Amauri, évêque de Senlis, à la sollicitation du prieur Giroud, confirme les propriétés du prieuré de St-Nicolas d'Acy situées dans son diocèse.

Carta Amalrici Silvanectensis episcopi, qua laudat et confirmat dona collata ecclesie Sti Nicholai de Aciaco 1.

  • A Original Arch. de l'Oise, II. 25775. Traces du sceau sur pendants de cuir ; le sceau épiscopal, détaché, est conservé dans une boîte.
  • B Copie de 1209, Arch. nat., LL 1351, fol. 70, non collationnée.
  • C Copie insérée au Cartulaire de St-Nicolas d'Acy (perdu).
  • D Vidimus scellé, « donné par copie sous les sceaux de la prevosté de Senliz... l'an mil CCC. XXIX ou mois de septembre ». Arch. de l'Oise, H 25776.
  • E Copie du xve s., Arch. nat., LL 1352, fol. 67.
  • F Copie du xvie s., Arch. nat., LL 1353, fol 75 (avec la date 1156).
  • G1 et G2 Copies d'Afforty, Collection de Senlis, I, 137 ; XIV, 374.
  • a Vattier, Comité archéologique de Senlis, 1886, d'après GG.
  • b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
  • Coll. Duchesne, LXXI, 62.
D'après b.

In nomine sancte et individue Trinitatis. Notum sit omnibus tam posteris quam presentibus, donnum Giroldum, priorem ecclesie Sancti Nicholai de Aci, precibus suis impetrasse ut ego Amalricus, gracia Dei Silvanectensis episcopus, elemosinas et beneficia que eidem ecclesie Sancti Nicholai et monachis ibi Deo famulantibus, in elemosinam a fidelibus pro animarum suarum remedio collata sunt, et in Episcopatu nostro continentur, auctoritate nostra laudarem et confirmarem et sigilli nostri impressione corroborarem. Inprimis igitur, concedimus et confirmamus prefate ecclesie molendinum de Aci, omnem justitiam et viariam ejus, et omnes hospites ejusdem ville et justiciam et viariam ejus, culturam que ante januam eorum est et omnem justitiam ejus et viariam, et omnem terram arabilem quam habent apud Aci, et justitiam et viariam ejus. Insuper decem hospites in vico Sancti Martini, quos dedit Ermengardis, soror Roberti vicedomini ex hereditate sua, et omnem justitiam et viariam eorumdem hospitum, et septem pratorum arpennos quos ecclesie Sancti Nicholai cum duabus olchis contulit, et justitiam et viariam eorundem. In decima autem de Ponte Hermeri quatuor minas ivernagiia quos eidem ecclesie pro remedio anime sue, Garnerus vicedominus donavit. Terram quoqueb que dicitur Sti Dionysii quam emerunt monachi a Teobaldo milite qui cognominatur de Paris, et justitiam et viariam ejusdem, et omnem decimam. Iterum sex hospites cum quadraginta arpennis terre apud villam novam que sita est in territorio de Valleis, quos tenent monachi ab antecessoribus Guidonis Parvi. Insuper unum millenarium de essilc omnimodis in usus Ecclesie et fratrum preparatum, quod Guido de Turre eidem Ecclesie in elemosinam pro anima sua atque antecessorum suorum singulis annis contulit, sic scilicet ut quicumque fuerint prepositi de Ermenonvilla, ad ecclesiam Sti Nicholai usque ad ipsius festum, vectura sua, annuatim deportabunt. Terram quoque quam Hugo de Salice eisdem donavit et quadrariam que in ipsa terra est et justitiam et viariam ejus. Duos insuper hospites apud Curteolum169 cum duabus olchis de elemosina Rainoldi Coci, et minutam decimam et justitiam et viariam eorundem. Insuper et quidquid habent in magna decima et minuta apud eandem villam, et ecclesiam ipsius ville et domum quam Manases tenet in Vico Parisiensi, que fuit Odonis Cordeunarii, et elemosinam Petri qui dicebatur Male-nutritus, scilicet unam vineam in vico Balantum et domum quam Gunhierus tenet. Terram quoque que est de elemosina Helisendis, que fuit uxor Nevelonis de Laverciniis, que terra sita est in confinio domorum infirmorum Silvanectensium. Et unum modium frumenti in granchia Petri de Fontanis, quam ipse Petrus vel qui successor ejus extiterit, , sine aliqua perturbatione, unoquoque anno ecclesie Sti Nicholai debet persolvere.

Actum Silvanectis, .