Comptes de l'année 1307–1308
Consuls : Bertolmeus Renos, Jo. Tondeires, W. Porteir, e Jo. dau Tras, e D. Simion, G. Chalchat, Chatat de Gozom e Ugo lo Tiseir.
- 5.1. [fol. 2] a Renembransa sia que Bertolmeus Renos, Jo. Tondeires, W. Porteir, e Jo. dau Tras, e D. Simion, G. Chalchat, C de Gozom e Ugo lo Tiseir foront mes cosol lo [...] la Saint Pere de feureir MºCCCºVI [...]Jacme de Mazeiras, [...]Albiac, e D. P[...] , S. Gascheir, e P. Imbert e S. [...]
RECETTES
- 5.2. Item XXXVII £ e XIIII s. e VIII d. de febla moneda que valont XII £ e IX s. e VI d. de tornes petitz que nos laiseront lhi cosol davant dist.
- 5.3. Item LI s. de febla moneda que valgront meins lhi tornes neu de l argent que foront bailat en la soma desus dista e valent XVII s. de tornes petitz.
- 5.4. Item Soma de las pesas desus XI £ e XIIII s. e VI d. de tornes petitz.
- 5.5. Item fo acordat per tot lo cuminal que hom leves CXIII £ e VII s. e IIII d. de tornes petitz.
- 5.6. Soma CXXV £ XXII d. m[ealha] de tornes[Le fol.2v est resté blanc. Les fol. 3-15v contiennent des rôles de taille.].
DÉPENSES
- 5.7. [fol. 16] [Item illisible.]
- 5.8. Item [...] per dos rosis que meneront W. Porteirs e Jo. d'Antraigas a Lasanno Mº CCCºVI ans .
- 5.9. Item IIII s per la letra e per nostres salari dal jorn desus dist.
- 5.10. Item III s que despenderont lhi cosol quant comenseront a forsar lo marc de l aur lo marts apres Saint Albi de marts anno Mº CCCºVI .
- 5.11. Item II s. VII d que despenderont lhi cosol que faiont la tacsesio del marc de anno VI .
- 5.12. Item XXII d que despenderont lhi cosol per faire la tacsasio desus dista lo sapte apres Saint Albi anno Mº CCCºVI ans .
- 5.13. Soma XIIII s. I d.
- 5.14. [fol. 16] [Item illisible.]
- 5.15. Item [...] sol e lhi [...]or e lhi gras [...]nens la [...]enseguent que [...]
- 5.16. Item XLVI £ e XIIII s. e IIII d. de tornes petit que paieront lhi cosel so es a saber Jo. Tondeires e Ugo Tiseir a mose G. Chalchat, lo geus avans Saint Gorgori anno MºCCCºVI ans garens S. de Bualet, e Armanet Costarel e Bongas Juchaut e Perot lo mesatges a D. Alhac.
- 5.17. Item II s. de tornes per contaduras, lo jor desus dist so es a sabeir dal mart.
- 5.18. Item X s que redesmes aus ereters Jo. Chalchat per la maisvalor de X £ que lhi vila devia a Jo. Chalchat, e lhi vila fo quitta de las X £ desus distas e de maisvalor garens fraire W. Garta e fraire Jo. de Romanhac e Peri Chalchat e S. Tial e S. Arneu e Jo. de Riom so es a sabeir lo sapte apres Saint Gorgori .
- 5.19. Soma XLVIII £ IIII s. I d.
- 5.20. [fol. 17] [Item illisible.][...]soesasabeir D. Alhac, [...] es P. de Gozom, e G. de Bualet am VI daus cosols que los bailet W. Malneirs per una letra que venc dal bailio que lhi tacsasio que lhi cosol aviont faita fos corexida per los IIII prodomes desus dist E impetrezont la letra desus dista Jacme de Mazeiras lo Veilhs e Jacme e D. de Baisac fraire e D. Dalans e W. Tomasos so filhatres et P. de Mazeiras e Ugo d'Aila e P. Imbert e D. Conbet e Jo. Pairt e S. Chabreir e D. Chapus, e fo lo geus apres Nostra Dona de marts anno Mº CCCºVII .
