39
Ferme. — Jean Blecebois, vigneron, paroissien de Saint-Euverte, prend à rente, pour 59 ans de l’abbaye de Saint-Euverte, cinq quartiers de vigne situés dans la paroisse Saint-Marc, pour 8 s. p. par an et de la culture de la vigne.
63 v°Ledit jour de dimanche.
Jehan Bleceboys, vigneron, parroissien Saint Euvertre d’Orleans, prant a rante 1 1. Sic., ferme ou pension du jour des Brandons prochains venant jucques a cinquante neuf ans prochains aprés ensuivant des religieulx abbé et couvent de Saint Euvertre d’Orleans, qui lui baillent, cinq quartiers de vigne appellés 2 2. Le double « l » du mot est surmonté d’un signe d’abréviation alors que la terminaison ant a été biffée. la Pointe estant en une piece 64 r° et tout ce qui est en la piece seans sans riens oster ne parfaire, que lesdiz religieux ont et leur appartiennent, assis et seans ou cloux de Bellevoyes, parroisse Saint Marc lez Orleans, tenant a Jehan Moenet d’une part, a ung desert appartenant a l’eglise Saint Magloire que tient a present **** 3 3. Nom de la personne laissé en blanc. d’autre part, chargez de troys soulz ung denier obole parisis, tant pour cens que disme chacun an envers l’eglise Sainte Croix, lesquelx charges par ce faisant ledit preneur sera tenu paier chacun an ou nom desdiz religieulx abbé et couvent de Saint Euvertre et sans riens rabaptre de la rante cy dessoubz declairee. A tenir pour huit solz parisis, monnoie marc d’argent VII livres tournois et au dessoubz, de rente, ferme ou pencion chacun an, a paier au terme des Brandons, premier terme et paiement commençant des Brandons prochains venant en ung an. Et par ce faisant sera tenu et a promis ledit preneur de faire coultiver et labourer par chacun an lesdites vignes bien deuement et convenablement et en la fin dudit temps les lessez en aussi bon estat et convenable comme lesdiz cinq quartiers sont de present et mieulx, et paier avec ce du lur 4 4. Comprendre leur. toutes tailles d’eglise, de ville, de puis, de pavé et toutes autres subvencions quelxconques que l’en pourroit imposer sur lesdiz heritaiges, et en acquitter et garantir lesdiz religieux abbé et couvent et leurs successeurs et de renouveller ces presentes a chacune mutacion qui ce fera dedans ung an aprés ladite mutacion. Et s’ilz en sont deffaillans ou de paier ladite rente par deux ans ensuivans, en ce cas lesdiz religieux abbé et couvent pourront prandre et exploicter ledit leur 5 5. Sic pour leurdit. heritaige comme leur sans contredit et aussi.
Dans la marge gauche :
ff
et au-dessous :
Saint
Euvertre
