finis scriptus est. »

59.4 Lectio quarta.

Convocans itaque omnes per circuitum coepiscopos * referens universa que videram ' ipsis coram positis ' primus ego terre fossor accessi. Ceteri episcopi prosecuti sunt. Fodientes ' pervenimus ad archam. Quam aperientes * invenimus quasi ipsa hora positos sanctos ' miro odo-[201b]-re fragrantes. Ad quorum caput libellum invenimus * in quo hec erant per ordinem conscripta : Ego servus Christi Philippus ' intra domum meam sanctorum corpora cum filio meo rapui * et sepelivi. Quorum mater Valeria * et pater Vitalis dicti sunt. Quos uno ortu geminos genuerunt * unum Gervasium ' alterum Prothasium vocaverunt.

59.5 Lectio quinta.

Cumque ab intestato jure beati martires Gervasius et Prothasius parentibus successissent * domum propriam in qua nati fuerant ' et res universas parentum ' et casellulas venundantes ' dederunt precium omne pauperibus ' et familiole sue ' quam etiam ingenuam fecerant. Ipsi vero in uno cenaculo se concluserunt per decem annos * lectionibus et orationibus ' et jejuniis vacantes.

59.6 Lectio sexta.

Undecimo autem anno conversionis sue * ad palmam martirii hoc2 ordine pervenerunt. Eodem tempore superveniente comite Astacio qui proficiscebatur ad bellum * occurrerunt ei templi cultores dicentes : « Si vis letus ad Augustos reverti * Prothasium et Gervasium sacrificare compelle. Vehementer enim dii nostri de eorum contemptu commoti * dare nobis responsa contempnunt. » Audiens hec comes ' jussit eos adduci * et dixit : « Hortor vos ' ut ad immolandum diis devoti studeatis insistere * ut expeditio mea validius celebretur. »

59.7 Lectio septima.

Gervasius dixit : « Victoriam de celo debes a Deo omnipotenti requirere * non a simulacris surdis, mutis et vanis. » Tunc indignatus comes ' jussit eum tamdiu plumbatis contundi * quamdiu exalaret spiritum. Quo amoto ' jussit adduci sanctum Prothasium * et dicit : « Miser ' vel tu vivere stude * et noli fieri sicut frater tuus. » Cui Prothasius : « Quis est miser + ego qui te non timeo ' an tu qui me timere probaris ? »

59.8 Lectio octava.

Astacius comes dixit : « Ego te quomodo timeo ? » Prothasius dixit : « In eo quod timeas te ledi a me * si non sacrificavero. Ego autem non te timens * contempno minas tuas. » Audiens hec comes * jussit eum fustibus cedi. Postea vero dixit : « Miser ' ut quid tam rebellis vis perire + sicut probasti tuum germanum perisse ? » Prothasius dixit : «  Non tibi irascor ' sed misereor * quia nescis quid facis. Nunc ergo age quod cepisti * ut michi possit cum fratre meo hodie benignitas Salvatoris occurrere. »

59.9 Lectio nona.

Tunc impiissimus comes Astacius ' jussit eum capite cedi. Quod cum factum fuisset * ego Philippus abstuli cum filio meo furtim nocte hec corpora sancta in domo mea, Deo solo teste + et in ista archa marmorea sepelivi * credens me orationibus eorum consequi misericordiam Domini nostri Jesu Christi ' qui cum Patre et Spiritu Sancto vivit et regnat, Deus, in secula seculorum, amen.

[PARS AESTIVALIS]

[f. 201-225v]

60- Nativitas Sancti Johannis Baptistae, vig.

23 VI
60.R

In Vigilia beati Johannis Baptiste tres lectiones de omelia Vigilie. Quod si dominica fuerit, dominicalis omelia in aliquam feriam sequentem transferetur, et tunc tres ultime lectiones erunt de omelia Vigilie ; et hoc idem in omnibus sequentibus Vigiliis sanctorum que habent omelias observeretur, et secundum hec erit sequens lectio septima, vel prima.

60.1a

Secundum Lucam, I, a.1

Fuit in diebus Herodis regis Judee ' sacerdos quidam nomine Zacharias ' de vice Abya * et uxor illi de filiabus Aaron ' et nomen ejus Elisabeth. Et reliqua.

  • Luc. 1, 5.
60.1b

Omelia venerabilis Bede presbiteri. Å .

Ex justis parentibus Johannes est genitus + ut eo confidentius justicie precepta populis daret ' quo hec ipse non quasi novitia didicisset * sed velut hereditario jure a progenitoribus accepta servaret. De sacerdotali prosapia ortus est * ut eo potentius mutationem sacerdocii preconizaret ' quo ipsum ad sacerdotale genus pertinere claresceret.2 Redemptor etenim noster in carne apparens ' sicut rex nobis fieri dignatus est ' regnum nobis celeste tribuendo * ita etiam pontifex factus est ' semetipsum pro nobis offerendo hostiam Deo in odorem suavitatis. Unde scriptum est : Tu es sacerdos in eternum * secundum ordinem Melchisedech. [Ps. 109, 4]

  • Beda Venerabilis, H II 19, CCSL 122, l. 17-28, p. 318-319.
  • PD II 40
  • CPL 1367
60.2 Lectio secunda.

Melchisedech quippe, ut legimus, sacerdos Dei summi ' longe legalis sacerdotii tempora precessit * offerens tunc panem et vinum. Et ideo Redemptor sacerdos esse dicitur ' secundum ordinem Melchisedech * quia ablatis victimis legalibus ' idem sacrificii genus in mysterium sui corporis et sanguinis in novo Testamento offerendum instituit. Quis ergo congruentius ' translationem legalis et substitutionem evangelici sacerdotii ' quam summi juxta legem ' sacerdotis filius prophetaret ? Qui cum et ipse summus sacerdos secundum legem existere posse videretur + maluit docente intrinsecus incommutabili ratione veritatis ' novi Sacerdotis fieri preco * quam successor et heres existere veteris.

  • ibid. l. 28-39, p. 319.
60.3 Lectio tercia.

Maluit doctus in spiritu ' vocatis in desertum populis ' novi Testamenti sacramenta predicare * quam ad se venientibus in Templum ' gloriosissimo illi tunc temporis sacerdotii veteris officio preesse. Pretulit longam solitudinis sitim et esuriem ' continuis hostiarum sollemniis * pilis camelorum et cinctui zone pellicee ' auro textas pontificum postposuit stolas. Ut quid enim hec, fratres mei + nisi ut is qui merito justicie perfectioris ' auctoritatem sibi predicandi asciverat ' ipse etiam [201c] neglectu paterni pontificatus ostenderet ' quia indubius melioris pontificatus preco et precursor existeret ?

  • ibid. l. 39-49, p. 319.

61- Nativitas Sancti Johannis Baptistae

d, 24 VI

In festo beati Johannis Baptiste.

Sermo beati Maximi episcopi.

61.1 Lectio prima. Å .

Sollemnitates nobis diversorum martyrum, fratres carissimi * vite presentis occasus ' et suscepta ab eis pro nomine Christi passio consecravit. Beatus vero Baptista Johannes cujus nunc festivitate letamur * celestia mundo gaudia sterili ab utero hodie natus invexit. Et illi quidem indubitata jam gloria regnantem confessi sunt Dei filium + hic autem et nasciturum ' prophetalis spiritus illuminatione previdit * et natum privilegio gratie singularis1 ostendit. In tantum autem in beato Johanne spiritalis prefulsit electio * ut ante mereretur annuntiare Dominum ' quam linguam qua annuntiare posset ' acciperet.

  • Ps. Maximus, h 65, PL 57, c. 383B.
  • PD II 41
  • CPL 220, PLS III, c. 355, CPP 5798
61.2 Lectio secunda.

Denique Elisabeth illa vetus mulier ' et nova mater * venienti ad se beate Marie ' in ipso occursu salutationis ait : Ecce ex quo facta est vox salutationis tue in auribus meis * exultavit in gaudio infans in utero meo. [Luc. 1, 44] Quid est hoc miraculi, fratres ' que tantorum novitas gaudiorum + ut habere se in utero Elisabeth testaretur infantem ' qui necdum semetipsum sentiens ' dominicum jam sentiret adventum ? Vere puer iste omnium beatissimus parvulorum * qui intra viscera materna adhuc conclusus ' adesse Salvatorem mundi ' quia necdum sermone poterat ' prophetico gaudio revelavit.

  • ibid. c. 384B.
61.3 Lectio tercia.

Nullus ignorat, carissimi * omnem parvulum materno ab utero prodeuntem ' inter ipsa lucis exordia mestis concrepare vagitibus. Solus Baptista Domini * ultra legem nascentium nativitatem suam leticie exultatione prevenit. Et quam decuit, fratres ' ut de matre sterili nasceretur ' qui fecunditatem Virginis revelabat + quatinus mirabilem partum mirabiliter natus ostenderet ? Illud etiam quam stupendum quamque magnificum + quod Zacharias sacerdos pater futurus prophete ' quia angelo loquenti non credidit ' usum loquentis amisit ' donec promissione completa ' natus novi Hominis preco ' paterne lingue vincula relaxaret ?

  • ibid. c. 384B-385A.
61.4 Lectio quarta.

Os quidem quod angelus clauserat ' promissus ab angelo filius reseravit * ut agnosceret anxius senex ' per eum se sibi redditum quem de se non crediderat nasciturum + nec dubitaret ultra ' illum divinitus vel promissum vel natum fuisse * cujus causa se et amisisse probabat et recepisse sermonem. Quid hac, fratres, religione gloriosus ' quid hac insignius fide + in qua sterilis concipit ' virgo parturit ' mutus loquitur ' et in secreto maternorum viscerum ' pa[r]vuli totius mundi gaudia preludunt. Nec enim poterat veteri sub lege ordinem suum mortalis servare natura * quando per novam Divinitatis gratiam novum saluti omnium mysterium parabatur.

  • ibid. c. 385AB.
61.5 Lectio quinta.

Hic est Johannes * de quo prophetavit Ysaias dicens : Vox clamantis in deserto * parate viam Domini. [Is. 40, 3] Quam bene vox dicitur * qui venientem de celestibus in carne hominis ' unigenitum Dei pleno letus ore clamabat. Recte beatus Johannes vox dicitur * cujus intonante preconio sacramentum redemptionis humane ' surda dudum cepit audire mortalitas. Ut enim venerandus Baptista muto patri aperuit linguam * ita aures hominum salutaris gratie innovavit auditu.

  • ibid. c. 385B.
61.6 Lectio sexta.

Clamabat autem in deserto * ubi ad predicationem ejus nec insolens turba perstreperet ' nec infidelis auditor rideret + sed hi tantum audire possent ' qui predicantem cura tantum divini cultus expeterent * et adverterent eum vera annuntiare de Christo + qui pro assertione justicie ' ut illicitas Herodis nuptias increparet ' nec regem timuisset offendere ' nec squalorem carceris declinasset * nec tirannico gladio refugisset occidi.

Vere ergo dignus Johannes ' cujus prophetica esset nativitas * qui et de parentibus quorum esset desperata posteritas ' nasceretur. Nam tanta auctoritate in vocem predicationis erupit * ut et instantem Domini nuntiaret adventum ' et in semitas rectas ' male viventium dirigeret pravitatem.

  • ibid. c. 385C-386A.
61.7a Lectio septima.

Secundum Lucam.

In illo tempore * Elisabeth impletum est tempus pariendi * et peperit filium. Et reliqua.

  • Luc. 1, 57.
61.7b

Omelia venerabilis Bede presbiteri. Å .

Precursoris Domini nativitas ' sicut sacratissima lectionis evangelice prodit hystoria * multa miraculorum sublimitate refulget. Quia nimirum decebat ' ut ille quo major inter natos mulierum nemo surrexit * majore pre ceteris sanctis ' in ipso mox ortu virtutum jubare claresceret. Senes ac diu infecundi parentes * dono nobilissime prolis exultant. Ipsi patri quem incredulitas mutum redidderat * ad salutandum nove preconem gratie ' os et lingua reserantur. Nec solum facultas Domini benedicendi restituitur * sed de eo ' etiam prophetandi virtus augetur.

  • Beda Venerabilis, H II 20, CCSL 122, l. 1-10, p. 328.
  • PD II 44
  • CPL 1367
61.8 Lectio octava.

Excitati autem fama facti ' omnes vicini admiratione ac metu percelluntur * omniumque qui audiere2 circumquaque ' ad adventum novi prophete corda preparantur. Unde merito sancta per orbem Ecclesia * hujus tantummodo post Dominum ' etiam nativitatis diem celebrare consuevit.

  • ibid. l. 10-16, p. 328.
61.8N

Ex hoc apparet quod sollempnizatio nativitatis beate Virginis nondum instituta erat quando Beda composuit omeliam istam.3

61.8'

Quia sicut nato Domino pastoribus apparens angelus ait ' « Ecce evangelizo vobis gaudium magnum quod erit omni populo ' quia natus est vobis hodie Salvator qui est [201d] Christus Dominus + ita etiam angelus nasciturum Zacharie predicens Johannem ' Et erit, inquit, gaudium tibi et exultatio * et multi in nativitate ejus gaudebunt. » [Luc. 1, 14]

  • ibid. l. 18-23, p. 328-329.
61.9 Lectio nona.

Jure igitur * utriusque nativitas ' festiva devotione celebratur. Sed in illius tamquam in Christi Domini, tamquam in Salvatoris mundi ' tanquam in Filii Dei omnipotentis ' tamquam in Solis justicie nativitate ' ommni populo gaudium evangelizatur * in hujus autem tanquam in precursoris Domini ' in servi Dei eximii ' in lucerne ardentis ' et lucentis ex ortu ' multi gavisuri esse memorantur. Iste magnus coram Domino esse narratur + de illo autem propheta testatur ' quam magnus Dominus et laudibilis nimis * et magnitudinis ejus non est finis. Iste peccatorum consortia declinans ' ab omni quod inebriare potest abstinuit * ille inter peccatores conversatus ' peccati omnis immunis permansit. Hic adhuc ex utero matris Spiritu Sancto repletus est * in illo habitat omnis plenitudo divinitatis corporaliter.

  • ibid. l. 23-36, p. 329.

62- Nat. S. Johannis Baptistae

F[1] inf. oct.

In feria proximiori festo Johannis si non fuerit dominica.

Sermo sancti Augustini. Å .

62.1 Lectio prima.

Sancti Johannis cujus nativitatem cum Evangelium legeretur mirantes audivimus * sollemnitatem hodie celebramus. Quanta est gloria judicis + si tanta est preconis ? Qualis est venturus in viam + si talis est qui preparat viam ? Nativitatem celebramus Johannis * celebramus et Christi. Nascitur Johannes de anicula sterili * nascitur Christus de juvencula virgine. Johannem parit sterilitas * Christum integritas. In nativitate Johannis etas congrua non erat parentalis * in nativitate Christi complexus non erat maritalis. Ille angelo predicante nuntiatur * iste angelo nuntiante concipitur.

  • Augustinus, s 293, PL 38, cap. 1, c. 1327.
62.2 Lectio secunda.

Non creditur Johannes nasciturus * et fide concipitur. Fit prius adventus fidei in corde virginis * et sequitur fecunditas in utero matris. Eadem prope sunt verba Zacharie dicentis ' « per quid cognoscam » [Luc. 1, 18] * et Marie dicentis ' « quomodo fiet istud. » [Luc. 1, 34] Et tamen illi dicitur ' « Ecce eris tacens » [Luc. 1, 20] * isti dicitur : « Spiritus Sanctus superveniet in te ' et virtus altissimi obumbrabit tibi. » [Luc. 1, 35] Ille corripitur * ista instruitur. Illi dicitur ' « quare non credidisti » * isti dicitur ' « accipe quod quesisti. »

  • ibid.
62.3 Lectio tercia.

Prope modum eadem sunt verba * per quid cognoscam hoc ' et quomodo fiet istud. Sed eum qui verba audiebat ' et cor videbat ' non latebat. In utrisque verbis cogitatio latebat + sed homines latebat ' non angelos * immo non latebat eum qui loquebatur in angelis.

Videtur Johannes ' quidam interjectus limes Testamentorum veteris et novi. Sustinet ergo personam vetustatis * et preconium novitatis. Propter personam vetustatis de senibus nascitur * propter preconium novitatis ' in visceribus propheta declaratur.

  • ibid. cap. 1, c. 1327-1328, et cap. 2, c. 1328.

63- Nat. S. Johannis Baptistae

F[2] inf. oct.

In alia feria, si non fuerit dominica.

Sermo beati Maximi episcopi. Å .

63.1 Lectio prima.

Cunctorum quidem prophetarum, fratres carissimi * veneranda recordatio est. Beatus autem Johannes, cujus hodie natalis honoratur ' in tantum omnium illorum supergressus est gloriam * ut Salvatorem nostrum ' non solum esse venturum ' sed adventasse jam ' et cohabitare hominibus revelaret ' cum eum digito demonstrans ait : Ecce agnus Dei  * ecce qui tollit peccata mundi. [Jo. 1, 29] Quam innocens hujus vita ' vel qua devotione possumus ejus merita compensare + qui Agni celesti adventum ' et primus agnovit ' et solus ostendit ? Quam mirabile universis est beati Johannis preconium + de cujus ore ' primo absolutionem suam mundus audivit ?

  • Ps. Maximus, h 66, PL 57, c. 387BC.
  • PD II 42
  • CPL 220, PLS III, c. 355, CPP 5799
63.2 Lectio secunda.

Hic est, carissimi * de quo predictum est : Vox clamantis in deserto. [Is. 40, 3 - Jo. 1, 23] Clamaturus enim erat sicut et clamavit * ut obturatas diu aures mortalium ' predicando celestia ' aperiret. Quis hunc prophetam non tota admiratione suscipiat + quem tantum recognoscit obtinuisse a Deo ' ut ante ejus merita laudarentur ' quam nativitate formaretur ? Hic igitur * omnipotentis Dei cura ' per angelum promittitur nasciturus. Bene autem senissimis parentibus novus filius datur * qui senescenti labentique mundo ' unigenitum Dei ad spem future juventutis ostenderet.

  • ibid. c. 387C-388B.
63.3 Lectio tercia.

Idem in sermone Festivitatem presentis ». Å .1

Idcirco autem in hoc seculum superna dispensatione directus est * ut non solum ipse prophetali sublimaretur gloria ' sed et ut omnium prophetarum per eum preconia firmarentur.

Hic est plusquam propheta * cujus manibus baptizandum se Dei Filius inclinavit + eodemque momento Spiritum Sanctum venientem vidit in columba * et attestantis vocem audivit de celo.

Hic est cujus per angelum Gabrielem prenuntiatur est nativitas * nomen et meritum. Hic est qui judicio celestis sententie ' cunctis mortalibus antefertur.

Hic est etiam qui maluit a rege prosterni * quam regem non increpare peccantem.

  • Ps. Maximus, h 67, PL 57, c. 389B et 389C-390B.
  • PD II 43
  • CPL 220, PLS III, c. 355, CPP 5800

64- Nat. S. Johannis Baptistae

D inf. oct.

Dominica infra octavas beati Johannis Baptiste.

Sermo venerabilis Petri Damiani. Å .

64.1 Lectio prima.

Hodierna festivitas, dilectissimi ' mentes nostras eo clarius splendore quodam nove lucis irradiat * quo veri Luminis ortum ut recolamus ' invitat. Cui enim meditanti nativitatem Johannis ' non mox occurrit nativitas Christi + presertim cum [202a] nascendi Johannem de patre sene et sterili matre ' nulla extiterit causa alia nisi ut mirabiliter natus precederet singulariter nasciturum ' amicus videlicet sponsum ' famulus Dominum ' vox Verbum ' lucerna Solem ' preco Judicem ' salvatus precurreret Salvatorem ?

Precessit itaque Dominum ' precessit et semetipsum + quia cum necdum posset hominibus verba depromere * potuit latentem in utero Virginis regem Celi ' maternis visceribus nuntiare.

  • Petrus Damiani, s 24, CCCM 57, l. 3-11 et 18-23, p. 148.
64.2 Lectio secunda.

Johannem ante legalis mandati quodcumque remedium ' Spiritus Sanctus implevit +

et ipsum qui nove gratie preco enituit * ad evadendum originale peccatum ' supra legem ' supra humane conditionis ordinem ' electio divina provexit. Johanni etiam tanti honoris collata est gloria ' ut nativitati ejus ipsa Dei genitrix interesset * ejusque principium latens in utero mundi Conditor ' sua presentia dedicaret.

Nolebat namque Maria ab Elisabeth discedere * donec grandeve puerpere ' ministerium sedulitatis impenderet + et que gestabat in aula sui corporis Regem * cerneret anteire preconem. Felix partus * quem illa lux excipit ' que illuminat omnem hominem venientem in hunc mundum. [Jo. 1, 9]

  • ibid. l. 41-42, 47-54 et 58-62, p. 149.
64.3 Lectio tercia.

Johannes humanorum limes est meritorum. Quantumcumque enim apostolici senatus excellat auctoritas + quantumcumque vel patriarcharum fides in divina agnitione proficiat ' vel oracula prophetarum ad reseranda archana convalescant * quantumlibet cumuletur triumphantium gloria martirum ' quantumvis exfloreat vernans pudicitia virginum ' vel in verbis Vite se exerceat lingua doctorum + citra1 metam Johannis ' omnia cohibentur * nichil perfectionis ultra progreditur. Hujus incomparabilis vite seriem ' non hystoriografus quispiam ' post ejus obitum texuit * sed archangelus ille precipuus antequam conceptus esset ' sicut Domini ' sic et hujus opera miranda narravit.

  • ibid. l. 126-138, p. 151.
64.4 Lectio quarta.

Johannis preconium ' non assertione cujuslibet veridici hominis * sed ex ore ipsius didicimus Veritatis. Et ille est laudator Johannis * qui a cunctis celestibus ac terrenis laudatur et benedicitur creaturis. Ab illo denique verbo Johannis sunt deprompta preconia + per quod fundata est arida ' et moventur sidera * sunt et condita elementa. Enimvero quante magnificentie est ab illo mereri gloriam laudis ' apud quem summa felicitas est impetrare veniam pietatis + et ab illo preferri hominibus ' a quo gloriosum est utcumque probari ? Ait enim : Quid existis in desertum videre ? [Mat. 11, 9]

Et iterum : Hic est de quo scriptum est : Ecce mitto angelum meum ante faciem tuam * qui preparabit viam tuam ante te. [Mal. 3, 1-Mat. 11, 10]

  • ibid. l. 138-147 et 151-153, p. 151-152.
64.5 Lectio quinta.

Idem in sermone « Multa dilectissimi ».

Pensemus ' vir iste quantum eniteat + qui et a prophetis antepredictus ' et ab eodem quo Dominus angelo nuntiatus * ipsius etiam insuper testimonio Veritatis extitit gloriosus.

Perpendite quam angelica vita ejus erat + qui cum nullius signum virtutis ostenderet * Christum tamen illum esse omnis populus estimaret.

Sunt aliqui heremite. Sed quis sibi vivendi regulam in silvestri melle et locustarum esca prefixit ? Cui etiam ad asperitatem vestium non sufficerent saga cilicina caprarum ? Iste vero pilis induitur camelorum. Sunt sancti seculum reliquentes * sed iste puerilis adhuc indolis ' deserta penetrans ' decrevit solitarius habitare.

  • Id., s 25, CCCM 57, l. 23-28, p. 154, et 206-209 et 215-222, p. 159.
64.6 Lectio sexta.

Alii non coinquinantes vestimenta sua * virgines permanserunt. Hic autem ut in se carnis illecebras funditus precideret ' et non modo genitalia membra ' sed et aures et oculos in floride virginitatis viredine custodiret + cohabitationes humane contubernia respuit * et pre fervore Spiritus ferarum se lustris immersit. Inter purpuratos etiam martirum choros ' Johannes magisterii cathedram presidet ' quia pro testimonio veritatis strenuus bellator occubuit * omniumque pro Christo certantium dux factus vexillum triumphale martirii celo primitus invexit. Omnium itaque sanctorum particeps factus est choris * quia nulla sibi virtus defuit sanctitatis + immo tanto insignius inter omnes emicat * quanto actori2 omnium per meritum sublimius apropinquat.

  • ibid. l. 234-247, p. 160.
64.R

Si ista dominica evenerit in Vigilia Apostolorum, tres ultime lectiones fiant de omelia de vigilia. Alioquin fiant de omelia dominicali.

65- Nat. S. Johannis Baptistae

Oct.

In Octava beati Johannis Baptiste.

Augustinus in sermone « Natalem sancti Johannis ».

65.1 Lectio prima.

Solius Domini et beati Johannis ' dies nativitatis ' in universo mundo celebratur et colitur.

  • Caesarius Arelatensis, s 216, CCSL 104, p. 858, n° 814 l. 7-9.
  • AF II 39
  • PLS II, c. 854 et IV, c. 254, CPP 982a
65.1N

Ex hoc videtur quod nondum adhuc sollempnizabatur nativitas beate Virginis quando Augustinus fecit istum sermonem.1

65.1'

Illum enim sterilis peperit * istum virgo concepit. In Elisabeth sterilitas vincitur * in Maria conceptionis consuetudo mutatur. Elisabeth virum cognoscendo filium genuit * Maria angelo credidit ' et concepit. Concepit Elisabeth hominem sed solum * Maria autem Deum et hominem.

  • ibid. p. 858, n° 814 l. 9-13.
65.2 Lectio secunda.

Magnus Johannes * cujus magnitudini etiam Salvator testimonium perhibuit dicens : Non surrexit inter natos mulierum major Johanne Baptista. [Mat. 11, 11] Precellit cunctis * eminet universis. Antecedit prophetas + supergreditur patriarchas * quisquis de muliere [202b] natus est ' inferior est Johanne. Dicit fortasse aliquis : « Si inter natos mulierum Johannes major est * major est Salavatore. » Absit. Johannes enim ex muliere * Christus autem de virgine natus est.

  • ibid. p. 859, n° 814 l. 15-21.
65.3 Lectio tercia.

Johannes premissus est ante Dominum. Quid ergo dixit de Christo ? Nos omnes, ait, de plenitudine ejus accepimus. [Jo., 1, 16] Quid est « nos omnes » ? Prophete ' patriarche ' apostoli * quoquot sancti ' et ante Incarnationem premissi ' vel ab Incarnato missi. Si ergo intelleximus misterium * Johannes homo est ' Christus Deus est. Humilietur homo ' ut exaltetur Deus * secundum illud quod Johannes dixit : Illum oportet crescere * me autem minui. [Jo. 3, 30]

  • ibid. p. 859, n° 815 l. 4-13.
65.4 Lectio quarta.

Ut humilietur homo ' eo tempore natus est Johannes quo incipiunt dies decrescere2 * ut exaltetur Deus ' eo tempore natus est Christus quo incipiunt crescere dies. Magnum sacramentum, fratres. Ideo celebramus natalem Johannis sicut et Christi + quia ipsius nativitas plena est misterio humilitatis nostre * sicut nativitas Christi plena est mysterio altitudinis nostre. Ergo in homine minuamur * ut in Deo crescamus. In nobis humiliemur * ut in Deo exaltemur.

  • ibid. p. 859, n° 815 l. 13-20.
65.5 Lectio quinta.

Humilietur humana presumptio * ut crescat divina miseratio. Nam hujus rei sacramentum * in passionibus eorum impletum est. Ut minuatur homo ' caput Johannis absciditur * ut exaltetur Deus ' Christus in ligno suspenditur. Quare autem Dominus Johannem esse lucernam dixerit * breviter intimabo. Premissus est enim Johannes * velut vox ante Verbum ' lucerna ante Solem ' preco ante Judicem ' servus ante Dominum ' amicus ante Sponsum.

  • ibid. p. 859-860, n° 815 l. 20-28.
65.6 Lectio sexta.

Quoniam universum mundum tenebre opresserant ' et Solem justicie aspicere non valebat * beatus Johannes quasi lucerna premittitur + ut oculi qui lippitudine oppressi ' magnum lumen videre non poterant ' ad lumen lucerne primum quasi tenuem splendorem videre consuescerent * ut paulatim nubilo remoto ' ab illo celesti lumine letificari possent. Nisi enim Dominus beatum Johannem prius velut lucernam premitteret * claritatem ejus totus mundus sustinere non posset.

  • ibid. p. 860, n° 815 l. 28-32 et n° 816 l. 1-8.
65.7

Ysidorus in Libro de ortu, vita, vel obitu sanctorum etc.

Lectio septima.

Hic est Johannes Baptista filius Zacharie ex tribu Levi * in Jerusalem ortus ' angelo nunciante conceptus. Hic est prenuncius Christi ' preco Judicis ' propheta Altissimi + vox Verbi ' amicus Sponsi ' testis Domini * lucerna Luminis. Hic est terminus prophetarum ' baptismatis initium + qui prenuntiatus parentis vocem abstulit * genitus officium lingue reseravit.

  • Isidorus Hispalensis, De ortu, cap. 65, 1, p. 189-191.
  • CPL 1191
65.8 Lectio octava.

Hic est qui necdum editus ' Christum prophetavit * salutavit ex utero + in columba agnovit * in deserto demonstravit. Hic est cujus vestimentum lanugo fuit camelorum + habitatio heremus * victus mellis et locustarum cibus. Hic dum Herodem prohiberet fraternum violasse connubium * carceralibus tenebris mancipatus est.

  • ibid., cap. 65, 1-2, p. 191.
65.9 Lectio nona.

Hic est ' cujus caput regis filia ludens * a patre premium postulavit. At ille * interfectum ' male poscenti filie ' ebrius inter pocula dedit. Sepultus est autem in Sebastia opido Palestine ' que olim Samaria vocabatur * quam Herodes rex Judee ' Antipatris filius ' ob honorem Cesaris Augusti ' greco sermone Augustam vocavit.

  • ibid., cap. 65, 2, p. 191.

66- Johannes et Paulus, mm.

s, 26 VI

In festo beatorum martirum Johannis et Pauli.

66.N

Terentianus de quo hic habetur mentio. T .

66.1 Lectio prima.

Tempore quo Scitica gens Daciam ' et Tracias occupaverat * Gallicanus dux Romani exercitus ' Constantino carus et necessarius ' filiam ejus Constantiam in uxorem petebat. Videns igitur Constantia patrem suum super hoc contristatum ' cum desperaret ipsam a virginitatis proposito posse avellere + pie studens ejus tristiciam expellere ' de Deo confidens ' monuit ut Gallicano promitteret que petebat * si gentem Scitarum superaret.

  • cf. BHL 3236/3238
66.2 Lectio secunda.

Facta igitur sponsione de consilio Constantie + duo eunuchi ejus Johannes et Paulus traditi sunt Gallicano * due vero Gallicani filie virgines tradite sunt Constantie in spem quasi firmitatis majoris. Tunc Constantia devotissime Dominum rogavit + ut Gallicani filias ad sanctum virginitatis propositum converteret * ipsumque sue fidei applicaret. Quod et factum est.

66.3 Lectio tercia.

Facto enim voto Deo Celi ob victoriam ad consilium Johannis et Pauli + apparuit Gallicano juvenis ' in humero crucem ferens * et ait illi : « Sume gladium tuum * et sequere me. » Quem dum sequeretur * apparuerunt illi armati milites hinc et inde ' eum confirmantes. Duxerunt autem eum per medios hostes * usque ad regem eorum. Quem accepit. Factus igitur christianus * ita se Deo devovit ' quod etiam a conjugio abstinere proposuit. Ejus etiam filie virgines sunt Christo consecrate. Tandem martyrii coronam accepit.

66.4 Lectio quarta.

Porro Julianus postea factus imperator ' audiens quod Paulus et Johannes ex opibus quas Constantia reliquerat ' pauperes recrearent * [202c] mandavit eis ut sicut Constantino et Constanti ' sic sibi adhererent. Qui responderunt : « Quia reliquisti religionem virtutibus plenam * ab imperii tui societate nos omnino subtraximus. » Quibus ille mandavit : « Ego clericatum in Ecclesia obtinui. Sed considerans vanum esse ' inhertiam sectari * bellicis rebus animum dedi. Vos igitur, in aula nutriti, venite * ut primos vos habeam in palatio. Quod si contempnitis * agam ut non contempnar. »

66.5 Lectio quinta.

Tunc Johannes et Paulus dixerunt : « Deum non hominem tibi preponentes * amicitias tuas perdere non timemus. Et ideo scire te volumus * quia ad culturam tuam nunquam veniemus. » Quibus ait Julianus : « Decem dierum inducias concedo vobis * ut animum vestrum componentes ' ad me non coacti, sed ultro veniatis. Quod si non feceritis * coacti postea facietis quod sponte non vultis. »

66.6 Lectio sexta.

Johannes et Paulus dixerunt : « Jam decem dies indutiarum existima preterisse * et quod te minaris postea facturum ' hodie perfice. » Julianus dixit : « Putatis quod vos martires sibi faciant christiani ? Si quod dico non feceritis * puniam vos non ut martires ' sed quasi publicos hostes. » Tunc sancti viri christianos ad se invitantes ' ordinaverunt de omnibus que relinquere poterant * per totos decem dies die noctuque elemosinis insistentes.

66.7 Lectio septima.

Undecima igitur die constricti sunt intra domum suam * et a Terentiano ad eos misso cum militibus ' inventi sunt orantes. Qui dixit eis : « Dominus noster Julianus statunculum Jovis aureum ad vos misit ut ei sacrificetis * alioquin ' modo gladio feriamini. » At illi responderunt : « Si tuus est dominus Julianus * habeto pacem cum illo. Nobis non est alius dominus nisi unus Deus ' Pater et Filius et Spiritus Sanctus * quem ille negavit. »

66.8 Lectio octava.

Cum ergo sacrificare nolent * tercia noctis hora transacta ' Terentianus ut juxta placitum Juliani sine strepitu puniret eos ' foveam intra domum eorum fieri fecit + ibique decollatos abscondit * divulgans quod jussu Cesaris in exilium missi fuissent. Statim vero Julianus in bello Persarum occisus est. Cui cum Jovinianus imperator christianissimus successisset + aperte sunt ecclesie * cepitque religio christiana gaudere.

66.9 Lectio nona.

Demones autem ex obsessis corporibus intra domum sanctorum martirum eiciebantur. Itaque predicti Terentiani filius unicus venit intra domum sanctorum * et clamavit per os ejus demon ' quod Paulus et Johannes incenderent eum. Tunc veniens Terentianus in faciem prostravit se * clamans quod nesciens quod faceret ' homo paganissimus ' jussum Cesaris implesset. Cumque percepta baptismi gratia penituisset ' orans et flens ad sepulcra sanctorum * filius ejus a sanctis Dei mundatus est.

67- Petrus et Paulus, app., vig.

28 VI

In vigilia apostolorum Petri et Pauli.

67.1a Lectio prima, vel septima si fuerit dominica.

Secundum Johannem.

In illo tempore * dixit Symoni Petro Jesus : « Symon Johannis, diligis me plus his ? » Dicit ei : « Etiam Domine * tu scis ' quia amo te ». Et reliqua.

  • Jo. 21, 15.
67.1b

Omelia venerabilis Bede presbiteri.

Virtutem nobis perfecte dilectionis * presens sancti evangelii lectio commendat. Perfecta namque dilectio est * qua Deum ex toto corde ' ex tota anima ' ex tota virtute + proximum autem tamquam nos ipsos diligere jubemur. Et neutra harum dilectio sine altera valet esse perfecta + quia nec Deus vere sine proximo * nec sine Deo potest vere proximus amari. Unde Dominus totiens interrogato Petro an se deligeret ' et illo respondente quod eum ipso teste diligeret * adjungebat per singula ita concludens : Pasce oves meas * sive pasce agnos meos. [cf. Jo. 21, 15-17] Ac si aperte diceret : « Hec sola et vera est probatio integri in Dominum amoris * si erga fratres studueris curam solliciti exercere laboris. »

  • Beda Venerabilis, H II 22, CCSL 122, l. 1-11, p. 342.
  • PD II 45
  • CPL 1367
67.2 Lectio secunda.

Quicumque enim fratri opus pietatis quod valet impendere negligit + minus se Conditorem diligere ostendit * cujus mandatum in sustentanda proximi necessitate contempnit. Hec profecto caritas quoniam sine divine gratie inspiratione minime posset haberi ' tacite quodam modo Dominus insinuat * quia Petrum de illa interrogans « Symonem » eum « Johannis », quod nusquam alias, cognominat. Symon, inquit, Johannis ' diligis me plus his ? [Jo. 21, 15] Ubi quamvis simpliciter mentio facta terreni parentis ejus possit intelligi + non tamen ab re est ' siquis nomine Johannis donum superne generationis mystice indicatum velit accipere * de quo Johannes apostolus admonendo testatur. Carissimi, diligamus invicem * quoniam caritas ex Deo est1. [1 Jo. 4, 7] Symon namque « obediens » * Johannes dicitur « Dei gratia. »

  • ibid. l. 12-26, p. 342-343.
67.3 Lectio tercia.

Propterea ergo recte primus apostolorum cum de amore suo requiritur ' « Symon Johannis » id est « obediens Dei gratia » vocatur + ut liquido cunctis ostendatur ' hoc quod majore pre ceteris obedentia Domini jussis obsequitur ' quod ardentiori illum caritate amplectitur * non humani meriti, sed muneris esse divini. Unde et apostolus Paulus eadem [202d] gratia confortatus ' aiebat * quia caritas Dei diffusa est in cordibus nostris, per Spiritum Sanctum qui datus est nobis. [Ro. 5, 5] Qui ergo ceteris flagrantius Deum amare probatur ' « filius Johannis » cognominatur * quia nimirum virtus ejusdem amoris non nisi per gratiam Spiritus Sancti percipitur.

  • ibid. l. 26-36, p. 343.

68- Petrus et Paulus

d, 29 VI

Linus papa. Å .

In festo apostolorum Petri et Pauli.

68.1 Lectio prima.

Tempore Neronis dum Rome per Petrum et Paulum fides cresceret * ipse Nero per Simonem adversari cepit apostolis + quia illusionibus ita magus animum ejus obtinuerat * quod prosperitates se per eum in omnibus habiturum credebat. Sed Petrus vanitates ejus detexit. Tunc Symon ausus est jactare se * quod posset mortuos suscitare. Ipso tempore erat defunctus quidam adolescens propinquus Cesaris. Perrectum est ad Petrum. Fuerunt etiam qui Symonem accersiendum putarent * et utrique affuerunt.

  • cf. BHL 6667
68.2 Lectio secunda.