- 5.21. Item IX s. e III d que despenderont D. Alhac e P. de Gozom e D. Fores e S. de Bualet e am IIII daus cosols lo sapte enseguent per la tacsa que desus dista
- 5.22. Item IX s. e IX d que despenderont lhi VIII cosol e lhi IIII prodome desus dist que faiont la tacsasio a Saint Esperit, e fo lo marts avans Saint Ambrois d abril VII .
- 5.23. Soma IIII £ e IIII s. e IIII d.
- 5.24. [fol. 17] [Item illisible.]
- 5.25. Item [...] Saint Jervé.
- 5.26. Item IIII s. e VI d que costet una saralha adobar e a faire una clau neva a l archa dal cosolat lo venres enseguent.
- 5.27. Item XXII d que despenderont lhi cosol e lhi uchador e lhi gasteir e lo sirvens que gatjavan per vila lo geus apres la Saint Jorge anno VIII .
- 5.28. Item XII d que donemes a M. lo Borseir e aus tres uchadors e a S. Arneu quant lhi cosol los meneront a Erbers per depauzar mosen R. Boni, e fo lo lhus avans Saint Jacme de mai anno VII .
- 5.29. Item LXVIII s. e IIII d per VI sisters de cocegeilh que foront conprat a l at de l almorna de la Charitat E foront conprat de W. Porteir e de Jo. Patriarcha, e fo conprat lo venres apres enseguent.
- 5.30. Item XII d que costet de tracuire lhi ordanensa de la manobras de mosen Pani [?] Pani Rollant lo dusmini avans Sensio .
- 5.31. Soma VIII £ e V s. e II d.
- 5.32. [fol. 18] [Item illisible.]
- 5.33. Item [...] lo jor Asensio .
- 5.34. Item [...] II d que despenderont lhi cosol e li IIII baile de la Charitat en Jo. de Bornet, S. de Bualet, e Perri Galteir, e D. Patriarcha, lo jorn de l Asensio quant lhi almorna fo donada.
- 5.35. Item XII s. e IIII d que costet lhi anoals e lhi uferta deus martres lo jorn de l Asensio a Segur .
- 5.36. Item II s que despenderont lhi cosol am los tres uchadors e am lo sirvent e am dos valet que aportavont las portas lo lhus avans Saint Urba en mai anno VII .
- 5.37. Item II s. VI d que despenderont lhi tres uchador e lo sirvens e S. Arneus e dui valet que portavont la portas lo mart e lo mercres ensegue[n]t am los salaris deus valets que portavont las portas.
- 5.38. Item III s. e II d que agront dui valet que portavont las portas e lhi uchador e lo sirvens e lhi gasteir que gatjavont per la vila lo sapte ensegue[n]t .
- 5.39. Soma VII £ X s. II d.
- 5.40. [fol. 18] [Item illisible.]
- 5.41. Item [...] per los rebelles del marc de l aur lo martz enseguent .
- 5.42. Item VIII d que costet lo tracriut de P. Gardela dal chapela de Monfferan que P. Gardela nos avia fait amonestar davant l efisial e fo fait lo jorn desus dist.
- 5.43. Item XX d que costeront dui valet que hosteront las portas e las fenestras de P. Gardela, de hostar e de portar al cosolat lo jorn desus dist.
- 5.44. Item XL s que ac [...] per adobar lo chadafaus lo mercres enseguent .
- 5.45. Item XV s que costet I dinars que hom fei ches maistre Jo. de Sainta Marsela quant Ugo Tiseirs lo luget contra R. Gardela lo mercres desus dist.
- 5.46. Item XX s que hac d'intratge maistre Jo. de Sainte Marsela per lo plait R. Gardela lo jorn desus dist.
- 5.47. Soma IIII £ IIII s. e X d.
- 5.48. [fol. 19] [Item illisible.]
