A touz ceuz qui ces lettres verront, Johan Fuiret, garde du seel de la prévosté de Vernon, salut : Sachez que, par devant Pierre du Port, clerc, tabellion juré nostre sire le roy à Vernon, furent présens Guillaume du Nuefchastel et Nichole, sa fame, de la paroisse Sainte Geneviève de Vernon, si comme eus disoient, et recognurent que eus avoient vendu, quité et délessié, à touz jours mez, par non de vente, à hommes religieuz, l'abé et le couvent de Sernay, une pièce de vingne, assise en la parroisse Nostre Dame de Vernon, entre lesdiz religieus, d'une part, et Johan du Boiz, d'autre, pour trente soulz parisis, etc..............

En tesmoing de laquele chose, nous, à la requeste des parties, avon seelé ces lettres du seel de la prévosté de Vernon, sauf le droit le roy et l'autre. Ce fu fet l'an de grace mil troiz cenz et deuz, le lundi après la mi-aoust.