Tunc Petrus ait * ut Symon prius, si posset, mortuum suscitaret. Si nequivisset * se non defuturum ut Christus opem ferret defuncto. Symon vero conditionem interposuit * ut si mortuum suscitaret ' Petrus occideretur. Si vero illo nichil agente ' Petrus mortuum suscitaret * ipse simili sententie subjaceret. Exorsus est Symon + acessit ad lectulum * visus est caput agitare defunctus. Clamor attollitur * mira indignatio in Petrum esse cepit. Tunc Petrus ait : « Si vivit * loquatur ' surgat ' ambulet. Sin alias * fantasma hoc sciatis esse. »

68.3 Lectio tercia.

« Denique separetur, inquit Petrus ' magus a lectulo * et figmenta denudentur. » Abducitur itaque Symon a lectulo * et manet defunctus immobilis. Astitit Petrus a longe * et ait : « Adolescens * sanet te Dominus noster Jesus Christus ! » Et statim surrexit * et locutus est ' et ambulavit. Et cum vellet populus Symonem lapidare * ait Petrus : « Satis est ad penam ejus * quod agnoscit se superatum. Vivat ' et regnum Christi crescere videat. » Torquebatur magus * seseque ad omnem carminum suorum excitat potentiam. Et statuto die ' montem Capitolinum ascendit * ac volare cepit.

68.4a Lectio quarta.

Tunc Petrus cum orasset cum lacrimis * ait : « Adjuro vos in nomine Jesu Christi ' angeli Sathane qui eum fertis * ut dimittatis eum. » Et statim corruit * totoque fracto corpore ' post parvum spatium expiravit. Quod ubi Neroni compertum est * querere cepit causas quibus Petrum occideret.

68.4b

Dato autem ab ipso precepto * victus lacrimis Petrus populorum ' adquievit se Urbem egressurum. Ubi autem ventum est ad portam * vidit sibi Christum occurrere. Et adorans eum * ait : « Domine, quo vadis ? » Cui Dominus : « Venio Romam * iterum crucifigi. » Itaque Petrus reversus ' narrabat fratribus quod ei obvius fuisset Dominus * et declarasset quod in ipso esset crucifigendus.

  • cf. BHL 6655
68.5 Lectio quinta.

Cum autem animos fratrum consolaretur * supervenerunt quatuor apparitores, qui eum statuerunt Agripe prefecto. Qui ait : « Ausus es in deorum injuriam * nescio quem Christum inducere. » Tunc facta est facies apostoli sicut sol. Et ait : « Video quo tendis, dux libidinum ' atrocitatis inventor ' innocentium persecutor ' deceptorum fautor ' fallacie conditor * habitaculum Sathane. » Tunc prefectus crucifigi apostolum jussit. Tunc ingens subito concursus factus est * et ceperunt in Agripam sevire. Sed Petrus restitit + et sedata seditione, rogavit ' ut inversis pedibus crucifigeretur * ne ita servus crucifigeretur ut Dominus.

68.6 Lectio sexta.

Ubi autem factum est hoc * cepit de cruce populum consolari. Et viderunt qui lugebant ' angelos stantes cum coronis de floribus rosarum et liliorum * et erectum Petrum librum a Christo accipientem ' et verba que loquebatur ' inde legentem. Videns autem Petrus quod demonstrata esset gloria ejus fidelibus * dixit : « Gratias tibi ago, pastor bone * commendo tibi gregem tuum. » Et in hac confessione migravit ad Christum. Statimque Marcellus, unus ex discipulis ejus, corpus ejus deposuit * et cum aromatibus collocavit in loco qui dicitur Vatichanus. Ad quem veniens ipsa nocte Petrus * dixit ei : « Reputabitur tibi a Domino hec merces operis tui. »

68.7a Lectio septima.

Secundum Matheum.

In illo tempore * venit Jesus in partes Cesaree Philippii * et interrogabat discipulos suos dicens : « Quem dicunt homines esse filium Hominis ? » Et reliqua.

  • Mat. 16, 13.
68.7b

Omelia beati Ambrosii episcopi.

Nec turbe quidem ociosa opinio est * qua alii Heliam quem venturum putabant + alii Johannem quem decollatum sciebant * aut unum ex prophetis prioribus surrexisse credebant. Sed hoc supra nos est querere. Alterius scientie * alterius prudentie est. Nam si apostolo Paulo ' satis est nichil scire nisi Jesum Christum et hunc crucifixum [1 Co. 2, 2] + quid amplius michi desiderandum est scire quem Christum ? In uno enim hoc nomine * et divinitatis et incarnationis expressio ' et fides est passionis. Et ideo licet ceteri apostoli siluerint * Petrus tamen respondit pro ceteris : Tu es Christus filius Dei vivi. [Mat. 16, 16]

  • Ambrosius, Expositio evangelii secundum Lucam, CCSL 14, VI, = 93, l. 989-999, p. 207.
  • CPL 143
68.8 Lectio octava.

Complexus est itaque omnia * qui et naturam et nomen expressit ' in quo summa virtutum est. Scivit enim Petrus * quod in Filio [203a] Dei ' omnia sunt. Omnia enim dedit Pater Filio. [Jo. 3, 35] Si omnia dedit * eternitatem quam habet majestatemque transfudit. Sed quo pro te labor longius ? Finis fidei mee * Christus est. Finis fidei mee * Filius Dei est. Non licet michi scire generationis seriem * non licet tamen nescire generationis fidem.

  • ibid. = 93, l. 999-1012, p. 207.
68.9 Lectio nona.

Crede ergo sic ' quemadmodum Petrus credidit ' ut et tu beatus sis * ut et tu audire merearis ' quoniam non caro et sanguis tibi revelavit ' sed Pater meus qui in Celis est. [Mat. 16, 17] Caro enim et sanguis * non queunt nisi que terrena sint revelare. At vero que Spiritus loquitur carnis mysteria * non carnis et sanguinis mysterio ' sed divina inspiratione funduntur. Noli ergo adquiescere carni et sanguini + nec carnis et sanguinis precepta haurias * ut ipse caro et sanguis fias. Qui enim carni adheret ' caro est * et qui adheret Deo ' unus spiritus est. [1 Co. 6, 17]

  • ibid. = 94, l. 1013-1021, p. 208.

69- Commemoratio Sancti Pauli

sd, 30 VI

In Commemoratione beati Pauli.

Ysidorus in Libro de ortu, vita et obitu etc. ut supraa.

69.1 Lectio prima.

Paulus qui ante Saulus ' apostolus gentium ' advocatus Judeorum * a Christo de celo vocatus ' in terram prostratus est. Hic oculatus cecidit * cecus resurrexit. Ex persecutore autem effectus est vas electionis * ex lupo ovis. Ipse inter apostolos vocatione novissimus ' predicatione primus + in lege ' Gamalielis discipulus ' in evangelio Christi servus fuit. Hujus patria ' Judea fuit * genus ' de tribu Benjamin.

  • Isidorus Hispalensis, De ortu, cap. 68, 1, p. 199.
  • = BHL 6568n
  • CPL 1191
69.2 Lectio secunda.

Hic secundo post ascensionem Domini anno baptizatus * dignitatem meruit apostolatus. Plus quoque omnibus laborans ' multo latius inter ceteros Verbi gratiam seminavit * atque doctrinam evangelicam sua predicatione complevit. Incipiens quidem ab Jerosolimis usque ad Illiricum ' Italiam et Yspanias processit * ac nomen Christi multarum manifestavit gentium1 populis ' quibus non fuerat declaratum.

  • ibid. cap. 68, 2, p. 199.
69.3 Lectio tercia.

Hujus miracula ista esse noscuntur. Raptus tercium celum conscendit * seducentem Fitonis spiritum ' imperata discessione damnavit. Adolescenti mortuo * vitalem reintegravit spiritum. Cecitate percussit magum. Claudo proprium reformavit incessum. Diri serpentis nec sensit nec corruit morsu * sed igni dedit arsurum. Patrem etiam Publii * a febribus ' orando sanavit.

  • ibid. cap. 68, 2-3, p. 199-201.
69.4 Lectio quarta.

Ob amorem quoque Christi * Paulus multas passiones ' graviasque sustinuit corporis tormenta. In primis judaicas persecutiones ' et gentium miserias ' et laborem ' famem ' sitim ' frigus et nuditatem * die noctuque profundum ' naufragia ' et mille pericula passus est. Rabiem insuper ferarum ' verbera quoque ' carceralesque tenebras ' et tormenta chathenarum * squalores et vincula expertus est. Inter hec ligatur a Judeis + traditur gentibus ' lapidatur ad necem * in sporta per murum dimittitur.

  • ibid. cap. 68, 4-5, p. 201.
69.5 Lectio quinta.

Virgis quoque ceditur ' penis artatur + in carcere vinctus terremotu facto resolvitur * ad ultimum a Nerone gladio occiditur eo die ' quo et Petrus crucifixus est. Sic enim oportuerat * ut hi qui simul confessi sunt ' uno die coronarentur. Sepultus est autem Rome via Ostiensi ' anno post passionem Domini tricesimo septimo * tercio ab urbe Roma miliario ' contra orientalem plagam.

  • ibid., cap. 68, 5, p. 201-203.
69.6 Lectio sexta.

Jeronimus de Illustribus Viris. Å .

Hic est Paulus * qui extra numerum .XII.2 apostolorum ex opido Jude Egiscalis ' fuit. Quo a Romanis capto * cum parentibus suis Tarsum Cilicie commigravit. A quibus ob studia legis missus Jherosolimam * a Gamaliele eruditus est.

Cum autem primum ad predicationem ejus Sergius Paulus credidisset * ab eo quod eum Christi fidei subegerat ' sortitus est nomen. Et hic quidem ' juncto sibi Barnaba ' multis urbibus peragratis ' revertens Jherosolimam * a Petro et Jacobo et Johanne ' gencium apostolus ordinatur.

  • Hieronymus, De viris illustribus, cap. V, p. 10, l. 11-17 et l. 22-27.
  • < BHL 6569
  • CPL 616
69.7 Lectio septima.

Post passionem Domini vicesimo quinto anno, hoc est Neronis secundo ' Paulus Romam vinctus mittitur * et per bienium in libera manens custodia ' adversus Judeos de adventu Christi cotidie disputavit. Sciendum autem ' in prima satisfactione ' nondum Neronis imperio roborato ' nec in tanta erumpente scelera ' quanta de eo narrant hystorie ' Paulum a Nerone dimissum * ut evangelium Christi in Occidentis quoque partibus predicaret.

Quarto decimo autem Neronis anno ' eodem die quo Petrus crucifixus est * capite truncatur.

  • ibid. p. 10, l. 29 usque p. 11, l. 9, et p. 11, l. 22-23.
69.8 Lectio octava.

Linus papa, in descriptione passionis.

At ubi caput ejus precissum fuit * nomen Domini nostri Jesu Christi clara voce personuit. Statimque de corpore ejus unda lactis in vestimenta militis exilivit * et postea sanguis effluxit. Tanta etiam lucis immensitas et odoris suavitas ibi emicuit * ut mortalium oculi splendorem illum sufferre ' et humana lingua narrare nequiverit odorem.3 Dum autem hec narrata fuissent Cesari ' et ipse in domo sua super his cum narrantibus miraretur * venit Paulus januis clausis + stetitque ante Neronem * et ait : « Cesar + ecce ego Paulus * eterni Regis miles. Vel nunc crede ' quia non sum mortuus * sed vivo Deo meo. » Et hoc dicto * disparuit.

  • < BHL 6570
69.9 Lectio nona.

Gregorius Turonensis. Å .

[203b]

Factum est autem post mortem ejus in loco quodam * ut homo quidam laqueum ad extorquendam vitam sibi prepararet. Nomen tamen sancti Pauli invocabat dicens : « Adjuva me, sancte Paule.4 » Et ecce umbra squalida * hortans et dicens : « Eya age * ne moreris. » At ille semper aiebat : « Beatissime Paule * esto adjutor meus. » Expedito jam laqueo subito affuit alia umbra * dicens ei que cum homine erat : « Fuge, miserrime * invocatus enim Paulus ecce adest. » Tunc evanescentibus umbris * reversus est homo ad sensum suum ' penitentiam agens.

  • Gregorius Turonensis, In Gloria Martyrum, cap. 28, p. 504, l. 23-31 et p. 505, l. 1-4.
  • < BHL 6579
  • CPL 1024

70- Petrus et Paulus

F[1] inf. oct.

Sermo Augustini.

Infra octavas. In una feria.

70.1 Lectio prima.

Natalem apostolorum celebramus * quorum memoriam universus mundus amplectitur. Preciosam plane in conspectu Domini mortem sanctorum [Ps. 115, 15] * felici suo exitu comprobaverunt. Paulus, inquam, vas electionis * Petrus, clavicularius dominice mansionis. Paulus excecatus est ut videret * Petrus negavit  ' ut crederet. Paulus post persecutionem tanto factus est assertor fortior veritatis * quanto pertinacior fuerat cultor erroris.

  • Ps. Augustinus, s Caillau I 58, PLS 2, = 1, c. 1009-1010.
  • AF II 49
  • PLS II, c. 869, CPP 1288
70.2 Lectio secunda.

Petrus piscator non deposuit retia ' sed mutavit * quia primus honore sacerdotii muneratus ' fontes potius cepit amare quam maria+ ut non jam ad se traheret quos occideret ' sed mergeret quosquos levaret. Beati plane in administratione doctrine positi * beatiores in mortis desiderio constituti. Ibi enim gloria nutritur * hic traditur. In seculo exercitium tribulationis est * in morte assumptio majestatis. Quis hos audeat mortuos appellare + quorum fide universus mundus ad vitam erigitur ' et ad superni luminis mansionem festinat ?

  • ibid. = 1-2, c. 1010.
70.3 Lectio tercia.

Nemo dubitet + ibi Paulus est, qui auxilium prestet conanti * ibi Petrus est ' qui Celum aperiat venienti. Paulus decollatus est * Petrus versis pedibus crucifixus est. Decebat enim ut Paulus capite plecteretur * quia gentibus caput fidei probabatur. Petrus autem quia noverat caput viri Christum esse ' caput suum premissis pedibus sequebatur * paratus ad penam ' verecundus ad meritum. Melius profecto, Petre, suspenderis * quam magus volat. Ille alta petit ' ut profundius cadat * tu terre caput applicas ' ut Celum possideat.

  • ibid. = 2, c. 1010.

71- Petrus et Paulus

F[2] inf. oct.

Sermo ejusdem. Å .

In alia feria.

71.1 Lectio prima.

Piscatoris et persecutoris sacratissimum diem celebramus. Ille retia evasit seculi * iste ex predone ' confessor factus est Christi. Illum Christus vocat ex litore * istum clamat ex ethere. Illum accersit ex ponto * istum terret de celo.

Petrus qui ante captura letabatur in salo * Verbi retia nunc spargit in mundo.

Cadit Paulus miles Diaboli * ut surgat signifer Christi. Mittit Petrus in salo retiaculum * circumfert Paulus dominicum in mundo vexillum. Et iste piscatur homines * ille titulat signo crucis gentiles.

  • Ps. Augustinus, s ap. 205, PL 39, c. 2125-2126, = 1 (passim) et 3-4.
  • AF II 47
  • PLS II, c. 855, CPP 990
71.2 Lectio secunda.

Currunt utrique ad palmam martyrii + et utrique perveniunt ad coronam * non quidem eodem temporis cursu ' sed eodem anni vertentis occursu. Petrus pro Christo capite deorsum in ligno suspenditur * Paulus pro Christo gladio truncatur. Ille propriis gressibus proficiscebatur ad Christum * oc(c)ulisque superiora respiciens ' beatum spiritum deducebat ad Celum. Iste cervicem curvabat ad penam * et offerebat verticem capitis ad coronam.

  • ibid. c. 2126, = 4.
71.3 Lectio tercia.

Duo genera suppliciorum Domini in duobus apostolis reperimus. Petrus patitur crucem * Paulus sentit dominici lateris pugionem. Piscatorem suspendit amor Crucis * persecutorem mucro minuit persecutoris. Et nunc ad memoriam piscatoris * flectuntur genua imperatoris. Ibi radiant gemme dyadematis * ubi fulgent beneficia piscatoris. Prestitit passio socios * quos fecerat fidei predicatio copulatos. Veneremur ergo principes gregis nostri * si volumus caulas intrare1 pastoris.

  • ibid. c. 2126-2127, = 4.

72- Petrus et Paulus

F[3] inf. oct.

Maximus in sermone « Gloriosissimos ». Å .

In alia feria.

72.1 Lectio prima.

Ecclesiarum omnium patres piissimis studiis honoremus ' quibus factus est hodie de morte natalis * quibus vivere Christus erat ' et mori lucrum. [cf. Philip. 1, 21] Erat eis Christus vivere * quibus non erat vita sine Christo. Erat eis Christus vivere * quia Christi totum proficiebat Ecclesiis quod vivebant. Erat eis et mori lucrum * quia tali morte vitam sibi mercabantur eternam. Quorum corruptioni incorruptio succedebat * et damna presentium temporum lucra perpetua sequebantur.

  • Ps. Maximus, h 68, PL 57, c. 391B-392A.
  • PD II 47
  • CPL 220, PLS III, c. 355, CPP 5801a
72.2 Lectio secunda.

Sed jam necessarium reorum * ut proprias eorum virtutes proloquamur. Hic est Petrus, qui confitendo Dei filium ' credendi fundamenta constituit +

qui claves Regni celestis, antequam introiret, accepit *

quem Christi esse confidentissimum ' subjecta maria probaverunt.

Hic est Petrus, cui Christus communionem sui nominis indulsit * ut sicut petra erat Christus ' ita et Petrus factus est petra.

Hic est ' cui Christus ascensurus oves commendat.

Hic est qui tam securus perrexit ad crucem * ut moriendi ordinem tam acerba in passione quereret.

  • ibid. c. 392A, 393AB et 394AB.
72.3 Lectio tercia.

Quid de Paulo referam ?

Hic est qui tercium raptus ad celum ' celestia secreta cognovit * ut inter angelos disceret quod inter homines predicaret. Hic est qui non solum audita loquitur * sed [203c] et visa testatur. Hic est qui cervicem quam adversus Christi nomen ' superbus erexerat * gladio humillimus pro nomine Christi submisit. Nec piguit eum pro eo mori * quem sepe probaverat vivere.

Hi ergo sunt qui sacramentum Regni celestis uno spiritu predicantes * sub unius passione diei doctrinam suam pio sanguine consecrarunt.

  • ibid. c. 394C et 396AB.

73- Petrus et Paulus

F[4] inf. oct.

Ambrosius in sermone « Notum ». Å .

Alia feria.

73.1 Lectio prima.

In omnem terram mirabilium Petri virtus * et in fines orbis terre epistolarum Pauli verba penetrarunt. Quis enim non audivit quod Petrus claudo pedum restituerit firmitatem +

ut sicut in Ecclesia fundamenta continet ' ita et in homine membrorum fundamenta confirmet ?

Quis autem locus ' Pauli verba litteris non inscribit + corde retinet ' conversatione custodit ? Paulus ' vas electionis est nominatus. Bonum vas * de cujus plenitudine substantia vite ' populis semper erogatur ' et plenum est.

  • Maximus, s 9, CCSL 23, = 1, l. 6-11 et 27-28, p. 31, et l. 31-36, p. 32.
  • AF II 52
  • CPL 221, PLS III, c. 361, CPP 107
73.2 Lectio secunda.

Optima apostolorum nomina ' petra et vasculum * necessaria domui Salvatoris ! Domus enim fortitudinis petra construitur * utilitate vasis ornatur. Petra ad firmitatem ne labantur ' sustentat populos * vas ad custodiam ne temptentur ' operit christianos. Exitus vero eorum quam beatus fuerit * nemo est qui nesciat. Nam Petrus sicut Salvator crucis exitum tulit * de Pauli vero cervice fluxisse magis dicitur lactis unda ' quam sanguis.

  • ibid. = 1-2, l. 36-51, p. 32.
73.3 Lectio tercia.

Lactis autem unda in sancto Paulo stupenda non est. Quid enim mirum ' si abundat lacte nutritor Ecclesie ? Hec est plane promissionis illa terra * quam Patribus promisit Deus ' dicendo ' dabo vobis terram fluentem lac et mel [cf. Ex. 13, 5, etc.]. Que enim epistola Pauli non melle dulcior est ' et lacte candidior ? Que epistole * populos Ecclesiarum nutriunt ad salutem ' de cervice ergo Apostoli * juste pro sanguine lac manavit.

  • ibid. = 2, l. 53-63, p. 32-33.

74- Petrus et Paulus

D inf. oct.

Leo papa in sermone « Omnium ». Å .

Dominica infra octavas.

74.1 Lectio prima.

Hodierna festivitas speciali Urbis exultatione veneranda est * ut ubi precipuorum apostolorum glorificatus est exitus ' sit leticie principatus. Isti enim sunt viri per quos tibi evangelium Christi, Roma, resplendenduit + et que eras magistra erroris * facta es discipula veritatis.

Isti sunt sancti patres tui ' verique pastores + qui te regnis celestibus inserandam ' multo felicius condiderunt * quam illi quorum studio prima menium tuorum fundamenta locata sunt. E quibus is qui tibi nomen dedit * fraterna te cede fedavit.

  • Leo papa, Tractatus 82, CCSL 138A, l. 4-23, p. 508-509.
  • AF II 46, PD II 46
  • CPL 1657
74.2 Lectio secunda.

Isti sunt qui te in hanc gloriam provexerunt ' ut sis civitas sacerdotalis et regia [cf. Ap. 1, 6] + per sanctam beati Petri sedem ' caput totius orbis effecta * latius presidens religione divina ' quam dominatione terrena. Minus est enim quod tibi bellicus labor subdidit * quam quod pax christiana subjecit. Deus namque bonus omnipotens '

ut inenarrabilis gratie per totum mundum diffunderetur effectus ' Romanum regnum preparavit * ut cito pervios haberet populos predicatio generalis ' quos unius teneret regimen civitatis.

  • ibid. l. 23-31 et 40-55, p. 509-511.
74.3 Lectio tercia.

Hec autem civitas cum pene omnibus dominaretur gentibus * omnium gentium serviebat erroribus.

Beatissimus igitur Petrus apostolici princeps ordinis ' ad arcem Romam destinatur imperii * ut lux veritatis efficacius se ab ipso capite per totum mundi corpus effunderet. Cujus autem nationis homines in hac tunc urbe non essent + aut que usquam gens ignoraret quod Roma didicisset ? Hic conculcande philosophie opiniones + hic dissolvende erant terrene sapientie vanitates * hic confutandus demonum cultus.

  • ibid. l. 56-60 et 68-82, p. 511-512.
74.4 Lectio quarta.

Ad hanc ergo urbem, beatissime Petre, venire non metueris +

nec mundi dominam times Romam * qui in Cayphe domo expaveras sacerdotis ancillam.

Ad hanc coapostolus tuus Paulus ' gentium magister occurrens * eo tibi consociatus est tempore ' quo omnis innocentia ' omnis pudor ' omnisque libertas ' sub Neronis laborat imperio. Cujus furor '

primus nomini christiano atrocitatem persecutionis intulit * quasi per sanctorum neces ' gratia Dei posset extingui.

  • ibid. l. 88-89, p. 512, 95-96, p. 513, 127-131, p. 515 et 137-139, p. 516.
74.5 Lectio quinta.

Verum non minuitur persecutionibus Ecclesia ' sed augetur * dum grana que singula cadunt ' multiplicata nascuntur. Unde duo ista preclara divini seminis germina ' in quantam sobolem pulularint * beatorum martyrum milia protestantur + que apostolicorum emula triumphorum ' Urbem purpuratis longe lateque rutilantibus populis ambierunt * et quasi ex multarum honore gemmatum confecto uno dyademate ' coronarunt.

  • ibid. l. 149-160, p. 516-517.
74.6 Lectio sexta.

Universaliter quidem in omnium sanctorum commemoratione letandum est * sed in horum excellentia patrum ' merito est exultantius gloriandum + quos gratia Dei in tantum apicem provexit * ut eos in corpore cui caput Christus est [cf. Col. 1, 18] ' quasi geminum constitueret lumen [203d] oculorum. De quorum virtutibus que omnes loquendi superant facultates ' nichil diversum ' nichil debemus sentire discretum * quia illos et electio pares ' et labor similes ' et finis fecit equales.

  • ibid. l. 162-171, p. 517.
74.R

Tres alie lectiones summantur de omelia dominicali.

75- Petrus et Paulus, Oct.

s, 6 VII

In Octava apostolorum.

75.1 Lectio prima.

Sermo Maximi episcop. Å .

Cum omnes apostoli parem gratiam apud Deum sanctitatis obtineant * Petrus tamen et Paulus videntur quadam fidei virtute precellere. Petro quidem sicut bono dispensatori ' clavem Regni celestis Dominus dedit + Paulo tanquam ydoneo doctori ' magisterium ecclesiastice institutionis injunxit * ut quos iste erudierit ad salutem ' ille suscipiat ad quietem + et quorum corda Paulus patefecerit doctrina verborum * eorum animabus Petrus aperiat Regna celorum.

  • Maximus, s 1, CCSL 23, = 1, l. 2-11, p. 2.
  • AF II 50, PD II 51
  • CPL 221, PLS III, c. 358a
75.2 Lectio secunda.

Clavem etiam scientie * et Paulus accepit. Clavis enim dicenda est ' qua ad fidem corda reserantur * et mentium secreta panduntur. Clavis, inquam,1 est * que et conscientiam ad penitentiam aperit + et gratiam mysterii salutaris includit. Ambo igitur claves receperunt + scientie iste * ille potentie. Divitias immortalitatis ille dispensat * scientie thesauros iste largitur. Ergo inter universos apostolos * quadam prerogativa precellunt.

  • ibid. = 1-2, l. 12-24, p. 2.
75.3 Lectio tercia.

Puto autem illos esse equales meritis * quos simul videmus ad martyrii gloriam pervenisse. Non enim sine causa factum putamus * quod uno die ' uno in loco ' unius tyranni tolleravere sevitiam. Una die passi sunt * ut ad Christum pariter pervenirent. Uno in loco * ne alteri Roma deesset. Sub uno persecutore * ut equalis crudelitas utrumque constringeret. Dies ergo pro merito + locus pro gloria * persecutor decretus est pro virtute.

  • ibid. = 2, l. 25-34, p. 2-3.
75.4 Lectio quarta.

In Urbe autem martirium pertulerunt * ut ubi caput superstitionis erat ' illic caput quiesceret sanctitatis + et ubi gentilium principes habitabant * illic Ecclesiarum principes morarentur. Cujus autem meriti sint ' hinc possumus2 intelligere + quod cum Dominus orientis regionem propria illustraverit passione * occidentis plagam vice sui apostolorum sanguine illuminare dignatus est. Et licet illius passio nobis sufficiat ad salutem * tamen horum martirium nobis contulit ad exemplum.

  • ibid. = 2, l. 34-44, p. 3.
75.5 Lectio quinta.

Hodierna igitur die beati apostoli sanguinem profuderunt * quia magum illum Symonem ' de aeris vacuo ' precipitii ruina prostraverunt. Cum enim magicis artibus volare cepisset + Petrus flexis genibus precatus est Dominum * et precatione sancta vicit magicam levitatem. Prior enim ascendit ad Deum precatio quam volatus * et ante pervenit justa petitio ' quam iniqua presumptio.

  • ibid. = 3, l. 45-55, p. 3.
75.6 Lectio sexta.

Ante Petrus in terris positus obtinuit quod petebat * quam Symon perveniret ad celestia quo tendebat. Tunc igitur Petrus illum elidens ' ejus crura confregit + ut qui volare temptaverat ' ambulare non posset * et qui pennas assumpserat ' plantas amitteret. Permisit illum sublimius ascendere * ut altius caderet. Voluit eum in excelsum levari ad conspectum omnium * ut ruentem illum de excelso ' oculi omnium perviderent.

  • ibid. = 3, l. 55-66, p. 3-4.
75.7a Lectio septima.

Secundum Matheum, XIIII.3

In illo tempore * jussit Jesus discipulos suos ascendere in naviculam * et precedere eum trans fretum ' donec dimitteret turbas. Et reliqua.

  • Mat. 14, 22.
75.7b

Omelia beati Augustini episcopi. Å .

Cum sanctum evangelium legeretur * audivimus naviculam periclitantem + Christum periclitantibus subvenientem * Petrum venienti Christo occurrentem. In quibus omnibus miraculum spectavimus * misterium requiramus. Quando enim possumus de divinis operibus que leguntur ' intellectum alicujus mistice significationis exculpere * quasi de abstrusis favorum cellis mella producimus + vel Christi discipulos imitantes ' spicas manibus confricamus * ut ad latentia grana perveniamus ' et in eis vitam inveniamus.

  • Eraclius presbyter, s II B, ed. P. Verbraken, RB 71 (1961), p. 18, l. 4-11b.
  • CPL 388, PLS II, c. 404 et 843, CPP 857
75.8 Lectio octava.

Ascendit ergo Dominus noster Jesus Christus ' ut lectum est, in montem solus orare. [Mat. 14, 23] Mons altitudo est. Quid enim in hoc mundo altius celo ? Quis vero in celo ascendit * novit optime fides vestra. Cur autem solus ascendit ? Quia nemo ascendit in celum ' nisi qui descendit de celo ' Filius Hominis qui est in celo [Jo. 3, 13] + quamvis et in fine cum venerit ' et nos omnes membra sua collegerit ' ac levaverit in Celum * etiam tunc solus ascendet ' quia caput cum corpore suo ' unus est Christus.

  • ibid. l. 12-18.
75.9 Lectio nona.

Tunc autem ipse ascendit solus orare * qui ascendit ad Patrem pro nobis interpellare. Verumtamen, carissimi, dum ille orat in excelso * navicula turbatur fluctibus in profundo. Quia vero insurgunt fluctus ' potest illa navicula turbari + sed quia Christus orat * non potest mergi. Navicellam istam, fratres ' Ecclesiam cogitate * turbulentum mare ' hoc seculum. Quando aliquis impie voluntatis ' maxime potestatis ' persecutionem indicit Ecclesie * super naviculam Christi ' grandis unda consurgit. Sed in his temptationibus erigatur antenna * ut suspensa arbori crucem figuret. Hanc christianus respiciat * et non deficiat.

  • ibid. l. 20-30.

76- Septem Fratres

tl, 10 VII

Gregorius in omelia .IIIa. scilicet in illa « Loquente Jesu ad turbas * ecce mater ejus et fratres stabant foris ».

[204a]

In festo septem fratrum.

Beatus Gregorius in omelia etc.1

76.1 Lectio prima.

Beata Felicitas que credendo extitit ancilla Christi * predicando facta est ' etiam mater Christi. Septem quippe filios sicut in gestis ejus legitur ' sic post se timuit vivos in carne relinquere * sicut carnales parentes solent metuere ne mortuos premittant. In persecutionis enim labore deprehensa ' filiorum corda in amorem superne patrie predicando roboravit + et parturivit spiritu quos carne pepererat * ut predicando pareret Deo ' quos carne pepererat mundo.

  • Gregorius Magnus, H I 3, PL 76, c. 1087A.
  • PD II 124
  • CPL 1711
76.2 Lectio secunda.

Considerate, fratres carissimi, in femineo corpore virile pectus. Ad mortem stetit inperterrita + amittere se in filiis lumen veritatis timuit * si non fuisset orbata.

Aspexit mater et cruciata et inperterrita filiorum mortem * spei gaudium adhibuit ' dolorem nature. Timuit viventibus * gavisa est morientibus. Optavit nulllum post se relinquere + ne si quem superstitem haberet * non posset habere consortem. Filios tamen suos quos carnem suam esse noverat ' sine dolore non poterat morientes videre * sed erat vis amoris interior que dolorem vinceret carnis.

  • ibid. c. 1087AC.
76.3 Lectio tercia.

Amavit juxta carnem beata Felicitas filios * sed pro amore celestis patrie mori coram se voluit quos amavit. Ipsa vulnera eorum accepit * sed ipsa in eis ad Regnum pervenientibus excrevit. Recte ergo hanc feminam ultra martirem dixerim * que et totiens in filiis est ' et desiderabiliter extincta. Dum enim multiplex martirium obtinuit + ipsa quoque martirii palmam vicit * quia et amore Christi ' sola sua mors ei minime suffecit.

Consideremus ergo nos qui corpore viri sumus * in hujus femine comparatione quid sumus. Plerumque nos a bono opere revocant verba * hanc vero frangere nec tormenta potuerunt ab intentione sancta. Nos cum ex divina jussione filios amittimus ' sine consolatione lugemus * hec autem eos plangeret ' si non obtulisset.

  • ibid. c. 1088AC.

77- Margareta, v. et m.

s, 20 VII

In festo sancte Margarete virginis et martiris.

77.N

Theotinus vir in omni sapientia et scientia doctus qui, scrutatus multas scripturas, neminem invenit in quem oporteret credere nisi in Christum, qui tandem baptizatus cum nutrice beate Margarete ministravit ipsi in carcere et agonem ejus vidit, scripsit hanc legendam.

Et nota quod in diversis libris invenitur sub diversis stilis descripta ; quod autem hic1 habetur, decerptum est de legenda illa que veriora continere videtur. Å .

77.1 Lectio prima.

Beata Margareta in pago Anthiocheno ex gentilibus nobilibus edita ' nutrici traditur * a qua studiose nutritur. Adulta christianitatis meritum suscepit * et virginitatis concepit amorem. Moritur interea mater. Cumque pater propter christianitatem ' illam exosam haberet + illa in domum nutricis se contulit * et ejus oves pascebat. Erat autem mire pulcritudinis * et oculis omnium gratiosa. Accidit autem * ut prefectus Olibrius iter faciens ' raptus ejus pulcritudine ' sisti eam sibi juberet.

  • < BHL 5303-5305
77.2 Lectio secunda.

Impudico presidi ' virgo pudicissima presentatur * ad quam sic loquitur : « Tuum nobis bona puella et nomen ' et genus ' et religionem edicito. » Illa respondit : « Margareta vocor + genere sum nobilis * religione christiana. » Ait preses : « Duo prima sibi convenientia sunt * tercium vero absurditas est. Nam quid insipientius + quam ut Deum sibi quis faciat crucifixum ? » Margareta respondit : « Dic, oro * unde didiceris Dominum Jesum fuisse crucifixum. » Preses ait : « Ex libris christianorum. » Margareta respondit : « Que vecordia est ' ut cum in eisdem libris legatur * et pena Christi et gloria + alterum credatis ' alterum renuatis ? »

77.3 Lectio tercia.

Ad hec et similia preses ira commotus ' inquit : « In carcere recludatur. Cras melioris forte consilii fiet. » Fit repente quod jussum fuerat. Altera die presidi presentatur. Ad quam preses : « Margareta * optio tibi datur. Aut sacrifica diis ' et digna eris thalamis nostris + aut si respueris * diris cruciatibus consumeris. » Maragareta respondit : « Fac quod potes * quia quod vis, ego non faciam. » Ad hec exuitur ' suspenditur ' verberatur virgis acerrimis ' sanguinis rivi fluunt * nec suspirat illa. Tunc preses : « Miserere pulcritudinis tue. » At illa : « Misereor pulcritudinis anime mee * ne decorem perdam ymaginis divine. »

77.4 Lectio quarta.

Tunc preses : « Irridemur, ait. Adhibeatur ungula durior * que carnem scindat ' ossa denudet ' viscera pandat. Unane nos puella superabit ? » Dixit * et facta sunt omnia. Flent igitur circumstantes * miserantes sevum tenere cruciatum puelle. At illa : « Omnis vestra miseratio circa corpus occupatur * carnalia tantum diligentes ' carnem tantum cruciari doletis. Ego vero que magis anime quam corporis amo salutem * unius pena mercabor utriusque gloriam. Diis autem sicut sepe dixi numquam divinitatis exhibebo culturam. »

77.5 Lectio quinta.

Audiens hec preses * exclamat : « Jam non parcam + tollatur ' trahatur [204b] ad carcerem * nova excogitabo penarum genera. » Rapitur extimplo * clauditur in tenebras. Sed lux in carcere divinitus est accensa * que sole clarior radiavit. Tunc antiquus Hostis ' quam penis superare non potuit * agreditur terrere fantasmate. Transformatur itaque in draconem terrificum * et quasi devoraturus eam ' impetum facit in virginem. Sed illa signo crucis opposito * prodigium deduxit ad nichilum. Sed non destitit adversarius + formam induit hominis * et specie quasi consulentis amici ' carcerem ingreditur.

77.6 Lectio sexta.

At ubi virgo vidit ipsum ' per Spiritum demonem intellexit * et presumptione virtutis Christi ' manu cervicem ejus apprehendens ' dejecit ad terram + et pede sancto caput impium calcans * « Sternere, inquit, superbe Demon ' sub pedibus femine. » Tunc Demon ejulans * « Permitte, ait, Margareta, me discedere ' non ultra tibi appropinquaturum. » Virgo dixit : « Fatere prius * ad quid veneris. » At ille : « Veneram ' ut quasi consulens saluti tue * persuaderem tibi presidis voluntati parere. Jam nunc ut abeam jube * quia satis lusisti de me. » Tunc virgo pedem levans * « Surge, inquit, miser. » At ille velut fumus evanuit.

77.7 Lectio septima.

His peractis * dies illuxit. Conveniunt populi * Maragarete certamen spectaturi. Jubet preses adduci virginem * et ait : « Magna circa te deorum est patientia * vel nunc eos adorando placa. » Margareta respondit : « Tanta est eorum patientia * ut eis nullus vel dolor sit vel sensus. » Auditis his * preses exclamat : « Exuatur contemptrix deorum * incendatur ignibus. » Ilico exuitur + apponitur ignis * ardentes lampades junguntur ad latera. Quod cum fieret * dicebat : « Non sunt condigne passiones hujus temporis * ad futuram gloriam. » [Rom. 8, 18]

77.8 Lectio octava.

Tunc preses ait : « Afferatur dolium * aqua impleatur + in illud manibus pedibusque ligatis diutissime teneatur * ut commutatio tormentorum pena sit gravior ' non refrigerium. » Impletur statim * quod fuerat imperatum. Sed ecce terremotus ilico factus est magnus + vinculaque quibus ligata fuerat rumpuntur * et ipsa nichil lesa ' de aqua egreditur ' laudans et magnificans Jesum Christum. Videntes autem populi mirabilia Dei ' clamorem ad sydera tollunt * verum Deum dicentes Jesum Christum. Et duodecim fere milia crediderunt in eum.