- 5.49. [fol. 19] [Item illisible.]
- 5.50. Item [...] s que hac maistre Jo. de Sainta Marsela per dos jorns que plediet contra R. Gardela. E plus plediet lo mercres denens mati e vers seir e lo sapte mati enseguent e fo apelat a Burghas e fo lo sapte apres Asensio anno Mº CCCºVII .
- 5.51. Item X s que ac maistre P. Forners d intrage dal plait desus dist Item
- 5.52. Item X s que ac maistre Jo. Sistels d intrage dal plait desus dist Item VI s per dos jorns que en plediet.
- 5.53. Item X s que ac maistre Jo. de Rochafort d intrage dal plait desus dist.
- 5.54. Item VI s per dos jorns que en plediet.
- 5.55. Item X s que hac maistre Gui dal Poet d intrage dal plait de P. Gardela susdist
- 5.56. Item VI s per dos jorns que en plediet.
- 5.57. Item XXV s que agront lhi avocat tuit V per formar los apels e foront motrat a maitre Jo. de Sargetas si eront ben fait.
- 5.58. Item II s que donet Ugo Tiseir al valet a maistre Jo. de Sainta Marsela quant lo luget.
- 5.59. Soma CXI s. e VII d. mens.
- 5.60. [fol. 19] [Item illisible.]
- 5.61. [Item illisible.]
- 5.62. Item [...]d que ac [...] sa jornada e per son rosi que ave [...]lar a W. de l'Aira a Las Mastres P. [...]t, R. Gardela, lo mart avans Saint Barnabe .
- 5.63. Item LI s que dependet Ugo Tiseir per anar quere la revocatoria contre R.Gardela a Burjas per VIII jorns e per sos despens de son valet e son rosi lo geus avans Saint Barnabé .
- 5.64. Item IX s que ac Jo. Rainalt, lo percuraire de Clarmont que anet a Burjas am Ugo Tiseir lo jorn desus dist.
- 5.65. Item XXX s que agront III avocat que luget Ugo Tiseir per la revocatoria so es a sabeir maistre Jo. de Du e maistre Adam e maistre P. Champio.
- 5.66. Item XI s que costeront escrepsios de letras e per sels dal viatge desus dist.
- 5.67. Item III s que donet Ugo Tiseir aus valet deus III avocatz desus dist.
- 5.68. Soma VII £ XI s. e VIII d.
- 5.69. [fol. 20] [Item illisible.]
- 5.70. Item [...] que avia ajornat los cosols a Clarmont lo sapte apres Saint Barnabé de juilh anno VII .
- 5.71. Item II s. VI d per escrepsios de letras de la cort de Clarmont que ac Boars lo notaris lo marts avans Saint Jo. de julh anno MºCCCºVII.
- 5.72. Item VIII d que costet I tracruit d'una amonesio que nos fei amonestar a
- 5.73. Item XX d que ac Tomas Toels que anet al Pont per Ugo Tiseir quans lo dist Ugos remas per leire l apel de R. Gardela denant l'eficiel e nengus altres no lo volia leire.
- 5.74. Item XVI d que costet lo rosis que chavalget Tomas al Pont lo jorn desus
- 5.75. Item III s. e VI d que ac D. Peirals quant anet a Rion per parlar la revocatoria contra R. Gardela per son salari e per son rosi e per sos despens e per Nacho que anet an lhui lo lhus apres Saint Jo. de julh anno VII .
- 5.76. Soma XXXIX s. IIII d.
- 5.77. [fol. 20] [Item illisible.]
- 5.78. Item [...] s. e XII d que costet [lo prezent]que hom fei al bailio de salsa [...] sos lo marts apres Saint Pal de julhet .
- 5.79. Item VIII d que costeront las portas de R. Gardela de ostar e de portar al .
- 5.80. Item II s. e VI d que costet lhi letra que anet quere a Rion Jo. d'Antraigas e Ugo Tiseir a W. de l'Aira, leuctenant dal bailio per tornar areirs la recreensa que avia fait Jo. Belasmas baile de Monfferan, deus estatgers P. Gardela, lo mercres apres Saint Marti d'eitat .
