189
Ferme. — Guillemin Chalas, maçon d’Orléans, prend à ferme, pour 59 ans à partir du 24 juin prochain, de l’abbaye de Saint-Euverte d’Orléans, une masure en la grande rue Saint-Euverte, pour 12 s.p. par an. Le preneur s’engage à y construire une maison avant deux ans et à la rendre en bon état au terme du contrat.
100 r°Et le mercredi XXIIe jour de may.
Guillemin Chalas, maçon d’Orleans, prent a rente, ferme ou pension, de la feste de Saint Jehan Baptiste prouchaine venant jusques a cinquante neuf ans prouchains aprés ensuivant, des religieux abbé et couvent de Saint Euvertre d’Orleans, qui lui baillent, une masure appartenant ausdiz religieux abbé et couvent de Saint Euvertre, assise et seant en la grant rue dudit Saint Euvertre, tenant **** 1 1. L’équivalent d’une ligne a été laissé en blanc., a tenir pour douze solz paris, monnoie marc d’argent vallant VII livres tournois, a paier chacun an franchement et quittement aux termes de Noel et de Saint Jehan Baptiste, a chacun terme la moittié, premier terme et paiement commencent a la Saint Jehan Baptiste prouchaine venant, en ung an, auquel premier terme ledit preneur paiera XII solz parisis et les autres termes et annees ensuivans, a chacun terme VI solz parisis. Et par ce faisant sera tenu ledit preneur, ses hoirs etc. de faire et faire faire, dedens deux ans prouchains venans, en ladicte masure une maison a demourer, bonne et convenable, qui vaille et puisse valoir ladicte rente et mieulx, et icelle maison faicte, la soustenir bien et convenablement, et en la fin dudit temps la lesser en bon estat et convenable. Et paier du sien 100 v° propre toutes tailles d’eglise, de ville, de puis, de pavé et autres subvencions quelxconques que l’en pourroit imposer sur ladicte masure, et en acquitter lesdiz religieux abbé et couvent et de renouveller ces presentes a chacune mutacion qui se fera etc. dedens ung an aprés ladicte mutacion. Et se lui, ses hoirs ou aians cause en sont deffaillans et de paier ladicte rente par deux ans ensuivans, en ce cas lesdiz religieux abbé et couvent pourront prandre et exploicter ladicte masure comme leur sans contredit aucun. Obligent. Renoncent etc. Coustz etc.
Dans la marge gauche : f.