77.9 Lectio nona.

Tunc preses cernens ruere populum ad fidem + timens ' ne si diutius viveret ' omnes ad Christum converteret * jubet eam gladio feriri. Illos quoque qui crediderant * variis mortibus transmisit ad Celum. Ducitur ergo ad palmam sanguinis * jubetur a spiculatore cervicem parare. Illa petit spatium orandi * conceditur. Tunc cor et manus dirigens ad Deum * dixit : « Gratias tibi ago Domine Christe * quia certamen meum ad victoriam perduxisti. Conserva, queso, credentes in te * et nondum credentes converte. Eorum quoque qui me persequ[u]ntur miserere + et eos qui te per me fuerint deprecati, exaudi propitius * et jam spiritum meum in pace suscipe. » Et hoc dicto ' genu flexit + cervicem erexit * et lictor uno caput amputavit ictu.

78- Praxedis, v.

tl, 21 VII

In festo sancte Praxedis virginis.

78.1 Lectio prima.

Relatio Pastoris de sancta Praxede virgine. Å .1

Virgo venerabilis Praxedis cum esset afflicta propter transitum germane Potentiane * multi nobiles christiani veniebant ' et consolabantur eam ' cum sancto Pio episcopo. Eodem tempore rogavit ipsa beatum Pium episcopum ' ut in termis Novati que jam in usu non erant ' ecclesia edificaretur * quia edificium magnum et spatiosum in eisdem videbatur esse. Quod et placuit sancto Pio episcopo. Et edificavit ecclesiam termas Novati in nomine beate Praxedis virginis * accepta potestate in urbe Roma.

  • < BHL 6920/6920c
78.2 Lectio secunda.

Post annos duos ' et dies decem et octo ' facta est persecutio magna christianorum ' ita ut traherentur ad ydolorum culturam * et multi martirio coronati sunt. Virgo autem Praxedis fervens spiritu ' multos christianos occultavit in eodem titulo * quos et cibo pascebat ' et verbo Sancti Spiritus. Tunc divulgatum est Anthonino imperatori * quod conventus fieret in titulo Praxedis. Qui mittens tenuit multos + inter quos etiam tenuit Siminitrium presbiterum ' cum aliis viginti duobus * quos sine interrogatione gladio puniri precepit in eodem titulo.

78.3 Lectio tercia.

Horum corpora noctu beata Praxedis collegit * et sepelivit in cimiterio Priscille ' sub die septimo kalendarum juniarum. Tunc afflictione constricta beata Praxedis ingemuit * et oravit ad Dominum ut transiret ex hoc mundo. Cujus orationes et lacrime * ad dominum Jesum Christum pervenerunt. Peractis igitur triginta quatuor diebus ' post necem sanctorum supradictorum et coronam * migravit ad Dominum virgo sacra ' duodecimo kalendas augustas. Cujus corpus ego Pastor presbiter sepelivi juxta patrem suum in cimiterio Priscille ' via salaria * ubi hodie florent orationes sanctorum.

79- Maria Magdalenae

sd, 22 VII
79.1-4N

Sermo qui communiter legitur in Ecclesia, editus de diversis dictis evangelistarum et sanctorum de Magdalena. Å .

[204c]

In festo beate Marie Magdalene.

79.1 Lectio prima.

Fuit igitur secundum seculi fastum clarissimis exorta natalibus beatissima Maria Magdalene * que ut Patrum asserunt traditiones ' a Magdalo castello Maria Magdalene nuncupata(ta) est. Hanc non solum generis sui dignitas ' verum etiam patrimonii jura ' et parentum successus splendidam reddiderant * adeo ut duplicatus honor ' nominis excellentiam circumquaque1 diffunderet. Solent enim apud homines plus divitum quam pauperum sciri nomina. Sed quia rerum affluentiam voluptas interdum comes assequitur * adolescentioris vite tempora ' lubricis supposuit regenda discursibus ' soluto pudicitie freno.

  • Pseudo-Odo Cluniacensis, sermo de beata Maria Magdalene, PL 133, c. 714B.
  • BHL 5439
79.2 Lectio secunda.

Hec est illa mulier in civitate peccatrix * cui secundum Lucam ' quia dilexit multum ' dimissa sunt peccata multa. [Luc. 7, 37] Hec est cui secundum Marcum ' surgens Jesus primo apparuit * de qua ejecerat septem demonia. [Marc. 16, 9]

Hec est que super Domini caput ' preciosissimi liquorem effudit odoris.

Hec est que adepta clementia ' postpositis omnibus ' adeo Domino familiaris est effecta * ut ipsum non solum mente ' sed etiam corpore2 sequeretur ' de propriis facultatibus eidem ministrans.

Hec est de qua Dominus ait : Ubicumque fuerit predicatum evangelium istud in toto mundo * dicetur et quod hec fecit in memoriam ejus. [Marc. 14, 9]

  • ibid. c. 714BC, 714D, 715B et 716A.
79.3 Lectio tercia.

Hec est que sedens secus pedes Domini et audiens verbum ejus * optimam partem elegit. [Luc. 41, 42] Hec est quam secundum Johannem diligebat Jesus. [Jo. 11, 5] Unde ut vidit eam corruentem ante pedes suos ' et plorantem super fratre mortuo ' et Judeos qui cum ea venerant plorantes * infremuit spiritu. [ibid.] Qua in re germinis sublimitas ' ac secularis pompe dignitas ipsius ' in hoc dinoscitur + quando jam in quatriduana fratris morte tanta nobilium et potent[i]um multitudo Judeorum ad ipsius mitigandum confluxerant dolorem * nec passi sunt sine sui presentia ad fratris tumulum eam properare.

  • ibid. c. 716D-717C.
79.4 Lectio quarta.

Hec est que discipulis terga vertentibus * cum Domino in cruce posito remansit * nec a mortuo potuit separari ' quousque eum in sepulcro collocari perspexit. Mane autem sabbati cum adhuc tenebre essent ' neque propter sexus fragilitatem ' neque propter magnitudinem lapidis ' neque propter metum custodum retracta * cum aromatibus ad sepulchrum intrepida pervenit.

Et quia corpus Domini non invenit ' furatum credidit * atque festina quod vidit ' discipulis nuntiavit. At illi currentes venerunt * et ita invenerunt. Ipsis autem reversis ad semetipsos * ipsa stabat ad monumentum foris plorans. [Jo. 20, 11] Et quia ab inquisitione non cessavit + ipsum prima videre meruit * visumque discipulis nuntiavit.

  • ibid. c. 718BD et 719AC.
79.5 Lectio quinta.

Ex gestis ejus. T .

Post Spiritus autem Paracliti missionem ' persecutionis procella seviente ' discipulis diversa regna petentibus + beata Maria Magdalene cum beato Maximino uno ex septuaginta discipulis ' cui fuerat sociata, sicut Virgo beata ' Johanni evangeliste * ascendentes navem ' Marsiliam pervenerunt. Deinde Aquensem ingressi sunt comitatum * ut populum incredulum ad agnitionem Dei perducerent. Rexit autem Ecclesiam Aquensem beatus Maximinus multis diebus * verbo predicationis ' et miraculis ' choruscando.

  • cf. BHL 5443
79.6a Lectio sexta.

Appropinquante autem tempore quo beata Maria Magdalene e carnis ergastulo solveretur * vidit Christum ad celestis Regni gloriam se vocantem. Transiit autem undecimo kalendas augusti. Hujus sanctissimum corpus ' beatus Maximinus antistes ' diversis conditum aromatibus ' in honorifico collocavit mausoleo * in quo et ipse post transitum a fidelibus depositus est.

79.6b

Ex hystoria translationis ejus. T .3

Translatum est autem corpus beate Marie Magdalene de loco predicto ad monasterium quod dicitur Verziliacum * anno passionis Domini septingentesimo quadragesimo nono ' sub Gerardo nobili comite Burgundie ' Aquense civitate a barbaris devastata.

  • cf. BHL 5489/92a
79.7a Lectio septima.

Secundum Lucam.

In illo tempore * rogabat Jesum quidam Phariseus * ut manducaret cum illo. Et ingressus domum Pharisei * discubuit. Et reliqua.

  • Luc. 7, 36.
79.7b

Omelia beati Gregorii pape. Å .

Cogitanti michi de Marie penitentia * flere magis libet quam aliquid dicere. Cujus enim vel saxeum pectus ' ille hujus peccatricis lacrime ' ad exemplum penitendi non emolliant ? Consideravit namque quid fecit * et noluit moderari quid faceret. Super convivantes ingressa est ' non jussa venit * inter epulas lacrimas obtulit. Discite quo dolore ardet * que flere inter epulas non erubescit.

  • Gregorius Magnus, H II 33, PL 76, c. 1239C.
  • CPL 1711
79.8 Lectio octava.

Sed ecce quia turpitudinis sue maculas aspexit + lavanda ad fontem misericordie cucurrit * convivantes non erubuit. Nam quia semetipsam graviter erubescat intus * nichil esse credidit quod verecundaretur foris. Quid igitur miramur, fratres ? Mariam venientem + an Dominum suscipientem ? Suscipientem dicam + an trahentem ? Dicam melius trahentem et suscipientem. Quia nimirum ipse eam per misericordiam traxit intus * qui per mansuetudinem suscepit foris. Sed jam textum sancti Evangelii percurrentes * ipsum quoque [204d] ordinem quo venerit sananda videamus. Attulit alabaustrum unguenti * et stans retro secus pedes Domini Jesu ' lacrimis cepit rigare pedes ejus + et capillis capitis sui tergebat * et osculabatur pedes ejus ' et unguento ungebat. [Luc. 7, 37-38]

  • ibid. c. 1239D-1240A.
79.9 Lectio nona.

Liquet fratres ' quod illicitis actibus mulier prius intenta * unguentum sibi pro odore carnis sue adhibuit. Quod ergo sibi turpiter exhibuerat * hoc jam Deo laudabiliter offerebat. Oculis terrena concupierat * sed hos jam per penitentiam conterens ' flebat. Capillos ad compositionem vultus exhibuerat * sed jam capillis lacrimas tergebat. Ore superba dixerat * sed pedes Domini osculans ' hoc in Redemptoris vestigia figebat. Quot ergo in se habuit oblectamenta * tot de se invenit holocausta. Convertit ad virtutum numerum ' numerum criminum * ut totum serviret Deo in penitentia ' quicquid ex se ' Deum contempserat in culpa.

  • ibid. c. 1240AB.

80- Apollinaris, ep. et m.

tl, 23 VII

In festo beati Apollinaris martiris.

Ex gestis ejus. T .

80.1 Lectio prima.

Apollinaris discipulus Petri apostoli ' jussu ejus a Roma Ravennam venit + et verbis et miraculis refulgens ' tribunum civitatis ' cujus uxorem sanaverat * cum magna ejus familia baptizavit. Cum ergo famam ejus dux patrie cognovisset * sibi velociter presentatus ' cum sacerdotibus ydolorum ad templum Jovis ductus est. Ubi cum dixisset aurum et argentum illic appensum ' melius pauperibus dari ' quam ante demones sic appendi * eicitur + et extra urbem semivivus relictus * a discipulis suis in domo cujusdam vidue sex mensibus refovetur. Inde veniens ad urbem Classem ' dum multos converteret fustibus ceditur * et nudis pedibus supra prunas stare compulsus ' et Christum amplius confitens ' extra urbem eicitur.

  • cf. BHL 623
80.2 Lectio secunda.

Rufus autem patricius Ravenne ' pro filia defuncta lamentans * Appollinari venienti ' et eum consolanti ' respondit : « Utinam huc non venisses. Dii enim irati sunt * et filiam meam salvam facere noluerunt. Tu vero quid potes ? » Et flentibus amicis * Apollinaris ait : « Jura michi quod permittas puellam sequi suum Salvatorem. » Rufus dixit : « Scio quod puella mortua sit. Tamen si videro eam vivam * faciam quicquid dicis. » Et statim apprehensa manu ejus ' sana surrexit * et cum matre et magna familia baptizata virgo permansit. Rufus vero timens Cesarem * occulte diligebat eum. Quod audiens Vespasianus * scripsit Messalino prefecto ' ut Appollinarem aut diis inclinaret ' aut in exilium mitteret. Prefectus ergo * Appollinarem sacrificare nolentem ' fustibus cedi ' et in eculeum appendi et torqueri precepit. Ubi ministri aquam bullientem ejus vulneribus immiserunt. Et dum vellet eum prefectus mittere in exilium * christiani irruentes in paganos plusquam ducentos occiderunt.

80.3 Lectio tercia.

Tunc timens sibi vicarius ' Appollinarem cathenis onustum ' et in ligno extensum ' jussit includi * et nichil ei penitus ministrari. Quem quarto die audiens ab angelo confortatum + cathenatum navi imposuit * et sequentibus eum tribus clericis in exilium deportavit. Ubi cum clericis et duobus militibus ' ceteris pereuntibus ' periculum tempetastis evadens * milites baptizavit. Et in exilio predicans ' et a nemine receptus ' sed graviter vulneratus * post tres annos Ravennam rediit. Sed a paganis iterum verberatus ' ad templum Appollinis ducitur * et statim facta oratione templum corruit. Cumque a pontificibus ad Vespasianum accusatus1 fuisset * rescripsit ' ut aut de urbe exiret ' aut ydolis consentiret. Tunc Demostenes patricius * nolentem sacrificare tradidit cuidam centurioni jam christiano. Cujus rogatu pergens in domum leprosorum ut ibi propter furorem gentilium latitaret + a paganis insecutus usque ad mortem ceditur * et septem dies supervivens ad monitionem fidelium ' anno Domini septuagesimo nono a discipulis sepelitur.

81- Jacobus, ap.

sd, 25 VII

Epistola Leonis pape.

In festo beati Jacobi apostoli.

81.1 Lectio prima.

Noscat vestra fraternitas, dilectissimi ' rectores totius christianitatis * qualiter in Hyspaniam integrum corpus beatissimi Jacobi apostoli translatum est. Post ascensionem Salvatoris nostri ad celos ' adventumque Spiritus Sancti super discipulos ' ab ipsa passione Christi in revolutione anni ' tempore azimorum * beatissimus Jacobus perlustrans Judeorum synagogas ' Jerosolimis captus ab Abyathar pontifice ' simul cum Josia suo discipulo ' jussu Herodis regis ' capite plexus est. Sublatum est autem corpus illius sanctissimum Jacobi apostoli a discipulis suis nocte * pre timore Judeorum.

  • = BHL 4061
81.2 Lectio secunda.

Tunc illi angelo Domini comittante ' pervenerunt in Jopen ' ad litus maris. Ibi vero hesitantes ad invicem quid agere deberent * ecce nutu Dei affuit eis parata navis. Gaudentes igitur intrant in eam * portantes1 alumpnum nostri Salvatoris. Erectis vero velis ' cum prosperis ventis ' cum magna tranquillitate navigantes super undas maris * collaudantes clementiam Salvatoris ' Hirie pervenerunt ad portum. Ibique pre gaudio cecinerunt hunc daviticum versum : In mari vie tue * et semite tue in aquis multis. [Ps. 76, 20] Egressi autem de navi + deducentes deposuerunt beatissimum corpus [205a] in quoddam prediolum ' nomine liberum donum ' distans a prefata urbe fere octo milibus * ubi nunc veneratur.

81.3 Lectio tercia.

In loco autem illo ' invenerunt vastissimum ydolum * a paganis constructum. Ibi vero circumspicientes invenerunt criptam in qua erant ferrea instrumenta * cum quibus artifices lapidum erant assueti agere domorum edificia. Gaudentes igitur ipsi clientuli ' prefatum ydolum diruerunt * atque minutatim in pulverem redegerunt. Deinde cavantes in altum * posuerunt firmissimum fundamentum.

81.4 Lectio quarta.

Ibi quoque desuper fecerunt quandam arcuatam domum * ubi construxerunt lapideo opere sepulchrum ' ubi artificiali ingenio conditur corpus apostolicum. Superedificatur autem ecclesia quantitate minima * que altario ornata divo ' felicem devoto pandit aditum populo. Post humationem sanctissimi corporis ' laudes celebrarunt superno Regi * psallentes hoc daviticos versus : Letabitur justus in domino ' et sperabit in eo * et laudabuntur omnes recti corde. [Ps. 63, 11] Et iterum : In memoria eterna erit justus * ab auditu malo non timebit. [Ps. 111, 7]

81.5 Lectio quinta.

Post aliquantum vero temporis ' ab ejusdem apostoli alumpnis in fidei agnitione plebibus edoctis * squalentibus prius campis ' brevi adolevit fecunda a Deo multiplicata messis. Inito autem salubri consilio + duo clientuli remanserunt ibi ' ad custodiendum preciosissimum talentum * quorum unus dictus est Theodorus ' alter vero Athanasius. Alii autem discipuli * eo navigio quo venerant ad propria sunt reversi. Alii vero duo ut premisimus ' discipuli pedisequi ' pro reverentia illius magistri2 dum summo cum affectu prefatum sepulchrum indesinenter pervigilarent * jusserunt se post obitum suum a christianis juxta magistrum suum  ' unum ad dexteram illius, alterum ad sinistram sepeliri.

81.6 Lectio sexta.

Definito ergo vite termino ' nature debitum persolventes ' felici excessu spiritum exalarunt * celoque animas gaudentes intulerunt. Quos preceptor non deserens egregius * celo terraque secum collocari obtinuit divinitus. Stola quoque purpurea ' in ethera curia ' cum eisdem discipulis gaudet ornatus corona + miseris se deposcentibus apostolico suffragio patrocinaturus ' auxiliante Domino et Salvatore nostro Jesu Christo * cujus regnum et imperium ' cum Patre et Spiritu Sancto perenniter manet in secula seculorum.

81.7a Lectio septima.

Secundum Matheum.

In illo tempore * accessit ad Jesum mater filiorum Zebedei cum filiis suis * adorans et petens aliquid ab eo. Et reliqua.

  • Mat. 20, 20.
81.7b

Omelia beati Jeronimi presbiteri. Å .

Unde opinionem Regni habebat mater filiorum Zebedei ' ut cum Dominus dixerit ' Filius Hominis tradetur principibus sacerdotum ' et scribis ' et condemnabunt3 eum morte ' et tradent eum gentibus ad illudendum ' et flagellandum et crucifigendum [Mat. 20, 18-19] ' et ignominiam passionis timentibus discipulis nuntiaverit + illa gloriam postulat triumphantis ? Hac ut reor ex causa ' quia post omnia dixerat Dominus et tercia die resurget [Mat. 20, 19] * putavit eum mulier post resurrectionem ilico regnaturum + et quod in secundo adventu promittitur ' primo esse complendum * et aviditate feminea presentia cupit ' immemor futurorum.

  • Hieronymus, In Matheum, III, CCSL 77, l. 1037-1048, p. 177.
  • AF I 24
  • CPL 590
81.8 Lectio octava.

Postulat autem mater filiorum Zebedei errore muliebri et pietatis affectu * nesciens quid peteret. Nec mirum si ista arguatur imperitie * cum de Petro dicatur ' quando tria vult facere tabernacula ' nesciens quid diceret. [Marc. 9, 5] Respondens autem Jesus * dixit eis : Nescitis quid petatis. [Mat. 20, 22] Mater postulat + sed Dominus discipulis loquitur * intelligens preces ejus ex filiorum descendere voluntate. Potestis, inquit, bibere calicem quem ego bibiturus sum ? [Mat. 20, 22] Calicem in Scripturis divinis passionem intelligimus * ut est illud : Pater si possibile est * transeat a me calix iste. [Mat. 26, 39]

  • ibid. l. 1054-1063, p. 177-178.
81.9 Lectio nona.

Ait illis : Calicem quidem meum bibetis. [Mat. 20, 23] Queritur quomodo calicem martyrii filii Zebedei, Jacobus videlicet ' et Johannes, biberint + cum Scriptura narret Jacobum apostolum tantum ab Herode capite truncatum * Johannes autem propria morte vitam finierit. Sed si legamus ecclesiasticas hystorias in quibus fertur quod et ipse propter martyrium ' missus sit in ferventis olei dolium ' et inde ad suscipiendam coronam Christi atletha processerit ' statimque sit relegatus in Pathmos insula * sic videmus martyrium animo non defuisse + et bibisse calicem confessionis Johannem ' quem et tres pueri in camino ignis biberunt * licet persecutor ejus sanguinem non fuderit.

  • ibid. l. 1067-1081, p. 178.

82- Nazarius, Celsus et Pantaleon, mm.

tl, 28 VII
82.1-2N

Nota quod ea que hic dicuntur de Nazario et Celso extracta sunt de libello quem dicit se Ambrosius reperisse ad caput Gervasii et Prothasii in inventione corporum eorum, et hoc secundum quosdam1 libros. T .

In festo sanctorum martirum Nazarii, Celsi, et Panthaleonis.

82.1 Lectio prima.

Cum sanctus Nazarius ' genere nobilis ' ortus Rome ' Christum predicaret * in pluribus urbibus jussu Neronis inquisitus ' inventus est apud Ebredunum ' ubi edificabat oratorium ' et Gervasius ' et Prothasius juvenes, qui ad doctrinam ejus convenerant ' erant cum eo * et Celsus infans lapides porrigebat. Cum ergo vincti ducti fuissent coram Nerone * [205b] facte sunt tenebre super faciem ejus ' et eorum facies vise sunt sicut sol. Tunc vero dixit : « Malefici * propter vos tempestatem patior a diis meis. » Nazarius dixit : « Dii vestri semper in tenebris sunt. »

  • cf. BHL 6042
82.2 Lectio secunda.

Tandem Gervasio et Prothasio Mediolanum missis * precepit Nero Nazarium cum puero in mare proici. Quod cum factum fuisset ' et orta tempestate naute periclitarent ' illis in mari sine tempestate apparentibus * cum eos recepissent in navicula ' sedata est tempestas. Et naute ydola contempserunt. Venientes autem Mediolanum ' ubi repererunt Gervasium et Prothasium * de mandato Neronis qui eosdem evasisse2 ' et ibidem venisse audierat, in ergastulo a preside occulte interempti sunt. Timebat enim tumultum populi * propter virtutes quas faciebant.

82.3 Lectio tercia.

Ex gestis sancti Panthaleonis. T .

Temporibus Maximiani ' Panthaleon filius senatoris pagani ' matris vero christiane ' juvenis pulcherrimus * traditus fuit a patre cuidam medico ' ut illum instrueret in arte medicine. Cum autem frequenter transiret per domum cujusdam presbiteri * instruxit eum in fide catholica. Et tandem ab eo baptizatus * factus est christanus. Tantam autem gratiam contulit illi Deus * ut in nomine Christi sanaret infirmos. Unde et hoc viso * pater ejus conversus est ad fidem. Videntes autem hoc ceteri medici * eum apud imperatorem accusaverunt quod ritus deorum destrueret. Post innumera vero tormenta, ligatus ad radicem olive * percussus interiit. Et apparuit corpus ejus sicut nix ' et pro sanguine lac cucurrit * et arbor illa repleta est fructu.

  • cf. BHL 6429

83- Felix, Simplex, Faustinus et Beatrix, mm.

tl, 29 VII

In festo Felicis, Simplicii, Faustini et Beatricis martirum.

83.1 Lectio prima.

Ex gestis ejus. T .1

Cum papa Liberius a Constantio filio Constantini tercio ' propter fidem in exilium missus esset * sacerdotes cum clero Romano ' Felicem presbiterum in papam elegerunt. Qui facto concilio * cum quadraginta octo episcopis congregatis ' Constantium imperatorem hereticum condemnavit. Unde iratus imperator ' dejecit eum de episcopatu suo * et papam Liberium revocavit ' eo pacto ut ipse Liberius communicaret cum Constantio et aliis quos damnaverat Felix. Liberius ergo tedio victus exilii * in heretica pravitate subscripsit. Que res persecutionem Ecclesie cumulavit * ita ut etiam intra Ecclesiam ' sacerdotes et clerici ' non prohibente Liberio ' sint necati. Felix vero dejectus cum predio suo habitaret * anno Domini trecentesimo sexagesimo septimo inde levatus et decollatus est.

  • cf. BHL 2858
  • Ex gestis eorum. T .
83.2 Lectio secunda.

Postquam Simplicius et Faustinus multa pro Christo supplicia pertulerunt * Rome sub Dyocletiano decollati ' in Tyberim projecti sunt. Horum corpora Beatrix soror eorum inveniens * sepelivit. Hujus predium cum Lucretius prefectus ambiret * fecit eam teneri ut ydolis immolaret. At illa constanter restitit * et sic noctu a servis Lucretii prefocatam Lucina virgo eam juxta fratres suos sepelivit.

  • cf. BHL 7790
83.3 Lectio tercia.

Post hec Lucrecius predium illorum invasit + et facto amicis suis convivio ' cum inter epulas martiribus insultarent * infantulus quidam lactens de gremio matris sue cunctis audientibus ex[c]lamavit2 ' dicens : « Audi, Lucreti. Occidisti * et invasisti. Ecce datus es in potestatem Inimici. » Statim Lucretius timens et tremens ' a Dyabolo arripitur * et per tres horas ita vexatus est ut in ipso convivio moreretur. Unde timentes qui aderant ' facti sunt christiani * et omnibus narrabant passionem sancte Beatricis in convivio vindicatam.

84- Abdon et Sennes, mm.

tl, 30 VII

In festo martirum Abdon et Sennes.

Ex gestis eorum. T .

84.1 Lectio prima.

Cum Decius imperator ' Babiloniam cum aliis provinciis superasset + quosdam ibi christianos invenit * quos secum ad urbem Cordubam captivos adducens ' diversis ibi suppliciis consummavit. Et precepit corpora eorum jactari in publica via * ut ibi custodirentur ne possent ab aliquo sepeliri. Tunc audientes duo subreguli viri religiosi ' Abdon et Sennes, venerunt nocte + et collegerunt corpora eorum * et sepelierunt in predio suo juxta Cordubam civitatem.

  • cf. BHL 6 ?
84.2 Lectio secunda.

Eodem tempore cepit Decius querere christianos * mittens auctoritatem suam ' in universam Persidam. Tunc accusati et Decio presentati Abdon et Sennes * promissis et minis ad sacrificia suadentur. Et cum flecti non possent * vincti cathenis in arta custodia recluduntur. Decius vero cum victoria Romam rediens * convocato senatu Abdon et Sennem subregulos adductos de Persida ' ornatos auro et gemmis ' vinctos cathenis ' ad gloriam victorie jussit introduci + et eos aut sacrificare ' et libertatem rerum suarum recipere * aut bestiarum morsibus devorari.

84.3 Lectio tercia.

Contempnentes itaque et exspuentes simulacrum ' ad theatrum pertrahuntur * et ad eos duo leones et ursi quatuor emittuntur. Qui cum sanctos non tangerent ' immo etiam custodirent + injectis in eos gladiis occiduntur * et ligati pedes tracti sunt ' et jactati ante simulachrum solis. Et cum ibi ad exemplum christianorum triduo jacuissent + Ciritius subdiaconus eos collegit * et in domo sua ' sepelivit.

85- Germanus, ep. et c.

tl, 31 VII

[205c]

Constantius presbiter ad Patientem Lugdunensem archiepiscopuma, et sanctum Censurium Autisiodorensem episcopumb. T .

In festo sancti Germani episcopi.

85.1 Lectio prima.

Germanus genere nobilissimus ' in urbe Autisiodorensi natus ' studiis liberalibus in Gallia plene doctus ' juris quoque scientiam Rome didicit * et ducatum totius Burgundie obtinens ' urbem Autisiodorensem ceteris diligentius gubernabat. Industrie vero militari * magis quam christiane religioni vacabat. Nam cum ad preces sancti Amatoris succidere noluisset arborem quamdam in media urbe ' ad cujus ramos Germanus pro admiratione venationis ' ferarum capita suspendebat + quadam die, absente Germano ' episcopus arborem succidit ' et combussit * ne christianis more gentilium esset occasio superstitionis. Audiens autem Germanum venire cum furore * dans locum ire ' in urbem Eduensem perrexit. Cum autem reversus esset ' et Germanus stipatus armatis militibus ecclesiam intrare vellet + monente episcopo ne in ecclesiam arma ferret ' repente mutatus est * ita ut eum episcopus in clericum tonsoraret + exhortans eum ut honorem sibi datum a Domino custodiret * quia ei in episcopatum succederet.

  • cf. BHL 3454
85.2 Lectio secunda.

Germanus itaque factus episcopus + ex ea die qua sacerdotium sumpsit usque ad terminum vite ' scilicet per triginta annos, corpus suum tam crudeliter afflixit * ut nunquam panem frumenti ' non vinum ' non acetum ' non oleum ' non legumen ' nunquam vel salem pro sapore comederit. Die tantum Pasche ' et Nativitatis Domini vinum semel bibebat * sed tamen ipsum vini saporem aquis nimiis diluebat. Semper autem jejunans ' nunquam nisi vespere ' interdum autem a feria quinta usque ad diem dominicam jejunas ' in refectione semper cinerem prelibavit * deinde panem ordeaceum sumpsit ' quem tamen ipse excussit ' et moluit. In estate et hyeme ' nullam habuit vestem preter cilicium et tunicam et cucullam + que vestis nisi forte alicui donaretur * tamdiu ei inherebat ' donec attritione nimia solveretur. Lectulum ejus trabecule dolatiles ambiebant * et injectos cineres cotidiana impressione duratos ' superposito uno tantum sacco cum cilicio continebant. Nullum pulvinar caput ejus ab humeris sublevabat + sed semper gemens ' semper orans ' et sanctorum reliquias collo gerens * nunquam vestitum ' raro calciamenta ' raro cingulum detrahebat.

85.3 Lectio tercia.

Inter cetera sue sanctitatis opera ' monasterium quoddam fecit in conspectu civitatis, ubi monachos instituit + eorumque stipendiis multa predia delegavit * ubi etiam ipse tam diu, tam hostiliter se afflixit. Ibique, quod difficilimum est * inter frequentias populorum ' cum multis monachis heremiticam vitam duxit. Denique cum inter alia bona ' semel et iterum hereticos in Britannia confutasset ' et in diversis locis tres mortuos suscitasset + in fine vite sue ' senio ' jejuniis ' vigiliis ' laboribusque confectus ' quia jam pedes ire longa via non poterat * asino deferente in Italiam ivit. Et cum esset in palatio regine Placidie + audito quod asinus suus mortuus esset * presentatum sibi optimum equm respuens ' asinum suscitavit. Et sic ad hospitium rediens ' et paulo post ad Dominum migrans + anno Domini quadringentesimo quinquagesimo ' episcopatus sui tricesimo ' cum magna populorum frequentia ad Gallias deportatur ' et a civibus suis cum honore maximo sepelitur.

86- Petrus, ad Vincula

s, 1 VIII

In festo beati Petri ad Vincula.

86.1 Lectio prima.

Ex diversis hystoriis loquentibus de institutione hujus festi. T .1

Octovianus et Antonius affinitate conjuncti ' sic inter se Romanum dominium diviserunt + ut Octovianus in Occidente super Ytaliam, Galliam et Hyspaniam * Antonius vero in Oriente ' super Asiam, Ponthum et Affricam regnaret. Cum autem Antonius lascivius sororem Octoviani uxorem suam repudiasset ' et regine Egypti Cleopatre se conjunxisset + Octovianus contra Antoniumin Asiam progreditur * ac prius pedestri ' post navali prelio decertatur. Octoviano ubique cedit victoria + Antonius et Cleopatra victi fugiunt * ac semetipsos pre dolore interimunt.

  • cf. BHL 6680/6686 ?
86.2 Lectio secunda.

Porro Octovianus victor Alexandriam petiit * et omnes opes ejus Romam transvehit. Et in tantum auget rem publicam * ut duplicia quam usque ad id fuerant ' possessionum ' aliarumque rerum venalium precia statuerentur. Hec igitur causa fuit ' ut Octovianus vocaretur Augustus ' ab aucta re publica * a quo et sextilis mensis dictus est augustus. In memoriam itaque ' et honorem illius victorie ' quam prima die augusti habuit Octovianus * Romani hac die sollemnizabant ' usque ad tempus Theodosii imperatoris ' qui regnare cepit anno Domini quadringentesimo ' vicesimo septimo.

86.3 Lectio tercia.

Tempore illo, Eudoxia filia hujus Theodosii, uxor Valentiniani * Jerosolimam ex voto perrexit. Cui cum Romane gratia majestatis plurimum detulissent * inter alios quidam Judeus ei cathenas obtulit ' quibus sub Herode Petrus apostolus vinctus fuit. Rediens ergo cum [205d] videret Romanos2 sollemnizare in honorem Augusti gentilis ' vidensque quod non de facili eos a tali consuetudine revocaret + cogitando tractavit ' ut observatia3 sic maneret * sed potiori nomini militaret. Non distulit autem ' celestem inspirationem prodere Romane Sedis presuli.

86.4 Lectio quarta.

Perrexit igitur ad papam * rogans eum ' ut quod cogitaverat ' confirmaret. Et ipse quidem ' idem cogitaverat. Sed timebat rudi Ecclesie * si contra torrentem se opponeret. Movet denuo sermonem sancta femina de cathena ' quam sub Herode pertulit Petrus * quam Alexander quintus papa ' Balbine filie ducis Romanorum docuit esse in salutem. Hanc ergo quesitam papa protulit ' ipsa vero quas de Jerosolimis tulit. Hac ergo cum illis conjuncta + sic una cathena miraculose facta est * ac si semper una eademque fuisset. Unde papa et regina protinus decreverunt + ut quod hominum indiscreta religio faciebat gentili damnato * in bonum commutata faceret apostolorum principi Petro. Sic ex iniquo principio * salubris conflata est religio.

86.5 Lectio quinta.

Apud Hepirum Donatus virtute insignis ' illis diebus ingentem draconem ' expuens in ejus ore ' enecavit * quem vix octo juga boum ' ne ejus putredine aer corrumperetur trahere ad incendii potuerunt locum. Nec diu ecce in specie Moysi Dyabolus in Creta Judeis apparens ' dum eos per mare pede sicco ad terram repromissionis se preduce promittit perducere * in numeros enecat. Animadversum autem est a quibusdam hec esse portenta serpentis antiqui a domina mundi cum Octoviani plausibus exturbati * sicque injuriam suam vindicantis.

86.6 Lectio sexta.

Anno Domini nongentesimo sexagesimo quarto quidam comes imperatoris Octonis ' ei familiaris ' ante oculos omnium a Dyabolo arreptus est * ita ut seipsum dentibus laniaret. Hic jussu imperatoris ad papam Johannem ducitur * ut cathena sancti Petri collo ejus circumdaretur. Sed dum a fallacibus clericis semel et bis alia cathena furenti adhiberetur ' nec quicquam remedii proveniret ' ubi nichil erat virtutis * tandem vera Petri cathena allata est ' et collo furentis circumdata. Tunc Dyabolus spumans ' et multum clamans * abscessit.

86.7 Lectio septima.

Ysidorus in Libro de ortu, vita, etc.

Hic igitur cujus vincula diem hodiernam sollemnem reddunt * est Symon Petrus ' filius Johannis ' frater Andree ' ortus vico Bethsaida ' provincia Galilee ' que est juxta stagnum Genesareth. Hujus prima vocatio nominis Barjona * legis directa generatio est. Petrus * in Christo Ecclesie firmamentum est. Cephas * corporis Christi principatus et caput est. Symon Johannis * virginitatis generatio incorrupta. Qui cum juxta Johannem habeatur tertius * juxta Matheum eligitur primus. Nec immerito * quod apostolorum princeps est ' et confessor primus Filii Dei et discipulus + pastor humani generis ' petra Ecclesie ' clavicularius Regni * amator Domini atque negator.

  • Isidorus Hispalensis, De ortu, cap. 67, 1-2, p. 193-195.
  • = BHL 6670d
  • CPL 1191
86.8 Lectio octava.

Hic confitendo laudatus + presumendo elatus ' negando lapsus ' lacrimando purificatus + confessione probatus * passione coronatus est. Cui nomen ex opere datur * titulus ex merito potestatis imponitur. Hic in Galatia Ponto ' Capadocia, Bithinia ' Asia ' atque Italia ' evangelium predicavit ' atque harum virtutum signis effulsit. Pendulo gressu mare fervidum calcavit * preteriens ' umbra infirmos sanavit + claudis pristinum reintegravit officium * paralitici fluida membra in proprium reparavit statum. Inter hec defunctam viduam suscitavit. Ananiam ' et Saphiram reos perfidie * mortis animaversione damnavit. Symonem etiam magicis artibus celum conscendentem * ad terram elisit.

  • ibid. cap. 67, 2-4, p. 195-197.
86.9 Lectio nona.

Hic postquam Anthiochenam fundavit Ecclesiam ' sub Claudio Cesare * contra eundem Symonem magum Romam pergit + ibique predicans evangelium * viginti et quinque annis ' ejusdem urbis tenuit pontificatum. Sexto autem et tricesimo anno post passionem Domini * a Nerone Cesare in urbe Roma deorsum, ut ipse voluit ' crucifixus est. Sicque post apostolicum meritum * etiam martirio est coronatus. Sepultus est autem Rome ' in Vaticano secus viam Triumphalem * tercio lapide ab Urbe ' ad orientalem plagam.

  • ibid. cap. 67, 4-5, p. 197.

87- Stephanus, p. et m.

tl, 2 VIII

In festo sancti Stephani pape et martiris.

Ex gestis ejus. T .

87.1 Lectio prima.

Temporibus Valeriani et Galieni ' Stephanus papa urbis Rome ' cum verbo et exemplo multos gentilium convertisset ' et multa martirum corpora manu propria sepelisset + predicti persecutores nominis christiani ' summo studio perquiri eum fecerunt* ut eum et clericos ejus ' aut sacrificare cogerent aut diversis suppliciis consummarent. Dederunt etiam edictum * quod quicumque eos proderet ' omnes eorum divitias possideret. Unde decem clerici comprehensi * statim sunt sine audientia decollati.

  • cf. BHL 7845
87.2 Lectio secunda.

Sequenti die comprehensus beatus Stephanus ' cum multitudine clericorum * solus ante tribunal judicis introivit. Manensque immo-[206a]-bilis ' ad templum Martis ducitur * ut vel adoraret ' vel statim capite puniretur. Cum ergo ad locum venisset * oravit Deum ' ut templum destrueret. Et statim maxima pars templi corruit+ et fugientibus pre timore militibus ' ipse cum aliis christianis ' ad cimiterium sancte Lucine perrexit * et post exhortationem fidelium missam celebraturus accessit.

87.3 Lectio tercia.

Audiens Valerianus quod templum taliter corruisset ' et quod beatus Stephanus christianos qui ad se convenerant confortaret * misit ad eum milites plures prioribus. Qui venientes * invenerunt beatum stephanum ' sacrificium offerentem. Stans autem ante altare intrepidus ' et cepta perficiens + in eodem loco sic in sua sede ' anno Domini ducentesimo quinquagesimo quinto decolatur * et in ipsa cripta ubi sanguis ejus fusus est ' cum gloria martirii sepelitur.

