55
Donation. — Méry Nepveu donne à Pierre Théveneau, étudiant, une maison et ses dépendances situées dans la paroisse de Saran, cinq arpents de terre et vignes situées dans les paroisses de Saran et de Saint-Jean-de-la-Ruelle, ainsi que 36 s. p. de rente prise le 7 août 1430 par Jean Souin, habitant de Saint-Jean-de-la-Ruelle. Ce don est fait par Méry Nepveu en paiement des services que Pierre Théveneau lui a rendus comme procureur.
67 r°Le lundi XXIe jour de janvier IIIIc trente six.
Mery Nepveu transporte, donne et delesse a touz jours mes 2 2. Suit audit, biffé. irrevocablement audit Pierre Theveneau, clerc escollier, a ce present et aceptant ledit don pour lui, ses hoirs et aiens cause de lui a touz jours mes, tout tel droit, cause, raison, action, poursuite, obligacion, partie et porcion qu’il a et puet avoir en quelque maniere que ce soit en une maison couverte de tieulle avec la court, jardin et appartenances d’icelle maison, selon ce que ja pieça elle a esté partie et divisee d’une autre maison appartenant a Lorens Augier, assise au lieu de Couldroy en la parroisse de Saran, tenant audit Lorens d’une part et a Jehan du Puy d’autre part. Item en cinq arpens que vignes que terres ou environ estans des appartenances de ladicte maison, assis environ icelle maison en ladicte parroisse de Saran et en la parroisse Saint Jehan de la Ruelle en plusieurs pieces, et generalment en toutes les appartenances et appendences de ladicte maison et es XXX six solz parisis de rente a quoy furant 3 3. Comprendre furent. des le VIIe jour d’aoust 67 v° mil CCCC vint neuf baillés iceulx heritaiges a ung nommé Jehan Souin lors demourant en ladicte parroisse de Saint Jehan de la Ruelle. Et d’iceulx heritaige et rente dessusdiz, et de chacun d’iceulx ensemble, en tant que a luy appartient et de tout le droit, partie et porcion, ledit Mery se dessaisit 4 4. Suit un mot illisible, biffé. etc. Saisit etc. En faisant et constituant ledit estudient en ce es circonstances et deppendances vray seigneur, proprietaire, rentier, acteur, procureur, prochasseur et demandeur **** 5 5. Un blanc représentant environ trois mots termine la ligne de texte. en son propre fait et bon droit. Ce transport fait dudit Mery Nepveu audit estudiant pour et en solucion et paiement de certaine somme de deniers, en quoy il disoit estre tenu audit estudiant et pour recompansacion et remuneracion de plusieurs plaisirs, amours et courtoisies que ledit estudiant lui a faiz et fait de par chacun jour en ses causes et besoignes comme son procureur et autrement et espere qu’il lui face le temps ad venir etc. Promettent non james venir contre etc. Obligent par foy, renoncent, colx etc.
Dans la marge gauche : f.
