Omnibus presentes litteras inspecturis, canton et capitulum beati Exuperii Corboliensis, salutem in Domino : Notum facimus quod nos, assensu et voluntate omnium nostrum et singulorum, diligenti tractatu prehabito in capitulo nostro, in recompensatione et nomine escambii, pro duodecim denariis parisiensibus quos viri religiosi abbas et conventus Valliam de Sarnai habebant de censu supra quandam domum sitam apud Corbolium, in magno vico, inter domum Jaqueline la Bricharde et domum Bertaudi de Pareto, que dicitur domus Theobaldi de Moreto, militis, liberam et quittam ab omni costuma, damus et concedimus in perpetuum dictis abbati et conventui, et eorum monasterio quinque solidos parisienses annui redditus dummodo, super redditu nostro de Balencourt, amodo et in perpetuum ab eisdem abbate et conventu, nomine sui monasterii, habendos et percipiendos in manu mortua, sine coactione vendendi sive ponendi extra manum suam, in die sancti Remigii, deferendos per manum majoris sive servientis nostri vel prepositi nostri de Balencourt, qui fuerit pro tempore, eisdem vel eorum mandato, apud domum eorumdem, sitam in parrochia de Urmeio, que dicitur Roissiacum. Et si contigerit dictos quinque solidos non solvi eis vel eorum mandato die dicti festi, conventum est inter nos et ipsos quod ille major sive serviens vel prepositus, qui pro tempore fuerit, solvet dictis abbati et conventui duodecim denarios parisienses, nomine pene, qualibet ebdomada sequenti post dictum festum, quamdiu dicti quinque solidi fuerint persolvendi ; ita tamen quod pena illa non transcendet summam viginti solidorum. Conventum est eciam inter nos et ipsos abbatem et conventum quod tenemur tantum facere et procurare ergamajorem sive servientem aut prepositum nostrum dicti loci, qui pro tempore fuerit, quod obligabit se, quandocumque fiet ibidem permutatio majoris vel servientis vel prepositi, ad reddendum, quamdiu extiterit in dicta ballia, dictos quinque solidos sub prescripta forma et dicta pena. Tenemur eciam et conventum est dictum Theobaldum et ejus heredes tenere et conservare ad usus et libertates quibus prefati abbas et conventus tenebantur eisdem ; predictos autem quinque solidos tenemur et promittimus, per stipulacionem solempnem, garantire et liberare liberos et quittos contra omnes dictis abbati et conventui, in manu mortua, sine coactione vendendi aut extra manum suam ponendi. Et ad hoc et ad omnia supradicta et singula tenenda, facienda et adimplenda nos, successores nostros, ecclesiam nostram et bona ejusdem obligamus specialiter et expresse, et promittimus bona fide quod contra predicta nullatenus veniemus. Et renunciamus, etc...............

In cujus rei testimonium, presentes litteras sigillo nostro sigillavimus. Actum anno Domini Mº CCº quadragesimo primo, mense junio.