88- Inventio S. Stephani

s, 3 VIII
88.1-7N

Lucianus pre[s]biter quem Gennadius numerat inter viros illustres. Å .

In festo inventionis reliquiarum prothomartiris Stephani.

88.1 Lectio prima.

Tercio nonas decembris ' feria sexta ' consulatu Honorii decimo ' et Theodosii sexto Augustorum * ego Lucianus, nocte in cubili meo semivigilans ' vidi virum senem ' longum ' canum ' barbam prolixam habentem ' palliatum alba stola + cui inerant gemmule auree habentes intrinsecus crucis signum * et virgam auream in manu habentem. Et veniens ' virga pulsavit me * ter vocans me nomine meo. Et dixit michi : « Vade Jherusalem * et dic Johanni episcopo : Aperi festinanter monumentum * ubi in negligentia posite sunt reliquie nostre. »

  • < BHL 7851
88.2 Lectio secunda.

Et respondi dicens : « Quis es, domine ? Et qui sunt tecum ? » Et respondit michi : « Ego sum Gamaliel, qui Paulum nutrivi. Et qui mecum est in parte orientali monumenti * ipse est dominus meus Stephanus ' domnus autem Nichodemus in altera theca positus est * qui venit ad Salvatorem nocte. Abibas vero filius meus ' qui mecum baptismum accepit ' sepultus est in tercia theca excelsiori * in qua et ipse postea defunctus applicatus sum. » Tunc interrogavi ego dicens : « Et ubi vos queremus ? » Qui dixit michi : «  In proximo de villa agro ' qui dicitur de Galabri * quod interpretatur virorum Dei. »

88.3 Lectio tercia.

Tunc evigilavi * et deprecatus sum Dominum dicens : « Domine Jesu ' si est hec visio ex te * fac ut iterum et tercio michi appareat. » Et cepi jejunare usque ad aliam sextam feriam. Et iterum Dominus Gamaliel ipsa similitudine apparuit michi sicut primo * dicens : « Quare neglexisti dicere episcopo Johanni ? » Et ego : « Timui ' ne viderer seductor esse. » Dixit autem ad me : « Adquiesce ' adquiesce ' adquiesce ! » Et iterum dixit : « Vide diligenter * que ostenduntur tibi. » Et statim attulit tres calathos aureos * et quartum argenteum. Tres pleni erant rosis + duo habebant rosas albas ' et tercius rubeas * quartus vero argenteus plenus erat croco.

88.4 Lectio quarta.

Et dixit michi : « Qui rubeas rosas habet * ipse est domnus Stephanus. Et secundus calathus * domnus Nichodemus est. Calathus vero argenteus ' Abybas filius meus est * qui immaculatus ex utero matris recessit e mundo + et propterea in similitudinem argenti mundissimi apparuit * et ipse conjunctus est meo calatho in excelso loco. » Et cum hec dixisset * evanuit. Expergefactus autem gratias egi * et consuetis jejuniis operam dedi. Igitur tertia septimana ' eadem die et hora ' venit supradictus vir fremebundus * dixitque michi : « Quare dissimulasti usque nunc ' que tibi dicta sunt ? »

88.5 Lectio quinta.

Cum autem ad verba ejus intremuissem * dixi : « Domine ' prestolabar tercium adventum tuum. Nunc vero sine * et crastina die pergam. » Expergefactus igitur benedixi Deum * et perrexi ad sanctum episcopum. Et cum omnia narrassem + pre gaudio lacrimatus est * et dixit michi : « Vade et fode in acervo qui est in ipso agro1 * et si inveneris ' nuntia michi. » Cum venissem ergo in villam + misi precones ' ut omnes diluculo consurgerent ' et foderent in acervo illo. Eadem nocte apparuit domnus Gamaliel ' Migecio monacho innocenti viro * et dixit ei : « Vade et dic Luciano : In vanum laboras in acervo illo * sed quere nos in alia parte que est ad Boream. »

88.6 Lectio sexta.

Diluculo ergo consurgens ' inveni monachum illum predicantem fratribus omnibus * et cepi dicere : « Eamus ad acervum. » Tunc quidam dixerunt michi : « Audi primum * quid dicat Migecius. » Et advocato eo * quesivi quid vidisset. Ille autem universa dixit michi. Et audiens glorificavi Deum * quoniam inventus est et alius testis ' in revelatione sanctorum. Ivimus igitur ad acervum * et nichil invenimus. Convertimus autem nos ad monumentum ' ubi monacho ipsa nocte apparuerat * et invenimus tres thecas ' secundum quod apparuerat michi, secundum calathorum typum.

88.7 Lectio septima.

Renuntiavi ergo episcopo. Qui assumpsit secum duos alios episcopos. Et venerunt. Cum autem apperuissent domni Stephani thecam + [206b] statim terremotus factus est * et tanta fragrantia odoris egressa est ' quantam nullius meminit se sensisse. Septuaginta quoque et tres infirmi qui aderant * a variis langoribus sunt curati. Ab aliis fugati sunt demones. Osculantes igitur sanctas reliquias clauserunt iterum + et cum ymnis deportaverunt in ecclesiam sanctam Syon * derelinquentes nobis de membris sanctis parvos articulos. Eadem autem hora pluvia magna descendit.

88.8 Lectio octava.

In Libro de civitate Dei. T .

Refert quoque beatus Augustinus + quod ad memoriam beati Stephani et virtutem reliquiarum ejus ' in Affrica sex mortui revixerunt * et alii multi a variis languoribus sunt curati. Inter alia quoque sic dicit :

Fuit vir paganus Martialis * habens filiam fidelem et generum. Ad quorum preces cum baptizari omnino renueret * gener ad memoriam beati Stephani pergens ' oravit pro eo cum ingenti fletu. Dehinc aliquid florum de altari tulit * et ad caput illius noctu posuit. Et ecce post somnum ante diluculum ' ille clamans ' se credere professus est * cunctisque mirantibus baptizatus est.

  • Cf. Augustinus, De Civitate Dei, XXII, cap. 8, CCSL 48, l. 286-301, p. 822.
  • cf. BHL 7866 (PD I 29)
  • CPL 313
88.9 Lectio nona.

Decem fratres ' maledicto matris vidue ' tali pena divinitus coherciti tenebantur * ut horribiliter omnium membrorum tremore quaterentur. Hi suorum civium oculos non ferentes * toto orbe vagabantur. Ex his duo venerunt ad nos * frater et soror. Qui cotidie ingredientes ecclesiam * frequentabant prefati martiris memoriam. Die vero Pasche * juvenis illic orans ' repente prostratus est. Cumque dormienti similis jaceret + ecce surrexit * et incolumis stetit. Cumque produxissem eum ad populum * videbat populus fratrem sanatum ' sororem vero contrementem. Et dum super his disputarem + illa cancellum intravit * statimque velut obdormiens ' subito sanata stetit.

  • ibid. l. 410-469, p. 825-827.

89- Dominicus, c. Lectiones 1-6

td, 5 VIIIa

Incipit prologus in vita sancti Dominici primi patris ordinis fratrum predicatorum.

[...]

In festo beati Dominici.

Lectio prima...

Lectio secunda [...206c...]

Lectio tercia...

Lectio quarta...

Lectio quinta...

Lectio sexta....

89.R

Tres alie lectiones de omelia evangelii « Vos estis sal terre » querantur infra post lectiones positas pro Octava. Sequentes vero lectiones legantur infra octavas per ferias et in dominica.

90- Dominicus

[lectiones]a [...206d-207b...]

91- Dominicus

in mensaa

Ab isto loco possit legi in mensa.1

[...207c-209b]

92- Dominicus, Oct.

s, 12 VIIIa

In Octavis beati Dominici.

Lectio prima...

Lectio secunda...

Lectio tercia...

Lectio quarta...

Lectio quinta...

Lectio sexta...

Lectio septima...

Lectio octava [...209c...]

Lectio nona...

De revelatione facta fratri Raoni eodem die similiter apud Tybur...

93- Dominicus. Lectiones 7-9

In festo beati Dominici.

93.7a Lectio septima.

Secundum Matheum.

In illo tempore * dixit Jesus discipulis suis : « Vos estis sal terre. Quod si sal evanuerit + in quo salietur ? » Et reliqua.

  • Mat. 5, 13.
93.7b

Omelia beati Augustini episcopi.

Hic ostendit Dominus * fatuos esse judicandos ' qui temporalium bonorum vel copiam sectantes ' vel inopiam metuentes ' amittunt eterna que nec dari possunt ab hominibus nec auferri. Itaque si sal infatuatum fuerit + in quo salietur ? Id est ' si vos, per quos condiendi sunt quodammodo populi ' metu temporalium persecutionum amiseritis regna celestia + qui erunt homines per quos vobis error auferatur ' cum vos elegerit Deus ' per quos errorem auferat ceterorum ? Ergo ad nichilum valet sal infatuatum * nisi ut mittatur foras ' et conculcetur ab hominibus. [Mat. 5, 13] Non itaque calcatur ab hominibus qui patitur persecutionem * sed qui persecutionem timendo infatuatur. Calcari enim non potest nisi inferior. Sed inferior non est * qui quamvis corpore multa in terra sustineat ' corde tamen in celo fixus est.

  • Augustinus, De sermone Domini in monte, I, CCSL 35, p. 15-16, l. 330-343.
  • CPL 274
93.8 Lectio octava.

Vos estis lux mundi. [Mat. 5, 14] Quomodo dixit superius « sal terre » * sic nunc dicit « lumen mundi ». Nam neque superius ista terra accipienda est ' quam pedibus calcamus corporeis * sed homines qui in terra habitant ' vel etiam peccatores + quorum condiendis et extinguendis fetoribus * apostolicum salem Dominus misit. Et hic mundum non celum et terram ' sed homines qui sunt in mundo ' vel diligunt mundum ' oportet intelligi * quibus illuminandis apostoli missi sunt. Non potest civitas abscondi supra montem posita [Mat. 5, 14] ' id est fundata super insignem magnamque justiciam * quam significat etiam ipse mons in quo Dominus disputavit.

  • ibid. p. 16, l. 344-354.
93.9 Lectio nona.

Neque accendunt lucernam * et ponunt eam sub modio. [Mat. 5, 15] Quid putas ita esse dictum « sub modio » + nisi ut occultatio tantum lucerne accipienda sit ? Tanquam si diceret : « Nemo accendit lucernam * et occultat eam. » An aliquid etiam modius significat + ut hoc sit ponere lucernam sub modio ' superiora facere corporis commoda ' quam predicationem veritatis + ut ideo quisque veritatem non predicet ' dum timet ne aliquid in rebus temporalibus et corporalibus moleste patiatur ? Et bene modius dicitur * sive propter retributionem mensure ' quia ea quisque recipit que gessit in corpore ' ut illic, inquit Apostolus, recipiat unusquisque que gessit in corpore [2 Cor. 5, 10] ' et tanquam de hoc modio corporis alio loco dicitur ' in qua enim mensura mensi fueritis remetietur vobis [Mat. 7, 2] + sive quoniam temporalia bona que corpore peraguntur * certa dierum mensura inchoantur et transeunt * quam fortassis significat modius. Eterna vero et spiritalia nullo tali fine cohercentur. Non enim ad mensuram dat Deus Spiritum. [Jo. 3, 34]

  • ibid. p. 17, l. 355-371.

94- Laurentius, m.

sd, 10 VIII

[209d]

In festo beati Laurentii martiris.

Sermo beati Ambrosii. Å .

94.1 Lectio prima.

Beatissimi Laurentii martiris tanta martirii exstitit gloria * ut passione sua mundum illuminaverit universum. Illuminavit mundum plane Laurentius ' eo lumine quo et ipse flammis succensus est * et flammis quas pertulit omnium christianorum corda calefecit. Quis enim hoc exemplo ' pro Christo nolit ardere cum Laurentio + ut possit a Christo cum Laurentio coronari ? Quis noluit ad horam substinere Laurentii ignem + ut eternum gehenne non patiatur incendium ? Beati igitur Laurentii provocamur exemplo ad martir[i]um + accendimur ad fidem * incalescimus ad devotionem.

  • Maximus, s 4, CCSL 23, l. 4-14, p. 13.
  • AF II 60
  • CPL 221, PLS III, c. 361, CPP 110
94.2 Lectio secunda.

Etsi, carissimi ' nobis persecutoris flamma deest * fidei tamen flamma non deest. Non ardemus corpore pro Christo * sed ardemus affectu. Non subicit persecutor ignem * sed suggerit michi ignem desiderium Salvatoris '

quo succensi erant qui dixerunt : Nonne cor nostrum ardens erat in nobis ? [Luc. 24, 32] Hoc igne Laurentius succensus ' flammarum non sensit incendium + et dum Christi ardet desiderio * persecutoris pena non ardet. In quantum enim in illo fidei ardor fervet * in tantum supplicii flamma frigescit.

Hinc amore Christi succenditur + inde persecutoris flamma torquetur *

sed Salvatoris ardor ' materialem restrinxit ardorem.

  • ibid. l. 14-17, 20-26, 28-29 et 27-28, p. 13-14.
94.3 Lectio tercia.

Quamvis ergo in favillam membra1 solvantur * fidei tamen fortitudo non solvitur. Corporis detrimentum sustinet * sed lucrum salutis adquirit. Non enim beatus Laurentius cita vel simplici passione perimitur + sed longa et multiplici pena cruciatur * ut mors et non desit ad supplicium ' et desit ad finem. Dicitur enim hec illi constitua pena * ut ardentium exposita mole carbonum ' insuper eum ferrea crate distentum ' lenta flamma consumeret.

  • ibid. l. 29-40, p. 14.
94.4 Lectio quarta.

Sic ergo punitur * ut non tam inflammando flamma cita interimeret hominem ' quam diu exurendo torqueret + ita ut cum unum latus exustum persecutor cerneret * aliud latus ignibus obiceret exurendum. Legimus Ananiam ' Azariam, Misael ' a rege in camino ignis inclusos ' in penarum deambulasse flammis * et igneos globos pedibus conculcasse. Beatus Laurentius ' non minori est gloria preferendus. Illi in penarum flammis ambulant * hic in ipso supplicii sui igne discumbit.

  • ibid. l. 40-48, p. 14.
94.5 Lectio quinta.

Illi vestigiis pedum conculcant incendia * hic laterum suorum devoratione restringit. Illi stantes in penis ' elevatis manibus orabant Dominum * hic autem prostratus in sua pena toto corpore ' Dominum deprecatur. Iterum ergo beatus Laurentius exustis lateribus supinus in dorsum vertitur + et renes ejus ignibus exuruntur * ut implerentur psalmi cum prophetia ' que dicit ex persona Laurentii : Proba me, domine, et tempta me * ure renes meos et cor meum. [Ps. 25, 2] Duplici itaque postulat igne comburi. Nam si de uno et solo mundi igne loqueretur * sufficeret renes tantum exurendos incendiis obtulisse.

  • ibid. l. 49-60, p. 14-15.
94.6 Lectio sexta.

Cor quidem flamma urit Christi * sicut illorum qui dixerunt : Nonne cor nostrum ardens erat in nobis ? [Luc. 24, 32] Atque ideo ad comprobandam devotionem suam ' geminum sibi ignem postulat * ut luctamine habito ostendat in se plus posse amorem Christi ' quam penam tyranni. Honoremus igitur, fratres carissimi, beatum Laurentium * qui dum fide sua persecutoris flammas vicit + ostendit nobis ' per ignem fidei ' gehenne incendia superare * et amore Christi diem judicii non timere.

  • ibid. l. 60-67, p. 15.
94.7 Lectio septima.

Idem Ambrosius in sermone « Dominus in evangelio ». Å .a

Sanctum istum martirem Laurentium * grano sinapis possumus comparare * qui diversis attritus passionibus ' per totum orbem ' gracia sui meruit flagrare martirii. Qui antea in corpore constitutus ' erat humilis ' ignotus et vilis + postea quam vexatus, laceratus ' exustus est * universis per totum mundum Ecclesiis ' odorem sue nobilitatis infudit. Recte igitur huic comparatur. Siquidem granum sinapis cum teritur ' accenditur * Laurentius ' cum patitur ' inflammatur. Illud fervorem attritionis sue evomit * hic ignem plurima vexatione aspirat.

  • Maximus, s 24, CCSL 23, l. 49-58, p. 94.
  • AF II 61
  • CPL 220, PLS III, c. 357, CPP 81
94.8 Lectio octava.

Sinapis, inquam ' in vasculo calido vapore decoquitur * Laurentius in craticula flammarum igne torretur. Ardebat itaque extrinsecus beatus martir ' tyranni sevientis incendiis * sed major illum intrinsecus Christi amoris flamma torquebat. Et quamvis rex improbus ligna subiceret ' incendia majora supponeret * tamen sanctus Laurentius ' has flammas ' fidei calore non sentit. Et dum Christi precepta cogitat * frigidum est illi omne quod patitur. Nec enim potest visceribus ' ignium tormenta sentire * qui sensibus ' Paradisi refrigeria possidet.

  • ibid. l. 58-67, p. 94-95.
94.9 Lectio nona.

Jaceat licet ante pedes tyranni exusta caro ' corpus exanime * nichil tamen detrimenti patitur in terris ' cujus animus demoratur in [210a] celis. Extenditur ergo super flammarum ignitos globos ' et sepius versatur in latera Laurentius + sed quanto plus penarum patitur * tanto amplius Christum Dominum pertimescit. Novo quoque admirationis genere alius alium torquet * et alii sevientis tormenta proficiunt. Devotiorem Laurentium Salvatori * supplicia atrociora fecerunt.

  • ibid. l. 67-74, p. 95.

95- Laurentius, Oct.

s, 17 VIII

In octavis beati Laurentii martiris.

Sermo beati Maximi episcopi. Å .

95.1 Lectio prima.

Sanctum est, fratres, ac Deo placitum + ut natalem beati Laurentii ' devotione precipua veneremur * cujus radiantibus flammis ' victrix in hunc quoque diem toto orbe ' Christi choruscat Ecclesia. Qui cum in sede glorisissimi Petri archidiaconatus fungeretur officio * puritate innocentis vite ' fortissimeque mortis triumpho1 apostolico se consortio copulavit. Nec immerito eum apostolorum supparem predicamus * cui et castitas animi leviticum ministerium ' et plenitudo fidei ' martirii contulit dignitatem.

  • Ps. Maximus, h 74, PL 57, 408D-409A.
  • PD II 65
  • PLS III, c. 355, CPP 5806
95.2 Lectio secunda.

Hunc venerabilis Syxtus ' cum videret paterna de morte tristissimum * ita spiritu prophetie dixisse narratur : « Noli, fili, mestus esse * post triduum me sequeris. » Unde apparet beatum Laurentium ' non de sacerdotis sui victoria habuisse tristiciam * sed doluisse quia non etiam ipse mundum cum suo pariter sacerdote vincebat. « Post triduum, inquit, me sequeris. »

Vere beati Laurentii gloria singularis + qui tantum a Deo suo consecutus est gratie, ut ei martir de martirio prophetaret * quem pro suorum prerogativa meritorum ante victoria letificavit ' quam pugna terreret.

  • ibid. c. 409AB.
95.3 Lectio tercia.

Ergo ut comperit se omnimodis assumendum * ecclesiasticum censum divisit + ut et egenis consuleret ' et inveniri non posset quod raperet persecutor * illam nimirum secutus sententiam qua dicitur : Dispersit, dedit pauperibus * justicia ejus manet in seculum seculi. [cf. Ps. 111, 9] Misericordie fuit ' quod alimoniam pauperibus dedit * justicie autem quod procuravit ne sanctorum substantiam avaris manibus sacrilegus occuparet. Justicia ejus, inquit, manet in eternum. Quomodo non hec ei in eternum manebit justicia + quam et sancto implevit opere ' et gloriosissimo martirio consecravit ?

  • ibid. c. 409C-410A.
95.4 Lectio quarta.

Furor itaque gentilis craticulam continuo parat * ardet denique totis visceribus martir et uritur + sed regnum celi fideli mente pertractans ' refrigerio conscientie victricis exultat * nec penali flexus est incendio, cujus in pectore insuperabili ' Sancti Spiritus flamma fervebat. Numquid cedere poterat momentanee corporis ustioni + cujus fides eternum gehenne extinguebat ardorem ? Superatis itaque flammarum ministris ' omne mundane insanie refriguit incendium * et ad hoc usque diabolica profecit intentio + ut et vir fidelis ad Deum suum gloriosus ascenderet * et crudelitas persequentium ' cum suis ignibus confusa torpesceret.

  • ibid. c. 410AB.

Idem in sermone « Beatissimi Laurentii, fratres carissimi ».

95.5 Lectio quinta.

De hoc validissimo Christi milite * illud credendum est dictum : Etsi transeas per ignem * flamma te non comburet. [Is. 43, 2] Ecce enim beatus Laurentius transivit per ignem + quo non adustus inhorruit * sed illuminatus effulsit. Transiens autem per ignem momentaneum ' atque terrenum * flammam gehenne perpetuo exurentis ' evasit. Quid hoc beatius viro ' qui miserantis Dei dispensante gratia arsit ne arderet + et ne ureretur exustus est ?

  • Ps. Maximus, h 76, PL 57, 413C-414A.
  • PD II 67
  • PLS III, c. 355, CPP 5808
95.6 Lectio sexta.

Concaluit cor meum intra me ' et in meditatione mea exardescet ignis * cecinit David. [Ps. 38, 4] Quam sententiam quidem beato Laurentio convenire manifestum est. Hujus enim cor ' tanta in fide Christi magnanimitate concaluit * ut despectis proprii corporis cruciatibus ' insanissimo tortori suo, triumphatis ejus ignibus, letetur illudere. Vere in meditatione ejus insuperabilis exarsit ignis * qui odio perfidie ' et amore veritatis accensus ' appositam sibi extrisecus2 flammam aut non sensit ' aut vicit.

  • ibid. c. 414B.

Augustinus in sermone de eodem. Å .

95.7a Lectio septima.

Quando martir iste ignes appositos non timeret + si non intus flamma caritatis arderet ? Quando tantorum aculeos ferret dolorum + nisi diligeret gaudia premiorum ? Postremo ' quando contempneret vitam istam + nisi amando meliorem ?

  • Augustinus, s 304, PL 38, cap. 5, c. 1397.
95.7b

Cujus autem meriti sit ' quis ignorat ? Quis ibi oravit ' et non impetravit ? Quam multis infirmis meritis ejus temporalia Deus beneficia prestitit ' que tamen ille contempsit + non ut peccantium infirmitas permaneret * sed ut ad appetenda meliora ' de terrenis concessis amor fieret.

  • Id., s 302, PL 38, cap. 1, c. 1385.
  • CPL 284, PLS II, c. 401
95.8 Lectio octava.

Gregorius Thuronensis. Å .

Templum erat quoddam ejus nomine consecratum * sed per incuriam valde dejectum. Hoc cum incole renovare vellent ' impositasque trabes plaustris ' ad locum [210b] exhiberent * una reperta est brevior ceteris. Mox sacerdos ' qui operi insistebat flens valde ' et breviorem intuens * ait : « O beatissime Laurenti, qui pauperes fovisti + cogita paupertatem meam * quia non est exiguitatis mee facultas ' hic aliam exhibendi. » Ilico crevit trabes * in tantum, ut necesse esset ex ea partem magnam incidi. Quam partem sacerdos frustatim discerpsit * indeque diversas infirmitates sepe submovit.

  • Gregorius Turonensis, In Gloria martyrum, cap. 41, p. 515, l. 37-41 et p. 516, l. 1-7.
  • < BHL 4776
  • CPL 1024
95.9 Lectio nona.

Gregorius papa, in Registro, quarto libro, Constantie Auguste. Å .

Sancte memorie predecessor Gregorii pape * quedam meliorare desiderabat ad sancti Laurentii corpus. Et dum ubi corpus idem venerabile collocatum esset ' nesciretur + exquirendo effoditur * subitoque sepulchrum ipsius ignoranter aperitur. At hi qui presentes erant et laborabant monachi ' atque mansionarii ' qui corpus ejusdem martiris viderunt ' quod quidem minime tangere presumpserunt + omnes intra decem dies defuncti sunt * ita ut nullus vite superesse posset ' qui sanctum et justum corpus illius vidisset.

  • Gregorius Magnus, Epistulae, IV, epistula XXX ad Constantinam Augustam, PL 77, c. 701B-702A.
  • CPL 1714, PLS IV, c. 1547

96- Hippolytus et socii ejus

s, 13 VIII

In festo beati Ypoliti martirisa.

Ex gestis ejus. Å .

96.1 Lectio prima.

Post terciam diem passionis sancti Laurentii * regressus est Ypolitus in domum suam. Et posita mensa * priusquam cibum sumeret, venerunt milites et perduxerunt eum ad Decium. Quem videns Cesar * dixit ei : « Numquid et tu magus factus es ' quia corpus Laurentii abstulisse diceris ? » Respondit Ypolitus : « Hoc feci non quasi magus * sed quasi christianus. » Tunc Cesar jussit * ut cum lapidibus os ejus tunderetur. Et expoliavit eum veste qua induebatur in habitu christiano * et dixit : « Sacrifica diis * et vives. Aliter ' peribis sicut Laurentius. »

  • < BHL 3961
96.2 Lectio secunda.

Ypolitus dixit : « Utinam exemplum fieri merear beati Laurentii * quem tu, miser, ausus fuisti ore polluto nominare. » Tunc Cesar dixit ' « extendite eum * et fustibus cedite. » Et fecerunt ut dixit. Et cedentes * viribus defecerunt. Ypolitus autem clamabat dicens : « Christianus sum ! » Cesar dixit : « Levate eum a terra. » Et cum levatus fuisset * jussit eum vestiri veste militari ' qua ante gentilis utebatur. Et dixit : « Recole militiam * et esto noster amicus. »

96.3 Lectio tercia.

Ypolitus respondit : « Militia mea hec est * christianum me firmum militare. » Tunc Decius dixit ad Valerianum prefectum : « Accipe omnes facultates ejus * et interfice eum. » Tunc prefectus, exquisita omni facultate ejus * invenit in domo ipsius omnem familiam christianam. Quos fecit adduci ante se. Erat autem ibi nutrix beati Ypoliti * nomine Concordia. Dixit ad eso prefectus : « Considerate ne simul pereatis cum Ypolito domino vestro. »

96.4 Lectio quarta.

Respondit Concordia : « Nos cum domino nostro desideramus1 pudice mori * quam impudice vivere. » Tunc prefectus jussit * ut cum plumbatis Concordia cederetur. Cum ergo diu cederetur * emisit spiritum, presente Ypolito. Tunc Ypolitus dixit : « Gratias ago tibi, domine * quia nutricem meam premisisti. » Tunc prefectus jussit Ypolitum duci foras muros ' cum familia sua * et jussit ut in conspectu ejus omnes capite truncarentur. Et decollati sunt decem et novem.

96.5 Lectio quinta.

Beatum siquidem Ypolitum ' jussit per pedes ligari ad colla indomitorum equorum * et sic per carcetum trahi. Qui dum traheretur * emisit spiritum. Eadem nocte Justinus presbiter ' collegit corpora dimissa in campo * et sepelivit in eodem loco. Tunc cepit Justinus querere corpus beate Concordie. Et cum non inveniret * ecce quidam miles, nomine Porfirius, ad quendam cloacarium christianum ' Yreneum nomine ' dixit : « Ante hos dies jussit Valerianus quandam christianam in cloacam jactari. Et spero quod margaritas habebat in vestibus. »

96.6 Lectio sexta.

Venit ergo Yreneus cum ipso + et invenit sanctum corpus Concordie incontaminatum * aurum vero vel gemmas non invenit. Tunc fugit Porfirius. Yreneus vero vocavit ad se quendam christianum nomine Abundium * et tulerunt corpus illud ad beatum Justinum. Qui gratias agens * sepelivit illud juxta corpus sancti Ypoliti. Alia die Valerianus hoc audito tenuit Yreneum ' et Abundium * et fecit ut vivi in cloaca necarentur. Justinus vero eorum levavit corpora * et sepelivit ea juxta corpus beati Laurentii.

96.7 Lectio septima.

Tunc Decius Cesar ' arreptus a demonio * clamabat : « O Ypolite * tanquam tuum vinctum cathenis asperis me ducis ! » Valerianus vero arreptus clamabat : « O Laurentii * tanquam tuum captivum igneis cathenis me trahis. » Et expiravit eadem hora. Decius vero triduo agitatus a demone * clamabat die ac nocte : « Adjuro te Laurentii * modicum cessa a tormentis ! » Et sic mortuus est. Uxor autem ejus Triphonia ' et filia Decii Cyrilla venerunt ad beatum Justinum * orantes ut baptizarentur. Que dum baptizate essent * alia die ' dum oraret Tri-[210c]-phonia ' emisit spiritum.

96.8 Lectio octava.

Audito quod ille christiane facte fuissent * milites quadraginta sex cum uxoribus suis baptizati sunt. Quo audito, Claudius rex tenuit Cyrillam et milites predictos * et jussit duci ad sacrificandum. Qui omnes deriserunt regem. Quos jussit in custodiam recipi * Cyrillam vero sibi presentari. Cui ita dixit : « Sic tibi placuit ut precepta et ritum claritatis parentum ' non sequaris + et desideras nutrimenta regalia ? » Cyrilla respondit : « Ego christiana sum * et desero demonia que vos ad supplicium eternum deducent. »

96.9 Lectio nona.

Claudius dixit : « Consenti nobis et sacrifica diis * et accipe virum secundum natales tuos. » Cyrilla dixit : « Ego jam virum accepi ' qui me docuit sapientiam * hoc est Dominum Jesum Christum. » Tunc precepit eam jugulari * et corpus ejus in platea canibus relinqui. Sed Justinus sepelivit illud cum matre sua * ubi posuit corpus beati Laurentii. Milites quoque predicti pro Christi nomine decollati sunt. Inter quos ' Thedosius ' Lucius ' Marcus ' et Petrus ' videntes armatos ad se venire * roga(ba)bant ut primum decollarentur.

97- Assumptio BMV, vig.

14 VIII
97.R

In Vigilia Assumptionis, si non sit dominica, legantur tres lectiones de omelia. Si autem fuerit dominica, legantur sequentes lectionesa.

Maximus in sermone « Sicut patrum ». Å .

97.1 Lectio prima.

Cum venerabilis Syxtus Apostolice Sedis sacerdotio fungeretur1 ' et sanctissimo Laurentii archidiaconi ministerio ' Romana floreret Ecclesia * nocendi artifex inimicus ' pervigilis prius molitur custodiam pastoris eripere. Et ideo Syxtum ante omnes summum Domini sacerdotem furor gentilis aggreditur * ut ecclesiastica membra tam valido truncata capite ' velut munimine2 presidii celestis amoto ' cruentus persecutor invaderet. Sed magnus ille Syxtus qui commissis a Deo sibi ovibus affuerat pastor in terris * aderat patronus e celis.

  • Ps. Maximus, h 75, PL 57, 411A.
  • PD II 66
  • CPL 220, PLS III, c. 355, CPP 5807
97.2 Lectio secunda.

Denique sanctum Lau(re)rentium quasi jam pontificis sui solatio destitutum * ad subeunda supplicia manus pagana perquirit. Quem mirabilis Syxtus ' adversus omnia sevientis mundi mala ' vaticinio prophetici sermonis armavit. Nam cum idem Laurentius passionem paternam defleret * Syxtus prescientia Sancti Spiritus futura dinoscens ' ait illi : « Depone omnem fili tristiciam + nec enim diu mea de morte te contristabit absentia * post triduum me sequeris. »

  • ibid. c. 411B.
97.3 Lectio tercia.

Hoc responso indubitatam suscipiens ab optimo antistite veritatem * pre omnibus curat ut avaricia persequentis ' que de morte sanctorum contristabat Ecclesiam * de preda Ecclesie gaudium non haberet. Omnem igitur Ecclesie censum cunctaque sacri vasa ministerii ' convocatis inopum turbis ' pia erogatione distribuit + ut futurus martyr ' in retributione celesti pariter et mercede sanguinis sui ' et tali liberalitatis premio ditaretur * non dubitans et in semetipso se fidem Christo suo ' et ecclesiasticas opes in pauperibus servaturum.

  • ibid. c. 411BC.
97.4 Lectio quarta.

Propter hoc protinus ad tribunal rapitur impiorum vir simplicitate innocens ' virtute fortissimus + nichil aliud deferens judicanti quam vive mentis constantiam ' et illese conscientie puritatem * devotam Deo offerens animam ' et castissimum tradens persequenti corpus ad penam. Excogitatur itaque in Laurentium ferale tormentum * ut qui mortis metu non movebatur * acerbitate supplicii frangeretur. Sed quem consciarum confortabat multitudo virtutum * non poterat vincere magnitudo penarum.

  • ibid. c. 411C-412A.
97.5 Lectio quinta.

Paratur ergo craticula igne succensa * que martiris et animum fatigaret ' et corpus exureret. Sed ignorabat persequentium turba ' dyabolicis obcecata tenebris ' quod adustio illa membrorum ' fidelis anime esset eterna purgatio * et corpus, quod corrumpentibus flammis presens vita desereret ' ad incorruptionem vivendi, damnata morte, tansiret. Vere incomparabile salutaris hujus fidei sacramentum * quo per tormenta beatitudo queritur * et flammis refrigerium preparatur ' ut ait patriarcha David ' verbis martyrum dicens : Transivimus per ignem et aquam * et eduxisti nos in refrigerium. [Ps. 65, 12]

  • ibid. c. 412AB.
97.6 Lectio sexta.

Transibat per ignem et aquam beatus Laurentius * cum hinc eum mortifera mundi flamma torreret ' hinc celestis irrigui vitalis unda perfunderet. Transibat per ignem et aquam * cum vim furentis incendii ' divini fontis clementia temperaret. Ardebat ergo Laurentius * sed vincebat ignis ille de quo Salvator ait : « Ignem veni mittere in terram. » O novum mirandumque certamen ! Unius ejusdemque viri ' et flammis corpus urebatur * et ardentis fidei calore mens ignita fervebat. Ubi ergo cor ardet ' flammam membra non sentiunt + ubi Christi ignis operatur ' incendium Dyaboli neccesse est vincatur * et ubi Spiritus Dei fervet ' frigida sit flamma mortalium.

  • ibid. c. 412BC.
97.7a Lectio septima.

Secundum Lucam.

In illo tempore * loquente Jesu ad turbas * extollens vocem quedam mulier de turba ' dixit illi : « Beatus venter qui te portavit * et ubera que suxisti! » Et reliqua.

  • Luc. 11, 27.
97.7b

Omelia venerabilis Bede presbiter. Å .

[210d]

Unigenitus Dei filius, fratres carissimi, Dominus noster Jesus Christus ' ante assumptam de intemerata virgine ' nostre mortalitatis substantiam ' locutus est ad turbas per prophetas suos + locutus est per semet3 ipsum in adventu suo * et post gloriosissimam in celum ascensionem ' locutus est per discipulos. Factum est igitur in adventu suo ' cum ad turbas visibilis inter homines apparens loqueretur + sicut sancti evangelii lectio testatur ' quedam mulier de turba vocem extulit * et voce clara coram omni multitudine ventrem esse beatum ' qui eum portaverat ' et ubera que suxerat ' predicavit.

  • Non inventum estb.
97.8 Lectio octava.

At ille dixit : Quin immo ' beati qui audiunt verbum Dei ' et custodiunt illud ! [Luc. 11, 28] Hoc in loco ' beate Dei genitricis excellentia commendatur, quia in tanta speculationis custodia Domino famulabatur ' quod ipsius humilitati et sanctitati ' nullus sanctorum comparatur. Beatam igitur esse matrem suam Salvator noster predicavit, que verbum Dei audivit ' et supra omnes hujus vite mortales custodivit + et universos ' illius beatitudinis consortes esse Jesus Christus qui verbum Dei audiunt ' et custodiunt illud ' ostendit * sed tota eorum beatitudo ex gloriose Virginis utero processit. O veneranda domina electa et preelecta * que mater est et virgo esse non desinit! O admiranda puella * que, salvo virginitatis pudore, suum genuit genitorem! O felix ancilla + que creatorem et gubernatorem genuit universorum * et virgo permansit in eternum !

97.9 Lectio nona.

O benedicta mater + que inferni vastatorem ' celi reparatorem ' nostrum salvatorem ' mundi redemptorem ' Deum omnipotentem ' Dominum celi et terre ' et omnia continentem ' suo protulit ex utero * angelorum leticiam ' hominum vitam ' celorum gloriam ' sanctorum coronam ' paradisi lucernam. O beata femina * que regis universorum mater esse meruit. Suo creatore gaudet mater filio * et virginitate letatur. Sedet in gremio virginis et matris * qui trinam rerum machinam palmo concludit. Gaudet itaque mater * que tantum se habere filium contemplatur. O admirandum magne pietatis miraculum ! Nutrit Virgo Creatorem * adorat filium * suum lactat genitorem. Beata igitur mulier * que rerum beatitudinem omnium ' mater et virgo peperit.

98- Assumptio BMV

td, 15 VIII

Jeronimus in sermone de Assumptione « Cogitis etc. ». Å .

In Assumptione beate Marie virginis.

98.1 Lectio prima.

De assumptione beate et gloriose semper virginis Marie ' qualiter assumpta est * quia vestra id poscit intentio ' presentia absens scribere vobis curavi +

ne forte si venerit vestris in manibus illud apocriphum de transitu ejusdem ' dubia pro certis recipiatis *

presertim cum ex his nichil aliud experiri possit pro certo ' nisi quod hodierna die migravit a corpore. Monstratur autem sepulchrum ejus in vallis Josaphat medio + que vallis est inter montem Syon ' et montem Oliveti posita * ubi ejus in honore fabricata est ecclesia miro lapideo tabulatu + in qua sepulta fuisse ' ab omnibus ibidem predicatur * sed nunc vacuum esse cernentibus ostenditur.

  • Pascasius Radbertus, De Assumptione, CCCM 56C, = 7-8, l. 46-48, 53-54 et 56-64, p. 111-112a.
  • CPL 633, PLS II, c. 265
98.2 Lectio secunda.

Hec idcirco dixerim * quia multi nostorum dubitant ' utrum assumpta fuerit cum corpore ' an abierit relicto corpore. Quomodo autem vel quo tempore ' aut a quibus personis ' sanctissimum corpus ejus inde ablatum fuerit ' vel ubi transpositum ' utrum vere1 surrexerit ' nescitur * quamvis nonnulli astruere velint ' eam jam resuscitatam ' et beata cum Christo immortalitate vestiri.

