Carta abbatiæ beati Maglorii Parisiensis, de vineis subtus Lesgar.

  • B Copie. — Déclaration, fº 169 rº.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus præsentes litteras inspecturis, frater Andræas, beati Maglorii Parisiensis abbas, et ejusdem loci conventus, salutem in Domino : Notum facimus quod nos, diligenti deliberatione habita in capitulo nostro, assensu omnium nostri et singulorum, concedimus et quitamus in perpetuum viris religiosis abbati et conventui Vallium Sarnaii et eorum monasterio omnem actionem et omne jus quod habemus vel nobis competit quocumque modo, quacumque ratione reali vel personali, tam super proprietate quam super possessione, super decima vini quarumdam vinearum sitarum in diocesi Carnotensi, et in parrochia de Bernolio, et territorio de Viviers, et subtus Lesgar, videlicet vineæ defuncti Galterii de Gargenvilla, vineæ defuncti Sondacrii Salverii, vineæ defuncti Rogeri Anglici, vineæ defuncti Thiboudi Boude, vineæ Guillermi Anquetini ; nichil juris, proprietatis seu possessionis in eisdem vineis, ratione decimæ, nobis vel nostro monasterio retinentes : et dictos monachos in perpetuum absolvimus et quietamus super dicta decima. Et promittimus quod contra prædicta non veniemus, renunciantes, etc.....................

In cujus rei testimonium, præsentes litteras sigillorum nostrorum impressionibus dictis monachis dedimus roboratas. Actum .