169
Obligation. — Jean Musnier, demeurant autrefois à Châteaudun et maintenant à Orléans, confesse devoir à Jean Aurille, habitant de Châteaudun, 36 setiers de blé et 17 l. t. en guise de composition relative au moulin de Cholet installé sur le Loir, dans la paroisse Saint-Jean-de-la-Chaîne, que Jean Musnier a pris à ferme pour trois ans s’achevant à la Saint-Jean-Baptiste 1439 contre 3 muids 2 setiers de blé moulu par an. Le montant dû par le débiteur tient compte de la portion de la ferme annuelle qu’il ne détient plus entre le 1er mai et le 24 juin, de la valeur des revenus et des animaux du moulin, estimée maintenant à 27 l. t. plutôt qu’à 41 l. t. 2 saluts et un moutonnet d’or.
95 v°Et ledit jour de jeudi.
Jehan Musnier, nagueres demourant a Chastaudun, a present demourant a Orleans, confessa devoir a Jehan Aurille, aussi demourant audit Chastaudun, la quantité de trente six septiers de blé mousturé bonne et convenable et la somme de dix sept livres tournois, de la monnoie marc d’argent VII livres tournois, a quoy ledit debteur a hui finé et composé audit creancier pour tout ce que il povoit estre tenu aux 1 1. Comprendre au. creancier, ne aussi que ledit creancier lui peust ou pourroit demander comme pleige ou autrement, a cause et pour raison de certain moulin a blé appellé le moulin Cholet, seant en la riviere du Ler, parroisse Saint Jehan de la Chesne, que ledit debteur avoit nagueres pris et affermé de la Saint Jehan Baptiste derreniere passee jusques a trois ans prouchains aprés ensuivans, qui furront 2 2. Comprendre seront. a la Saint Jehan 3 3. Suit bab, biffé. Baptiste qui sera IIIIc XXXIX, de Jehanne, vefve de feux Jehan Pelle demourant audit Chastaudun, a troys muis deux septiers de blé mousturé chacun an. Reservé et sauf audit debteur de povoir rabatre et desduire audit creancier de ladicte moison, depuis le mercredi premier jour de may derrenier passé jusques au jour de Saint Jehan Baptiste prouchain venant, par egal porcion de ce qui sera trouvé estre a rabatre, pour ce que ledit debteur n’est plus debteur ne teneur dudit moulin, mais en est et demeure ledit debteur quitte a touz jours envers ledit creancier et tous autres quant au regart de la moisson desdiz trois muis II septiers de mousture et VI anguilles par an, et aussi des chastelz d’icelui moulin qui des le temps avoient esté prisez et estimez valoir, par gens en ce congnoissans, avec ung asne a la somme de quarante une livres tournois, II saluz et ung moutonnet d’or, c’est assavoir lesdiz chastelz dudit moulin a XLI livres tournois et ledit asne ausdiz II saluz et ung moutonnet d’or. Et lesquielx chastelz dudit moulin et aussi ledit 96 r° asne, avec ung asnon qui trouvez ont esté oudit moulin, n’ont de present esté estimez ne prisez valoir que la somme de XXVII livres X solz tournois, de la monnoie courant a present, c’est assavoir les chastelz dudit moulin que XXII livres X solz tournois, et 4 4. Suit le surplus, biffé. lesdiz asnes et asnon que C solz tournois, si comme toutes ces choses lesdictes parties disoient et dont ledit debteur se tint pour content. A paier a quatre termes et par la maniere qui s’ensuit, c’est assavoir Toussains, Noel, Pasques et Saincte Croix en may, qui sera IIIIc XXXVIII, par egal porcion jusques a fin de paiement. Obligent prison tenir etc. Renoncent expressement et par sadicte foy a toutes graces et privileges quelzconques, a toute erreur et decepcion, a tous respiz, debaz et dispensacion impectrees ou a impettrer sur le respit de ses debtes paiez et a toutes opposicions et appellacions faictes ou a faire, et generallement a tout ce que, tant de fait comme de droit, lui pourroit aider et valoir aucun contre ces lettres et le contenu en icelles. Et aussi est assavoir que en ce n’est pas comprins les soustenemens des chaussees dudit moulin, lesquelles, par le bail faisant, ledit debteur estoit et est tenu soustenir bien et convenablement et en la fin dudit temps les laissez en bon estat et convenable, lesquelles chaussees on dit de present estre en mauvais estat et n’ont peu avoir esté visitees pour raison des grans eaues qui y sont de present etc.
Dans la marge gauche : f.