Quid autem horum verius censeatur * ambigimus. Melius tamen Deo totum comittimus ' quam aliquid auctoritate nostra temere diffinire velimus ' quod non probamus + sicut et de his quos cum Domino resurrexisse legimus * sed utrum redierint in pulverem certum non habemus.

  • ibid. = 9-11, l. 65-71 et 75-81, p. 112-113.
98.3 Lectio tercia.

De his profecto nonnulli doctorum senserunt * quod jam in illis perpetua completa sit resurrectio.

Unde et beatus Petrus dixisse legitur ' cum de David loqueretur ' et sepulchrum ejus apud nos est [Act. 2, 29] * quasi non sit ausus dicere ' quod ipse aut corpus ejus apud nos est ' sed tantum sepulchrum. Hinc aiunt resurrexisse et ipsum cum ceteris sanctis * ideo vacuum remansisse monumentum ejus ' ut nunc beate Marie cernitur. Quod ' quia nichil impossibile est Deo ' nec nos de beata Maria factum abnuimus * quanquam propter cautelam magis opinari oporteat ' quam inconsulte diffinire ' quod sine periculo nescitur. De his ergo ex quibus certi sumus * tantisper loquamur ad exhortationem vestram et laudem nominis Dei.

  • ibid. = 11-13, l. 83-85 et 87-101, p. 113-115.
98.4 Lectio quarta.

Hodie beata Virgo gaudia vite eterne feliciter introivit ' alternantibus ymnidicis angelorum choris ' infra pascua eterne viriditatis + ubi una societas omnium civium supernorum ' ubi dulcis sollemnitas angelorum * ubi post labores et erumnas ' dulcis et suavis refectio est animarum. Hodie gloriosa Virgo celos ascendit + rogo, gaudete * quia ineffabiliter sublimata ' cum Christo regnat in eternum. Regina mundi hodie de presenti seculo nequam eripitur. Iterum dico, gaudete * quia secura de sua immarcescibili2 gloria ' ad celi pervenit palatium. [211a] Exultate, inquam ' et letetur omnis orbis * quia hodie nobis omnibus ejus intervenientibus meritis ' salus aucta est.

  • ibid. = 22-23, l. 182-193, p. 118-119.
98.5 Lectio quinta.

Rogo ut omnes pariter festivitatem gloriose Virginis devotissime celebremus * quia hec est dies preclara ' in qua meruit exaltari super choros angelorum ' et pervenire ultra quam nostre humanitatis est natura ' cum elevatur in dexteram Patris.

Hec est, inquam, dies in qua usque ad throni celsitudinem intemerata mater et virgo processit * atque in Regni solio sublimata ' post Christum gloriosa resedit. Sic itaque ubique sancta canit Ecclesia quod de nullo alio sanctorum fas est credere * ut ultra angelorum vel archangelorum merita transcenderit.

Hoc quippe privilegium non nature est * sed gratie Virginis ' de qua natus est ipse Deus et homo.

  • ibid. = 38-40, l. 301-305, 308-312 et 315-316, p. 125-126.
98.6 Lectio sexta.

Tantam ac talem virginem convenit ultra angelicam quodammodo dignitatem ' quantum fas est ' laudibus dignissime efferre ' que Christi per gratiam super choros angelorum exaltata devotissime hodie predicatur. Precessit nempe Dominus ac Salvator +

et preparavit huic sanctissime Virgini locum immortalitatis * ut cum eo regnare possit imperpetuum. Et hec est presentis diei festivitas * in qua gloriosa ad ethereum pervenit thalamum. Profecto festivitas hec ' sicuti et Virgo ' incomparabilis est omnium sanctorum festivitatibus * et admiranda etiam virtutibus angelicis.

  • ibid. = 43-45, l. 341-345 et 352-358, p. 127-128.
98.7a Lectio septima.

Secundum Lucam.

In illo tempore * intravit Jesus in quoddam castellum * et mulier quedam Martha nomine excepit illum in domum suam. Et huic erat soror nomine Maria. Et reliqua.

  • Luc. 10, 38-39.
98.7b

Omelia venerabilis Bede presbiteri. Å .

Due iste Domino dilecte sorores * duas vitas spirituales ' quibus in presenti sancta exercetur Ecclesia designant + Martha quidem actualem ' qua proximo in caritate sociamur * Maria vero contemplativam ' qua in Dei amore suspiramus. Activa enim vita est * panem esurienti tribuere ' verbo sapientie nescientem docere ' errantem corrigere ' ad humilitatis viam superbientem proximum revocare ' infirmantis curam gerere + que singulis quibusque expediant dispensare * et commissis nobis qualiter subsistere valeant ' providere. Contemplativa vero vita est * caritatem quidem Dei et proximi mente retinere ' sed ab exteriori actione quiescere + soli desiderio Conditoris inherere * ut nil jam agere libeat ' sed calcatis curis omnibus ' ad videndam faciem sui Creatoris animus inardescat * ita ut jam noverit carnis corruptibilis pondus cum merore portare ' totisque desideriis appetere ' illis ymnidicis angelorum choris interesse + admisceri civibus celestibus * de eterna in conspectu Dei incorruptione gaudere.

  • Beda Venerabilis, In Lucam, III, CCSL 120, l. 2315-2330, p. 225.
  • CPL 1356
98.8 Lectio octava.

Quia ergo venerabilem diem assumptionis beate Dei genitricis Marie celebramus * dignum est ut quantum possumus ' creatori nostro gratias agamus + quia penas quas nobis Eva mater intulit peccando * Maria mater et virgo abstulit ' Dominum Christum pariendo. Et quia Eva mundum errore complevit + Maria abstinendo se a peccatis ' non solum exemplum ostendit salutis ' sed etiam ipsam nobis leticiam attulit eterne felicitatis ' Jesum Christum Dominum nostrum * qui non solum mundum perditum liberavit ' verum etiam eterne vite gaudia obedientibus sibi concessit + ubi omnium beatorum beatitudo ipse erit * ubi omnes sancti et electi de singulorum felicitate gaudebunt ' qui hic ' aut per activam ' aut per contemplativam vitam feliciter illic laborando festinant.

  • Non inventum est.
98.9 Lectio nona.

Proinde, fratres mei, studeamus sollicite bonis nos moribus adornare. Et unusquisque nostrum quod in se pravum deprehendit corrigat + quod rectum est teneat * quod deforme ' pura confessione componat. Et quid sibi cavendum quidve sectandum sit sollicite consideret * et Domini sui precepta infatigabiliter diligat ' et efficaciter impleat. Beatitudinem vite future ante occulos mentis sue semper proponat * nec prospera hujus mundi diligat ' nec adversa pertimescat. Semper per opera misericordie ' ad eternam patriam hanelet + suscipiendo peregrinum ' vestiendo nudum ' redimendo captivum * tuendo violenter oppressum. Jugiter se ab omnibus iniquitatibus suis vera penitencia et confessione pura emundet * et vitam suam bonorum operum fructibus ditet.

  • Non inventum est.

99- Assumptio.

F[1] infra oct.

Infra octavas. In una feria.

99.1 Lectio prima.

Idem in eodem. Å .1

Si queritur post ascensionem Domini quid egerit beata Virgo * certum est quia Virgo sancta permansit + quam sane angelus Gabriel ac si celestis paranymphus intactam custodivit * et Johannes evangelista virgo Virginem servavit ' suisque deservivit obsequiis. Non quod chorus apostolorum eam deseruerit, inter quos intrans et exiens familiarius contulit de Christi incarnatione * et tanto verius ' quanto plenius ab initio per Spiritum Sanctum cuncta didicerat ' et perspexerat oculis universa. Quam sane ' etsi omnes venerati sunt discipuli eique famulabantur * Johannes tamen amplius et specialius usque in finem vite !

Ceterum ad exemplum humane vite ' conversatio ejus [211b] cum apostolis fuit ' quousque dispergerentur * sicut Lucas meminit dicens : Hi omnes erant cum Maria cum Maria matre Jesu2 et fratribus ejus. [Act. 1, 14]

  • Pascasius Radbertus, De Assumptione ; CCCM 56C, = 14-16, l. 107-122, et = 19, l. 155-163.
  • CPL 633, epist. 9.
  • CPL 633, PLS II, c. 265
99.2 Lectio secunda.

Ecce, Jesu ascendente, cum quibus vacat in scola virtutum ' et meditatur in lege mandatorum Dei * ut et ipsa sit forma discipline Christi ' et exemplum perfectionis virginibus. Conversatur cum testibus resurrectionis ' et ipsa testis * conversatur cum senatoribus Celi infra curiam Paradisi, sub Spiritus Sancti disciplina et magisterio totius divine majestatis. Invenitur prima inter primas summi Regis cohortes * quarum vita non erat jam de terris, in quibus Christus prelibatur, sed de Celis.

Puto autem quod quicquid cordis est ' quicquid mentis ' quicquid virtutis humane + si totum adhibeas * non sufficiet ut cogitare valeas quanto indesinenter cremabatur ardore pii amoris + quantis movebatur repleta Spiritu Sancto celestium secretorum incitamentis *

dum revolveret animo cuncta ' que audierat, que viderat ' que cognoverat.

  • ibid. = 20, l. 164-172, = 83, l. 691-695, et = 82, l. 689-690.
99.3 Lectio tercia.

Novis quippe cotidie inflammabatur desideriorum affectibus + tanto validius, quanto divinis illustrabatur intus visitationibus * quam totam repleverat Spiritus Sancti gratia ' totam incanduerat divinus amor + ita ut in ea nichil esset quod mundanus violaret affectus * sed ardor continuus ' et ebrietas perfusi Amoris. Fortassis ergo ' pre nimio amore ' in loco quo sepultus dicitur ejus Filius ' interdum habitasse eam credimus * quatinus piis pasceretur internus ejus amor obtutibus. Sic namque3 locus medius est hinc inde constitutus * ut adire posset Ascensionis vestigia ' et locum sepulture et Resurrectionis ' seu omnia in quibus passus est loca invisere.

Quamvis enim in Spiritu esset + tamen, dum in carne vixit, carneis movebatur sensibus * et ideo locorum recreabatur visitationibus.

Hodie igitur elevatur super choros angelorum * ut videre possit vultum Salvatoris ' quem concupierat ex toto desiderio cordis.

  • ibid. = 83-84, l. 696-709, = 85, l. 715-717, et = 86, l. 728-730.

100- Assumptio

F[2] infra oct.

In alia feria, infra octavas.

100.1 Lectio prima.

Idem in eodem. Å .1

In ascensione beate Dei genetricis admirans Spiritus Sanctus * ait : Que est ista que ascendit per desertum sicut virgula fumi ex aromatibus ? Et bene quasi virgula fumi [Cant. 3, 6] * quia gracilis et delicata + quia divinis extenuata disciplinis * et concremata intus incendio pii amoris. Ut virgula, inquit, fumi ex aromatibus. Nimirum quia multis repleta erat virtutum odoribus * unde ex ea fragrabat suavissimus odor ' etiam spiritibus angelicis. Ascendebat autem de deserto presentis seculi * virga de radice Jesse olim exorta. Sed mirabantur electorum anime pre gaudio * quenam esset ' que etiam meritorum virtutibus angelorum vinceret dignitatem.

  • ibid. = 46, l. 360-370.
  • CPL 633, PLS II, c. 265
100.2 Lectio secunda.

De hac iterum idem Spiritus Sanctus : Que est ista, inquit, que ascendit quasi aurora consurgens + pulchra ut luna ' electa ut sol ' terribilis ut castrorum acies ordinata ? » [ Cant. 6, 9] Admiratur autem Spiritus Sanctus * quia omnes de ascensu hujus admirantes facit ' quod, quasi novi diluculi aurora rutilans ascensu suo,2 resplendebat ' multis freta ' et vallata sanctorum agminibus. Unde dicitur terribilis ut castrorum acies admodum ordinata ' hinc inde sanctorum angelorum fulta presidiis. Pulchra ut luna. Immo pulchrior quam luna * quia jam sine defectu sui choruscat ' celestibus illustrata fulgoribus. Electa ut sol ' fulgore virtutum * quia ipse elegit eam sol justicie, ut nasceretur ex ea.

  • ibid. = 47, l. 371-383.
100.3 Lectio tercia.

Ad hujus exequias angeli famulabantur ' quantum fas est credere * et universe Celorum gratulabantur curie. Nec mirum + quia honor maternus ' ejus est qui natus est ex ea * quem omnis Celorum ordo veneratur. Legimus quam sepe ad funera quorumlibet sanctorum angelos advenisse ' obsequia prestitisse ' necnon et animas electorum ad Celos cum ymnis et laudibus detulisse * insuper et adhuc viventes ' ibidem miri odoris fragrantiam diutius persensisse. Quanto magis credendum est ' hodierna die militiam Celorum cum suis agminibus festive obviam advenisse genitrici Dei ' eamque ingenti lumine circumfulsisse + et usque ad thronum sibi ante mundi constitutionem paratum ' cum laudibus et canticis spiritualibus perduxisse ?

  • ibid. = 48-50, l. 384-405.

101- Assumptio.

F[3] infra oct.

In alia feria.

101.1 Lectio prima.

Idem in eodem. Å .1

Nulli dubium est omnem illam celestem Jherusalem tunc exultasse ineffabili leticia ' tuncque cum omni gratulatione jubilasse * quando festivitas hec que nobis revolvitur annua ' illis omnibus facta est continua. Nec immerito. Creditur enim quod Salvator per se totus festivus occurrit * et cum gaudio matrem secum in throno collocavit. Alias ' quomodo implevisse creditur + quod in lege ipse precepit ? Honora, inquit, patrem tuum et matrem tuam. [Mat. 15, 4]

Hec est Virgo mater * de qua Salomon dicit : Veni, columba mea, immaculata mea * jam hyems abiit et recessit. [Cant. 2, 11] Ascende, inquit, veni de libano, veni. [Cant. 4, 8] Nec immerito de Libano venire jubetur. Erat enim dealbata nive candidius * Spiritus Sancti muneribus simplicitatem columbe in omnibus representans. Quoniam quicquid in ea gestum est, totum puritas et simplicitas ' totum veritas ' [211c] et gratia fuit * totum misericordia ' et justicia que de Celo prospexit. [Ps. 84, 12] Immaculata autem dicitur * quia in nullo corrupta fuit.

  • ibid. = 51-52, l. 406-414, et = 57, l. 459-468.
  • CPL 633, PLS II, c. 265
101.2 Lectio secunda.

Quod si gaudium sit in celo de quolibet peccatore converso + multo magis putandum ' pro tante virginis exaltatione * presertim quia ejus celebritas laus et favor est Salvatoris. Unde credimus quod non hunc tantum diem sollemnem ducunt in supernis annuum * verum etiam continuum eterne jocunditatis ' ac leticie ' et venerationis obsequio ' cum omni colunt tripudio amoris et gaudii. Nec immerito illa celestis civitas congratulatur ' et veneratur Matrem ' cujus super se adorat Filium regem * ante quem tremunt potestates ' et curvatur omne genu. De hac Dei genitricis ad celos ascensione * quasi columbam desuper rivos aquarum. [Cant. 5, 12]

  • ibid. = 86-88, l. 730-745.
101.3 Lectio tercia.

Vere speciosa quasi columba * quia illius speciem columbe ac simplicitatem premonstrabat ' que super Dominum venit. Bene autem desuper rivos aquarum * quia super aquam refectionis [Ps. 22, 2] educaverat eam Dominus ' ubi cotidie lota et perfusa ' ascendit hodierna die speciosa valde. Cujus odor inestimabilis erat nimis. Ad ejus profecto fragrantiam ' omnis illa celestis2 Jherusalem leta decurrit ' quam circumdabant flores rosarum ' et lilia convallium [Cant. 2, 1] * eo quod omnes anime martirio rubricate ' eam eterne dilectionis complectentes amplexibus ' et virginitatis splendore candidate ' eam venerationis gratia obsequentes '

indesinenter ejus admirantur pulchritudinem. Quam si diligentius aspicias * nichil virtutis ' nichil speciositatis ' nichil est candoris et glorie ' quod ex ea non resplendeat.

  • ibid. = 88-89, l. 746-760, et = 91-92, l. 775-781.

102- Assumptio

F[4] infra oct.

Sermo beati Bernardi. Å .

In alia feria.

102.1 Lectio prima.

Tempus loquendi est omni carni * cum assumitur incarnati Verbi mater in celum. Nec cessare debet a laudibus humana mortalitas + cum hominis sola natura ' supra immortales spiritus exaltatur in Virgine. Sed de ejus gloria ' nec silere devotio patitur * nec dignum aliquid sterilis concipere cogitatio ' aut inerudita potest locutio parturire. Hinc est * quod et ipsi celestis curie principes ' in consideratione tante novitatis ' clamant non sine admiratione : Que est ista que ascendit de deserto ' deliciis affluens ? [Cant. 8, 5] Ac si manifestius dicant : « Que est ista que de sub sole, ubi nichil est ' nisi labor et dolor ' et afflictio Spiritus ' ascendit deliciis spiritualibus affluens ? » Quid in delicias dixerim ' virginitatis decus cum munere fecunditatis + humilitatis insigne ' distillantem caritatis favum ' misericordie viscera ' plenitudinem gratie ' prerogativam glorie singularis ? Ascendens igitur de deserto regina mundi * etiam angelis sanctis ' ut canit Ecclesia ' speciosa facta est et suavis ' in deliciis suis.

  • Bernardus Claraevallensis, sermo 4 in Assumptione BMV, Opera V (1968), p. 244, l. 7-21 et 245, l. 1a.

Item sermo ejusdem. Å .

102.2 Lectio secunda.

Signum magnum apparuit in celo + mulier amicta sole et luna sub pedibus ejus * et in capite ejus corona stellarum duodecim. [Apo. 12, 1] Id non inconvenienter Marie videtur attribuendum. Nimirum ea est * que velut alterum solem induit sibi. Quemadmodum enim ille super bonos et malos [Mat. 5, 45] indifferenter oritur * sic ipsa omnibus sese exorabilem ' omnibus clementissimam prebet. Et defectus omnis sub ea est ' et quicquid fragilitatis ' seu corruptionis est ' pre omnibus excedit * ut merito sub pedibus ejus luna esse dicatur.

Jure quoque Maria sole perhibetur amicta + que luci illi inaccessibili videtur immersa * nec summatim tangi ' sed operiri magis et circumfundi ' et tanquam ipso igne concludi. Candidissimus sane ' sed et calidissimus amictus + cujus omnia tam excellenter irradiata noscuntur ' ut nichil in ea tenebrosum ' vel subobscurum saltem ' vel minus lucidum * sed ne(c) tepidum quidem aliquid ' aut non ferventissimum liceat suspicari.

  • ibid., sermo in dominica infra octavam Assumptionis, p. 263, l. 23-26 et 264, l. 1-4 ; p. 264, l. 14-22b.
102.3 Lectio tercia.

Quam familiaris ei facta es, domina ' quam proxima ' immo quam intima + quantam invenisti gratiam apud eum ? In te manet * et tu in eo. Vestis eum * et vestiris ab eo. Vestis eum substantia carnis * et vestit te ille sue gloria majestatis. Vestis nube solem * et sole ipso vestiris. Novum enim fecit Dominus super terram * ut mulier circundaret virum ' et ut mulier sole appareret amicta. Denique et coronavit eum * et vicissim ab eo meruit coronari. Egredimini, filie Syon * et videte regem Salomonem ' in dyademate quo coronavit eum mater sua. [Cant. 3, 11] Verum hoc alias. Interim sane ingredimini magis * et videte reginam in dyademate ' quo coronavit eam Filius. In capite, inquit, ejus corona stellarum duodecim. [Ap. 12, 1] Dignum plane * stellis coronari caput quod et ipsis longe clarius micans ' ornet eas potius quam ornetur ab eis. Quidni coronent sydera ' quam sol vestit ?

  • ibid. p. 266, l. 10-23.

103- Assumptio.

D infra oct.

Dominica infra octavas Assump-[211d]-tionis.

Ex sermone beati Bernardi « Virgo hodie ». Å .

103.1 Lectio prima.

Preciosum hodie munus terra nostra direxit in celum * ut dando et accipiendo ' felici amicitiarum federe copulentur humana divinis. Illo enim ascendit fructus terre sublimis * unde data optima descendunt ' ascendens in altum Virgo Maria * dabit ipsa quoque dona hominibus. Siquidem nec facultas ei deesse poterit * nec voluntas. Regina Celorum est * misericors est ' mater est Unigeniti Dei. Nichil enim sic potest potestatis ejus seu pietatis1 magnitudinem commendare. Nisi forte ' aut non creditur Dei Filius honorare matrem * aut dubitare quis potest omnino in affectum caritatis transisse Marie viscera ' in quibus ipsa que ex Deo est caritas ' novem mensibus corporaliter requievit.

  • Bernardus Claraevallensis, sermo 1 in Assumptione BMV, Opera V (1968), p. 229, l. 16-26.
103.2 Lectio secunda.

Et hec quidem propter nos dixerim, fratres * ut tamen interim sileam beneficia que pro ipsius glorificatione consequimur ' si eam diligimus. Gaudebimus utique, quia vadit ad Filium * nisi forte, quod absit, inventrici gratie omnimodis inveniamur ingrati. Quem enim castellum mundi hujus intrantem prius ipsa susceperat * ab eo suscipitur hodie ' sanctam2 ingrediens civitatem. Sed cum quanto putas honore + cum quanta exultatione ' cum quanta gloria ?

  • ibid. p. 230, l. 1-8.
103.3 Lectio tercia.

Nec in terris locus dignior virginalis uteri templo ' in quo Dei Filium Maria suscepit * nec in Celis regali solio ' quo Mariam hodie Filius sublimavit. Felix nimium utraque susceptio + ineffabilis utraque * quia utraque inexcogitabilis est. Ut quid enim hodie ea in Ecclesiis Christi evangelica lectio recitatur + in qua mulier benedicta in mulieribus ' excepisse intelligitur Salvatorem ? Credo ut hec quam celebramus, ex illa susceptione aliquatenus estimetur * immo ut, juxta illius inestimabilem gloriam ' inestimabilis cognoscatur et ista.

  • ibid. p. 230, l. 8-15.
103.4 Lectio quarta.

Quis, etiam si linguis hominum et angelorum loquatur ' explicare queat ' quemadmodum superveniente Spiritu ' obumbrante virtute Altissimi ' Dominus majestatis, quem non capit universitas creature ' intra virginea sese clausit viscera factus homo ? Sed et illud quis cogitare sufficiat ' quam gloriosa hodie mundi regina processerit + et quanto devotionis affectu ' tota in ejus occursum celestium legionum prodierit multitudo ?

  • ibid. p. 230, l. 15-22.
103.5 Lectio quinta.

Quis explicare queat quibus ad thronum glorie canticis sit deducta + quam placido vultu ' quam serena facie ' quam letis amplexibus suscepta a filio ' et super omnem exaltata sit creatura ' cum eo honore quo tanta mater digna fuit ' cum ea gloria que tantum decuit Filium ? Felicia prorsus oscula labiis impressa lactentis * cui virgineo mater applaudebat in gremio. Verum nunquid non feliciora censebimus que ab ore sedentis in dextera Patris ' hodie in beata salvatione suscepit + cum ascenderet ad thronum glorie ' epithalamium canens et dicens ' osculetur me osculo oris sui ? [Cant. 1, 1]

  • ibid. p. 230, l. 22-26 et 231, l. 1-3.
103.6 Lectio sexta.

Christi generationem ' Marie assumptionem quis enarrabit ? Quantum enim gratie in terris est adepta pre ceteris * tantum et in Celis obtinet glorie singularis. Quod si oculus non vidit ' nec auris audivit ' et in cor hominis non ascendit que preparavit Deus diligentibus se [1 Cor. 2, 9] * quid preparavit gignenti se ' et quod omnibus certum est ' diligenti pre omnibus ' quis loquatur ? Felix plane Maria ' et multipliciter felix * sive cum excipit Salvatorem ' sive cum a Salvatore suscipitur.

  • ibid. p. 231, l. 3-9.
103.R

Tres alie lectiones de omelia dominicali.

104- Assomptio, Oct.

s, 22 VIII

In Octavis Assumpsionis beate Marie virginis.

Augustinus in sermone « Quia profundissime ». Å .

104.1 Lectio prima.

De sanctissimo corpore perpetue Virginis ejusque sacre anime assumptione loqui suscipientes * hoc primum dicimus ' quod in Scripturis ' postquam Dominus eam in cruce discipulo commendavit ' nichil de ea reperitur preter quod Lucas commemorat ' in Actibus dicens : Hi omnes erant perseverantes unanimiter in oratione cum Maria matre Jesu. [Act. 1, 14]

Quid ergo de morte ' quid de ejus assumptione dicendum est ' unde Scriptura nichil commendat + nisi querendum ratione quod consentiat veritati ? Fiat ergo ipsa Veritas auctoritas * sine qua nec valet auctoritas.

  • De Assumptione BMV liber unus, incerti auctoris et pii, PL 40, cap. 1-2, c. 1143-1144a.
  • Glorieux p. 30, PLS II c. 1369
104.2 Lectio secunda.

Memores igitur conditionis humane * mortem ' illam subisse temporalem ' dicere non metuimus +

sed si dicimus eam resolutam in communem putredinem ' vermem ' ac cinerem * librandum est si tante conveniat sanctitati ' tante aule Dei prerogative. Scimus enim dictum primo parenti * quia pulvis es ' et in pulverem ibis. [Gen. 3, 19] Hanc conditionem caro Christi evasit * que corruptionem non sustinuit.

Excipitur ergo ab illa generali sententia * de Virgine sumpta natura. Mulieri quoque dixit Deus : Multiplicabo erumnas tuas * in dolore paries. [Gen. 3, 16] Erumnam Maria sustinuit ' cujus animam gladius pertransiit * sed sine dolore genuit. Maria ergo etsi communicat erumnis Eve * non communicat partu‑[212a]-riendo cum dolore.

  • ibid. cap. 2-4, c. 1144.
104.3 Lectio tercia.

Excipitur ergo a quibusdam generalibus * quam tanta attolit dignitatis prerogativa. Si ergo eam dicimus mortem subisse nec tamen vinculis ejus retineri ' nunquid impium erit ? Si voluit Dominus integram matrem virginitatis servare pudore + cur non velit incorruptam a putredinis servare fetore ? Nunquid non pertinet ad benignitatem Domini matris servare honorem + qui legem solvere non venerat sed adimplere ? Qui enim in vita pre ceteris ' illam gratia sui conceptus honoravit * pium est credere ' eam in morte singulari salvatione et speciali gratia honorasse.

  • ibid. cap. 4-5, c. 1144-1145.
104.4 Lectio quarta.

Putredo et vermis * humane est opprobrium conditionis. Ab hoc opprobrio cum Jesus sit alienus * natura Marie excipitur ' quam Jesus de ea sumpsisse probatur.

Caro enim Jesu caro est Marie * quam super astra transvexit ' honorans omnem humanam naturam ' et multo magis maternam. Si natura matris est filius + conveniens est ' ut sit et filii mater * non quantum ad unitatem persone ' sed quantum ad unitatem corporalis nature. Si enim unitatem facere potest gratia ' sine proprietate specialis nature + quanto magis ' ubi gratie unitas ' et corporalis est specialis nativitas ? Unitas gratie est * ut discipulorum in Christo de quibus dicit : Ut sint unum ' sicut et nos. [Jo. 17, 11]

Et postea : Pater volo ut ubi ego sum * et illi sint mecum. [cf. Jo. 17, 24] Si igitur secum habere vult eos qui hic sua fide juncti ' unum cum eo esse judicantur + quid existimandum est de matre ubi digna sit haberi ' nisi in presentia filii ?

  • ibid. cap. 5, c. 1145-1146.
104.5 Lectio quinta.

Quantum igitur intelligo ' quantum credo * Marie anima excellentiori quadam prerogativa a Filio honoratur ' possidens in Christo corpus suum quod genuit glorificatum + et quare non suum per quod genuit ? Si non obviaverit necdum perspecta auctoritas + vere credo et per quod genuit * quia tanta sanctificatio dignior est Celo quam terra. Thronum Dei ' thalamum Domini Celi ' atque tabernaculum Christi * dignum est ibi esse ubi ipse est. Tam preciosum thesaurum ' dignius est Celum servare ' quam terram. Tantam integritatem merito incorruptibilitas * non putredinis ulla resolutio sequitur.

  • ibid. cap. 6, c. 1146.
104.6 Lectio sexta.

Illud sacratissimum corpus ' in escam vermibus traditum ' quia sentire non valeo * dicere pertimesco. Quam estimationem procul propellit incomparabilis gratie munus * quod me dicere multarum Scripturarum consideratio invitat. Suis aliquando ministris Veritas ait : Ubi ego sum * illic et minister meus erit. [Jo. 12, 16] Si hec est generalis sententia omnium per fidem et operationem Christo ministrantium + quanto magis, quodam modo specialiter, Marie ? Absque dubio enim opere ministratrix extitit + que hunc in utero gessit ' partuque profusum aluit ' et fovit ' et in presepio reclinavit [Luc. 2, 7] ' et fugiens in Egyptum abscondit * et omnem infantiam ejus prosecuta usque ad crucem ab ejus non recessit consectatu.

  • ibid. cap. 6-7, c. 1146.
104.7 Lectio septima.

Non potuit autem ejus divinitatis non esse credula * que se noverat hunc non virili semine sed divino spiramine concepisse.

Unde de Filii potestate tanquam de Dei virtute non nutabunda ' deficiente vino dixit : vinum non habent [Jo. 2, 3]  * sciens illum hoc potuisse quod eum mox contigit miraculo complevisse. Ecce igitur Maria fide et opere Christi ministratrix ' si ibi non fuerit ubi Christus ministros suos vult esse + ubi ergo erit ? Et si ibi fuerit + nunquid equali gratia ? Et si equali gratia + ubi equa Dei censura qui reddit unicuique secundum merita ? Si merito ' pre omnibus Marie viventi donata est gratia + mortue erit minuenda ? Absit. Si enim omnium sanctorum mors est preciosa * Marie sane est preciosissima.

  • ibid. cap. 7, c. 1146-1147.
104.8 Lectio octava.

Confitendum igitur censeo ' Mariam ad eternitatis gaudia assumptam + benignitate Christi ' honorabilius susceptam ceteris ' quam gratia honoravit pre ceteris * atque ad communem humanitatem non esse adductam post mortem ' putredinis videlicet ' vermis ' et pulveris ' que suum et omnium genuit Salvatorem.

Si elegit divina voluntas inter ignium flammas puerorum vestimenta servare illesa + cur abnuat in matre propria ' quod elegit in vesta aliena ? Jonam servare in ventre ceti incorruptum ' voluit sola misericordia + Mariam incorruptam non servabit gratia ? Servatus est Daniel in intemperatissima fame leonum + non servanda est Maria ' tantis donata meritis dignitatum  ?

  • ibid. cap. 8, c. 1147.
104.9 Lectio nona.

Hec ergo cuncta que diximus ' quia naturam non servasse cognoscimus * in integritate quoque Marie plus gratiam quam naturam potuisse ' non dubitamus. Christus ergo letari facit Mariam anima et corpore in [212b] proprio filio * nec ullam sequi corruptionis erumnam quam nulla secuta est tantum pariendo filium integritatis corruptio + ut sit semper incorrupta quam tanta perfudit gratia * sit integriter vivens ' que omnium integram genuit vitam.

Si ergo dixi ut debui * approba, Christe, obsecro ' tu et tui. Si vero non ut debui * ignosce, obsecro, tu et tui.

  • ibid. cap. 8-9, c. 1147-1148.

105- Bernardus, ab.

s, 20 VIII

In festo beati Bernardi abbatis.

Alanus Autisiodorensis, Ecclesie sacerdos. T .

105.1 Lectio prima.

Bernardus Fontanis oppido Burgundie ' patre Tecilino milite ' matre Adelaide ' claris quidem dignitate seculi ' sed dignioribus pietate christiane religionis * oriundus fuit. Cujus mater non tam viro quam Deo genuit sex mares + futuros monachos * unam feminam futuram sanctimonialem. Hos autem heremo magis quam curie nutriebat * grossioribus cibis et communibus pascens eos ' et instituens ' quasi continuo ad heremum transmittendos. Bernardus autem tercius in ordine filiorum ' a pueritia litteris traditus ' gratia plenus ' pollens ingenio * in rebus secularibus jam futuram perfectionem velut naturaliter inchoabat.

  • cf. BHL 1232
105.2 Lectio secunda.

Erat enim simplicissimus in secularibus ' amans habitare secum ' publicum fugitans ' mire cogitativus ' parentibus obediens ' subditus omnibus ' benignus et gratus + domi simplex ' et quietus ' foris rarus ' ultra quam credi possit verecundus ' nunquam multum loqui amans * et Deo devotus ' puram sibi conscientiam conservabat. Cum1 ergo defuncta matre ' Bernardus quasi sui viris esse inciperet ' et ei in omnibus secularis prosperitas arrideret + Diabolus proposito castitatis ejus invidere cepit * et multos ei laqueos temptationis opposuit.

105.3 Lectio tercia.

Cum hic aliquando quandam feminam curiosus aspexisset + continuo de seipso erubescens ' in stagnum gelidum collo tenus insilivit * et tam diu ibi mansit ' donec pene exsanguis effectus ' per gratiam Dei a calore carnalis concupiscentie totus refriguit. Circa illud tempus * instinctu Dyaboli in lectum dormientis puella nuda se injecit. Quam ille sentiens ' cum omni pece et silentio partem ei lectuli quam occupaverat cessit * et convertens se in latus alterum obdormivit. Misera illa aliquandiu jacuit + et cum ille immotus persisteret ' erubuit * et horrore perfusa surgens aufugit.

105.4 Lectio quarta.

Cum iterum in domo cujusdam matrone cum sociis hospitaretur * nocte accessit ad eum mulier. Quam ille sentiens * statim clamavit :2 « Latrones ! » Ad hanc vocem fugit mulier * familia consurgit + lucerna accenditur * latro queritur ' sed non invenitur. Ad lectum unusquisque redit + sed illa quod ceperat usque tertio iteravit * et sic semper repulsa ' vix tandem cessavit. Cumque sequenti die in via interrogassent eum socii qui essent latrones ' quos totiens somniavit + « Veraciter, inquit, aderat latro * qui michi castitatem nitebatur auferre ' irreparabilem thesaurum. »

105.5 Lectio quinta.

Perpendens itaque non esse tutum cohabitare serpenti * cogitavit latere in ordine Cysterciensi ' et maxime ad effugium vanitatis. Quod cum fratres ejus cognovissent ' et eum retinere modis omnibus attemptarent + tantam gratiam dedit ei Dominus ' ut non solum ipse a conversione non retardaretur * sed etiam ipsos fratres et multos alios ad conversionem Domino lucraretur. Annum igitur .XXIIm. agens * cum tringinta sociis Cistercium ingreditur + et ibi statim in tantum carnales concupiscentias adnullavit * ut totus absortus in Spiritum ' nullis ut homo sensibus corporeis uteretur.

105.6 Lectio sexta.

Cum anno peracto hic de cella novitiorum exiret * ignoravit si domus haberet testudinem. In capite Ecclesie ubi tres erant * unam tantum putavit inesse fenestram. Vix etiam sapore aliquid discernebat. Nam et sagimen crudum per errorem pro butiro sibi oblatum multis diebus comedit * et oleum pro aqua multotiens bibit. Solam aquam sibi sapere dicebat * quia fauces et guttur ei refrigerabat.

105.7 Lectio septima.

Post aliquantum3 temporis cum abbas Cistercii mitteret fratres apud Claramvallem * Bernardum illis prefecit abbatem ' licet juniorem et infirmiorem ' et exterioris occupationis prorsus expertem. Ubi ita diu vixerunt * quod pulmentum sepius ex foliis fagi conficiebant ' et panem de ordeo ' et milio et vicia comedebant. Tanta autem erat ei sollicitudo de salute omnium * ut erga omnes maternum gerere videretur affectum. Cum autem frequenter in principiis scolarium Parisius predicaret * tot scolares ad religionem suam trahebat ' ut Claramvallem deferrentur in quadrig(r)is. Pater etiam ipsius qui solus domi remanserat ' illuc ivit * et vitam in bona senectute finivit.

105.8 Lectio octava.

Soror ejus in seculo nupta ' in deliciis periclitans * fratres [212c] suos visitavit. Cumque venisset ad portam cum comitatu ' et apparatur superbo * vir Dei eam detestans tanquam rete Dyaboli ad capiendas animas ' nullatenus adquievit exire ad eam. Quod illa audiens ' et compuncta vehementer * cum etiam a fratre suo portario stercus involutum vocaretur + tota in lacrimis resoluta ' « etsi, inquit, peccatrix sum * tamen pro talibus mortuus est Christus. Etsi despicit frater meus carnem meam * non despiciat servus Dei animam meam. Veniat ' precipiat * quicquid preceperit facere sum parata. » Ad hoc pactum ivit ad eam cum fratribus suis. Et primo verbo ei omnem mundi gloriam interdixit + et formam vite matris sue ei indicens ' sic eam convertit ' quod secundo anno vir ejus virtute4 et perseverantia animi ejus victus ' liberam eam dimisit * et illa reliquum vite sue in omni sanctitate cum sanctimonialibus duxit.

105.9 Lectio nona.

Sanctus autem Bernardus tanta abstinentia ' labore ' et vigiliis ' corpus suum detrivit * ut gravissima et continua egritudine languens ' licet sibi vim vehementer inferret ' conventum sufferre non posset. Unde ipse se graviter accusabat * sacrilegii arguens ' quod servitio Dei et fratrum suorum corpus suum indiscreto fervore inutile reddidisset. Cilicium quidem portavit * quamdiu occultum esse potuit. Semper orans ' aut legens ' aut scribens ' aut meditans ' aut fratres in verbo edificans * post multa miracula et exempla virtutum completis annis vite ejus sexaginta tribus ' anno Domini .M.C.LIII. migravit ad Dominum.

106- Bartholomeus, ap.

sd, 24 VIII

In festo beati Bartholomei apostoli.

Ex gestis ejus. Å .

106.1 Lectio prima.

Indie tres esse ab hystoriographis asseruntur. Prima est que ad Ethiopiam mittit + secunda que ad Medos * tertia que finem facit.1 In hanc ingressus Bartholomeus * in templo Astaroth quasi peregrinus manere cepit. Unde factum est ' ut eo ibi manente nulla responsa daret Astaroth * nullique poterat subvenire languentium ' quibus plenum erat templum. Perrexerunt ergo in aliam civitatem ' ubi colebatur Berith * et ceperunt inquirere ' quare Deus eorum non daret eis responsum. Respondens Berith * dixit : « Deus vester religatus cathenis igneis ' sic tenetur ' ut necque suspirare audeat * ex illa hora qua illic apostolus Bartholomeus ingressus est. »

  • < BHL 1002
106.2 Lectio secunda.

