Henri, évêque de Senlis, ayant reçu de sire Gui IV Bouteiller la dîme des essarts de la forêt de Brasseuse, la concède à St-Nicolas d'Acy, à la prière de Marguerite femme de Gui IV, et de leurs fils Gui V et Guillaume II.

  • A Original jadis aux Archives de Saint-Nicolas d'Acy.
  • B Cartulaire d'Acy (perdu).
  • C Copie du xviie s., Coll. Duchesne, LXXVII, 27, d'après B (extrait).
  • D Copie du xviiie s., collationnée par Afforty, Coll. Moreau, LXXVII, 118.
  • a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
D'après a.

In nomine sancte et individue Trinitatis. Ego Henricus, Dei gratia, Silvanectensis dictus episcopus, notum facio t. f. q. p. quod dominus Guido Buticularius omnem decimam que percipienda est in novalibus nemoris de Braisilva vel circa Braisilvam quod ipse agricolis ad eradicandum dedit, in manus nostras reddidit. Nos autem, precibus ipsius cum assensu uxoris sue Margarite, et filiorum suorum Guidonis primogeniti et Willelmi junioris, ecclesiam Sancti Nicholai super eadem decima investivimus, salvo jure parrochiali ecclesie de Braisilva, que in eadem decima duos modios annone habet, unum frumenti et alterum avene, quos videlicet perpetuo jure inviolabiliter eadem possidebat ecclesia. Presbiter vero, qui eandem ecclesiam administraverit, a monachis Sancti Nicholai singulis annis , omni occasione postposita, prefatos duos modios accipiet. Ad majorem etiam evidentiam ut omnis in posterum litis et calumnie precidatur occasio, signanter additum est, et a domino Guidone Buticulario concessum, ut quidquida in predicto nemore novale fecerit, ac territorium illud, extirpato nemore, in agriculturam redactum excoluerit, sive idem dominus, sive ipsius heredes, sive quilibet alius, omnem decimam supradictam ecclesia Sancti Nicolai nichilominus ex integro, perpetuo jure, possideat. Quod ne in posterum, vel oblivione deleri, vel cujusquam temeritate disolvi possit, scripto presenti et sigilli nostri impressione, cum testium subnotatione, firmavimus. Hec autem sunt nomina testium : Asco precentor Beate Marie, Ebroinus decanus Sancti Frambaldi ; Balduinus, Galterus, canonici ; Petrus Coquus, Radulfus et Erchembaldus filiaster ejus, Gaufredus prepositus Regis.

Actum Silvanectis, .