Eudes III, évêque de Beauvais, confirme en les énumérant tous les bénéfices ecclésiastiques restitués par des laïcs à l'Église et possédés par St-Martin-des-Champs dans son diocèse.

  • A Original, perdu.
  • B Copie de 1209, Arch. nat., LL 1351, fol. 68, collationnée et complétée des passages entre crochets, avec cette note : « Visa fuit et collata presens carta ad suum autographum cui sub duplici cauda pergamenea adpendet oblongum sigillum, in quo figura stantis pontificis, ac cujus circumscriptio legi nequit. ».
  • C C. Copie du xvie siècle, Arch. nat., LL 1353, fol. 73', d'après B incomplet.
  • D Copie du xvie s., Arch. nat., LL 1353, fol. 178, d'après A.
  • E Copie du xviiie s., par D. Pernot, d'après A, A. N. S 1410.
  • F Copie du xviiie s., Coll. Moreau, t. LXII, fol. 12, d'après A : « Au bas est attaché un petit sac en parchemin dans lequel estoit un sceau en sacs de parchemin, lequel est détruit ».
  • a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
D'après a.

Quoniam, secundum veredictam Domini sententiam, propinquante seculi fine, jam habundat iniquitas, et refrigescit caritas multorum, qui magis aliena appetere quam propria largiri, magis bona ecclesie diripere quam tueri noscuntur, necesse est ut omnes quibus dominici gregis cura committitur, Ecclesie fidelibus in posterum provideant, et bona ipsorum contra impios pervasores munimentis quibus possunt tueantur et muniant. Ego igitur Odo secundus, Dei gratia, humilis Belvacensis episcopus, consilio et assensu ecclesie nostre, confirmamus et sigilli nostri munimine roboramus omnia que antecessores nostri ceterique fideles monachisSti Martini de Campis in episcopatu nostro contulerunt. Altare scilicet de Meru52, liberum a circata, cum altrio et omnibus appendiciis suis. Altare Sti Audomari55 cum decima et omnibus ad altare pertinentibus, ex dono et concessione predecessorum nostrorum, Anselli videlicet atque Gaufredi. Ecclesiam Bti Leonorii de Bellomonte50 cum ap. s. Capellam Bti Petri57, que castro eidem adjacet, cum atrio et ap. s. Capellam Bti Marie de Asneriis247, quam pia peticione Mathei comitis, qui eam diu injuste possederat, ecclesie Bti Leonorii et monachis ibidem Deo servientibus concessimus. Centum solidos, cum decem minis salis, de transverso pontis de Bellomonte, que monachis Sti Leonorii qui illum edificaverunt, annis singulis persolventur, ex dono predicti comitis, filiis suis Matheo et Hugone concedentibus, et jure jurando confirmantibus. Ecclesiam de Fresneio57 cum atrio et minuta decima, et medietate majoris decime. In majori decima de Croi248 duos annone modios, unum frumenti, alterum ordei vel avene. Apud Bacrnam249 minutam decimam. Altare de Vuirma54 liberum a circata, cum omni decima. Decimam de Meencurte53. Altare de Prateriis234 liberum a circata, cum atrio et minuta decima. Altare de Noa Sti Remigii177 liberum a circata, cum omni decima. Ecclesiam de Villa Bernosa178 cum novem partibus totius decime. Ecclesiam de Roveredo178 et atrium dedit Galerannus frater Gilduini de Monci56. Transversum de Miliaco55 et de Conteio213 in singulis diebus, de omnibus rebus que transversum reddunt, que Gervasius dapifer Regis concessit. Unum modium frumenti in quodam molendino quod est in villa que dicitur Huns251. Hardrivillare250 cum decima. Ecclesiam de Cressonessart48 cum omni decima et appendiciis ejus, et terciam partem de Leencort51. Terram cum nemore et hospitibus apud Donvillare et apud Copehel, ex dono Balduini de Butinangulo et de feodo Lancelini Belvacensis. Apud Cressonessart furnum unum quem dedit Willelmus, ejusdem ville dominus252, in remissionem peccatorum suorum, ea scilicet conditione ut si, villa crescente, oporteret alium furnum fieri, monachi Sti Martini, quibus tantummodo liceret, in locis convenientibus quotquot essent necessarii fecerent ; ligna quoque ad suos usus et ad opus furni sive furnorum in omnibus silvis ad eum pertinentibus, ipsi acciperent. [Preterea decimas de novalibus factis vel imposterum faciendis intra terminos parochiarum seu decimationum ecclesie Sti Martini, in perpetuum eidem concessimus].

Hoc autem ratum et inconcussum esse, cunctis ecclesie Belvacensis consentientibus canonicis, statuimus, et eos qui res superius nominatas, vi vel fraude, pred. monachis auferre vel minuere temptaverint, perpetuo anathemate dampnavimus.

[S. Yvonis decani. S. Theobaldi archidiaconi. S. Johannisarchid. S. Odonis precentoris. S. Symonis succentoris. S. Gerardi prepositi. S. Helinandi capellani.]

Acta sunt hec , [.]