Dicunt illi : « Et quis est iste Bartholomeus ? » Respondit demon : « Amicus est Dei omnipotentis. » Dicunt ei : « Dic nobis signa ejus * ut possimus eum invenire inter tot milia hominum. » Respondit demon : « Induitur pallio albo * per singulos angulos gemmas purpureas habente. Viginti sex anni sunt quod nunquam sordidantur vestimenta ejus * nunquam veterascunt. Centies flexis genibus per diem + centies per noctem * orat Deum. Sandalia ejus * per viginti et sex annos nunquam veterascunt. Vox ejus quasi tuba. Semper eodem vultu ' eodem animo * hylaris et letus permanet. Omnia previdet * omnem linguam loquitur ' et intelligit. Angeli Dei famulantur ei * et nuntiant omnia. Si vult ' ostendet se vobis * si non vult ' non poteritis eum videre. » Et hec dicens conticuit.

106.3 Lectio tercia.

Revertentes ceperunt circuire ' et inquirere hospitia * et per duos dies non invenerunt eum. Factum est autem * ut quidam plenus demonyo clamaret ' et diceret : « Apostole Dei Bartholomee * incendunt me orationes tue. » Tunc apostolus dixit ei : « Obmutesce * et exi ab eo ! » Et statim liberatus est homo. Nuntiatum est autem Polemio regi provincie ejusdem. Et misit * et rogavit apostolum dicens : « Filia mea male vexatur * peto ut liberes eam. » Ex[s]urgens autem * perrexit cum eo. At ubi vidit eam cathenis constrictam ' jussit eam solvi * et ultra non potuit eam vexare demon.

106.4 Lectio quarta.

Tunc rex oneravit camelos argento et auro ' gemmis et vestibus * et cepit querere apostolum. Et non invenit eum * et reportata sunt omnia. In aurora autem diei futuri apparuit apostolus solus cum solo rege ' clauso ostio * et dixit ei : « Ut quid me quesivisti cum auro et argento ? Ego nichil terrenum ' nil carnale ' desidero. Sed scire te volo ' quia Filius Dei dignatus per uterum Virginis nasci ' victor Dyaboli ' misit nos in omnes provincias ' ut expellamus ministros ejus ' qui per templa habitant * et homines qui eos colunt ' de potestate ejus qui victus est ' auferamus. Inde est quod demonem qui vobis dabat responsa * ab angelis ejus qui me misit ' religatum obtineo.

106.5 Lectio quinta.

Si vis ergo probare ita esse + jubebo illi et egredietur statuam * et faciam eum confiteri hoc ipsum. » Dicit ei rex : « Crastino parati erunt pontifices sacrificare * et ego superveniam ut videam hoc mirabile. » Altera igitur die sacrificantibus eis * cepit clamare demon : « Cessare, miseri, sacrificare michi * ne pejora patiamini quam ego qui cathenis igneis religatus sum ab angelis Jesu Christi. » Et addidit : « Princeps noster mittit nos ad homines ' ut ledamus primo carnem [212d] eorum * quoniam in animabus potestatem habere non possumus ' nisi sacrificaverint. At ubi pro salute corporis nobis sacrificaverint ' cessamus eos ledere * quoniam in animabus eorum incipimus habere potestatem. »

106.6 Lectio sexta.

Tunc dixit apostolus ad plebem : « Ecce quem deum putabatis * ecce quem putabatis2 curare vos. Audite nunc verum Deum * creatorem vestrum qui in Celis habitat. Et si vultis ut omnes hi sanitatem recipiant * deponite ydolum hoc ' et confringite + et templum hoc Christi nomini consecrabo * et vos omnes Christi baptismate purificabo. » Tunc jussu regis miserunt funes * sed simulachrum non poterant evertere. Tunc apostolus dixit eis : « Solvite omnia vincula. » Dixit autem ad demonem : « Exi de simulachro * et confringe illud.3 » At ille statim egrediens * comminuit non solum ipsum ' sed etiam omnia ubicumque erant in templo. Tunc omnes clamare ceperunt : « Unus Deus omnipotens * quem predicat Bartholomeus. »

106.7 Lectio septima.

Tunc expandens Bartholomeus manus ad Deum * dixit : « Peto, Domine * ut omnis hec multitudo salvetur. » Cumque finita oratione omnes respondissent amen * apparuit angelus Domini splendidus. Et per quatuor angulos templi circumvolans * digito in quadratis saxis sculpens signum crucis ' dixit : « Hec dicit Dominus. Sicut omnes vos mundavi ab infirmitate vestra * ita mundavi hoc templum ab omni sorde ' et habitatore ejus. » Tunc ostendit eis angelus ingentem Ethyopem * nigriorem fuligine. Et cum exsolvisset eum * ille ululatum emittens ' evolavit ' et nusquam comparuit. Angelus autem evolavit ad celum.

106.8 Lectio octava.

Tunc rex Polemius cum uxore et filiis ' ac omni populo qui ad ejus regnum pertinebant ' baptizatus est * et deposito dyademate ' cepit apostolum non deserere. Cum autem templorum pontifices Astiagi regi fratri ejus hec flentes refererent * indignatus ille misit armatos ' ut ubicunque inventus fuisset apostolus ' vinctum illum perducerent. Quod cum fecissent * dicit ad eum : « Sicut fecisti fratrem meum derelinquere deum suum * ita ego faciam te deum tuum derelinquere. » Dicit ei apostolus : « Ego deum quem colebat frater tuus religatum ostendi * tu si poteris hoc facere Deo meo ' poteris me ad sacrificium provocare. Hec cum diceret * nuntiatum est regi ' quod deus ejus Waldach cecidisset minutatim.

106.9a Lectio nona.

Tunc rex fecit fustibus cedi apostolum * cesum autem decollari. Venientes autem populi innumerabiles qui per eum crediderant ' construxerunt ei basilicam * et in ea posuerunt corpus ejus. Rex autem Astiages et pontifices arrepti a demonio * venerunt ad tumulum. Et confitentes apostolatum ejus * sic mortui sunt. Polemius autem * universo populo acclamante ' ordinatus est episcopus.

106.9b

Sanctus Theodorus abbas et doctor. T .4

Legitur autem in quibusdam antiquioribus gestis hujus apostoli * quod ipse primum predicavit ' in Licaonia ' postmodum in India, ad ultimum in Albano ' urbe scilicet majoris Armenie. Ubi primo excoriatus ab impiis, tandem capite plexus * ibidem sepultus est. Cum autem post obitum clareret miraculis + infideles sacrum corpus ejus, cum archa lapidea in qua erat, projecerunt in mare * sed virtute divina venit in partes Sicilie ' in insulam que vocatur Lipparis. Ubi revelatione divina facta episcopo Ostiensi, qui tunc erat ibi * magnifice receptus est et collocatus.

  • cf. BHL 1004
106.9c

Ex gestis translationis. T .5

Fertur autem quod postmodum translatus sit apud Beneventum ' et inde Romam * licet Beneventani asserant ' quod apud eos adhuc corpus sacrum habeatur.

  • cf. BHL 1011/1011d ?

107- Augustinus, ep. et c.

td, 28 VIII

In festo beati Augustini.

107.N

Possidius qui fuit Calamensis episcopus, ut dicit Cassiodorus in Libro de illustribus viris, composuit legendam que sic incipit : « Inspirante », cum qua ista fere est eadem. Å .

  • < BHL 788
107.1 Lectio prima.

Beatus Augustinus ex provincia Affricana ' civitate Tagatensi ' de numero curialum * honestissimis valde parentibus oriundus fuit. Cujus carnalis pater Patricius * mater vero Monica nuncupata est. Ipse puer nutritus sub diligentia ' et litteris imbutus * in scolam missus ' ad plenum eruditus est.

  • (cf. Possidius, Vita Augustini, cap. 1, p. 132-134)

Una autem dierum nimio dolore stomachi vexatus * anxie valde laborabat. Hortante autem beata matre ut baptizaretur ' sed renuente gentili patre * baptismum dilatum est. Interim vero, miserante Dei gratia, dolore quiescente sanatus est. Cujus mundatio ad hoc dilata est * quasi neccesse esset ut adhuc sordidaretur si viveret + quia majus peccatum esset si post baptismum peccaret.

  • (Augustinus, Confessiones, I, 11, p. 15-16)

Grecas sane litteras quibus docebatur ' oderat * latinas vero satis diligebat.

  • (ibid. I, 13, p. 17)
107.2 Lectio secunda.

Interea pervenit in librum quendam Ciceronis * qui exhortationem continet ad philosophiam. Ille vero liber immutavit affectum ejus + et ad ipsum Dominum preces et vota mutavit * ac desideria ejus fecit alia. Viluit ei repente omnis vana spes * et immortalitatem sapientie concupiscebat estu cordis incredibili + et surgere ceperat ' ut ad Deum rediret. Erat autem tunc annorum decem et novem * defuncto jam patre ante biennium.

Hoc autem solo delectabatur in illa exhortatione * quod non illam aut illam sectam ' sed sapientiam ut diligeret ' et quereret et teneret ' fortiter excitabatur. Et hoc solum eum in tanta fragrantia re-[213a]-frangebat ' quod nomen Christi non erat ibi * quia hoc nomen Salvatoris in ipso adhuc lacte matris ' tenerum cor ejus pie biberat ' et alte retinebat. Et quicquid sine hoc nomine fuisset + quamvis expolitum et veridicum * non eum totum rapiebat.

  • (ibid. III, 4, p. 49-51)
107.3 Lectio tercia.

Interea usque ad eas perductus est nugas * ut crederet ficum plorare cum decerpitur ' et matrem ejus arborem ' lacrimis lacteis.

  • (ibid. III, 10, p. 60)

Proinde multum pro eo flebat ad Dominum mater ejus * amplius quam flerent matres corporea funera. Exaudivit autem eam Deus * nec despexit lacrimas ejus. Vidit enim se stantem in quadam regula lignea + et advenientem ad se juvenem splendidum, hylarem atque arridentem sibi * cum illa esset merens et merore confecta. Qui cum causas quesisset tristicie ab ea * illa respondit ei dicens : « Perditionem filii mei Augustini plango. » Tunc ille jussit ' ut secura esset * admonuitque ut attenderet ' et videret ' ubi ipsa esset ' ibi esse et filium suum. Quod ubi illa attendit * vidit eum juxta se in eadem regula stantem.

  • (ibid. III, 11, p. 60-61)
107.4 Lectio quarta.

At ubi filio narravit visum ' et ille ad id trahere hec conaretur, ut illa potius se non desperaret futuram esse quod ipse erat * continuo illa, sine aliqua hesitatione, dixit ad eum : « Non, inquit, michi dictum est ' ubi est filius tuus ' ibi eris et tu * sed ubi tu ' ibi et ille. » Novem deinde anni sunt secuti quibus ille in illo limo profundi tentus est * cum tamen illa vidua casta ' pia ' sobria ' jam quidem spe alacrior ' sed fletu et gemitu non segnior ' non desinebat omnibus horis orationum suarum ' de filio plangere ad Deum. Et intrabant in conspectu Dei preces ejus * et ipsum tamen dimittebat adhuc volvi ' et involvi illa caligine.

  • (ibid. III, 11, p. 61-62)
107.5 Lectio quinta.

Dedit autem interim Dominus alterum responsum per quendam magnum episcopum. Quem cum mater rogasset ut dignaretur cum filio suo colloqui et refellere errores ejus * noluit ille. Respondit enim illum adhuc esse indocilem * eo quod inflatus esset novitate illius heresis. Dixit tamen ad eam : « Sine illum adhuc. Roga tantum pro eo Deum. Ipse legendo reperiet quis ille sit error * et quanta sit impietas. » Cum autem illa nollet adquiescere ' sed magis instaret ubertim flendo ' ut illum videret ' et cum illo dissereret * ille substomachans tedio dixit ei : « Vade, inquit, a me * ita vivas + fieri non potest * ut filius istarum lacrimarum pereat ! » Quod ita illa accepit * ac si de celo sonuisset.

  • (ibid. III, 12, p. 62-63)
107.6 Lectio sexta.

Docebat eo tempore artem rethoricam * discipulosque sine dolo docebat dolos.

  • (ibid. IV, 2, p. 67)

Scripsit preterea libros tres de pulchro et apto ad Herium Romane urbis oratorem + quem non noverat facie * sed amabat hominem ex doctrine fama.

  • (ibid. IV, 13, p. 81)

Erat autem tunc etate annorum viginti sex ' aut septem * cum illa volumina scripsit.

  • (ibid. IV, 15, p. 85-86)

Omnes etiam libros artium, quas liberales vocant, tunc legebat * et intelligebat quoscumque legere poterat. Quicquid autem est de arte loquendi vel disserendi ' quicquid de dimensionibus figurarum ' et de musicis ' et de numeris * sine magna difficultate ' nullo hominum tradente ' intellexit.

  • (ibid. IV, 16, p. 87)
107.7 Lectio septima.

Anno uno minus de tricesimo etatis sue + convenerat Carthaginem quidam Manicheorum episcopus, Faustus nomine ' magnus laqueis Dyaboli * nominatissimus apud eos, quod esset honestarum omnium doctrinarum ' et adprime disciplinis liberalibus eruditus. Et quia Augustinus multa philosophorum legerat ' memorieque mandaverat *

  • (ibid. V, 3, p. 94)

conferebat cum dictis Manichei, qui de pluribus rebus multa scripserat copiosissime delirans.

  • (ibid. V, 4, p. 96)

Ergo ubi venit * expectus est hominem gratum ' et jocundum verbis.

  • (ibid. V, 6, p. 99)

Libri quippe eorum pleni sunt fabulis * de celo et syderibus et sole et luna. Que ubi discutienda Augustinus protulit * ille nec ausus est subire ipsam sarcinam. Sciebat enim ita non esse * nec eum puduit confiteri. Et ita superatus abscessit.

  • (ibid. V, 7, p. 101)
107.8 Lectio octava.

Post hec cogitabat pergere Romam ' ut potius ibi doceret quod docebat Carthagini * maxime quod audierat quietius ibi studere adolescentes ' et quod Carthagini satis esset inquietudo. Verum hec illius cogitatio Dei erat dispensatio. Qui cum inchoasset iter * secuta est eum mater usque ad mare. Sed Augustinus fefellit eam ' violenter se tenentem ' ut aut eum revocaret ' aut cum ipso pergeret * et finxit se eam nolle deserere ' donec facto vento navigaret. Et mentitus est matri. Et nolente matre sine se redire domum * vix eam persuasit ut in loco qui proximus navi illorum erat in memoriam beati Cypriani maneret ea nocte.

  • (ibid. V, 8, p. 102-104)
107.9 Lectio nona.

Cum autem illa paululum divertisset * ascendens ille nocte navem ' clamculo profectus est. Illa autem mansit tota nocte * orando et flendo ' ut impediretur navigium ' sed servaret eum Deus ab aquis. Flavit continuo ventus ' et implevit vela navis * et litus subtraxit ab oculis eorum. Reversa ergo mane ad litus ubi filium dimiserat + prospiciens rem gestam insaniebat intolerabili dolore ' et gemitu implebat aures Dei * et nesciebat quid illi Deus gaudiorum facturus esset de absen-[213b]-tia ejus. Et ideo flebat ' et ejulabat. Et tamen post multum luctum conversa rursus ad deprecandum pro eo Dominum * abiit ad solita. Ille autem pervenit Romam.

  • (ibid. V, 8, p. 104-105)
107.R

Per octavas beati Augustini in ferialibus diebus et in dominica infra legantur sequentes lectiones.

108- Augustinus

[F1] infra oct.
108.1 Lectio prima.

Postmodum Augustinus incurrit egritudinem validam * et ibat jam ad inferos portans secum peccata. Et hoc mater nesciebat * et pro illo orabat absens. Et majore sollicitudine eum parturiebat spiritu ' quam carne pepererat * cotidie elemosinas faciens et obsequia sanctis ' nullo die pretermittens oblationem + bis in die mane et vespere ad ecclesiam sine ulla intermissione veniens ' non ad vanas fabulas * sed ut Dominum audiret in suis sermonibus ' et Deus illam in suis orationibus pro salute filii sui. Recreatus ergo ex illa egritudine ' cepit sedule agere propter quod venerat * et congregabantur ad hospitium ejus multi.

  • (ibid. V, 9-10, p. 105-107)
108.2 Lectio secunda.1

Post hec missum est a Mediolano Romam ad prefectum * ut provideret magistrum rethorice artis ' et Mediolanum dirigeret. Tunc ergo Symachus prefectus misit Augustinum, probatum magistrum. Et venit Mediolanum ad Ambrosium episcopum * in optimis notum orbi terrarum. Et suscepit eum paterne. Et cepit eum Augustinus amare + et verbis ejus suspendebatur intentus * et delectabatur suavitate sermonis ejus.

  • (ibid. V, 13, p. 112)

Inter hec venit ad eum mater pietate fortis ' terra marique eum sequens * et in periculis omnibus de Deo secura. Nam et per marina discrimina ipsos nautas consolabatur ' pollicens eis perventionem cum salute * quia ei Deus per visum promiserat.

  • (ibid. VI, 1, p. 117)
108.3 Lectio tercia.2

Invenit ergo filium * et indicavit ei ille quod manicheus jam non esset ' sed nec catholicus christianus. Tunc illa exilivit leticia * cum eum audisset veritatem nondum adeptum ' sed falsitati jam ereptum. Et pectore pleno fiducia * ait : « Credo in Christo * quod priusquam de hac vita migrem ' visura sim eum fidelem christianum. » ' Et fundebat ad Deum preces et lacrimas densiores * ut acceleraret adjutorium suum ' et illuminaret tenebras ejus. Diligebat enim et ipsa Ambrosium sicut angelum Dei * quod per illum cognoverat filium suum ad illam fluctuationem jam esse perductum.

  • (ibid. VI, 1, p. 117-118)

109- Augustinus

[F2] infra oct.
109.1 Lectio.1

Itaque cum ad memorias sanctorum sicut in Affrica solebat mater Augustini ' panem et pultes et merum attulisset * ab ostiario prohibetur. Et ubi hoc episcopum vetuisse cognovit * obedienter amplexa est. Hoc enim egentibus tribuendum ferebat. Et pro canistro pleno terrenis fructibus * plenum purgatoribus votis pectus ad memorias martyrum afferre didicerat.

  • (ibid. VI, 2, p. 118-119)

Omni quoque die dominico audiebat Augustinus sanctum Ambrosium ' verbum veritatis recte popul(l)o disserentem *

  • (ibid. VI, 3, p. 121)

sepiusque in suis sermonibus dicentem : « Littera occidit * spiritus autem vivificat. » [2 Co. 3, 6]

  • (ibid. VI, 4, p. 123)
109.2 Lectio.2

Et colloquebatur cum carissimis sibi amicis ' Alipio ' et Nebridio ' multas questiones. Quorum Alipius ex eodem, quo ipse ' erat ortus municipio.

  • (ibid. VI, 7, p. 128)

Nebridius etiam, relicta patria, vicina Carthagini ' atque ipsa Carthagine ' relicto etiam paterno rure optimo * abiit Mediolanum ' querens Augustinum. Quo invento * erant pariter hi tres nutantes in consilio ' quisnam esset tenendus modus vite.

  • (ibid. VI, 10, p. 134-135)

Reverberavit etiam Deus infirmitatem aspectus ejus ' radians in eum vehementer * et contremuit amore et horrore + et invenit longe se esse a Deo in regione dissimilitudinis * tanquam audiret vocem ejus de excelso : « Cibus sum grandium * cresce et manducabis me. Nec tu me mutabis in te sicut cibum carnis tue * sed tu mutaberis in me. »

  • (ibid. VII, 10, p. 162)
109.3 Lectio.3

Et cognovit ' quoniam pro iniquitate erudivit hominem * et tabescere fecit sicut araneam animam ejus.

  • (ibid. VII, 10, p. 162)

Et sensit ' et expertus est ' non esse mirum ' quod palato non sano pena est panis qui sano suavis est * et oculis egris odiosa lux que puris amabilis est.

  • (ibid. VII, 16, p. 165)

Tunc vero invisibilia Dei per ea que facta sunt intellecta conspexit + sed aciem figere non valuit * et, repercussa infirmitate, redditus solitis ' non secum ferebat nisi amantem memoriam ' et quasi olefacta desiderantem que comedere nondum posset.

  • (ibid. VII, 17, p. 167)

110- Augustinus.

[F3] infra oct.
110.1 Lectio.1

Et querebat Augustinus viam ad fruendum Deo + nec inveniebat donec amplecteretur Mediatorem Dei ' et hominum Christum Jesum vocantem ' et dicentem ego sum via [Jo. 14, 6] ' et cibum, cui capiendo invalidus erat, miscentem carni * quoniam Verbum caro factum est. [Jo.1, 14]

Verum quid sacramenti haberet Verbum caro factum est * nec suspicari quidem poterat.

  • (ibid. VII, 18, p. 167-168)

Itaque avidissime arripuit venerabilem stilum Spiritus Dei ' apostolum Paulum * et perierunt ille questiones ' in quibus ei aliquando visus est adversari testimoniis legis et prophetarum ' textus sermonis ejus.

  • (ibid. VII, 21, p. 170-171)
110.2 Lectio.2

Et apparuit ei una facies eloquiorum castorum * et exultare cum tremore didicit.

  • (ibid. VII, 21, p. 171)

Post hec immisit Deus in mentem ejus * visumque est ei bonum ' pergere ad Simplicianum, servum Dei. Audierat enim quod a juventute [213c] serviret Deo. Jam vero tunc senuerat + et multa expertus ' multa edoctus ei videbatur * et vere sic erat. Unde volebat ' ut proferet ei conferenti secum estus suos * quis esset aptus modus sic affecto ' ut ipse erat, ad ambulandum in via Dei. Videbat enim plenam Ecclesiam * et alius sic ibat ' alius autem sic.

  • (ibid. VIII, 1, p. 176)
110.3 Lectio.3

Ei autem displicebat quod agebat in seculo ' et oneri ei erat valde * non jam inflammantibus cupiditatibus ut solebant ' spe honoris et pecunie ' ad tolerandam illam servitutem tam gravem. Jam eum non delectabant * pre dulcedine Dei ' et decore domus ejus, quam dilexit.

  • (ibid. VIII, 1, p. 176)

Perrexit ergo ad Simplicianum * et narravit ei circuitus erroris sui. Ubi autem commemoravit legisse se libros quosdam platonicorum quos Victorinus, quondam rector Urbis, Rome tulerat * gavisus est ' quod non in aliorum philosophorum scripta incidisset plena fallaciarum.

  • (ibid. VIII, 2, p. 177)

111- Augustinus.

[F4] infra oct.
111.1 Lectio.1

Et cepit Simplicianus Augustinum exhortari ad humilitatem Christi * recordatus ipsum Victorinum ' quod cum esset Rome ' familiarissime Simplicianus noverat ' quomodo ille ob insigne preclari ministerii statuam in Romano foro meruerat ' et acceperat ' cum esset gentilis + quomodo non erubuerit esse christianus *2 quomodo legebat Sanctam Scripturam ' omnesque christianas litteras investigabat studiosissime + et quomodo dicebat Simpliciano secretius * « Noveris me jam christianum. » Et respondebat Simplicianus : « Non credam * nisi te in Christi ecclesia videro. » Cui ille respondebat irridendo ' dicens : « Ergo parietes faciunt christianos ? » Et sepe hoc dicebat * se jam esse christianum. Et Simplicianus illud sepe respondebat ' et sepe ab illo parietum irrisio repetebatur * nam amicos tunc suos reverebatur offendere.

  • (ibid. VIII, 2, p. 177-179)
111.2 Lectio.3

Sed postea quam legendo hausit firmitatem ' amor Christi superavit amorem amicorum * et subito et inopinatus dixit ad Simplicianum : « Eamus in ecclesiam * christianus volo fieri. » At ille non se capiens pre gaudio * perrexit cum illo. Denique ut ventum est ad horam profitende fidei que verbis certis retentisque memoriter ' de loco eminentiori in conspectu populi Rome reddi solet ab eis qui accessuri sunt ad baptismum * oblatum est Victorino a presbiteris ' ut secretius redderet ' sicut verecundissimus erat. Ille vero noluit * sed mirante Roma ' gaudente Ecclesia ' ascendit ' ut redderet.

  • (ibid. VIII, 2, p. 179)
111.3 Lectio.4

Omnes sibimet invicem instrepuerunt nomen ejus * « Victorinus ' Victorinus. » Cito sonuerunt * cito siluerunt ' intentione ut audirent eum. Pronunciavit ille fidem veracem preclara fiducia * et rapiebant eum omnes in cor suum ' amando ' et gaudendo.

  • (ibid. VIII, 2, p. 180)

Sed ubi hec Simplicianus ' de Victorino ' Augustino narravit + exarsit ille ad imitandum * et cepit suspirare graviter.

  • (ibid. VIII, 5, p. 184)

112- Augustinus.

[D] infra oct.
112.1 Lectio.1

Interea cum essent Augustinus et Alypius pariter in domo ' et absens esset Nebridius * venit ad eos Pontianus quidam civis ipsorum Affer ' preclare in palatio militans. Et consederunt * ut colloquorentur. Et forte super mensulam lusoriam que ante eos erat ' attendit codicem * tulit ' aperuit. Invenit apostolum Paulum * inopinate sane. Putaverat enim esse aliquem de libris * quorum professio eos continebat. Tunc arridens ' Augustinumque intuens gratulatorie * miratus est ' quod eas et solas pre occulis ejus litteras comperisset. Christianus quippe fidelis erat.

  • (ibid. VIII, 6, p. 187)
112.2 Lectio.2

Cui cum indicasset Augustinus illis scripturis se curam3 maximam impendere + ortus est sermo ' ipso narrante de Antonio Egyptio monacho ' cujus nomen excellenter clarebat apud servos Dei * ipsos autem usque in illam horam latebat. Quod Pontianus ubi comperit * immoratus est in eo sermone ' insinuans tantum virum ignorantibus ' et admirans eandem illorum ignorantiam. Stupebant autem illi * audientes tam recenti memoria ' et prope suis temporibus tanta mirabilia. Cumque Pontianus talia loqueretur + ingemiscebat Augustinus * et confundebatur pudore horribili. Terminato autem sermone et causa qua venerat ' abiit ille.

  • (ibid. VIII, 6, p. 187)
112.3 Lectio.4

Augustinus autem cepit flagellare animam suam * et vultu turbatus ' exclamavit ad Alypium ' et dixit : « Quid patimur ? Quid est hoc quod audisti ? Surgunt indocti  ' et Celum rapiunt * et nos cum doctrinis nostris in infernum demergimur. » Et cum hoc dixisset * intendebat in eum attonitus Alypius. Non enim solita sonabat verba. Plusque alloquebantur animum ejus frons ' gene * oculi ' color ' modus vocis * quam verba que promebat. Ortulus quidam erat hospitii illorum quo illi utebantur sicut tota domo. Nam hospes ibi non habitabat dominus domus.

  • (ibid. VIII, 8, p. 191-192)
112.4 Lectio.5

Abscessit ergo Augustinus in ortum ipsum * et Alypius pede post pedem. Sederunt quantum potuerunt remoti ab edibus. Augustinus itaque fremebat spiritu + et erat turbulentissimus * et accusabat semetipsum.

  • (ibid. VIII, 8, p. 192)

Alypius vero affixus lateri ejus tacitus eum dolens considerabat. Inter verba accusantis se ' oborta est procella ingens * ferens ingentem imbrem lacrimarum. Et ubi jam se cohibere non poterat * surrexit ab Alypio velociter. Solitudo illi ad negotium flendi aptior videbatur * et secessit remotius. [213d] Alipius vero mansit ubi sederant prius * nimis stupens.

  • (ibid. VIII, 11-12, p. 199)
112.5 Lectio.6

Augustinus autem sub quadam fici arbore stravit se * et dimisit habenas7 lacrimis * et proruperunt flumina oculorum ejus ' acceptabile sacrificium Deo. Et non quidem his verbis, sed in hac sententia * multa locutus est : « Et tu, Domine, usque quo ? Usque quo, Domine, irasceris in finem ? Ne memor fueris iniquitatum nostrarum antiquarum. » [cf. Ps. 78, 5 et 8] Et jactabat voces miserabiles * et plorabat ' amarissima contritione cordis sui.

  • (ibid. VIII, 11, p. 199)
112.6 Lectio.8

Et repente audivit vocem de vicina domo * cum cantu dicentis : « Tolle, lege * tolle, lege. » Statimque, mutato vultu, intentissimus cogitare cepit ' utrum nam solerent pueri in aliquo genere ludendi cantitare9 tale aliquid * nec occurrebat omnino audisse se uspiam. Repressoque10 impetu lacrimarum ' surrexit * nichil aliud interpretans divinitus sibi juberi ' nisi apperiret codicem ' et legeret quod primum inveniret.

  • (ibid. VIII, 11, p. 199)

113- Augustinus.

in mensa.
113.R

Ab hoc loco usque ad finem dimittatur vel in mensa legatur.1

113

Itaque concitus rediit Augustinus in eum locum * ubi sedebat Alypius. Ibi enim posuerat codicem apostolicum * unde surrexerat. Arripuit ' aperuit * et legit in silentio capitulum quo primum conjecti sunt occuli ejus. Non in commessationibus et ebrietatibus ' non in cubilibus et impudicitiis ' non in contentione et emulatione + sed induimini Dominum Jesum Christum * et carnis curam non feceritis in desideriis. [Ro. 13, 13-14] Nec ultra volui legere * nec opus erat. Statimque cum fine hujuscemodi sententie quasi luce securitatis infusa * cordis ejus omnes dubietatis tenebre diffugerunt. Tunc interjecto aut digito aut nescio quo alio signo ' codicem clausit * et tranquillo jam vultu ' indicavit Alypio. At ille petit videre quid legisset. Ostendit Augustinus + et attendit ille etiam ultra quam legerat ipse * et ignorabat quid sequeretur. Sequebatur vero * Infirmum autem in fide suscipite. [Ro. 14, 1] Quod Alypius ad se retulit ' et Augustino aperuit * et tali admonitione proposito bono conjunctus est. Inde ad matrem Augustini pariter ingrediuntur. Indicant illi + gaudet illa * et benedicit Dominum. Placuit autem Augustino ' non tumultuose sed leniter subtrahere ministerium lingue sue nundinis loquacitatis * quibus pueros docebat. Jam enim paucissimi dies supererant ad vindemiales ferias * et statuit tolerare illos ' ut sollemniter abscederet.

  • (ibid. VIII, 12, p. 200-201)

Consilium ergo illis erat coram Deo * et convenerat inter eos ' ne passim cuiquam effunderetur. Tu vero Deus ' eis a convalle plorationis [Ps. 83, 7] ascendentibus et cantantibus canticum graduum ' dederas sagittas acutas et carbones vastatores * adversum linguam subdolam ' [cf. ps. 119, 4] velut consulendo contradicentem. Sagittaveras tu cor eorum caritate tua * et gestabant verba tua transfixa visceribus ' et exempla servorum tuorum quos de nigris lucidos ' et de mortuis vivos feceras ' congesta in sinum cogitationis eorum ' accendebant eos valide * ut omnis ex lingua subdola contradictionis flatus infla[m]mare eos acrius posset ' non extinguere.

  • (ibid. IX, 2, p. 209-210)

Evolutis autem diebus viginti ' nam multi et longi videbantur pre amore libertatis * solutus est Augustinus a sua professione rethorica. Et profectus est in villam cum suis omnibus gaudens + et legebat psalmos David, cathecuminus cum cathecumino Alypio * matre semper adherente sibi muliebri habitu ' virili fide ' anili securitate ' materna caritate ' christiana pietate.

  • (ibid. IX, 3, p. 213-214)

Legebat * et ardebat ' quod murmurasset adversus litteras de melle celi melleas ' et de lumine Dei luminosas. Dolore dentium tunc excruciabatur vehementer. Et cum ingravesceret dolor ' ut non valeret loqui * ascendit in cor ejus ' admonere omnes suos ' qui illic aderant ' ut deprecarentur Dominum pro se. Et scripsit hoc in cera * et dedit eis ut legeretur. Mox ut genua, supplici affectu, pariter cum ipso in terram fixerunt * fugit dolor ille statim. Et expavit ille tantam flagelli asperitatem * et tam misericordie Dei mirabilem celeritatem. Nichil enim tale ' ab ineunte etate expertus fuerat.

  • (ibid. IX, 4, p. 218)

Insinuavit autem sancto Ambrosio pristinos errores suos ' per litteras, et presens votum suum * ut ipse moneret quid de libris sanctis legere deberet ' quo percipiende tante gratie paratior aptiorque fieret. At ille jussit Ysaiam prophetam * quod pre ceteris evangelii vocationisque gentium sit prenuntiator apertior. Verumtamen ille primam hujus lectionem non intelligens ' totumque talem arbitrans * distulit repetendum ' exercitatior in dominico eloquio. Inde ubi tempus advenit ' quo se nomen dare oporteret * relicto rure ' Mediolanum remeavit. Placuit et Alypio * renasci in Christo pariter cum ipso. Adjunxerunt etiam sibi puerum Adeodatum2 ' ex Augustino carnaliter natum * cujus ingenium erat patri horrori. Sed cito de terra abstulit eum Deus. Baptizati sunt ergo a sancto Ambrosio * et fugit ab eis sollicitudo vite preterite. Nec satiabatur Augustinus illis diebus dulcedine mirabili * considerare altitudinem consilii divini super salutem generis humani. Flebat autem in ymnis et canticis suave sonantis Ecclesie + et estuabat inde affectus pietatis ' et currebant lacrime * et bene illi erat cum eis.

  • (ibid. IX, 5-6, p. 219-220)

Erat tunc annis [214a] major natu triginta * matre superstite ' sibique adherente.

  • (ibid. IX, 7, p. 220)

In diebus illis consociavit se Augustino Evodius juvenis ex ejus municipio * qui tamen ipse prior conversus et baptizatus erat. Simul erant * simulque habitabant placito sancto. Querebant autem quisnam locus eos utilius haberet * et servientes Deo ' pariter remeabant ad Affricam. Et cum apud Ostia Tyberina essent * mater Augustini defuncta est.

  • (ibid. IX, 8, p. 222)

Impendente autem die quo ex vita erat exitura + provenerat, ut credo, Deo procurante ' ut filius et ipsa soli starent ' incumbentes ad quandam fenestram ' unde ortus intra domum que eos habebat prospectabatur * ubi remoti a turbis post longi itineris laborem instaurabant se navigationi. Colloquebantur ergo soli valde dulciter + et preterita obliviscentes ' in ea que ante sunt extenti ' querebant inter se que futura esset vita sanctorum * quam nec oculus vidit ' nec auris audivit ' nec in cor hominis ascendit. Et dum loquerentur ' suspirabant ore cordis in superna fluenta fontis vite *

  • (ibid. IX, 10, p. 227-228)

et vilescebat eis totus mundus cum omnibus delectationibus suis. Tunc illa aspiciens filium suum * ait : « Fili, quantum ad me attinet ' nulla re delector in hac vita. Jam quid hic faciam adhuc ' et cur hic sim, nescio * jam consumpta spe hujus seculi.3 Unum erat propter quod in hac vita aliquantulum immorari cupiebam * ut te catholicum christianum viderem ' priusquam morerer. Cumulatius hoc michi Dominus meus prestitit * ut etiam contempta felicitate terrena ' servum ejus te videam. »

  • (ibid. IX, 10, p. 230)

Ergo die nono egritudinis sua ' quinquagesimo et sexto anno etatis sue ' tricesimo et tercio etatis Augustini * anima illa religiosa et pia ' carne soluta est.

  • (ibid. IX, 10, p. 231)

Et libuit Augustinuo flere in conspectu Domini de illa et pro illa * et dimisit lacrimas quas continebat ' ut effluerent quantum vellent. Et post hec fudit preces pro ea in conspectu Dei * et dixit :

« Fundo tibi, Deus meus, pro illa famula tua preces. Ergo laus mea ' et vita mea ' Deus cordis mei + sepositis paulisper bonis ejus actibus pro quibus tibi gaudens gratias ago * nunc pro peccatis matris mee deprecor te. Exaudi me per medicinam vulnerum nostrorum ' que pependit in ligno * et sedens ad dexteram tuam ' te interpellat pro nobis. Scio enim eam misericorditer operatam * et ex corde dimisisse debita debitoribus suis. Dimitte illi et tu debita sua * si qua contraxit per tot annos post aquam salutis. Dimitte, Domine ' dimitte, obsecro * ne intres cum ea in judicium. Et credo quod jam feceris quod te rogo * sed voluntaria oris mei approba, Domine. Nemo a protectione tua dirumpat eam. Non se interponat nec vi nec insidiis leo et dracho * nec teneatur ab accusatore callido + sed sit cum viro in pace ' ante quem nulli ' post quem nulli nupta est *4 per quorum carnem introduxisti me in ha[n]c vitam ' quemadmodum nescio. »

  • (ibid. IX, 12, p. 234-237)

Post mortem igitur matris * navigantes ' reversi sunt ad agros proprios. Eratque cum amicis in Affrica pariter ' in jejunio ' in orationibus ' in bonis operibus, in lege Domini meditans die ac nocte * docens inscios ' et scribens libros.

  • (cf. Possidius, Vita Augustini, cap. 3, p. 136-138)

Eodem itaque tempore * in Ecclesia Ipponensi ' Valerius sanctus episcopatum gerebat. Qui cum flagitante ecclesiastica necessitate ' de providendo et ordinando presbitero civitatis ' Dei plebem alloqueretur ' et exhortaretur * ipsi scientes catholicum sancti Augustini propositum et doctrinam ' manu injecta ' quoniam et idem in populo tunc erat securus et ignarus quid futurum esset ' solebat enim laicus, ut nobis dicebat, ab eis tantum ecclesiis que non haberent episcopos ' suam abstinere presentiam ' tenuerunt eum + et ut in talibus consuetum est ' episcopo ordinandum intulerunt * ubertim eo flente ' eo quod multa et magna sue vite pericula de regimine provenire speraret.

