Charte d'Adam de Trocy, escuyer, touchant un arpent de terre scis à la carrière Lambert.

Je Adans de Troci108 escuiers fas asavoir a tous ceus qui ces letres verront que l'esglise de monseigneur Saint Leu avoit demy arpent de terre a la carrière Lambert520 a champart que l'esglise m'a donné pour faire ma maison, et je Adans lor en rent I arpent en restor qui siet a Margeles que Jeans du Val tient. Et sil avenoit que nul en alast en contre, je Adans et mi oir somes tenu a garandir ou a restorer an sint vaillant comme l'arpent. Et sil avenoit que leglise devant dite eut mestier de la carriere a herberger a Troci ou lequels entour le pais, je Adans et mi hoir lotroions a leglise.

Et pour ce que ce soit ferme et estable, je Adans ai seelé ces letres de mon seel et fut fait l'an de lincarnation notre Seigneur M. et CC. et L. V. ou mois de décembre.