A tous ceus qui ces lettres verront et orront, Nicolas Gascong, clerc, garde du seel de la prévosté de Vernon, saluz : Sachent tous que par devant nous furent présens Raol, dit Jaques, de Héricourt, et Agnès, sa fame, et recognurent que eus avoient vendu et ottroié et du tout délessié à l'abbé et au couvent de Sarnay douze deniers de anuel rente chascun an, à la feste de saint Remi, lesquiex lesdiz religieus lours devoient, assis en la terre que l'en apele la Fresnoyee, sus une pièce de terre, entre la terre au Camus de Tilly, d'une part, et le chemin le roy, d'autre, pour diz souz parisis, etc..........................

En tesmogne de ceu, nous, à la requeste des parties, avon seelées ces lettres du seel de la prévosté de Vernon, sauf le droit le roy et l'autrui. Ce fu fet l'an de grace mil CC. nonante et sept, le dimenche après la saint Denys.