le logo Elec

L’année 1437 dans la pratique de Pierre Christofle, notaire du Châtelet d’Orléans

116 r°Et le dimenche IIIIme jour d’aoust.

Symon le Maire, escuier, cappitaine de gens d’armes et de trait pour le roy notre seigneur, confessa avoir eu et receu de la vefve et enfans feu Thevenon Boulee, jadiz marchant d’Orleans, les biens cy aprés declarez. Et premierement, douze servietes de lin, unes heures garnies de fermoers d’argent, deux bourses garnies de perles, une petite sainturete d’argent ferree tout autour, deux peres de costeaulx a manches d’ambre, dex laz de soye appellez gez a oiseaux. Lesquielx biens ledit Simon bailla, avec plusieurs autres biens, audit feu Thevenon Boulie son mary et des son vivant en garde et deppost, comme plus a plain est declairé ou registre sur ce fait et passé par Pierre Christofle notaire de Chastellet d’Orleans des le VIIIme jour d’aoust mil IIIIc XXXII. Et desdiz biens dessus declairez icellui Simon se tint content. Quittent etc.

Dans la marge gauche : f.