Office ou lettre de change 1

Karolus etc., universis presentes litteras inspecturis, salutem. Notum facimus quod nos Tali, a quo, si ydoneus existat, in et super facto cambii per generales monetarum nostrarum magistros solitum ordinavimus recipi juramentum juxta ordinaciones regias super facto dictarum monetarum novissime editas2, licenciam et auctoritatem hujusmodi cambii factum excercendi in talibus senescalliis vel bailliviis et eorum ressortis et exempcionibus novis et antiquis concessimus et concedimus per presentes de gracia speciali, quamdiu nostre placuerit voluntati ; earumdem litterarum tenore dictarum senescalliarum senescallis vel : dictarum bailliviarum baillivis ceterisque justiciariis nostris vel eorum locatenentibus et eorum cuilibet, prout ad eum pertinuerit, mandantes quatinus, visis testimonialibus litteris dictorum generalium magistrorum factoque per ipsum Talem solito juramento in talibus fieri assueto, prefatuma Talem aut ejus clericum aut factorem pro eo juxta hujusmodi concessionem nostram prefatum cambii factum exercere pacifice et absque difficultate permittantb nec in ipsiusc facti excercio cambii ipsos quomodolibetd impediant sive ab aliquo impediri paciantur, proviso tamen quod memoratus Talis tradet quolibet anno quamdiu factum cambii exercebit XX ti marchas argenti et IIII or auri in moneta nostra tali seu alia proximiori dicti loci. In cujus rei testimonium etc.
Datum etc. — Vel sic : proviso tamen etc., loco de « XX^ti marchas » : tot marchas argenti et auri quot per dictos generales magistros sibi fuerit institutum seu ordinatum et quod de composicione liqueat per litteras ipsorum generalium magistrorum. In cujus rei testimonium etc. Datum etc.