VII. De partir chose comme sires.

§ 1.

Li prévoz donra sentence contre celui qui ne vodra soffrir que mobles soient départi, issi que li mobles soient à point, que la partie [p. 151] ne puisse empirer le cors de mobles, comme quant vins n'est pas bons à raechier devant qu'il soit en sa séson.

Siége de miolin (molin), marchié, ne puet estre départiz. En toutes autres choses dont li cors périst par la partie, ainz doit l'en ceste chose fere durer communément.

§ 2.

Et se aucuns veaut fere partir héritage commun, cil qui requiert partie doit partir, et li autres doit (é) lire ; et cil droit de cité, tout assint doit l'en ovrer de choses movables.

§ 3.

Chetiex est chose que l'en ne puet partir.

Totes bestes qui nessent en ciel et en mer et en terre, qui ne valent mains mortes que vives, l'en puet metre numbre d'argent contre beste, por partie.

Cors d'ome ne puet estre partiz.

Totes les choses que l'en puet partir, qui sont movables, et en séson de partir, deivent estre départies.

En partir chose n'a point de gaige, fors l'agart de bones genz. L'en puet totes choses partir par pris de deniers.