le logo Elec

L’année 1437 dans la pratique de Pierre Christofle, notaire du Châtelet d’Orléans

62 r°Le dimanche XXe jour de janvier mil IIIIc XXXVI.

Arnoton Moreau, marchant d’Orleans, prant a tiltre de loier de la feste Saint Jehan Baptiste prochaine venant jucques a dix ans prochains aprés venans et entresuivavans 1 1. Comprendre entresuivans. de Thomas Jacquet, marchant charpentier d’Orleans, qui lui baille, jucques audit temps de dix ans, l’ostel de la Corne de serf d’Orleans, ouquel demoure de present Pierre Gautier cousturier d’Orleans, appartenant audit Thomas, ainsi comme il se comporte et poursuit, assis et seant en la rue de la Charpenterie d’Orleans. A tenir, usfructez 2 2. Comprendre usfructer. et exploiter ledit hostel etc. pour ce et parmy le pris et somme de quatorze escuz d’or de LXIIII au marc nagueres aiens cours ou monnoie equivalant lesdiz escuz d’or chacun an, a paier aux termes de Noel et de Saint Jehan 3 3. Suit bas, biffé. Baptiste, a chacun terme la moitié, premier terme commençant a Noel prochain venant. Et par ce faisant a promis et sera tenu ledit preneur de donner patience audit bailleur de faire certaines euvres de charpenterie qu’il a entention de faire audit hostel toutes foiz et quantes foiz que par ledit Thomas Jacques en sera requis. Pour et parmy ce que ledit Thomas a promis et aussi sera tenu defalquier et desduire audit preneur tout ce qu’il sera trouvé estre a rebaptre dudit loier et de l’annee ou annees audit arbitrage de deux preudes homes que lesdictes parties esliront. Et aussi a accordé ledit preneur audit bailleur que icelles euvres faictes et a faires 4 4. Comprendre faire. de lui paier par chacun an, oultre ledit loyer desdiz XIIII escuz d’or, tout ce qu’il 62 v° sera trouvé ledit hostel estre augmenté plus qu’il n’est de present a l’arbitraige desdiz preudes homes. Obligent de chacune partie. C’est assavoir ledit preneur paier et ledit bailleur garantir.

Dans la marge gauche : ff.