Omnibus presentes litteras inspecturis, Matheus2, dominus Montismorenciaci, et Johanna3, uxor ejus, salutem in Domino : Notum facimus quod nos, ob remedium animarum nostrarum et antecessorum nostrorum, in puram et perpetuam elemosinam, damus, concedimus et quitamus im perpetuum viris religiosis abbati et conventui Vallium Sarnaii et eorum monasterio liberum transitum, quantum ad nos et heredes et successores nostros pertinet, absque pedagio, transverso, consuetudine vel costuma et absque alia qualibet exactione, per portum de Confluencio4, omnium vinorum suorum et omnium rerum suarum quarumcumque, de suis possessionibus provenientium, et animalium eorumdem quorumcumque, transeuntium per eundem portum, et aliorum que ad usum dicti monasterii contigerit comparari, vel eciam in elemosinam sibi dari, quandocumque et quocienscumque per dictum portum eundo et redeundo contigerit naves et res eorum pertransire, dum tamen fidem faciat manualem monachus vel conversus ejusdem monasterii, si ab eodem petita fuerit, quod res sunt monasterii pretaxati, probacione alia minime requirenda ; ita tamen quod, antequam res eorum transeant, vel in ipso transitu, prius super hoc fidem faciet monachus vel conversus. Volentes et concedentes quod predicti abbas et conventus predictum liberum transitum rerum suarum quite et libere de cetero, absque aliqua redibitione, quantum ad nos et successores et heredes nostros pertinet, habeant per dictum portum et possideant in futurum. Immo eciam quitamus dictis abbati et conventui et eorum monasterio transversum, pedagium, consuetudinem et coustumam, si que nobis vel heredibus vel successoribus nostris competebant vel competere poterant aliquo modo in rebus monachorum predictis vel in transitu earumdem. Promittimus, etc........................... Ego vero Ysabellis1, relicta defuncti Buchardi, quondam domini Montismorenciaci, mater predicti Mathei, omnia premissa volo, laudo et concedo ; quito etiam im perpetuam elemosinam, ob remedium anime mee et antecessorum meorum, quicquid juris habebamus vel habere poteramus, ratione dotis sive dotalicii seu donacionis propter nupcias vel alio quoquo modo, dictis abbati et conventui in omnibus et singulis supradictis. In cujus rei testimonium et munimen, nos Matheus, Johanna et Ysabellis predicti presentibus litteris sigilla nostra2 duximus apponenda. Actum anno Domini Mº CCº quinquagesimo, mense martio1.