167
Association. — Regnaut le Cellier, paroissien de Saint-Vincent, s’associe avec Jean Piquaut, de Saint-Vincent, pour cultiver l’arpent de vigne qu’il a pris à moitié de l’abbaye Saint-Euverte pour cette année. Piquaut lui doit 4 l. t. et son aide à la culture de la vigne jusqu’aux vendanges.
95 r° Regnault le Cellier, parroissien Saint Vincent lez Orleans, confessa que en ung arpent de vigne, appartenant aux religieux abbé et couvent de Saint Euvertre d’Orleans, lequel il a nagueres pris a moittié desdiz religieux abbé et couvent pour ceste annee presente, ledit arpent de vigne assis ou clox de l’abbaye dudit Saint Euvertre, il a huy acompaigné avec lui a perte et a guain Jehan Piquaut, de Saint Vincent des Vignes, moiennant et parmi ce que ledit Piquault lui a hui paié et baillé la somme de quatre livres tournois, monnoie courant a present, que il sera tenu lui en paier, c’est assavoir dedens trois sepmaines prouchaines venans XVI solz parisis et le surplus et demourant dedans la Saint Jehan Baptiste prouchaine venant, et aussi que ledit Piquaut sera tenu lui aider a faire et faire faire ledit arpent de vigne de toutes les façons qui y faillent et seront faictes d’ores en avant et jusques au temps de vendenges prouchaines venans. Obligent etc.
Dans la marge gauche : ff.
