Universis presentes litteras inspecturis, officialis curie Parisiensis. salutem in Domino : Notum facimus quod Eustachia, relicta Petri, dicti Quarre, asseruit quod ipsa et dictus Petrus, tempore quo vivebat, dederant, in puram et perpetuam elemosinam, donatione inter vivos, religiosis viris abbati et conventui Vallium Sarnaii quandam peciam vinee, continentem, ut dicebat, quinque quarteria vel circiter, sitam in territorio de Urmeio, in loco qui dicitur Coquigni ; que vinea fuit quondam defuncti Andree, carnificis, inter vineam Baldoyni, dicti Col-Lunc, et vineam Johannis le Bequ, et Milonis de Vallibus fratrum, in censiva heredum defuncti Philippi de Joiaco, militis, et domini de Ulmeio, ut dicebat : item quandam aliam peciam vinee, continentem circiter unum quarterium, quod fuit defuncti Galteri, dicti Regis, situm in eodem territorio, contiguum vinee dictorum Baldoyni et Milonis, in dicta censiva ; tali modo quod ipsi Petrus et Eustachia retinuerant usumfructum dictarum vinearum, quamdiu viverent vel alter eorum viveret. Asseruit etiam quod ipsi religiosi mutuo tradiderant eisdem Petro et Eustachie quinquaginta libras parisienses, in quarum quinquaginta librarum parisiensium recompensationem prefata Eustachia ex certa scientia quittavit im perpetuum eisdem religiosis dictum usumfructum seu usuarium quod habebat et retinuerat in dictis vineis. Asseruit etiam quod ipsi Petrus et Eustachia similiter dederant, donacione inter vivos, tempore quo vivebat, eisdem religiosis quarterium et dimidium vinee quod movebat de hereditate dicti Petri, situm in eodem territorio, inter vineam ipsorum religiosorum que vocatur de Menart et vineam domini de Ulmeio et vineam Remigii de Ulmeio, que quarterium et dimidium ipsa Eustachia tenet in doarium, ut dicebat ; item dimidium arpentum vinee situm in eodem territorio, in loco qui dicitur Copeel, supra pressorium de medio inter vineam Philippi de Lites, ex una parte, et vineam Guillelmi, dicti Piquot, ex altera ; quod dimidium arpentum vinee eidem Eustachie obvenerat ex caduco defuncti Petri, fratris dicte Eustachie ; quod dimidium arpentum vinee Ysabellis, dicta la Savorée, relicta ipsius Petri, fratris dicte Eustachie, tenet in doarium, ut dicebat. Quam donationem de dictis vineis, ut dictum est, eisdem religiosis factam voluit, concessit, acceptavit et eam ratam et firmam coram nobis habuit ipsa Eustachia, cedens et transferens ex nunc im posterum in eosdem religiosos et eorum monasterium omne jus, dominium, proprietatem, possessionem, etc..............................

In cujus rei testimonium, sigillum curie Parisiensis, ad petitionem dicte Eustachie, presentibus litteris duximus apponendum. Datum anno Domini Mº CCº septuagesimo primo, die mercurii post festum beati Clementis.

1 « F l . Turonensis.