173
Contrat de mariage. — Olivier Martin, boulanger d’Orléans, s’accorde avec Huguenin Baron pour épouser Jeannette, fille d’Huguenin et de sa femme Perrette. Le père s’engage à verser à Olivier 12 l. t. de dot et un trousseau, tandis que le futur époux constitue un douaire, à prendre sur ses biens meubles avant tout partage entre héritiers, s’élevant à 10 l. t. si le couple n’a pas d’enfant et à 100 s. t. s’il en a.
96 v°Et le lundi VIe jour de may.
Au traictié du mariage et par le mariage faisant d’entre Olivier Martin, boulengier demourant a Orleans, a la personne de Jehannete, fille de Huguenin Baron et de Perrete sa femme, furrent et ont esté faiz, passez et accordez par devant Pierre Christofle, notaire etc., entre ledit Olivier 97 r° pour lui d’une part et ledit Huguenin Baron au nom et pour sadicte fille d’autre part, les traictiez, accors, dons, douaire et choses qui ensuivent. C’est assavoir que ledit Olivier promect prandre ladicte Jehanne par nom de mariage et ledit Huguenin promet la lui faire avoir a femme et espouse, se Dieu et sainte Eglise si accordent. Et par ledit traictié de mariage, et pour icellui estre fait et consommé, ledit Huguenin approuva donner et bailler audit Olivier, a cause de sadicte fille, la somme de douze livres tournois, monnoie courant a present, lesquielx XII livres tournois leditHuguenin paiera et sera tenu paier audit Olivier, c’est assavoir promptement X livres tournois et le seurplus et demourant montant a II frans a la feste de Saint Jehan Baptiste prouchainement venant. Sera tenu avec ce bailler aux nopces dudit Olivier une cote simple et une cote hardie, ung lit garni de coeste, coessin, couverture, IIII draps, II queuvre chefs, ung orillier, II nappes et II touailles. Et par ledit traictié de mariage et pour icellui estre fait et consommé, ledit Olivier doua et doue ladicte Jehanne de dix livres tournois, monnoie courant a present, a prandre et avoir pour une foiz sur la partie et porcion des biens meubles dudit Olivier, et avant aucun partaige, au cas toutesvoies que il n’y aura enffent ou enffens d’eulx deux. Et se il y a enffent ou enffens, de cent solz tournois a prandre et avoir comme dessus. Obligent de chacune partie. Renoncent etc. Coustz etc.
Dans la marge gauche : f.
