Maurice, évêque de Paris, atteste que, pour faire admettre leur frère Hugues à St-Martin-des-Champs, Jean et Renaud II fils de Renaud de Pomponne, ont renoncé à toute réclamation sur la dîme de Liaubon donnée par leur aïeule Mahaud au Prieuré.

  • A Original perdu.
  • B Copie de 1223, Arch. nat., LL 1397, fol. 14.
  • a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
D'après a.

Ego Mauricius Dei gratia Parisiensis episcopus. Notum fieri volo universis t. p. q. f. quod Johannes et Rainaldus, filii Rainaldi de Ponponia, decimam de Luabum286 quam Matildis avia eorum per manum nostram ecclesie Beate Marie de Gornaio antedonaverat, pro receptione fratis sui Hugonis et animabus eorum et patris sui et amite, et avunculorum suorum, eidem ecclesie concesserunt. Hujus vero decime donum super altare de Cala sepedicte ecclesie obtulerunt et se ei garandiam laturos fiduciaverunt. Hujus rei testes fuerunt : Amaufredus presbiter. Hemericus s[acerdos] et Milo filius Laurentii. Laurencius pater ejus et Radulphus filius Laurentii. Johannes filius majoris et Walterius frater ejus. Xristianus de Nantoil. Willelmus de Porta. Symon molendinarius de Gornaio. Rollannus bubulcus.

Hoc idem fecerunt predicti fratres apud Gornaium super altare Beate Marie coram multis laudantibus amicis et Evrardo majore, Garino milite, die qua receptus est puer in monasterio. Quod ne temporum vetustate vel multiplici malignantium calumpnia deleri vel aliquatenus infringi possit in posterum, scripto commendavimus et sigilli nostri auctoritate confirmamus. Huic confirmationi plures interfuerunt : Ascelinus decanus Sti Marcelli Parisiensis. Magister Petrus decanus Sti Germani Autissiodorensis416. Frater Daniel. Marcellus canonicus Parisiensis. Johannes nepos noster. Teobaldus de Viri468. Almaricus de Monte Sancte Genovefe. Petrus Morpein, Drogo Roelez469.

Actum Cale, .