A touz cens qui ces lettres verront, Guillaume de Hanget, garde de la prévosté de Paris, salut : Nous fesons assavoir que par devant nous vint Colin de Sarnay, escuier, fiz monseingneur Jehan de Sarnay, chevalier, afferma que le devant dit chevalier, son père, avoit vendu à religieus hommes, l'abbé et le couvant des Vaus de Sarnay, vint et sis arpenz de terre ou terrouer de Sarnay, si comme il est contenu en une lettre de vente faite sur ce, seelée du seel de la prévosté de Paris1, si comme il disoit, laquelle vente ledit escuier pour ce, en jugement, par devant nous, en propre personne, vout, loua, ostréa, quitta, agréa et acepta du tout en tout et quitta as devanz diz religieus et à leur successeurs tout le droit, l'aucion, la seignurie, la propriété et saisine que à li povoit et devoit apartenir en ladicte terre, par quelconques reson que ce fust ; et renonça du tout en tout, etc................

En tesmoing de ce, nous avon mis en ceste lectre le seel de la prévosté de Paris, l'an de grace mil CC. IIII^xx et douze, le jeudi avant la feste saint Thomas, apostre.