168
Location. — Antoine Serin, de Jargeau, loue de Lorance, veuve d’Huguet Morinet, bourgeois d’Orléans, un hôtel de Jargeau, pour quatre ans à partir du 24 juin, pour 4 royaux d’or par an. Antoine pourra le modifier pour y installer un four, pourvu qu’il le remette en état à ses frais au bout des quatre ans.
95 r° Et le jeudi second jour de may, jour de Sainte Croix.
Anthoine Serin, de Jargueau, prent a tiltre de loier, de la feste Saint Jehan Baptiste prouchaine venant jusques a quatre ans prouchains aprés ensuivans, 95 v° de Lorance, vefve feux Huguet Morinet bourgoise d’Orleans, qui lui baille, l’ostel auquel est a present demourant Courcy, et plusieurs autres appartenances a ladicte Lorance, qu’elle dit avoir, assis en la ville de Jargueau, a tenir pour sept reaux d’or, en or, de loier. A paier chacun an aux termes de Noel et de Saint Jehan Baptiste par moittié, premier terme et paiement commencent a Noel prouchainement venant. Et par ce faisant pourra ledit preneur se il lui plaist despecer aucune maçonnerie qui est oudit hostel pour faire ung four, laquelle il sera tenu aussi de faire refaire a ses despens en la fin desdiz IIII ans. Obligent etc.
Dans la marge gauche : f.