  • (ibid. cap. 4, p. 138-140)

Eorum vero ut voluerunt ' completum est desiderium. Factusque presbiter ' monasterium intra ecclesiam mox instituit * et cum Dei servis vivere cepit secundum modum et regulam sub sanctis apostolis constitutam. Sanctus vero Valerius ordinator ejus ' vir pius et Deum timens ' exultabat ' et Deo gratias agebat * preces quoque quas frequentissime fudisset Deo ' exauditas a Domino fuisse narrabat + ut sibi divinitus homo concederetur talis qui posset verbo Dei et doctrina salubri Ecclesiam Domini edificare * cui rei se homo natura grecus ' minusque latina lingua et litteris instructus ' minus utilem previdebat. Unde eidem presbitero potestatem tradidit ' se coram in ecclesia evangelium predicandi ' ac frequentissime tractandi * contra usum quidem et consuetudinem affricanarum Ecclesiarum. Unde etiam ipsi nonnulli episcopi detrahebant. Sed ille vir venerabilis ac providus in orientalibus Ecclesiis id ex more fieri sciens ' et utilitati Ecclesie consulens * obtrectantium non curabat linguas ' dummodo factitaretur a presbitero ' quod a se episcopo impleri minime posse cernebat. Postea currente et volante hujusmodi fama bono pretendente exemplo * accepta ab episcopis potestate ' presbiteri nonnulli coram episcopis ' populis evangelium tractare ceperunt.

  • (ibid. cap. 5, p. 140-142)

Sane in [214b] illa tunc Ipponensi urbe ' manicheorum pestilentia plurimos devastabat ' seducente ejusdem heresis quodam presbitero nomine Fortunato * quem sanctus Augustinus, publice in conventu omnium disputans ' superavit. Ille vero confutatus ' ab eadem civitate discessit * et ulterius ibidem non comparuit.

  • (ibid. cap. 6, p. 142 et 146)

Ille vero beatus senex Valerius metuere cepit * ne ab alia ecclesia sacerdote privata ' ad episcopatum quereretur ' sibique auferretur Augustinus. Nam et id provenisset * nisi hoc idem episcopus cognito ' ad locum secretum eum transire curasset ' atque occultatum a querentibus minime inveniri fecisset. Unde amplius formidans idem venerabilis senex ' egit secretis litteris apud primatem episcoporum Cartaginensem ' allegans inbecillitatem corporis sui ' etatisque gravitatem * ut Ipponensi Ecclesie ordinaretur episcopus. Et quod optavit ' et rogavit * rescripto impetravit.

  • (ibid. cap. 8, p. 148)

114- Augustinus, Oct.

s, 4 IX

In Octavis beati Augustini

114.1 Lectio prima.

Postea ergo petito ad visitandum adveniente primate ' Valerio antistite  ' episcopis qui tunc aderant et clericis Ipponensibus et universe plebi ' inopinatam suam insinuante voluntatem ' omnibusque id fieri clamantibus * episcopatum suscipere, suo vivente episcopo, Augustinus presbiter recusabat. Dumque illi hoc fieri solere, transmarinis ' et affricanis exemplis, probaretur * compulsus atque coactus succubuit. Quod in se postea fieri non debuisse ' ut vivo episcopo suo ordinaretur ' et dixit, et scripsit ' propter concilii universalis vetitum ' quod jam ordinatus didicit * nec quod sibi factum esse doluit ' alii fieri voluit. Unde etiam sategit * ut in conciliis constitueretur episcoporum ' ab ordinatoribus debere ordinandis vel ordinatis ' omnium statuta sacerdotum ' in noticiam esse deferenda.

  • (ibid. cap. 8, p. 148-150)
114.2 Lectio secunda.

Factus ergo episcopus * ferventius non in una tantum regione ' sed ubicumque rogatus venisset ' verbum salutis predicabat.

  • (ibid. cap. 9, p. 150)

In ordinandis vero sacerdotibus et clericis * consensum majorem christianorum et consuetudinem Ecclesie sequendum arbitrabatur.

  • (ibid. cap. 21, p. 184)

Vestis ejus et calciamenta ' et lectualia ' ex moderato ' et competenti habitu erant ' nec nitida nimium ' nec abjecta plurimum + quia his plerumque vel jactare se insolenter homines solent ' vel abicere * ex utroque non que Jesu Christi, sed que sua sunt, querentes.

  • (ibid. cap. 22, p. 184)
114.3 Lectio tercia.

Mensa usus est frugali et parca * que quidem inter olera et legumina ' etiam carnes aliquando propter hospites vel quosque infirmiores habebat. Semper autem vinum bibebat * quia noverat quod omnis creatura Dei bona sit ' et nichil abiciendum, quod cum gratiarum actione percipitur.

Coclearibus tantum argenteis utebatur * cetera vasa quibus mense inferebantur cibi ' testea ' vel lignea ' et ma[r]morea fuerunt ' non neccessitatis inopia ' sed proposito voluntatis. Sed et hospitalitatem semper exhibuit * et in ipsa mensa magis lectionem vel disputationem quam epulationem diligebat.

  • (ibid. cap. 22, p. 184-188)
114.4 Lectio quarta.

Contra pestilentiam autem humane consuetudinis * in ea scriptum ita habebat : « Quisquis amat dictis absentum rodere vitam * hanc mensam indignam noverit esse sui. » Et ideo * omnem convivam a superfluis et noxiis fabulis sese abstinere debere admonebat. Nam et quosdam familiarissimos coepiscopos ' illius scripture oblitos ' et contra eam loquentes ' tam aspere aliquando reprehendit ' conmotus * ut diceret ' aut delendos esse illos de mensa versus ' aut se de media refectione ad suum cubiculum surrecturum. Quod ego ' et alii qui illi mense interfuimus * experti sumus.

  • (ibid. 22, p. 188)
114.5 Lectio quinta.

Interea dum Ecclesie pecunia defecerat + hoc ipsum populo christiano denuntiabat * non se habere quod indigentibus erogaret. Nam et de vasis dominicis propter captivos et quamplurimos indigentes ' frangi et conflari videbat ' et indigentibus dispensari * et hoc ipsum venerabilis Ambrosius et dixit ' et scripsit.

  • (ibid. cap. 24, p. 194)

Sed et ante proximum diem obitus sui ' a se dictatos et editos recensuit libros + et quecumque in his recognovit aliter quam se habet ecclesiastica regula ' a se fuisse dictata et scripta ' cum adhuc ecclesiasticum usum minus sciret minusque sapuisset ' a semetipso et reprehensa et correpta sunt.

  • (ibid. cap. 28, p. 204)
114.6 Lectio sexta.

Duo autem conscripsit volumina * quorum est titulus ' « de recensione librorum. » Preceptos etiam sibi quosdam libros ante diligentiorem emendationem a nonnullis fratribus conque­rebatur * licet eos postmodum emendasset. Imperfecta etiam quedam librorum suorum ' preventus morte dereliquit. Prodesse autem omnibus volens multa legere non valentibus * ex utroque Testamento precepta divina seu vetita ad vite regulam pertinentia excerpsit + atque ex his unum codicem fecit * ut qui vellet legeret ' atque in eo, vel quam obediens Deo * vel quam inobediens esset, agnosceret. Et hoc opus * voluit « speculum » appelare.

  • (ibid. cap. 28, p. 204)
114.7 Lectio septima.

Sane vixit annis septuaginta sex * in clericatu autem vel episcopatu [214c] annis ferme quadraginta. Dicere autem nobis consueverat ' laudatos christianos absque digna et competenti penitentia exire de corpore non debere * quod et ipse fecit. In ultima enim qua defunctus est egritudine, sibi jusserat psalmos daviticos qui sunt de penitentia scribi + ipsosque jacens in lecto contra parietem positos diebus sue infirmitatis intuebatur * et ubertim ac jugiter flebat.

  • (ibid. cap. 31, p. 236)

Novi quoque eundem, et presbiterum, et episcopum, pro quibusdam energuminis patientibus ' ut oraret rogatum * eumque in oratione lacrimas fundentem Deum rogasse ' et demones ab hominibus recessisse.

  • (ibid. cap. 29, p. 210)
114.8 Lectio octava.

Novi etiam ad egrotantem ' quemdam cum suo egroto venisse et rogavisse ut eidem manus imponeret + et respondisse ' si aliquid posset ' sibi hoc primitus prestitisset * et illum dixisse ' visitatum se fuisse sibique per somnum dictum esse : « Vade ad Augustinum episcopum ' ut eidem manum imponat * et salvus erit. » Quod dum comperisset ' facere non distulit * et illum infirmum continuo Dominus sanum ab eodem discedere fecit.

  • (ibid. cap. 29, p. 210-212)

Ante dies autem ferme decem quam exiret de corpore * a nobis postulavit presentibus ' ne quis ad eum ingrederetur ' nisi his tantum horis quibus medici ad inspiciendum intrabant ' vel cum ei refectio inferretur. Et ita observatum et factum est. Omni autem illo tempore * orationi vacabat.

  • (ibid. cap. 31, p. 236)
114.9 Lectio nona.

Verbum Dei usque ad ipsam suam egritudinem extremam ' impretermisse alacriter et fortiter ' sana mente ' sanoque consilio in ecclesia predicabat * membris omnibus sui corporis incolumis ' integro aspectu ' atque auditu. Nobis autem astantibus et videntibus ' et orantibus * dormivit cum patribus suis. Testamentum nullum fecit * quia unde faceret ' pauper Dei non habuit. Ecclesie bibliothecam omnesque codices diligenter posteris custodiendos ' semper jubebat. Suos consanguineos in sua vita et morte ' vulgi more non tractavit. Quibus, dum adhuc superesset, id, si opus fuit, quod et ceteris, erogavit + non ut divitias haberent * sed ut aut non ' aut minus egerent.

  • (ibid. cap. 31, p. 236-238)

115- Decollatio S. Johannis Baptistae

s, 29 VIII

In festo decollationis beati Johannis Baptiste.

Sermo beati Johannis episcopi. Å .

115.1 Lectio prima.

Hodie nobis, carissimi ' Johannis virtus ' Herodis feritas ' cum refertur + confusa sunt viscera ' corda tremuerunt * caligavit visus ' hebuit intellectus ' aufugit auditus. Aut quid constat in sensibus humanis + quando perdit virtutum magnitudinem ' criminum magnitudo ? Herodes, inquit ' tenuit Johannem. [Mat. 14, 3] Johannes ' scola virtutum ' magisterium vite + sanctitatis forma ' norma justicie ' virginitatis speculum + pudicitie titulus ' castitatis exemplum * penitentie via ' peccatorum venia + fidei disciplina * major homine ' par angelis ' legis summa ' evangelii satio ' apostolorum vox ' silentium prophetarum + lucerna mundi ' precursor judicis ' Christi metator * Domini testis ' totius medius Trinitatis. Et hic tantus datur incestui ' traditur adultere * addicitur saltatrici.

  • Petrus Chrysologus, s 127, CCSL 24B, l. 1-14, p. 782.
  • PD II 71
  • CPL 227 et 930, PLS III, c. 153
115.2 Lectio secunda.

Herodes prophanavit templum + sacerdotium sustulit ' confudit ordinem * temeravit regnum ' corrupit imperium. Quod erat religionis' quod legis ' quod vite ' quod morum ' quod fidei ' quod discipline * perdidit et confudit. Herodes, sicarius in cives ' in nobiles latro ' in socios populator ' in domesticos predo ' plebis interemptor ' occisor filiorum ' in extraneos homicida ' in proprios patricida ' inebrians terram cruore * sanguinem pium in poculo crudelitatis absorbuit.

  • ibid. l. 15-22, p. 783.
115.3 Lectio tercia.

Herodes, inquit, tenuit Johannem * et alligavit eum. [Mat. 14, 3] Qui vincula solverat peccatorum ' peccatoris vinculis alligatur * ut vincta venia ' locum venie non relinquat. Alligavit eum Herodes * et posuit in carcerem. [ibid.] Herodes ' tu adulterium facis + et in carcerem vadit Johannes ? Sic judicas, sedens in loco judicis reus * in loco vindicis ' innocentie persecutor. Rogo ' ubi rerum facies ' ubi forma ' ubi pudor ' ubi existimatio publici cognitoris + ubi Deus ' ubi homo ' ubi fas ' ubi lex ' ubi ipsius jura nature ? Simul omnia sunt, Herodes ' te agente ' te judicante ' te vivente * confusa.

  • ibid. l. 23-31, p. 783-784.
115.4 Lectio quarta.

Tenuit, inquit, Johannem * et alligans ' posuit eum in carcerem. [ibid.] Herodes ' te petit causa + te arguunt vincula ' te carcer accusat * te divulgat producta in publicum pena. Johannes injuriatur + causam custodie qui requirit ' in te invenit quod puniat * in Johanne quod doleat. Johannes orbi notus ' fama et virtute cognitus ' celebratissimus sanctitate ' dum attrahit ad se inquisitores injurie + facit ut tuus cunctis innotescat incestus * agit ut te habeat confusio publica ' quem corrigere non valuit secreta correctio et privata.

  • ibid. l. 32-40, p. 784.
115.5 Lectio quinta.

[214d]

Herodem Johannes monitis ' non accusatione, pulsavit ' ut pote amator castitatis * quem corrigere voluit, non perire. Sed Herodes facibus libidinis ardens ' perire maluit quam redire * et uxorem fratris illicite possidere ' et placere captivis criminum. Innocentie inimicis * odiosa fit semper libertas. Nam virtus contraria vitiosis ' sacrilegis exosa sanctitas * inimica castitas impudicis ' corruptis integritas pena + luxuriosis adversa frugalitas ' crudelibus dura semper misericordia * impiis pietas non ferenda. Probat hoc evangelista * cum dicit : Dicebat Johannes Herodi : Non licet tibi habere uxorem Philippi fratris tui. [Mat. 14, 4] Ecce unde Johannes offendit * ecce unde Herodes furit.

  • ibid. l. 41-48, p. 784-785.
115.6 Lectio sexta.

Malos qui monet ' offendit * incurrit odium ' qui arguit criminosos. Dicebat Johannes quod erat legis ' quod justicie ' quod salutis * certe quod erat non odii ' sed amoris. Ecce qualem consecutus est ab impio propietate mercedem. Volens, inquit, occidere eum * timuit populum. [Mat. 14, 5] Facile deviat a justicia * qui in causis, non Deum, sed homines formidat. Hinc peccandi differt facultatem ' non auffert voluntatem * et estuat animo ' quousque perficiat ' quod cogitat malum. Solus enim Dei timor est ' qui nocentes corrigit ' fugat crimina ' innocentiam servat * perpetem tribuit facultatem.

  • ibid. l. 49-58, p. 785.
115.7 Lectio septima.

Sed audiamus beatissimi Johannis passionem. Die, inquit, natalis Herodis, saltavit filia Herodiadis in medium1 et placuit Herodi. Et postmodum * premonita puella a matre sua ' « Da michi, inquit, in disco caput Johannis Baptiste. » [Mat. 14, 6-8] Hec est ' hec est illa mulier antiqua malicia * que Adam dejecit de Paradysi deliciis et celestes homines fecit terrenos. Hec humanum genus mersit in infernum * hec vitam abstulit mundo. Hoc malum ' quod homines ducit ad mortem ! Hoc malum fugit Helyas propheta + et cujus lingua clavis facta est Celi * tanquam reus fugit a facie mulieris. Hec invenit verum laborem et pressuram * que nunc occidit Johannem Baptistam.

  • ibid. l. 58-63, p. 785-786.
115.8 Lectio octava.

Tunc contristatus est rex * misitque et decollavit Johannem ' et allatum est caput ejus in disco. [Mat. 14, 9-11] Audistis, fratres * quanta nata sit de voluptate crudelitas ' de libidine impietas. Allatum est caput Johannis in disco * qui salutaria monita dabat incestui. Mensa migrat in caveam * in harenam vertitur domus. Fiunt de pransoribus spiculatores * mutatur furore convivium. Fit cibus cedes * vinum transit in sanguinem. Finis apponitur in natali * in ortu exhibetur occasus. Convivium mutatur in homicidium + organa vertuntur in fumis * tragedie personant seculorum.

  • ibid. l. 63-73, p. 786.
115.9 Lectio nona.

Verum de talibus nos declamare nolumus ' sed clamare + ut festivitatis vestre cauta sint gaudia, epulis vestris intersit Christus ' in facie prandeatur actoris2 * honestate convivii ' natura ipsa que vos producit honoretur. Leticia mense vestre pertingat ad pauperes Christi * famila vestra innocentie tripudiet disciplina. Absit ebrietas ' luxus absistat + fugetur effusio ' saltatricum pestis ' lenocinia cantorum ' voluptatum fomenta ' ventris onera ' naufragium mentis ' cum Herodiadis convivio abscidantur * ut presens gaudium vestrum ad leticiam perveniat sempiternam. Nos enim convenit scire ' quia Johannes de morte sua natus est * et de natali suo Herodes mortuus est.

  • ibid. l. 80-95, p. 787-788.

116- Nativitas BMV

td, 8 IX

In Nativitate beate virginis Marie.

116.1a Lectio prima.

Auctor.1

Appropinquante plenitudine temporis ' cum jam regnum Judeorum translatum esset ad Herodem alienigenam *

116.1b

Affricanus, in Ecclesiastica Hystoria, libro primo.2

videns ipse Herodes ' quod generis indicia si permanerent ' obfuscationis sibi plurimum adquirerent + ignobilitatis sue conscientia exagitatus '

generationes Hebreorum ' que per idem tempus omnes descripte in archivis Templi secretioribus habebantur ' in quibus etiam alienigenarum quorumcumque continebantur origines ' sicut Achior ' et Ruth ' et aliorum qui ex Egypto Israelithicis dicuntur esse commixti *

jussit incendi. Estimabat sane se nobilem posse videri * si novitius esse et advena ' Israelithici generis nullis conscriptionum fascibus urgeretur.

  • Eusebius, Rufino trad., Hist. eccl. I, 7, 13, vol. I, p. 61, l. 8-10, 3-7 et 11-13.
  • CPG 3495
116.2 Lectio secunda.

Verum fuere tunc temporis pauci ' diligentes et studiosi viri * qui vel descriptos ex parte aliqua hujuscemodi libros domi habebant ' vel etiam memoriter avite ordinem prosapie retinerent ' precipue quos dimissa a proavis nobilitas commonebat + ex quibus etiam fuerunt dispotenohe ' id est eriles vel dominici ' sic appellati propter propinquitatem generis Christi * qui et Nazarei fuerunt ' ex vico Cocaba Judeorum. Hi per omnem regionem circueuntes * ordinem generationis Christi ' partim memoriter ' partim etiam ex dierum libris ' in quantum erat possibile perdocebant.

  • ibid. I, 7, 14, p. 61, l. 13-21.
116.3a Lectio tercia.

Auctor.3

Sicut igitur ex antiquorum traditione tenemus +

116.3b

Johannes Damascenus libro quarto. Å .4

Levi quem sanctus Lucas a Joseph ascendendo quartum nominat ' genuit Panthera * Panther genuit Barpanthera ' Barpanter genuit Joachim '

Joa-[215a]-chim honestam et laude dignam Annam in matrimonium duxit. Sed quemadmodum vetus Anna sterilis existens ' per votum et repromissionem Samuelem peperit + ita et hec per preces et repromissiones a Deo ' Dei genitricem affert * ut et in hoc a nullo illustrium vincatur. Parturit igitur gratia ' hoc enim « Anna » interpretatur ' dominam. Hoc enim Marie nomen significat. Domina enim vere facta est omnium creaturarum * Conditoris existens mater.

  • Johannes Damascenus, De fide orthodoxa, trad. Burgondio, ed. E.M. Buytaert, New-York, Franciscan Institute S. Bonaventure, 1955, cap. 87, par. 5, l. 36-38 et par. 6, l. 50-57, p. 320-321a.
116.4 Lectio quarta.

Parturitur autem in probatice Johachim domo * et in sacrario adducitur. Deinde in domo Domini plantata et impinguata Spiritu ut oliva fructifera + omnis virtutis habitaculum facta est * ab omni vite hujus ' et carnali desiderio ' mente desistens ' et ita virginem animam observans cum corpore ' ut decebat Deum in sinu recipere futuram. Sanctus enim Ens ' in sanctis requiescit. Ita igitur sanctitatem assumit * et templum sanctum et admirabile altissimi Dei dignum demonstratur.

  • ibid. par. 6, l. 57-64, p. 321.
116.5 Lectio quinta.5

Idem in eodem.

Ipsa est que preeterno previsivo consilio Dei predefinita ' et diversis ymaginibus et sermonibus prophetarum per Spiritum Sanctum significata ' et prepredicta ' in predeterminato tempore ex davitica radice germinata est * propter eas que ad ipsum facte sunt repromissiones. Juravit enim Dominus David veritatem ' et non frustrabitur eum * de fructu ventris tui ponam super thronum tuum. [Ps. 131, 11] Et rursus : Semel juravi in sancto meo si David  mentiar * semen ejus in eternum manet. [Ps. 88, 36-38] Et Ysaias : Egredietur virga de radice Jesse * et flos de radice ejus ascendet. [Is. 11, 1]

  • ibid. par. 1, l. 7-18, p. 318-319.
116.6 Lectio sexta.

Jeronimus in sermone de Assumptione « Cogitis ». Å .6

Preterea qualis et quanta esset * ab angelo divinitus declaratur ' cum ait : Ave, gratia plena ' Dominus tecum * benedicta tu in mulieribus. [Luc. 1, 28] Talibus namque decebat Virginem oppignerari muneribus + ut esset gratia plena ' que celis dedit gloriam ' terris Deum ' pacemque refudit * fidem gentibus ' finem vitiis ' vite ordinem ' moribus disciplinam.

Et ideo inquit : Benedicta tu inter mulieres. Ac per hoc quidquid maledictionis infusum est per Evam * totum abstulit benedictio Marie. Insuper et gratiam refudit Christi ortus * quam non habuit prius omnis mundus. Igitur quod natura non habuit ' usus nescivit ' ignoravit ratio ' mens non capit humana ' pavet celum ' stupet terra ' creatura omnis etiam celestis miratur * hoc totum per Gabrielem Marie divinitus nuntiatur ' et per Christum adimpletur.

  • Pascasius Radbertus, de Assumptione, CCCM 56 C, = 26, l. 213-218, p. 120, et = 33, l. 260-268, p. 123-124.
  • CPL 633, PLS II, c. 265
116.7a Lectio septima. Secundum Matheum.

Liber generationis Jesu Christi * filii David ' filii Abraham. Abraham genuit Ysaac. Ysaac autem genuit Jacob. Et reliqua.

  • Mat. 1, 1-2.
116.7b

Omelia beati Jeronimi presbiteri. Å .

In Ysaia legimus : Generationem ejus quis enarrabit ? [Is. 53, 8] Non putemus evangelistam prophete contrarium ' ut quod ille impossibile dixit effatu ' hic narrare incipiat * quia ibi de generatione Divinitatis ' hic vero de incarnatione dictum est. A carnalibus autem cepit * ut per hominem ' Deum discere incipiamus. Filii David ' filii Habraham. Ordo preposterus * sed neccessario commutatus. Si enim primum posuisset Abraham ' et postea David * rursus ei repetendus fuerat Abraham ' ut generationis series texeretur. Ideo autem ceteris pretermissis ' horum filium nuncupavit * quia ad hos tantum facta est de Christo repromissio. Ad Abraham * in semine, inquit, tuo benedicentur omnes gentes. [Gen. 22, 18] Quod est Christus. [Gal. 3, 16] Ad David * de fructu, inquit, ventris tui ponam super sedem tuam. [Ps. 131, 11]

  • Hieronymus, In Matheum, I, CCSL 77, l. 1-14, p. 7.
  • CPL 590
116.8 Lectio octava.

Judas autem * genuit Phares ' et Zaram de Thamar. [Mat. 1, 3] Notandum in genealogia Salvatoris ' nullam sanctarum assumi mulierum ' sed eas quas Scriptura reprehendit * ut qui propter peccatores venerat ' de peccatricibus nascens ' omnium peccata deleret. Unde et in consequentibus ' Ruth Moabitis ponitur * et Bethsabee uxor Urie.

Jacob autem genuit Joseph virum Marie. [Mat. 1, 16] Hoc loco obicit nobis Julianus Augustus ' dissonantiam evangelistarum + cur evangelista Matheus Joseph dixerit filium Jacob ' et Lucas eum appellat filium Hely * non intelligens consuetudinem Scripturarum ' quod alter secundum naturam ' alter secundum legem ei pater sit. Scimus enim hoc per Moysen, jubente Deo, preceptum + ut si frater aut propinqu[u]s ' absque liberis mortuus fuerit * alius ejus accipiat uxorem ' ad suscitandum semen fratris ' vel propinqui sui.

  • ibid. p. 7-8, l. 15-20 et p. 9, l. 46-54.
116.9 Lectio nona.

Cum autem virum audieris ' suspicio tibi non subeat nuptiarum * sed recordare consuetudinis Scripturarum ' quod sponsi viri ' et sponse vocentur uxores.

Querat diligens lector * et dicat * « Cum Joseph non sit pater Domini Salvatoris + quid pertinet ad Dominum generationis ordo deductus usque ad Joseph ? » Cui respondebimus primum ' non esse consuetudinis Scripturarum ' ut mulierum in generationibus ordo texatur + deinde ex una tribu fuisse Joseph et Mariam ' unde ex lege eam accipere cogebatur ut propinquam * et quod simul censentur in Bethleem ' uti ex una videlicet stirpe generati.

  • ibid. p. 9, l. 57-59 et p. 10, l. 65-71.

117- Nativitas, BMV, in mensa.

117.R/N

Libellus apocriphus de nativitate sancte Dei genitricis transla-[215b]-tus a Jeronimo non legatur in Matutinis, sed in mensa, vel dimittatur. Å .

117.P

Petis a me petitiunculam opere quidem levem ' sed cautela falsitatis admodum gravem. Postulas enim * ut stilo digeram ' siquid alicubi forte ' de nativitate sancte Marie ' usque ad incomparabilem ejus partum ' inveni. Hoc autem quod a me nunc cano capite exposcis * me adolescentulum in quodam libello legisse noris. Moneo autem te * memoratum libellum ' si bene memini ' quantum ad sensum pertinet ' hujusmodi habuisse prefationem.

  • BHL 5345a
117.P'

Petitis a me ' ut vobis rescribam quid michi de quodam libello videatur ' qui de nativitate sancte Marie a nonnullis habetur * et ideo scire vos volo multa in eo falsa inveniri. Quidam namque Seleucus qui passiones apostolorum conscripsit * et hunc libellum composuit. Sed sicut de virtutibus eorum et miraculis vera dixit ' et de doctrina plurima mentitus est * ita et hic multa non vera de corde suo confinxit. Proinde ut in hebreo habetur * verbum ex verbo transferre curabo. Siquidem sanctum evangelistam Matheum ' eundem libellum dicitur composuisse * et in capite sui evangelii hebraicis litteris obsignatum apposuisse.1 Quod an verum sit * actori2 prefationis et fidei scriptoris committo. Ipse ut hec dubia esse pronuntio * ita liquido falsa esse non affirmo. Illud autem libere dico ' quod fidelium neminem negaturum puto + sive hec vera sint ' sive ab aliquo conficta ' sanctam sancte Marie nativitatem magna miracula precessisse ' maxima consecuta fuisse * et idcirco salva fide ' ab his qui ista Deum facere potuisse credunt, sine periculo anime sue ' et credi ' et legi potuisse. Denique sensum, non verba scriptoris sequens ' sic narrationis stilum temperabo * ut non alia dicam quam que ibi aut scripta sunt ' aut consequenter scribi potuerunt.

  • BHL 5344
  • Epistola 50 de nativitate BMV, PL 30, c. 307B-308A.
117.1

Ia 3

Igitur beata Maria ' ex regia stirpe ' et familia David oriunda ' in civitate Nazareth nata * Jerosolimis in templo Domini fuit nutrita. Pater illius Johachim * mater Anna dicebatur. Domus paterna ex Galilea et civitate Nazareth * maternum genus ex Bethleem erat. Vita eorum erat simplex ante Dominum et recta * apud homines irreprehensibilis ' et pia. Nam omnem substantiam suam ' tripharie diviserunt. Unam partem Templo et Templi servitoribus + aliam peregrinis et pauperibus erogabant * terciam sibi et familiole sue usibus reservabant. Ita justi Deo ' hominibus pii * per annos circiter viginti castum domi conjugium sine liberorum procreatione exercebant. Voverunt tamen * si Deus forte daret eis sobolem, se Domino in obsequio eam mancipaturos.

  • < BHL 5343
  • ibid. 308AB.
117.2

II 4

Cujus rei gratia * et templum Domini singulis per annum festis frequentare solebant. Factum est autem * ut Encheniorum sollemnitas appropinquaret. Unde et cum nonullis contribulibus suis * Jerosolimam Joachim ascendit. Eo quoque tempore * ibi Ysachar pontifex erat. Cumque inter ceteros concives suos Joachim cum oblatione astantem videret + despexit eum ' et munera ejus sprevit * interrogans cur inter fecundos ipse infecundus astare presumeret. Cujus objectu magno pudore confusus Joachim ' ad pastores, qui cum pecoribus suis in pascuis erant, secessit + neque domum repedare voluit * ne forte a contribulibus suis qui simul aderant ' et hoc a sacerdote audierant ' eodem opprobrii elogio notaretur.

  • ibid. c. 308BD.
117.3 III5

Verum cum ibi esset * angelus Domini cum immenso lumine ei astitit. Qui dum ad visionem turbaretur * angelus timorem illius compescuit dicens : « Noli timere, Joachim. Ego enim sum angelus Domini * missus ad te ' ut annuntiem tibi ' preces tuas esse exauditas. Videns quippe vidit pudorem tuum * et audivit sterilitatis obprobrium non recte tibi objectum. Peccati quidem, non nature ultor est Dominus. Crede dilatos diu conceptus et steriles partus mirabiliores esse solere. Proinde Anna uxor tua pariet tibi filiam * et vocabis nomen ejus Mariam. Hec erit, ut novistis, ab infantia6 statim Domino consecrata * et Spiritu Sancto replebitur adhuc ex utero matris sue. Omne immundum non manducabit ' neque bibet + neque inter populares forinsecus ' sed in templo Domini conversatio ejus erit * ne sinistrum quid de ea vel suspicari saltem possit vel dici.

  • ibid. c. 309AC.
117.4 IIII7

Itaque etate procedente ' sicut ipsa mirabiliter ex sterili nascetur + ita incomparabiliter virgo generabit Altissimi filium ' qui Jesus vocabitur * quia secundum nomen suum salvator erit omnium gentium. Et hoc tibi horum que annuntio signum erit. Dum perveneris Hierosolimis ad auream portam + habebis ibi obviam Annam uxorem tuam * que de tue regressionis retardatione ' modo sollicita ' tunc in conspectu tuo gaudebit. » His dictis * disparuit angelus.

  • ibid. c. 309C-310A.
117.5 V8

Deinde apparuit et Anne dicens : « Noli timere, Anna * neque putes fantasma esse quod vides. Ego sum [215c] angelus qui preces et elemosinas vestras obtuli in conspectu Domini + et nunc missus sum ad vos ut annuntiem vobis nascituram filiam vestram, nomine Mariam * que super omnes mulieres erit benedicta. Hec a nativitate statim Domini gratia plena ' tribus ablactationis sue annis in domo paterna manebit + postea servitio Domini mancipata ' a Templo usque ad intelligibiles annos non discedet * et ibi jejuniis et orationibus Domino serviens nocte ac die ' ab omni immundo se abstinebit. Virum nunquam cognoscet * sed sola sine exemplo, virgo, filium ' famula, Dominum generabit ' mundi salvatorem.

  • ibid. c. 310AB.
117.6 VIa9

Itaque surgens ascende Jerusalem * et cum perveneris ad portam que aurea vocatur ' ibi pro signo virum tuum pro cujus incolumitatis statu solicita es ' habebis obvium. Cum ergo hec ita evenerunt * scito quod ea que annuntio sine dubio complenda erunt. » Igitur juxta angelicum preceptum ' uterque de loco in quo erant se promoventes * ascenderunt Jherusalem. Et cum pervenissent ad locum angelico vaticinio designatum ' ibi sibi invicem obviaverunt. Tunc de mutua visione leti et prolis promisse certitudine securi * debitas gratias egerunt Domino humilium exaltatori. Itaque adorato Domino domum regressi * divinum promissum exspectabant.10

  • ibid. c. 310BD.
117.S

Concepit ergo Anna et peperit filiam * et juxta angelicum mandatum ' parentes illius vocabant nomen ejus Mariam. Cumque trium11 annorum circulus volveretur ' et ablactationis tempus completum esset * ad templum Domini virginem cum oblationibus adduxerunt. Erant autem circa Temmplum quindecim ascensionis gradus. In horum itaque uno virginem constituerunt. Cumque ipsi vestimenta que in itinere habebant exuerent ' et cultioribus se induerent vestimentis * virgo Domini singillatim12 gradus, sine ducentis et levantis solamine, ita ascendit ' ut perfecte etati in hac dumtaxat causa nichil deesse putares. Jam quippe Dominus in virginis sue infantia magnum quid operabatur * et quanta futura esset ' hujus miraculi indicio premonstrabat.

  • ibid. c. 310D-311B.

Igitur sacrificio13 secundum consuetudinem legis celebrato ' et voto suo perfecto ' virginem intra septa Templi cum aliis virginibus ibidem educandis dimiserunt * ipsi autem in domum reversi sunt. Virgo autem Domini cotidie cum etatis processu virtutibus proficiebat + et quia juxta psalmistam pater et mater ejus dereliquerunt eam * Dominus assumpsit illam. Cotidie namque ab angelis frequentabatur * cotidie divina visione fruebatur + que eam a malis omnibus custodiebat * et bonis omnibus redundare faciebat. Itaque sic usque ad annum quartumdecimum pervenit ' ut non solum ' mali nichil de ea reprehensione dignum confingere possent * sed et boni omnes qui eam noverant vitam et conversationem ejus admiratione dignam judicarent. Tunc pontifex publice denuntiabat * ut virgines que in Templo instituebantur ' et hoc etatis tempus implessent ' domum reverterentur ' et nuptiis operam darent. Cui mandato cum cetere virgines prone paruissent * sola Maria hoc facere se non posse respondit. Siquidem et parentes suos se dixit servitio Domini mancipasse * insuper et seipsam virginitatem Deo vovisse. Pontifex in angustia constitutus ' cum neque contra Scripturam que dicit ' vovite et reddite votum [Ps. 75, 12] infringendum putaret ' neque morem genti insuetum introducere auderet * precepit ut ad festivitatem que imminebat ' omnes ex Jerosolimis et vicinis locis primores adessent ' quorum consilio scire posset quid in tam dubia re faciendum esset. Quod cum fieret * omnibus in commune placuit ' Dominum super hac re consulendum. Et ceteri quidem orationi incubuere * pontifex autem ex more ad consulendum accessit. Nec mora * cunctis audientibus ' de oraculo propitiatorii loco ' vox facta est ' Ysaie vaticinio requirendum esse ' cui virgo commendari ' et desponsari deberet. Ysaiam audiunt dicentem : Egredietur virga de radice Jesse * et flos de radice ejus ascendet ' et requiescet14 super eum Spiritus Domini. [Is. 11, 1-2] Secundum hanc prophetiam dicunt cunctos de domo et familia David nuptiis habiles non conjugatos virgas suas ad altare allaturos + et cujuscunque post allationem virgula florem germinasset ' et in cacumine ejus Spiritus Domini in columbe specie consedisset * ipsum esse cui virgo Domini commendari ' ac desponsari debuisset. Erat autem inter ceteros Joseph de familia David. Cui cum incongruum videreur ' si tam teneram virginem duceret uxorem * ceteris virgas suas juxta oraculum afferentibus ' ipse solus suam subtraxit. Unde cum nichil consonum divine15 voci aparuisset * pontifex Dominum iterato consulendum putavit. Qui respondit solum illum ex [215d] his qui designati erant virgam suam non attulisse qui virginem desponsare deberet. Proditus itaque Joseph ' cum virgam suam attulisset ' et ipsa ilico florem germinasset ' et in cacumine ejus columba de celo descendisset * liquido omnibus patuit ' ipsi virginem desponsandam fore. Igitur nuptiarum jure de more celebrato * ipse quidem in Bethleem civitate resedit domui sue dispositurus ' et nuptiis necessaria procuraturus. Virgo vero Domini Maria cum aliis septem virginibus coevis et collactaneis suis quas a sacerdote acceperat * ad domum parentum ' in Galyleam reversa est. His diebus missus est ad eam angelus Gabriel.

  • ibid. c. 311B-313B.

Igitur Joseph a Judea in Galileam veniens * desponsatam sibi ducere intendebat. Jamque tres fluxerant menses * et quartus instabat. Interea sponsorum more liberius ad virginem introiens gravidam esse eam deprehendit + et fluctuare cepit animo * et cogitabat occulte dimittere eam.

Hucusque de apocripho.

  • ibid. 314BC.

118- Nativitas, BMV, F[1] infra oct.

Infra octavas Nativitatis beate Virginis in una feria.

Bernardus in omelia « Missus est ».1

118.1 Lectio prima.

Si queritur quare Joseph voluit dimittere Mariam * accipe in hoc non meam sed Patrum sententiam. Propter hoc voluit Joseph dimittere eam ' propter quod et Petrus Dominum a se repellebat dicens + « Exi a me, Domine * quia homo peccator sum » [Luc. 5, 8] * propter quod et centurio a domo sua eum prohibebat cum diceret : Domine ' non sum dignus ut intres sub tectum meum. [Mat. 8, 8] Ita ergo et Joseph indignum et peccatorem se reputans * dicebat intra se ' a tanta et tali non debere sibi ultra familiare prestari contubernium ' cujus supra se mirabilem expavescebat dignitatem. Videbat ' et horrebat divine presentie gestantem certissimum insigne. Et quia mysterium penetrare non poterat * dimittere eam volebat.

  • Bernardus Claraevallensis, h 2 in laudibus Virginis Mariae, Opera IV (1966), p. 31, l. 16-25a.
118.2a Lectio secunda.

Expavit Petrus potentie magnitudinem * expavit centurio presentie majestatem + horruit nimirum et Joseph sicut homo ' tanti miraculi bonitatem ' mysterii profunditatem * et ideo voluit oculte dimittere eam.

  • ibid. p. 31, l. 25-27 et 32, l. 1.
118.2b Crisostomus.2

Forsitan enim cum esset justus ' et videret eam gravidam * hoc apud se cogitabat : « Comessatrix nunquam autem vinolenta fuit ' non levis, non jocosa ' non cantatrix3 non turpium verborum auditrix * numquam super virum erexit oculum nec infixit aspectum. » Hec et his similia apud se tractans ' nichil horum inveniebat in ea * sed econtrario omnia laudabilia ' omnia admiranda ' et que sine Spiritus Sancti potestate non erat in natura esse humana.

