le logo Elec

L’année 1437 dans la pratique de Pierre Christofle, notaire du Châtelet d’Orléans

95 r°Et le mercredi premier jour de may IIIIc XXXVII, jour de Saint Jaques et Saint Phelippe, Jehan le Prestre garde etc.

Berthaut Fauchet, vigneron, parroissien de Saint Jehan le Blanc lez Orleans, prent a rente annuelle et perpetuelle pour tous jours de Guillaume Racin, tanneur d’Orleans, qui lui baille, une maison couverte de chaume en laquelle demeure de present ledit preneur, avec le jardin appartenant a ladicte masure, assise et seant ou cloistre Saint Jehan le Blanc, tenant a Eliot Tregaust d’une part et au chemin qui va a Saint Denis en Vaulx. A tenir pour seize solz parisis, monnoie courant a present, pour toutes charges quelxconques. A paier chacun an franchement et quittement par ledit preneur audit bailleur aux termes de Noel et Saint Jehan Baptiste, a chacun terme la moittié, le premier terme et paiement commencent a Noel prouchain venant. Obligent de chacune partie. Renoncent etc.

Dans la marge gauche : ff.