Universis presentes litteras inspecturis, officialis curie Parisiensis, salutem in Domino : Notum facimus quod Egidius, dictus Roucelin, de Abluis, clericus, attendens et considerans affectionem et devocionem quas habuit et habet erga religiosos viros abbatem et conventum monasterii Vallium Sarnaii, motu suo proprio et ex certa sui sciencia, non vi, non metu nec dolo ad hec inductus, ut dicebat, dedit, contulit et concessit, ex mera sua liberalitate, et recognovit coram nobis se dedisse, concessisse et contulisse omnia bona sua, mobilia et inmobilia, presencia et futura, acquissita et acquirenda, modo quolibet, in quibuscumque rebus, locis et dominiis consistant aut poterunt inveniri, seu quocumque nomine censeantur, in puram et perpetuam elemossinam, donacione facta simplici inter vivos, sine spe in posterum revocandi donum, prefatis religiosis et eorum monasterio ; nichil juris, dominii, possessionis, proprietatis vel actionis sibi retinendo in bonis et rebus mobilibus et inmobilibus predictis seu in aliquo premissorum ; cedens ex nunc et transferens, etc...........................

In cujus rei testimonium, sigillum curie Parisiensis, ad peticionem dicti donatoris, presentibus litteris duximus apponendum. Datum anno Domini millesimo CCCº, die lune ante festum beate Marie Magdalene.

1 « Dyonisius.