" De uno hebergamento nobis vendito ab Alicia, quondam relicta Johannis Monachi de Bercheriis. "

  • A Original en parchemin. — Inv., p. 15, l. 6, nº 3.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, magister Guillelmus de Leugis, canonicus Carnotensis, prebendarius apud Bercherias-Maingoti, salutem in Domino : Noveritis quod Aalicia, relicta Johannis, dicti Monachi, recognovit se vendidisse et nomine venditionis concessisse abbati et conventui abbacie de Vallibus de Sarneio medietatem unius herbergamenti cum pertinenciis, quam dicebat se habere, partim ex hereditate sua et partim ex acquiramento suo, sitam apud Bercherias-Maingoti, inter herbergamentum Auberti Vicini, ex una parte, et herbergamentum Odini de Torceio, ex altera, in censiva Johannis Danielis, pro precio quadraginta solidorum carnotensium ; renuncians, etc........

Pro qua garandizatione facienda dicta venditrix predictis emptoribus unam minam terre semeure, quam dicebat se habere, ex acquiramento suo, sitam in territorio de Bercheriis, juxta terram capituli Carnotensis, ex una parte, et terram Gaufridi Loipaut, ex altera, in contraplegium assignavit. In cujus rei testimonium et munimen, nos, ad peticionem dictarum parcium, presentibus litteris sigillum nostrum duximus apponendum. .