- 5.81. Item III s. e IIII d que costeront lhi dui rosi que chavalgeront lo jorn desus dist
- 5.82. Item II s. IIII d que despenderont de bocha que ilh que lhi rosi lo jorn desus dist.
- 5.83. Item II s per lor jornadas dal jorn desus dist so es a saber de Jo. d'Antraigas e de Ugo Tiseir desus dist.
- 5.84. Soma IIII £ XV s. e II d.
- 5.85. [fol. 21] [Item illisible.]
- 5.86. [Item illisible.]
- 5.87. Item V s. Jo. de Bornet que anet a Riom am Jo. Tondeire e am Ugo Tiseir que R. Gardela avia fait ajornar los cosols denant W. de l'Aira leuctenant dal bailio e Jo. de Bornet bailet per los cosols, e Tomas Toels lai fo am la percurasio lo sapte apres Saint Marti de julhet anno VII .
- 5.88. Item V s. e IIII d per los lugers de IIII rosi que chavalgeront Jo. de Bornet e Tomas Toels e Ugo Tiseir e Jo. Tondeire lo jorn desus dist.
- 5.89. Item VI s per los despens de lor e de lor chavals, e dinet se en lor mosen Esmars de Cros chanoni de Clarmont, e Jo. Belasmas, preot de Monfferan.
- 5.90. Item III s per lo salari de Jo. Tondeire e de Ugo Tiseir e de Tomas Toel.
- 5.91. Item VII s. e IX d que despenderont a Riom Jo. Tondeires e Ugo Tiseir e W. Porteir e Tomas Toels e Nicolau Borseir que eront ajornat denant W. de l'Aira leuctenent per lo plait R. Gardela lo sapte avans Saint Beneit de julhet .
- 5.92. Soma XXXVI s. IX d.
- 5.93. [fol. 21] [Item illisible.]
- 5.94. [Item illisible.][...] T. Toels e Ugo [Tiseir] [...] e Jo. Tondeires e W. Porteirs quant W. de l'Aira leuctenent dal bailio se volc avizar am los garens desus ditz dal cumant que lo bailios nos fei que nos no plediesam mans a nostra resensa, e fo lo dusmini avans Saint Marti per lo salaris eper lo lugers deus rosis so es a sabeir II s. e VIII d per home.
- 5.95. Item V s. e IX d que despenseront per bochas am los rossi lo jorn desus dist.
- 5.96. Item V s que ac Tomas Toels percuraires per III jorns que a Rion denant lo bailio e denant W. de l'Aira per la vila lo tens pasat.
- 5.97. Item II s que ac Nicolau Borseir per I jorn que fo a Rion que lai lo fei ajornar P. Gardela denant W. de l'Aira leuctenent dal bailio e fo lai tos sols e fo lo marts avans la Magdalena .
- 5.98. Item III s que ac Jo. Tondeire que anet a Las Mastre per parlar a W. de l'Aira que lo bailes de Monfferan avia reatat los estatgers P. Gardela, e W. de l'Aira bailet lhi letra que fosont tornat en l estament davant lo geus avans la Magdalena .
- 5.99. Soma XLVIII s. IX d.
- 5.100. [fol. 22] [Item illisible.]
- 5.101. [Item illisible.]
- 5.102. Item [...]bant [...] percurasio de [...] efficial que fo portada a Burgas e per altres trabailhs que avia fait al cosolat lo dist S., lo dusmini avans la Magdalena anno Domini Mº CCCºVII .
- 5.103. Item IX s que costet lhi percurasios de sailar que fo portada a Burgas so es a sabeir XIII denier per chasque cosol lo jorn desus dist.
- 5.104. Item XVIII d que costet lhi sela de l ega d'Erbeir d adobar quant D. Peirals la menet a Burjas lo mart apres la Magdalena .
- 5.105. Item XVI d que costet de ferar lhi egua desus dista.
