« Decanus et Capitulum Carnotense, viris venerabilibus et amicis in Christo karissimis, omnibus personis ecclesie Carnotensis, salutem et sinceram in Domino karitatem. Prudentie vestre notum esse volumus quod... , habito in capitulo nostro tractatu, consensimus quod persone ecclesie nostre, per medietatem anni in propriis personis et per aliam medietatem per competentem familiam, in ecclesia nostra residentiam facere debent1, salvis videlicet exceptionibus de absentia, causa studiorum et peregrinationis et itineris ad sedem apostolicam et servicii ecclesie..... Consensimus etiam quod omnes personas ecclesie nostre moneremus et per subtractionem beneficiorum, si opus esset, compelleremus quod in ecclesia nostra residentiam faciant sapradictam, nisi infra festum sancti Andree rationabilem causam probaverint quare in propriis personis residentiam facere non debeant..... Datum anno Domini MºCCº vicesimo secundo, mense septembri. »