le logo Elec

L’année 1437 dans la pratique de Pierre Christofle, notaire du Châtelet d’Orléans

63 r°Le samedi vint sixme jour de janvier mil IIIIc trente et six 1 1. Contrairement à l’usage, le scripteur a décidé d’inscrire la date à la fin du folio 61v au lieu de l’inscrire juste au-dessus de l’acte au folio 62..

Phelippot le Camus et Estienne le Camus, laboureurs, parroissiens de Collemiers en Beausse, prennent assemblement et chacun pour le tout sans division de Phelippot Damont, parroissien de Saint Loup d’Angre 2 2. Comprendre Ingré. lez Orleans, qui leur baille, de la Toussains prochaine venant en quatre ans quatre beufs tirans ou pris et sur le pris de unze royaulx et demy d’or, en or, du propre chastel et meuble dudit Phelippot Damont, lequel bestail ont promis et seront tenuz norrir, garder et gouverner a leurs coulz et despens, bien et convenablement ledit temps durant. Et se il avenoit pendent ledit temps que ledit bestail fust perdu ou rançonné par gens d’armes ou autrement, en ce cas lesdiz preneurs seront tenuz de les paier sans ce que desdictes choses ledit Phelippot Damont en soit tenu aucune chose en paiez. Et se il advenoit pendent ledit temps que ledit bestail morust de morine, en ce cas lesdictes parties feront et paieront chacun en droit soy, selon que la coustume le donrra. Et par ce faisant lesdiz preneurs seront tenuz paiez et paieront chacun an franchement et quittement en l’ostel dudit Phelippot Damont ou a Orleans, a son choix, la quantité de XVIII mines de grain mesure d’O[rlea]ns 3 3. Il y a une tache d’encre à cet endroit. au terme et feste de Toussains, premier terme et paiement commançant a la Toussains prochaine venant, auquel premier terme de Toussains lesdiz preneurs ne paieront que VIII 4 4. Suit l’abréviation erronée de mines, biffé. mines de blé et IX mines de  **** , c’est assavoir IIII mines d’orge et V mines d’avoine, et les autres annees ensuivant lesdictes XVIII mines de blé. Et icellui bestail seront tenuz rendre audit Phelippot Damont en la fin dudit temps ou pris dessusdiz ou ledit pris pour la valeur. Obligent de chacune partie, Renoncent etc. Colx etc.

Dans la marge gauche : a.