- 5.106. Item IIII s per III rosis que meneront Jo. Tondeires e Tomas Toels e Nicolau Borseir a Rion que P. Gardela avia fait ajornar los cosols e lo sirvent davant lo bailio lo sapte apres la Magdalena .
- 5.107. Item V s. e VIII d que despenderont per despes de bocha am Jo. de Bornet e am Ugo Tiseir e am Peiral que viag[e]ron aquel jorn a Burjas lo jorn desus dist a Rion.
- 5.108. Soma XXXVIII s. VI d.
- [fol. 22] [Item illisible.]
- [Item illisible.]
- 5.111. Item [...] donemes [...]t aus uchadors e al sirvent e a S. Arneu lo marts apres Saint Laurens que gajavant per vila .
- 5.112. Item II s. IIII d que despenderont lhi cosol e lhi gasteir e lhi uchador e lo sirvens e S. Arneu lo geus apres la Saint Laurens d'aost que gatjava per vila.
- 5.113. Item XX s que despenderont Guil. Porteirs e Jo. Tondeires b quant aneront a Saint Gervais per parlar am lo bailio quans lo bailes de Monfferan avia lachat lo bes de P. Gardela. E lo bailios donet las letras que fo tornat al point danant. E es a saber que lhi VI s foront per lo luger deus rosis, e lhi altre VI foront per lor salari e lhi VII s foront per los despens e XII d per la letra dal bailio E fo lo lhus avans Nostra Dona d'aost anno Mº CCCºVII .
- 5.114. Item XII s. e VI d que costet lhi chadeira de Nostra Dona d adobar e adobet la W. Ardit.
- 5.515. Soma XL s. III d.
- 5.116. [fol. 23] [Item illisible.]
- 5.117. Item [...] per I percurasio e XII s. e VI d per escrepsios de letras e per saels, e
- 5.118. Item XXXVI s que costet lo chamis de cubrir e descubrir de anno MºCCCºVII.
- 5.119. Item VII s. e VI d per dos pareilhs de troppas e per los altres jutglars lo jorn de Nostra Dona de setenbre anno VII .
- 5.120. Item V s que donemes aus fraires menors que sermoneront lo jorn de la festa de Nostra Dona de setenbre anno VII.
- 5.121. Item CV s que costeront las raubas deus uchadors e S. Arneu lo jorn deanno VII, e foront de Jo. Patriarcha e de D. Alhac.
- 5.122. Item II s. e IIII d que costet lhi letra que donemes a maistre Jo. de Sargetas, e fo
- 5.123. Soma XV £ XV s.
- 5.124. [fol. 23] [Item illisible.]
- 5.125. [Item illisible.][...]net lo geusapres Nostra Dona de setenbre .
- 5.126. Item XXXIIII s que costet per una percurasio d escriure e de sailar e per I pulic estrument de faire relatsion a l esficial de Burjas que B. Pons e Aldi Boeir clers no volgront recebre la comesion que lor comes l esficial de Burjas dal plait R. Gardela sens lhisensa deus avicari de l'aleit de Clarmon, e per la letra que nos donet maistre Jo. de Sargetas; e maistre Jo. de Sargetas devizet lo pulbic estrument e costet tant segont que di Ugo Tiseir; e fo lo jorn desus dist.
- 5.127. Item III s que donemes a S. Chavaler e a Mateu Chauti e a P. Bru que sercheront las vendemhas per metre lo dec e fo lo dusmini avans Saint Michel anno VII .
- 5.128. Item XLIIII s per lo lugeir a S. Arneu e per una chausa de l an anno Domini Mº CCCºVII.
- 5.129. Item XL s que ac Nicolau Borseir per son lugeir de l an MºCCCºVII.
- 5.130. Soma IX £ VIII s. VI d.
- 5.131. [fol. 24] [Item illisible.]
- 5.132. [Item illisible.]
- 5.133. Item [...] que chantet [...] so es a sabeir lo dusmini avant la Tos Saints e fo conprada a [...] e fo donada an lo coseilh deus melhor home de la vila .
