Le Chapitre de St-Martin de Tours cède à St-Martin-des-Champs ses droits sur l'église de Pas-en-Artois moyennant une rente de trois marcs d'argent, et institue avec le monastère parisien une union de prières.

  • A Original perdu.
  • B Copie de 1209, Arch. nat., LL 1351, fol. 98, rectifiée et complétée sur A.
  • C Copie du xve siècle, Arch. nat., LL 1352, fol. 98.
  • D Copie du xvie s., Arch. nat., LL 1353, fol. 120'.
  • a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
D'après a.

Que rationabiliter inter ecclesias statuuntur, litteris annotari debent, ne per oblivionem imposterum subvertantur. Hujus igitur intuitu rationis, ego Gaufridus thesaurarius, Willelmus precentor, Hamelinus magister scolarum, Philippus subdecanus, Angerius cellerarius, totumque capitulum Bti Martini Turonensis, p. et f. notum fieri volumus quod controversia que inter nos et monachos Bti Martini de Campis habebatur, ad bonum et pacificum finem hoc modo perducta est. Voluit siquidem et statuit donnus Papa Alexander ut ecclesiam de Passoa que sita est in episcopatu Atrebatensi, cujus possessionem ipse nobis adjudicaverat, concederemus monachis et ecclesie Bti Martini de Campis ad pensionem trium marcarum puri argenti, ad pondus Trecense, nobis Turonis, nomine census, reddendarum. Nos autem diu differentes ejus statuto parere, tandem precepto et monitis ipsius, tum precibus et peti[ti]one prioris Gauterii et monachorum pred. ecclesie inducti, concessimus eis ut prefatam ecclesiam de Passo habeant, pensione videlicet retenta trium marcarum nobis reddendarum. Insuper ipsi, ad augmentum pie fraternitatis et sancte caritatis vinculum, statuerunt ut singulorum fratrum nostrorum obitu nunciato, facerent pro ipso in missis et orationibus et ceteris beneficiis sicut pro monacho suo. Supererogaverunt etiam ut, singulis annis, facerent trecennarium in ecclesia sua pro fratribus ecclesie nostre defunctis ; et nos similiter recepimus eos in orationes et beneficia ecclesie nostre, tanquam fratres et familiares nostros. Hoc etiam voluerunt adjungi, ut si negotium vel necessitas ecclesie nostre aliquos nostrum ad ecclesiam eorum duceret, tanquam fratribus et benefactoribus suis auxilium et consilium et hospitalitatem exiberent. Et ut concordia ista inviolabiliter teneretur imperpetuum, presenti scripto mandare curavimus, et sigilli nostri impressione munire.

Actum Turonis , decanatu vacante.