Povoir a demander un vicariat ou autre preeminence1

Karolus etc., universis etc. Notum facimus quod nos ad transquilitatem Dalphinalium subditorum et ad statum debitum ipsius patriea et provisionem in cunctis votivam et felicem liberaliter inclinati atque ad eorundem redimendos labores desiderium gerentes singulare, scientes serenissimum principem et carissimum consanguineum nostrum Sigismundum, Dei gracia regem Romanorum semper augustum etc., in remotis regionibus sepius habitare, ad cujus presenciam nostros destinamus oratores dilectos etc. Eisdem dantes potestatem et mandatum speciale, pro nobis et nomine nostro, requirendi eumdem serenissimum principem regem Romanorum, consanguineum nostrum, ea qua decet honestate, in favorem et relevamen patrie et subditorum Dalphinatus predicti quatinus eidem beneplacitum videatur nobis vicariatus potestatem in ipso Dalphinatu nostro pro ipso et ejus auctoritate concedere, sub debita et speciali forma per eos postulandi, prout alias nostris predecessoribus ab imperiali dignitate concessum est temporibus retroactisb ; necnon eamdem vicariatus potestatem acceptandi et recipiendi pro nobis et nomine nostro ; et inde litteras suscipiendi oportunas ; prestandique pro nobis juramenta solita et talibus debita cum solennitatibus ad hoc requisitis et consuetis. Promittimus autem presencium tenore ratum et gratum habere quicquid in peticione, acceptacione et recepcione dicti vicariatus et juramenti prestacione nomine nostro egerint, eaque fideliter adimplere que conveniunt exercicio dicti vicariatus ac in contrarium non venire, ad hoc ipsum nos et nostra efficaciter obligantes. In quorum etc.