[f65]

[88] Theodebertus itaque ac Theodericus conceptam jam dudum contra Clotharium patruelema putruelem P suum rixam tandem parturiunt, et adnitente avia Brunechilde super fluvium Arvenna nec procul a Doromello vico cum eo prelio confligunt. Ibique tanta str[a]ges ex utrisque partibus et maxime ex Clotharii parte facta est, ut fluvius ipse humanis oppletus corporibus, suos nequiret explere cursus. In ea pugna, angelus Domini evaginatum adstans visus est tenuisse gladium. C[l]otharius suos immanissime sterni conspiciens, in fugam vertitur et per Milidunum castrum in insula Sequane situm Parisius properat. Theodebertus et Theodericus post terga fugientem secuti, civitates regni ejus magna ex parte evertentes cives servituti subiciunt. Coactus Clotharius, tenorem pacti ab hostibus propositi invitus licet firmavit, ut inter Ligerim et Sequanam usque ad mare Occeanum limitemque Britonum dilataretur Theoderici regnum, et inter Sequanam et Isaram ducatus integer Denteleni , itemque usque ad mare Theodeberto cederet. Duodecim tamen pagi inter Sequanam [f65v] (65va) ac Isaram usque ad maris Occeani litora Clothario remanserunt’1 : Liber Historiae Francorum, 37.