‘Porro Brunechildis a Theodeberto nepote suo et proceribus qui ei parebant de regno Austrasiorum expulsa, et a quodam paupere in Arciacensi campania sola inventa et cognita, ipsa petente ab eo ad Theodericum alterum nepotem suum est deducta. Theodericus aviam Brunechildem eo quo digna erat honore susceptam, secum quoad vixit tempore fecit manere. Pauper quo ductore sepefata (65b) usa fuerat regina, ob hujus vicissitudinem beneficii Autissiodorensem adeptus est episcopatum.