  • Ps. Chrysostomus, Opus imperfectum in Matheum, h 1, PG 56, c. 632-633.
  • CPG 4569, CPL 707
118.3 Lectio tercia.4

Omnibus igitur argumentis ' quibus fornicatio mulieris intelligi solet vel argui ' deficientibus * sola in ea restabat suspitio gratie Dei.

O inestimabilis laus Marie ! Plus credebat castitati ejus quam utero * plus gratie quam nature. Conceptionem manifeste videbat * et fornicationem suspicari non poterat. Possibilius esse credebat virginem posse parere * quam Mariam posse peccare.

Sic et maritalem zelum et uteri clamantis accusationem * sola preterite conversationis documenta vincebant.

  • ibid. c. 633.

119- Nativitas, BMV, F[2] infra oct.

In alia feria.

Ambrosius de virginitate libro secundo. Å .1

119.1

Sit igitur nobis tamquam in ymagine descripta vita Marie * ex qua velut speculo refulget species castitatis et forma virtutis. Hinc sumatis exempla vivendi * ubi tanquam in exemplari magisteria expressa probitatis ' quid corrigere ' quid effugere ' quid tenere debeatis ostendunt. Primus discendi2 ardor * nobilitas magistri est. Quid nobilius Dei matre ? Quid splendidius ea quam Splendor elegit ? Quid castius ea que corpus sine corporis contagione generavit ?

  • Ambrosius, De virginibus, II, 2, PL 16, = 6-7, c. 220AB.
  • CPL 145
119.2 Lectio secunda.3

De ceteris autem virtutibus beate Marie quid loquar ? Virgo erat non solum corpore ' sed etiam mente * que nullo doli ambitu sincerum adulteraret affectum. Corde humilis ' verbo gravis + animo prudens ' loquendi parcior ' legendi studiosor * non in incerto divitiarum ' sed in prece pauperis spem reponens + intenta operi ' verecunda sermone * arbitrum mentis non hominem, sed Deum querere ' nullum ledere ' bene velle omnibus ' assurgere majoribus4 natu ' equalibus non invidere ' fugere jactantiam ' rationem sequi ' amare virtutem.

  • ibid. = 7, c. 220B.
119.3 Lectio tercia.5

Quando ista vel vultu lesit parentes ? Quando discessit a propinquis ? Quando fastidivit humilem ? Quando irrisit debilem ? Quando vitavit inopem ? Eos solos solita cetus virorum invisere ' quos misericordia non erubesceret * nec quos preteriret verecundia. Nichil tor(r)vum in oculis ' nichil in verbis procax ' nichil in actu inverecundum + non gestus fractior ' non incessus solutior ' non vox petulantior * ut ipsa corporis species simulachrum fuerit mentis et figura probitatis.

  • ibid. = 7, c. 220C.

120- Nativitas, BMV, F[3] infra oct.

In alia feria.

120.1 Lectio prima.1

Quid exequar beate Marie ciborum parsimoniam ' officiorum redundantiam + alterum ultra naturam superfuisse ' alterum pene ipsi nature defuisse ? Illic nulla intermissa tempora * hic congeminatus jejunio dies. Et si quando reficiendi successisset voluntas * cibus plerumque obvius qui mortem arceret ' non delicias ministraret. Dormire non prius cupiditas * quam necessitas fuit. Et tamen cum quiesceret corpus ' vigilabat animus * qui frequenter in somnis aut lecta repetit ' aut somnio interrupta continuat + et aut disposita gerit * aut gerenda pronuntiat.

  • ibid. = 8, c. 221A.
120.2 Lectio secunda.2

Prodire domo nescia ' nisi cum ad ecclesiam conveniret * et hoc ipsum cum parentibus ac propinquis. Domestico operosa secreto ' forensi stipata commi-[216a]-tatu + nullo meliore tamen sui custode quam seipsa * que incessu aspectuque venerabilis ' non tam vestigium pedis tolleret quam gradum virtutis attolleret. Et cum alios habeat virgo membrorum suorum custodes * morum suorum se habeat ipsa custodem. Plures erunt quos doceat ' si ipsa se doceat que virtutes magistras habet * quia quicquid egerit, disciplina est.

  • ibid. = 9, c. 221AB.
120.3 Lectio tercia.3

Sic Maria intendebat omnibus * quasi a pluribus moneretur. Sic omnia implebat virtutis officia * ut non tam disceret, quam doceret. Talem hanc evangelista monstravit ' et talem angelus reperit * talem Spiritus Sanctus elegit. Quid enim in singulis morer + ut eam parentes dilexerint ' extranei predicaverint ' que digna fuit ex qua Dei Filius nasceretur ? Hec ad ipsos ingressus angeli ' inventa est domi in penetralibus sine comite * ne quis intentionem abrumperet ' ne quis obstreperet. Neque enim comites feminas desiderabat * que bonas cogitationes comites habebat. Quin etiam tunc sibi minus sola videbatur * cum sola esset. Nam quemadmodum sola + cui tot libri adessent ' tot archangeli ' tot prophete ? Deinde Gabriel eam ubi revisere solebat ' invenit.

  • ibid. = 9-11, c. 221BC.

121- Nativitas, BMV, F[4] infra oct.

In alia feria.

121.1 Lectio prima.1

Et angelum Maria quasi virum ' specie mota trepidavit * quasi non incognitum ' audito nomine rec[o]gnovit. Peregrinata est igitur in viro ' que non est peregrinata in angelo * ut agnoscas aures religiosas ' oculos verecundos. Denique salutata obmutuit * et appellata respondit. Sed que primo turbavit affectum * postea promisit obsequium. Quam vero religiosa in propinquis fuerit * Scriptura divina commemorat. Nam et humilior facta est ' ubi a Deo se cognovit electam + et statim ad cognatam suam in montana processit * non utique ut exemplo crederet ' que jam crediderat oraculo + beata enim, inquit ' que credidisti [Luc. 1, 45] * et tribus cum ea mensibus mansit.

  • ibid. = 11-12, c. 221C-222A.
121.2 Lectio secunda.2

Tanti autem temporis intervallo non fides queritur ' sed pietas exhibetur + et hoc postea quam in utero par(i)entis exiliens puer ' matrem Domini salutavit * prius ostendens obsequium devotionis quam nature. Inde tot sequentibus signis ' cum sterilis pareret ' virgo conciperet ' loqueretur mutus ' adoraret magus ' expectaret Symeon ' sydera nuntiarent * Maria, mobilis ad introitum, immobilis ad miraculum ' conservabat, inquit, omnia hec in corde suo + [Luc. 2, 19] quamvis mater Domini ' discere tamen precepta Domini desiderabat * et que Dominum genuerat ' Deum tamen scire cupiebat.

  • ibid. = 12-13, c. 222A.
121.3 Lectio tercia.3

Quid ' quod annis omnibus ibat in Jerusalem sollemni die Pasche + et ibat cum Joseph ? Ubique in Virgine comes singularum virtutum ' pudor est. Hic individuus debet esse virginitati * sine quo non potest esse virginitas. Nec ad Templum igitur Maria sine pudoris sui custode processit. Hec est ymago virginitatis. Talis enim fuit Maria * ut ejus unius vita ' omnium disciplina sit. Si igitur actor non displicet, opus probemus * ut quecumque sibi ejus exoptat premium ' imitetur exemplum. Quante in una virgine species virtutum emicant * secretum verecundie ' vexillum fidei ' devotionis obsequium + virgo intra domum ' comes ad ministerium ' mater ad Templum.

  • ibid. = 14-15, c. 222B.

122- Nativitas, BMV, F[5] infra oct.

In alia feria.

122.1 Lectio prima.
122.N

Ex sermone « Fratres cum aliquid »1 qui alicubi intitulatur Augustini, alibi Jeronimi.2

Hec est igitur sancta et venerabilis virgo Maria mater Domini nostri Jesu Christi secundum carnem ' ex semine Abrahe orta, de tribu Juda * virga de radice Jesse [Is. 11, 1] et stirpe David. Filia Jerusalem ' stella maris * ancilla Christi. Regina gentium ' domina regum +3 sponsa Domini * mater Christi. Hec est Conditoris templum ' Spiritus Sancti sacrarium + et velut speciosa columba * pulchra ut luna ' electa ut sol. [Cant. 6, 9] Signaculum fidei * reparatio Eve. Introitus vite ' janua Celi + decus mulierum * caput virginum. Ortus conclusus ' fons signatus * puteus aquarum viventium. [cf. Cant. 4, 12 et 15] Hec multiplicatur ut cedrus Libani + florens ut palma [cf. Ps. 91, 13] * velut oliva fructifera in domo Domini. [cf. Ps. 51, 10]

  • Ps. Ildefonsus, sermo dub. 4, PL 96, c. 258B.
  • CPL 1257, CPP 2303 et 5020
122.2 Lectio secunda.4

Virgo sancta ' virgo prudens * et una ex numero prudentium virginum. Virgo pulcherrima ' virgo pudica + corpore decora * animo fulgida. Hec est fide perspicua ' mente preclara * amore virginitatis devota. Ad obediendum parata + in ministerio sibi credito cauta ' in5 persecutione pacifica * in passione Christi mente compassa. Hec est a prophetis Dei predicta ' et a philosophis sanctis prescita + ab archangelo salutata * a Spiritu Sancto fecundata atque ab eodem obumbrata. Seminis virilis ignara * prole Filii fecunda. Virgo innupta * ex filio leta. Fide concipiens * gaudio pariens. Virgo ante partum * virgo post partum.

  • ibid. c. 258BC.
122.3 Lectio tercia.6

Hec quem mundus totus non capit * Virgo sacratissima ' sancto alvo inclusit. Qui mundum pugillo tenet ' eum beatissima Virgo pannis involvit * atque in presepe reclinavit. Et qui presentia majestatis sue in celis sanctos angelos pascit * Virgo hunc sacratis uberibus in terris aluit. Insuper ad cujus arbitrium totus orbis terrarum regitur * hujus gloriose Virginis arbitrio ' conditor mundi infans nutritur. Et sub cujus defensione proteguntur regna terrarum * cum ipso preciosa virgo Maria fugit in [216b] Egyptum.

  • ibid. c. 258C.

123- Nativitas, BMV, D infra oct.

123.N

Ex sermone « Qui priorum veneratur et cetera », qui legitur in quibusdam Ecclesiis. Å .

Dominica infra octavas.

123.1 Lectio prima.

Presenti celebratione ' omnium prudentium virginum reginam ' sedulis, karissimi, exposcite precibus * ut illa suo interventu efficiat possibile ' quo sancte Ecclesie contentus ' de ejus congaudeat sublimatione et gloria. Ista est enim precipua festivitas * in qua angelorum omnis exultat militia + in qua patriarcharum complentur veridica et abdita mysteria * in qua prophetarum panduntur vaticinia + in qua etiam et gentilium reserantur prenuntia scripta * in qua oritur sponsa ' sine exemplo Deo conjuncta ' de cujus corporis materia oritur lumen in tenebris ad extergendas veterum piaculorum tenebras.

  • Non inventum est.
123.2 Lectio secunda.

Hec est, inquam, dies * in qua prelucida stella ' immo lumen maris, hoc est hujus mundi ' velut Eous cum decoris amenitate ' ex mortali genitura ' cunctis qui salvandi sunt illuxit. Hec est honoranda diei leticia + in qua juxta mundi qualitates preparatur vas virgineum divinis carismatibus ac micantibus margaritis ineffabiliter ornatum * in quo sublimitas Dei mixta homini compaginaretur carnaliter ' non secundum propaginem sed secundum Sancti Spiritus operationem. Quis, queso, umquam ante hanc virginem audire valuit + ut factor omnium intra virginis arta se concluderet septa ?

123.3 Lectio tercia.

O magna et admirabilis ipsius Dei miseratio ! Ut enim prothopla(i)stum parentem et successionem filiorum ejus innovaret ' quem constat ob hoc editum ' ut superbientium angelorum suppleret numerum et ordinem ' non indigne pertulit infra Virginis alvum celitus se incorporari * necnon et ut consocialem formam non secundum divine substantie qualitatem ' sed juxta corporeum incrementum ' absque macula peccati sibi compactum ' eo erigeret ' unde et Suasor et ille qui succubuit perfida fraudatione precepti ejectus est.

123.4 Lectio quarta.

Ecce itaque cuncti qui ad sacram convenitis Virginis nativitatem ' omnes corporeos vobiscum qui affertis sensus et interiores cordis intellectus + erigite mentes vestras ad presentis matris festivitatem * ut nullum mentis inveniatur domicilium ' quod non concrepet. Congaudeat in hac celebratione uterque hominum sexus ' et conditio dominorum seu subjectorum * quia per hanc virginem ' utrorumque venit redemptio. Gaudeant et senes Deo placentes + quoniam in hujus que nata est viscera descendit ille ' qui non modo animas ' verum etiam corpora renovabit ad juventutem * juxta illud ' renovabitur ut aquile juventus vestra. [Ps. 102, 5]

123.5 Lectio quinta.

Letentur juvenes fortes in hac die * quoniam hodie prodiit in hanc lucem virgo ex cujus secretis natus est juvenis speciosus pre natis hominum ' de cujus labiis diffusa est omnis gratia ' per lata et quadripertita mundi climata. Virtutem quoque corporis in animi vigore transmutent * et per hujus sacre virginis obtentum ' suam Christo commendent juventutem.

123.6 Lectio sexta.

Congratulentur etiam pueri et infantes ' in hujus maxime puelle initia ' sua Christo et Marie dicantes crescentia1 membra * quoniam habent puerum castitatis et puritatis ministrum + et Mariam singularis pudicitie formam * ex cujus utero sancto ' Christi susceperunt infantiam. Psallant et illi qui forte exercuerunt dominatum super seculi negotia * quoniam per Virginem venit Dominus regum. Gaudeant et subditi quos premit jugum * quoniam exsolvet filius Virginis hodie nate ' iniqua juga a cervicibus eorum.

123.R

Tres alie lectiones de omelia dominicali.

124- Nativitas BMV, Oct.

s, 15 IX

In Octavis Nativitatis beate virginis Mariea.

Fulbertus Carnotensis episcopus, in sermone de beata Virgine « Approbate consuetudinis ». Å .

124.1 Lectio prima.

Inter omnes sanctos, memoria beate Virginis eo frequentius agitur ' atque festivius * quo majorem gratiam apud Deum creditur invenisse. Unde post alia quedam ipsius antiquiora sollemnia ' non fuit contenta devotio fidelium * quin nativitati sollemne superadderet hodiernum.

Beata ergo Domini mater et perpetua virgo Maria ' priusquam nasceretur ' oraculis enuntiata est * et designata miraculis. Nata vero progenie divinitus ordinata ' privilegio virtutum insignis enituit * Salvatorem edidit a quo glorificata in Celo ' nunquam terrigenis patrocinari desistit. Propositionem sequatur ex ordine suo narratio * jamque referamus unum de pretaxatis oraculis.

  • Fulbertus Carnotensis, s 4, PL 141, c. 320BCb.
124.2 Lectio secunda.

Dixit Eternus ad veterem ' Deus ad serpentem : Inimicitias ponam inter te et mulierem * et semen tuum ' et semen illius. Ipsa conteret caput tuum. [Gen. 3, 15] Si queratur quenam mulier hujuscemodi victoriam operata sit * profecto non reperitur in [216c] linea generationis humane ' donec perveniatur ad illam de qua nunc agimus, sanctarum sanctam. Hec namque virginitate servata ' probatur extinxisse concupiscentiam carnis + humilitate que facit pauperem spiritu ' concupiscentiam mentis * sicque principali suggestione Dyaboli victa ' vitiosum caput ' virtutis pede contrivit.

Hec est ergo mulier * ad quam divinum illud intendebat oraculum. Hanc quandoque nascituram innuebat * hanc singulariter intimabat.

  • ibid. c. 320D-321A.
124.3 Lectio tercia.

Expedito quam paucis oraculo * unum quoque de miraculis absolvatur. Accepte sunt a sancto Moyse singule virge de singulis tribubus Israel ' nominibus earum inscripte ' jubente Domino * et posite in tabernaculo ejus. Iner quas una que fuerat Aaron * sequenti die germinasse ' floruisse ' fronduisse ' ac peperisse amigdala ' reperitur. Sciens ergo Dominus hoc opus suum magni esse mysterii * jussit servari virgam ad monimentum.

  • ibid. c. 321A.
124.4 Lectio quarta.

Monebantur filii Israel presentia virge ' querere sollicite ' quid significaret tam mirabile factum * quod longe post aperiens Ysaias ' egredietur, inquit ' virga de radice Jesse ' et flos de radice ejus ascendet * et requiescet super eum Spiritus Domini. [Is. 11, 1-2]

Quod ergo Deus designavit miraculo * hoc a secretis ejus prodidit vaticinio. Et quod vates cecinit * hoc rei exitus approbavit. Nam sicut illa virga sine quolibet nature adminiculo fructificavit * ita virgo Maria sine conjugali opere filium procreavit + filium sane ' flore designatum et fructu * flore propter speciem ' fructu propter utilitatem.

  • ibid. c. 321BC.
124.5 Lectio quinta.

Hic breviter asserta propositionis particula prima * quod sequitur attingamus. Nata ergo beatissima Virgo sicut legimus patre Nazareno ' matre Bethleemita, quas urbes Christi nativitati vel conversationi destinatas esse prophete non tacuerunt + descendit a radice illius fide preclari Abrahe ' cui superne promissa fuerat benedictio omnium gentium in semine suo * et a stirpe David quem egregia laude sublimavit dicens : Inveni hominem secundum cor meum. De regali nempe tribu ' simul et sacerdotali ' duxit originem * que summum Regem atque Pontificem erat paritura.

  • ibid. c. 321CD.
124.6 Lectio sexta.

Hec itaque electa et insignis inter filias ' non fortuitu, sed divina dispensatione nomen accepit * quod sui figura magnum quid innueret. Interpretatur enim « maris stella ».

Oportet quidem universos christicolas inter fluctus hujus seculi remigantes ' attendere maris stellam hanc ' que summo rerum cardini Deo proxima est * et respectu exempli ejus ' cursum vite dirigere. Quod si fecerit * non jactabitur vane glorie vento ' nec frangetur scopulis adversorum + nec absorbebitur scillea voragine voluptatum * sed prospere veniet ad portum quietis eterne.

  • ibid. c. 321D-322A.
124.7 Lectio septima.

Hic siquis interroget ' quid putas qualis olim in anima fuerit, vel nunc sit hec persona, que sic omnibus sanctis spectanda atque imitanda proponitur + veraciter respondemus ' quod anima ipsius et caro quam elegit habitaculum sibi Sapientia Dei Patris ' ab omni malitia et immunditia purissima fuit * affirmante Scriptura ' quoniam in malivolam animam non introibit Sapientia ' nec habitabit in corpore subdito peccatis. [Sag. 1, 4] Item econtra confidenter asserimus * quia nullo virtutum genere vacavit, cui plenitudinem gratie Dei nuntius asserebat inesse.

  • ibid. c. 322BC.
124.8 Lectio octava.

Sunt autem ex eis quedam omni fere christiano perspicua. Quis enim est qui jocunda admiratione ' non speculetur ipsius adolescentis mature fortitudinem ' prudentiamque ac fidem in colloquio angelico + ubi tam constanter eloquitur ' tam prudenter interrogat ' tam facile credit ? Quis non videat ' ac videndo miretur justiciam ejus + qua sic universa precepta legis divine satagebat implere ' ut nec ad se pertinentia quedam inexperta non relinqueret ? Verbi gratia : post partum enim purificatione legali quam agebat non egebat * que virum in concipiendo non noverat.

  • ibid. c. 322CD.
124.9 Lectio nona.

De temperantia ipsius superius dictum est * que Deo virginitatis lilium in humilitatis valle produxit. Cum ergo virtutibus supradictis facta illius plena sint atque dicta * manifestum est, non solum annunciatione angelica, sed etiam rerum argumento ' nullum genus virtutis beatissime virgini defuisse. Depromebant itaque virtutes in cogitatione et affectu cordis ineffabilem armoniam ' quam ipsa creatrix ' et inhabitatrix ejus, Dei Sapientia, delectabatur audire + choruscabant foris in superficie sermonis ' et actus * unde merito possent homines glo-[216d]-rificare Deum ' et exempla salutis accipere.

  • ibid. c. 322D-323A.

125- Exaltatio Sancte Crucis

sd, 14 IX

In Exaltatione sancte Crucis.

Ex hystoria exaltationis sancte Crucis. Å .

125.1 Lectio prima.

Tempore illo, postquam Constantino contra Maxentium properanti ad bellum ' signum sancte Crucis celitus fuisset ostensum ' et ipso feliciter obtinente triumphum ' ab Helena principis matre ' sancta Crux fuisset inventa * regina salutare lignum secari fecit per medium + ut et Crucem Constantinopolim deferret ad filium ' et crucem Jerosolimis tecis argenteis conditam reservaret * ut ubi membra dominica fuerant aptata supplicio ' glorificata Crux veneraretur. Multorum itaque temporum labente curriculo * Cosdroe impius regnum adeptus est Persarum. Qui in tantam procerviam ausus est prorumpere * ut se coli juberet ut Deum.

  • < BHL 4178
125.2 Lectio secunda.

Hic cum regna per circuitum suo crudelissimo subjecisset dominio * Jerosolimam advenit + ecclesias subvertit * totamque regionem vastavit. Ad sepulchrum ergo Domini cum voluisset accedere territus rediit * sed tamen ligni salutaris partem quam reli[gi]osa regina ibi reliquerat ' asportavit. Fecerat namque turrim argenteam ' in qua thronum construxerat aureum ' ubi solis quadrigam ' et lune ' et stellarum ymagines collocaverat + atque per occultas fistulas aque meatus adduxerat * ut quasi Deus pluviam videretur infundere. In hoc itaque loco sedem sibi paraverat + atque juxta se quasi collegam Crucem dominicam posuerat * filioque tradito regno ' ipse in fano hujuscemodi residebat.

125.3 Lectio tercia.

Illo tempore, Eraclius arcem tenebat imperii ' vir armis strenuus ' lingua eruditus ' corpore decorus ' totus in fide catholicus * et erga Dei famulos devotus. Pergens igitur filius Cosdroe contra Eraclium * juxta Danubium cum suo consedit exercitu. Tandem utrisque principibus placuit ' ut ipsi singuli in medio fluminis dimicaturi ' confligerent * et cui sors victoriam contulisset ' ipse imperium usurparet. Cumque utrique populo hec pactio placuisset * in pontis medio sunt congressi.

125.4 Lectio quarta.

Tandem pulsatus Dominus lacrimis christianorum ' per virtutem sancte Crucis, cui se eodem die princeps attentius commendarat ' fideli suo concessit triumphum + tantaque mentis immutatio Cosdroe invasit exercitum * ut voluntarie cum omni familia sua ac prole ' Eraclio se subderet ' tam potestate quam fide. Christianissimus igitur princeps regna que Cosdroe tenuerat ' circumquaque perlustrans ' ad sedem ipsius venit * sedentemque eum in throno aureo repperit.

125.5 Lectio quinta.

Cumque tremefactus Cosdroe salutationis verba proferret Eraclio * ille respondit : « Pro eo quod lignum Crucis, quamvis indignus, honorifice juxta modulum tuum tractasti + si credere volueris Domino Jeu Christo * regnum Persarum et vitam tibi dabo. Sin autem * mox gladio interibis. » Cumque ille nequaquam adquiesceret * Eraclius caput illius amputavit + filiumque ejus parvulum baptizari mandavit * turrisque aurum ' et gemmas ad restaurationem ecclesiarum reservavit. Suscipiente igitur eo lignum gloriosissime Crucis cum diverso glorie apparatu * gaudentes populi omnes ' obviam alii pergunt ' alii sequ[u]ntur.

125.6 Lectio sexta.

Cum ergo imperator de monte Oliveti descendens ' per eam portam per quam Dominus intraverat, quando ad passionem venerat ' equo regio ornamentis imperialibus decoratus sedens ' voluisset intrare * repente lapides porte clauserunt se invicem ' et factus est paries unus. Cumque mirarentur attoniti * respicientes in altum ' viderunt signum Crucis flammeo fulgore resplendere. Angelus autem Domini accipiens illud in manibus stetit super portam * et ait : « Quando Rex Celorum passionis sacramenta completurus per hunc additum intravit + non se dyademate nitentem exhibuit ' aut equi potentis vehiculum requisivit * sed humilis aselli tergo residens ' cultoribus suis humilitatis exemplum reliquit. » His dictis * angelus ad celum rediit.

125.7 Lectio septima.

Imperator autem audita voce angeli depositis imperii insignibus ' discalciatus ' linea tantum et zona precinctus ' Crucem Domini suscipiens * profusis lacrimis properabat ad portam. Mox illo humiliter appropinquante * porta se subrigens ' liberum intrantibus patefecit ingressum. Odorque suavissimus ' qui, volitante divinitus aura ' de Persarum provincia Jerosolimis fuerat illapsus ' momento eodem quo de fano Cosdroe sancta Crux fuerat egressa * tunc rediit ' et se gratanter infudit. Vincebat enim aromata omnia.

125.8 Lectio octava.

Confestim igitur popularis gaudii favor in altum sublatus * [217a] divinam laudabat potentiam. Sicque gloriosus Augustus prorumpens in laudibus ' ait : « O Crux, admirabile signum * in qua Dominus noster Dei filius suspensus pro nostrorum pondere criminum mortis damnavit supplicium ! O sanguis adorandus thronis et angelis ! O Crux splendidior astris ' mundo celebris ' hominibus multum amabilis ' sanctior universis ' que sola fuisti digna portare talentum mundi ' dulce lignum ' dulces clavi ' dulcis muchro ' dulcis hasta ' dulcia ferens pondera * salva presentem catervam in tuis hodie laudibus congregatam ' tuo vexillo signatam ! »

125.9 Lectio nona.

Hec cum dixisset * preciosam partem ligni quam secum detulerat ' loco suo restituit. Tunc renovante Deo antiqua miracula ' die eodem recepit mortuus propriam vitam * paralitici adepti sunt sanitatem + leprosi cutem receperunt mundam * ceci quoque luci sunt restituti ' plurimi a demonibus liberati. Tunc imperator, oratione peracta ' offerens multa donaria * ecclesiam Dei reparari fecit ex regiis sumptibus + reddensque privilegia ' et restituens captivos in propria ' et dans oportuna presidia * Constantinopolim rediit.

126- Euphemia, v. et m.

tl, 16 IX

In festo Eufemie virginis.

Ex gestis ejus. T .

126.1 Lectio prima.

Anno quinto Diocletiani, in urbe Calcedonia ' Eufemia virgo filia senatoris cum quadraginta novem christianis ad Priscum judicem properavit * et Christum publice confitendo ' etiam virorum animos confortavit. Cum autem judex persistentes christianos successive occideret ' ut alios videntes dire mortis horrore terreret + virgo a judice se pati injuriam clamitabat ' quod cum esset nobilis ' ignotos ei et advenas anteferret * illos ad Christum premitteret. Tunc reclusa in carcerem + sequenti die soluta ' cum vinctis adducitur * iterumque gravissime conquesta est ' quod contra leges imperatorum ei soli a vinculis parceretur. Tunc alapis diutissime cesam judex in carcerem subsecutus eam opprimere voluit + sed statim manu ejus contracta ' putans se incantatum, misit prepositum suum ' ut eam opprimeret * sed ille nullo modo intrare valens, arreptus a demone, vix evasit.

  • cf. BHL 2709/2713
126.2 Lectio secunda.

Tunc educta, posita est super rotam ' cujus vectes carbonibus pleni erant + et artifex tale signum trahentibus dederat ' ut ad sonum ejus omnes simul traherent * et sic exeunte igne vectes virginem dissiparent. Sed nutu Dei ferramentum subito sonum dedit + et statim illis trahentibus ' artifex est comminutus * et Eufemia super rotam illesa remansit. Tunc parentes artificis ignem rote supposuerunt * sed post incend[i]um rote ' Eufemiam solutam ab angelo ' seorsum stantem incolumen conspexerunt. Tunc erectis ad eam scalis * dum quidam manum ad eam mitteret ' statim totus paralisi dissolutus ' vix inde semivivus ereptus est. Sostenes vero accedens ad eam ' adorans veniam petiit * et comminantibus ei mortem ' extracto gladio clamabat ad judicem quod seipsum libentius occideret ' quam illam, quam palam angeli confortabant ' contingeret.

126.3 Lectio tercia.

A multis ergo ambo depositi * mittuntur in carcerem. Et missus est ad eos Victor, ut induceret multitudinem juvenum * videns circa orantem multas virgines pulcherrimas ' monitis earum se statim confessus est esse christianum. Statim Victor et Sostenes vinculati ad ursos et leones projecti sunt. Et cum illesi manentes ' ad incendium pararentur * in oratione vocati de Celo ' spiritum emiserunt. Educta autem virgo per capillos suspenditur + et, negato cibo et potu, sex diebus in carcerem truditur * ut die septimo sicut oliva inter magnos lapides quassaretur. Illa vero, cotidie refecta ab angelo, die dicta super petram ponitur * sed ipsa orante ' lapides durissimi in cinerem rediguntur. Post hec in foveam ad beluas marinas ' et inde ad ursos et leones proicitur. Et cum illesa maneret ' mox a carnifice gladio transfigitur * et ipse a leone protinus devoratur. Sequenti nocte, Priscus et Apellianus furentes ' et seipsos comedentes * mortui inventi sunt. Et sic sancta Eufemia in Calcedonia cum honore sepulta * Judei et Gentiles ' in Christum pariter crediderunt.

127- Mattheus, ap. et evg, vig.

20 IX

In vigilia sancti Mathei.

127.1a Lectio prima vel septima si dominica fuerit.

Secundum Lucam.

In illo tempore * vidit Jesus publicanum nomine Levi ' sedentem ad theloneum * et ait illi : « Sequere me. » Et reliqua.

  • Luc. 5, 27.
127.1b

Omelia venerabilis Bede presbiteri.

Ad theloneum * ad curam dispensationemque vectigalium dicit. Thelos enim grece * latine vectigal nominatur.

  • Beda Venerabilis, In Marcum, I, CCSL 120, l. 808-810, p. 457.
  • CPL 1355
127.1c

Idem autem Levi ' qui et Matheus est * sed Lucas Marcusque propter verecondiam ' et honorem evangeliste ' nomen ponere noluerunt vulgatum. Ipse autem Matheus juxta illud quod scriptum est ' justus [217b] accusator sui est in principio sermonis [Prov. 18, 17] ' Matheum se et publicanum nominat * ut ostendat legentibus nullum debere conversum de salute diffidere + cum ipse de publicano in apostolum ' de theloneario in evangelistam sit repente mutatus.

  • Beda Venerabilis, In Lucam, II, CCSL 120, l. 884-891, p. 122.
  • CPL 1356
127.2 Lectio secunda.

Et relictis omnibus * surgens secutus est eum. [Luc. 5, 28] Intelligens ergo Matheus ' quid sit veraciter Dominum sequi * relictis omnibus sequitur. Sequi enim * imitari est. Ideoque ut pauperem Christum non tam gressu quam affectu consectari potuisset * reliquit propria ' qui rapere solebat aliena. Perfectamque nobis abrenuntiationis formam tribuens ' non solum lucra reliquit vectigalium * verum etiam rationes imperfectas atque incompositas dereliquit. Tanta enim cupiditate sequendi Dominum ductus est * ut in nullo prorsus hujus vite respectum vel cogitationem sibimet reservaverit. Siquidem ipse Dominus, qui hunc exterius humana collocutione ut sequeretur vocavit + intus divina inspiratione, ut mox vocantem sequeretur, accendit * ipse invisibiliter ' quomodo obsequendum esset ' edocuit. Propter quod ille merito obedientie ' dum humana contempnens negotia deserit * dominicorum fidelis dispensator factus est talentorum.

  • Beda Venerabilis, ibid. l. 892-904, p. 122.
127.3a Lectio tercia.

Et fecit ei Levi convivium magnum * in domo sua. [Luc. 5, 29]

Quod mysteriorum figuris apte congruit.

  • Beda Venerabilis, In Marcum, I, CCSL 120, l. 839, p.458.
127.3b

Qui enim domicilio Christum recipit interno * maximis delectationibus exuberantium pascitur voluptatum. Itaque Dominus libenter ingreditur * et in ejus qui crediderit recumbit affectum. Et hoc est bonorum operum spiritale convivium * quo dives populus eget ' pauper epulatur. Et erat turba publicanorum * et aliorum qui cum ipsis erant decumbentes. [Luc. 5, 29] Videbant publicanum a peccatis ad meliora conversum ' locum invenisse penitentie * et ob id etiam ipsi non desperant salutem. Et murmurabant scribe et pharisei * dicentes ad discipulos ejus : « Quare cum publicanis et peccatoribus manducatis et bibitis ? » [Luc. 5, 30] Convivantibus cum Domino publicanis ' pharisei murmurantes ' de jejunio gloriantur * ubi primo quanta sit legis et gratie distantia ' declaratur + quia qui legem sequ[u]ntur jejune mentis famem patientur eternam * qui vero Verbum in interioribus anime receperunt ' alimenti celestis et fontis ubertate recreati ' esurire et sitire non possunt.

  • Beda Venerabilis, In Lucam, II, CCSL 120, l. 905-922, p. 122-123.

128- Mattheus

sd, 21 IX

In festo beati Mathei.

128.1 Lectio prima.

Crisostomus in omelia super principium Mathei. Å .

Matheus ' sanctorum quidem ' precipue tamen peccatorum evangelista fuit * qui non solum sermone, sed etiam ipsa vite sue correptione ' peccatoribus evangelium predicavit. Nunquam enim in theloneo constitutus ' qui pecunias colligere perituras consueverat ' evangelista fieret + ut sermones in eternum mansuros conscriberet * nisi ut exemplo suo peccatores ad penitentie misericordiam invitaret. Qui aliquando fuit cautus terrenarum logotheca rationum * nunc autem diligentissimus dispensator spiritualium preceptorum. Tunc quidem multos pauperes fecit ' fraudendo pecuniam + nunc autem innumerabiles divites facit predicando justiciam * ut magnificemus Dominum propter eum dicentes : Hec mutatio dextere Excelsi. [Ps. 76, 11]

  • Ps. Chrysostomus, Opus imperfectum in Matheum, PG 56, c. 611-612.
  • CPG 4569, CPL 707
128.2 Lectio secunda.

Ex sequenti1 omelia Bede super Matheum. Å .

Non est autem mirandum quod ad primam Domini jubentis vocem ' terrena que curabat lucra reliquerit * opibusque neglectis ' illius comitatui, quem nil divitiarum habere cernebat ' adheserit. Ipse enim Dominus qui foris eum verbo vocavit ' intus instinctu invisibili, ut se sequeretur, edocuit * infundens illius menti lumen gratie spiritualis ' qua intelligeret quod is, qui a temporalibus avocabat in terris ' incorruptibiles dare valeret thesauros in Celis.

Factum est autem discumbente illo in domo * multi publicani ' et peccatores venientes ' discumbebant cum Jesu. [Mat. 9, 10] Unius publicani conversio * multis exemplum penitentie tribuit. Non enim dubitandum est ' quia publicani et peccatores esse desierant * qui cum Jesu discumbebant. Nec enim si in peccatis perseverare decernerent * ei qui sine peccato est ' convesci auderent.

  • Beda Venerabilis, H I 21, CCSL 122, l. 68-75 et 80-87, p. 150.
  • PD II 99
  • CPL  1367
128.3 Lectio tercia.

Pulchro vero presagio Matheus qui doctor gentium erat futurus ' in prima sua conversione peccantium post se gregem ad salutem trahit * et evangelizandi officium quod proficiente merito virtutum erat expleturus ' a primis jam fidei sue rudimentis incipit. Non enim solum qui verbo fratrem erudit + sed etiam qui exemplo ad meliora convertit * doctoris ministerium gerit.

Lucas autem hec referens ' [217c] dicit ' quod Dominus in domo ejusdem Mathei cum publicanis discubuerit * et quod ipse convivium illi magnum paraverit. Congruam quippe beneficiis celestibus vicem rependit * ut a quo perennia bona speraret ' illi sua temporalia comodaret + cumque corporalibus reficeret epulis * quo ipsi donante ' gustum spiritualis acceperat suavitatis. Nec hoc tantum ei corporaliter exhibuit * sed multo gratius illi convivium in domo pectoris sui per fidem ac dilectionem paravit.

  • ibid. l. 89-96 et 102-112, p. 150-151.
128.4 Lectio quarta.

Meminisse libet, karissimi * ad quantam Dominus arcem justicie ' Matheum quem de publicanis actibus elegit ' ut spem remissionis peccatoribus ampliaret ' evexerit. Qualis namque factus sit * apostolorum ipse numerus cui insertus est ' ostendit. Docet et ipsa gens Ethiopum ' quam de ultimis terre finibus ad Ecclesie sancte societatem predicando convertit ' ablutamque fonte baptismatis ' de fusca formosam reddidit * quia nigredine vitiorum illam exuit ' et ornatu virtutum decoravit. Docet hoc et ipsum evangelium * in quo scribendo Novi Testamenti consecravit exordium. Huic enim speciali privilegio donatum est * ut incarnationis dominice mysteria, que cuncti a seculo prophete precinebant ' ipse primus omnium jam facta descripserit ' et credentibus legenda transmiserit.

  • ibid. l. 217-229, p. 154.
128.5 Lectio quinta.

Hoc autem evangelium ad edificandum Ecclesie primitive fidem ' que ex hebreorum populo collecta est maxime * composuit hebreo sermone. Dilatata vero per orbem Ecclesia + curaverunt presules fidelium ' ut idem evangelium in grecum latinumque transferretur eloquium * quatinus hoc omnes nationes legere possent. Testatur et Ezechiel propheta ' quantus idem Matheus inter precipua sancte Ecclesie membra effulserit * dum sub figura quatuor animalium ' admirabiles omnium evangelistarum virtutes describit. Sed et Johannes apostolus visione spirituali doctus * inter prima Ecclesie sacramenta eorumdem evangelistarum mentionem facit. Tante quippe dignitatis erant illi qui redemptoris nostri facta et dicta scribendo memorie tradebant * ut non solum prophetico ' verum etiam apostolico commendandi essent testimonio + et utriusque Testamenti Scriptura testimonium eis daret ' eorumque gloriam Celi cives non tantummodo ante exortum ' verum post inchoatum vel expletum sanctissimi munus operis referrent * et quanti apud Deum habeantur