A touz ceus qui ces lettres verront et orront, Jehan de la Huaule, garde du seel de la prévosté de Vernon, saluz : Sachent que par devant nous furent présens Tibaut du Bosc et Ysabel, sa femme, de la paroisse de Heubecourt, et requenurent que eulz avoient vendu, quitié et délessié à touzjours mes, par nom de vente, à hommes religieulz, l'abbé et au couvent du Val de Sarney, demie acre de terre, assis en ladite parroisse, entre les dis religieus, d'une part, et la femme qui fu Robert Furet, d'autre, pour quarante soulz de parisis, à tenir, à avoir et à pourseer la vente dessus dite asdis religieux et à leur successeur, bien et em pes, franchement et quitement, par douze deniers parisis de rente rendant chascun an à Jehan de Giencourt ou à ses hoirs, à la saint Remy, sanz nulle réclamance desdis vendeeurs ne de leur hoirs, etc........

En tesmoing de ceu, nous avons mis à ces lettres le seel de la prévosté de Vernon, sauf le droit le roy et l'autri. Ce fu fet l'an de grace mil troiz cens et huit, le lundi el jour de la Tipheingne.