- 5.134. Item X d que ac Bonguas que anet a Enezac per parlar a monsen Raos Mocha per sabeir si el iria a Burgas.
- 5.135. Item XXX s que ac Perots B[ertran]t. clers per anar a Burjas contra R. Gardela, e portet en sentensa contra lo dist R.
- 5.136. Item XXX s que costeront dui avocat segont que dis lo dist Perots B[ertran]t. so es a sabeir maistre Jo. de Du, e monsen P. Chanpio que enpetreront la sentensa e fo lo geus avans la Tots Saint anno MºCCCºVII .
- 5.137. Item IIII s que costet lhi sentensa e lhi conmesio d ecriure e de selar que aportet Perot B[ertrant]t contra R. Gardela.
- 5.138. Item XII d que ac Bonguas que portet la sentensa sailar a Rion contra R. Gardela fo lo sapte avans la Tos Saint .
- 5.139. Soma XI £ XVII s. X d.
- 5.140. [fol. 24] [Item illisible.]
- 5.141. [Item illisible.][...] de Biza[........]
- 5.142. Item VIII s que ac Jo. Tondeires per dos jorns que estet a Saint Porsa per parlar am lo bailio per lo plait R. Gardela per son salari e per ses despens e fo lo geus apres la Tot Saint .
- 5.143. Item III s. IIII d per lo lugeir del rosi que menet Jo. Tondeires lo jorn desus dist.
- 5.144. Item VI s que ac Ugo Tiseir e Chatart de Gozom que aneront per parlar am lo bailio a Tourneule per lo plait R. Gardela, lo dusmini apres la Tos Saint .
- 5.145. Item LXXV s. e VII d per I prezent que hom fei al bailio lo lhus avans Saint Marti d'ivern, anno VII .
- 5.146. Item VII s. e m[eallha] que agront W. Porteirs e Tomas Toels que aneront a Tourneule per parlar am lo bailio per lo fait deus cosol contra R. Gardela, lo mercres avans Saint Marti d'ivern .
- 5.147. Soma VI £ II s. VI d. e m[eallha].
- 5.148. [fol. 25] [Item illisible.]
- 5.149. [Item illisible.]
- 5.150. Item VI s. VI d que ac P. [...]dat per adobar lo pont de Biza que era esfrondatz an dos leuc lo jor desus dist.
- 5.151. Item XXIIII s que ac Ugo Tiseir e W. Porteir e Nicolau Borseirs e Tomas Toels que eront ajornat a Rion denant lo leuctenent dal bailio so es a sabeir W. de l'Aira, e plediemes sobre nostra percurasio e W. de l'Aira nos donet letra que anes oz avocatz d'Alvernhe que foront am nos E costet lhi letra II s. e VI d. e II s que n ac Dtet de Tiern que ajornes maistre D. d'Ornho Aiguesparssa. E lhi XIX s. e VI d foront per lo lugeir deus rossi e per lor salari e per los despens E fo lo sapte avans Saint Bret anno VII .
- 5.152. Item III s. e VIII d que ac Jo. Tondeires que anet a Rion per parlar am W. de l'Aira leuctenent que lhi plagues que nos forses lo conseilh que nengus no volia eser am nos e W. de l'Aira fei ajornar per davant se maistre D. d'Ornho e Perot, lo lhus apres Saint Bret .
- 5.153. Soma LII s. II d.
- 5.154. [fol. 25] [Item illisible.]
- 5.155. [Item illisible.][...] Ugo Tiseir e Jo. [Tondeires][...] es e am los despes desus cha[...], e fo lo lhus apres Saint Nicolau de dalet anno MºCCCºVII .
- 5.156. Item C s que ac maistre D. d'Ornho d intratge dal plait de P. e R. Gardela, e portet los lhi Ugo Tiseir e Jo. Tondeires Aiguesparssa prezent Amblart Boeir dal dist leuc e fo lo geus avans Sainta Lhucia anno VII .
