Omnibus presentes litteras inspecturis, Guido de Caprosia, miles, dominus et castellanus Nealphe-Castri, salutem in Domino : Noverint universi quod cum viri religiosi abbas et conventus beate Marie Vallium Sarnaii acquisissent multas possessiones a pluribus personis, et specialiter ex acquiramento per dictos religiosos facto a Johanne, domino de Sernayo, milite, et Mathilde, ejus uxore, LXXII arpenta terre arabilis, sita in pluribus locis et territoriis Sernaii, videlicet XLVI arpenta terre, sita juxta domum dictorum religiosorum, contigua ex una parte chemino de Campo-Houdrici, et ex alia chemino Leprosarie, et ex omnibus aliis partibus territorio sive terris de Essarto Roberti1, et octo arpenta contigua jardino Leprosarie, ex una parte, et ex altera parte, bosco et boysserie Parve-Haye de Essarto Roberti, et XII arpenta sita super puteum de Sarnayo, contigua chemino de Campo-Houdrici, ex una parte, et ex alia terris Odonis de Sernayo, militis, et VI arpenta in Coustura-Rousseti, cum quatuor arpentis pratorum sitis inter Sernaium et granchiam d'Ois2 ; et de dono Alipdis de Burgo Novo3 quandam peciam terre, sitam in territorio de Essarto Roberti, ante boscum et boysseriam Parve-Haye de Essarto Roberti, contiguam ex una parte chemino Leprosarie, et ex omnibus aliis partibus terris granchie de Essarto Roberti ; et ex dono Johannoti de Ponte quandam domum cum pertinentiis suis, sitam juxta pontem de Burgo Novo, liberam et omnes moventes in ea a molendino, furno, foragio, rotagio, minagio, corveia, et ab omni alia quacumque exactione, contiguam ex una parte chemino de Campo-Houdrici, et ex alia chemino aut vie que ducit de domo dicti militis ad ecclesiam, et ex alia rivulo Urici Sarnayensis ; pro cujus admortizatione dictus Johannes de Sarnayo recepit a dictis religiosis X libras et IIII solidos parisienses ; et ex dono et elemosina Petri Maubert4, de Campo-Houdrici, unam peciam terre, continentem octo sextarios semeure, sitam ante puteum Sernaii, cam duobus arpentis et uno quarterio pratorum, sitis prope dictam terram, et XXX^ta arpenta terre sita ad marchesium de Campis, et octo sextaria terre semeure sita juxta dictam terram, et tres minas terre semeure juxta predictam terram, et quinque minas terre semeure in territorio de Sarnayo ; et ex dono predecessorum meorum terciam partem magnarum et grossarum decimarum tocius parrochie et territorii Sernaii ; et alias duas partes predicti religiosi emerunt a dicto Johanne de Sarnayo, milite, et a Johanne de Villa-Regis, armigero1 ; et apud Ebisoria, ex dono domini Guidonis de Nealpha, decani Sancti Martini Turonensis2, et Philippi de Alneto, militis, quinquaginta sextaria tam bladi quam avene de redditibus quos recipiebant quolibet anno in granchia de Esbisoriis ; et ex venditione magistri Ade de Menildon et Margarite, ejus uxoris, filie Johannis de Chesne-Rongneux, super eandem granchiam3, XX et IX sextaria tam bladi quam avene ; et ex dono Oudardi de Montmor, militis, et Tassini de Montmor, scutiferi, fratris ejus, XXXª sextaria grani super eandem granchiam. Quas vendiciones, elemosinaciones et donationes prescriptas, ego predictus Guido de Caprosia, miles, dominus et castellanus Nealphe, tanquam feodalis et capitalis dominus, ratas et gratas habeo, laudo, volo, approbo ac eciam per presentes confirmo ; volens et concedens, etc............................

Et etiam volo et concedo predictis religiosis et hominibus eorum subditis quod possint portare omnia bona sua et transire per totam terram meam sine transverso et pedagio, cum quadrigis, equitibus et omnibus suis aliis rebus, et etiam vendere res suas et emere alienas in foris et nundinis meis in omni terra mea ; nec propter hoc tenebuntur solvere michi nec heredibus meis stalagium, minagium, coustumam nec aliam quamcumque redibicionem. Et hec omnia dedi et concessi prefatis religiosis, pro salute anime mee et antecessorum meorum ; et quantum ad hec omnia premissa firmiter observanda me et heredes meos obligo et relinquo in posterum obligatos. In cujus rei testimonium et munimen, presentibus litteris sigillum meum duxi apponendum. Datum anno Domini Mº CCCº XIIIº, mense februario.