le logo Elec

L’année 1437 dans la pratique de Pierre Christofle, notaire du Châtelet d’Orléans

63 r° Jehan Poppin, vigneron, et Belon sa femme, parroissiens de Saint Jehan de Brayes lez Orleans, ladicte femme o l’auctorité etc., prenent a rente annuelle et perpetuelle pour touz jours de honnorable homme et discrept messire Guillaume Greslle, prebtre, chanoine de l’eglise monseigneur saint Aignen d’Orleans, qui leur baille, une maison couverte de tieulle ainsi comme elle se comporte et poursuit en jardin et autres choses avec ung arpent de terre ou environ et ung arpent de vigne ainsi comme tout se comporte et poursuit, que ledit messire Guillaume disoit avoir de son propre heritaige, assis et seant ou cloux de Charbonnieres en ladicte parroisse Saint Jehan de Braies, tenant a Jehan Bureau d’une part, a Jehan Boesson d’autre part et aux hoirs feux 1 1. Comprendre feu. Guillaume Baudry d’autre part, chargiez des 2 2. Suit reaus, biffé. cens et charges anciennes. A tenir pour vint quatre solz parisis, monnoye marc d’argent VII livres tournois, de rente chacun an, 63 v° a paier aux termes de Noel et de Saint Jehan Baptiste a chacun terme la moitié, premier terme commençant a la Saint Jehan Baptiste prochaine venant. Et par ce faisant seront tenuz lesdiz preneurs, leurs hoirs et aiens cause d’eulx de tenir et maintenir a touz jours lesdiz heritages en bon estat et convenable en maniere qu’ilz vaillent ladite rente de XXIIII solz parisis de rente. Obligent de chacune partie 3 3. Suit une lettre biffée. et renoncent, colx etc. C’est assavoir lesdiz preneurs paiez et ledit bailleur garantir etc.

Dans la marge gauche : ff
et au-dessous : Saint Euvertre