De venditione Guillelmo Ad-Chiens unius peciæ terræ : in parrochia de Tilly.
- A Original en parchemin. — Inv., p. 79, l. 8, nº 12.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Noverint universi presentes et futuri quod ego Ricardus Etart vendidi et concessi Guillelmo, dicto Ad-Chiens, unam peciam terre, sicuti se proportat in longum et in latum, sitam in parrochia de Tylli, inter terram Viridarii, ex una parte, et terram monachorum de Sarnaio, ex altera, pro sex libris et dimidio parisiensibus, tenendam et jure hereditario in perpetuum possidendam et habendam dictam peciam terre dicto Guillelmo et heredibus suis, libere, quiete et pacifice, absque aliqua mei vel heredum meorum reclamatione de cetero facienda1. Et ego predictus Ricardus et heredes mei tenemur dictam peciam terre dicto Guillelmo et heredibus suis contra omnes gentes garantire et deliberare, et alibi super masuram meam sitam apud Bisiacum, in vico sancte Katherine de Bisiaco, inter masuram Roberti le Gaablier, ex una parte, et masuram Johannis Gonin, ex altera, valore ad valorem, si necesse fuerit, excambiare seu restaurare, fide mea prestita corporali, salvo tamen jure dominorum capitalium. Et ut hoc firmum et stabile permaneat et duret in posterum, presentem cartam sigilli mei munimine confirmavi. Actum . Testibus hiis : Roberto, scriptore ; Odone Boutefoie ; Johanne de Planis, clerico, et pluribus aliis.