De duabus peciis vineæ super Molendina-Nova juxta Joyacum.

  • A Original en parchemin. — Inv., p. 13, l. 3.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Petrus de Sancto Hylarione, miles, salutem : Notum facio quod ego et Beatrix, uxor mea, elemosinationem quam fecit viris religiosis abbati et conventui Vallium Sarnaii Gilo, dictus Fortanier, presbiter de Bries, Parisiensis diocesis, de duabus peciis vinee in una pecia terre, continente circa tria arpenta et dimidium, contigua eisdem peciis vinee, moventibus de feodo meo, sitis super Molendina-Nova juxta Joyacum2, laudamus et gratam habemus, volentes et concedentes quod dicti abbas et conventus predictas pecias vinee cum predicta terra, libere et pacifice, possideant in manu mortua, sine coactione vendendi, alienandi vel extra manum suam ponendi, liberas et quietas ab omni tallia, pane, vino, censu, rotagio, costuma et alia quacumque pactione. Et tenemur eisdem religiosis garantire contra secundum dominum et etiam contra tertium, si quis esset qui se tertiumdominum nominaret. Et promittimus, etc...............

In cujus rei testimonium et munimen, presentes litteras sigilli mei munimine confirmavi. .