" Andree Bordin de Atyes, " de omnibus conquestibus suis.
- A Original en parchemin scellé1. — Inv., p. 65, l. 7, nº 25.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint universi tam presentes quam futuri quod ego Andreas, dictus Booudin, de assensu et voluntate omnium heredum meorum, dedi et concessi Deo et religiosis viris abbati et conventui Vallium Sarneii et corum successoribus, in puram et perpetuam elemosinam, omnes conquestus meos, ubicumque sitos, tam ad villam quam ad campos, tam in terris, vineis, redditibus, domibus quam in rebus aliis, tenendos et jure hereditario in perpetuum possidendos prefatis religiosis et eorum successoribus, libere, quiete et pacifice, absque aliqua mei vel heredum meorum reclamatione de cetero facienda, salvo tamen jure dominico. Et ego prefatus Andreas et heredes mei tenemur predictos conquestus dictis religiosis et eorum successoribus contra omnes gentes garantizare et deliberare. Et ut predicta donatio et concessio perpetue firmitatis robur optineat, presentem cartam sigilli mei munimine roboravi. Actum . Et ad majorem hujus rei confirmationem et certitudinem, et in testimonium omnium premissorum, sigillum discreti viri decani de Vernone, una cum sigillo meo, presentibus litteris apponi procuravi. Testibus hiis : Nicholao, tunc temporis clerico dicti decani ; Roberto, dicto Doseule, oleario ; Ricardo Berte ; Symone, oleario ; Baldrico, oleario ; Radulpho, dicto Thourode ; Johanne le Cordier, et pluribus aliis.