A touz ceus qui ces lettres verront, Henri de Taperel, garde de la prévosté de Paris, salut : Nous faisons assavoir que noble home monseigneur Symon d'Escrones, chevalier, dist et afferma que, de son propre conquest, il avoit, tenoit et possivoit paisiblement trente setiers de terre en une pièce, séanz à Bretonville, ou terrouer de Mombelin, lesquels il acheta de feu Noulet Covet ; sur lesquiex trente setiers de terre et seur touz ses autres conquez, quels que il soient et conmant que il soient nonmez, sanz rien excepter, séanz à Bretonville, ou terrouer et és appartenances, ledit monsieur Symon donna, cessa, transporta, recongnut et confessa lui avoir donné, par nom de pure et perpétuel don fait entre viz, quité, cessé et transporté, et du tout en tout délessié, dès maintenant à touzjours perpétuelment, sanz espérance de james rappeler, pour Dieu et en pure et perpétuele aumone, à religieux homes et honestes l'abbé et le couvent de l'église Nostre Dame des Vaus de Cernay, à leur successeurs et à ceus qui de eus ont et auront cause, dis et huit setiers de blé mesteul de rente à la mesure de Bretheucourt, bon, sain et bien marcheant, à prenre, lever, tenir, jouir, exercer, et par droit don possesser, chascun an doresenavant, le jour de feste aus Mors, etc............

En tesmoing de ce, nous avons mis en ces lettres le seel de la prévosté de Paris, le samedi après la Tiphaine, l'an de grace mil trois cenz et dis sept.