le logo Elec

L’année 1437 dans la pratique de Pierre Christofle, notaire du Châtelet d’Orléans

56 v°Et le mardi premier jour de janvier ensuivant.

Jehan 1 1. La lettre J est décorée d’entrelacs. Mignon et Belon sa femme, bourgois d’Orleans, ladicte femme deuement auctorisee etc., baillent a rente annuelle et perpetuelle pour touz jours a Mahiet Gauchier, paintre demourant a Orleans, qui a pris d’eulx pour lui, ses hoirs etc. ung jardin ouquel a ung poy de vignes et arbres, mouvens du propre heritaige de ladicte Belon, assis et seant leez l’eglise de Saint Euvertre d’Orleans en la rue appellee la rue du Cimetire 2 2. Comprendre cimetière. aux Juifs es foursbours d’Orleans, contenant du large a pranre du cousté de devers la rue dix neuf toises et demie, du long du cousté desdiz bailleurs trente toises et demi ou environ, et du travers du cousté de l’eritaige dudit Mahiet XVIII 57 r° toises tenant ausdiz bailleurs d’une part, audit preneur d’aultre part, et d’aultre cousté a maistre Ymbert des Salles, chargé des cens et charge anciennes que paieront et seront tenuz paier chascun an lesdiz bailleurs et en leurs noms. A tenir etc. pour vingt sols parisis, monnoie marc d’argent valent sept livres tournois, de rente annuelle et perpetuelle, a rendre et paier chacun an dudit preneur etc. ausdiz bailleurs etc. au termes et festes de Noel et de Saint Jehan Baptiste, a chacun terme la moitié, premier terme et paiement commencent a la Saint Jehan prochaine venant. Et par ledit bail faisant, sera tenu et a promis ledit preneur de oudit jardin faire et faire faire dedans dix ans prouchain venant une maison bonne et convenable qui vaille et puisse valoir a touz jours ladicte rente de vingt sols parisis et mieulx et paier avec ce toutes tailles d’eglise, de ville, de pu[is], de pavé et toutes aultres subvencions quelxconques que l’en pourroit imposer sur ledit jardin. Et avec ce faire des maintenant a ses coustz et despens une haye d’espine ou aultre haye bonne et convenable qui fera cloison entre lesdiz bailleurs et preneur. Et icelle faicte sera tenu ledit preneur tenir, soustenir et maintenir en bon estat et convenable. Obligent de chacune partie etc. Renoncent etc.

Dans la marge gauche : J. Mignon f.
et au-dessous : M. Gauschier f.