Le roi Louis VII constate l'accord qui s'est établi au sujet de l'exploitation de moulins indivis entre la Couronne, le prieuré de Cannes, l'abbaye de Rozoy-en-Brie et Hugues Le Noir.

  • A Original scellé, Arch. nat., K 25, nº 58.
  • B Copie de 1209, Arch. nat., LL 1351, fol. 26, non collationnée.
  • C Copie du xve s., Arch. nat., LL 1352, fol. 26', d'après B. (date 1173).
  • D Copie du xvie s., Arch. nat., LL 1353, fol. 25 d'après B (date 1170).
  • a Tardif, Monuments historiques, nº 645, p. 319.
  • b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
  • Luchaire, Actes de Louis VII, nº 643, p. 302.
D'après b.

In nomine sancte et individue Trinitatis, amen. Ego Ludovicus, Dei gratia Francorum rex, notum facimus universis presentibus et futuris quod controversia que versabatur inter Hugonem Nigrum et monachos Sancti Petri de Cona216 et abbatissam de Roseto, super molendino Nobis et predicto Hugoni communi, inter molendinum monachorum et monialium de novo edificato, hunc finem in presentia nostra sortita est : De communi assensu et voluntate partium condictum fuit et concessum quod predicta tria molendina Nobis et monachis et monialibus erunt communia ; ita quod domini trium molendinorum fructus ex illis provenientes equaliter divident et percipient, scilicet quod Nos et Hugo terciam partem et monachi Sti Petri de Cona terciam partem et moniales terciam. Communiter etiam fuit statutum quod, sicut tres domini redditibus molendinorum equaliter participabunt, ita et sumptus molendinis necessarios equaliter ponent ; et si quid forifacti in molendinis acciderit, justicia ad dominos trium molendinorum pertinebit. De communi etiam consilio et voluntate trium dominorum, tribus molendinis molendinarii adsignabuntur. Preterea si predicti domini in terra sua, extra predicta molendina, aliquid novi communiter voluerint construere, in hoc sicut in aliis communes erunt redditus et expense. Sciendum est insuper quod predicti monachi, de propria terra sua, in communitatem poserunt quartam partem arpenni terre arabilis, ad construendum hospitium molendinarii, et quartam partem arpenni terre de alnetoa ad ortum faciendum Quod ut Nobis et successoribus nostris, Hugoni et heredibus suis, et predictis monachis et monialibus presentibus et futuris inviolabiliter conservetur in posterum, scribi et sigilli nostri auctoritate precipimus confirmari.

Actum publice Meledunib, , astantibus in palatio nostro quorum nomina subposita sunt et signa. Signum comitis Theobaldi, dapiferi nostri. S. Mathei camererii. S. Guidonis buticularii. S. Radulfi constabularii.

Vaccante 1 cancellaria.