A touz ceus qui ces lettres verront et orront, Lucas, chapelain de la chapelle du chastel de Vernon, garde du seel de la prévosté d'icelle ville, saluz : Sachoiz que par devant nous furent présenz Nichole le Tailleur et Liée, sa femme, et recognurent eus avoir vendu à fin à hommes religieus, l'abbé et couvent des Vaus de Sarnay, une pièce de terre, contenent cinc vergiées, assise en la parroisse Saint Martin de Tilli, entre la terre au moines de Sauceuse, d'une part, et la terre Michiel le Peletier, de l'autre, pour huit livres et demie parisis, etc............

Et en obligièrent, quant à ce, en contreplege, por eus et por leur hoirs, audiz religieus et à leur successeurs, une meson, assise à Vernon, entre la meson Aaliz de la Fousse, d'une part, et la Guillaume Blanchard, de l'autre1 ; et généralment touz leur biens, meubles et non meubles, présenz et avenir, etc..........................

En tesmoign de ce, nous avons ces lettres seellées du seel de la prévosté de Vernon, à la requeste des parties, sauf le droit le roy et l'autrui. Ce fu feit en l'an de grace mil deus cenz quatre vinz et quinze, le lundi après la saint Lucas l'évangéliste.