le logo Elec

L’année 1437 dans la pratique de Pierre Christofle, notaire du Châtelet d’Orléans

76 r°Le mardi cinqme jour de mars IIIIc XXXVI.

Jehan Haultboys, charpentier d’Orleans, prent a tiltre de loier, de la feste Saint Jehan Baptiste prochaine venant jucques a deux ans prochains aprés ensuivans, de Denis Janvier, cordoanier d’Orleans, qui luy baille, deux chambres de l’ostel ouquel est a present demourant ledit Denis, qu’il tient de Jehan Boilleve bourgoys d’Orleans, assis devant l’eglise Saint Donnatien d’Orleans, avec ung petit grenier estant sur le derriere dudit hostel et l’ouvrouer d’icelluy hostel, reservé et sauf audit Denis de pouvoir tenir et avoir une seulle joignant et contre la porte dudit hostel pour faire son mestier et aussi de pouvoir tenir et avoir du cousté de ladicte porte une autre selle pour soir 1 1. Comprendre seoir Pierrot Roteau avec les aulmaires 2 2. Suit dudit, biffé. dudit Denis, lesquelles il pourra mettre et tenir du cousté de devers la cave dudit hostel, a tenir pour le pris et somme de huit royaulx et demi d’or de soixante quatre au marc nagueres aiens cours pour tout ledit temps. A paier aux termes de Noel et de Saint Jehan Baptiste par moitié, premier terme commancent a Noel prochain venant. Obligent par foy et chacune partie etc. Renoncent, colx etc.

Dans la marge gauche : a.