- 5.157. Item XVIII s. e VIII d que ac Ugo Tiseir e Jo. Tondeires quant porteront los C s. de l intratge a maistre D. d'Ornho Aiguesparssa, e fo lai Nachos an lor, e esteront II jorns e fo per lor chavals e per lor despens e per lor salari e fo lo jorn desus dist.
- 5.158. Item IIII s. e III d que ac Jo. Tondeires e Tomas Toels que aneront a Rion per parlar am W. de l'Aira per lo fait de P. Gardela, e fo lo jorn de Sainta Lhucia .
- 5.159. Soma VIII £ VI s.
- 5.160. [fol. 26] [Item illisible.]
- 5.161. [Item illisible.][...] apte que de metre [...] plomp e fo lo saptes apres Sainta Lhucia .
- 5.162. Item XXIII s. e VIII d que lhi cosol baileront achaptar los draps de l almorna par so que avia agut lhi concha e par so que hom avia agut de laus sic micha deus paubres, e fo lo mercres avans Chalendas anno VII ans .
- 5.163. Item VI s. e VIII d que ac Jo. Tondeire per son salari e per son rosi que anet quere maistre D. d'Ornho e jac lai I seir e fo lo sapte apres Chalendas anno VII .
- 5.164. Item XVIII s que despendet mastre D. d'Ornho anent e venent e per I jorn e una neuc que sai estet ches S. de Bualet am Ugo Tiser e Jo. Tondeire, e fo lo jorn desus dist.
- 5.165. Item XXV s que ac per son salari.
- 5.166. Item III s que foront donat a son valet de Joias per la ma Ugo Tiseir.
- 5.167. Item XV d que ac Bongas que anet parlar a maistre D. d'Ornho a Rion per lo cosols, e fo lo jor deus Ignosens .
- 5.168. Soma IIII £ XVIII s. III d.
- 5.169. [fol. 26] [Item illisible.]
- 5.170. Item [...]lhutz per lo plait de P. Gardela, i avia Bertolmeu Renos e Ugo [Tiseir], e parlet contra la percurasio.
- 5.171. Item X s que costet I efforsamens de R. Gardela que nos aportes S. de Chauriac contra lo dist R. de Burjas.
- 5.172. Item XL s. e VI d que despenderont so es a sabeir maistre D. d'Ornho, e Jo. de Bornet e Jo. Tondeires e Ugo Tiseir e D. Simion e D. Peirals e D. Costansi e W. Porteir e lhi III uchador e S. Arneu ches S. de Bualet e Tomas Toels percuraire de la vila per II noitz e per I jorn que estet maistre D. d'Ornho en la vila lo marts apres l Aparicio .
- 5.173. Item XXV s que ac maistre D. d'Ornho per son salari dal jorn desus dist.
- 5.174. Item XV s que ac maistre D. d'Ornho per dos sopars e per I dinar que fei a Rion, e fo lo jorn que fomes ches maistre Jo. de Sargetas per acordar de R. Gardela, e fo lo lhus avans Saint Antoni,anno VIII .
- 5.175. Item XXV s per son salari dal jorn desus dist so es a sabeir a maistre D. d'Ornho.
- 5.176. Soma VII £ XIIII s. VI d.
- 5.177. [fol. 27] [Item illisible.]
- 5.178. [Item illisible.]
- 5.179. Item VIII d que costet [...] tracriut d'un prosé de R. Gardela.
- 5.180. Item III s que ac Bonguas per anar parlar a mastre D. d'Ornho Aiguesparsa que vengues a Rion per lo fait de la vila lo sapte apres l uitava de la Chandeloza .
- 5.181. Item VIII s que foront bailat a Nicolau Merseir, lo mesatge Ugo Tiseir que anes vers Ugo Tiseir e vers Chatart de Gozon a Burjas, e trobet los a Rion que veniont car nos senblava que trop demoravont.
