Bulla Dni Urbani Pape 4ti de pedagio super flumen Sare apud Stum Lupum de Escerento.

Bulle du pape Urbain IV, confirmant au monastère du bienheureux S. Leu « le péage sur la rivière d'Oise que le comte Hugues de Dammartin leur a donné dès la fondation même du monastère ». Donné à Viterbe, etc.

  • A Original. Arch. dép. Oise, H 2473. Sceau rond avec SS. PAPE Urbanus papa IIII.
  • B Bibl. nat. de France, Baluze 46, p. 3.
  • C Bibl. nat. de France, Moreau 185, p. 71.
  • a Cartulaire du prieuré de Saint-Leu d'Esserent (1080-1538), éd. Eugène Müller, Pontoise, 1901.
D'après a.

Urbanus533 episcopus servus servorum Dei dilectis filiis priori et conventui monasterii Sti Lupi de Hescerento Cluniacensis ordinis Belvacensis diocesis salutem et apostolicam benedictionem. Desideriis vestris in hiis affectu benevolo libenter annuimus que vobis et monasterio vestro profutura speramus. Sane petitio vestra nobis exhibita continebat quod quondam Hugo comes de Donnomartino13 fundator ejusdem monasterii, in ipsius fundatione dicto monasterio ac priori et conventui ejusdem contulit pedagium in flumine de Oise ad comitem ipsum pertinens, quod idem comes et progenitores sui, de assensu clare memorie Regum Francie, consueverant percipere ab antiquo vosque a tempore collationis hujusmodi, quod hominum excedit memoriam, in eodem flumine recepistis hujusmodi pedagium a transeuntibus et recipitis pacifice et quiete. Nos itaque vestris et dilecti filii abbatis Cluniacensis supplicationibus inclinati, vobis authoritate presentium indulgemus ut premissis veris existentibus, in eodem flumine predictum antiquum pedagium a transeuntibus percipere libere valeatis. Nulli ergo omnino hominum liceat hanc paginam nostre concessionis infringere, vel ei ausu temerario contraire. Si quis autem hoc attentare presumpserit, indignationem omnipotentis Dei et beatorum Petri et Pauli apostolorum ejus se noverit incursurum.

Datum Viterbii .