Thibaud, évêque de Paris, confirme au prieuré de Gournay-sur-Marne tout ce qui, dans l'étendue de son fief, a été concédé aux moines par le vénérable comte de Meulan, Galeran II et sa femme Agnès, par Agnès de Livry et par Hugues de Montjay.

  • A Original jadis scellé, Arch. nat., S 1417, nº 77.
  • B Copie de 1223, Arch. nat., LL 1397, fol. 17, collationnée à l'original « e quo sigillum, olim sub duplici cauda coriacea adpendens, excidit. »
  • a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
D'après a.

Notum sit omnibus p. et f. quod ego T[eobaldus] Dei gratia Parisiensis episcopus concessi monachis de Gornaio ea que venerabilis comes Mellentensis Galerannus et uxor ejus Agnes eisdem monachis in elemosinam dederunt de feudo nostro359, scilicet decimas omnium denariorum suorum de Gornaio et de Cauda253 et de Torci285 et de Braia et de Villa nova et de toto honore pertinente ad Gornaium et ad Caudam ; et similiter omnes decimas omnium bladorum suorum de eodem honore in molendinis et in omnibus redditibus, et decimam vini de Villanova et de tribus modiis vini de Torci285. Insuper decimam tocius redditus quod Parisius habent, necnon medietatem duorum molendinorum quos apud Gornaium habent. Consuetudinem etiam veniendi apud molendinos, ab hominibus de Gornaio et de Gagniaco345 sicut in carta comitis continetur. Si vero prefatis monachis complacuerit, licebit eis unum aut plures molendinos, quocumque loco voluerint, facere, et eos quos prediximus, ubicumque voluerint transferre, ita tamen quod firmitas castelli conservetur. Insuper monasterium de Cauda et furnum ejusdem oppidi, post decessum Adalaisie uxorisa Guidonis Apri. Preterea venditionem terre quam fecit eis Ulricus portitor apud Caudam et vque solidos census quos idem Ulricus pro eadem terra prefato comiti persolvebat. Piscatoriam etiam quam idem comes prefatis monachis donavit, et censum quem eis domina Agnes de Livriaco358 donavit apud Russiacum64, quam donationem postea concesserunt filii ejusb Gill. 358 et Robertus, coram testibus. Preterea elemosinam que facta fuit pro Hugone de Montegaio quam fecerunt heredes ejus consilio et assensu domni Stephani de Garlanda, scilicet dimidium modium annone, medietatem frumenti et medietatem molturengie, de molendinis de Duverac. Hec igitur omnia ut futuris temporibus inconcussa et rata permaneant, privilegii nostri auctoritate et sigilli nostri impressione firmavimus.