- 5.182. Item XII s. e IX d que despendet mastre D. d'Ornho a Rion a Jo. Tondeire e a Ugo Tiseir e D. Costansi e W. Tucarela e W. Porteir e per los despens deus chavaus de mastre D. E fo lo sapte apres l uitava de la Chandeloza que aviam jorn denant lo bailio a Rion contra R. Gardela.
- 5.183. Item XXII s. e VI d per XX tornes d argent veilhs que donesmes a maistre D. d'Ornho de la jornada desus dista.
- 5.184. Item X s que ac Ugo Tiseir e Jo. Tondeires e W. Porteir e D. Costansi per lo lugeir deus rosis e per lor salari del jorn desus dist.
- 5.185. Soma CIIII s. VII d.
- 5.186. [fol. 27] [Item illisible.]
- 5.187. [Item illisible.]
- 5.188. Item [...] que costet de faire [...]desus dist lo dusmini avans Saint[....]
- 5.189. Item IX £ e XVIII s que costet lo viatges de Burghas contre R. Gardela so es a sabeir lo venres avans Saint Valentin de feureir anno MºCCCºVII ans so es a sabeir XXX s que agront lhi avocat e X s que costeront lhias sicletras e lhi sael e IIII £ e IIII s per despes de boucha, e LII s per lor salari de Ugo Tiseir e de Chatart de Gozon, e XX s per lo lugeir dels rosis, e II s per dos fers que sai demoret lhi egua d'Erbeirs de lhorar al enar e al venir e demoreront XIII jorns.
- 5.190. Item II s. e VI d que costet lhi sela de l egua d'Erbert d adobar per lo viatge desus dist.
- 5.191. Item II s que ac Nachos que anet vers Ugo Tiseir e vers Chatart quant veniont de Burjas, e Nacho anet per Rion e l'autres desus dist anet devers La Salvetat lo dreit chami.
- 5.192. Item XII d que agront lhi uchador e lhi gasteir que gatjavant per vila lo lhus avans Saint Pere de feureir anno VII .
- 5.193. Item LXXI s que costet I prezens que feimes al bailio lo marts avans Saint Pere .
- 5.194. Soma XIIII £ II s. VII d.
- 5.195. [fol. 28] [Item illisible.]
- 5.196. [Item illisible.]
- 5.197. Item II s. e VI d que bai[les]mes a Bongua que anet quere mastre D. d'Ornho Aigueparssa lo venres avans Saint P[ere] de feureir anno VII .
- 5.198. Item XV s que ac Guilhot de Monmoransi sirvens per la ma W. Porteir per la ma Jo. Tondeire per III vets que nos venc gatjar per lo marc de l aur de l an c on di MºCCCºVII ans.
- 5.199. Item II s que despenderont lhi gasteir e lhi uchador e Bertolmeus Renos e W. Porteirs e Jo. Tondeires e lo sirvens que gatjavont per vila lo sapte avans Saint P[eire] de feureir VII.
- 5.200. Item X s que ac Guilhot de Monmoransi lo sirvens per nos gatjar e per arestar que fosam tuit lhi cosol lo lhus apres Saint P[eire] arestat al Bruilh en pena de cors e d aveir E prejemes al sirvent que per Deu fos ufertes IIII tant solament c aurion perchasat los deners a mosen G., e el dis que si faria volonteirs mans quars lo covenria estar rescomdut que mosen G no lo vegues e per lo manobrat desus dist ac los X s desus dist am sos despens.
- 5.201. Item LVIII s que agut W. Malneirs per lo trabailh que agut per la vila.
- 5.202. Soma IIII £ e XIX s.
- 5.206. [fol. 29] [Les 13 premières lignes sont effacées.]
- 5.207. Letra de Oliveir Malneir comandador d'Erbert [...] li fo sailada es cossolatz lo mercres apres li Totz Saints anno VII del sael de la vila Prezent Jacme de Baisac, W. lo Rodeir, W. Salamos, P. Merseir, D. Ponpinhac, cossols de la vila Prezent D. Costansi e S. de Chalinotz, lo jone Malneir filh de W. Malneirc.
