A tous ceus qui ces lestres verront, Pierre, dit le Baillif, prévout de Chevreuse, salut : Saichent tuit que par devant nous vindrent en droit Nicholas, [dit le Prévost, clerc, bourgeois de Chevreuse, et A]veline, sa fame, recognurent eus avoir venduz, quittez, otroiez et délessiez, à tourjouz mes et en nom de pure vente, sanz cause de rapel, à religieus hommes, l'abbé et le covent des Vaux de Sarnay, environ sept qu[artiers............] pièces, ou terrouer de Herboviller ; c'est assavoir cinc arpenz et demi, tenanz de une part et de autre audiz religieus, et de autre cousté à la terre au prieur de Saint P.........., au chemin de Chevreuse à Bonelle, en la censive desdiz religieus, chargiez en quatre souz parisis de présent cens, sanz nulle autre charge, renduz chacun an le jour....... tenant de un cousté et de autre, et de un des bouz, à la terre desdiz religieux, et de autre, à la terre desdiz vendeeurs, que il tient du Temple, tenuz desdiz religieux ; movant les cinc arpenz et demi du propre conquest audit Nicholas, si comme il dissoient, et arpent et demi de son propre héritage, si comme il dissoit. C'est a[ssavoir pour et moyennant le] pris de vint livres parisis, baillez et livrez desdiz acheteurs en peccune nonbrée, si comme les diz vendeurs le confessent ; renunçant, etc....

En tesmoing de ce, nous avons ces lestres seellées du seel de la prévosté de Chevreuse. Ce fu fait l'an de grace mil trois cenz, le mecredi devant Paques, ou mois de mars.